Malayalam Books

17/12/2023

ഓൺലൈൻ പ്രകാശനം ഇന്ന് വൈകീട്ട്..

16/12/2023

മലയാളം ബുക്സിന്റെ പത്താം പുസ്തകം സന്ന എഴുതിയ നോവൽ 'ഫായിസ' യുടെ ഓൺലൈൻ കവർ പ്രകാശനം 17/12/2023 ഞായർ വൈകീട്ട് ‌6 ന്‌. എല്ലാവരും പങ്കെടുക്കുമല്ലോ..🙏🏽

30/10/2022

ഷാർജയിൽ...

13/10/2022

എന്റെ മൂന്നാം പുസ്തകം 'ഓർത്തെടുത്തത്‌' പുസ്തക പുറഞ്ചട്ട പ്രകാശനം ഒക്ടോബർ 13, വൈകീട്ട്‌ 7.00 മണിക്ക്‌ (ഇന്ത്യൻ സമയം) എന്റെ സൗഹൃദങ്ങൾ എല്ലാവരും ചേർന്ന് സോഷ്യൽ മീഡിയയിൽ നിർവ്വഹിക്കുന്നു.

പ്രിയ സുഹൃത്തുക്കളായ നിങ്ങളും പുറഞ്ചട്ട ഷെയർ ചെയ്ത് പ്രകാശനത്തിന്റെ ഭാഗമാകണമെന്ന് വിനീതമായി അഭ്യർത്ഥിക്കുന്നു.

'ഓർത്തെടുത്തത്‌' പേരുപോലെത്തന്നെ സ്വാനുഭവങ്ങളെ ഓർത്തെടുത്തെഴുതിയതാണ്‌.
ഒരു നോവൽ എഴുതിപ്പോയതിനാൽ പിന്നെയെന്തെഴുതിയാലും ആ അളവുകോൽ വച്ച്‌ വായനക്കാർ വിലയിരുത്തുമെന്ന ഭയമുള്ളതിനാൽ ഇനിയൊരു പുസ്തകം അടുത്തൊന്നും ഉണ്ടാവില്ലെന്നുറപ്പിച്ച്‌ FBയിൽ മാത്രമെഴുതി സമാധാനത്തോടെ ഇരിക്കുമ്പോഴാണ് നമ്പ്യാർ കഥകളും ഇപ്പോൾ ‌ഓർത്തെടുത്തത്തും സംഭവിക്കുന്നത്‌‌.

സ്വീകരിക്കുമെന്ന വിശ്വാസത്തോടെ..

തോമസ്‌ കെയൽ

21/09/2022

19/06/2022

ഇതിലേത്‌ പുസ്തത്തിനും ഒരു ക്ലിക്ക്‌ https://wa.me/917994429718

09/06/2022

#ഹൃദയപുരാണം ജൂലയ്‌ 10ന്‌ പ്രകാശനം..💕
എഴുത്തുകാരന്റെ കയ്യൊപ്പോടെ പുസ്തകം വേണമെങ്കിൽ ഇപ്പോൾ തന്നെ ബുക്ക്‌ ചെയ്യൂ..

07/06/2022

മലയാളം ബുക്സ്‌ പുസ്തകങ്ങൾ ഓൺലൈനിലും..

https://greenbooksindia.com/ente-europe-swapnangal-ragesh-kuruman-travelogue

https://greenbooksindia.com/pambu-velayudhan-thomas-keyal-novel-snake

07/06/2022

05/05/2022

പ്രീ പബ്ലിക്കേഷൻ ബുക്കിംഗ്‌ തുടരുന്നു..

23/04/2022

ലോക പുസ്തകദിനമായ ഏപ്രിൽ 23 ന്‌
മലയാളം ബുക്സിന്റെ നാല്‌ പുസ്തകങ്ങൾ 23% വിലക്കുറവോടെ..

24/02/2022

പാമ്പ്‌ വേലായ്തൻ..

