Sathyavedu Today News

11/01/2024

*తిరుపతి పార్లమెంటు బరిలో వైసీపీ అభ్యర్థిగా కోనేటి ఆదిమూలం

*సత్యవేడు ఎమ్మెల్యే అభ్యర్థిగా ఎంపీ డాక్టర్ గురుమూర్తి!

_అధికారికంగా ప్రకటించిన వైసీపీ అధిష్టానం
💎💎

వైఎస్సార్సీపీ అధినేత జగన్ మోహన్ రెడ్డి దూకుడు పెంచారు. అసెంబ్లీ ఎన్నికల బరిలో దిగే టీమ్ ఎంపిక కోసం తీవ్ర కసరత్తు చేస్తున్నారు. గత నెల రోజులుగా ఇంచార్జీల మార్పు, కొత్తవారి నియామకంపై కార్యాచరణను వేగవంతం చేసారు. రాష్ట్రంలోని అన్ని అసెంబ్లీ స్థానాల్లో పాగా వేసేలా 175 సీట్లు టార్గెట్‎గా ముందుకెళ్తున్నారు, దానికి తగ్గట్టుగా కొత్త టీంను ఎంచుకునే ప‌నిలో ప‌డ్డారు. సీటు కోల్పోతున్న వారిని తాడేప‌ల్లికి పిలిపించి వారితో మాట్లాడుతున్నారు...వైసిపి ఇప్పటివరకు 38 స్థానాల్లో ఇంఛార్జిల మార్పులు చేశారు జగన్. మొదటి విడతలో 11 స్థానాల్లో మార్పులు చేర్పులతో జాబితా రిలీజ్ చేశారు. రెండో విడతలో 27 స్థానాల్లో మార్పులు చేశారు జగన్. అయితే గురువారం మరో 21 మందితో మూడో జాబితాను అధిష్టానం విడుదల చేసింది ,ఇప్పటివరకు విడుదలైన మూడు జాబితాలో 175 అసెంబ్లీ నియోజకవర్గాలకు సంబంధించి 61 మందిని పార్టీ అధికారికంగా ప్రకటించి ఉంది. అందులో ఏపీ ముఖ్యమంత్రి వైయస్ జగన్మోహన్ రెడ్డికి అత్యంత సన్నిహితుడు, విద్యాధికుడు, తిరుపతి పార్లమెంట్ సభ్యులు డాక్టర్ మద్దెల గురుమూర్తిని సత్యవేడు శాసనసభ బరిలో నిలిపి భారీ మెజార్టీతో గెలిపించుకునేందుకు ముఖ్యమంత్రి రంగం సిద్ధం చేశారు, అందులో భాగంగా గురువారం విడుదల చేసిన మూడో జాబితాలో పార్లమెంట్ స్థానంలో ఉన్న గురుమూర్తిని సత్యవేడు అసెంబ్లీలో నీలిపారు, సిట్టింగ్ ఎమ్మెల్యేగా ఉన్న సీనియర్ నేత కోనేటి ఆదిమూలంను తిరుపతి పార్లమెంటు బరిలో నిలిపి వైసిపి మరోసారి తన నిస్వాక్షతను చాటుకుంది, తనపై ఎంతో నమ్మకంతో తిరుపతి పార్లమెంట్ బరిలో నిలిపిన ముఖ్యమంత్రి వైస్ జగన్మోహన్ రెడ్డికి ఎమ్మెల్యే ఆదిమూలం కృతజ్ఞతలు తెలిపారు ఆజన్మాంతం ఆయనకు రుణపడి ఉంటానని ప్రకటించారు, వైసీపీని విజయతీరాలకు చేర్చడానికి తన స్థాయి శక్తుల శక్తివంచన లేకుండా కృషి చేస్తానని ఆదిమూలం వెల్లడించారు.

10/01/2024

**పత్రికా ప్రకటన.....
ది.10/01/2024.

🚨 పుత్తురు పరిధిలో ని ప్రజలకు, పోలీసులకు, మీడియా ప్రతినిధులకు ముందుగా సంక్రాంతి పండుగ సందర్భంగా శుభాకాంక్షలు.

✒️ సంక్రాంతికి ఊర్లకు వెళ్తున్నారా అయితే జాగ్రత్త....?....

✒️ పండగొచ్చిందంటే చాలు ప్రజలంతా ఊర్లకు వెళుతుంటారు.దీంతో తాళం వేసిన ఇళ్లే టార్గెట్ గా దొంగలు చోరీలకు పాల్పడుతుంటారు.

✒️ ఈ క్రమంలో సంక్రాంతికి ఊరెళుతున్న వారికి సూచనలు .

✒️ ముఖ్యంగా సోషల్ మీడియాలో ఊరెళుతున్నట్లు పోస్టు చెయ్యకండి.

✒️ ఊరెళ్లే ముందు సంబంధిత పోలీస్ స్టేషన్లో సమాచారం ఇవ్వడం మంచిది.

✒️ ఊరికి వెళ్లాల్సి వస్తే విలువైన బంగారు, వెండి, విలువైన ఆభరణాలు డబ్బులు బ్యాంక్ లాకర్లలో భద్రపరుచుకోండి లేదంటే మీ ఇంట్లోనే రహస్య ప్రదేశాల్లో దాచుకోండి.

✒️ సెలవుల్లో బయటికి వెళుతున్నప్పుడు సెక్యూరిటీ అలారం మెషన్ సెన్సార్ ను ఏర్పాటు చేసుకోండి.

✒️ మీ ఇంటికి సెంట్రల్ లాక్ సిస్టం ఉండే తాళం అమర్చుకోవడం మరీ మంచిది.

✒️ తాళం వేసి ఊరికి వెళ్లాల్సి వస్తే తప్పనిసరి గా స్థానిక పోలీస్ స్టేషన్లో సమాచారం ఇవ్వండి.

✒️ మీ కాలనీలో లేదా మీ బజార్లో ఎవరైనా గుర్తు తెలియని అనుమానాస్పద వ్యక్తులు కనిపిస్తే స్థానిక పోలీసు స్టేషన్కు సమాచారం ఇవ్వండి. తప్పనిసరిగా డయల్ 112 కు కాల్ చేయండి.

✒️ మీ వాహనాలను ఇంటి ఆవరణలోనే పార్క్ చేసుకోండి ద్విచక్ర వాహనాలకు తప్పనిసరిగా చైన్స్ తో లాక్ వేయడం మంచిది.

✒️ నమ్మకమైన వ్యక్తులను మాత్రమే వాచ్మెన్ సెక్యూరిటీ గార్డ్ సర్వెంట్స్ గా నియమించుకోవాలి.

✒️ మీ ఇంట్లో అమర్చిన సీసీ కెమెరాలు ఆన్లైన్లో ఎప్పటికప్పుడు చూసుకుంటూ ఉండాలి.

✒️ ఇంట్లో లేనప్పుడు ఇంటి ముందు చెత్త చెదారం న్యూస్ పేపర్స్ పాల ప్యాకెట్లు జమ కానివ్వకుండా చూసుకోండి. వాటిని కూడా గమనించి నేరస్తులు దొంగతనాలకు పాల్పడే అవకాశం ఉంది.

సదా మీ సేవలో......
పుత్తూరు
DSP

02/01/2024

🌹 *పీఎస్ఎల్వీ-సీ58 విజయంపై ఇస్రో చైర్మన్ ను అభినందించిన శ్రీసిటీ ఎండీ

♦️ *- శ్రీసిటీని సందర్శించాలని ఆహ్వానం
✍️

🔹సోమవారం పీఎస్ఎల్వీ సీ-58 రాకెట్ ప్రయోగం విజయవంతమైన అనంతరం ఇస్రో చైర్మన్ డాక్టర్ ఎస్.సోమనాథ్, షార్ డైరెక్టర్ ఏ.రాజరాజన్, షార్ శాస్త్రవేత్తలు, ఉద్యోగులకు శ్రీసిటీ మేనేజింగ్ డైరెక్టర్ డాక్టర్ రవీంద్ర సన్నారెడ్డి ప్రత్యేక అభినందనలు తెలిపారు.

🔹 ఈ అద్భుత ఘట్టాన్ని షార్ మిషన్ కంట్రోల్ సెంటర్ లో కూర్చొని వీక్షించిన ఆయన, అంతరిక్ష సాంకేతికతలో అగ్రగ్రామిగా భారతదేశం స్థానాన్ని సుస్థిరం చేస్తూ, ఈ విజయాన్ని అందించిన ఇస్రో బృందం కృషి, అంకితభావాన్ని కొనియాడారు.

