Afka

01/11/2022

66 ആം കേരളപ്പിറവി ആഘോഷിക്കുമ്പോൾ ഉറപ്പായും പറയേണ്ട ഒരു വിഷയം ..
ഇന്നും കേരളം ഒന്നാണെന്നും ..അതിന്റെ തലസ്ഥാന നഗരം തിരുവനന്തപുരം ആണെന്നും ഉൾക്കൊള്ളാൻ കഴിയാത്ത ഒരു വലിയ സിൻഡിക്കേറ്റ് പ്രവർത്തിക്കുന്നുണ്ട് എന്ന് തന്നെ സംശയിക്കണം ..

വിഴിഞ്ഞം തുറമുഖ അട്ടിമറി നീക്കങ്ങൾ നടക്കുമ്പോൾ എല്ലാവരുടെയും ശ്രദ്ധ ക്ഷണിക്കേണ്ട മറ്റൊരു വലിയ വിഷയം പറയണം ..വിഴിഞ്ഞം എന്നല്ല..തിരുവനന്തപുരം എന്ന കേരളം തലസ്ഥാന നഗരം വികസിക്കാൻ സാധ്യതയുള്ള ഏതൊരു വികസന - നിക്ഷേപ പദ്ധതികളും അട്ടിമറിക്കാൻ കടുത്ത പ്രാദേശിക വികാരം നിറഞ്ഞ ഒരു സിൻഡിക്കറ്റ് തന്നെ പ്രവർത്തിക്കുന്നുണ്ട് എന്ന് സംശയിക്കുന്നു . കഴിഞ്ഞ 30 വരർഷങ്ങളായി കൃത്യമായി പ്രവർത്തിക്കുന്ന ഈ സിൻഡിക്കേറ്റിന്റെ ആത്യന്തികമായ ലക്ഷ്യം തിരുവന്തപുരത്തെ വികസനം തടഞ്ഞു, മറ്റൊരിടം കൊള്ളാം എന്ന് പറയിപ്പിച്ചുകൊണ്ട് കാലങ്ങൾ എടുത്താണേലും തലസ്ഥാന പദവിയും കേരളത്തിന്റെ സകല സൗകര്യങ്ങളും നേടിയെടുക്കുക എന്നതാണ് . ഇത് മനസ്സിലാക്കി തലസ്ഥാന നഗരത്തിലേക്ക് പലയിടങ്ങളിൽ നിന്ന് വന്നെത്തി ജീവിക്കുന്ന നഗര സ്നേഹികൾ 2000 ആയപോൾ തന്നെ പ്രതികരിച്ചു തുടങ്ങി ..പയ്യെ തലസ്ഥാന നഗര സ്നേഹികളുടെ കൂട്ടായ്മകൾ ഉണ്ടായി തുടങ്ങി ..എന്നാൽ ആ കാലത്ത് തിരുവനന്തപുരം വിരുദ്ധ സംഘം വളരെ ശക്തമായിരുന്നു. രാഷ്ട്രീയ - സാമൂഹിക - റിയൽ എസ്റ്റേറ്റ് - സിനിമ - മാധ്യമ രംഗത്തുള്ളവരുടെ ഒരു സിൻഡിക്കേറ്റ് ആണ് അതെന്നു പറയാം ..

തിരുവനന്തപുരത്ത് യാതൊരു പദ്ധതികളും സ്ഥാപിക്കേണ്ടതില്ലെന്നും, നിക്ഷേപം നടത്തിയാൽ നഷ്ടമാകുമെന്നും ഒക്കെയുള്ള പ്രചരണങ്ങൾ നടത്തിയവർ വംശീയ അധിക്ഷേപം , ഭാഷ ,ഭക്ഷണ സംസ്കാരം എന്നിവയെ അടക്കം ആക്ഷേപിപ്പിച്ചും എന്തിനു തിരുവനന്തുരം എയിഡ്സ് രോഗികളുടെ താവളമാണെന്നും , വിക്കിപീഡിയയിൽ അടക്കം തിരുവനതപുരം എന്ന പേര് എഡിറ്റ്‌ ചെയ്തു അപ്പിസ്ഥാൻ എന്നും ,അപ്പിക്കൂട്ടം എന്നും ,ജനപ്രധിനിധികളെ അടക്കം ഈ വിധത്തിൽ കളിയാക്കിയും അവർ അരങ്ങു വാണു ..

