https://www.facebook.com/116441521333785/

The JJ View, 9/375, MGM itech, Karakkal P O, Tiruvalla (2024)

10/02/2023

വെള്ളം

വെള്ളമടിക്കാനും വെള്ളം കുടിക്കാനും ഇനി ചിലവു കൂടും.

എൽ ഡി എഫ് കിട്ടിയതിനൊക്കെ നികുതി വർദ്ധിപ്പിച്ചു. അതിനെതിരെ യു ഡി എഫ് ശക്തമായി സമരം ചെയ്യുന്നു.

യു ഡി എഫിന്റെ അവസാനത്തെ സർക്കാർ വെള്ളക്കരം ഇതുപോലെ വർദ്ധിപ്പിച്ചപ്പോഴും ഇവിടെ വലിയ സമരം നടന്നു . അന്നു സമരം ചെയ്തത് എൽ ഡി എഫ് ആയിരുന്നു. മാണിയുടെ വീട്ടുപടിക്കൽ വരെ സമരം നടന്നു. സാധാരണപോലെ ചെറുപ്പക്കാർ പോലീസിന്റെ ബാരിക്കേടുകളിൽ അണ്ണാൻ കയറുന്നതു പോലെ വലിഞ്ഞു കയറി. പോലീസുകാരുടെ കയ്യിൽ അർദ്ധനഗ്നരായി ഊഞ്ഞാലാടി. അതിന്റെ ചിത്രങ്ങൾ മാധ്യമങ്ങളിൽ വന്നു. കല്ലേറും തല്ലും ചോരയൊലിപ്പിച്ച ചിത്രങ്ങളും ഉണ്ടായി. വൃദ്ധന്മാർ സെക്രട്ടേറിയറ്റു നടയിൽ ഷെഡ്ഡു കെട്ടി കാവലിരുന്നു. കുറച്ചു ദിവസം കഴിഞ്ഞു സമരം തീർന്നു.

ഇപ്പോൾ സമരം ചെയ്യുന്നവർ അടുത്ത പ്രാവശ്യം അധികാരത്തിൽ എത്തും. എന്നെങ്കിലും സമരം ചെയ്തവർ അധികാരത്തിൽ എത്തിയിട്ട് വർദ്ധിപ്പിച്ച നികുതി കുറച്ചിട്ടുണ്ടോ??

ഇടതു കാലിലെ മന്ത് വലതു കാലിലേക്കും, വലതു കാലിലെ മന്ത് ഇടതു കാലിലേക്കു മാറ്റി മാറ്റി നമ്മൾ കാലം കഴിച്ചു.

മാണി വെള്ളക്കരം വർദ്ധിപ്പിച്ചതിനെതിരെ സമരം ചെയ്ത എൽ ഡി എഫ് ഇപ്പോൾ തന്നെ വെള്ളക്കരം പല തവണ വർദ്ധിപ്പിച്ചു. ചില സംസ്ഥാനങ്ങൾ വെള്ളം സൗജന്യമായി നൽകുമ്പോഴാണ് വെള്ളത്തിന്റെ പേരിൽ എൽ ഡി എഫ് - യു ഡി എഫ് സർക്കാരുകൾ സമരനാടകം നടത്തി പ്രകൃതി സൗജന്യമായി നൽകുന്ന വെള്ളത്തിന്റെ പേരിൽ ജനത്തെ കൊള്ളയടിക്കുന്നത്.

നമ്മൾ രാഷ്ട്രീയ അടിമകളായതു കൊണ്ട് യു ഡി എഫ് നികുതിക്കൊള്ള നടത്തുമ്പോൾ പകുതി മലയാളികൾക്കു പരിഭവമില്ല. എൽ ഡി എഫ് നികുതിക്കൊള്ള നടത്തുമ്പോൾ ബാക്കി പകുതി മലയാളികൾക്കും പരിഭവമില്ല.

അങ്ങിനെ മാറി മാറി പകുതി മലയാളികൾ സ്വന്തം നേതാക്കളുടെ അധിക വരുമാനത്തിൽ വെറുതെയിരുന്നു സന്തോഷിക്കുകയും ബാക്കി മലയാളികൾ സ്വന്തം നേതാക്കളുടെ അധിക വരുമാനത്തിൽ സമരം ചെയ്തു സന്തോഷിക്കുകയും ചെയ്യുന്ന കേരളത്തിൽ എല്ലാവർക്കും സന്തോഷം.

