Fiakfairok (2025)

05/08/2024

With Popular Post – I just got recognised as one of their top fans! 🎉

29/05/2020

Taiwan Nih World Health Assembly Ah Itel An Duh Ahcun One China Policy Zul Hna Seh: Beijing
===========================================================================
Taiwan nih An President Tsai a voi 2nak an thim bak ah, US le Allies pawl nih World Health Assembly ah Taiwan itel ve hrimhrim dingin an ti hna.Beijing nih Washington cu Coronavirus kong ah Tension a san chin lengmang.
Taiwan nih coronavirus pandemic ruangah Non-WHO member sihmanhsehlaw, World Health Organization (WHO) Assembly ahhin tel ve hrimhrim an duh. An ram ah Coronavirus zawtnak a ngeimi an um ve tthiam fawn.

"Taiwan nih World Health Organization (WHO) Assembly ah tel ve an duh a si ahcun, One China Policy an zulh lawng ah an itel kho lai” ti cu China nawlchuahmi a si.

China’s Foreign Ministry nih Taiwan’s ruling Democratic Progressive Party hna nih, “one China” principle hi an zulh duh lo ahcun, Taiwan’s WHO participation hi "A tlau thai lai, zei tik hmanh ah a cang nolh ti lai lo” a ti diam.

Cu tikah Taiwan an i sum kho ti lo i an hun au colh ve. Taiwan Health Minister Chen Shih-chung, Taipei, news conference: Taiwan nihhin World Health Assembly ahhin sawmnak d**g lo hmanh usih law, itel dingin a si khawh chungin kan cawl tthiam lai.

United States, Japan, Canada etc hna nih Taiwan tel hrimhrim an duh. International politics buainak cu phun dang. Taiwan Deputy Foreign Minister Kelly Hsieh " Taiwan ram hruai hna nihhin WHA ah kan ram mipi pawl ai kan awh khawh. WHO ahhin politics cu hlonh in an kan telter kan zumh” an ti.

29/05/2020

China Taw Thling Za Dingin US Nih Bombers Phun 4, Europe Van Lai Ah An Helkualter Hna
=====================================================================
Indo Pacific Region le Europe pawngkam hrawng ah, US raltuknak vanlong ttihnung bik bombers pawl an helkualter hna. Nizan naite ahkhan Taiwan Strait raltuknak Lawng paltlang in a chawhter hoi.
US-China Coronavirus ruangah First Trade deal an sign cang mi zong zeitindah Trump nih a kalpi lai ti ruah lio ah Bomber's 3 hmang in van lai ah a zuanhnawh hna.

1.B-1B Lancer, Ellsworth Air Force Base ,South Dakota in 10,000 mile round-trip nei in a zuanter. Baltic region ah a ttum hoi lo.
2.Missouri in B-2 Spirit bombers, 2 leh B-52H Stratofortresses 2, North Dakota le Louisiana mi hna, continent-spanning sorties an nei tthan hoi. USAF hna nih hin Coronavirus pandemic an tuar a faktuk lio ah, raltuknak lei ah ai ready ning a langhternak a si.

B-1B Lancer, 28th Bomb Wing, Ellsworth Air Force Base, South Dakot hna nih Europe tiang phan in, Polish & Danish F-16 fighter jets hna nih hi long-range Bomber Task Force Mission hi an hun zulh ve.
2. B-2 Spirit bombers 2, Whiteman, Missouri le B-52H Stratofortresses Minot, North Dakota le B-52s, 2, Barksdale, Louisiana hna nih, US European Command in US raltuknak tilawng-Pacific Command umnak hmun tiang an zuang. China Taw thlingzat tawk hrawng in an zuanter hi a si.
USAF said: 'Despite the continued outbreak of COVID-19, we are committed to our mission in all domains (air, sea, land, space, cyber), and to the readiness of our allies and partners.

