30/06/2023
নমস্কাৰ। বিগত ৪০ টা বছৰে আপোনালোকে এন কে প্ৰডাকচনক যিমানখিনি সঁহাৰি তথা আশীৰ্বাদ দিলে, তাৰ বাবে মই সকলোকে ধন্যবাদ জ্ঞাপন কৰিছোঁ৷ বিগত চাৰিটা দশকত আমি অসমৰ সাংস্কৃতিক জগতখনৰ বাবে কি কৰি আহিছোঁ সেয়া আপোনালোকে বিচাৰ কৰিব৷ কিন্তু এটা কথা ক'বই লাগিব যে আমি সদায় নতুনক প্ৰাধান্য দি আহিছোঁ৷ বহু নতুন প্ৰতিভাই আমাৰ সৈতে কাম কৰি আজি নিজকে প্ৰতিষ্ঠা কৰোৱাবলৈ সক্ষম হৈছে৷ এইবাৰো আমি দীৰ্ঘদিনৰ পাছত 'দ্য শ্লেমবুকৰ জৰিয়তে এহাল নতুন ল'ৰা-ছোৱালীক লৈ ছবিখনি নিৰ্মাণ কৰিছোঁ৷ এন কে প্ৰডাকচনে আজিলৈকে আপোনালোকৰ আশীৰ্বাদত সফলতাৰে খোজ দি আহিছে৷ এইবাৰো আপোনালোকক কথা দিছো যে 'দ্য স্লেমবুক' চাই আপোনালোকে মনোৰঞ্জনৰ খোৰাক পাব৷ সেয়ে এন কে প্ৰডাকচনৰ পূৰ্বৰ কামবোৰত আপোনালোকে যি সঁহাৰি দিছিল, এইবাৰো আমাক সঁহাৰি তথা আশীৰ্বাদ দিব বুলি আশা কৰিছোঁ৷ ধন্যবাদেৰে- দেৱ বৰকটকী
এন কে প্ৰডাকচন