തൃശൂർ സംസാര ശൈലി എന്റെ ജീവിതത്തിന്റെ ഭാഗമായത് 2005ലാണ്. ഗുരുവായൂരപ്പന്റെ കോളേജായ ഗുരുവായൂർ ശ്രീകൃഷ്ണ കോളേജിൽ പഠിക്കാൻ തുടങ്ങിയതുമുതൽ അറിഞ്ഞോ അറിയാതെയോ ആ ശൈലി എന്റെ സംസാരത്തെ സ്വാധീനിച്ചു തുടങ്ങി. ഇപ്പോഴും ആളുകൾ ചോദിക്കും, 'ങ്ങള് തൃശൂർകാരിയാണോ' എന്ന്. മുഴുവനായും ആ ശൈലിയോട് നീതി പുലർത്തിയില്ലെങ്കിലും ജീവിതത്തിൽ ഏറ്റവും മനോഹരമായ നിമിഷങ്ങൾ സമ്മാനിച്ച ആ നാട്ടുകാരുടെ സംസാരവുമായി എന്റേത് താരതമ്യപ്പെടുത്താൻ കഴിയുന്നതിൽ അസ്വാഭാവികത തോന്നുന്നില്ല.

അത്കൊണ്ട് തന്നെ തോമസ് കെയൽ എഴുതിയ 'പാമ്പ് വേലായ്തൻ' വായിക്കാൻ പ്രയാസം തോന്നിയില്ല. ബുദ്ധിമുട്ട് എന്നല്ല, ഒരു വല്ലാത്ത അടുപ്പമാണ് മുഴുവനായും തൃശൂർ ശൈലിയിൽ എഴുതിയ പുസ്തകത്തിനോടും കഥാപാത്രങ്ങളോടും തോന്നിയത്. നാട്ടിൻപുറത്ത് ഞാനറിഞ്ഞ ചില ആളുകളുടെ ഛായ ഇവരിൽ എനിക്ക് കാണാനുമായി. പഴയ അയൽക്കാരി ഹർഷിത ചേച്ചി വഴിയാണ് പുസ്തകത്തെ പരിചയപ്പെട്ടത്. അവരുടെ വൃക്ഷ എന്ന സംരംഭത്തിലൂടെയാണ് പുസ്തകം കയ്യിലെത്തിയതും.

നാടും നാട്ടുവഴിയും... വേലായ്തനും കോതയും... മഴയത്ത് വെള്ളം കയറുന്ന നാട്ടിൻപുറത്തെ വയലും ഇടവഴികളും! പുസ്തകനിരൂപണം എഴുതി ബോറടിപ്പിക്കുന്നില്ല. നിരാശപ്പെടുത്തില്ല ഈ വായന. ചിത്രത്തിന് കിടപിടിക്കുന്ന പ്രിൻസ് പായിക്കാട്ടിന്റെ വരകളും. മലയാളം ബുക്ക്സ് ആണ് പ്രസാധകർ. ₹150 ആണ് വില.

(പുസ്തകത്തിന്റെ കൂടെ ഒരു പേനയും കുറച്ചു പച്ചക്കറി വിത്തുകളും അയച്ചു തന്ന ഹർഷിത ചേച്ചിക്ക് സ്നേഹം)

Roopa Vanaja Vasudevan

27/01/2022

'നിങ്ങളെന്നെ കരിസ്മാറ്റിക്കാക്കി'

മലയാളം ബുക്സിന്റെ മൂന്നാം പുസ്തകമാണ്‌ ജോജി പോളിന്റെ 'നിങ്ങളെന്നെ കരിസ്മാറ്റിക്കാക്കി' എന്ന ഈ 24 കഥകളുടെ സമാഹാരം.
മൂന്ന് മാസങ്ങളുടെ ഇടവേളയിൽ മൂന്നാം പുസ്തകം എന്നത്‌ ഞങ്ങളുടെ സ്വപ്നത്തിനുമപ്പുറത്തായിരുന്നു.
ഉത്സാഹത്തോടെ അതിനുവേണ്ടി തുനിഞ്ഞിറങ്ങിയത്‌ ഇതിലെ കഥകളുടെ മികവുകൊണ്ടു കൂടിയാണ്‌‌.