29/05/2020

Forbes Nih Vawleicung Ah Thilti Kho Bik Tiah An Thimmi Hna
================================================
1.Xi Jinping China Premier tu lio vawleipi nih an lawmh lo ngai mi a si. Vawleicung minung tambik nak hmun ah hruaitu Lubik a si. CCP Virus ngeitu pa an ti fawn.
2.Vladmir Putin, Russia President, KGB Spy haotu a si tawnmi, USSR a tluk khawh bakin Russia dirh tthantu le tu lio ah a dam chung zongzong hruaitu lubik si ai timmi Russia Constitution a thlennawn viar, US he ralchanh in khua a sa peng, China hawikom ttha a si fawn.
3.Donald Trump: Chim tam hau loin America President, Business Tycoon a si ciami, pa hrokual, chim mi a tuah colhmi, a fale a ram a daw ngaingai mi, American First a timi cu ruangah Democrats pawl nih an huat ngaingai mi, k*m chung bak thlak an timh nain an hlawh a tling lo.
4.Angela Merkel Germany hruaitu nu, hi nu thlen dingin Germany nih mi ttha, hruaitu dirhmun a ttuan khomi an hmu ti lo. US allies hlun, naite ahkhan Russia hackers hna nih a email an hack piak in a thin a hung ngaimi kha a si.
5Jeff Bezos Amazon ngeitu pa
6.Pope Francis Catholic Church hruaitu lubik
7.Bill Gates Bill & Melinda Gates Foundation neitu, Coronavirus vaccine an buaipui cuahmah.
8.Mohammed bin Salman Al Saud Saudi Arabia Crown Prince, a sual taktak mi le a rum ning khuaruahhar a simi a si.
9.Narendra Modi vawleicung Democracy lian birk changtu India Prime Minister tuan lio, 1.3 billion hruaitu, global leader lakah a lang sar ve mi, Xi Jiping le Donald Trump hna nih hmurka chia in an chawn ngam lomi.
10. Larry Page CEO Alphabet, 1998 Google's cofounder, Stanford Ph.D. student Sergey Brin.

29/05/2020

ISIS Nih Kabul, Maternity Hospital An Kah Hoi Hna, Nasem 2, Nu le Nurse 12 An Thi
=================================================================
ISIS pawl hi biatak deuh in nai cikua cu an cawlcang tthan. US President Donald Trump nih kan tei cang hna tiah a rak thanh nain nai cikua cu an konglam theih a hung sit than. ISIS pawl thil tuah hi cu fih a nung in huat a tlai kho tuk.

Taliban nih February thla ahkhan US he Peace Talk an ngei. Nihin thil cang ahhin kan itel lo tiah an chim. ISIS gun men 3 hna nihhin Police thuam in an i thuam i Maternity Hospital an luhhnawh hna hi a si.

A hramthok ahhin Gr***de in an cheh hmasa phawt hna. Hngakchia nausem 2, nu le nurse 12 hna hi direct in an thi colh. Minung 100 hrawng hika hmun hi an thiar chuah hna. Hmanthlak i na hmuh ning bang in ralkap hna nih nausem te pahnih cu an pom hna.

Hospital hi thissen in a luang dih. Hmun dang Eastern State Of Nangarhar ah Su***de Bomber hmangin Mithi vui lio ah thihcilh bomb in an tthuat hoi hna i minung 24 an thi i minung 68 an ihliam.

29/05/2020

China Nih A Sual A Chuah Chin Lengmang: Australia Nih Covid-19 Origin Hlathlai A Duh Ruang Ah China Nih Trade War A Hman Hnawh
=============================================================================================================
Australia cu US hawikom ttha a si ruangah a tuar ngaingai ve cang lai. Coronavirus a tuar hoi. China nih Barley ah 80% Tarriff cungah hrocernak a tuah hoi. Hi zong hi a di a riam rih lo i Beef supplier nganngan pa 4 an phih hoi rih lai.
Australia nihhin Beef a zuarnak ahhin $1billion annualy in a hmuh tawnnak a si. China hi Australia trade partner nganbik pakhat a si. Australia PM Scot Morrison nih US a bawmh i Coronavirus International Inquiry tuah dingin halnak a tuah ve ruangah China a thin a hung i hiti phihkhamnak a tuahnak hi a si.
Australia MP pakhat Liberal-Nationals backbencher George Christensen nihcun China cu a mawhphurh hna “China nih Bastard Act” an hman a ti. Full blown Trade War hi a kal taktak ko ahcun $153 Billion Export Market cu zeihmanh lo ah a cang lai.

Chinese Foreign Ministry spokesman Zhao Lijian nih Australia nih Coronavirus origin international inquiry tuah dingin halnak an tuahmi cu a van hrocer nolh hna "Nan theihthiam lai tiah kan zumh, Relationship ttha hi kan ngeih hmasat a hau”.
Coronavirus epidemic hi political manipulation ah hman ding a si lo. Australian launched inquiry hi kan theih cia viar a si. Virus a rak chuahnak hi specialists & scientistsm hmang lawng in hlathlai khawh a si. Bilateral relations tha duh ahcun upat hmaizahnak i ngeihtonh hmasa a herh. China hi cu China a si zungzal ti theih peng ding.

29/05/2020

Minung Tello Raldohnak Vanlawng Hna:By Salai Biak
===========================================
Alexander the Great te, Napoleon Bonaparte hna chan tiang ah vainam le rangtum thawng hmang in ral an rak tuk. Vulei pi a cul hmasatu hna Spanish, Dutch le Great Britain hna nih tilawng hmang in miakpi meithal le cehpuah he ral an tuk tik ah vainam cu an rak thlim khawh.

