Alpa-viraam

Home
India
Vadodara
Alpa-viraam

અલ્પવિરામ - હિરણ્ય પંડ્યા પાઠકના વિચારવૃક્ષને છાંયડે | StoryTeller | Motivational Speaker | Blogger

07/12/2024

જો તમારા સપનાઓ પૂરા કરવાની દિશામાં, તમે ચાલી નથી શકતા, તો તે સપનાઓ માત્ર બારીમાંથી દેખાતા ચંદ્રમા જેવા જ રહે છે. એ ક્યારેય પૂરા નથી થઈ શકતા.

પણ કેટલાક લોકોની નિયતિ જ એવી હોતી હશે ને કે, સપનાઓ અધૂરા જ રહે. બાકી સપનાની દિશામાં દોડવું કોને ન ગમે ??

વિચારવા જેવી વાત..

07/12/2024

હૃદય અને બુદ્ધિના યુધ્ધમાં, કોનું સાંભળવું ??
.

06/12/2024

નવી વાત.. સાંભળો

01/12/2024

ભૂત, ભવિષ્ય અને વર્તમાન... આપણી પાસે સમયના આ ત્રણ પરિમાણ છે જેમાં આપણે સતત ઉપર નીચે કે આગળ પાછળ દોડતા રહીએ છીએ.

ભૂતકાળ ગમે તેટલો સારો કે સુખદ હોય કે દુઃખદ અને પીડાદાયક હોય, એ વીતી ગયેલો સમય છે, જે પાછો નહી ફરે. એટલે જ ભૂતકાળને બહુ યાદ કરતા રહેવાની કુટેવ કે ખરાબ આદત છોડવી જ પડે.
વહી ગયું તે ગયું.. જે હતું તે... પણ જીવન તો આગળ જ વધે છે, તો સમય સાથે આગળ વધતાં શીખીએ તો જ આજના દિવસમાં જીવી શકીએ.

ઘણા લોકોને, ભવિષ્યના ખોટા વિચારો અને પ્લાનિંગ કરતાં રહેવાનો પણ 1 રોગ લાગી જાય છે જેને આપણે ચિંતા કહીએ છીએ.
આવતીકાલે હું આમ કરી નાખીશ. આવતીકાલને આમ સુરક્ષિત કરી નાખું !! સતત જે ભવિષ્ય આવ્યું જ નથી, એની ચિંતામાં જીવવું, એ પણ યોગ્ય રસ્તો નથી જ.
હા ભવિષ્યનું આયોજન 40- 50% સુધી કરી શકાય છે, અને એ કરવું પણ જરૂરી છે, પણ 1 સત્ય એ પણ છે કે, કોઈ ગમે તેટલી હોંશિયાર વ્યક્તિ હોય, છતાં ભવિષ્ય વિશે 100% ખાત્રી કોઈને નથી.

તો હવે બચે છે આજનો દિવસ.
બસ આ આજ જ આપણી છે, સાચા અર્થમાં.
આજે કેમ જીવવું, આજે શું નિર્ણયો લેવા, એ જ આપણી આવતી કાલને, સુખી કે દુઃખી બનાવશે. તો આજે જાગૃત રહીને, શાંતિ અને સમજણ સાથે જીવો.
જે વ્યક્તિ આજમાં જીવતા શીખી જાય છે, એ જ સાચા અર્થમાં સુખી થઈને જીવી શકે છે.

આજે એવા કોઈ નિર્ણયો ન લેવા જે ફરી ભવિષ્યમાં, પસ્તાવા કે પીડાનું કારણ બને. એટલે આજના નિર્ણયોમાં, ભૂતકાળની ભૂલોમાંથી શીખેલા પાઠ ખાસ યાદ રાખવા કે જેથી ભવિષ્યમાં, એ જ ભૂલોનું પુનરાવર્તન ફરી ન થાય.

ભૂતકાળમાંથી શીખીને, વધુ સારું ભવિષ્ય બનાવો, પણ જીવો આજમાં, આ દિવસમાં, આ ક્ષણમાં..🌼

29/11/2024

જીવે છે બધાં પણ આત્મા જાગતો હોય, એવા જીવંત લોકો બહુ ઓછા છે.
બાકી મોટાભાગે તો આત્મા મરેલો અને ખાલી શરીર લઈને ફરતાં, મડદાઓ જ છે.

