Khorjeigi Nachom, Thoubal, Thoubal (2024)

25/07/2024

" CHITRAKAAR "
( A Manipuri short romance drama by Denny Wahengbam)

Tarang tarang ngaanna thorakliba korougi mangalda, kapchari ahinggi liklasu, kangkhrani haiba wakhalda ... Nungsida nanggi naraibak.
Taibangna udraba mikupta naning tamna sanarasu, taibang kumhei yaodrabada punsi, kouribra nahakti pendana. Mahousa nanggi khongchatna taiyonnahanle mahakti, pamjarabasu yaojaba fangdre taibanggi kumheibu...

Ayuktu Pancharatan tande mande, leiriba luggage aduda mafi marol khara hapchilli... Piktak touba luggage aduda phiroldu thoina yamde kharatamak happi kuina leigadabasu oidabana.... Maphi maroldu hapchinba loiraga towel aduma hongdok ee aduga bathroom da erujaba changkhre... Kuina lude fat chaithaduna thorak ee, pung 9 gi flight oibana nupa du panthaba pamdabani ...

Bathroom dagi thoraktuna airport chatnaba haiduna maphidu change touthok eee...

Echam chamba jeans light grey ama setli, aduga white plain T shirt ama litsinduna vans shoe duma tongsillaba matungda dressing table adugi mathakta leiriba golden colour gi khudang ghari aduma sijille... Kari khallurabano khangde nupado, khudang ghari duma sijinbaga achamba minok amasu tapna noklak ee ghari aduda yengna yengna... Mikup aduda houkhiba mahakna punsibu chingsanduna eraknahanlabagum wakhalsida mami sami saktam ama laklabagum hek makhanli.. Taseng tasengba, tanan tananba dressing table adugi mingsel aduda, saktam ama thoraktuna leplarabra haiba wahangsi, mikup asida hanglure thamoida..

(Flashback)

- Ei keinomta haigena.

Etap tapna Rajkumari na hairakpani... Pancharatan achapottu chana chana khumlak ee

- Um haiyo keino...

Echam chamba nupa adugi paokhumda nupi adu khara khajikti ngakchanei... Haisira, haigumsira khanbagi mayongda mangaktu fat fat haiduna leiriba aduda, Pancharatan charambadu leppi aduga mamaidu pulap Rajkumari da onsinduna hanglak ee,

- Keidourage

- Hum keisu toudeda..

- Sor do tapna sangna hondok oo... Wakhal pukning tapna fajillaba matungda nangna haige khalliba wado hairak oo...

Rajkumari haiba inbi amagum sor du amuktangdi tapna sangna hondok ee aduga tapna wa nganglak ee,

- Um….. eina ngahan haikhibado Da Nao na kei khallino ?

Wahang aduda nupa du chinbal khajik chingduna noklak ee..

- Kei khallamdou mange ?

- Khangdeda. Mee amagi pukning wakhalbu eina masak khangba ngamladi asuk wana hinglammoi ..

- Abe ….

Ehan hanna nupa asina lum lum laoba khonjel amada kourakpani. Minggou aduda Rajkumari mamittu fat onkhattuna yenglak ee... Nokmi nokmi touna nupa adudi mabu yengduna leirammi ... Amukka henna ekaikhre nupi adudi... Karigino mikup asida nupi aduna magi nungsiba adugi mafamda asuk thina ekairuriba ? Ekaiba nahaksu oiramlaba karigumbada sak udaba ehool, pellamgani thamoisu. Apamba khuding lottuna thamba ngambagi..

- Ahh keinone ! Eina Da Nao gi ghari ama sum leibane... Sihaningdana toubane... Adusu pige touba.. Piruraga kari hairakkadabano khangdadana ngamda leire eise.

Ekai khangdagi mari mari ekaidaba saduna hairakpa wahei aduga loinana efong fonglaba ekaiba aduda nupa adu nokningbado khajik khangjilli.. Adubu yaton khajik utliba adudi lotpa ngamdre.. Thamoida faoriba ehool adugi khonjelna khara khajik kankhibana..

Pancharatan makhut oi adu tapna nupi aduda pirak ee,

- Punsi chuppa, nangna eise sennaba ngamgani khallabadi, gharido eigi khudang sida sirammo.. Adubu nang wakhaldi khallu... Munna khallaba matungda eigi khudangsida gharido sirammo.. Nangna gharido siramdre haibagi nungaitaba su eigi efamda leiroi.... Adubu nangna gharise siramba thoklabadi nanggi mafam ama eigi thamoida leikhigani haibase nangna khangu.

Wahei aduda Rajkumari khara khajik khanjannei. Kuide, second ahum mari leiraga nupa aduna hanna siramba ghari adu tapna louthok ee aduga anouba mahakna leirakpa ghari adu amuk box adudagi louthoktuna nupa adugi khudangda sijinbiraklammi.. Nupa manba, singli khajik thoklaba khudang aduda siriba ghari aduna henna magun haplabagum thokkhre....

Nokfet touna nupa adugi makhuttuda yengjei Rajkumari.

- Punsi chuppa nanggi mami oina ei adumak innaduna leiganiye...

- Abe….

Minggou aduda munna haifet nupa aduda yenglakpada nupadu mit kupte nupi aduda nungsina yenglammi. Chinbal na thokna nangbu nungsi haidrabasu utliba thouwong aduna nungsi haibadi taklabani..

- Da Nao

- Hum….

- Eidi mami ne, punsi chuppa angaanba lambel adutada chatpiyu. Karigumba matamda, nangna amamba lambida chatkhrabadi ningthina taramba mamisu tapna tapna mangkhini.. Mami adubu muttaba lambel adukhaktada nangna nakhongdu thangduna chatpiyuko.

(Present time)

Mamittu haifet kuppi.. Aduga ghari siramba khudang aduda munna yengi...

- Ngasisu eigi wari khudingmak gharisida liriye.. Eigi khongchat khudingdasu mahakka eroinaduna chatli... Abe.. Nang nungaibata oiyuko.

Mamittu amuk anirak fat fat kuppi aduga amuk dressing table manaktagi thoraktuna famungda leiriba mobiledu louduna call tourammi.

- Um loire.. Hoine hoine pung mapal gine lak ooo 7 tarabane ... Hoi hoi ..

Call du thammi aduga makhongdu yanthaduna famungda famthei...

- Hei karinone nangbo emana chakka loirabani khara chakhone.

Mama ebemma Leinambina changlaktuna hairakpani.

- Ema ei chaningdre, pukse ethan thalle..

- Tan cha khara chabaduna yabro ?

- Yaraniye.. Lammak asu flight tagi karino louraga charage.

Tanjaduda famungdagi phone ring adu khinglakpada phone du loukhattuna fat receive touraklammi,

- Hello... Ohh...hoi hoi thoklak age ...

Phone du kaklaga pocket ta hapchilli...aduga hougattuna ma**da hairak ee

- Ema Lanchenba do louba lak a ei thok age ..

- Hoi hoi faja fajana chatlu youbaga hairak u.. kadai kadai ema manam nambirage..

Wasi haiduna machagi makhuttu mayana nungsina kak kak chiktuna makoktusu manam nambiraba matungda Pancharatan su magi luggage tu chingduna thokkhre...

Lambi adudasu mamanaba Lanchenba ga wari amatta sanade... Tumin tumin leinei, Lanchenba su magi thoufam thokpa gari do adumak thouwi wari amata houdorakte. Pancharatan su ghari du asum tonglambadagi mamaidu asum leiduna yengbada angangba machugi vespa amada nupi anina chatlibadu ui.. Mitfam hongda nupi aduda yengi... Asum yenglambadagi chingthaduna leiramba garigi glass adu tapna chingkhatlakpada mayek sengna uramba saktamdu kharadi sengkhidre..

- Keidourage tuminna sum leiridubo ?

