27/04/2021
Mizote hi kan changkan a, hma kan sawn viau tawh laiin Literary Journal ṭha, chhiar a, rawn tur leh ziakmite thuziak chhuahna tur a awm lo hle mai a. Chu harsatna su kiang a, Mizo thu leh hla hmasawnna kawnga ṭangkai a lo nih ve takmial theihna turin ṭhahnem ngaihna liau liauin bulṭan tum a ni.
Savun Lehkha(A quarterly Mizo literary journal) hi k*m khata vawi 4 chhuak tura ruahman a ni a. Mizo hunpui ṭhen dan angin hetiang hian tihchhuah ṭhin tum a ni. Nipui Chhuak(March), Fur Chhuak(June), Favang Chhuak(September), Thlasik Chhuak(December).
A chhunga awm tur atan chuan heng hi ruahman a ni.
1. Editorial
2. Literature News
3. Book Review
4. Critical Writing
5. Essay/Article/Travel Writing etc
6. Poetry
7. Short Story
8. Lehkhabu Huang(free advertisement)
9. Best Seller List
Ruahman lawk dan chuan 2021 Fur Chhuak(June) hmanga bulṭan tum a ni a. Hemi atan hian thuziak thawh ve turin kan insawm a. Email address, [email protected] ah emaw, Editorial Board memberte hnenah theh luh tur a ni.
Savun Lehkha hi lehkhabu dawr hrang hrang aṭanga lei theih tura tih a ni dawn a, Online pawhin lei theih a ni bawk ang.
Mizo thu leh hla hmasawnna atana kan bulṭan tumnaah hian min fuih a, min khalh a, kawng min kawh hmuh zel turin kan sawm tak meuh che u a ni.
Your Editors
H. Laldinmawia, H. Lalawmpuia, F. Vanlalrochana, Lalrammuana Sailo, F. Lalzuithanga, Ramlawt Dinpuia