🔹ఈ సందర్భంగా శ్రీసిటీ వేగవంతమైన ప్రగతిని వివరిస్తూ, తాజా అభివృద్ధిని ప్రత్యక్షంగా చూసేందుకు మరియు ఇస్రోకు సహకరిస్తున్న పరిశ్రమల సీఈఓలతో సంభాషించడానికి శ్రీసిటీని సందర్శించాలంటూ డాక్టర్ సోమనాథ్‌ను రవీంద్ర సన్నారెడ్డి ఆహ్వానించారు.

🔹ఆహ్వానాన్ని హృదయపూర్వకంగా అంగీకరించిన డాక్టర్ సోమనాథ్, మే 2019లో VRV (చార్ట్ గ్రూప్) పరిశ్రమకు చెందిన క్రయోజెనిక్ ట్యాంక్ ను షార్ కు అప్పగింత కార్యక్రమంలో పాల్గొనడానికి వచ్చిన తన గత శ్రీసిటీ సందర్శనను గుర్తు చేసుకుంటూ, ఇస్రోకు శ్రీసిటీకి చెందిన కొన్ని కంపెనీల కీలకమైన సహకారానికి అభినందనలు తెలిపారు.

🔹కాగా, శ్రీసిటీకి చెందిన VRV (చార్ట్ గ్రూప్), రోటోలోక్, వాల్-మెట్ ఇంజినీరింగ్, నోవా ఎయిర్, సిద్దార్థ లాజిస్టిక్స్ పరిశ్రమలు, తమ ఉత్పత్తుల సరఫరా, సేవల ద్వారా చంద్రయాన్-3, ఆదిత్య-L1 మిషన్‌లతో సహా వివిధ ఇస్రో ప్రాజెక్టులలో పాలు పంచుకున్నాయి.

🔹ఈ వ్యూహాత్మక సహకారం శ్రీసిటీ ప్రగతిలో ఓ ముఖ్యమైన మైలురాయిని సూచిస్తుంది.

31/12/2023

*2023 లో పారిశ్రామిక అభివృద్ధికి దిక్సూచిగా శ్రీసిటీ ప్రగతి ప్రస్థానం 🛰️🚀🚋

*-రూ.9 వేల కోట్ల కొత్త పెట్టుబడులు, 21,500 ఉద్యోగాల సృష్టి🎡🏭
📝📝

🔹 దేశంలో ప్రముఖ సమీకృత వ్యాపార కేంద్రంగా కీర్తి గడించిన శ్రీసిటీ, 2023 లో పారిశ్రామిక అభివృద్ధికి దిక్సూచి గా తన ప్రగతి ప్రస్థానాన్ని కొనసాగించింది.

🔹 ప్రపంచవ్యాప్త పెట్టుబడులను ఆకర్షించే ప్రధాన ఆర్థిక వృద్ధి కేంద్రంగా తన స్థానాన్ని మరింత పటిష్టం చేసుకుంది. పలు నూతన పరిశ్రమల శంకుస్థాపన, ప్రారంభోత్సవ వేడుకలు, ప్రముఖులు, ఉన్నతస్థాయి వ్యాపార ప్రతినిధుల సందర్శనలతో సహా అనేక వినూత్న కార్యక్రమాలతో ఏడాదంతా బిజీ బిజీగా గడిపింది.

🔹శ్రీసిటీ ప్రస్థానంలో 2023 మరో ముఖ్యమైన సంవత్సరంగా అభివర్ణించిన శ్రీసిటీ మేనేజింగ్ డైరెక్టర్ డాక్టర్ రవీంద్ర సన్నారెడ్డి, పారిశ్రామిక ప్రగతి పట్ల ఆనందం వ్యక్తం చేయడంతో పాటు ఇందులో భాగస్వామ్యులైన ప్రతి ఒక్కరికి కృతజ్ఞతలు తెలియజేశారు.

✍️ *ముఖ్య ఘటనలు

🔹జూలై 25న మోండెలెజ్ ప్లాంట్ విస్తరణ శంకుస్థాపన కార్యక్రమంలో ఏపీ గౌరవ ముఖ్యమంత్రి వర్చువల్ మోడ్ లో పాల్గొన్నారు. దీని పెట్టుబడి విలువ రూ. 1,600 కోట్లు కాగా, 500 మందికి పైగా ఉపాధి అవకాశాలు, మరియు 18,000 మందికి పైగా రైతులకు ప్రయోజనం చేకూరుస్తుంది.

🔹మార్చి 3న విశాఖపట్నంలో జరిగిన గ్లోబల్ ఇన్వెస్టర్స్ సమ్మిట్ (GIS)-2023లో ముఖ్యమంత్రి వైఎస్ జగన్మోహన్ రెడ్డి, ఇతర ప్రముఖుల సమక్షంలో కేంద్ర రోడ్డు రవాణా శాఖ మంత్రి నితిన్ గడ్కరీ శ్రీసిటీ స్టాల్‌ను ప్రారంభించారు.

🔹ఏప్రిల్ 25న, కేంద్ర పర్యాటక, సాంస్కృతిక శాఖ, ఈశాన్య ప్రాంత అభివృద్ధి మంత్రి జి.కిషన్ రెడ్డి శ్రీసిటీని సందర్శించారు. ప్రపంచ స్థాయి మౌళిక సదుపాయాలు, పెట్టుబడిదారుల-స్నేహపూర్వక వాతావరణాన్ని కొనియాడారు.

🔹మే 30న పరిశ్రమలు, మౌళిక సదుపాయాలు, పెట్టుబడి & వాణిజ్య శాఖా మంత్రి గుడివాడ అమర్‌నాథ్, RSB ట్రాన్స్‌మిషన్ మరియు అడెలా ఎలక్ట్రికల్స్ సంస్థల కొత్త ఉత్పత్తి కేంద్రాలను ప్రారంభించారు.

🔹నవంబర్ 23న డైకిన్ ఇండియా తన రూ.1,000 కోట్ల నూతన ప్లాంట్‌ను ప్రారంభించింది. ఇది భారతదేశంలో సంస్థ మూడవ యూనిట్ మరియు ఆగ్నేయాసియాలో అతిపెద్దది. ప్రభుత్వ 'మేక్ ఇన్ ఇండియా', ఉత్పత్తి ఆధారిత ప్రోత్సాహక పథకాలకు అనుగుణంగా ఈ పరిశ్రమను నెలకొల్పింది.

✍️ *పెట్టుబడి, ఉద్యోగాల సృష్టిలో గణనీయమైన వృద్ధి

🔹 2023లో శ్రీసిటీ అనుసరించిన చురుకైన మార్కెటింగ్ వ్యూహాలతో పాటు ప్రతిష్టాత్మక పలు వాణిజ్య ప్రదర్శనలలో పాల్గొనడం ద్వారా గణనీయమైన దేశ విదేశీ పెట్టుబడులను ఆకర్షించింది. వైజాగ్‌ గ్లోబల్ ఇన్వెస్టర్స్ సమ్మిట్ (జిఐఎస్)-2023లో జరిగిన పెట్టుబడి ఒప్పందాలతో సహా మొత్తంగా ఏడాదిలో రూ. 9,000 కోట్ల పెట్టుబడులు, 21,500 కొత్త ఉద్యోగాలకు మార్గం సుగమమైంది.

✍️ *భారతదేశపు 'కూల్ క్యాపిటల్' గా ఆవిర్భావం

🔹దేశంలో ఎయిర్ కండీషనర్ తయారీ కేంద్రంగా శ్రీసిటీ ఆవిర్భవించడం ఈ ఏడాదిలో ప్రత్యేకంగా చెప్పుకోదగ్గ పరిణామం. డైకిన్, బ్లూ స్టార్, అంబర్, EPACK డ్యూరబుల్, హావెల్స్ వంటి ప్రముఖ కంపెనీలు తమ పరిశ్రమలను ఏర్పాటు చేశాయి. దేశీయ ఉత్పత్తిని పెంచి, దిగుమతులపై ఆధారపడటాన్ని తగ్గించాయి. అదనంగా, ఈ కంపెనీలకు వివిధ ఉప పరికరాలు సరఫరా చేసే అనుబంధ కంపెనీల రాకతో ఎయిర్ కండీషనర్ ఉత్పత్తి కేంద్రంగా శ్రీసిటీ తన స్థానాన్ని మరింత బలోపేతం చేసుకుంది. ఇది భారతదేశం యొక్క తయారీ నైపుణ్యాన్ని బలోపేతం చేయడమే కాకుండా దేశానికి చల్లని గాలిని అందించే కూల్ క్యాపిటల్ గా మారింది.

