28/07/2024
*PATHIAN PEKMI MIPHUN*
_(Lai Bible) - An Pathian ah BAWIPA a simi miphun cu lunglawmmi miphun an si, BAWIPA nih a mi ah a thimmi hna cu lunglawmmi an si._ *SALM 33:12*
_(Mizo Bible) - LALPA Pathian a nei hnam chu an eng a thawl e; Ama rochana a thlan mite chu._ *SAM 33:12*
*Biahmaitri ;-*
```A hmaisa bikah nan zaa te in, k*t kan tlaih hna, hi caa tial hi, zaangfah nak in a dihlak in rel khawh rak ka zuam piak cio u tiin kan vun nawl hmasa duhhna.```
```Biatlangtar i, Bible caa ka vun tial mi hi, kapkhat lei hawih in ka ruah tikah, ka lungchung ah bia tampi a hung lut zuahmah, daite i umpi nak cun, tiin lungchung i bia a vun lut mi kan hromh ve duh hna, ruahzia relzia ka rak thiampiak uh tiin zangfah kan nawl hnasa duh hna.```
A hmaisa bikah ka Pathian hi a thatuk hring hran, kan biak kan Pathian nih hi vuleicung ah miphun dang cio in an kan ser i, holh phun dang dang an kan pek i cu lakah cun? kan nih zong Holh phundang te, miphun Laimiphun ah aa kan ser. Kan vaan a that bik nak cu "Autonomous" mah pumpak i tawlrel nak, miphun a tlau lo nak, mah le miphun le holh te in, Mizoram chung ah ramri aa kan ser piak hi kan van a tha tuk hringhran.
Cu hlan ah cun, kan theihnghalh cio bantuk in, LIKBK khrihfabu a rak dir loh kha mu, Missionary zong nih LIKBK an kan dirpiak loh kha, kan mah te in Pathian nih kan lungchung ah rian a tuan i, miphun dang Khrihfa bu tangin, Laimiphun caah tiin LIKBK Khrifa bu a rak kan dir piak i, kan mah le holh kan mahle miphun te in, Pathian nih thangthat a duh ruang ah a si hrim ko lai; Miphun Khrihfa an kan dirpi nak hi.
Cu caah cun, Pathian mi le hna, kanmah le holh te in Pathian thangthat le mah le holh te in, Pathian biachim kha heh tiin i zuam cio hna u sih.
Vuleicung ah miphun tampi kan um i, cu miphun vialte nih cun, miphun dang holh in Pathian an thangthat ka thei rih lo, kan mah Lai Miphun lawng lawng nih miphun dang holh in Pathian kan thangthat ko rua? Tiah ka ruah.
Laimi cu ramkip ah kan um hna i, cheukhat, Mizoram chung ah le, Myanmar, Bangladesh Ram chung kaa kip ah kan um cio hna, nain Mizoram chung Laimi kan van a that ngai nak tampi a um. Kan Lai hawi Myanmar lei khi zoh hna u sih, tu rambuai hlan ah khan, Anmah le Miphun holh Lai holh nak in, Miphun dang "Kawl" holh an uar deuh i, kawl holh in Pathian an thangthat nak zong tampi a um ve, si nain. Kan Biak kan Pathian nih Laimiphun thlau/thlau a sian lo caah le ram a that khawhnak caa le, Chinram kulh chung ah, mah le Miphun te in ram a dir khawh nak caah, ti in rambuai ah an chuak. Chin ramkulh chung ah Cozah cu Kawl holh viar a si khah mu, tu ah cun Pathian nih a mi le miphun an kan ser ning te in Chinram kulh chung ah Laimiphun chawisan a duh caah a si ko lai lo maw tiin fak piin kkhin ka ruat, ruat ve cio hna hmanh u.
Kan nih Mizoram chung zong ah, Laimiphun khrihfa bu, LIKBK an kan seo piak i l, a si nain, miphun an ka pek mi ning in Pathian hi kan thangthat kho maw? Zaapi nih cun kan thangthat kho lo, miphun dang holh i hlan in, Pathian kan thatthat nak a tam tuk rih.
Lairam, kan ram a dam kan duh cio ka zumh, Lairam ah Thiangthlarau harhnak biatak te in tlung seh kan ram hi dam seh law, thangcho chin seh ti a duh tu viar kan si cio hna zumh fawn.