മലയാളത്തിലെ പ്രമുഖ 4 മുൻനിര മാധ്യമങ്ങൾ നിരന്തരം തിരുവന്തപുരത്തെ നിക്ഷേപ വാർത്തകൾ മറച്ചുവെയ്ക്കാൻ മുൻകൈ എടുത്തു ..ഇന്നും അത് തുടരുകയാണ് മാത്രമല്ല തലസ്ഥാനത്തെ പദ്ധതികൾക്ക് എതിരെ ഏതറ്റം വരെയും പോകാൻ മടിക്കാത്ത മദ്ധ്യമപ്രവർത്തകർ വരെ ഉണ്ട് . അവരുടെ മസ്തിഷ്കത്തെ പ്രാദേശികവാദം അടിമയാക്കിയിരിക്കുകയാണ് ..

തിരുവന്തപുരത്തിന്റെ വളർച്ച പലരുടെയും റിയൽ എസ്റ്റേറ്റ് സ്വപ്നങ്ങൾക്ക് തിരിച്ചടിയാകും എന്നുള്ളതുകൊണ്ട് തന്നെയാകാം ഇത് .. ഇത്തരം പദ്ധതികൾക്ക് എതിരെ അനാവശ്യമായ കേസ് കൊടുത്തും നിക്ഷേപം നടത്തിയവർക് വളരെ മോശം സന്ദേശങ്ങൾ അയച്ചും ഒക്കെ ഇവർ ഇന്നും കളം നിറയുന്നുണ്ട്..

വിഴിഞ്ഞം , ടോറസ് , ലുലു അടക്കമുള്ളവയ്ക്ക് എതിരെ അനാവശ്യ കേസുകൾ നൽകി കോടതി വരെ താക്കിത് നൽകേണ്ട സാഹചര്യം വന്നിട്ടുണ്ട് ..2004 -2010 കാലഘട്ടത്തിൽ തലസ്ഥാന നഗരവാസികൾ ഇത്തരം പ്രവർത്തനങ്ങളിലും ആക്ഷേപങ്ങളിലും മനസ്സ് മടുത്തുകൊണ്ട് ഒരുതരം അപകർഷതയിൽ യുവാക്കൾ എത്തുകയും ഇന്ന് കാണുന്ന പല നഗര കൂട്ടായ്മകളും ,സോഷ്യൽ മീഡിയ പേജുകൾ / ഗ്രൂപ്പുകൾ എന്നിവ ഉണ്ടാകുകയും ചെയ്തു . ഒരു ദിവസം എങ്കിലും ഇത്തരം ഷുദ്ര ശക്തികളെ അടക്കികൊണ്ട് സംസ്ഥാന തലസ്ഥാനം പ്രതാപം വീണ്ടെടുക്കാൻ കയ്യും മെയ്യും മറന്നു പ്രവർത്തിക്കാൻ പലരും തയ്യാറായി ..

മലയാളത്തിലെ പത്ര മുത്തശ്ശിമാരും ന്യൂസ് ചാനൽ മുത്തശ്ശനും പടച്ചു വിട്ട ചില പ്രകടനങ്ങൾ ഓർത്തെടുത്തു പറയാം ..

ടെക്‌നോസിറ്റി എന്ന വലിയ പദ്ധതിക്ക് VS സർക്കാർ കാലത്ത് തറക്കല്ലിട്ടപ്പോൾ ആ വാർത്ത ചരമ പേജിന്റെ അപ്പുറത്തായി " ഇൻഫോപാർക്ക് രണ്ടാം ഘട്ടം ഉടൻ" എന്ന തലക്കെട്ടോടെ വാർത്ത നൽകി അവരുടെ പ്രാദേശിക രാഷ്ട്രീയം വ്യക്തമാക്കി ..

വിഴിഞ്ഞം പദ്ധതിക്ക് എതിരെ നിരന്തരം വാർത്തകൾ നൽകിക്കൊണ്ട് ഇരുന്നു ..ഇപ്പോഴും അത് തുടരുന്നു ..(റബ്ബർ പത്രം ആണ് കൂടുതൽ മുന്നിൽ )

ടോറസ് ഡൗൺടൗൺ പദ്ധതി നിർത്തിച്ചിട്ടേ അത്താഴം ഉണ്ണൂ എന്ന് ശപഥം എടുത്ത ചാനൽ മുത്തശ്ശനിലെ വർത്താന വായനക്കാരൻ തലസ്ഥാന സ്നേഹികളെ വിളിച്ചത് കാട്ടാളന്മാർ എന്ന് .. (തുമ്പി എന്ന പേരിൽ കേസ് കൊടുത്ത മാമൻ കോടതിയുടെ താക്കിത് കേട്ട് കണ്ടം വഴി തുമ്പിയെപ്പോലെ ഓടി )

ലുലു മാളിന് എതിരെ നിരന്തരം കുരു പൊട്ടലും , കേസും ..സെപ്റ്റംബർ മാസത്തിൽ കോടതി നിഷിദ്ധമായ വിമർശനത്തോടെ തള്ളി ..