ഇന്ത്യയിലും വിദേശത്തുമായി ഏറെ വർഷങ്ങളുടെ ജീവിതപരിചയമുള്ള ജോജിയെപ്പോലൊരാൾക്ക്‌ അനുഭവങ്ങൾക്ക്‌ പഞ്ഞമുണ്ടാകില്ല, പക്ഷെ അതെല്ലാം മൂല്യമുള്ള കഥകളായി എഴുതാനാവുകയെന്നത്‌ എല്ലാവർക്കും സാധ്യമാകണമെന്നില്ല. പ്രസിദ്ധീകരണത്തിനായി കഥകളുടെ തിരഞ്ഞെടുപ്പു സമയത്ത്‌ ചിലവ ഒഴിവാക്കിയതിനു പകരമായി വളരെ ചുരുങ്ങിയ സമയത്തിനുള്ളിൽ അതിഗംഭീരമായ പുതിയ കഥകൾ എഴുതിത്തന്ന ജോജിയുടെ മനസ്സിൽ ഇനിയുമെത്ര കഥകൾ ഉറങ്ങിക്കിടപ്പുണ്ടാവാം!

ഈ കഥാസമാഹരത്തിലെ 24 കഥകളിൽ പലതും സമൂഹമാധ്യമങ്ങളിൽ വന്നതാണെങ്കിലും പുസ്തകമാക്കാൻ തീരുമാനിച്ചപ്പോൾ ചിലതെല്ലാം ഒന്നുകൂടി മിനുക്കിയെടുത്തു.

ജോജിയെപ്പോലെ കൃതഹസ്തനായ ഒരു കഥാകാരന്റെ കഥാസമാഹാരം മലയാളം ബുക്സിലൂടെയെന്ന‌തിൽ അഭിമാനിക്കുന്നു അതിലേറെ സന്തോഷത്തോടെ വായനക്കാർക്ക്‌ സമർപ്പിക്കുന്നു.