✍️ *విశిష్ట సందర్శకులు, ప్రతినిధులు

🔹రిపబ్లిక్ ఆఫ్ కొరియా, శ్రీలంక, జపాన్, యునైటెడ్ కింగ్‌డమ్, USA, మలేషియా కాన్సుల్ జనరల్స్, ఉన్నత స్థాయి అధికారుల సందర్శనలతో భవిష్యత్తులో పెట్టుబడులకు అనువైన గమ్యస్థానంగా శ్రీసిటీకి ఉన్న ప్రాధాన్యత మరోసారి స్పష్టమైంది.

🔹భారతీయ ఉక్కు వ్యాపారవేత్త, JSW గ్రూప్ ఛైర్మన్ సజ్జన్ జిందాల్, కేంద్ర రక్షణ మంత్రి సాంకేతిక సలహాదారు డా. సతీష్ రెడ్డి, AP ప్రెస్ అకాడమీ ఛైర్మన్ కొమ్మినేని శ్రీనివాసరావు తదితరులతో పాటు కేంద్ర, రాష్ట్ర ప్రభుత్వాలకు చెందిన అనేక మంది ఉన్నత స్థాయి అధికారులు, వివిధ పరిశ్రమల CEOలు/CXOలు శ్రీసిటీని సందర్శించారు.
స్టాన్‌ఫోర్డ్ యూనివర్శిటీ, యూనివర్శిటీ ఆఫ్ గోట్టింగెన్, జాగృతి యాత్ర ప్రతినిధులు సందర్శనకు విచ్చేసి మేక్ ఇన్ ఇండియా, ఉద్యోగ కల్పన లక్ష్యాలలో శ్రీసిటీ పాత్రను ప్రశంసించారు.

✍️ *సుస్థిరతకు పెద్దపీట

🔹పర్యావరణ నిర్వహణలో శ్రీసిటీ నిబద్ధత, అమలు విధానాలు అంతర్జాతీయ ఖ్యాతి గడించింది. ఈ చర్యల్లో భాగంగా చేపట్టిన మౌళిక సదుపాయాల అభివృద్ధి, పలు వినూత్న కార్యక్రమాలకు గుర్తింపుగా 'ఇండియాస్ మోస్ట్ ఇన్నోవేటివ్ సస్టైనబిలిటీ ప్రాజెక్ట్ ఆఫ్ ది ఇయర్' అనే ప్రతిష్టాత్మక బిరుదును సంపాదించింది.

🔹ఈ గుర్తింపు పర్యావరణ వృద్ధి, స్థిరమైన అభివృద్ధిలో ప్రపంచ లీడర్ గా శ్రీసిటీ స్థానాన్ని సుస్థిరం చేసింది.

✍️ *నాయకత్వ ప్రతిభ

శ్రీసిటీ లోపల కాకుండా, బయట కూడా పలు కార్యక్రమాల ద్వారా శ్రీసిటీ ప్రపంచవ్యాప్తంగా గుర్తింపు దక్కించుకుంది. శ్రీసిటీ మేనేజింగ్ డైరెక్టర్ డాక్టర్.రవీంద్ర సన్నారెడ్డి నాయకత్వంలో, భారతదేశం-జపాన్ వ్యాపార సహకార కమిటీ, ఇతర అంతర్జాతీయ వేదికలపై స్థిరమైన అభివృద్ధి, సమతుల్య భవిష్యత్తు కోసం శ్రీసిటీ తన నిబద్ధతను చాటుకుంది. చెన్నైలో గ్రీన్ బిల్డింగ్ కాంగ్రెస్-2023 సదస్సు నిర్వహణలోనూ స్పాన్సర్ గా కీలక పాత్ర పోషించింది, దీని ద్వారా హరిత కార్యక్రమాల ఛాంపియన్‌గా తన ఖ్యాతిని మరింత పటిష్టం చేసింది.

✍️ *ప్రశంసలు, గుర్తింపులు

🔹వ్యాపార ప్రపంచంలో తన విజయాలకు గుర్తింపుగా పలు ప్రశంసలు, అవార్డులు అందుకుంది. శ్రీసిటీ మేనేజింగ్ డైరెక్టర్ డాక్టర్ రవీంద్ర సన్నారెడ్డికి దక్కిన ఎకనామిక్ టైమ్స్ యొక్క 'మోస్ట్ ప్రామిసింగ్ బిజినెస్ లీడర్స్ ఆఫ్ ఆసియా' అవార్డు, ఎకనామిక్ టైమ్స్ ఎడ్జ్ యొక్క 'ఐకానిక్ బ్రాండ్ ఆఫ్ ఇండియా-2023' అవార్డు, fDi ఇంటెలిజెన్స్ వారి 'టాప్-పెర్ఫార్మింగ్ గ్లోబల్ ఫ్రీ జోన్ ఆఫ్ ది ఇయర్ (GFZ)' అవార్డు, బిజినెస్ వరల్డ్ ఇండియా 'మోస్ట్ ఇన్నోవేటివ్ సస్టైనబిలిటీ ప్రాజెక్ట్ ఆఫ్ ది ఇయర్' గుర్తింపు ఇందులో ముఖ్యమైనవి. వీటితో పాటు సిద్ధార్థ లాజిస్టిక్స్ FTWZ, బ్లూ స్టార్, ఇసుజు మోటార్స్, BeRolleX, VRV ఆసియా పసిఫిక్, రోటోలోక్, వాల్-మెట్ ఇంజనీరింగ్, నోవాఎయిర్, హంటర్ డగ్లస్ మొదలైన పరిశ్రమలకు వారి 'మేక్ ఇన్ ఇండియా' చొరవకు పలు రకాల గుర్తింపు దక్కాయి.

✍️ *కార్పొరేట్ సామాజిక బాధ్యత (CSR)

🔹శ్రీసిటీ జపనీస్ కంపెనీస్ అసోసియేషన్ (SJCA), THK, హంటర్ డగ్లస్, IMOP, డైకి అల్యూమినియం, కెల్లాగ్స్, IFF, Mondelez, ISUZU, NS ఇన్‌స్ట్రుమెంట్స్, బెర్గెన్ పైప్ సపోర్ట్స్, ఎవర్టన్ మొదలైన పరిశ్రమలు రూ.3.6 కోట్లకు పైగా CSR ప్రాజెక్ట్‌లు చేపట్టి, విద్య, ఆరోగ్య సంరక్షణ, సమాజ అభివృద్ధికి తమ వంతు సహాయ సహకారాలు అందించాయి. శ్రీసిటీ ఫౌండేషన్ ద్వారా రక్తదాన శిబిరాలు, క్లీన్ అండ్ గ్రీన్ కార్యక్రమాలు నిర్వహించారు.

✍️ *ఆధ్యాత్మిక, సాంస్కృతిక నగరంగా ..

🔹పారిశ్రామిక కార్యక్రమాలకే పరిమితం కాకుండా ఆధ్యాత్మిక సాంస్కృతిక కార్యకలాపాలతో ఈ ప్రాంతం సరికొత్త పరిమళాలతో విరాజిల్లింది. శ్రీసిటీ ఆధ్యాత్మిక సాహిత్య వేదిక శ్రీవాణి ద్వారా నిర్వహించిన భజనలు, కళా ప్రదర్శనలు, సాహిత్య చర్చలు, దైవీక కార్యక్రమాలు శ్రీసిటీ పరిసర ప్రజల ప్రశాంత జీవనానికి బాటలు వేశాయి.

🔹 డా. సాయికృష్ణ యాచేంద్ర రచించిన 'సంగీత గేయధార', అన్నమయ్యను సంఘ సంస్కర్తగా చిత్రించే సాహిత్య-సంగీత కార్యక్రమం, ఉగాది పురస్కారాలు, శ్రీ ప్రసన్న వేంకటేశ్వర స్వామి వార్షికోత్సవం, కవయిత్రి మాతృశ్రీ తరిగొండ వెంగమాంబపై సాహిత్య-సంగీత కార్యక్రమం, వైకుంఠ ఏకాదశి వేడుకలు.. శ్రీవాణి నిర్వహించిన కొన్ని ముఖ్యమైన కార్యక్రమాలు.

