Deccan Times

Deccan Times The Fastest Social Media Channel
Only Truth, Nothing Else
A Channel You Can Trust
Keep You Ahead Al

30/12/2025

Someone’s future wife.
Someone’s future mother.
Someone’s future daughter-in-law.

Aaj nasha bhi public mein,
tamasha bhi public mein.

Na khud ki parwah,
na saamne walon ki zindagi ki.
Road safety ko bhaad mein daal kar,
sirf reels ke liye sab kuch jaayaz.

Aaj “likes” aur “views” ke liye
traffic rules, sharam aur zimmedari —
sab side mein.

Aur kal jab koi haadsa ho,
jab kisi ki jaan jaaye,
tab yahi awaaz aayegi:
“Society unsafe ho gayi hai.”

Society tab unsafe nahi hoti,
jab sadkein kharaab hoti hain —
society tab unsafe hoti hai,
jab zimmedari mar jaati hai.

Umrah Ke Naam Par Fraad Ka IlzaamSharikh Ali se mutalliq ek serious ilzaam saamne aaya hai, j**mein kaha ja raha hai ke ...
29/12/2025

Umrah Ke Naam Par Fraad Ka Ilzaam

Sharikh Ali se mutalliq ek serious ilzaam saamne aaya hai, j**mein kaha ja raha hai ke Jeelani Tours & Travels, Hyderabad ziyarat-e-muqaddasa aur Umrah ke naam par logon se kabeer raqam wasool kar ke dhokha-dahi kar raha hai.
Dawaa ki ja rahi hai ke Iraq ke muqaddas maqamaat ki ziyarat karwane ke bahane kai aashiqan-e-awliya se paise liye gaye, lekin baad mein na safar hua aur na hi raqam wapas ki gayi. Ba-wasooq zaraaye ke hawale se kaha ja raha hai ke Sharikh Ali par Iraq mein bhi pehle fraad ke cases rahe hain, jis wajah se woh wahan dakhil nahi ho sakta. Iraq ke saath-saath Hyderabad aur Bengaluru ke kuch log bhi is dhokhe ka shikar hone ka daawa kar rahe hain.
Yeh bhi kaha ja raha hai ke Telangana, Andhra Pradesh, Karnataka aur Maharashtra ke kuch mushtaqeen-e-ziyarat ko bhi is fraad ka nuksaan uthana pada. Ilzaam yeh bhi hai ke Hyderabad ka office band kar diya gaya hai, jabke ab Madina Sharif mein rehte hue Umrah ke aazmeen ko bhi thagne ka daawa kiya ja raha hai.
Mutasir afraad se appeal ki ja rahi hai ke
👉 Comments mein apna phone number aur di hui raqam ka zikr karein,
taake tamam mutasir log ek jagah jama ho saken.
Dawaa yeh bhi hai ke qareebi mustaqbil mein ek press conference ke zariye in ilzamaat ko awaam ke saamne rakha jayega aur Saudi Embassy se rujoo ho kar qanooni karwai ki jayegi.
👉 Awaam se appeal hai ke jab tak haqaiq wazeh na ho jaayen, aise agents aur tours operators se intehai ehtiyaat bartein.
Note: Yeh khabar aur ilzamaat mutasir afraad aur zaraaye ke hawale se pesh ki ja rahi hain. Qanooni faisla mutalliq authorities aur adalat ke zariye hi hoga.




27/12/2025

T Raja Singh Par Hindu–Muslim Dange Bhadkane Ka Ilzaam
Delhi Meeting Ka Video Viral

BJP MLA T Raja Singh par Hindu aur Muslim communities ke darmiyan bade paimane par clashes bhadkane ki sazish rachne ka serious ilzaam laga hai. Reports ke mutabiq, Delhi mein hui ek meeting ke dauran Raja Singh ne behad bhadkau bayan diye.

Ilzaam hai ke Raja Singh ne Hindutva activists ko “guerrilla warfare” style mein jang ki taiyari karne ki baat kahi aur aise logon ko seedha unse contact karne ki appeal ki. In bayanaat ko samaj mein nafrat aur tashaddud bhadkane wala qarar diya ja raha hai.

Is meeting ka video social media par tezi se viral ho raha hai, jiske baad siyasi aur samaji halqon mein sakht reactions dekhne ko mil rahe hain. Opposition leaders aur civil rights groups ne in bayanaat ki muzammat karte hue kaha hai ke yeh qaumi ekta aur aman ke liye khatra hain.

Abhi tak is maamle par authorities ki taraf se koi official bayan saamne nahi aaya hai, lekin viral video ne controversy ko aur zyada hawa de di hai.

Grand Opening of Shahran Kebab’s @ Jubilee Hills on Sunday at 1pm MLA Malakpet Ahmed Balala Sahab will inaugurate.Jubile...
27/12/2025

Grand Opening of Shahran Kebab’s @ Jubilee Hills on Sunday at 1pm
MLA Malakpet Ahmed Balala Sahab will inaugurate.