Vuleicung ralpi pakhatnak First World War 1918 ah khan Germany ram nih vulei pi a rak lauter bikmi cu A7V timi raldohnak tank kha a rak ser khawh i a rak hman hmasa bik. France le Germny cu vulei ralpi pakhatnak ah khan an hriam ttih a rak nung bik. Britian company Vickers zong nih 1915 ah aircraft hmang in meithal kah khawhnak ding cu heh tiah an rak test len. Raldohnak ah vanlawng an rak duh tuk. Van in bom le meikuan thlak lai ding cu an rak saduhthah ngai hna. World War 1nak a dih tik ah thathnemnak pakhat a tangmi cu Vanlawng serchuahnak hi asi. USA ah Wrights te unau nih vanlawng an ser thawkmi cu US Navy ralkap lei nih an mit arak thi cawlh.

Milu 73 millions leng an rak thihnak vulei cung ralpi 2nak cu September 1939 in 1945 tiang a rak rau i, World War 1nk ah an rak hman khawh lomi aircraft vanlawng, fighter jets le nuclear bomb a phurmi vanlawng tiang an ser chuah j, USA cu top ah an rak i chuah. Ralpi 2nak ah hin Vanlawng hmang in, Bomb in tongte den in an rak i den. Vulei ralpi 2nk hi a chiakha ko an ti i a d**ghnak ah cun vanlawng cu raldohnak in khual tlawnnak ah ai cang. Mawtaw hna cu meithal le ralkap phurmi in chawlehnak le leithuannak ah an vun i chuah. Vainam hna kha leithuannak ah an i chuah an ti maw cu.. Aw ti khan vulei tuanbia hi a rak i tungmer. Vulei ralpi 2nk ah vanlawng in bom tamlak te a thlak bntk in vanlawng in raldotu pilot a thongthong in an rak thi ve.

Tu chan 21st century ah hin, unmanned combat ariel vehicles (ucav or uav) timi hna hi Ramkip nih hriamthar ser an i cuh bikmi pakhat asi cang. Drones technology timi computer in control tuah i mongh khawhmi vanlawng hmete hna cu kan hmai lei a rau lo ah kan banh cawlh dingmi nunphung thar an si te lai ti cu alawk tha ti lo. Raltuknak ca hrim ah Drone hmang in mah hi UAV hna cu van ah khin van ralkap bang in minmei lak ah an i cer nak ding cu k*m arau ti lai lo. US Air-force nih 2021 caah Space Force caah $153.6 billions budget a herh. Space Force timi cu USA ralkap branch thar pakhat asi. Trump nih December 20 2019 ah a rak dirh. Space Force caah ralkap 16000 an chiah hna. US cu ISiS dohnak hrim ah Drone le ucav hi a hman len cang.

China, kan nih nih Tuluk kan timi, zong nih UAV cu heh tiah a ser chuah. China nih a sermi ah hin MAV timi micro ariel vehicle hna zong hi a hme hringhran nain ralkap battalion pakhat hi second tlawmpal ah hell ah a kua kho ding khi asi. Tuluk nih mah hi MAV sermi hna hi 15000 hrawng an ram chung ah an hman cuahmah cang.

Russia, France, Japan le adang dang ram hna zong ah mah hi UAV le MAV pawl serchuahnak cu Nuclear thazaang i zuam mi pin ah khin a thawng aa thei lo bu tein a rak lin aa tuk hringhran. UAV mak taktak mi ralkap control khomi minung 30 hrawng le UAV vanlawng 30 le bomb thatha, ballistic missiles tbtk um ah cun Kawlram pi ralkap le uknak lengluang hmanh khi k*mkhat ah fawi tein a chim khawh ding asi.

Vulei pi nih ralpi hi huat asi cang nain, tuhnu k*m 100 chung ah hin ram thar hna ai siam ter kho dingmi le rampi hna a ciamter kho dingmi ah hi pawl VAC le minung tel lo vanzuang ralkapbu hna i abiapi tukmi dirhmun an nei. (Feel free to share and copy)

29/05/2020

2020 K*m President Thimnak le Same-Sex Marriage: By Zo Tum Hmung
======================================================
BIAHMAITTHI: Kan hnu thla April chungah a si, Pastorpa nih palepaduh (gay) le nulenuduh (le***an) tthitumnak kongah President Barack Obama a mawtchiat. (gay-palepaduh; le***an-nulenuduh tiin Pu Richard Zatu nih a ka leh piak). Ka facebook comment ah a ttial. A ngah ko, tiah U.S. Supreme Court nih bia a chahmi a si tiin ka leh. Nain, a hnuah sau deuh in ka ttial te lai ka ti. Atulawng ka ttial khawh. Church Chairman a rak ttuan bal cangmi le pastor dang zong nih Obama-Biden cozah ruangah ngeihmi aa khatmi tthitumnak (same-sex marriage) an karh deuh, an ka ti (an min ka ttial lai lo). Cucaah hi kong ttial ding ka duhnak a zual. Pres. Obama-Biden cozah dirkamh kaa tim lo. Pres. Trump ka fak fawn lai lo. Ka theih khawh tawk biadik langhter kaa zuam deuh lai.