✍️మొత్తంగా .. 2023లో శ్రీసిటీ ప్రయాణం వేగవంతమైన వృద్ధి, ప్రపంచస్థాయి గుర్తింపు, స్థిరమైన అభివృద్ధిని సాధించింది.చురుకైన పనితీరుతో పలు సవాళ్లను సమర్థవంతంగా ఎదుర్కొంటూ, నూతన ఆవిష్కరణలపై దృష్టి కేంద్రీకరించడం ద్వారా సమగ్ర అభివృద్ధికి చిరునామాగా భారతదేశం, ప్రపంచ ఆర్థిక ప్రగతిలో కీలక పాత్ర పోషించింది.

24/12/2023

*సమాజ హిత, విద్యాభివృద్ధికి ప్రాధాన్యత..👨‍👨‍👧‍👦📚

*పేద విద్యార్థుల ప్రతిభను ప్రోత్సహించడమే లక్ష్యం🏆🏆

*సత్యవేడులో పూర్వ విద్యార్థుల అపూర్వ కలయిక🤝🤝

*SSC 1988-89 బ్యాచ్ పూర్వ విద్యార్థులచే 'నేస్తం' సంస్థ ఆవిర్భావం
🌹🌹
🔹🔹

📝 పేద విద్యార్థులకు అండగా నిలుస్తూ, సమాజ హిత పనులకు ముందడుగు వేయాలని 1988-89 విద్యాసంవత్సరంలో చదువుకున్న పూర్వవిద్యార్థులు "నేస్తం" సంస్థగా ఆవిర్భవించి, సమాజహితోభిలాషులు గా లక్ష్యసాధనతో కూడిన నిర్ణయం తీసుకున్నారు.

🔖సత్యవేడు బేరి శెట్టి కళ్యాణమండపంలో పూర్వ విద్యార్థుల అపూర్వ కలయిక సమ్మేళనం స్నేహపు చిరుజల్లులతో ఆత్మీయ పలకరింపుల తొలకరివానలా సందడిగా సాగింది.

🔖గతంలో ఈ పూర్వపు విద్యార్థులు పలు ప్రభుత్వ పాఠశాలల్లో పేద విద్యార్థులకు విద్యాసామాగ్రి , ఇతర వసతులు కూడా కల్పించడం జరిగింది.

🔖ఆదివారం బేరి శెట్టి కళ్యాణ మండపంలో ఏకమై తమ భవిష్యత్తు సమాజ హిత పనులపై చర్చించారు.

🔖నేస్తం పేరుతో సత్యవేడు నియోజకవర్గం పరిధిలో విద్యా వసతులు కల్పించడం, ప్రభుత్వ పాఠశాలల్లో ఉత్తమ ఫలితాలు సాధించే వారికి ప్రత్యేక బహుమతులు, నగదు పురస్కారాలు కూడా అందించడానికి నేస్తం
ముందుకు వచ్చింది.

🔖 సత్యవేడు ప్రభుత్వ డిగ్రీ కళాశాలలో కూడా మంచినీటి వసతులు కల్పించడానికి నిర్ణయం తీసుకున్నారు.

🔹 ఘన సత్కారం🔹

✍️ తమ ఉన్నతికి దిశా నిర్దేశం చేసిన అప్పటి ఇంగ్లీషు, సోషల్ టీచర్ గా ఉన్న వసంతమ్మకు పూర్వపు విద్యార్థులు ఘనంగా సత్కరించారు.

✍️ పూలమాలలు వేసి శాలువతో సత్కరించారు. అప్పట్లో విద్యా వ్యవస్థ, విద్యార్థుల పరిస్థితులను వసంతమ్మ వివరించారు.

✍️ క్రమశిక్షణతో ఉన్న విద్య ఉత్తమ ఫలితాలను ఇస్తుందని వసంతమ్మ చెప్పుకొచ్చారు .

✍️ ఉన్నతంగా ఎదిగిన ప్రతి విద్యార్థి విద్యా వసతులు, పేద కుటుంబాలను ఆదుకోవడానికి ముందుకు రావాలని పిలుపునిచ్చారు.

🌹 *"నేస్తం" లోగో ఆవిష్కరణ* 🌹

🔖 పూర్వపు విద్యార్థులు నూతనంగా తయారుచేసిన 'నేస్తం' లోగోను పూర్వపు సోషల్ టీచర్ వసంతమ్మ చేతుల మీదుగా ఆవిష్కరించారు.

🔖 విధిగా ప్రతి సంవత్సరం నేస్తం సంఘ సమావేశం ఏర్పాటు చేసుకొని ఆర్థికంగా బలోపేతమై సమాజ హిత పనులకు ముందుకు రావడం జరుగుతుందని పూర్వపు విద్యార్థులు స్పష్టం చేశారు.

🔖 చాలా కాలం తర్వాత మీరు ఒకే వేదిక మీదకు రావడం, చదువుకున్నప్పుడు జరిగిన మధుర స్మృతులు, తమ కుటుంబాలు, పిల్లల చదువులు ఇతర విషయాలను వీరు ముచ్చటించుకోవడం జరిగింది.

🔹 ఈ కార్యక్రమంలో నేస్తం 1988 - 89 సంఘ సభ్యులు బి. కుమార్, శాంత కుమార్, ప్రసాద్ రెడ్డి, మేయ్యప్పన్ , ప్రభాకర్, గోకుల్ కృష్ణ , వెంకటేశ్వర్లు, లోకేష్, డూండీ, ఉష , కే ఆర్ వాణి , రేణుక తదితరులు పాల్గొన్నారు.

23/12/2023

🔹 ఒక్క టిక్కెట్టుపై మూడు ఆటలు.

🔹 అప్పట్లో వైకుంఠ ఏకాదశికి టూరింగ్ టాకీస్ లో.. ఇది సంగతి

🎬 మీ అభిమాన భాను మూవీ లాండ్ లో వైకుంఠ ఏకాదశి సందర్భంగా ఒక్క టికెట్ పై మూడు ఆటలు...

🎬 మీ నూర్జహాన్ టాకీస్ లో ఒక్క టికెట్ పై నాలుగు ఆటలు..

🎬భాస్కర మూవీ లాండ్ లో ఒక్క టికెట్టు పై ఎన్టీఆర్ చిత్రాలు మూడు.. అంటూ గోడలకు పోస్టర్లు అంటిస్తూ వీధుల్లో మూడు చక్రాల రిక్షాలకు మైకులు కట్టి.. మైకులు మోత... ఇలాంటి పాత జ్ఞాపకాల వైకుంఠ ఏకాదశి సందర్భంగా జాగరణ కోసం టూరింగ్ టాకీసు యాజమానుల పోటీ...

📽️ ఒక్క ప్రొజెక్టర్.. ఒకే రాత్రి.. రాత్రి పది గంటల నుంచి మరుసటి రోజు ఉదయం 7 గంటల వరకు సినిమాల జాతర ఇప్పటికీ మరిచిపోలేని మధుర జ్ఞాపకమే.

సత్యవేడుకు దక్షిణాన భాను మూవీ లాండ్, ఇప్పుడున్న మురుగన్ థియేటర్ వద్ద నూర్జహాన్ టూరింగ్ టాకీస్, ఊత్తుకోట రోడ్డులోని మాజీ ఎంపీపీ మస్తాన్ ఇంటి పక్కనే భాస్కరా టాకీస్ ఉండేది..

వైకుంఠ ఏకాదశి, మహాశివరాత్రి వంటి రోజుల్లో ఒక్క టికట్టుపై మూడు నుంచి నాలుగు సినిమాలు ప్రదర్శించేవారు.

ఈ సినిమాల్లోకి జనం వెళ్లి సినిమాలు చూస్తూ జాగరణ పూర్తి చేసేవారు అప్పట్లో ఇసుక నేల, బెంచి, కుర్చీ వంటి మూడు దశల్లో సినిమా టికెట్లు ఉండేవి.

అప్పట్లో ఈ టూరింగ్ టాకీసులకు చీఫ్ ఎలక్ట్రిషన్ , సౌండ్ ఇంజనీర్ గా దివంగత ఎస్సార్ మునస్వామి, చీఫ్ కార్పెంటర్ గా ఆర్ముగం ఆచారి లు ఉండేవారు.

