29/11/2023
ਮੈਂ ਹਮੇਸਾਂ ਚੰਗੇ ਸਿਨੇਮਾ ਦੇ ਹੱਕ 'ਚ ਖੜਦਾ ਹਾਂ ਬੇਸ਼ੱਕ ਤੁਸੀਂ ਮੇਰੇ ਸਿਨੇਮਾ ਨੂੰ ਚੰਗਾ ਸਮਝੋ ਜਾਂ ਨਾ , ਬੇਸ਼ੱਕ ਕੋਈ ਮੇਰੇ ਹੱਕ 'ਚ ਖੜੇ ਜਾਂ ਨਾ ਪਰ ਮੈਂ ਆਪਣੇ ਪੱਧਰ ਤੋਂ ਡਿੱਗ ਨਹੀਂ ਸਕਦਾ । ਮੇਰੇ ਲਈ ਫਿਲਮ ਵਿਅਕਤੀ ਅਤੇ ਵਿਅਕਤੀਆਂ ਦੇ ਸਮੂਹ ਤੋਂ ਵੱਡੀ ਹੈ , ਮੇਰੇ ਲਈ ਫਿਲਮ ਨੂੰ ਪਿਆਰ ਕਰਨਾ ਇਬਾਦਤ ਕਰਨ ਵਰਗੀ ਗੱਲ ਹੈ । ਸਿਨੇਮਾ ਮੇਰੇ ਲਈ ਮਨਪ੍ਰਚਾਵੇ ਤੋਂ ਕਿਤੇ ਵੱਡਾ ਹੈ , ਸਿਨੇਮਾ ਮੇਰੇ ਲਈ ਕਲਾ ਦਾ ਸਿਖਰਲਾ ਰੂਪ ਅਤੇ ਬਹੁਤ ਸਾਰੀਆਂ ਸੂਖਮ ਕਲਾਵਾਂ ਦਾ ਸੁਮੇਲ ਹੈ । ਮੈਨੂੰ ਇਹ ਗੱਲ ਸੋਚ ਕੇ ਹੀ ਸੁਆਦ ਆ ਜਾਂਦਾ ਹੈ ਕਿ ਮੈਂ ਇੱਕ ਫਿਲਮਕਾਰ ਹਾਂ ਬੇਸ਼ੱਕ ਕਿਹੋ ਜਿਹਾ ਵੀ ਹਾਂ ਪਰ ਮੇਰਾ ਸੁਫਨਾ ਸੀ ਫਿਲਮਕਾਰ ਬਣਨਾ ਅਤੇ ਅੱਜ ਉਹ ਸੁਫਨਾ ਸੱਚ ਹੋ ਗਿਆ ਹੈ , ਵਾਹਿਗੁਰੂ ਦਾ ਲੱਖ ਲੱਖ ਸੁਕਰ ਹੈ ! " ਗਲੀ ਨੰਬਰ ਕੋਈ ਨਹੀਂ " ਮੇਰੇ ਸੁਪਨਿਆਂ ਦੀ ਪੀਂਘ ਦਾ ਅਗਲਾ ਹੁਲਾਰਾ ਹੈ , ਵਾਹਿਗੁਰੂ ਮੇਰੇ ਅੰਗ ਸੰਗ ਸਹਾਈ ਹੋਣ ! ਤੁਸੀਂ ਸਾਰੇ ਵੀ ਮੇਰਾ ਓਨਾਂ ਸਾਥ ਜ਼ਰੂਰ ਦਿਓ ਜਿੰਨਾਂ ਤੁਸੀਂ ਦੇ ਸਕਦੇ ਹੋ , ਤਹਿ ਦਿਲੋਂ ਧੰਨਵਾਦ !
-Ammardeep Singh Gill