31/01/2023

നമ്മളു കൊയ്യും സർവ്വകലാശാലകളെല്ലാം
നമ്മുടേതാകും പൈങ്കിളിയേ

അരുമക്കിളിയേ നേരോ നേരോ
വെറുതേ പുനുതം പറയാതേ
നമ്മളു കൊയ്യും സർവ്വകലാശാലകളെല്ലാം ഗവർണർ
തമ്പ്രാക്കളുടേതല്ലേ ഗവർണർ തമ്പ്രാക്കളുടേതല്ലേ

അല്ലെന്നേ അല്ലേന്നേ അല്ലല്ലല്ലേന്നേ

എന്തായാലും വയലുകളെല്ലാം കൊടി കുത്തി വിതയില്ലാതെ കിടക്കുന്നു, അല്ലെങ്കിൽ നികത്തി പുതു തമ്പ്രാക്കളുടേതായി

ഉടമസ്ഥർ ഗതിയില്ലാതെ വിറ്റു പോയി. വിതച്ചവർ തൊഴിലുറപ്പും സൗജന്യ റേഷനുമായി കഴിഞ്ഞു കൂടുന്നു. കൊടി കുത്തിയവർ പുതിയ തമ്പ്രാക്കളായി.

പുതുയുഗം പിറന്നു.
വിപ്ലവം ജയിക്കട്ടെ.
സാമ്രാജ്യങ്ങൾ തുലയട്ടെ

25/01/2023

പണ്ടു സിറോ മലബാർ സഭ മറ്റു മതങ്ങളിൽ നിന്നും ആളെ പിടിക്കാൻ ചെറിയ മൈതാനങ്ങളിൽ ഒക്കെ സിനിമാ പ്രദർശനങ്ങൾ നടത്തിയിരുന്നു. കൂട്ടത്തിൽ കഞ്ഞിയും പാലും ഒക്കെ ഉണ്ടായിരുന്നു. സിനിമാ കൂടുതലും യേശുവിനെക്കുറിച്ചുള്ളതായിരുന്നു

എന്നാൽ ഇപ്പോൾ യു ഡി എഫും, എൽ ഡി എഫും സിനിമാ പ്രദർശനം നടത്തുന്നു. അതും ആളെ പിടിക്കാൻ തന്നെ. കഞ്ഞിയും പാലും ഇന്നാർക്കും വേണ്ട. അതൊക്കെ ബ്രാഹ്മിണിക്കൽ ഹെജ്മണി എന്ന വിഷം കലർന്ന സാധനങ്ങളാ. വേറെ കുടിക്കാനും കടിക്കാനും എന്തെങ്കിലും ഉണ്ടാവാം. പിന്നെ സിനിമ യേശുവിനെക്കുറിച്ചല്ല, മോദിയെക്കുറിച്ച് ആണെന്നു മാത്രം.

23/01/2023

പി എഫ് ഐ നേതാക്കളുടെ സ്വത്തു കണ്ടെത്താൻ കോടതി ഉത്തരവിട്ടു എങ്കിലും പി എഫ് ഐ നേതാക്കൾ സ്വത്തൊന്നും ഇല്ലാത്ത പട്ടിണിപ്പാവങ്ങൾ ആണെന്നു മനസ്സിലാക്കിയ കേരള സർക്കാർ നിസ്സഹായ അവസ്ഥയിൽ ഒന്നും ചെയ്യാനാകാതെ മനം നൊന്തിരുന്നപ്പോഴാണ് കോടതി വീണ്ടും കണ്ണുരുട്ടുകയും, കേരള സർക്കാർ പട്ടിണി മാറ്റാൻ ഭീകരവാദം നടത്തിയിരുന്ന ചില പാവപ്പെട്ട പി എഫ് ഐ ക്കാരുടെ സ്വത്തുക്കൾ വേദനയോടെ കണ്ടു കെട്ടാൻ തുടങ്ങിയതും .

അപ്പൊ ദാ പിന്നേം പ്രശ്നം.