തിരുവനന്തപുരം മെട്രോയെപ്പറ്റി എന്തേലും അനക്കം വന്നാൽ ഉടനെ പത്ര മുത്തശ്ശിമാർ വരും മറ്റൊരു മെട്രോയുടെ നഷ്ടക്കണക്കുകൾ നിരത്തി ( സ്വന്തം പിള്ള ചത്താലും കുഴപ്പമില്ല ..അയലത്തെ പിള്ള നന്നാവരുത് )

മറ്റൊരു മുത്തശ്ശി ഒരിക്കൽ അങ്ങ് പടച്ചു വിട്ടു ..ഇൻഫോസിസ് തിരുവനന്തപുരം വിടുന്നു ..ഉടൻ തന്നെ ഞങ്ങളുടെ ഇഷ്ടപ്പെട്ട നഗരത്തിൽ തുടങ്ങും .ഇൻഫോസിസ് ഈ വാർത്തക്ക് എതിരെ രംഗത്ത് വന്നു ..അടിസ്ഥാന രഹിതമായ ഈ വാർത്തയെപ്പറ്റി അവരുടെ ഓഫീസിലേക്ക് വിളിച്ചപ്പോൾ കേട്ടത് "ഞങ്ങൾ ഞങ്ങൾക്ക് തോന്നിയത് എഴുത്തും എന്നാണ് '

അവർക്ക് പ്രിയപ്പെട്ട ചില പദ്ധതികളെപ്പറ്റി വാ തോരാത്ത വാർത്തകൾ ,സിനിമകളിൽ അനാവശ്യമായി പുകഴ്ത്തി ഡയലോഗുകൾ , ഇല്ലാത്ത പദ്ധതികൾ ഉണ്ടെന്നു പറഞ്ഞു സ്ഥല കച്ചവടം ..ഇതൊക്കെ ആണ് പ്രധാന പരിപാടികൾ ..

തിരുവനന്തപുരത്തു ഒരു നിക്ഷേപം വന്നാൽ വാർത്തകളിൽ "തിരുവനന്തപുരം" എഴുതുന്ന മാധ്യമങ്ങൾ അപൂർവം മാത്രം ..അതേസമയം അവർക്കിഷ്ടമുള്ള ഇടത്ത് ഒരു മുറുക്കാൻ കട വന്നാലും അതിനു ഒരു പേജ് തള്ളു ഉറപ്പാ ..

എല്ലാം പോട്ടെ ഏറ്റവും ഒടുവിൽ ഒരു ക്രിക്കറ്റ് സ്റ്റേഡിയം ലഭിച്ച തലസ്ഥാനം ആണ് തിരുവനന്തപുരം..അവിടെ നടക്കുന്ന ആദ്യത്തെ കളി ആദ്യം മുതൽ തന്നെ അതെങ്ങനെ മുടക്കാം ? കുറ്റങ്ങൾ ..മനപ്പൂർവം ഉണ്ടാക്കുന്ന വിവാദങ്ങൾ , സ്റ്റേഡിയം മാറ്റണം ..ഇതൊന്നും മറ്റൊരു തലസ്ഥാനങ്ങളിലോ സംസ്ഥാനങ്ങളിലോ കണ്ടിട്ടില്ല ..

ഐ ടിയിൽ തിരുവനന്തപുരം കുതിപ്പ് തുടരുമ്പോഴും അത് കഴിയുന്നത്ര ജനങ്ങളിൽ നിന്ന് മറച്ചു വെച്ചുകൊണ്ട് തങ്ങൾ കെട്ടിപ്പൊക്കിയ ആളില്ല കെട്ടിടങ്ങൾ വിറ്റുപോകാനായി ഇന്നും 17 വർഷങ്ങൾക്ക് ശേഷവും പൂർത്തിയാവാത്ത പദ്ധതികളെ അവർ ആഘോഷിച്ചു ..

2016 നു ശേഷം തിരുവനന്തപുരം വ്യാവസായിക രംഗത്ത് ഉണ്ടാക്കിയ മുന്നേറ്റം ഈ സംഘത്തെ ഭ്രാന്ത് പിടിപ്പിച്ചു . ഭരിക്കുന്നത് അവർക്ക് അനുകൂലമായ ഒരു സർക്കാർ അല്ലാത്തതും അവരെ അസ്വസ്ഥരാക്കി എന്നുവേണം കരുതാൻ .. ഇടയ്ക്ക് കടുത്ത തലസ്ഥാന വിരുദ്ധതയുള്ള ഒരു സൈബർ പോരാളി ഒരു പോസ്റ്റ് ഇട്ടു ..