- Hum keisu toude... Ado etao, nangna emado khara yengsillo.. Mathandanina chaba thakpa matam naidabaneba.

- Hoihe khangi... Nang laktriphao ei noidane leiramdoise.

- Hoi aduni etao... Meerol leitaba eikhoigidi etao nattana leiteba.

- Ash ! yareko taningdre... Eisu nangga tinaramdradi ngasi eina oirise oiramloi.. Etaogi laman singningba yamna leirida.

- Hoi hoi aduna handaktagi singba hourobako. (Nok e)

Asumna asum lakpana airport yourabada garidu thoujinduna khambaga kumtharak ee, aduga magi luggage tu chingthorak ee,

- Chatlagene.

- Hey, chatlage hainu, chatlukhige haiyu.

- Hoi, hoi, hoi chatlukhige. (Nok hainana khara chinglaga haiba)

- Um, fajana chatlo etao... Nanggi heinabido amuk touruni ...

- Mahousa oidreda, nahanwaigi matoudo houjik touba yaba nattre...

- Hoi hoi chatluro etao, youraga hairak oko.

Pancharatan nokmi nokmi touba saktam aduna hoi haibagum mangaktu khajik nomduna paokhum oina piraklammi ... Asumna garidu thoukhibaga Pancharatan su changnaba haiduna pairiba luggage adu chingduna makhongdu thangduna chatpa houkhre. Luggage adu check touraba matung weight onduna magi ticket su counter dagi louraba matung bodysearch na chingba touba loiraduna changlaklaga mafam chaba amada famduna magi flight matamdu asum ngaiduna leiri... Ngaina ngaina magi phone du louthoktuna nammi. Aduga news feed singdu yengduna leiri... Matamdu khajik houkhibaga Imphal to Delhi gi passenger sing kouraklabada famlambadu hougatli aduga lepliba queue aduda masu leptuna ticket tuma entry tousillaba matung indigo flight na khamliba mafamdu tamna punaba lakliba bus adu ngaiduna lei.... Bus aduna yourakpaga amuk bus adu tongduna flight na leiriba mafamdu youbaga panthada magi ticket tu uttuna changlaklaga magi seat aduda famkhre... Pancharatan na seat adu khallaga kakpana thongnao mayada tarabani.. Changsinduna tumin fammi magi seat aduda .. Mari mari changlaktuna flight adugi ahangba seat su pangyam yamna leiraktre.... Pancharatan gi hek thangnaba seat aduda non manipuri ama fammi. Mataigi seat aduna hangduna leire. Minute ahum lomgi matungda nupi ama laktuna famkhre hangduna leiriba seat aduda ...Thoina yengsillude nupi aduda, nupa adudi thongnao aduda adumak yengduna leibani...

- Da Nao..

Kourakliba adomda mamaidu leiduna yenglakpada Rajkumari oiduna leirammi... Pancharatan ngakchanana,

- Eh ! Abe…

- Delhi da kei leige ?

- Mamang thada thabak ama gi chatlubani maduda eigi certificate ka phone ga punna tahoubagi complaint ama tourambani.. Mado fangle louba lak o haibadagi chatlibani.. Nangdi ?

- Eikhoi dada luhongbagi kouraktana eigi graduation gi certificate to louthoraktre. Madu amukta louthokluge toubane ..

Wa makha tarudre nupa adudi, tumin magi famfam thokpa famduna leikhre.. Nakalda ngangnabadu tai non manipuri aduga Rajkumari ga.. Ngangnabaduna loikhibaga Rajkumari Pancharatan ga thangnaba seat aduda famlaklammi..

- Window manaksida fammuse ..

Wasi haiduna nupadu famlambadu hougatli ..

- Yaraniye.

- Mahousadagi nangdi gari sangna tongba yadabani flight sisu thoina khetnabadi leiroi.

- Yaraniye.

- Mee loina yengnarak a.

Wasitamak haibaga nupidu tapna hougatlaktuna window side ta famtharak e.

- Nangsu ticket kakpada khallaga kak eba oirini. Eina amuk munbire.

- Keisu kaideda ... Chaba thakpadi cheksanba nattra gastric ki changsu wangbanina.

- Um houjikti yamna cheksalleda ... Esana esagi punsise handle touba kharadi ngamle.

Asumna waridu asum saringei flight adusu paigadabagi seat bell fajannaba loinana phone su flight mode thamnaba haiduna laorakpa aduda nupa adu makhuttuna lamlaga hangduna leiriba thongnao adu lonsinge haiduna lamlakpa aduda nupi du makhut aniduna masadu khajik khumjanjei..

- Thongnaose lonsinge toubani.

Eting tingba nupa adugi matouda nupi du khajik ekaiba faoribani.. Pancharatan thongnao du lonsillaga makhuttu chingsinbada nupa adugi khuttu tamna nupi adugi mityeng adusu tanaduna yenglak ee. Matoududa Pancharatan nokmi nokmi touduna,

- Mahousa nangna sibiramba ghariduni..

Makha tade nupi du. Nupi duna makha tadrabada nupa dusu tuminna leikhre... Ngaihakki matung flight adusu paiba hourakpaga Pancharatan esei thaduna headphone ama thinjinduna leikhre. Tariba headphone adugi nama amasu louthoktuna nupi adugi yet thangba mana aduda happiraklammi. Hoi mai haide nupi adusu tharakliba eseigi sur aduda tuminna tongi...

Flight tu asum pairakpada Delhi airport su youraduna landing tourabada passengers singdu mari mari kumthanarak ee. Ngaihakki matung luggage loufamda leptuna magi magi luggage tu lounaba haiduna ngainari..

Luggage adu louraba matungda anisuba terminal aduda thorakpada Pancharatan wa nganglak ee,

- Leibadi kadaida leini ?

- Aerocity da leigadabani, Da Nao di ?

- Eidi mahousagi mahousa Gurugaon da adum leirage.

- Cheksinna leibiyu Gurugown di mee su yamna fattabani.

- Hoi, adubu eigi punsiga mari leinaba oibana mafamdudi yamna nungsirure... Farene ei cab kourage nangbusu thillamge.

Wasi haiduna Pancharatan magi phone du louthoktuna uber (Ubr) da changduna cab amasu kourabada youraktuna anidu gari tongduna lakminnare. Ngaihakki matung Rajkumari na leigadaba mafamdu youbaga cab adusu khamlabada kumtharakle. Magi luggage tu louthaduna,

- Fajana leiyu, chatlukhige.

Nupi adu thamoi khajik nouwi.. Houkhraba mabanigi nungsibagi wari mikupsida puthoktuna sarakkadra khanbani adubu saraktre hairaktre ... Nupa adusu adu mangai, pamjana chatkhrabani mahakti, thamoida nungsirabasu yetludrabani nupi asida, pamludabani houdokpa nungsibagi warisu, ayetpa oiradi khanduna. Masimakna hangludrabani kamdouri nungairibra haiba wahangsifao...

Garidu asum thourakpana Gurugown yourabada khamduna uber gi payment piramduna Pancharatan magi luggage tu chingduna changlak ee.. Room adu youbaga thongba adudagi so du louduna hanglaga changlak ee .. Phone louthoktuna mari mari youre haina call touduna khanghallabada masadu fresh oinaba haiduna change touraba matung erujaba changkhre....Ngaihakki matung erujaba loiraduna short amaga, echam chamba armless amaga littuna famungda kakhattuna magi phone du asum puthoktuna namli... Ngaihakki matung mamanaba Priyobrata su office tagi hallaktuna room aduda changlaklammi. Mahak changlakpa ubada Pancharatan na,

- Ehh ! Hallak abo etao ?

Priyobrata pocket tagi purse adu louthok ee aduga mobile duga punna famungda thamna thamna khumlaklammi,

- Um ngahandagi night tabani. Ngasina amuk emanaba ama unabagi thengkhre. Ngaikho nangdi chak ka charabo ?
- Chakti yareda, chaningba epok pokte.. Nangdum change toujaro aduga fresh oinaba.