1990 నుంచి 2002 వరకు ఈ టూరింగ్ టాకీసుల్లో వైకుంఠ ఏకాదశి నేపథ్యంలో రాత్రి నుంచి మరుసటి రోజు ఉదయం వరకు సినిమాలు ప్రదర్శించేవారు. కాలక్రమేనా పెరిగిన సాంకేతిక పరిజ్ఞానం, మారిన జీవన పరిస్థితులు దృష్ట్యా టూరింగ్ టాకీస్ లు కనుమరుగయింది.

22/11/2023

శ్రీసిటీని వరించిన ‘ఇండియాస్ మోస్ట్ ఇన్నోవేటివ్ సస్టైనబిలిటీ ప్రాజెక్ట్ ఆఫ్ ది ఇయర్’ అవార్డు

- తమ నిబద్ధతకు తగిన గుర్తింపు అన్న శ్రీసిటీ ఎండీ

🌹🌹

దేశంలోని ప్రముఖ వ్యాపార ప్రచురణ సంస్థ మరియు వ్యాపార రంగంలో లోతైన విశ్లేషణకు ప్రసిద్ధి చెందిన బిజినెస్ వరల్డ్ నిర్వహించిన సస్టైనబుల్ వరల్డ్ కాన్క్లేవ్ & అవార్డ్స్ 5వ ఎడిషన్‌లో 'ఇండియాస్ మోస్ట్ ఇన్నోవేటివ్ సస్టైనబిలిటీ ప్రాజెక్ట్ ఆఫ్ ది ఇయర్' అవార్డును శ్రీసిటీ సొంతం చేసుకుంది. మంగళవారం సాయంత్రం ముంబైలో జరిగిన ప్రత్యేక కార్యక్రమంలో బిజినెస్ వరల్డ్ చైర్మన్ & ఎడిటర్-ఇన్-చీఫ్ డాక్టర్ అనురాగ్ బాత్రా నుండి శ్రీసిటీ ప్రెసిడెంట్ (ఆపరేషన్స్) సతీష్ కామత్ అవార్డును అందుకున్నారు.

సుస్థిరత ప్రమాణాలను గుర్తించే ప్రతిష్టాత్మక వేదికైన సస్టైనబుల్ వరల్డ్ కాంక్లేవ్ & అవార్డ్స్, శ్రీసిటీ చేపడుతున్న స్థిరమైన పట్టణీకరణ అభివృద్ధి చర్యలను గుర్తించింది. ఈ రంగంలో నిపుణులు, పరిశ్రమ లీడర్‌లతో కూడిన అత్యున్నత న్యాయనిర్ణేతలచే కఠినమైన మూల్యాంకన ప్రక్రియ ద్వారా ఈ అవార్డుకు విజేతలను ఎంపిక చేశారు.

ఈ అవార్డు పట్ల శ్రీసిటీ మేనేజింగ్ డైరెక్టర్ డాక్టర్ రవీంద్ర సన్నారెడ్డి తన సందేశంలో సంతోషం వ్యక్తం చేశారు. పర్యావరణం, సమాజాన్ని ప్రభావితం చేసే వినూత్న స్థిరత్వ చర్యలను అమలు చేయడంలో శ్రీసిటీ నిబద్ధతను ఈ ప్రతిష్టాత్మక అవార్డు పునరుద్ఘాటిస్తుందన్నారు. తమ విజయంలో శ్రీసిటీ వాటాదారులు, వ్యాపారులు, స్థానిక ప్రజలు అందరి సహకారం, చురుకైన భాగస్వామ్యం ఉందన్నారు. స్థిరమైన పట్టణాభివృద్ధి లక్ష్యాలను మరింత ముందుకు తీసుకురావడానికి శ్రీసిటీ నిరంతర కృషి కొనసాగుతుందని ఆయన పేర్కొన్నారు.

పర్యావరణ నిబంధనలకు కట్టుబడి ఉండటమే కాకుండా, సాంప్రదాయ పద్ధతులకు అతీతంగా వినూత్న స్థిరత్వ చర్యలను అనుసరించడం ద్వారా శ్రీసిటీ తనకంటూ ప్రత్యేకతను చాటుకుంది. పారిశ్రామిక నగరం యొక్క స్థిరమైన పట్టణ అభివృద్ధి ప్రమాణాలు దీని నిబద్ధతను ప్రతిబింబిస్తుంది. ప్రభావశీల కార్యక్రమాలను అమలు చేయడంలో శ్రీసిటీ సాధించిన విజయానికి ఈ అవార్డు కొలబద్దగా నిలుస్తుంది. హరిత కార్యక్రమాల నుండి వ్యర్థాల నిర్వహణ వరకు, శ్రీసిటీ చేపడుతున్న చర్యలు, గుర్తింపుతో పాటు సంస్థ అంకితభావాన్ని తెలియచేస్తాయి.

17/11/2023

*కృష్ణా జలాల పునః పంపిణీ పై నోటిఫికేషన్లు రద్దు చేయాలి సిపిఐ డిమాండ్
📝

తిరుపతి జిల్లా వరదయ్యపాలెం భారత కమ్యూనిస్టు పార్టీ (సిపిఐ)ఆధ్వర్యంలో ఈనెల 20.21 వ తేదీ లో విజయవాడలో 30 గంటల నిరసన దీక్ష కార్యక్రమంలో భాగంగా
వరదయ్యపాలెం మండల సిపిఐ కార్యదర్శి తరుణ్ కుమార్ ఆధ్వర్యంలో గోడ కరపత్రికలు విడుదల చేయడం జరిగింది సిపిఐ జిల్లా కార్యవర్గ సభ్యుడు సుధాకర్ రెడ్డి మాట్లాడుతూ భావితరాల భవిష్యత్తుకే పోరుచయ కదులుదాం రండి. అంటూ నినాదిస్తూ కేంద్రంలో బిజెపి విభజన చట్టంలో పొందుపరచిన తిలోదకాలు హామీలను ఇచ్చి వ్యతిరేక చర్యలకు పాల్పడుతుందన్నారు పెడరల్ స్ఫూర్తి కి విరుద్ధంగా ఆయా రాష్ట్రాలతో సంప్రదింపులు చేయకుండానే అడ్డు గోడలుగా నిర్ణయాలు చేయడానికి తక్షణ ఉపసంహరించుకోవాలని ఆయన డిమాండ్ చేశారు రాష్ట్రానికి ఇంత అన్యాయం జరుగుతున్న జగన్మోహన్ రెడ్డి కేంద్రాన్ని ప్రశ్నించలేని స్థితిలో ఉన్నారని వ్యక్తిగత ప్రయోజనాల కోసం రాష్ట్ర ప్రజల ప్రయోజనాలను తాకట్టు పెడుతున్నారని ఆయన ఆరోపించారు ఈ కార్యక్రమంలో సిపిఐ జిల్లా సమితి సభ్యులు కత్తి ధర్మయ్య బుర్ర చంద్రశేఖర్ సిద్దులయ్య పార్టీ నాయకులు కృష్ణమూర్తి వెంకటేష్ ఏఐవైఎఫ్ జిల్లా నాయకులు నాగార్జున మురళి తదితరులు పాల్గొన్నారు

17/11/2023

*హత్య కేసు దర్యాప్తులో “ _సత్యవేడు_ “ పోలీసుల దాగుడుమూతలు!!

🚔_హత్య జరిగి 4 నెలలు కావస్తున్నా… కానరాని పురోగతి!?

🚔_ఆధారాలు సేకరించడంలో పోలీసుల నిలువెత్తు నిర్లక్ష్యం?

🚔_అత్యాధునిక సాంకేతిక పరిజ్ఞానం ఉన్న దర్యాప్తులో ఎందుకో ఈ నిర్లక్ష్య ధోరణి!

🚔_మిలియన్ డాలర్ల ప్రశ్నగా మారిన మాజీ వాలంటీర్ హత్యా కేసు

🚔_ఈ కేసు దర్యాప్తులో బ్రేక్ కూ ఏదో జరిగిందని నియోజకవర్గ మొత్తం టాక్!