"കയ്യിൽ പണമില്ലാത്ത ..വാങ്ങൽ ശേഷി ഇല്ലാത്ത ..തിരുവനന്തപുരം പോലെ ഒരു താഴേക്കിട അവികസിത പട്ടണത്തിൽ യുസഫ് അലിയെപ്പോലെ ഒരാൾ നിക്ഷേപം നടത്താനോ ?? ഹഹഹ ..ഒരിക്കലുമില്ല ..വല്ല ചെറിയ സൂപ്പർ മാർക്കറ്റും തുടങ്ങുമായിരിക്കും .." മൂഢസ്വർഗത്തിൽ ജീവിച്ച അയാൾ കണ്ടത് 5 വർഷം കഴിഞ്ഞ് ഭീമാകാരമായ ഒരു മാൾ ലുലു തിരുവനന്തപുരത്തു പടുത്ത് ഉയർത്തുന്നതാണ് ..

2022 ആയപ്പോഴേക്കും 2010 കാലത്തെ കാറ്റ് മൊത്തം മാറി വീശി ..തിരുവനന്തപുരം വിഴിഞ്ഞത്തിന്റെ ചിറകിലേറി കേരളത്തിന്റെ മാത്രമല്ല തെക്കേ ഇന്ത്യയുടെ തന്നെ വ്യവസായിക കേന്ദ്രമാകുന്നു എന്ന വാർത്തകൾ ലോക്കൽ / നാഷണൽ ബിസിനസ് മാധ്യമങ്ങൾ അടക്കം റിപ്പോർട്ട് ചെയ്തപ്പോൾ ഈ സിൻഡിക്കേറ്റുകളുടെ കിളി പറന്നു എന്നുവേണം കരുതാൻ ..

എന്തിനു ഏറെ ? തിരുവനതപുരം ലുലു മാളിൽ PVR superplex ഒപ്പം imax വരുന്നു എന്നറിഞ്ഞത് ഉൾക്കൊള്ളാൻ കഴിയാതെ imax officials ന്റെ പേജുകളിൽ തിരുവനന്തപുരം ദരിദ്ര നഗരമാണ് ..അവിടെ ചെയ്യരുത് എന്നുൾപ്പടെ മാനസിക നില തെറ്റിയപോലെ കമന്റുകൾ ഇടുകയാണ് അവർ ..

കേരളത്തിൽ ഇങ്ങനെയൊന്നു നിലനിൽക്കുന്നുണ്ട് .. ഇതിനു പലരും പരസ്യമായി മൗന സമ്മതം നൽകുന്ന കാഴ്ചയാണ് വർഷങ്ങളായി ഉള്ളത് ..

ഇന്ത്യയിലെ എല്ലാ സംസ്ഥാനങ്ങൾക്കും , സംസ്ഥാന തലസ്ഥാനം എന്നാൽ ഒരു പൊതു ഇടമാണ് ..അതല്ലാതെ ഒരു പ്രാദേശിക പ്രദേശം അല്ല .. ഇങ്ങനെ ഒരു അവസ്ഥ എങ്ങും നിലനിൽക്കുന്നില്ല ..പല നാടുകളിൽ നിന്നും കേരളം എന്ന സംസ്ഥാനത്തിന്റെ തലസ്ഥാനത്തു ജീവിക്കാൻ എത്തിയവരുടെ അഭിമാനത്തിനു വിലപറയുന്ന ഇത്തരം പ്രാദേശിക സംഘങ്ങളെ തിരിച്ചറിഞ്ഞു അകറ്റുക തന്നെ വേണം ..അരാഷ്ട്രീയത ആണ് ഇവർ മുന്നോട്ട് വെയ്ക്കുന്നത് .. കേരളം ഉണ്ടെങ്കിൽ അതിനൊരു തലസ്ഥാന നഗരം ഉണ്ട്..അതാണ് തിരുവനന്തപുരം . തലസ്ഥാനത്തിനു എതിരെ വൈരാഗ്യബുദ്ധിയോടെ പ്രവർത്തിക്കുന്നവർ അത് ഉപേക്ഷിച്ചേക്കുക ..
കാരണം ഈ നഗര സ്നേഹികൾ ഇതെല്ലം ചെറുത്ത് നിർത്തുക തന്നെ ചെയ്യും ..കാലവും,ചരിത്രവും നീതിയും ഈ നിരുപദ്രവ പ്രദേശത്തിന് ഒപ്പമാണ് ..

ഒന്നിനെ വൈരാഗ്യബുദ്ധിയോടെ നശിപ്പിച്ചുകൊണ്ട് അല്ല മറ്റൊന്ന് വളർത്തേണ്ടത്..