- Hoi hoi potharo, eisu esase amta fresh oithokke.

Wasi haiduna office chatlubagi phijol adu hongdok ee. Hongdok hongdokna wasu ngangli,

- Two days khaktanine nangna leidoise.

- Um kuina leibadi yabani. Adubu handakti matang chadre.

- Hoise matang charakanda kuina amuk leiminnaba haiduni. Eisu etao lakkani haidana office suti ga louraklabani.

- Hoine, wakhal leiba eigi etao nidana.

- Ei eru amta luthokke wari yam leiriko.

Wasi haiduna changkhre bathroom da..

Priyobrata amadi Pancharatan si pisak piklingeidagi tinarakpani. Yamna nungsinana loinarakpadagi ngasifaoba tatna thanaba yadana adumak loinabani... Asengba marup amagi wahanthoksi karino hanglubada makhoina khudam oina takpa da lamdam asigi echang thouba jury kaya nasu kakpa yaroidouba wafamni.. Adubu Pancharatan di karigumba matamda wasi khara khara lotpani.. Haidaba yadraba chenfam leitrabadata haibani... Sidani amuk amuk magi marupsingna saoningliba ..
Asumna matamnadi leptabanina numit adugi numidangwairam duda Pancharatan, leiriba building adugi terrace mathakta kakhattuna churup machei ama yamna mahao leina thaktuna numidangwairam gi fajabadu asum yengduna lei. Awangba building kayana khumjanbana taseng tasengba numidangwairamgi saktamdi uba fangdrabani adumakpu thakliba churup adugi mahao adunara karino yamna khoijangna yengbagum di tourari...

- Nanggi nathanda leibadu amuk hourabra ?

Tungdagi Priyobrata na hairakpani. Pancharatan mamaidu khajik onthoktuna yenglaga

- Night out thok usira ?

- Khitang mamlakpaga chatsida, houjikti ngalli.

Wasi haina Pancharatan na thakliba churup adu louduna masu puff ama anidi chinglaba matungda amuk piraklammi.

- Yaoriye chamkhatkera ?

- Yareda loirakpagi saruk oibaduda sum thakning toubani yare...

- Mahao louba yam heireda ..

- Mahaogi warido yare amta lepkho... Nang Rajkumari ga pao founaribra ?

- Keidourage ?

- Haida haiyune phaonaribraba ? Nangna thokkhiba ekui kuidana sida lak amme. Nangna karimta hairakte haidana kappambani.

- Nangnadi kari haikhraba ?

- Nangna kari tourure hangbani adubu keisu toude haibaduna magi paokhum oikhi, atoppa ahenbadi piraktreda.

Pancharatan pairamba churup tu aroiba oina puff amaga chingduna makha da thatharaba matung makhongna nettuna muthatlaga hairak e,

- Eisu kari haigadabano khangdre warise.

Wasina thokkhibaga aroiba oina chingkhiba churup adugi meikhudusu tapna naton adudagi kamthoraklammi.

- Keidourage, eingondadi haiyudana ?

Pancharatan ashangba sor ama tapna hondok ee aduga mityengdu shaanna yengduna khumlak ee,

- Punsi lambise punna chatke hairabadi minamdaba ngamba oigadabani.. Minamba ama yaorakpada asengba khongchat adubudi masak thihalli...

- Haininglibase karino, ei lousinba ngamdre. Khitasu laina ngangu keidouge.

Pancharatan magi marupta onsinduna nokfettamak tousilli.

- Etao, madi ningthiraba eyaida satpa leirang thambalni.. Aduga eina thambal adugi leikhokta yettuna leiramba charang pambi... Matamgi khongchatna leirang adubu hekkhrabada leikhokta yettuna leiramba charang pambi eina karibu haijaba ngamgani ? Farese, mamsanlak aa thokaasi.

Wasi haina mang thaduna chatpa houkhre Pancharatan. Matoududa engak ngakna Priyobrata su matung enaduna thoraklammi.

Mainroad youbaga auto ama tongduna asum lak ee, adubu marup anidudi wari amata sanadre... Asumna wakhal amada mangduna leiringei ningsinglak ee Pancharatan, magi houkhraba thoudok macha amasu ..

(Flashback)

Numittu 14 Feb ni velentine day numitni.. Mahousadagidi numittuna thoina henna fajabagum makhalli.. Mapung farabasu Pancharatan tonganba state amada leibana kumhei harao khudinggi tonganba mahao louduna nungaithokna leibani.. Numittusu harao harao erujaba loiraga ningthina dress up toukhre ... Yamna nanbamak nattrabasu echam chamba charcoal machugi jeans ama setle aduga black machugi colour T shirt ama litli. Makhuttana dairy amasu pai loinana dairy adugi mathaktana phajaraba angangba atargulap amasu thetli. Wakhaldu yamna nungaiba maong amada makhongna asum thorak ee, leiriba metro station aduda... Aerocity faobagi ticket tu kaklaba matung metro lakpa ngaihakti ngaiduna lei.. Metro duna lakpaga panthadana tongkhatli aduga Aerocity youbaga harao harao magi thawai Rajkumari gi room tamna lak ee...

Mahousagum ekoi koida prap prap, leiriba rent adugi building aduda kakhatlakpada Rajkumarigi room du manungdagi lock touduna lei.. Thongdu changsinduna thinge toubaga manungda ngangnabadu yamna pikna tai.. Kari khallurabano khangde Pancharatan su manadu khajik naksinduna sanariba waridu tari.

- Keino Dason (dasN) nangna haidubo ?

- Asengbani Rajkumari, eikhoise mafamsida ehei tamba lakpani... Nanggi oiriba phibamsida, nangsu eisu yumda changlubada fajafam leiroi. Aduna angangse manghankhrasi…..

- Ei ngamloi, angangse manghanbagi thouna eigi efamda leite.

- Adudi hiramsida eibu chenahanlakkanu... Hoi eisu lalli, lande hainadi chelloi. Adubu, houjikki amadi lakkadabagisu khallu.. Ei nangbu louroi haibadi nattedana.

- Dason keino nangna haidubo ? Karamba nupi oibigi mafamda machabu hatpa ngambagi thouna eshor na pibikhrabage ? Karigumba thouna aduna piramba thoklabadi ngasi eigi mitlugi pirangse sintharamdabasu yai...

- Yare leppasi. Nangsu eina nasak munna khangi keidourage ... Nangna khangnariba nupase ei khakta natte.

- Madu fana oidunasu eigi hakchangdi nangtanani khudum chankhiba..

- Masidi nungsinariba nupa nupi anigi mafamda loinamak nattrabasu kharamakhei di thoklibani. Eikhoi adjustment kharadi heisi keidoubage ?

- Karamba makhalgi adjustment no eina tougadouriba ? Oiriba fivam asida ei wakhal thoktre.

Ngangnaribadu kuina taba ngamdre Pancharatan. Mamittagi mapisu tapna sintharak e... Kuina panthaduna leitre, tarakliba mitki p*e du fat fat nanduna teithoklaga makhongdu thangduna thorak ee...

(Present time)

- Etao, etao Pancha (Pancharatan) youre…

Priyobratana masa nomduna hairakpa aduda masadu engak ngakna tongliba auto adudagi kumtharakpaga Gurugaon sector 29 gi downtown bar su youduna leirammi.. Tumin changduna anidu makhoida comfortable oigadaba mafam amada fammi aduga menu adu louduna yenglingei waiter ama changlaktuna hairi,

- May i note your order sir ?

- Etao karamba tousige ?

- Khangde, nangna yengaga adum touro.

Priyobrata waiter aduda onsinduna,

- Full blackdog, one bowl of ice-cube, One mushroom fry with a chicken lollipop.

- Thank you sir.

Wasi haina thokkhre waiter dusu.

