17/05/2023
હવે ફેબિયન વાવાઝોડું આવી રહ્યું છે, જાણો કેટલો ખતરો?:બીજી તરફ મોકાના કારણે બંગાળમાં 9, મ્યાનમારમાં 80થી વધુના મોત.
દક્ષિણ હિંદ મહાસાગરમાં ખૂબ જ શક્તિશાળી ફેબિયન વાવાઝોડાએ દસ્તક આપી છે. તે ઝડપથી દક્ષિણ હિંદ મહાસાગરના કિનારાની તરફ આગળ વધી રહ્યું છે. જેને લઈને હવામાન વિભાગે ચેતવણી જાહેર કરી દીધી છે..
હવે શક્તિશાળી ફેબિયન વાવાઝોડાનો ખતરો
દક્ષિણ હિંદ મહાસાગરમાં ઝડપથી વધી રહ્યું છે આગળ
હવામાન વિભાગે જાહેર કરી ચેતવણી
મ્યાનમારના દરિયાકાંઠે જોરદાર ટક્કર બાદ સોમવારે મોકા વાવાઝોડું પશ્ચિમ બંગાળ અને મિઝોરમ સુધી પહોંચ્યું. આનાથી ભારે પવન અને વાવાઝોડાની સાથે ખાબકેલા વરસાદના કારણે અનેક વૃક્ષો, મકાનો અને થાંભલા ધરાશાયી થયા. આ દરમિયાન કોલકાતા સહિત બંગાળના અન્ય ઘણા જિલ્લામાં કુલ 9 લોકોના મોતના સમાચાર છે. તો બીજી બાજુ મિઝોરમમાં લગભગ 250 મકાનોને નુકસાન થયું છે. અધિકારીઓના જણાવ્યા અનુસાર, રાજ્યોના લગભગ 6,000 લોકો તોફાનથી પ્રભાવિત થયા છે. મોકા વાવાઝોડું તબાહી મચાવી રહ્યું છે. ત્યાં હવે ફેબિયન વાવાઝોડાએ ચિંતા વધારી દીધી છે.
STORM FABIAN INDIAN OCEAN #ફેબિયન #વાવાઝોડું વાવાઝોડાનો ખતરો MOCHA BENGAL