ഒരുപാടുപേർക്ക് പാഠവും , തൊഴിലും , ജീവിതവും പകർന്നു നൽകിയ ഈ തലസ്ഥാന നഗരം ഞങ്ങളുടെ ഹൃദയത്തിൽ കോറിയിട്ടവർ ഒരുപാട് ആണ് ..അവരെ ബഹുമാനിച്ചില്ലെങ്കിലും അപമാനിക്കുന്നത് നിർത്തുക ..

നന്ദി ..കേരളം

31/10/2022

https://youtu.be/WDZnhZKIdw0

Full form wash, car detailing, underbody washing and coating , all dent and paint works| affordable rates, good result and finish ...

30/10/2022

https://youtu.be/EW4zOGqZMlg

All type of Hero and Honda Bike service, repair and spare parts.... Insurance claim work also available... Low cost Balaji motors, thottikkallu, Alamcode, T...

14/10/2022

Mr.Y UK Carbon Clean and Car Detailing Centre, Kallambalam

Full form wash, car detailing, underbody washing and coating , all dent and paint works| affordable rates, good result and finish ...

07/10/2022

Unboxing of baby's piano and other items too

Unboxing of baby's piano, Little's wipes and cutout board books for kids ordered from Amazon.Above 6 month babies to improve their IQ keyboard Musical ...

03/10/2022

Good work

ആലംകോട് ജുമാ മസ്ജിദ് നബിദിന അലങ്കാരം

15/07/2021

1964 ലാണ് ബിർള ഗ്രൂപ്പ് എന്ന മാർവാഡി കമ്പനി ആലപ്പുഴയിൽ ഒരു നൂൽ നൂൽക്കുന്ന സ്ഥാപനം തുടങ്ങുന്നത്.

തീരദേശ മേഖലയിൽ സ്ഥലം വിലയ്ക്കുവാങ്ങി, ഗുണനിലവാരമുള്ള വിദേശ യന്ത്രങ്ങൾ ഇറക്കുമതി ചെയ്തു മികച്ച രീതിയിൽ തന്നെ കമ്പനി പ്രവർത്തനം ആരംഭിച്ചു..

ഐക്യകേരള രൂപണീകരണ ശേഷം കേരളം വ്യവസായ സൗഹൃദമാക്കാൻ അന്ന് സംസ്ഥാന അധികാരികളും സർക്കാർ സംവിധാനങ്ങളും ഒപ്പം നിൽക്കുന്ന സാഹചര്യമായിരുന്നു.

തൊഴിൽ ഇല്ലായ്മ അതിരൂക്ഷമായ ആലപ്പുഴ തീരദേശ ഗ്രാമങ്ങളിലെ ചെറുപ്പക്കാർക്ക് “കേരള സ്പിന്നേഴ്സ് “എന്ന പേരിൽ തുടങ്ങിയ ആ കമ്പനി വളരെ വലിയ ആശ്വാസമായിരുന്നു.

എഴുപതുകളുടെ തുടക്കം ആയപ്പോളെക്കും പ്രദേശത്തിൻ്റെ മുഖമുദ്ര തന്നെ മാറ്റി മറിക്കുന്ന രീതിയിൽ കമ്പനി വളർച്ചയും അനുബന്ധ വികസനവും വന്നു ചേർന്നു.
യൂണിറ്റുകൾ പുതിയത് ഓരോ വർഷവും സ്ഥാപിക്കാൻ തുടങ്ങി..
നിലവിലെ ജോലിക്കാർക്ക് ശമ്പളം ഇരട്ടിയാക്കുകയും ധാരാളം പുതിയ തൊഴിലാളികളെ പുതിയതായി ചേർക്കുകയും ചെയ്തു...

എഴുപതുകളുടെ അവസാനങ്ങളിൽ കമ്പനി ലാഭം പതിൻമടങ്ങായതോടെ ജില്ലയിലെ സർക്കാർ ജീവനക്കാരെക്കാളധികം ശമ്പളവും ആനുകൂല്യങ്ങളും പറ്റുന്ന വൻ സ്ഥാപനം തന്നെയായി കേരള സ്പിന്നേഴ്സ് മാറി...

ഫിലിപ്സോ, മർഫിയോ, റേഡിയോ ഇല്ലാത്ത ഒറ്റ തൊഴിലാളി ഭവനം പോലുമുണ്ടായിരുന്നില്ല അന്ന്. തിരഞ്ഞെടുപ്പ് വാർത്തകൾ കേൾക്കുന്നതിനായി സ്‌പിന്നേഴ്സ് തൊഴിലാളിയുടെ വീട്ടുമുറ്റത്ത് പന്തല് കെട്ടി ആള് കൂടുമായിരുന്നു എന്ന് കേട്ടിട്ടുണ്ട്...