- Keidourage amuk tumin leiriduna ?

- Keisu toude. Wakhalse kadaidano khangdaba mafang mafang ba ama sum khanbagum touwi.

- Ehh ! khanbasu nattaba, khanbagum touriba ! Yai ebo nang ama, pack ama ani thajallaga wakhaldo pop pop thokcharak ani.

- Taningdehe, tumin leiyu.

Wasi haina magi pocket tagi cigarette tuma louthoklaga chamduna thakpa houkhre. Anidu wari makha sanadre. Pancharatan na asumna touradi wari sanaba nungairoi khangbana wa makha tarudre Priyobrata su.

Ngaihakki matung order toukhibadusu puthoraktuna thamlabada Priyobrata na drinks tu thugaiduna glass aduda heiba houkhre.. Heiduna leiraba drinks aduda ice-cube ama anisu thadaduna anidu cheers touduna thaklaba matung khara khajikti sugatli... Adubu ice-cube aduga akhaba yu gi mahaoga yansinnabada thorakliba mahaodo oinamba tonganba mahao amadi oiribani ... Asumna pack tu tapna tapna kharadi thaba houkhre...

- Etao nangbu wa kharadi nganguda. (Yu ngaori ngaori yamnasu ngaodana)

Pancharatan nokmi nokmi touduna

- Kari haiyu haibano yu se khai... Yaraba ? (Khitang ngaoraga)

- Taningdre adu youradi.

- Humh ! Yugi mahaona khaarasu, ngaobagi nungaiba amadi piribani. Adubu nupigi maramgi thamoi kairaba misak tudi, nungsibagi mahao amuk tangninglamgani haiba ei thajade.

- Mari makhong samnadaba ngakta nganglisibo karinomi ?

- Tabada heiyu loinamak mari leinarakkani...

Asumna wari sana sana thakpana full duma loirakle. Priyobrata marol fairi fairi,

- Tok asira ?

- Ngamdrabo ?

- um…

- Nang leppo…

- Ash ! Yareda Pancha (Pancharatan) hayeng amuk thak asi.

Pancharatan tade mamaidu leithoktuna waiter duma kouraga hairak ee,

- Please give a cane of budwiser magnum.

- Yes sir .. I will give you sure.

Asumna ngaihakki matung beer dusu pirakpaga thakkhre... Beer duna thakpa loibada masadu tarang chatli. Whiskey aduga beer aduga yannabagi tonganba nisa ama pallabagum tourari...

- Chatlasira ?

Marol efai phaiduna hairakpani Pancharatan na.

- Um chatlasi.

Asumna bill touramlaga thorakle. Loinana Priyobrata na na uber amasu kouduna punna makhoigi rent tamna hallaklammi....

Mathanggi numit ni, Pancharatan kari khallabano khangde... Chatlage haiduna khudakta ticket kak ee, numit adugi pung 2 gi flight oina...

- Keino nangna ticket tubu prap prap kak eedubo ? Nongma nini khak leibasida.

- Etao, nang saoranu, ei hallage... Eina thagadaba SBI gi thabakki interview do lakliba tarik 24 sida tare. Centre na Guwahati da tare, aduna eisu preparation khara toudaba yararoi.

- Fare fare adubu oiradi.

Tanjaduda Priyobrata gi call ama lakpaduda Priyobrata hougattuna thokkhre.. Maraksida Pancharatan di magi pot chei ama ani hapchilli loinana magi certificate na chingbasu hapchilli...

Ngaihakki matung pung 12 makhai tarakpa adwaida uber ama kouduna Delhi International airport ki terminal 3 tamna laktuna thunglare...

- Interview piramlaga Guwahati dagi sida sum lak aage.

- Hoine adumai touro, adudadi kuina leitaba yaroiko.

- Leige leige tha ani ahumdum leige.

- Eidi thabak haidoktriphao leiyubu hairibanine.

- Hoise nangsu hallo, eisu chatnaba tourage.

Wasi haina marup anido chetna amuktangdi lenggonei.

- Save journey youraga hairak uko ..

Pancharatan su nokfek touramduna changge toubaga khonjel amana mabu kourak ee,

- Da Nao …..

Khonjel adu tabana marup anidu mamai fat onthoktuna yenglak ee. Rajkumari tafing tafing makhongdu thangduna changsillaklaga Pancharatan gi mamangda leplare.

- Chatlagefao hairamdana chatliba karigino ?

- Eigi thabakna yadre aduna hairamdrabani.

- Da Priyobrata na hairaklamdradi eisu khanglamlaroidabane.. Da Nao, chatlamdaigi mikupsida nang wahei amatta hairamlaroidra ?

- Nungaina leiyu.

- Waheiduna eibu penthoklo hairibra ?

- Ei chatlage…

Waheidu tabada Rajkumari pukningdu khangnung nungsikhre... Thamoida leiriba nungsibadu fajinba ngamda prap prap chansinduna Pancharatan da chetna kollak ee,

- Ei lankhre Da Nao.. Eibu amukta ngakpirammo….

Pancharatan nupi aduda handuna konde tuminna lei. Rajkumari makha amuk tarak e,

- Nangna eibu ngakpiramdrabadi khunai asidagi nungsiba haiba poktsakse mangkhragani. Nangna eibu ngakpiduna mangkhragadaba nungsibabu amuktadi kanbirammu keidoubage.

Waheiduda saphu kanna pankhre nupa adudi... Karamnasu palloi nungsiribani, khanlibani. Adubu wahei amatta thoktre houkhibagi marumda….

- Se meena uraga fajade.

- Jatsu tinadaba mafam asida eina kanabusu ekaiba faorudre... Ngasidi esana lalle khanglakpa mikupta thouna pumba khomjinduna nafamda lalle haijari Da Nao…

Handakti Pancharatan makhuttuna nupi adugi lengjumdu paiduna tapna magi mathadagi louthok ee,

- Se kapkanu, ei nungaite... (Sor Shangna hondoklaga) Khangde Rajkumari nungsibase araiba oiramdre... Ngaana wa ngangge khanbada esingda palli haibado asigumba mikupse oira malle...

Wasi haiduna magi luggage adu gi chain du chingthoktuna dairy ama louthok ee aduga Rajkumari da piraklammi,

- Se masimadi lousillu.. Nangna masi loudrabadi ei yamna nungaihouraroi.

Rajkumari pirang thangba mityeng aduna amuktang yengjaduna pirakliba dairy adu lousilli... Madugi thangnaba mikupta khudangda siriba ghari adusu louthoktuna piraklammi.

- Se ngasidi gharisigi chanafamsu eigi efamda leiramdre...

Wasi haiduna Rajkumari gi makhuttu paiduna gharidu sinnarammi.

- Ei chatlukhige.

Wasi hairamduna Pancharatan hanna yenglamda airport manungda changkhre.

Rajkumari su maral leiraba ama oibana wahei amatta hairudre, mitlu pirang sinthaduna yengjaba nattana. Yengna yengna machinda tapna sollak ee,

- Eidi nungsibagi lanfamda maithiraba misakni. Ngasidi leikha taraba eigi punsina, eigi nungsibabu koujaruba mikupta, punsigi oina inthoktuna thambiramle eral amana ....

Priyobrata wahei amata haide kari haini khangdabani. Rajkumari su taraliba mapidu makhut tuna fat fat nanduna teithok ee.

- Khongfam soiraba punsise nanggi nungsi chitrakar asibu lattuna thamjabana mapoksigi eigi eral pumba kokpa ngamba oijarageko Da Nao….

Pendana Rajkumari mamaidu leiduna hallaklammi.. Rajkumari na chatkhibadu Priyobrata karisu haidana yengduna leihouwi. Mari makhong samnadraba Pancharatan gi wahei sing adugi artha khara makheidi khanglakpagum tourak ee mikup asida.