🚔_సత్యవేడు, నారాయణవనం సి.ఐ లు దర్యాప్తు చేసిన ఫలితం లేదేంటి సార్

🚔_ఈ హత్య కేసు దర్యాప్తు వేరే సబ్ డివిజన్ కు మారిస్తే తప్ప మిస్టరీ విడదా ..?
📝📝📝📝

తిరుపతి జిల్లా సత్యవేడు మండలంలో సంచలనం రేపిన మాజీ గ్రామ వాలెంటిర్ మునిశేఖర్ {27} హత్యకేసులో మిస్టరీ ఇంకా వీడలేదు. హత్య ఎవరు.. ఎందుకు చేశారన్న కోణంలో దర్యాప్తు చేశామన్న పోలీసులు సరైన ఆధారాలు సేకరించడంలో, అసలైన ముద్దాయిను గుర్తించడంలో వల్లమాలిన నిర్లక్ష్యం ప్రదర్శించడం వల్లే ఈ కేసు ఇంకా... కొలిక్కి రాకుండా నీరుగారి పోతుందిన్న ఆరోపణలు సర్వత్రా వ్యక్తమవుతున్నాయి. అసలు వివరాల్లోకి వెళితే.. సత్యవేడు మండలంలోని మోటుపాలెం (రేపల్లెవాడ) జగనన్న కాలనీ సమీపంలో ఈ ఏడాది ఆగస్టు 6 తారీఖున రాత్రి 08:00 సమయంలో సత్యవేడు మండలంలోని రంగనాధపురం గ్రామానికి చెందిన మాజీ గ్రామ వాలంటీర్, శ్రీ సిటీలోని ఓ పరిశ్రమలో విధులు నిర్వహిస్తున్న ఢిల్లీ బాబు, నాగమ్మ కుమారుడు మునిశేఖర్ {27} అనే యువకుడ్ని ఈ క్రమంలో గుర్తుతెలియని దుండగులు కత్తులతో ఇనుప రాడ్తో అతికిరాతకంగా ఆతని నరికి, ముఖంపై దాడి చేసి చంపారు. అప్పట్లో ఈ ఘటన స్థానికంగా తీవ్ర కలకలం రేపింది. ఇదిలా ఉండగా హత్య జరిగిన ప్రాంతానికి కూత వేటు దూరంలో దుకాణం పెట్టుకుని ఉన్న రేపల్లెవాడ గ్రామానికి చెందిన చెంగయ్య అనే వ్యక్తి ఈ హత్యకు పాల్పడ్డట్టు మృతుని కుటుంబ సభ్యులు తీవ్రంగా ఆరోపిస్తున్నారు! చేంగయ్య మునిశేఖర్ ను హత్య చేయడానికి కూడా... మునిశేఖర్ కుటుంబానికి చెందిన మృతుడికి వదిన వరస అయ్యే ఓ మహిళతో సాగిస్తున్న అక్రమ సంబంధాన్ని మునిశేఖర్ తరచూ ప్రశ్నించేవాడని, ఈ విషయమై ఆ ఇరువురిని చాలా సార్లు మందలించాడని దిన్ని మనసులో కక్షగా పెట్టుకున్న చెంగాయ్య, మునిశేఖర్ ఇంటికి వచ్చి అతని తల్లి నాగమ్మను మీ కుమారుడు నా విషయంలో అతిగా తలదురుస్తున్నాడు అతని అంతమందిస్తా అని బెదిరించి వెళ్లేవాడని ఈ క్రమంలోనే చెంగయ్యా, ఆ మహిళ మరికొంతమందితో కలిసి ఈ హత్యకు పాల్పడ్డట్లు కుటుంబ సభ్యులు నిట్టూరుస్తున్నారు, నిర్వేదం వ్యక్తం చేస్తున్నారు. ఈ హత్యపై ఘటన జరిగిన నాడు మృతుడి తల్లి తండ్రి పిర్యాదు మేరకు కేసు నమోదు చేసిన పోలీసులు, ఈ హత్య కేసులో అనుమానితుడిగా చెంగాయ్యా పేరును ఫస్ట్ ఇన్ఫర్మేషన్ రిపోర్ట్ లో చేర్చారు , అనంతరం అతని అదుపులోకి తీసుకొని లోతుగా దర్యాప్తు చేశామని కానీ చెంగయ్య ఈ హత్య చేయలేదని చెప్తున్నాడని? తమకు కూడా దర్యాప్తులో అతడి హస్తమున్నట్టు ఆధారాల లభించలేదని పోలీసులు చేతులెత్తేశారు! ఆ దర్యాప్తు ఎలా జరిగిందో ఎలా జరుగుతుందో స్థానికంగా ప్రజలు కథలుగా చెప్పుకుంటున్నారు? సరే అతడు ఈ హత్యకు పాల్పడలేదని అనుకుందాం మరి ఎవరు చేశారు? ఎందుకు చేయించారు? ఎలా జరిగింది? నాలుగు నెలలు కావస్తున్నా ఇప్పటికీ సమాధానం లేదు! గంటలు, రోజులు వారాలు, నెలలు కాలగర్భంలో కలిసిపోతున్న ఇంతవరకు ఈ కేసులో సంబంధం ఉన్న ఎవర్ని అరెస్ట్ చేయలేదు, న్యాయస్థానం ముందు హాజరు పరచలేదు, హత్యకు సంబంధించి ఒక్క క్లూ సేకరించిన పాపాన పోలేదని మృతుని కుటుంబ సభ్యులు కన్నీరు మున్నీరుగా విలపిస్తున్నారు, ఆ విధంగానే దర్యాఫ్తు తీరు కళ్ళకు కట్టినట్లు కనిపిస్తుంది. జిల్లా పరిధిలోని పుత్తూరు సబ్ డివిజన్ పరిధిలో సత్యవేడు సిఐ శివకుమార్ రెడ్డి, నారాయణవనం సిఐ సురేష్ బృందం ఈ కేసును వేరువేరుగా లోతుగా దర్యాప్తు చేశారు, కానీ కేసు డిటెక్ట్ కాలేదు కారణాలు ఏమిటో ఎవరికి తెలియలేదు కానీ ఘటనకు సంబంధించి దర్యాప్తులో ఎందుకు జాప్యం జరుగుతుందో నెలలు గడుస్తున్నా పురోగతిలో అడుగు ఎందుకు ముందుకు పడడం లేదో అది సమాధానం లేని ప్రశ్నగానే ఉంది, ఈ కేసులో హత్య ఆరోపణలు ఎదుర్కొంటున్న చంగయ్య మరో రాజకీయ నాయకుడు ఈ కేసు దర్యాప్తుకు బ్రేకులు వేశారని, దాని వెనక పెద్ద కథే నడిచిందని ఆరోపణలు గుప్పెమంటున్నయ్. ఈ కేసును పుత్తూరు సబ్ డివిజన్ కు కాకుండా మరో సబ్ డివిజన్ కు మార్చి విచారణ అధికారిగా మరొకరిని నియమించి దర్యాప్తు చేస్తే గంటల వ్యవధిలోనే కేసు కొలిక్కి వచ్చే అవకాశం ఉన్నట్లు తెలుస్తుంది! ఒక యువకుడి నిండు ప్రాణాన్ని అందులోనూ ఒక మాజీ గ్రామ వాలంటీర్ను నడి రోడ్డుపై అతి కిరాతకంగా నరికి చంపి నాలుగు నెలలు కావస్తున్నా దర్యాప్తులో దయనీయ స్థితి నెలకోవడం అందులోనూ మృతుని కుటుంబ సభ్యులు నిరుపేద రజక కులానికి చెందినవారు కావడం, చేతికిందొచ్చిన కొడుకు ఇలా మట్టిలో కలిసిపోవడం అందుకు కారణమైన వాళ్ళు వీళ్లే అని ఆరోపణలు ఎదుర్కొంటున్న వారు నడిరోడ్డుపై దర్జాగా నడయాడుతుండడం బాధాకరమైన విషయం. ఈ హత్యోదంతంపై పుత్తూరు డిఎస్పీని వివరణ కోరగా వీలైనంత త్వరలోనే కేసును చేదించి అసలైన నిందితులను గుర్తించి చట్టం ముందు నిలబెడతామని, ఇప్పటికే ఈ కేసులు దర్యాప్తును వేగవంతం చేసినట్లు ఆయన పేర్కొన్నారు..అయితే తప్పు చేసిన వారికి శిక్ష పడినప్పుడే నేరాలు...ఘోరాలు తగ్గడంతో పాటు బాధితులకు కొంతమేర ఊరట కలుగుతుంది అయితే పోలీసుల నిర్లక్ష్య ధోరణి కారణంగా కొన్ని కేసుల్లో నిందితులకు ఎలాంటి శిక్ష పడటం లేదు. కనీసం అరెస్ట్ కూడ కావడం లేదు! దీంతో వారు మళ్లీ మళ్లీ నేరాలకు పాల్పడుతున్నారు. శిక్ష నుంచి తప్పించుకుని స్వేచ్ఛగా తమ కళ్లముందే నిందితులు తిరుగుతుండటం చూసి బాధితులు కుమిలిపోతున్నారు. ఇష్టం లేని దర్యాప్తులు చేస్తున్న పోలిసులకేసులు మెజార్టీ కోర్టులో వీగిపోవడం ఆందోళన కలిగించే అంశంగా చెప్పవచ్చు, సంఘటన జరిగినప్పుడు పోలీసులు హడావుడి చేయడం, ఆ తర్వాత దర్యాప్తుకు అవసరమైన సాక్ష్యాధారాలను సరైన రీతిలో సేకరించకపోవడంతోనే నిందితులు కేసుల నుంచి సులువుగా బయటపడుతున్నారనే విమర్శలు ఉన్నాయి. ఇక నమోదైన కేసుల దర్యాప్తు విషయంలో పోలీసుల పని తీరు మరింత దారుణంగా ఉంది. సకాలంలో దర్యాప్తు పూర్తి చేసి కోర్టులో చార్జిషీట్లు వేయడంలేదు దీంతో ఎన్నో మిస్టరీగా మిగిలిపోతున్నాయి. అందుకు ఊతమిచ్చే విధంగా సత్యవేడు హత్య కేసు ఉంది అనడంలో అతిశయోక్తి లేదు, కేసులను చేదించడంలో దేశంలోనే ప్రత్యేకమైన గుర్తింపు సొంతం చేసుకున్న తిరుపతి జిల్లా పోలీసులు ఈ హత్య కేసులో తడబడుతుండడం జిల్లా పోలీసులకే సవాల్ గాను సందిగ్గంతో కూడిన మచ్చగా ఉంటుంది ఏమో? ఇప్పటికైనా సీనియర్ పోలీస్ ఉన్నతాధికారులు స్పందించి ఈ కేసును దర్యాప్తును వేగవంతం చేయించి అసలైన ముద్దాయిలునూ న్యాయస్థానం ముందు హాజరు పరచవలసిన అవసరం ఎంతైనా ఉంది, కానీ ఏ మేరకు పురోగతి జరుగుతుందో దోషులు న్యాయస్థానముందు ఏ మేరకు నిలబెడతారో ఆ కాలమే సమాధానం చెప్పాలి!

