30/05/2021
छाला
प्रयास प्रधान
छाला एउटा
रोग हो
नशा हो
मोह हो।
त्यसैले त काइला
तेरो छालालाई रोग लागेको छ
रोग।
तेरो यो
गोलो आकारको
नीलो छाला भको
गाउँ छ नि
हो त्यहीँ गाउँको
तेरै साथीको छाला
काटेर, काटेर बनाएको
कात्रो लगाउने
रोग लागेको छ तलाई I
बुझिस् काइला?
' लाज ' नाम गरेको रोग ,
र बुझि राख
यस रोगको कुनै औषधी छैन
यो त वंशाणुगत रोग हो ।
त्यसैले
कि तेरो छालालाई अब योगी बना
कि चाहिँ समय यात्रा गरा।
काइला,
तेरो छालालाई त
नशा,मोह पनि पो भाको रहेछ।
निर्मला,निर्भया, असिफा
जस्ती सुन्दर अनि निर्दोष छालालाई
हेरेर नै सब थोक गर्ने।
ति निर्दोषहरूका कोमल छालालाई
गिद्धले झैँ नोच्ने
नशा भाको रहेछ
खतरा नशा
'सेक्सको नशा'।
त्यसैले तेरो छाला अब
डराउनु पर्छ।
कारण,
तेरो छालाले
महाभारतको द्रौपदी र
रामायणको सिताको
छाला मात्रै
पढेका रहेछ
देखेका रहेछ।
तेरो छालाले बिर्सेछ पढ्न
बिर्सेछ देख्न,
झाँसी कि रानी,
क्लियोपाट्र,
मदर तेरेसा,
गौरी लंकेश र
नांगेली हरूका छालालाई।
त्यसैले कि त अब
तेरो छाला काट
अनि बनी दे मासु र हड्डी ।
कि चाहिँ मोर्डन हस्तिनापुरलाई
तेरो घर बना,
गाउँ बना,
देश बना,
जहाँ तेरो जस्तो
बलात्कारी छालाले पनि
वकिल पाउँछ वकिल।