Ngaihakki matung Rajkumari magi rent youbaga dairy du hangdoktuna yengi.. Yaorammi akangba angangba atargulap ama. Madubu ubada masa pumba tu chungkhiba khanghoude. Atargulap adugi akangba leinaana leikhok adudagi kenkhini khanbada kayada wajariba.

Makhutna nungsina haifet nalladuna faaklubada diary dugi lamai amadi segaikhibagi mami taduna leirammi. Loinana thangnaba lamai amada wahei kharasu eduna leirammi. Rajkumari panthadana lamaiduda eribadu parui.

" Nungsiba haibagi wahanthok, eina hanjin hanjin thirure. Adubu fangdrabada, maikei ngaoraba lashinggi mapholgum, punsisina koipai paiduna leiramle... Thamoida chakliba nungsibagi meichaksu, muthatnaba lambel eina thiba fangdre... Nungsiba tambirambagum, kainabagi meichaksu khaangba tambiramlabadi, eigi thamoisina kayada pellagaba... Thamoisina asuk nungsirubi nahakna, minambagi maikhum ama uptuna leiramlabada, ngasidi ei emit ase pangfam khangdre.... Ngasidi nangbu nungsibana henmallaba thamoisida, nanggi nungsiraba saktam adubu sagattuna yekliba wakhalgi chitrakar aside, eina muthatpa ngamdre... Nangna piramba khudang ghari adusu enaksida lengdana thamningkhibani. Adubu mahakti, supnatanggi mahousagi khongchat adutabu ngaktuna chatpa oirambana, eigi nungsibagi matamdi mana ngakpa ngamlamdre... Thamoisina nafamda waroukhibadi leikhide, adubu kairaba thamoi asidi, kanana mensangani haiba wahang asinadi eibu tattana otlare.... (Sor honduna masadu taptharaga) Houkhibana houkhrabasu nanggi punsidi nungaibata oisanu. Lapnaraba nang eigi punsigi lambel ase, amuk hanna yenglaktaba ngamba oibiyu... Thamoida faoriba nangbu nungsibaga loinana, chatledo eidi, hanglaba thamoisida nanggi nungsi chitrakar adubu puduna... "

Waheisingdu paba loibada hik hik laona kapchei nupi du, akangba leirang adubu mathada chetna konduna, penna kapcharak ee.

- Mane, eidi pukchel leptabine. Eigi achenba thamoigi echelgi eraokholna ngasidi, eigi maikei khuding koisinduna thambiramle... Ei lalle... Ei maithire, nanggi nungsibagi mafamda ei, ei maithire ...

Penna kaplaga magi phone du louthoktuna text ama thajilli Pancharatan da. Somdasu flight tuna pairamdaigi mobile du flight mode thamge toubada text adu uraktuna hangdoklaga parui,

" Nungsibagi lanfamda, khulai yaodana nangbu hatlubi eigi chitrakar ado, nanggi haanglaba thamoidagi lapna thambikhro. Eral leirabi eidi, nanggi nungsi chitrakaar adubu latchaduna, eral amagi mathakta epap ama langsinduna punsi ase, siba ngaina hinglurage Da Nao.. Ei hinglurage…. "

Wahei asina nupa adugi mitludasu pirang amadi sintharak ee. Adubu manghankhre, mamittu kuptuna. Machinda warouna pendanasu sonjei,

- Nangna naraal leibana eingonda call tourakpa ngamdabani. Eina waroukhibana, nangbu lousanba ngamdabane. Ngasidi nang eigi punsi, torban wangma wangma oirabaniko Rajkumari……

Sor du amuktang sangna hondok ee aduga phone gi screen du mamhanduna, pocket ta hapchankhiba minutes kharagi matung da flight adusu paikhre...

The End...

22/07/2024

A Manipuri short story from the well-springs of " DENNY WAHENGBAM "

" Asengba Nungshiba "

" Pamjabana punsibu meemang thokna hingba ngamhande "

Karigi hairamliba waheise ? Waheisigi marumda leiriba artha pumba wakhal leiba kanagi sahityagi leichalna numit kaya, tha kaya, chahi kaya neinaduna asengba wahanthok pigani ?

Sajibugi angaoba nongleina humbada kellabi singel leirangdo.... leikhoktagi leiman chanda...ngairamgadra mahakti anouba yeningtha amagi basanta maikei yengduna.

Yeningtha, nakentha, olangtha, nongjutha, ritu kayagi khongchatki tonganba rash amamam sagonnaduna yaobagum miyoibagi punsisu maithong saktam saban khetnabagi marumda lottuna yaorammi magi magi oiba tongan tonganba rash ...

Piktak touba yum adugi awangthangba sanggoini... Sanggoi adugi nakal khajik nakna pangchao chaodaba heinou pambi amasu houduna leiri...Chahi yamlabana sanggoidu houriba heinou aduda ngaboi thengboi makhongdu efak fakna turoi ngaroi touduna leiri. Khara khajik kanba nong puba nungsit ama lakpada soidana teklagadaba sanggoini leiriba sanggoi ado..

Sumang adusu mangai floor toujei haibagi wani kuiraba oibana floor mathak aduda esang sangba napita nattana esangsu khajik karabani. Adubu leiriba yum adugi manggol macha adudi tanan tananna leiribani. Piktak touba manggol adudana piktak touba yongkham amasu khinduna thamlibani. Manggol aduna khajik pikpa oibana yongkham aduma thamkhibada ahangba mafam leitre haibada yarabani. Saktam kaya asigi marumda tumin famduna leiribani Rajkumari, leiriba sanggoi aduda. Mina hek yengbada wakhal yamna khanbagi maongni. Adubu leiriba mahakti etao taowi wakhal du ...

" Nanggi nungsibasu manba, nungsiba nattaba waheiduna eibu asuk otliba karigino ? Adumna otkadabagi saruk eibu nungside haibiro.. Waheidu tarabadi ei hingduna leiba ngamkhiba yai. Nattrabadi ei hingba ngamgani thajade "

Numittugi waheidu hanjan hanjin taduna leire nupi asigi nappada. Nakong singja yeibagum, akanba potsak amana kokthakta thomlakpagum, atiya pumba ningkhaiduna ethakta nallabagum. Sokpa thengba ngamdraba ningsingba mahakki ningaida thamoidu nouthorak eee ...

" Eidi ngairi... Kayam kuina nangbu ngaikho haibano ? Nongmadi eise nangbu ngaina ngaina asibagi mingthol phanglagadra haibagi akibana esa pumba koisinduna thambikhre "

Wakhaldagi thorakliba wahei kharasina lepkhibada thingduna leiruba pirangdu tapna khajaithakta sintharak eee. Teithokludre pirangdu.. Hanjin hanjin takhrabani nungsibagi. Ngasisu taribani nupidugi mitki p*e. Karigi ? nungsirubagi, nungsibagi...

- Bema nangbu keidourage ? Handak marakse echana machi machi ungduna leiribado ema nungaitenehe .

Mama ebema Leinambina pukhridagi esing sokluduna karakpada machagi matoudu ubada hairakpani. Mama da haifet yengi Rajkumari aduga tapna khumlak ee

- Ema ei keisu toudiye.

Pairiba baltindu leimaida sat thamduna machagi manakta changsinduna fammi aduga lumangda tarakliba sai maru khara adu narumda tapna nungsina yepsinbirammi.

- Yengoi emasu nupini... Nangbu pokliba namasuni.. Echana haidrabasu echagi maithongda tariba mamiduna karino haiba ema loina khanginehe... Punsi haibasidi masini.. Nungsibagi mahao echana haraona tangluba adugum kainabagi mathelsu haraona tangba tammunehe...Masi nattrabadi ngasigi khunaina maning hankhibada echagisu saruk yaoduna leihougani haibase nangna khak kaophadeko nupimacha.

Wasi haina famlambadu hougatli aduga thamkhraba baltin adu amuk paikhattuna emung tamna changkhirammi...