Jubilee Hills Mein Shahran Kebab’s Ka Shandar Aaghaz, MLA Ahmed Balala Sahab Karenge Iftitah

Hyderabad: Jubilee Hills mein Shahran Kebab’s ka grand opening itwaar (Sunday) ko dopehar 1 baje hone ja raha hai. Is mauqe par Malakpet ke MLA Ahmed Balala Sahab khas taur par shirkat karenge aur outlet ka baqaida iftitah anjaam denge.

Naye outlet ke zariye Jubilee Hills ke logon ko lazeez kebabs aur mukhtalif qism ke special dishes ek hi jagah par dastiyab hongi.

Opening ceremony mein mukhtalif muazziz mehmanon aur shehar ki mashhoor shakhsiyaton ki shirkat bhi mutawaqqa hai.

Hashtags:



26/12/2025

Haat Ki Safayi

Function hall Mein Chori Ki Vardaaton Mein Izafa

Shehar mein chori ki vardaaton mein izafa dekha ja raha hai.
Kal raat Bandlaguda ke Mannat Palace Function Hall mein shirkat ke bahane purse 👜 chori karke namaloom afraad faraar ho gaye.
Purse mein ₹60,000 cash aur ek mobile phone maujood tha.
Yeh poora waqia CCTV mein qaed hua hai.
Agar koi bhi in logon ko pehchanta ho to fori taur par Bandlaguda Police ko ittila de.
Function halls choron ke nishane par hain.
Badi daawaton mein ladies section mein jaakar chori ki ja rahi hai.
Awaam se guzarish hai ke hoshiyaar rahein.
Bandlaguda ke ilaake mein Mannat Palace Function Hall se 2 namaloom khawateen chor bag chori karke faraar ho gayeen.
Bag mein ₹60,000 cash aur mobile phone tha.

24/12/2025

Aakhri Saanson Tak Azaan…
Masjid-e-Nabawi Ke Mu’azzin Shaykh Faisal Nu’man Ka Ruhani Manzar

Masjid-e-Nabawi ke marhoom mu’azzin, Shaykh Faisal Nu’man (rahmatullahi alaih), ne apni zindagi ke aakhri lamhon tak Adhan se apna rishta qaim rakha. Wafat se pehle, bistar-e-marz par bhi unki zubaan par halki si awaaz mein Adhan thi — ek aisa manzar jo unki poori zindagi ki ibadat aur khidmat ka khubsurat khaka pesh karta hai.

Madinah ke logon ke liye unki awaaz sirf namaz ke waqt ka elaan nahi thi, balki sukoon, itminaan aur roohani tasalli ka zariya thi. Yeh awaaz saalon tak logon ki zindagi ka hissa rahi aur hamesha unke dilon mein zinda rahegi.

Allah Ta’ala se dua hai ke un par apni rehmat nazil farmaye, unke darjaat buland kare aur unki khidmat ko qabool farmaye. Ameen.


24/12/2025

“I Love Mohammad” kehne par girftar
SP MLA Ragini Sonkar ne Assembly mein uthaya sawal

Lucknow:
Samajwadi Party ki legislator Dr. Ragini Sonkar ne Assembly mein Vande Mataram ke debate ke dauran sakht sawal uthaya ke kyun bachche “I Love Mohammad” kehne par arrest ho rahe hain, jabki “I Love Jai Shri Krishna,” “I Love Jesus,” ya “I Love Waheguru” kehna aam taur par manzoor hai.

MLA ne kaha, “Yeh deal khoon ke mol par mili thi… Bhagat Singh jaise veeron ke liye maaon ne goli khayi, betiyon aur putron ko fansi mili… phir bhi aaj bachche bas apni bhakti vyakt karne par qaid ho ja rahe hain.”

Unhone yeh bhi poocha ki kya is tarah ka religious discrimination sach mein Vande Mataram ke asli matlab aur spirit ko dikhata hai? Ragini Sonkar ne Assembly mein garam debate ke dauran yeh sawal uthakar dhyan khinch liya aur prashasan par accountability ka dabav dala.

MLA ke is bayan ne religious equality aur bachchon ke adhikar ke mudde ko dobara samne laya, aur ye sawal uthaya ki kya har dharm ke prati izzat aur pyar vyakt karna sahi taur par allowed hai ya nahi.








23/12/2025

khawateen ko apni azaadi ke saath apni izzat ka bhi khayal rakhna chahiye.
“Wearing Clothes to Make Private Parts Visible Is Not Beauty”: Actor Shivaji

Hyderabad: Film actor Shivaji ke khawateen ke dressing style par diye gaye bayan ne ek naya behas chhed diya hai. Shivaji ne apni baat rakhte hue kaha ke asal khoobsurti haya, tehzeeb aur saadgi mein hoti hai, na ke j**mani numaish mein. Unke mutabiq, saree jaisa libaas izzat aur waqar ki pehchan hai, jabke zyada revealing kapdon ko woh beauty ka paimana nahi samajhte.