16/11/2023

*"దేశ జిడిపికి శ్రీసిటీ గణనీయంగా దోహదపడుతుంది"

*- కేంద్ర ఆర్థిక మంత్రి శ్రీమతి నిర్మలా సీతారామన్🔹

🟣 కేంద్ర ఆర్థిక, కార్పొరేట్ వ్యవహారాల మంత్రి శ్రీమతి నిర్మలా సీతారామన్ గురువారం తిరుపతి సిజిఎస్‌టి కమిషనరేట్‌లోని జిఎస్‌టి భవన్‌కు భూమి పూజ మరియు శంకుస్థాపన కార్యక్రమం సందర్భంగా,వీడియో కాన్ఫరెన్స్ ద్వారా మాట్లాడుతూ, మౌలిక సదుపాయాల అభివృద్ధి కోసం CGST మరియు కస్టమ్స్ వైజాగ్ జోన్‌ చేస్తున్న కృషిని అభినందించారు.

🔹తిరుపతి కమిషనరేట్‌ పరిధిలో గత ఏడాది జీఎస్టీ ఆదాయం రూ. 8,264 కోట్ల కాగా, ఈ సంవత్సరం సెప్టెంబరు 2023 వరకు రూ. 5,019 కోట్లతో, GST విధానంలో 300% వృద్ధిని సాధించిందని ఆమె పేర్కొన్నారు.

🔹 ఈ వృద్ధికి ఈ ప్రాంతంలోని ప్రయాణ వాహన తయారీ, సిమెంట్ మరియు ఆటోమోటివ్, బ్యాటరీ తయరీ పరిశ్రమలేనని ఆమె చెప్పారు.

🟣 అభివృద్ధి చెందుతున్న శ్రీ సిటీ పారిశ్రామిక కేంద్రంలో, భవిష్యత్ వృద్ధికి మంచి అవకాశం ఉందని, ఇది దేశ జిడిపికి గణనీయంగా దోహదపడుతుందని ఆమె వ్యాఖ్యానించారు.

🔹ఈ కార్యక్రమంలో రెవెన్యూ శాఖ కార్యదర్శి శ్రీ సంజయ్ మల్హోత్రా కూడా హాజరయ్యారు. శ్రీ సంజయ్ కుమార్ అగర్వాల్, సెంట్రల్ బోర్డ్ ఆఫ్ పరోక్ష పన్నులు మరియు కస్టమ్స్ (CBIC); శ్రీ వివేక్ రంజన్ జోనల్ సభ్యుడు, CBIC; శ్రీ సంజయ్ పంత్, చీఫ్ కమీషనర్ CGST & కస్టమ్స్, విశాఖపట్నం జోన్; మరియు శాఖ, రాష్ట్ర ప్రభుత్వం మరియు సీనియర్ మేనేజ్‌మెంట్ ఆఫ్ ట్రేడ్ అండ్ ఇండస్ట్రీస్ ఇతర సీనియర్ అధికారులు కూడా పాల్గొన్నారు.

16/11/2023

తెలుగింటి అత్తగారు శ్రీ సూర్యకాంతం గారికి హృదయ పూర్వక వందన కసుమాంజలి సమర్పించుకుంటూ..ఘన నివాళులు అర్పిస్తున్నాము📝

16/11/2023

సరిహద్దు రోడ్డు...
*అధ్వానం చూడు..!!
✒️

మూడేళ్లకు పైగా రోడ్ల మరమ్మత్తుల విషయంపై పట్టించుకునే దిక్కు లేకపోవడంతో గ్రామీణలో పడుతున్న అవస్థలు వర్ణనాతీతం..

ప్రధానంగా రాష్ట్రాల సరిహద్దు ప్రాంతంలో ఉన్న రోడ్లు అధ్వానంగా మారింది ప్రభుత్వం దృష్టికి పలుమార్లు సమస్యను తీసుకెళ్లిన ఫలితం లేదని గ్రామస్తుల వాపోతున్నారు.

ప్రధానంగా సత్యవేడు మండలం గొల్లపాలెం - పాలగుంట రోడ్డు దుస్థితికి చేరింది ఈ కారణంగా ఆంధ్ర - తమిళనాడు రాష్ట్రాల సరిహద్దు గ్రామస్తులు ఇబ్బందులు పడుతున్నారు దీనికి తోడు శ్రీ సిటీ లోని వివిధ పరిశ్రమల్లో పని చేస్తున్న కార్మికులు కూడా ఈ రోడ్డు మార్గంలోనే ఎక్కువగా రాకపోకలు సాగిస్తున్నారు మరమ్మత్తులు లేకపోవడంతో మోకాలు లోతులో గుంతల పడిపోవడం, కొన్ని కీలక మలుపుల వద్ద రోడ్డు అద్వానంగా ఉంది

*-పడితే పుత్తూరు కట్టే

వర్షాకాలంలో ఈ రోడ్డు మీద ఉన్న గుంతలు తెలియక అనేకమంది ప్రమాదాల గురవుతున్నారు ఇరుగుళం పాలగుంట సత్యవేడు రాచపాలెం గొల్లపాలెం ప్రాంతాల నుంచి అనేకమంది నిత్యం ఈ రోడ్డుమీదనే రాకపోకలు సాగిస్తున్నారు గుంతల పడటం, కాలు లేదా చేయి విరగడం పుత్తూరు కట్టు కట్టుకొని సుమారు నెలరోజులు పాటు ఇంటివద్దె ఇబ్బందులు పడ్డవారు అనేకమంది ఉన్నారు స్థానిక ఎమ్మెల్యే ఆదిమూలం, అధికారులు స్పందించి యుద్ధ ప్రాతిపదికన మరమ్మతులు చేయాలని పలువురు గ్రామస్తులు కోరుతున్నారు

08/11/2023

04/11/2023

*సిఐ సారూ..!
*తహసిల్ధార్ మేడమ్ గారూ...!!
*-అవస్థలు తొలగించండి..