Ninduna leihouwi nupi adugi napada wahei khara mikup amagi mamangda mamana hairamba wahei khara,

" Ngasigi khunaina maning hankhibada echagi saruk yaoduna leihougani haibase nangna khak kaophadeko nupimacha. "

“Maning hallaba khunai” wahei asina karibu hainingliba ? Tasengna maning hanlabara ngasigi khunaise ? Karamba lambelda karamba maongda ? Wahangtana thankhrabani nupidu..

Maraksida kaorabara wakhalda churiba nungsibagi machudi...

Cha chandan na nungda takla takla ga manam nungsiba henbagum, athengba ahingda yellakpa thaballeigi leinamgum, thabalda jagoi sabi malikagum, leisak henbi napal chaobi chini champragum. Chaneinaraba wakhalgi marumda nungsibagi machusu asum asum senggatlak ee... Achetpa nungsibagi chaneinaba wakhalda ungduna leikhre nupidu...

(Flashback)
- Lak o ei ngaire ...

Nupiduna phone da hairakpani ...

- Garido laktri haibaneme nangbo.

- Ei hanba thenglanemi. Cha amatang thakpada nangbu siradro ?

- Cha thakpada ei sirani haiba natte, gari laktri haibane..karinone masibo.

- Nongmata eina haiba wase haraona yaningde..

- Hoise hoise laknaba tourage, thammageko.

Wasi hairaga call du kakkhre nupa du..
Ngaihakti ngaiduna lei nupidu, leiriba cafe adugi mamangda. Adubu lakte, pungkhai amaromdi houkhrabada call du touge haiduna makhutna pairiba mobile adu thanggatpaga call gi ringdu khinglak ee.

- Laktraba nattra ?

- Yourak a, ure..thammose.

Asumna nupa du yourakpaga nupi aduda haifet yengduna nokfetti tousilli...

Adubu haraode nupi adudi...

- Laktrasu tok u yadro...

- Heima yada tourinine nangbo... Kei chasi haibano ?

- Hallo yare keim chaningdre.

- Sengabo hallage.

- Hoi hallo.

Rajkumari na saoba aduda nupa adusu ahoinana laknage haibagum laknaribani...

Asumna ngaihak marei touduna hotel aduda changlak ee aduga comfortable oigadaba mafam amada famduna achamba achapot kharatamak order touraba matung anidu tumin tumin leinei. Matou aduda nupa adusu nokfet touduna wa ngangba hourak ee,

- Angang gi mareida namdana lak adana se ..

- Lakkanu yadro..

- Heit mareina marei kanbane...

- Marei toubasisu yadrabadi fare... Mareiga amata touraroi..

Waheidudana henna nokningkhre Pancharatan di..

Angang aduk oibagi khara laknaboi kariboi touduna loinabani mahakna Rajkumari bu...

- Phagi toubanida adugibu amuk saoriro... Eingonda marei toudana kanada touge haibano nangbo.

Khumlaktre nupi adu tuminna leikhraba aduda makha tai

- Angang koibase wadi wabajatni.

Wahei aduda mamittu khajik peina yenglaklammi ...

Rajkumari masak thoina fajaba midadi oidabani.. Mee khara aduk pikpani loinana nganglakpada mina taningba amadi pokhanba ngambaga loinana yengbada kadaidano khangdaba rasi amadi loinaduna leibani... Pumnamak adugi mathakta henna magun leibadi khajai anida leiriba enak khajik khunna kutliba khajaigi dimple aduni...

- Yam romantic oina kapminnaba photo ama nanggi phone da yaoribado kanano ?

- Nangdi karamba matamda uhouriba ?

- Uribani..eibu mit tangbro..

- Khangninglunuda. Khanglaga keidouni ..kanaba leite.

- Punsi haibase kanaba aduta khallaga hinglabadi kamdougani ?

- Hoi adusu chummi.

- Hairaroi khallibra ?

Pancharatan amuktangdi nupi aduda yenglak ee... Taru2 pangliba mishna aniduna mangonda wahang kaya ama hangduna leiramba aduda khara khajik nungaitaba faowi... Yamnamak nattrabasu nupi adugi mafam kharadi mangonda leiraba oibana.

Matindu amuktangdi tapna yothaduna hairak ee

- Eiga khangnarambani.

Waheidu tabada pukningdu khajik langtaknei... Karigi ? Kamdouna haiba wahang asina henna tattana otlabagum touribani.

- Kayam kuire ? Houjikti pao faonakhidrabara ?

- Um faonakhidre... Einadi mabu thamoi sengna nungsikhibani... Khangde manadi eibu nungsikhidra malle ....

Waheisina nupa adugi chinbaldagi thorakpada nupa adu khara khajik chokthabagum tourare.. Hairakliba waheigi tone aduda adumaksu khangba ngamle... Kayamuk nungsiba haibado..

- Kayam kuire pao faonakhidaba..

- Kuidrida.

Waheisidadi nupi adugi thamoida enot ama haplabagum tourari.. Waroubagi, khambanbagi.. Oinajabagi ...

Pancharatan waridu makha tarak ee

- Nangna eibu lanna louge hairabasu kaide... Nangga eiga pao founaraba matung da maga eiga toknakhibani...

Waheisi tabada nupi adugi mitlugi ethaktu napom khajik lakpagum tourari.. Adubu uhanningde nupa adugi mafamda nupi adugi mitki p*e...

- Nangondagisu mana khara junior oini... Magi atoppa ama leiramgani haiba eisu khangida... Eina thaba text ma ningthina hallakkhidre... Matamduda eisu nungsiba koubana yamna wakhi.. Adubu keidouni nungsinabada thamoi anidi changbanina thamoi ama yaodrabada eigido nungsiba kouramdre... Ngaojaba kouramle... Mana efamda touramba punsigi kaoba ngamloidaba thoudok kayasu leikhre ngasisu kaodri...

Wari lina2 holliba sor adu amuktangdi sangna hondok eee aduga mkha tarak ee,

- Mana eigi text hallaktraba matung eina haimanduna mabu amuktangdi unakhi. Numittuda eisu eigi oiba pendaba kaya ama mangonda haikhibani... Eigi hainingba khuding hairamlaga ei mabu amuk hanna yenglamdana lakkhi... Numit adudagi eidi magi maikei yengkhidre.. Mana tourakpa call paikhidre tharakpa mgs su adumak hankhidre..Warise ei nafamdadi liroi khanbani... Adubu nanggi ningaina mafam asida eigi warisu lirare...

Nupi adudi henna pukning nungsikhre... Ngasisu nungsikhiba mahakki mamidu taduna leiramkhini khallubada henna henna kalakpagum tourari.. Karigi aduk laibak fabi mahakto eina oiramdriba haiduna.. Mikup asida wakhaldu chingnaba kayana yomsinduna thamkhrabagum.... Thajaba thajadaba anigi marakta ening tamjaro thadokpagum..khanfam khangdraba engao ngaoba wakhal amagi tarangda humduna purabagum maikei khangdraba nongleida koipai pairiba uphul gi marikkum akangba unagi saklon gum...

- Ei wahang amata hangjageba.

Rajkumari na tapna hairakpani.

- Um karino hangu.

- Ngasisu mahakpu nungsiri haibadi eina khangjare... Adubu eigi oiba mafam kharata oirabasu adomgi thamoida leibirabara ?

- Kharada natte pathoktuna chengadoure... Houjikti eina nangbu yamna nungsirure ?

- Senglabara ?

- Waheina sengi nattraga sengde haibagi mahutta eigi thabakna utlage ....

Wari asum saringei chanabasu puthoraklabada anidu tumin tumin chaba houkhre....
Nupi magi thamoidi nupa mana nungsi hairabasu apenba haibado leitre... Hangninglibani wahang kaya adubu ngamdabani paokhum mabu fangloidara khanbada ....