1. KA POMMNING
Fiang tein chim hmasa ka duh: palepaduh asiloah nulenuduh tthitumnak ka pom lo. Phundang in chim ahcun ngeihmi aa khatmi tthitumnak ka pom lo. Tthitumnak timi cu nu (woman) le pa (man) kar lak caah a si. Pathian bia a si (1 Korin 7:1-5, Genesis 2:18-24).

Asinain, nulenuduh le palepaduh zong nih nuhrin covo an co ve awk a si tiah ka pom. Zeicahtiah U.S. citizens an si; constitutional rights an ngei ve. (U.S. Constitution Amendment XIV)

2. LGBT MILU ZAT
LGBT tiah theihmi (le***an, gay, bisexual, and transgender) hi U.S. ah 4.5% (14.7 million) an um tiah 2019 k*m Pew Research Center ah an langhter. Hmun dangah an ttialmi ka zoh tikah 4.5% in tuak ahhin aa palhmi a tlawm bik lai tiah ka ruat. U.S. Census Bureau i July 2019 cazin ah U.S. milu 328 million an um. Cucaah 14.7 million ka chuah. An tam ngai, ruahnak lengin. U.S. LGBT milu cu Denmark milu nakin a let thum renglo an tam deuh. Norway milu nak in an tam deuh. Sweden milu nak in an tam deuh saumau. Upa (k*m 18 cung) an si lai caah thimfung thlak tikah an biapi ngai fawn lai.

3. LGBT AN UMNAK
LGBT cu Democrats ah an um. Republicans ah an um. Independents zongah an um. Democrats lawngah LGBT an um kan ti ahcun Zawng nih amah tawkawng hmuh loin mi tawkawng a hmuh timi kan hluan ko hnga.

4. CONSTITUTIONAL RIGHTS
President nih president rian an luh lai ah biakamnak (Oath) an lak hmasa. An chimmi cu: keimah nih Constitution cu ka kham (preserve) lai, ka huphenh (protect) lai i, ka runven (defend) lai, ti a si. Constitutional rights a ngei komi kha an pek hna lo ahcun an biakam an buar ti a si lai.

Cu lawng a si lo. U.S. Declaration of Independence zong nih covo aa tluk tein mikip ser kan si (all men are created equal) tiah a ti. Hi bia hi hlawt a ngah lo, president nih.

5. U.S. SUPREME COURT
Cu lawng a si rih lo. June 26, 2015 ah U.S. Supreme Court nih ngeihmi aa khatmi tthitumnak tuah khawhnak nawl bia a khiah. States nih an khap (ban) kho lo. Khap ahcun Constitution a kalh a ti. Tthitumnak an tuah khawh, phungning tein. State tampi ah an tuah cang.

6. PRES. TRUMP ASILOAH PRES. BIDEN NIH AN REMH KHO LAI LO
Democracy ram U.S. ah cozah ttengnge phun thum an um: Executive, Legislative le Judicial. Constitution hrilhfiah kong hi Judicial Branch (Supreme Court) k*t ah a um. Pres. Obama k*t ah a um kho lo. Pres. Trump nih a mersan kho hlei lo. Supreme Court bia in bia a tlu. Cucaah Supreme Court nih bia a khiah, LGBT nih tthitumnak an tuah khawh tiin. Pres. Trump tling tthan sehlaw amah duh in a remh kho lai lo. Biden a tlin zongah cu tthiamtthiam. Executive Branch rian a si lo.

Constitution remh an duh belte a si ahcun Legislative Branch (Congress) hnatlaknak a herh hmasa. Atulio CARES Act a nun bantuk a si ve a hau. Asinain, hi tthitumnak kan duh lo tiin Constitution remh ding cu a si kho lo tiah ka ruat. Sumkheng a hnah corhter hnik ka lawhter. An covo a si. An tam tuk cang. An chim kho, an rel kho ve cang. Mithmai an ngei deuhdeuh. An i thup theng ti hna lo. Mirum le thil ti kho an tam.

7. PRES. OBAMA NIH COVO KONG A CHIM
May 9, 2012 ah Pres. Obama nih ngeihmi aa khatmi tthitumnak cu ka hnatlakpi (endorsement) hna tiah a rak ti (ABC News nih a chim). Anih cu nuhrin covo (rights) lei mit in a zoh. Phungthar a ser kho lo. Cucaah federal ah rian a ttuanmi hna kongah an co ve awk a simi tthahnemnak (benefits) a pek hna. Tthitumnak a pom maw, ti ahcun a pom lo.