જેનો આત્મા જાગતો હોય, એવો વ્યક્તિ, એક હદ કરતાં વધારે સ્વાર્થી નથી થતો..આવા માણસાઈ ભરેલાં લોકો, કોઈ વ્યાજબી કારણો વગર, કોઈ બીજાને, પીડા પણ નથી આપી શકતા. કેમકે અંતરે બેઠેલો એ આતમ જ પરમાત્મા છે જે, ક્યારેય કોઈ સાચાને પીડા આપીને, આનંદ નથી પામતો.

પણ આજે કપટ, છેતરામણી, બીજાને હેરાન કરીને આનંદ લેવાની, વિકૃતતા વધતી જાય છે જે સાબિત કરે છે કે, મોટાભાગના લોકોનો, અંતરાત્મા મરી ગયો છે.

જેના અંતરે માણસાઈ નામનો પ્રકાશ નથી, એવા માણસો બહારથી ગમે તેટલાં સારા દેખાય, પણ અંતરે તો દાનવ જ છે !!!

28/11/2024

આપ ભલા તો જગ ભલા નથી થતું...
ઊલટું સારા અને સાચા જ, વધારે ડંડા ખાય છે, છેતરાય છે..ખોટા અને કપટી લોકો દ્વારા.

પણ છતાં સારા લોકો પોતાની સારાઈ નથી છોડી શકતાં અને ખોટા લોકો, પોતાની હલકાઈ નથી છોડી શકતાં !!!

21/11/2024

સમજવા જેવી વાત..

17/11/2024

વાંધાળા લોકોને, હું રોજ વિડીયો મુકું.. એમાં પણ વાંધા 😅😄😄

મેરી મરઝી 💯

17/11/2024

તમારા નકારાત્મક વિચારો, તમને રોગો આપશે 💯

16/11/2024

વિચારવા જેવી વાત..

12/11/2024

લગ્ન કરતાં પહેલાં, આ મુદ્દા પર ખાસ વાત કરવી..

12/11/2024

સાચી વાત, ખોટા લોકોને અથવા લાગુ પડતાં લોકોને, વાગશે જ 😄😄💯💯💯💯

06/11/2024

લાભ પાંચમ એટલે જીવનના પાંચ પ્રકારના લાભ.
આપણે બધા લાભ મળી જાય, આપણો ફાયદો થઈ જાય એ ચક્કરમાં જ પડેલા હોઈએ છીએ..
પણ લાભ કે ફાયદો પણ, યોગ્ય પ્રયત્નો વગર નથી મળતાં.

તો સહુથી પહેલા, પૂરતા અને યોગ્ય દિશામાં પ્રયત્નો કરતાં શીખો.
હવે જે મહેનત અને પ્રયત્નો કર્યાથી, લાભ મળતો થયો, એને સાચવતા કે એનું રક્ષણ કરતાં શીખવું પણ એટલું જ જરૂરી છે, કેમકે આજકાલ ચોરો વધી રહ્યાં છે.

આજે એવા લોકોની સંખ્યા વધતી જ જાય છે, કે જેમની નજર, બીજા મહેનત કરીને, જે પાક માટે તૈયારી કરે, તેને જ્યારે પાક ઉગે, ત્યારે વગર મહેનતે કેમ ચોરી લેવો.. બસ એ રાહ જોઈને જ બેઠાં હોય છે.
તો... તમારા મહેનતથી ઊભા કરેલા રૂપિયા અને સંબંધો.. બધાનું આવા ચોર લોકોથી રક્ષણ કરતાં શીખવું, આજના સમયમાં, બહુ જ જરૂરી બની જાય છે.

એટલે ભલા બનો, સારા બનો, પણ, તમારી ભલાઈનો કોઈ ફાયદો ઉઠાવી જાય, એવા મૂરખ ન બનતા 😄😄

03/11/2024

કવિ દલપતરામે બહુ સરસ કાવ્ય લખ્યું છે...
એક ઊંટ રસ્તાની બાજુ પર બેસીને, જેટલાં આવતાં જતાં પ્રાણીઓ હોય છે, દરેકમાં કંઈક ખોટ કે ખામી શોધીને, હસે છે.
છેલ્લે એક સમજદાર હાથી આવીને એને કહે છે કે, "બીજાના એક કે બે અંગમાં ખામી હશે, પણ તમારી જાતને જુઓ. તમારા તો અઢારે અંગ વાંકા ચૂંકા છે !!"