Eten tenba matamda karigino nupi magi thamoida nupa magi machudu aduk haakna chukhriba ?.... Kalakpa apambagi mihoubadi yaodrabasu karigino mikup khuding mahakki khonjel ta taningliba, matabu uningliba ?

- Da Nao…..

Tangna kouba minggouni nupi asina nupada, nungsina pamuna. Adubu haidokkhre mikupsida nik nik laoba khonjelga loinana nupa adugi mitmangduda adummak. Nupi duna kouraklaba aduda nupa adu nungsina amukti yenglak ee.

- Kei haige ?

- Nang nungsiba ama kainaba, nungsiba amana chatkhiba matamda kadaifaoba wabage haibado ngasidi khanglaba nattra ?

- Haininglibasina karino ?

- Nang amukta haibiyu keidoubage... Nungsiba ama kainabagi fangliba meichak pumba... nang khanglaba nattra ?

Upai leitraba amagum Pancharatan makoktu fat fat nommi hoi haibagi maongni.

- Meichak adu khaangbada nang...nang yamna wakhibara ?

- Wakhi.. Ei meichakto khangbada tasengna awaba oikhi.

- Aduk khangbada waraba, nungsiba ama kainabagi meichakto, nangdi eibu fanghanningdabara ?

Hangliba wahang aduna hainingliba karino nupa adusu khanglibani... Eibu thadokpiganu, punsi chuppa nungsibikho haininglibani... Kainabagi meichak khangningde hairibani...

Cafe adu nungdangwairam oibana misu khara changba houraklabada anidu thoklasi haiduna thorak ee aduga Pancharatan na Rajkumari bu mayum faoba thinbiraklammi...

Hallakpagi lambidu wari amata sanade... Tumin tumin laklibani.. Nupi adugi thamoida nupa adubu chingnabagi nungsibagi meirina chuduna leikhrabani...

Asumna numidangdusu adu mangai nupi adudi wahangna yombani... Nupa aduna call di amuk tourak ee harao harao wari sanakhi... Wariduna loirakpada wahang amamuk thorak ee... Nungsi haibadi khanglibani... Adubu karigino chingnaba haiba waheisina wakhalgi lamkhei asidagi hendoktuna chatlu yadriba ? Masibu nungsibagi machatla ?

Leiriba ka adugi thongnao adu amuk hougattuna khara khajik hangdoklui... Mera koubi thachatki thamoi sumbi thaabaldo kayadi changkhonna phajakhre purnima maya oibagi...

Amuksu tamna leiriba chingsang pareng aduda chakliba lamei adusu ngasidi nungsirure nupi adugi thamoida ...

" Tamlaba chinggi chingkhongda chakliba lamei asigi chingmaida houriba upal wapal napi singbi nakhoisu eigumna wahang kayana thanlabara ? Chingnaba haiba pallonna eibu chetna khaduna thamkhrabada eigi wakhalse pothafam khangdaba haibado oirare. Karigino eina nangbu asuk nungsiruriba ? Hey punsi karigino pamjabana punsibu meemang thokna hingba ngamhanbidriba ?"

Numit adugi athengbada Pancharatan mayumda hankhibani magi thabak sufam mafam adudagi... Hairambani nupi aduda sarambani nungsibagi wari kaya amasu...

(Present time)

" Ohh numit adugi thangnabada nangdi adumak eibu kaoba tamkhrabako... Adubu eidi ngasisu nangbu kaoba ngamdraduna ei nangbu ngairiye. "

- Hei karinone amuk murum murum sondana leiribadubo... Yengoi nandomcha do bazar da karino louba lakkani haibani.. Mangondagi peisa do nang amukta louhourucho. Ngasidi thabakse yammandana ema haidokpa sangloidoure.

- Hoi ema ei louruge.

- Namanabi ama houraga chatkero nangbo, nthanda chtpa nungaigadro ?

- Yanida ei ethanda sum chatlage ...

Rajkumari na mathanda chatlage haibadu yanaduna Rajkumari mathanda bazar tamna laklammi.. Machi machi mangduna leiba aduda mathanda chatpadu nungaitaduna hairubani mama ebemana. Adubu migi mateng loubada pamjadabi macha nupi na ngamduna mathanda chatkhribani..

Ngaihakki matung bazar youraduna mandomchadagi peisa du louraga thorakpada laptakna saktam ama urure... Saktam adu mit kuptana yenglambadagi saktam aduna lengba hourakpada masu prap prap changsinduna saktam adubu thirak ee ...

Ure nakna, yamna nakna saktam adu ure... Mahakna ngaiduna lakkhiba saktamni, kaoba ngamdraba saktamni... Nungsiba tambiramba saktamni... Lapnabagi mahao khanghanbiramba saktam aduni...

Nupa adusu nupi adubu ubada khajik ngakpa faowi... Kuire unakhidaba... Adungei matam amada mapung khajik fakhidraba saktamdo ngasidi mapung faramle...

Bazar gi mee chinba mafam oibana wari saba mafam chararoi khangbana wahei amata haidana nupa aduna nupi adugi makhuttu tap paiduna chingthorak ee. Mee khajik hangba jaga adomdagi koiduna laklaga nupa aduna magi gari park touramba mafam aduda pairamba khudangdusu tapna thadorakk ee .... Aduga garigi thongdu tapna hangdorak ee. Kakhatlo haibagi maongni... Nupi adusu garida tapna kakhatli. Adungeida leikhiba chingnaba, ngasidi leitrabara nupi aduna nupa magi mafamda ? Haiba inbi amagum gari aduda kakhattuna tumin famkhriba ...Leiramgani magi oiba pendaba kharata oirabasu fongdokpagi mikup fanglabadi khanduna adubu ngasidi lotsinkhre nupi aduda leiriba akiba chingnaba pumbasu ...
Asumna garidu thouduna lak ee, khara chikpa mafam amaromda thouduna lakpani... Lambida wari sanade tumin tumin leinei... Khara mee latpa chingkhong amagi manakta garidu khamlaba matung nupa adu kumtharaktuna nupi adugi garigi thongdu tapna hangdorak ee aduga kumtharakoo haibagum inggit touraklammi..

Nupi adusu gari adudagi tapna kumtharak ee ... Aduga akoibadu haifet yengduna lei..

- Kamdouri nungairibara ?

Pancharatan na hanglakpani.

- Nungairamgani khanduna hanglakpa adomgi wahang oirini... Aduna eisu haijaba tai nanggidamak... Ei nungairi ...

Aduk marou leibara nupi nakhoigi waheise... Marou leina khumlakpa paokhumda kari haini khangdre nupa adu..

- Adomdi kamdouri ? Yamna nungaikhra malle...

- Eibu waroubara ?

- Houjikpu wahang adugi paokhum pirubagi kanaba leiribara ?

- Leiramba thoklabadi nang kari tougani ?

- Nungsibase fagi yaramdre da Nao... Ngasidi eigi punsise nungsiba amana pumnamak honghanduna thambiramle... Adubu ei warouwi.. nungsibasu mahakna tambiramlaga karigino mahakna eibu kainababu khangba ngamnaba lambel ama taklamdriba...

- Rajkumari…..

- Eina misak adubu nungsiba ngambagi thouna leikhibagum eina amuk misak adubu kaoba ngambagi panggalsu leigadabani haininglibara ? Thamoida hapkhiba nungsibagi asengba machu aduna thamoidagi pathaduna hakchang gi kayat khudingda etinduna leikhrabada ei ngaore....

- Eibu nangna thina cheikho ..pendrifaoba cheikho.. Adubu ei nangbudi ngasisu nungsiri...sanglaba matam asida ei nanggi wakhal nattana ei kanagisu khankhiba leite...