August 17, 2008 ah Evangelicals ah minthang taktak Pastor Rick Warren nih Pres. Obama cu bia a rak hal (Saddleback Presidential Forum). Tthitumnak timi cu nu le pa kar lak ah a si awk a si; Khrihfa ka si caah athiangmi ikomhnak zong a si fawn, tiah a leh. President a rak i cuh lio a si. Republican Party in president aa cuhmi Sen. John McCain a um ve. A fiang taktak, Pres. Obama a dirhmun hi. Harvard in upadi (JD) a dih ti lawng mitam deuh nih an theih. Harvard Law Review ah president an rak thim. University of Chicago Law School ah Constitutional Law k*m 12 chung a chimh fawn. Cucaah U.S. Constitution kong cu nu nih nau ngeih tik i nu maw a si, pa ti an i fiang tluk in aa fiang lai ka zumh. Obama nih Constitution ningin biadik a rak chim. K*m 2015 ah Supreme Court nih tthitumnak a khapmi States cu Constitution a kalHmi an si tiah a ti.

8. JOE BIDEN LE LGBT
May 6, 2012 ah VP hlun Joe Biden nih ngeihmi aa khatmi tthitumnak cu ka hna tlakpi (endorsement) tiah “Meet The Press” ah a chim. Rights an ngei ve awk a si, a ti. Marriage equality a si, a ti rih. Biden a chimmi a dik. 2015 ah Supreme Court nih tthitumnak tuah khawh a si tiah bia a chah.

May 6, 2020 ah LBGT kong a aupitu Human Rights Campaign nih Biden cu president caah an hnatlakpinak kong an phuan. Covo kongah a kan dirkamhtu a si an ti.

9. PRES. TRUMP LE LGBT
Pres. Trump nih LGBT an covo kong mipi theih in a chim ve ko. LGBT chung i Republicans (The Log Cabin Republicans) nih August 15, 2019 ah Trump cu president si dingin an hnatlaknak kong an rak phuan diam cang. Washington Post ah Chairman Robert Kabel le Vice President Jill Homan nih an ttial. Zeicahtiah LGBT caah thilttha tampi ralttha taktak in Pres. Trump nih a tuah an ti. An fak ngaingai.

Cun, Pres. Trump nih palepaduhmi pa Richard Grenell cu vuanci (cabinet) rian a pek. Acting Director of National Intelligence a si. Atu a ttuan lio. U.S. president tuanbia ah a um bal lo. Grenell hi U.S. Ambassador to Germany ah a chiah hnuah hi cabinet rian pi hi a pek. Ambassador cu U.S. ram aiawhtu a si. U.S. muisam a langtertu a si, ti khawh a si fawn.

Pres. Obama nih palepaduh asiloah nulenuduh ahohmanh vuanci (cabinet rank) sangpi a pek bal hna lo. Hi kong ahcun Obama nakin Trump tthangtthat deuh ding le fak deuh ding a si.

10. REPUBLICAN PARTY LE LGBT
2016 Republican National Convention cu Cleveland, Ohio ah an tuah (July 18-21). Trump cu president cuh dingin chiti an thuh. Ni sunglawi taktak a si. July 21 ah palepaduh Peter Thiel cu biachim caan an pek. Stage cungin “palepaduh ka si hi ka uanthlar tuk; Republican ka si hi kaa uan thlar tuk”, a ti bak ko. Campaign lio a chimmi a si lo. Convention bak ah a chim. Thiel cu PayPal a dirhtu pakhat a si ve. Forbes nihcun vawleicung mirum 4-naak ah a chiah. Republican chungtel a si. Cutluk cun Republican hruaitu le Trump nih Thiel cu van ah an hlorh.

Pres. Trump nih Ambassador to Germany caah Richard Grenell cu a chuahpi, 2018 k*m ah. Senate nih an pom piak (Yes:56, No:42). Thimfung thlak tikah (R) vialte nih an duh dih. (D) nih an duh lo. Nain, (R) an tam deuh caah Grenell a tling. Palepaduh a si an theih ko. Nain, Pres. Trump nih a duh, a thim.. Anmah (R ) zongnih rian a ttuan kho lai tiah an ruat ve. Palepaduh a sinaak kha cu zeihmanh aa pehtlaih lo. Rian kongkau a si.

11. KHRIHFA BIAKNAK LE LGBT Kan umnak pawng First Baptist Church, Washington, DC nih nulenuduh pastor Sally Sarratt le nulenuduh pastor Maria Swearingen cu pastors ah an lak hna. 2014 k*m ah tthitumnak an tuah. 2015 k*m ah ordination zong an hmuh. Presbyterian Church (USA) nih LGBT a cohlan diam cang. Ngeihmi aa khatmi tthitumnak zong a pom. Adang chim ding an tampi rih.

Zumtu nun ah Golden Rule a biapi. “Mi nih kan cungah tuah hna set ti nan duh bantuk khan midang cung zongah va tuah ve u.” (Matthai 7:12).