ഇപ്പൊ കണ്ടുകെട്ടിയതൊന്നും പി എഫ് ഐ ക്കാരുടെ സ്വത്ത്‌ അല്ലെന്നും, പി എഫ് ഐ യെ എതിർക്കുന്ന, മതേതരത്വത്തിൽ വിശ്വസിക്കുന്ന 99.99 ശതമാനം വരുന്ന സാധാരണ മുസ്ലിങ്ങളുടേത് ആണെന്നും മുസ്ലിം സംഘടനാകളുടെ നേതാക്കൾ പറയുന്നു.

എന്താ സർക്കാരെ ഇങ്ങനെ കണ്ണിൽ ചോരയില്ലാത്ത ന്യൂനപക്ഷവേട്ട നടത്തുന്നത്.

23/01/2023

മൂപ്പര് സ്വയം ഇട്ട പേരാ

21/01/2023

എന്റെത് ഒരു പൗരാണിക കൃസ്ത്യൻ വൈദിക കുടുംബമാണ്. അതിൽ വൈദികർ പോലും ഒട്ടും മതവാദികൾ ആയിരുന്നില്ല. ഹൈന്ദവീയ സംസ്കാരം എന്ന കുടയല്ലാതെ മറ്റൊന്നും ഇല്ല. ഈ മതത്തിലേക്ക് മതപരിവർത്തനം നടന്നതായി അറിവില്ല. എന്നാൽ പുറത്തേക്ക് വലിയ തോതിൽ മതപരിവർത്തനങ്ങൾ നടന്നിട്ടുണ്ട്. രാജ്യത്തെ എന്ന പോലെ വിദേശികൾ കീഴ്പ്പെടുത്തിയിട്ടുമുണ്ട്.

പഴയ എല്ലാ മതങ്ങളിലും ഉള്ളതുപോലെ സ്ത്രീ വിരുദ്ധത ഇതിലും ഉണ്ട്. സമീപ കാലത്തു വരെ സ്ത്രീകൾക്ക് വോട്ടവകാശം പോലും ഉണ്ടായിരുന്നില്ല. പൂജാസ്ഥലത്ത് ഇപ്പോഴും സ്ത്രീകൾക്ക് പ്രവേശനം ഇല്ല. പൂജകളിൽ നേരിട്ടു പങ്കെടുക്കാനും സ്ത്രീകൾക്ക് അനുവാദം ഇല്ല. ഹിന്ദു മതത്തിൽ ചില ആരാധനാലയങ്ങളിൽ എങ്കിലും സ്ത്രീകൾ പൂജ ചെയ്യുന്നു എന്നത് അഭിമാനകരം.

സ്ത്രീകൾക്ക് ആർത്തവകാലത്ത് ആരാധനാലയങ്ങളിൽ പ്രവേശനം ഇല്ല. എന്നാൽ പുതു തലമുറയിലെ സ്ത്രീകൾ ഇതിനെ പുശ്ചിച്ചു തള്ളുന്നു. അവർ മതത്തിൽ നിന്നും അകലുന്നു. എന്നാൽ മുൻ തലമുറ സ്ത്രീകൾ ഇതൊക്കെ അനുവർത്തിക്കേണ്ട കാര്യങ്ങളായി കാണുന്നു. പൂജാ സ്ഥലത്തു കയറുന്നത് പാപം എന്ന് അവർ തന്നെ കരുതുന്നു.

കാലഹരണപ്പെട്ട മാമൂലുകളിൽ അഭിരമിച്ചു കഴിയുന്നത് അഭിമാനം എന്ന് വിശ്വസിക്കാൻ ബൌദ്ധിക പരിവർത്തനം ചെയ്യപ്പെട്ടു ജീവിക്കുന്ന എല്ലാ വനിതകളോടും പറയാനുള്ളത്, പുതു തലമുറയെ വിദ്യാഭ്യാസത്തിലൂടെ(വിദ്യാലയങ്ങളിലെ മാത്രമല്ല) മുന്നോട്ടു നയിക്കേണ്ട നിങ്ങൾ തന്നെ കാലത്തിനു പിറകോട്ടു യാത്ര ചെയ്യുന്നു.