Pancharatan gi wahei aduda nupi adu amuktangdi yenglak ee.
Pancharatan su makha tarak ee,

- Eina yumda hankhiba numitta eigi phone do tahoure... Thibadasu adumak fangkhidre... Thangnaba numitta eina eigi mobile du leiraba matungda nanggi account singbu changduna yengkhi. Adumak active oiramdre. Mgs kayasu thakhi adusu active oidabana ngasifaoba reply laktri... Ei adum khangle nangna nanggi account pumba sijinadana deactivate toukhre haiba... Nangga wari sadabada ei yamna wakhi.. Nanggi khonjeltabu taningbana ei angaoba amagum nanggi nayum tamna lakkhi.. Adubu yum adusu so londuna adumak leiramle.... Eina nanggi marup mapang amata khanghoudabana ei nanggi nanakta naksannanaba lambel ama leikhidabane ...

Waridu tabada Rajkumari su maral leirabagum khallure... Nupa aduna adufaobagi changda mabu thiramgani haiba mahak khangkhidabani...Pancharatan ga pao faonadraba haptamuk leibaga Rajkumari gi emung manung punna mayum hongkhrabani mamagi mapamda leikhrabani... Pancharatan na khangdabana adu youna thirakpa ngamkhidabani ...

Pancharatan makha amuk tai

- Matamduda eina khankhi.. Nangsu matamgi matung inna nanggi wakhal honglabara haiduna ... Adubu eidi ngasisu hongdri... Nangna nongma haikhiba eigi thamoida nanggi mafam kadaifaoba leirabage haiba wahang adugi paokhum eina thabakna utke haikhibado eidi utkhibani. Adubu nangnadi khangkhidre... Mamanggi punsida eigi thamoida leiramba nungsibagi mami kayabudi eina mutthatpa ngamkhrabasu ...nanggi oiba mafam ama eigi thamoida takhiba asidi eina muthatpa ngamdre Rajkumari... Ngasi Nangna eibu nungsiba faodrabadi nanggi mafamse muthatnaba lambel amatadi takpiyugaba.

Wasi haina haina mamittagi mapidu sintharak ee Pancharatan...
Khalludabani nupa adugi matouda, mabu asuk nungsiramgani haiba nupiduna... Nupadunasu nungsibadu henna utkhidabani. Ngasi mitmangda uraba mikupta kari haini khangdre wahei amata thoktre... Matam kuina warouna ngaiduna lakpadu ngasidi fanglabagum thoklare...

- Mahousadi nangna hangdunata lakpani ngasidi eina oina wahang amatang hangjageba Rajkumari ?

- Kari karamba nanggi wahangno ?

- Eigi wahanggi paokhumse nanggi thamoidagi minamdana pibiyu ... Nangna pirakpa paokhum aduda ei haraona penthokpa ngambagi thounado eigi efamda leiri ..

Rajkumari nupa aduda munna yenglak ee..karino hango haibagi maongni.

- Nang ngasisu eibu nungsiribara... Khummu Rajkumari nang ngasisu eibu nungsiribara ?

Lotpa ngamde nupi adugi mitlugi pirangdu. Phathaba ngamdraba nungsibagi ningaida Rajkumari Pancharatan da chetna khangkon konsillaklammi aduga hik hik laona kaplammi.

- Nungsi.. Ei nangbu thamoi sengna nungsi.. Ngasisu ei nangbu ngairiye.. Nangna tambiramba nungsiba adugi marumda eigi phirep amata hongdana ei ngasisu nangbu ngairiye....

Nupi adugi waduda nupa adusu handuna chetna konsinbirak ee mathada aduga kapli.. Chahi anigi matungda thengnaba asida magi thawaina ahongba leiramdaba kayada laibak fakhraba khanduna...

Rajkumari kaplibadu khajik fajinduna wa nganglak ee..

- Nang eibu amuk thadoktuna chatkhigadra ?

- Eibo ? Eibu chatkhini khanbarane ?

- Nang eibu thadoktuna chatkhinu... Nangna eibu thadoktuna chatke khallabadi nachinduna eibu yaiphabi oiyu haibagi mahut eibu sijakhro hairammu... Wahei asi haiba ngamloidaba oirabadi nang eibu thadoktuna chatkhinu...

- Chatloi ei nangbu thadoktuna chatloi.. Nangga lapnaba mikupta nangna fangliba meichak adudagi tadana eisu fangduna lakkhi... Asigumba cheinase ei amuk fangningdre Rajkumari...

Wasi haina haina henna chetna konsinbirak ee...
Hakchng aniduna thengbada fourakliba hakchanggi lumbu lumbu saba manil adugi marumda thorakliba thamoigi makhol adusu nungsiba haiba waheisita oina thoklabagum tourare...

Ngasidi pelle nupi du. Nungsiba magi mathada mikup amatang leijaba fangbada chahi kaya mana khanglakpa awaba pumbadu kaokhraboi makhalli... Asuk kanbra nungsibagi mayaise ? Karigi thotpadagi thotlaba lasing maphol oiriba ? Amuksu kanbadagi kallaba nunggi saktam louriba ? Karigi ethak naiba samudragi epom oiriba ? Yammidako nungsiba nanggi machuse ... Yamlaba nanggi nungsibagi saklon kaya asina amabu hek soklubada karigi oiriba angaoba, nungsibada ngaoba angaoba.

Pancharatan mathadagi Rajkumari bu tapna louthok ee aduga makhuttuna mapi du nungsina teithokpirak ee aduga makhuttuna nupi adugi lengjumda paiduna hairak ee,

- Matam kuina wakhalda kiduna lakkhiba nungsibagi kishise ngasidi amuk punna thokminare. Masi oira malle asengba nungsibagi saktam haibado ...

- Nangna nungsibabu handuna yenglakpana ngasidi eigi mangkhre khalluba nungshibado amuk fangjare... Ngasidi eigi thamoise kayada penjaraba.

- Ngasi nang eigi mutlaroidaba nungsibasina khudam oiduna ngasigi khunaida asengba nungsibagi saktam ama sagatpa ngamba oirasanu...

- Eramdam asidagi tapna tapna mangtharaklaba nungsibagi masakse nang ei changdana ngaktuna thamba ngamsiko ..

- Ei thamge Rajkumari...Lamdam asidagi mangkhigadouraba asengba nungsibabu mangdanaba eina eigi thamoibu ngaktuna thamge...

- Ngasigi khunai asida leiriba echil enao pumnamak, ngasidi eramdam asidagi asengba nungsibagi saktam ase mangkhigadoure... Yeknabana langgoi challaklabada eramdam asigi ereicha khudingmakna asengba nungsibabu ngaktuna thamhoudrabadi ... eramdam asida eikhoigi chakkhaodi erolnungda lupkhragani.. Eikhoigi chakkhaona erolnungda luptringei asengba nungsibabu ngaktuna eikhoi punna apunbagi saktam ama sagatminnasi keidoubage... Asengba nungsibasina lengdrabadi piklaba eramdam, ereipak ase keidoungeida mikha ponba lamdam amagi ashadi tamkhrani haibase eikhoi khangna hinglasi keidoubage... Wakhal asigi marumda eisu eigi nungsibabu ngaktuna thamliye. Rajkumari...

Rajkumari thamoida apenbagi minok amaga loinana nungsina Pancharatan gi manakta changsinduna mamaidu khajik nonthaduna Pancharatan gi mathada tapna ngatharaklammi..

- Ngasidi ei khangle yumbi ama yaodana yum oiba yadabagum nungsiba haibase yaodrabadi khunai ama semba oiramdre.. Ngasidi nanggi nungsibana yumbigi saklon louduna eigi punsibusu asengba achangba yum ama oihanbirare..

Matou aduda Pancharatansu nokfet touna mathada leiriba Rajkumari bu chetna konsinbiraklammi...

**Loiraba **

Address

Thoubal
Thoubal

Telephone

7630839017

Website

http://www.khorjeiginachom.in/

Alerts

Be the first to know and let us send you an email when Khorjeigi Nachom posts news and promotions. Your email address will not be used for any other purpose, and you can unsubscribe at any time.