12. PRES. TRUMP LE PRES. OBAMA KA MAWTCHIAT HNA LO
Pres. Trump nih palepaduhmi Richard Grenell cu vuanci ah a lakmi hi mawtchiat ding ah ka ruat lo. Rian a ttuan kho lai a timi kha a thim ko. Palepaduh a si ruangah a lak lo ahcun thleidannak (discrimination) a ngei ti a si lai. Grenell nih Trump kha taza a cuai khawh.

Republican National Convention ah Peter Thiel nih bia chim caan a rak hmuhmi zong lawmhpi awk a si. Trump soisel ding ah ka ruat lo. Party hruaitu hna soisel ding an si lo.

Constitution tangah aa tlukmi covo (equal rights) Peter Thiel nih a ngei ve.

Trump kha vanram kaiter in Pres. Obama kha hell ah thlak ding a si lo, LGBT kongah. Former VP Biden kha Vawrit, Trump kha Cepa tiin tahchunh ding an si hnga lo. President nih Constitution pah chih a ngah lo. Equal rights le constitutional rights asiloah civil rights an dirpi cio a herh. Phundang in chim ahcun marriage equality a si kan ti khawh.

Hi bantuk LGBT kong hi Supreme Court nih a ttha a ti zong hmanh ah siseh, kanmah le umnak state nih kan pom ko an ti zongah siseh, pumpak duhthimnak ah aa hngat. Kan duh kan ti ahcun duh a si, kan duh lo kan ti ahcun duh lo a si ko.

January 31, 2020 ah Pres. Trump nih Kawlram um chungle hna U.S. ah um thai dingin auh khawh an si ti lai lo (Proclamation 9983) tiah nawl a chuah bantuk a si lo. Hi nawl a chuahmi hi a let hlan lo chung a nung. Tuah khawhmi kan ngei lo. Lam a pit. Nain, ngeihmi aa khatmi tthitumnak phung hi cu kanmah pumpak duhthimnak a si. Cozah nih hramhram in a kan hnek kho lo. Kanmah k*t ah bia a um. Cucaah Pres. Trump siseh Pres. Obama siseh kan mawtchiat ding a si lo tiah ka ruat.

BIAFUNNAK LGBT ka pom lo, ka nolh rih ko lai. Kan zatlang buu hna nih pom lo leiin an kan cawnpiak ding ka duh ngai. Pulpit cung in siseh, Sunday school zongah an kan cawnpiak caan a phan te lai, ka ruat. Nain, ngeihmi aa khatmi tthitumnak ka doh lo. Nulenuduh ka soisel hna lai lo. Palepaduh ka thangchiat fawn hna lai lo. LGBT ka hlaw hna lai lo. An covo a si, anmah duhthimnak a si ko tiin ka pom. Misual nu kha aho nihdah lungin a chep hmasa ngam lai? An caah thla kan campiak hna lai.

Nov. 3 i president thim tik zongah thimfung a thlatu hna nih LGBT asiloah ngeihmi aa khatmi tthitumnak kong hi biapi tuk ah an ruat lai ka zum lo. Mah le duhthimnak a si, an ti cio ko lai tiah ka ruat.
----adih------

29/05/2020

Thawngpang Ttha: India Nih Coronavirus Vaccine Clinical Trials: Glenmark Pharmaceuticals
=====================================================================
India siseh, vawleipi siseh zeitik ah dah Coronavirus Vaccine hi an serchuah khawh te lai tiah vawlei mipi nih ngangngan ngai in kan hngah lio caan a si. US, UK, China lei ah Human Trails an thok cang. Nain an hlawh a tling lai maw tling lo ti chim khawh a si rih lo.

India caah lawmhnak thawngpang ttha hmasa bik Glenmark Pharmaceuticals nih nihnih ni (tuchun) ahhin “Antiviral drug favipiravir” Coronavirus zawtnak a ngeimi hna zohkhenhnak caah a tthami phun khat cu Drug Controller General of India hna nih Trail tuahnak nawl an pek cang hna.

Mumbai-based Glenmark hi Drug Controller General of India hna nih approval an pek hna in cun Favipiravir hi a luck ngai cang lai ti a lang. Favipiravir hi Fujifilm Toyama Chemical Co Ltd, in "brand name Avigan," putter in an serchuah.

2014 ahkhan anti-flu drugs caah approved a rak si. Glenmark nihhin India ram cozah le private siizung 10 hrawng ah Clinical trials neih hram an ithok lai. July/ August hrawng ah clinical trials hi dih manh an itim.

Nihin chun tiang ah Coronavirus in a zawmi hna thlawpnak caah a ttha bik tiah ruahmi cu Gilead Sciences Inc’s experimental antiviral drug REMDESIVIR hi a si rih.