'നിങ്ങളെന്നെ കരിസ്മാറ്റിക്കാക്കി'
(കഥകൾ) ജോജി പോൾ
₹180
മലയാളം ബുക്‌സ്‌, തൃശൂർ

29/12/2021

#മലയാളംബുക്‌സ് #നിങ്ങളെന്നെകരിസ്മാറ്റിക്കാക്കി
മൂന്നു മാസങ്ങൾ മൂന്ന് ബുക്കുകൾ...!! തോമസേട്ടന്റെ തന്നെ വാക്കുകളിൽ പറഞ്ഞാൽ ഇതിത്തിരി കടന്ന കയ്യായിപ്പോയില്ലേ എന്ന ചിന്തയ്‌ക്കൊപ്പം സന്തോഷം കൊണ്ടിരിക്കാനും വയ്യ. ഓക്ടോബറിൽ അഷ്‌റഫിന്റെ ജീവിതം മോഷണം പോയവർ, നവംബറിൽ പാമ്പ് വേലായ്തൻ മൂന്നാം പതിപ്പ്, ഇതാ ഡിസംബറിൽ ജോജി പോളിന്റെ നിങ്ങളെന്നെ കരിസ്മാറ്റിക്കാക്കി എന്ന കഥാസമാഹാരവും.. കഴിഞ്ഞില്ല 2022 ജനുവരിയിലേയ്ക്ക് മറ്റൊരു കിടിലൻ സർപ്രൈസും അണിയറയിൽ തയാറാവുന്നുണ്ട്. (സർപ്രൈസ് പിന്നൊരിക്കൽ പറയാം)
ജോജിയുടെ കഥകൾ മെയിലിൽ വന്നിട്ടുണ്ട് ഒന്നു നോക്ക് എന്ന് തോമസേട്ടൻ പറഞ്ഞപ്പോൾ സത്യത്തിൽ വലിയ പ്രതീക്ഷയൊന്നുമില്ലാതെയാണ് കഥകൾ കോപ്പി ചെയ്തത്. പക്ഷേ സത്യം പറയാമല്ലോ ജോജി ഞെട്ടിക്കുക തന്നെ ചെയ്തു.
മലയാളഭാഷയ്ക്ക് അഭിമാനിക്കാവുന്ന എണ്ണം പറഞ്ഞ കുറച്ചു കഥകൾ മലയാളം ബുക്‌സ് നിങ്ങളിലേക്കെത്തിക്കുന്നു എന്നിപ്പോൾ നിസ്സംശയം പറയാം. കയ്യിലെ ഉഴപ്പ് മാറ്റിവെച്ചാൽ കഥകളുടെ പെരുമഴ പെയ്യിക്കാൻ കെൽപുള്ള അസാമാന്യ പ്രതിഭയാണ് ജോജി. ഇത് വെറുതെയങ്ങ് മുഖസ്തുതി കാച്ചുന്നതല്ല. ഞങ്ങളെ അദ്ഭുതപ്പെടുത്തിയ ചില സംഭവങ്ങളാണ് ഇങ്ങനെ പറയാൻ പ്രേരിപ്പിച്ചത്.
സംഭവം ഇങ്ങനെയാണ്. ലേഔട്ട് പുരോഗമിക്കുന്നതിനിടയിൽ ഒരു കഥ ഞങ്ങൾക്കാർക്കും ഇഷ്ടപ്പെടാതെ വരുന്നു. മടിച്ച് മടിച്ച് സംഗതി ജോജിയോട് പറയുന്നു. ഞാനൊന്ന് നോക്കട്ടെ വേറെ ഒന്നെഴുതാമോ എന്ന് ജോജി പറയുന്നു. നേരം ഇരുട്ടി വെളുത്തപ്പോൾ പുതിയ കഥ റെഡി. അതാവട്ടെ സമാഹാരത്തിലെ മികച്ച കഥകളിലൊന്നും. കഴിഞ്ഞില്ല. പിന്നെയുമൊരിക്കൽ ഇതു തന്നെ ആവർത്തിച്ചു. അപ്പോഴും കിട്ടി കഥയൊരെണ്ണം കിടിലോസ്‌കി. കുറച്ചൂടെ നിർബന്ധിച്ചിരുന്നെങ്കിൽ അടുത്തൊരു പുസ്തകത്തിനുള്ള കഥകൾ കൂടി പുള്ളി എഴുതിയേനെ..!
ഇനി പുസ്തകത്തിന്റെ ലേഔട്ട്.. അതിലൊരു പുതുമ കൊണ്ടുവരാൻ ശ്രമിച്ചിട്ടുണ്ട്. മലയാളത്തിൽ മാഗസിനുകളിൽ പിന്തുടരുന്ന ചില രീതികൾ ഈ ചെറുകഥാസമാഹാരത്തിലുണ്ട്. ഇംഗ്ലീഷ് ബുക്കുകളിൽ ചിലപ്പോഴൊക്കെ ഈ രീതി കണ്ടിട്ടുണ്ട്. പതിവ് വായാനാ കാഴ്ചകളിൽ നിന്നൊരു വ്യത്യസ്തത പുസ്തകത്തിൽ കൊണ്ടുവരാൻ ശ്രമം നടത്തിയിട്ടുണ്ട്. പിന്നെ ജോജിയുടെ സുഹൃത്ത് റോയ് വരച്ച പത്തോളം ചിത്രങ്ങളും കഥകൾക്ക് മിഴിവേകും. കവർ ഡിസൈൻ ചെയ്തത് ഷിനിൽ കടക്കലാണ്. (നമ്പ്യാർകഥകൾ കവർ ഡിസൈനർ)
നിങ്ങളെന്നെ കരിസ്മാറ്റിക്കാക്കി.. 24 കഥകൾ 140 പേജ്.. ചിരി, ചിന്ത, സ്‌നേഹം, പക, കണ്ണീർ എല്ലാം ഉണ്ട് ഇതിൽ. സംഗതി പ്രിന്റിംഗിലാണ്. 2022 ജനുവരി ആദ്യവാരം വിതരണത്തിന് റെഡിയാവും. നിങ്ങളും റെഡിയല്ലേ..?

16/10/2021

പാമ്പ് വേലായ്തൻ പ്രീ ബുക്കിംഗ്‌ ആരംഭിച്ചിരിക്കുന്നു..

ഇക്കൊല്ലം കേരളപ്പിറവിക്ക്‌ പാമ്പ്‌ വേലായ്തൻ പുതിയ കെട്ടിലും മട്ടിലും വായനക്കാരിലേക്ക്‌..

https://chat.whatsapp.com/EOhnbX2vEExH9J7dPeVfbV
പുസ്തകം ആവശ്യമുള്ളവർക്ക്‌
ഇതോടൊപ്പമുള്ള ലിങ്കിൽ ബുക്ക്‌ ചെയ്യാം..