18/07/2023
സൂര്യൻ അസ്തമിച്ചു . ഉമ്മൻ ചാണ്ടി സർ പകരം വെയ്ക്കാനില്ലാത്ത ജന നായകൻ. 2006 മുതൽ 2011 വരെ ശമ്പളമില്ലാതെ ജോലി ചെയ്ത് കൊണ്ടിരുന്ന കാലത്ത് നിയമന അംഗീകാരവുമായ് ബന്ധപ്പെട്ട് മുട്ടാത്ത ഒരു വാതിലു പോലും ഉണ്ടായിട്ടില്ല. പല ഇടങ്ങളിൽ നിന്നും അവഹേളനങ്ങളും, പരിഹാസങ്ങളും ഏറ്റ് മടങ്ങേണ്ടി വന്നപ്പോൾ ആത്മവിശ്വാസം പകരുന്ന നിറ ചിരിയുമായ് മുന്നിൽ തോൾ ചേർത്തു നിർത്തിയ ഒരേ ഒരു നേതാവ്. അദ്ദേഹവുമായി നിയമനാംഗീകാരവുമായി ബന്ധപ്പെട്ട പ്രശനവുമായി നിരവധി തവണ പലപ്പോഴായി കണ്ടുമുട്ടി സംസാരിക്കുകയുണ്ടായി .അപ്പോഴൊക്കെ ഹൃദ്യമായ ആ പുഞ്ചിരി പോലും ഞങ്ങൾക്കു തന്നത് ശുഭപ്രതീക്ഷയായിരുന്നു. അത് യാഥാർത്ഥ്യമാക്കും വിധം 2011 ൽ മുഖ്യമന്ത്രിയായി അധികാരമേറ്റ് മാസങ്ങൾക്കകം അധ്യാപക പാക്കേജിലൂടെ ഞാൻ ഉൾപ്പെടെയുള്ള പതിനായിരക്കണക്കിന് അധ്യാപകരുടെ കണ്ണീരൊപ്പിയ മഹത്തായ ആ ഹൃദയത്തിനുടമയെ എങ്ങനെ മറക്കാൻ ? ജീവന്റെ തുടിപ്പുള്ളിടത്തോളം കാലമുണ്ടാകുമാമുഖം നിറദീപമായെന്നും. ആദരാഞ്ജലികൾ🌹🌹🌹🌹🌹🌹