20/05/2020

Vice President Mike Pence Covid-19 Kai Dawh A Si?
===============================================
Pence's press secretary, Katie Miller Coronavirus positive ti an phuan hnu ah Vice president Mike Pence zong ralrin ah a dang in an chiah lai timi a um. President Trump's coronavirus task force Dr Fauci ho in minung 3 nih zawtnak an kai fawn.
A tu bantuk in Officials pawl nih zawtnak an kai thluahmah ahcun Centers for Disease Control and Prevention nawl ngai in Vice Presiden Mike Pence hi a dang in an chiah ne lai maw timi a um. Sihmanhsehlaw, Monday ah cu hlan bantuk in The White House ah rian a ttuan tthan lai timi thawngpang a hnu ah a leng nolh. President Donald Trump nih The White House ah military leaders pawl a ton lio hna zong ah Pence hi a kal ve lo.

US Sunday an report official figures ah minung 80,308 an thi cang. Experts hna nih an chimning ah zapi sin a langmi nakin a thimi an tam deuh tuk cang lai tiah an zumh. Duhning tluk in testnak a tam lo. Emerging evidence ummi ahcun mi tampi nih Covid-19 an kai ttih ruangah izohter an ttih. Inn ah an i erh i kal lo awk ttha lo lawng siizung an kal.

US Economy a tlatukmi tunmernak dingah States tampi nih re-openning tuah an itim cuahmah fawn. Under-reported death toll a tampi an ti fawn. Mark Hayward, a sociology professor at the University of Texas, CDC advisers nih Coronavirus ruang ah thihnak a cangmi a langhning nakin a tam deuh a ti. A chimning ahcun Coronavirus ruangah thihnak hi a tu langhtermi nakin double 160,000 an si lai a ti.

20/05/2020

WHO Chief Tedros le President Xi Cu An Mual A Pho Taktak Cang! An Pahnih Kar Biathli Vialte Intelligence Nih An Phuanpiak Cang Hna
============================================================================================================
China President Xi Jinping le WHO haotu pa Director – General Tedros Adhanom, Coronavirus kongkau ah a thli in bia an iruahmi cu Intelligence hna nih an hun phuan cang.
Bombshell report nih a tarlangh ning ahcun President Xi Jinping nih WHO Chief Tedros cu amah pumpak cu chawn in Coronavirus zawtnak minung le minung i chonh khawh a sinak kong hi vawleipi sin ah thanh rih loin a tlawmbik zarh 4 tal hngah rih dingin January thla ahkhan a rak nawlnak kong an van tarlangh.

Hi kongkau ahhin thawngpang a thanhtu pakhat Germany ram ah Der Spiegel-in Germany Federal Intelligence Service ‘Bundesnachrichtendiesnt’ (BND) sin in thawng theih ning ahcun WHO cu China nih January 21 ahkhan Coronavirus a karh cuahmah kong ah rianrang tuk in hma la rih lo dingin le Human-human transmission kongkau zong ah vawleipi theihternak tuah dingmi kong ah tlaiter deuh dingin Director-General Tedros Adhanom Ghebreyesus sinah amah pumpak hrimhrim nawlnak a tuahnak kong an tarlangh.

BDN tuakning ahcun China le WHO ibawm in Pandemic global warning hi an tlaiter ruangah vawleipi nih hi zawtnak doh dingah zarh 6 bak kan tlai i hi tluk lawmmam in thihnak le zawtnak a karhnak hi a si. Zarh 6 tlaiter ruangah vawleicung minung tamtuk te nunnak a liam.
Donald Trump zong nih China le WHO kar hi faktuk in an zumhlonak le WHO cu China hmanrua a sinak kong a rak chim bal cang kha. Coronavirus phen ah an cawlcangh ning vialte hlathlai viar a herhnak kong a rak chim.

Hi report a chuakmi ahhin WHO nih cathanh chuah in an puhnak cu thawng dik lo le pom awktlak lo a sinak kong a chim. Hi an report chuahmi a diklonak a langhnak pakhat cu January 20 ah WHO nih data lakkhawmnak report cu vawleipi theih in a phuan. Hi Covid-19 zawtnak hi minung le minung ai chonh kho mi a si ti le Wuhan in a rak chuakmi a si tiah a rak chim cang.

April thla zong ahkhan WHO rianttuanning le umkalning cu lungtlinpi awk tlak a si lo tiin Trump nih bawmhnak an rak pek tawnmi zong pek rih lo dingin a rak ti kha. Hika ah a fiang ngaingai mi cu China cozah le WHO kar ah thil pakhat khat a um ti cu mi thiam pawl ruahning a si tiah an tarlangh chih.

20/05/2020

China Health Minister Nih “China Health System, A Dikfel Lo” A Ti Ve Cang
=========================================================
Deputy director of China's National Health Commission Li Bin nih vawleipi hmai ah an Health System a tthatlonak kong a hun phuan.
Wuhan in virus a rak chuakmi nih vawleipi ah minung 4millions renglo a phak cang hna. Minung 277,000 renglo an thi cang. Vawleicung ram 210 ah hi zawtnak hi a phan cang/ China criticism hi an ram le ram leng zong an tong ngaingai cang.