ഈ എഴുത്തിന് ശബരിമലയിലെ സ്ത്രീപ്രവേശന വിഷയവുമായി എന്തെങ്കിലും ബന്ധമുണ്ട് എന്ന് ആർക്കെങ്കിലും തോന്നിയാൽ ഞാൻ ഉത്തരവാദിയല്ല.

18/01/2023

ഒരു ഹിന്ദു ക്ഷേത്രത്തിൽ പ്രശസ്ത നടി അമല പോളിനു പ്രവേശനം നിഷേധിച്ചത് ഇപ്പോൾ വിവാദമായി. മുൻപ് ഇന്ദിരാ ഗാന്ധിയെ ഗുരുവായൂരിൽ തടയാൻ ശ്രമിച്ചിരുന്നു. അവർ തോക്കെടുത്തപ്പോൾ ദൈവത്തിന്റെ സോദരൻമാർ ഓടിയോളിച്ചു. ഇന്ദിരാ ഗാന്ധി ഹിന്ദുവല്ല എന്ന് ആദ്യം കണ്ടു പിടിച്ചതും വിവാഹം കഴിഞ്ഞാൽ ഭർത്താവിന്റെ മതത്തിൽ ഭാര്യ വിശ്വസിക്കും എന്നും കണ്ടു പിടിച്ചതും മല്ലൂസ് തന്നെ. ഇന്ദിരാ ഗാന്ധി പാഴ്സിയെ കെട്ടി. അവരുടെ മകൻ രാജീവ്‌ കൃസ്ത്യാനിയെ കെട്ടി. അദ്ദേഹത്തിന്റെ മകൻ രാഹുൽ പറയുന്നത് അദ്ദേഹം ഹിന്ദു ബ്രാഹ്മണൻ ആണെന്നാണ്. അത് അദ്ദേഹത്തിന്റെ സ്വകാര്യ സ്വാതന്ത്ര്യം. ഒരു ആരാധനാലയത്തിന്റെ വാതിൽക്കൽ അതിനു തെളിവു ചോദിച്ചു നിൽക്കുന്നത് എത്ര ബാലിശവും വിഡ്ഢിത്തവുമാണ്. പ്രശസ്തരായവരെ തടഞ്ഞു നാണക്കേടുണ്ടാക്കുകയും പ്രശസ്ഥരല്ലാത്തവരെ ഒരു തടസ്സവും കൂടാതെ കയറ്റി വിടുകയും ചെയ്യുന്നതിൽ എന്തർത്ഥം. പ്രധാനമന്ത്രി എത്തുന്നത് ആ സ്ഥാപനത്തിന്റെ യശസ്സു വർദ്ധിപ്പിക്കും എന്നും അവിടെ കുറച്ചു വികസനങ്ങൾ ഉണ്ടാകും എന്നും മനസ്സിലാക്കാൻ ആ മണ്ടശിരോമണികൾക്ക് കഴിഞ്ഞില്ല. മറ്റേതെങ്കിലും നാട്ടിൽ ആയിരുന്നു എങ്കിൽ അത് അവർ ഒരു അവസരമാക്കി മാറ്റുമായിരുന്നു.

ഒരാളെ അപമാനിക്കുകയും താഴ്ത്തിക്കെട്ടുകയും ചെയ്യുന്നതിൽ സുഖം കണ്ടെത്തുന്ന മാനസിക ചിത്തവിഭ്രമം ബാധിച്ച അനേകം മലയാളികൾ ഇവിടെ ഉണ്ട്. തൊഴിലാളി മാനേജ്മെൻറ്റിനെ അപമാനിക്കുന്നു, രാഷ്ട്രീയക്കാർ സമരം, ഹർത്താൽ തുടങ്ങിയ മാധ്യമങ്ങളിലൂടെ അവർക്കു ചിലവിനു കൊടുക്കുന്ന ജനങ്ങളെ അപമാനിക്കുന്നു. സ്വന്തം മേഖലയിൽ അതി പ്രശസ്തനായ മോഹനൻ നമ്പൂതിരിയെയും ശബരിമലയിൽ അന്യനാട്ടിൽ നിന്നെത്തുന്നവർ ഉൾപ്പടെയുള്ള ഭക്തരെയും അപമാനിക്കുന്നത് നമ്മൾ കണ്ടു. ആരാധനാലയങ്ങളിലും സർക്കാർ ഓഫിസ്സുകളിലും പഞ്ചപുച്ഛം അടക്കി നിൽക്കുന്ന സാധാരണ മലയാളിക്ക് ഒരു ബഹുമാനവും അവിടെയൊന്നും കിട്ടുന്നില്ല. അവർക്കതിൽ പരാതിയുമില്ല.