നല്ല അടച്ചുറപ്പുള്ള ഭിത്തി കെട്ടിയ, തെങ്ങിൻ പട്ടികയിൽ ഓട് മേഞ്ഞ, നല്ല മര ഉരുപ്പടികളാൽ തീർത്ത ഫർണിച്ചറുകളുള്ള, നിത്യം സംഗീതം പൊഴിക്കുന്ന പാട്ട് പെട്ടിയുള്ള അതിസുന്ദര തൊഴിലാളി ഭവനങ്ങൾ നാട്ടുവഴികളിൽ അങ്ങുമിങ്ങും ധാരാളമായി ഉയർന്നു വന്നു...

ബെൽബോട്ടം പാൻറും, കറുപ്പിച്ച ചുരുളൻഹിപ്പി മുടിയും, ചുണ്ടൻ വള്ളം കമഴ്ത്തിവെച്ച പോലെയുള്ള നീളൻ മീശയുമായി ഹെർക്കുലീസ് സൈക്കളിൽ വിലസി നടക്കുന്ന ചെറുപ്പക്കാരായ ഉദ്യോഗസ്ഥർ...

ഭർത്താവിൻ്റെ സൈക്കളിൽ തൂക്കിയ അടുക്ക് ചോറ്റുപാത്രത്തിൻ്റെ കിലകില ശബ്ദം കേൾക്കാൻ കാതോർത്തിരിക്കുന്ന വീട്ടമ്മമാർ... ജോലി കഴിഞ്ഞെത്തുന്ന അച്ഛൻ്റെ കൈയ്യിലെ പലഹാരപ്പൊതിയിൽ കണ്ണുംന്നട്ടിരിക്കുന്ന കുഞ്ഞിക്കുരുന്നുകൾ...

അങ്ങനെ ക്ഷാമവും വറുതിയുമില്ലാതെ സ്നേഹോഷ്മളമായ കുടുംബ ജീവിതവും, രാഗസാന്ദ്രമായ സുഹൃത്ബന്ധങ്ങളും ,
സുസ്മേര സുന്ദര ഗ്രാമ്യ ജീവിതവുമായി ആ നാട് മുന്നോട്ട് പൊയ്ക്കൊണ്ടിരുന്നു.

പെട്ടെന്നാണ് ഒരു വാർത്ത കമ്പനിയാകെ പടർന്നത്.. !!!!

അഞ്ച് ശതമാനം പോലും തൊഴിലാളി പ്രാതിനിധ്യം ഇല്ലാത്ത ഒരു കൂട്ടം വിപ്ലവകാരികൾ ബോണസ്സ് വർദ്ധിനവിനായി സമരം തുടങ്ങിയിരിക്കുന്നു. !!!!

നിലവിൽ 7.5 ശതമാനം ബോണസ് ലഭിക്കുന്നുണ്ട്.. അടുത്ത വർഷം 8.5 ആക്കാമെന്ന് കമ്പനി പറഞ്ഞിട്ടുള്ളതുമാണ്...

ഇപ്പോഴത്തെ സ്ഥിതിയിൽ സമീപത്തുള്ള മറ്റൊരു കമ്പനികളും ഇത്രയധികം ബോണസ് കൊടുക്കുന്നുമില്ല...

പക്ഷെ ഫാക്ടറി പരിസരം കലുഷിതമാണ്..

കമാനങ്ങളും നിരത്തുകളും ചുവന്ന കൊടികളാൽ അലംകൃതമായിരിക്കുന്നു.
അടയ്ക്കാതൂണുകളിൽ കെട്ടിയ കോളാമ്പിയിൽ നിന്നും കാർക്കശ്യത്തിൻ്റെ താക്കീതുകളുമായി വിപ്ലവ ഗാനങ്ങൾ ഇടതടവില്ലാതെ ഒഴുകി...

⚠️ പുറത്ത് നിന്നും വന്ന താടിക്കാരായ നേതാക്കൻമാർ തൊഴിൽ അവകാശങ്ങളും തൊഴിൽ ചൂഷണങ്ങളും എണ്ണമിട്ട് ഇഴകീറി വിശദീകരിച്ചു...

ഈ കമ്പനി കൊള്ളലാഭത്തിൽ ആണെന്നും അതിന് ആനുപാതികമായി ബോണസ്സ് ഇവിടെ കിട്ടുന്നില്ലെന്നും അവർ പറഞ്ഞു...