Actor Shivaji ne kaha ke aksar society mein dohra rawaiya dekhne ko milta hai—log zahiri taur par taaliyan bajate hain, lekin andar hi andar tanqeed bhi karte hain. Unhon ne yeh baat zor de kar kahi ke khawateen ko apni azaadi ke saath apni hifazat aur izzat ka bhi khayal rakhna chahiye.

Is bayan ke baad social media par mukhtalif raye samne aayi hain.
Baaz logon ne Shivaji ki baat ko sanskriti, riwaayat aur values ke hawale se durust qarar diya aur kaha ke aaj ke daur mein aisi baatein karna zaroori hai. Wahi kuch logon ne is par aiteraz bhi kiya aur kaha ke dressing ka faisla har fard ka zaati haq hona chahiye.

Kul mila kar, yeh bayan ek sabaq amooz guftagu ko janam de raha hai—jahan ek taraf values aur sanskaar ki baat ho rahi hai, wahi doosri taraf individual choice par bhi charcha ho rahi hai. Yeh behas is baat ki yaad dehani hai ke ikhtilaf ke bawajood, guftagu ikhlaq aur ehteram ke daayre mein rehni chahiye.







20/12/2025

Ahmedabad Mein Traffic Police Ki Zyadti
Khatoon Par Thappad Ka Video Viral

Ahmedabad ke Paldi area se traffic police ki zyadti ka ek waqia samne aaya hai, jahan ek traffic police jawan ne do-pahiya sawar khatoon ke saath bad-sulooki aur maar-peet ki. Yeh waqia Jumma, 19 tareekh ki shaam ka bataya ja raha hai.

Maloomat ke mutabiq, khatoon ne jab police jawan se ID card dikhane ko kaha, to ID uske haath se phisal kar sadak par gir gayi. Isi baat par police jawan ne ghusse mein aakar khatoon ko zor se thappad mara, jis se uski aankh ke paas se khoon behne laga. Is poore waqia ka video social media par tezi se viral ho gaya.

Video viral hone ke baad Ahmedabad Police Commissioner G.S. Malik ne maamle ka notice liya aur sakht action lene ke nirdesh diye. Khatoon ki shikayat darj ki ja rahi hai aur maamle ki jaanch jaari hai.

Is waqia ke baad police ke rawaiye aur khawateen ki hifazat par serious sawalat uth rahe hain.








18/12/2025

“Papa… Papa…” Shaheed Jawan Ki Beti Ki Pukaar Ne Har Dil Rula Diya

Is se zyada dardnaak, jazbati aur rongte kharay kar dene wala manzar shayad hi koi ho. Jab SOG jawan Amjad Khan, jo mulk ke liye apni jaan qurban kar gaye, ka j**m jab ghar pohncha, to unki aik saal ki masoom beti unhein dekh kar zor zor se pukarne lagi —
“Papa… Papa…”

Masoom bachchi ko kya maloom tha ke jise woh awaaz de rahi hai, woh ab kabhi jawab nahi dega. Yeh manzar dekh kar ghar walon, padosiyon aur maujood afraad ki aankhen ashkon se bhar aayin. Har shakhs ka dil kaanp utha.

Jammu & Kashmir ke Udhampur mein forest operation ke dauran dehshatgardon se ladte hue SOG jawan Amjad Ali Khan ne farz ki adaigi mein shahadat paayi. Unki shahadat par District Police Lines, Udhampur mein wreath laying ceremony ka ehtimaam kiya gaya, jahan afsaraan aur jawanon ne khamoshi aur aansuon ke saath unhein aakhri salaam pesh kiya.

Yeh tasveer, yeh video, yeh awaaz —
“Papa… Papa…”
un tamam logon ke liye aik sawal hai jo dehshatgardi ko justify karte hain ya Pakistan se baat-cheet ki himayat karte hain. Shayad yeh manzar unke zameer ko jaga de.

Aik jawan shaheed ho gaya,
aik biwi ujarr gayi,
aur aik masoom bachchi zindagi bhar apne baap ki kami ke saath jeene par majboor ho gayi.

Salam hai shaheed Amjad Khan ko…
Aap ki qurbani ko yeh mulk kabhi nahi bhool sakta. 🇮🇳💔





My Selfie with Messi in uppal Stedium Hyderabad
17/12/2025

My Selfie with Messi in uppal Stedium Hyderabad













Address

Mehdipatnam
Hyderabad

Telephone

+918686361015

Website

Alerts

Be the first to know and let us send you an email when Deccan Times posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Deccan Times:

Shortcuts

Share