മറ്റുമതസ്ഥർ വലവീശി ആളെപ്പിടിച്ചു മതം വിപുലമാക്കുമ്പോൾ വരുന്നവരെ ആട്ടിപ്പായിക്കുന്ന മടയൻമാർ കേരളത്തിൽ മാത്രമേ ഉണ്ടാകൂ. ഗുജറാത്തിലെ സോമ്നാഥ്‌ ക്ഷേത്രത്തിൽ അഹിന്ദുക്കൾക്ക് രജിസ്റ്റർ വെച്ചിട്ടുണ്ട്. അന്യമതസ്ഥർ കൂടുതൽ എത്തുന്നത് ബഹുമതിയായി അവർ കാണുന്നു. കേരളത്തിനു പുറത്ത് ആരാധനാലയങ്ങളിൽ ആരും മതം നോക്കാറില്ല. ചില ഗ്രാമ പ്രദേശങ്ങളിൽ ജാതി പ്രശ്നങ്ങൾ ഉണ്ട്. പല ഹിന്ദു ആരാധനാലയങ്ങളിലും സാധാരണ ജനങ്ങൾക്ക് പൂജ ചെയ്യാനും പറ്റും.

നൂറ്റാണ്ടുകൾ നീണ്ട മുഗൾ ഭരണം നടന്നിട്ടും ക്രിസ്ത്യൻ മതവ്യാപകർ പഠിച്ച പണിയെല്ലാം പയറ്റിയിട്ടും. കേരളത്തിനു പുറത്ത് മുൻപ് ഹിന്ദു ഭൂരിപക്ഷം ഉണ്ടായിരുന്ന എല്ലായിടത്തും ഹിന്ദുക്കൾ ഇപ്പോഴും വലിയ ഭൂരിപക്ഷമാണ്. കേരളത്തിൽ അത് 50 ശതമാനമായി താഴാൻ കാരണം ഇത്തരം സ്വയംകുഴിതോണ്ടർ ആണ്.

ആരാധിക്കാൻ ചെല്ലുന്ന അന്യമതസ്ഥരെ ആട്ടിയോടിക്കുക , സ്ത്രീകൾക്ക് പ്രവേശനം തുടയുക, അർദ്ധനഗ്നരായ പുരുഷന്മാരെ മാത്രം പ്രവേശിപ്പിക്കുക തുടങ്ങിയ കാലഹരണപ്പെട്ട രീതികൾ ഗമയാണെന്നും നാണക്കേട് അല്ലെന്നും കരുതുന്ന കൂഷ്മാണ്ട വിഡ്ഢികൾ ഇതിന്റെ തലപ്പത്ത് ഉള്ളിടത്തോളം എത്രനാൾ ഈ കേവലഭൂരിപക്ഷവും നിലനിൽക്കും എന്നറിയില്ല.

ഇനി ശബരിമലയിൽ കഴിഞ്ഞ ദിവസം നടന്നതുപോലെ ക്ഷേത്രങ്ങളെ ഹീനവൽക്കരിക്കാനുള്ള രാഷ്ട്രീയ നീക്കങ്ങളാണോ ഇവയൊക്കെ എന്നും അറിയില്ല.

16/01/2023

സി പി എം നേതാവ് അഷ്‌കർ ആണ് തെരുവിൽ പോലീസിനെ ഭയപ്പെടുത്തുന്നത്

ഇവിടെ പോലീസിൽ വിശ്വാസം അർപ്പിക്കേണ്ട ജനങ്ങൾ പോലീസിനെ ഭയപ്പെടുന്നു.