બસ, બીજાની બહુ ભુલો કાઢનાર લોકો પણ આવા જ હોય છે.
સંબંધો ત્યારે જ જળવાઈ શકે જ્યારે આપણે બીજાની ભુલો ઓછી જોઈએ, અને બીજામાં જે સારું છે, એને પ્રેમથી અને મોટું મન રાખીને, આવકાર આપીએ.
જતું કરવું અને માફ કરીને, ભુલીને આગળ વધીએ, તો જ સંબંધો સચવાય છે. બાકી પોતાની એક પણ ભુલ જેને દેખાય નહીં અને આખા ગામમાં બીજાના વાંક બતાવતાં ફરે, એવા લોકો પછી છેલ્લે એકલાં પડીને રહી જાય છે.

માણસને, બીજા માણસની જરુર પડવાની જ છે, તો શા માટે, સહકાર અને પ્રેમથી ન રહેવું ??
વિચારજો, આ નવા વર્ષમાં...🪔

02/11/2024

વિક્રમ સંવત... આ કાળ ગણના, આજથી હજારો વર્ષ પહેલાં ઉજ્જૈનમાં થયેલા, પરાક્રમી સમ્રાટ, વિક્રમાદિત્યના નામ પરથી, શરૂ થઈ.
આજે કારતક મહિનાના સુદ પક્ષની પહેલી તિથિ એટલે કે એકમ. જ્યાંથી આપણે નવા વર્ષમાં પ્રવેશ કરીએ છીએ.

આમ તો નવું વર્ષ એટલે કંઈ જૂનું ભુલાતું નથી, પણ હા, જુનાનો ધીમે ધીમે, સ્વીકાર કરતા શીખવું અને સાથે જ, રોજ એક દિશા પ્રકાશ અને પ્રગતિ તરફ આગળ વધારવાની છે.

રાતોરાત કંઈ નથી બદલાતું પણ, રોજ રોજના યોગ્ય પ્રયત્નો, આવતી દિવાળી સુધીમાં, ઘણું પરીવર્તન ચોક્કસ લાવશે 🌼🌞🪔

01/11/2024

દિવાળી નો સાચો અર્થ જાણો 🪔

01/11/2024

નવી વાત.. સાંભળો 🌼

30/10/2024

કેટલું જીવ્યાં એ સાથે જ, કેવું જીવી ગયાં, એ પણ એટલું જ મહત્વનું છે.

તમે સો વર્ષ જીવો પણ બધાને હેરાન કરીને જીવ્યાં હો, તો ખરેખર તમારા આજુબાજુના લોકો જ, તમારાથી એટલાં ત્રાસી ગયાં હશે કે, એ લોકો તમારા મર્યા પછી મનમાં ખુશ થશે કે, "હાશ..બલા ગઈ !!"
પણ, એવું જીવવાનો શો અર્થ ??

જ્યારે ઘણાં લોકો, અને મોટાભાગે, બીજા માટે ઘસાઈને જનારા દીવા જેવા લોકો, આ પૃથ્વી છોડે ત્યારે હજારો લોકોના હ્રદયમાં એક ખાલીપો છોડી જાય છે કે, કેમ આ વ્યક્તિ ગુજરી ગયાં !!

માણસનું જીવન, બીજાને ઉપયોગી થવા માટે છે, પણ આજકાલ તો બધાં, પોતાના સ્વાર્થ માટે, બીજાનો ઉપયોગ કરી લેવામાં જ, મજા માને છે !!!
સુધરી જાઓ...😀😀🪔🪔🪔

Address

Vadodara

Website

https://www.youtube.com/@HiranyaPandyaPathak

Alerts

Be the first to know and let us send you an email when Alpa-viraam posts news and promotions. Your email address will not be used for any other purpose, and you can unsubscribe at any time.