Mollywood Stories

08/08/2023

സംവിധായകന്‍ സിദ്ദിഖ് അന്തരിച്ചു. ഹൃദയാഘാതത്തെ തുടർന്ന് ഗുരുതരാവസ്ഥയിൽ ആയിരുന്നു.

01/02/2023

❤️‍🔥

04/01/2023

നടൻ നിവിൻ പോളിയുടെ ട്രാൻസ്ഫർമേഷൻ ചിത്രങ്ങളാണ് സമൂഹമാധ്യമങ്ങളിൽ തരംഗമാകുന്നത്. കുറച്ചു നാളുകളായി ശരീര വണ്ണത്തിന്റെ പേരിൽ വലിയ രീതിയിൽ വിമർശിക്കപ്പെടുന്ന താരത്തിന്റെ തിരിച്ചുവരവ് ആരാധകരും ആഘോഷമാക്കുകയാണ്. ഹനീഫ് അദേനി സംവിധാനം ചെയ്യുന്ന ബിഗ് ബജറ്റ് ചിത്രത്തിനു വേണ്ടിയാണ് നിവിന്റെ രൂപമാറ്റമെന്നാണ് റിപ്പോർട്ട്.ഏകദേശം രണ്ട് മാസം കൊണ്ടാണ് അദ്ദേഹം വണ്ണം കുറച്ചതെന്നതും പ്രശംസനീയം. ഏറെ നാളുകളായി കുടുംബത്തിനൊപ്പം ദുബായിലായിരുന്ന താരം കഴിഞ്ഞ ദിവസമാണ് കേരളത്തിൽ തിരിച്ചെത്തിയത്.

02/01/2023

ഒമര്‍ ലുലു സംവിധാനം ചെയ്ത നല്ല സമയം എന്ന സിനിമ തിയേറ്ററില്‍നിന്ന് പിന്‍വലിച്ചു. ഒമര്‍ ലുലു തന്നെയാണ് വിവരം സ്ഥിരീകരിച്ചത്. ബാക്കി കാര്യങ്ങള്‍ കോടതി വിധി അനുസരിച്ച് തീരുമാനിക്കുമെന്നും അദ്ദേഹം കൂട്ടിച്ചേര്‍ത്തു. നല്ല സമയം എന്ന സിനിമയുടെ ട്രെയിലറിൽ എംഡിഎംഎയുടെ ഉപയോഗം പ്രോത്സാഹിപ്പിക്കുന്നു എന്ന് കാണിച്ച് എക്സൈസ് വകുപ്പ് കേസ് എടുത്തിരുന്നു. സംവിധായകന്‍, നിര്‍മാതാവ് എന്നിവര്‍ക്കെതിരെയാണ് എക്‌സൈസ് കേസെടുത്തത്. ട്രെയിലറില്‍ ലഹരി വസ്തുക്കളുടെ ഉപയോഗം ഉള്‍പ്പെടുത്തിയതാണ് കേസിനാധാരം.Omar Lulu

09/12/2022

സിംഗപ്പൂരില്‍ നടന്ന ഏഷ്യന്‍ അക്കാദമി അവാര്‍ഡ് 2022 ല്‍ മികച്ച സംവിധായകനുള്ള പുരസ്‌കാരം ബേസില്‍ ജോസഫിന് ലഭിച്ചു. മിന്നല്‍ മുരളി എന്ന സിനിമക്കാണ് പുരസ്‌കാരം ലഭിച്ചത്. പതിനാറ് രാജ്യങ്ങളാണ് പുരസ്‌കാരത്തിന് വേണ്ടി മത്സരിച്ചത്. നടനും സംവിധായകനുമായ ബേസില്‍ ജോസഫ് തന്റെ ഇന്‍സ്റ്റഗ്രാം പേജിലൂടെയാണ് ഈ സന്തോഷവാര്‍ത്ത അറിയിച്ചത്

28/11/2022

നടി മഞ്ജിമ മോഹനും നടൻ ഗൗതം കാർത്തിക്കും തമ്മിൽ വിവാഹിതരായി. അടുത്ത ബന്ധുക്കളുടെയും

സുഹൃത്തുക്കളുടെയും സാന്നിധ്യത്തിൽ ചെന്നൈയിൽ വെച്ചായിരുന്നു വിവാഹം. സംവിധായകൻ ഗൗതം മേനോൻ, മണിരത്നം, താരങ്ങളായ ആർ കെ സുരേഷ്, വിക്രം പ്രഭു, ഐശ്വര്യ രജനികാന്ത്, നിക്കി ഗൽറാണി, അശോക് സെൽവൻ, ആദി തുടങ്ങി നിരവധി പ്രമുഖർ ചടങ്ങിൽ പങ്കെടുത്തു. ഗൗതം കാർത്തിക്കുമായി പ്രണയത്തിലാണെന്നും വിവാഹിതരാകാൻ പോകുന്നുവെന്നും കഴിഞ്ഞ മാസമാണ് മഞ്ജിമ സോഷ്യൽ മീഡിയയിൽ പങ്ക് വെച്ചത്. 'ദേവരാട്ടം' എന്ന സിനിമയുടെ

ചിത്രീകരണത്തിനിടെയാണ് ഇരുവരും പ്രണയത്തിലാകുന്നത്. 'കളിയൂഞ്ഞാൽ' എന്ന ചിത്രത്തിലൂടെ ബാലതാരമായി എത്തിയ മഞ്ജിമ പ്രശസ്ത ഛായാഗ്രാഹകൻ വിപിൻ മോഹന്റെയും നർത്തകി കലാമണ്ഡലം ഗിരിജയുടെയും മകളാണ്. മണിരത്നം സംവിധാനം ചെയ്ത 'കടലി'ലൂടെയാണ് ഗൗതം കാർത്തിക് അഭിനയരംഗത്തേക്ക് എത്തുന്നത്.

27/11/2022

അഭിമുഖത്തിനിടെ അവതാരകയെ അസഭ്യം പറഞ്ഞ പരാതിയിൽ നടൻ ശ്രീനാഥ് ഭാസിക്ക് ഏർപ്പെടുത്തിയ വിലക്ക് പ്രൊഡ്യൂസേഴ്സ് അസോസിയേഷൻ പിൻവലിച്ചു. കേസ് നേരത്തെ ഒത്തുതീർപ്പാകുകയും പരാതിക്കാരിയായ പെൺകുട്ടി പരാതി പിൻവലിക്കുകയും ചെയ്തിരുന്നു. എന്നിട്ടും അസോസിയേഷൻ ഏർപ്പെടുത്തിയ വിലക്ക് തുടരുകയായിരുന്നു.

സിനിമാ പ്രമോഷൻ അഭിമുഖത്തിനിടെ നടന്ന സംഭവം ഏറെ വിവാദങ്ങൾക്കും ചർച്ചകൾ വഴിവച്ചിരുന്നു. പടച്ചോനേ ഇങ്ങള് കാത്തോളീ ആണ് അവസാനമായി പുറത്തിറങ്ങിയ ശ്രീനാഥ് ഭാസിയുടെ ചിത്രം. അദ്ദേഹത്തിന്റെ ഒരുപിടി ചിത്രങ്ങൾ അണിയറയിലൊരുങ്ങുകയാണ്. ഇതിനിടെയാണ് ആശ്വാസമായി വിലക്ക് നീക്കൽ തീരുമാനം വന്നത്.

16/09/2022

02/09/2022