కొన్ని చిన్న చిన్న సమస్యలు అధికారులు తలుచుకుంటే సులువుగా పరిష్కారం అవుతుంది. ఆకోవలో సత్యవేడు - బాలకృష్ణాపురం వయా సత్యవేడు శివాలయం రోడ్డు దుస్థితిలో ఉంది.. అడుగడుగునా గుంతలు.. చిన్నచిన్న చెరువును తలపించే విధంగా ఈ రోడ్డు ఉంది.. రోడ్డు మరమ్మతుకు నిధులు లేవని సంబంధిత అధికారులు చెబుతున్నారు.. అందువల్ల ఓ నాలుగు టిప్పర్ లారీల గులకమన్నును ఈ రోడ్డు మీదకు తరలిస్తే.. అవస్థలు తొలగుతాయని స్థానికులు, భక్తులు విజ్ఞప్తి చేస్తున్నారు.. ఆ మేరకు దయగల హృదయం ఉన్న సత్యవేడు సర్కిల్ ఇన్స్పెక్టర్ శివ కుమార్ రెడ్డి మరియు సత్యవేడు తాసిల్దార్ షేక్ జరినా లు స్పందిస్తే బాగుంటుందని స్థానికులు, విద్యార్థులు, భక్తులు కోరుతున్నారు..

28/10/2023

*అన్నాభిషేక దర్శనం మహాభాగ్యం

🔖నాగలాపురం మండలంలోని సురుటుపల్లి శ్రీ సర్వమంగళ సమేత శ్రీ పల్లికొండేశ్వర స్వామి వారి ఆలయంలో శనివారం వాల్మీకేశ్వర స్వామికి అత్యంత వైభవంగా అన్నాభిషేక పూజా కార్యక్రమంను వైభవోపేతంగా నిర్వహించారు. పౌర్ణమి నేపధ్యంలో ఈ పూజా కార్యక్రమంను నిర్వహించారు. అన్నంతో వాల్మీకేశ్వర స్వామికి అభిషేకించారు.
అనంతరం వివిధ రకాల కూరగాయలతో స్వామి వారిని అలంకరించారు.
వాల్మీకేశ్వర స్వామి ఎదురుగా ఉన్న మండపాన్ని కూడా వివిధ రకాల కూరగాయలతో నయనందకారంగా తీర్చదిద్దారు.

🔖వాల్మీకేశ్వర స్వామి కి ఎదురుగా ఉన్న రామలింగేశ్వర స్వామికి కూడా అన్నాభిషేకం చేసి ప్రత్యేకంగా
అలంకరించారు.

🔖మహా హారతి కార్యక్రమం నిర్వహించి భక్తులకు దర్శన భాగ్యం కల్పించారు.

🔖మునుపెన్నడూ లేనివిధంగా వాల్మీకేశ్వర స్వామికి , రామలింగేశ్వర స్వామికి అన్నాభిషేకం ఒకే దఫా నిర్వహించడం ప్రత్యేకతను సంతరించుకుంది.

🔖నాగలాపురం సురుటుపల్లి, తమిళనాడు ప్రాంతాల నుంచి భక్తులు ఎక్కువ సంఖ్యలో ఈకార్యక్రమాన్ని తిలకించడం జరిగింది.ఈకార్యక్రమాలను దగ్గరుండి పర్యవేక్షించి స్వామి వారి అలంకరణ విషయంలో ప్రత్యేక చొరవ తీసుకున్న ఆలయ ట్రస్టు బోర్డ్ చైర్మేన్ ఏవిఎం బాలాజీ రెడ్డికి భక్తులు కృతఙ్ఞతలు తెలిపారు.

🔖దాతలు, భక్తులు, సిబ్బంది సహకారంతో అన్నాభిషేక కార్యక్రమం విజయవంతం చేశామని బాలాజీ రెడ్డి తెలిపారు.

24/10/2023

📝ఆటో డ్రైవర్స్ సంఘం ఆధ్వర్యంలో ఘనంగా ఆయుధపూజ

STN..📝

తిరుపతి జిల్లా వరదయ్యపాళెం మండలంలోని బత్తలవల్లం ఏకం ఆలయం సమీపంలో మంగళవారం ఆటో డ్రైవర్స్ సంఘం ప్రెసిడెంట్ గోపి, సెక్రటరీ శ్రీహరి ఆధ్వర్యంలో ఆయుధపూజ కార్యక్రమాన్ని ఘనంగా నిర్వహించారు.

ఈకార్యక్రమానికి ముఖ్య అతిథిదులుగా ఏకం ఆలయ ప్రతినిధి లోకేష్ దాసాజీ, వైకాపా నియోజకవర్గ ప్రఛార కార్యదర్శి ఓడూరు ఉజ్వల రెడ్డి పాల్గోన్నారు.

ఆటోలను సుంధరంగా తయారుచేసి, కాయ ఖర్ఫూర హారతులతో ప్రత్యేక పూజలు నిర్వహించారు.

ఆటో సోదరులకు స్వీట్స్ పంచి పెట్టిన ఓడూరు ఉజ్వల రెడ్డి మాట్లాడుతూ మొదటగా విజయదశమి పర్వదిన శుభాకాంక్షలను తెలిపారు.

రోడ్డు భద్రతా నియమాలను పాటించి, పోలీసుల వారి అమూల్యమైన సూచనలను, సలహాలను అనుసరిస్తూ ప్రమాదరహిత మండలంగా వరదయ్యపాళెం ను రూపుదిద్దేందుకు ఆటో డ్రైవర్ల పాత్ర కీలకమైనది అన్నారు.

తమ భాద్యతలను గుర్తుంచుకుని, ప్రయాణికుల పట్ల గౌరవమర్యాదలతో నడుచుకుంటూ మరెంతో ఉన్నతంగా ఎదగాలని ఆయన పిలుపునిచ్చారు.

అలాగే ఏకం ఆలయ ప్రతినిధి లోకేష్ దాసాజీ మాట్లాడుతూ
ఆటో సోదరుల అభ్యున్నతికి
అన్ని విధాలుగా తమవంతు సహాయ సహకారాలను అందించడంలో ముందుంటామని పేర్కోన్నారు.

ఈ విజయ దశమి అందరి జీవితాల్లో నూతన విజయాలతో కొత్త వెలుగులను నింపాలని ఆకాంక్షిస్తున్నట్లు తెలిపారు.

ఈ కార్యక్రమంలో గ్రామ ప్రధాన అర్చకులు సుధాకర్ స్వామి,జగదిష్ స్వామి ఆటో సంఘం అధ్యక్షుడు గోపి, కార్యదర్శి శ్రీహరి, చిలమత్తూరు కిషోర్, ఆటో డ్రైవర్ సోదరులు తదితరులు పాల్గొన్నారు

23/10/2023

15/10/2023

*పేద మహిళకు స్వయం ఉపాధికోసం డైనమిక్ చేయూత
*కుట్టుమెషిన్, ఆర్ధికసాయం అందజేత
వరదయ్యపాలెం మండలం, పద్మావతిపురం గ్రామంలో కష్టాల్లో చిక్కుకున్న ఒక కుటుంబాన్ని ఆదుకునేందుకు డైనమిక్ ఫౌండేషన్ ముందుకు వచ్చింది. వృద్దాప్యంలో ఉన్న తల్లికి సేవలు అందించే క్రమంలో ఎక్కడా పనికి వెళ్లలేక ఇంటికే పరిమితమైన కుమారి అనే మహిళకు స్వయం ఉపాధి కోసం ఆదివారం సంస్థ ప్రతినిధులు కుట్టు మెషిన్, ఆర్ధిక సాయం అందించారు. ప్రభుత్వ పాఠశాల ప్రధానోపాధ్యాయులు ముని సుబ్రహ్మణ్యం చేతుల మీదుగా ఆమెకు ఈ సాయం అందించారు. ఇలాంటి వారికి మానవతా సాయం అందించడం డైనమిక్ స్నేహంలోని స్ఫూర్తికి నిదర్శనంగా నిలుస్తోందని ఈ సందర్భంగా మునిసుబ్రహ్మణ్యం అభినందించారు. డైనమిక్ చేపట్టే ఇలాంటి సేవా కార్యక్రమాల కోసం తనవంతుగా ప్రతినెలా ఐదు వందల రూపాయలు అందిస్తానని ఆయన ప్రకటించారు. ఈ కార్యక్రమంలో డైనమిక్ ప్రతినిధులు నాగప్రసాద్, బాలకృష్ణ, ప్రభాకర్, మొహమ్మద్, డేవిడ్, శ్రీనివాస్, శ్రీ చిల్డ్రన్ ట్రస్ట్ వ్యవస్థాపకులు శ్రావణ్ కుమార్ తదితరులు పాల్గొన్నారు.