Beijing nihhin World Health Orgainization le ram dang pawl he a caan lio ah Information an share ko tiin an iphelh peng ve.
Li nihhin Press Briefing a neihnak ah “Novel Coronavirus Out break hi China nih Health System ah harnak nganpi kan ton a si. Emergency nih Epidemic prevention & control system, public health systems ah ttan kan rak laklonak a langhnak a si” a ti.

China nihhin disease control & prevention system lei chantlung in, data, artificial intelligence, cloud computing & technologies hmangin a tthar in thuamh tthan an itim cuahmah tiah a chim. Beijing nihhin Coronavirus a dih hnu ah World Health Organization-led review neih an an cohlan tiah a chim.

20/05/2020

US Nih Saudi Arabia Sin In Ralthuam Tthattha le Ralkap Tthawng Pawl Lakchuah A Timh
================================================================
US le Saudi Arabia pehtlaihnak hi k*m 75 renglo an si cang. Coronavirus ruangah Oil man nih vawleipi a buaiter. April thla dih lei ahkhan President Donald Trump nih Saudi Arabia Crown Prince Salman phone in a chonh i Saudi Arabia le Russia nih Oil price war an ngeihmi cu an ngol lo ahcun US nih Saudi Arabia i ralthuam le ralkap tthattha an chiahmi kan lakchuah lai an ti in a chimh.

US nih Patriot Missile Systems, Sau Arabia sin in an lakchuah ding ahhin fakpi in caan saupi chung ruah haumi thil a si. Defense Department official nih Iran ralthuam lei ah a tthanchoning an ngiatthlai peng.

Saudi Oil Installation 2019 lio an kah ahkhan US nih Anti-missile Batteries hi a chiah. Pro-Iran factions hna nih Iraqi base of Taji an kah rih fawn. Patroit batteries rual nihhin 300 US personnel an hnursuan chih fawn. President Trump nih Saudi Arabia cungah zei bantuk lungput dah a ngeih.

20/05/2020

US Secret Service Pawl Coronavirus A Kaimi An Tamtuk Cang
==============================================
United States Secret Service 11 hna Coronavirus a kai thar mi ah an itel cang! Hi Secret Service zawtnak a kaimi chung ahhin minung 23 an dam chhuak cang.
Hi virus nihhin President Trump le Vice President Mike Pence zong a naih ngaingai cang hna.President Trump vengtu le zohkhenhtu chungin minung 60 hrawng bak zawtnak an kai cang! Cucaah Quarantine in a dangte ah chiah an si cang.
Hi zawtnak a kaimi pawl hna nihhin Trump or Vice President Mike Pence he naihniam ngai in khua a sami an si maw timi hi biahalnak a tam ngaingai cang. Justine Whelan, a Secret Service spokesperson nih a si khawh chungin kan cawl cuahmah i ttan kan la cuahmah ko tiah a chim.
Katie Miller, VP Pence's press secretary zong positive an si. Ivanka Trump personal assistant he, White House chief of staff Mark Meadows nihcun hi zawtnak kai mi pawl nihhin President/Vice President an neihlonak ding ah fimkhur tein an um tiah a chim. Daily mail

20/05/2020

South China Sea Lei Ah US le China I Ngiarnak A Sang Chin Lengmang
=======================================================
South China Sea lei ah China nih Coronavirus zawtnak a len lio cu remcaang ah la in duh chung in a cawlcaang. Two million square mile area ahhin Military firepower an hun show thluahmah. US President Donald Trump cu thawng an van thanh colh.
China’s Escalation war games hi an ram cheukhat nihcun an ttih ngaingai. International Law kalh in Islands & Reefs a humhalh. Malaysia, the Philippines, Vietnam, Taiwan & Brunei pawl an thin a phanter ngaingai.

South China Sea ahhin k*m khat ah £97 billion of imports & exports nih an pal. 1947, 1945 ahkhan Beijing nih “Nine-Dash” line an ser. South China sea 90% hi kan huam chung a si an ti. Big Three’ reefs – Subi, Mischief & Fiery Cross ahhin China nih Military base a chiah cang.

Woody Island ah Missile, Fighter jets & radar station an chiah rih hoi. President Trump nih COVID-19 Pearl Harbor le 9/11 nakin a let in a fak a timi kha China nih an hua ngaingai. Guided missile cruiser USS Bunker Hill, front, & the Arleigh Burke-class guided-missile destroyer USS Barry (DDG-52) hna le China raltuknak lawng pawl tu le tu nih an i ngiar peng.

Fiakfairok

05/08/2024

29/05/2020

29/05/2020

29/05/2020

29/05/2020

29/05/2020

29/05/2020

29/05/2020

29/05/2020

20/05/2020

20/05/2020

20/05/2020

20/05/2020

20/05/2020

20/05/2020

Address

Telephone

Website

Alerts

Shortcuts

Share