ബോണസ്സ് ആരുടെയും ഔദാര്യമല്ലെന്നും അത് തൊഴിലാളിയുടെ അവകാശമാണെന്നും അവർ പ്രസംഗിച്ചു.

ഓണത്തിന് ബോണസിനൊപ്പം വസ്ത്രവും സദ്യയും, ദീപാവലിക്കും ഹോളിക്കും മധുര പാക്കറ്റുകളും ഒക്കെ നൽകുന്നത്, ബോണസ് വർദ്ധനവ് ചോദിക്കുന്നതിൽ നിന്നും മലയാളിയെ പിന്തിരിപ്പിക്കാനുള്ള മാർവാഡി ബുദ്ധിയാണെന്നവർ ആരോപിച്ചു......

ജനങ്ങൾ അത് നിരാകരിച്ച് ഒറ്റക്കെട്ടായി കൂലി വർദ്ധനവിന് വേണ്ടി സമരം ചെയ്യണം എന്നൊക്കെ പറഞ്ഞതോടെ പലരുടെയും മനസ്സിൽ ചാഞ്ചാട്ടം തുടങ്ങി..

ദിവസങ്ങൾക്കുള്ളിൽ അമ്പത് ശതമാനം തൊഴിലാളികളും സമരക്കാർക്ക് ഒപ്പമായി..
പ്രൊഡക്ഷൻ സ്തംഭിക്കാൻ തുടങ്ങി..

മുതലാളിമാരായ നാൽവർ സഹോദരങ്ങൾക്ക് ഇത് എങ്ങനെ പരിഹരിക്കണം എന്ന് അറിയില്ലാരുന്നു..

ചെറിയ സമരങ്ങൾ ഒക്കെ ഇടയ്ക്ക് എപ്പോളും ഉണ്ടാകുമെങ്കിലും, അതൊക്കെ അവരുടെ നേതാക്കൻമാരുമായി ചർച്ച ചെയ്ത് പരിഹരിക്കുമായിരുന്നു.
പക്ഷേ ഇത് കമ്പനിയുടെ ടേണോവറും ബാലൻസ് ഷീറ്റുമൊക്കെ പ്രസിദ്ധപ്പെടുത്തി കമ്പനി തന്നെ സ്തംഭിപ്പിക്കുന്നത് എന്തോ ദുഃസൂചനയോടെയുള്ള അട്ടിമറിയുടെ ലക്ഷണമായി അവർക്ക് തോന്നിത്തുടങ്ങി....

പരിഹാരത്തിനായി ഗുജറാത്തിൽ നിന്നും ആർ എം സുറാന എന്ന വിശിഷ്ട വ്യക്തിയെ അവർ ചുമതലപ്പെടുത്തി..

അദ്ദേഹം സമരക്കാരുമായി സംസാരിച്ചു... നിലവിലെ 7.5ശതമാനം ബോണസ്സ് 27 ശതമാനമാക്കി തരാം എന്ന് അറിയിച്ചപ്പോൾ സമരക്കാരൊക്കെയും സ്തബ്ദരായി.

കമ്പനി നല്ല പ്രൊഡക്ഷൻ ടൈമിലാണ് എന്നും വളരെ വലിയ ഓർഡറുകൾ കെട്ടിക്കിടക്കുകയാണെന്നും ദയവായി ഉൽപാദനം സ്തംഭിപ്പിക്കരുതെന്നും തൊഴിലാളികളോട് അഭ്യർത്ഥിച്ചു..

പക്ഷേ വർഷാവർഷം 27 ശതമാനം ബോണസ്സ് എന്നത് വരുന്ന 5 വർഷത്തേയ്ക്ക് ആയിരിക്കുമെന്നും, ഇക്കണ്ട കാലയളവിൽ ഇനി വർദ്ധനവിനായി സമരം ചെയ്യില്ല എന്ന് ഉറപ്പ് എഴുതി നൽകിയാൽ മാത്രമേ ഇത് പ്രാബല്യത്തിൽ കൊണ്ടുവരും എന്നും കമ്പനി പ്രതിനിധി അറിയിച്ചു.

വലതുപക്ഷ തൊഴിലാളി യൂണിയനുകൾ ചർച്ചയ്ക്ക് ശേഷം ഈ നിർദ്ദേശം അംഗീകരിച്ചു..

എല്ലാ വർഷവും 27 ശതമാനം ബോണസ് കിട്ടും...... അഞ്ച് വർഷത്തെയ്ക്ക് വർദ്ധനവ് പാടില്ല എന്നല്ലേ ഉള്ളൂ.... തൊഴിലാളികൾക്ക് എന്ത് കൊണ്ടും സാമ്പത്തികമായി മെച്ചമുള്ള തീരുമാനം തന്നെ എന്നവർ വിലയിരുത്തി

🔥 പക്ഷേ വിപ്ലവക്കാർ ഇത് തള്ളി ...
ഇത് തട്ടിപ്പാണെന്നു പറഞ്ഞു...