Nain Miphun dang holh mar holh in Pathian kan chonhbiak i kan thangthat chung ah cun, kan ram ah thiangthlarau harhnak biatak te in a tlunkhawh ka zum set lo; Pathian leh kan lungchung i karlak cu phundang va si seh.
Kan unau Mizo/Hmar lei ah khin zei ruang ah dah harhnak ngan tak tak a tlun lengmang ngha i, zei ruang a dah thluachuah nak an tlinco i, zumhnak ah zong sih ah, harhnak tlingco zumhnak ah an thangcho chin lengmang ngha ti in mah pumpak te i ka zawndamh tikah, zei dang a si ka zum lo.
Mah le holh, Lushai(Mizo) holh te in le Pathian pek mi miphun ning te in khua an sa in, miphun holh te in Pathian an thangthat caah a siko lai eee tiah ka ruah.
Vuleicung ah, ei hmuar nak(ei rukna) tam nak bik, zawtnak tha lo "HIV, AID" tamnak zong kan siko, kan sual kan palh ngaiko bu khin, thluachuah nak an tlingco chin lengmang ko, Pathian pek mi harhnak zong an tling co cio, Pathian bia thiam, caa thiam mifim tampi le Speaker tha tha zong an tam nak bik a ruang cu, phundang pi a si ka zum lo, mah le miphun holh te in Pathian an thangthat cio caah Pathian nih a mi le a thim hna i, thluahchuah nak tampi a pek cio hna tiah ka ruah.
Cu ve bangin kan nih zong Pathian thim mi miphun kan si ve khawhnak ca le, a lunglawm mi miphun kan si cio khawh nak ngha, mah le holh te in Pathian kha thangthat i zuam cio hna u sih.
Kan khuatlang, kan ram, Lairam hi dam seh law thiangthlarau harhnak hi biatak te in tlung tak tak in tlingco ve cang hna u sih ti kan duh ah cun? Mah le miphun holh te in thla cam hna u sih, mah miphun holh le hla te in Pathian thangthat hna u sih.
Awikhat cu, Lawngtlai Thingkah ah Thiangthlarau harhnak a rak tlung khah mu, nain iah tuni tiang an thawngpang a dai ngha tiah ka ruah ah cun? Mah miphun holh hman lo nak khua an si caah a sikho ngha maw tiah ka ruah. A ruang cu, Mizo holh in thla kan cam ah hin, mizo miphun caah thluachuah kan hampiak khi a si. Cu caah cun pumpak cio nih heh tiin miphun holh te in Pathian thangthat le thlacam kha i zuam hna u sih law a lunglawm mi miphun kan si khawhnak ngha.
Pathian nih vawleicung ah, miphun dang te in Laimiphun an kan pek i, cu aa kan pek mi miphun zokhenh i kil veng ding ah, Young Lai Association (YLA) an kan pek, cun miphun holh te i amah kan thangthat i kan chonh biak khawh nak ngha, Lairam Isua Khrista Baptist Kohhran (LIKBK) Laimiphun khrihfa bu an kan dirh piak fawn, an kan dirh ning in, an kan ser ning te in Pathian kan thangthat maw? thla kan cam maw? Ti mi te kha ruat cio hna tuah hna u sih.
Cu si lo i, tu bantuk te i kan kal lengmang ah cun kan ram a dam kho lai lo i, thiangthlarau harhnak tak tak kan ramchung ah a tlung kho lai lo pin ah thluahchuah nak biatak te in ka tlingco cio kho hna lai lo. Speaker le Evangelism hna zong nih, Crusade, Camping an tuah tikah mah miphun holh te in tuah kho cio hna se law, kan ram hi biatak te in a dam lai cang.
Miphun kan sinak hi kan i fian/fiang lawng a herh ti lo i, bia tak te in kan nunpi kha a biapi ngai ngai cang.
Zumhnak ah kar hlang chin lengmang hna u sih, kan si khawh tawk in, kan aw kan thazaang dih lak chuah in Pathian ramrian tuan i zuam hna u sih. Kan ram chung ah harhnak tlung ve tak tak kho ding in pumpaak cio i zuam hna sih. Ram chu Bawipa ta a si i, a mi le kan si. Pathian nih nan zaa te in thlua in chuah hna seh law miphun holh in thangthat i zuam cio hna u sih. An Pathian ah Bawipa a si miphun cu a lunglawm mi miphun an si.
-Tluanga(fambawl)