പോലീസിനെ ഭയപ്പെടേണ്ട ഗുണ്ടകളെയും ഭീകരവാദികളെയും പോലീസ് ഭയപ്പെടുന്നു

14/01/2023

ഉണ്ണി മുകുന്ദനെ ബി ജെ പി ലോക് സഭയിലേക്കോ നിയമസഭയിലേക്കോ സ്ഥാനാർത്ഥി ആക്കാൻ സാധ്യത

14/01/2023

സമാധാനമായി ജീവിക്കാൻ സമ്മിതിക്കുകേല.

14/01/2023

സസ്യാഹാരം വേണോ മാംസാഹാരം വേണോ എന്ന ചർച്ച പൊടിപൊടിക്കുമ്പോൾ, ഈ കുഞ്ഞു കണ്ണുകളിലെ അത്ഭുതവും കൗതുകവും മറ്റൊരു കഥ പറയുന്നു. കുഞ്ഞു കൈകളിൽ ഒതുക്കി പിടിച്ചിരിക്കുന്ന സാധനങ്ങൾ വിറ്റാൽ എന്തെങ്കിലും കഴിക്കാം. ഇവിടെ നോക്കി നിന്നു സമയം കളഞ്ഞതിന് പാവം വഴക്കു കേട്ടിട്ടുണ്ടാവും.

12/01/2023

ഇന്ത്യ ഇപ്പോൾ ചെയ്യുന്നത് അതി ഭീകരമായ അറബി സാംസ്‌കാരിക അധിനിവേശത്തെ പ്രതിരോധിക്കുക എന്ന അതീവ ഗൗരവമുള്ള കാര്യമാണ്. അതിനെ ഹിന്ദുവൽകരണം എന്നു വ്യാഖ്യാനിച്ചു സത്യത്തെ മറച്ചു വെക്കാനുള്ള ശ്രമങ്ങളാണ് നടക്കുന്നത്.

ഇപ്പോഴും ഇന്ത്യയിൽ മതപരിവർത്തന പ്രവർത്തനങ്ങൾ നടത്തുന്നത് ചില കൃസ്തുമത വിഭാഗങ്ങളും, മുസ്ലിം വിഭാഗങ്ങളുമാണ്. ഹിന്ദു മതത്തിലേക്ക് അന്യ മതസ്ഥരെ പരിവർത്തനം ചെയ്യുന്ന സംഭവം എവിടെയും ഉണ്ടാകുന്നില്ല. അപ്പോൾ ന്യൂനപക്ഷങ്ങളെ ഇല്ലായ്മ ചെയ്യും എന്നത് നുണ പ്രചരണം.

മതവ്യാപനം നടത്തി ഭൂരിപക്ഷത്തിൽ എത്താൻ ശ്രമിക്കുന്നതും ചില കൃസ്തുമത വിഭാഗങ്ങളും, മുസ്ലിം വിഭാഗങ്ങളുമാണ്. ഇവയുടെ മത നേതാക്കൾ തന്നെ കൂടുതൽ കുട്ടികളെ ഉൽപാദിപ്പിക്കാൻ ആഹ്വാനം ചെയ്യുന്നു.

അറബി സാംസ്‌കാരിക അധിനിവേശത്തെ പ്രതിരോധിക്കുക എന്നതിൽ മതപരമായ ഒന്നുമില്ല. എന്നാൽ മുസ്ലിങ്ങളെ നുണപ്രചാരണങ്ങളിൽ കൂടി അങ്ങിനെ വിശ്വസിപ്പിച്ചിരിക്കുകയാണ്.

യഥാർത്ഥത്തിൽ അറബി സാംസ്‌കാരിക വ്യാപനത്തിന് മുസ്ലിങ്ങളെ ഉപയോഗിക്കുന്നു എന്നതാണ് വാസ്തവം.

അറബി സംസ്കാരവും അറബി നിയമങ്ങളും നിലനിൽക്കുന്ന ദേശങ്ങളിലെ മുസ്ലിങ്ങളുടെ അവസ്ഥ കണ്ടിട്ടും മതഭയം കൊണ്ട് കാണാത്തതു പോലെ നടിക്കാൻ വിധിക്കപ്പെട്ടവരാണ് ഇവിടുത്തെ സാധാരണ മുസ്ലിങ്ങൾ.