അഞ്ച് വർഷം തൊഴിലാളിയെ ചങ്ങലയിൽ തളച്ചിട്ടാൻ നോക്കുകയാണ് കുത്തകകൾ എന്ന് അവർ അലറി...

കമ്പനിയും വലതുപക്ഷ തൊഴിലാളി സംഘടനാ നേതാക്കളും തമ്മിൽ ഒത്തുകളിയാണ് എന്ന് വ്യാജ പ്രചരണം നടത്തി. ഇൻകിലാബുകൾ കൂടുതൽ കൂടുതൽ രൂക്ഷമായി മുഴങ്ങി....

പക്ഷേ അഫിഡാവിറ്റ് സമർപ്പണത്തിൽ നിന്നും തരിമ്പും പിന്നോട്ടു പോകില്ല എന്ന നിലപാടിൽ കമ്പനിയും ഉറച്ച് നിന്നു.......

ഒടുക്കം സിരകളിൽ വിപ്ലവം മൂത്ത് സർ സിപ്പിയുടെ മൂക്ക് വെട്ടിയ സഖാവിൻ്റെ പൈതൃകത്തിൽപ്പെട്ട ഏതോ ഒരുവൻ മദ്ധ്യസ്ഥ ചർച്ചക്കെത്തിയ ആർഎം സുറാനയെ ആക്രമിച്ചു... !!

ദേഹാസ്വാസ്ഥ്യം കൊണ്ട് അദ്ദേഹം കുഴഞ്ഞ് വീണു.. !!!!

അതോടെ സമരത്തിൻ്റെ ഗതിമാറി...
യൂണിയനും മാനേജ്മെൻ്റും തമ്മിൽ നേർക്കുനേർ പോരാട്ടവും പോലീസ് കേസും കോടതി വ്യവഹാരവുമൊക്കെയായി ..

കേവലം ഒരു മാസം കൊണ്ട് ഒത്തു തീർപ്പാവേണ്ട കേസ് ചുവപ്പ് ഗൂഢാലോചനയിൽ മാസങ്ങൾ നീണ്ടു ....
ഒരു വർഷത്തോളം കമ്പനി അടഞ്ഞ് കിടന്നു. ഓർഡറുകൾ നഷ്ടമായി...
നിർമ്മിച്ച് വെച്ച വസ്തുക്കൾ കയറ്റുമതി ചെയ്യാൻ കഴിയാതെ നശിച്ചു....

അടഞ്ഞു കിടന്ന സമയത്തെ വേതനം നൽകണം എന്ന ആവശ്യം ഉയർത്തി തൊഴിലാളികളെക്കൊണ്ട് വേറെയും കേസ് കൊടുപ്പിച്ചു... വിപ്ലവ പകവീട്ടൽ അതിൻ്റെ സർവ്വസീമകളും ലംഘിച്ച് രാക്ഷസീയതയുടെ രൂക്ഷഭാവമെടുത്തു കഴിഞ്ഞിരിക്കുന്നു.

സാമ്പത്തികമായി കൂപ്പുകുത്തിയ മാനേജ്മെൻറ് ഒടുക്കം ചുവപ്പിനോട് അടിയറവ് പറഞ്ഞ് കിട്ടിയ വിലക്ക് കമ്പനി വിറ്റ് കണ്ണീരൊടെ നാട് വിട്ടു...

ആരും ഏറ്റെടുക്കാതിരുന്ന കമ്പനി വർഷങ്ങളോളം കാട്‌ പിടിച്ചു കിടന്നു..
ഒടുവിൽ രാഷ്ട്രീയ സമ്മർദ്ദത്താൽ ഏതാനും വർഷങ്ങൾ മുമ്പ് ഈ കമ്പനി കേരള ടെക്സ്റ്റൈൽസ് വകുപ്പ് ഏറ്റെടുത്തു...

ഇപ്പോൾ കേരളത്തിൻ്റെ നികുതിപണം കാർന്ന് തിന്നുന്ന വെള്ളാനകളെ തീറ്റിപ്പോറ്റാനായി നഷ്ടം സഹിച്ചും കമ്പനി ആയി തുടരുന്നു.''

ഇത് കേവലം ഒരു ഫാക്ടറിയുടെ മാത്രം കഥയാണ്... നൂറുകണക്കിന് കമ്പനികൾ ഇത്തരത്തിൽ ഇവിടെ പൂട്ടിപ്പോയിട്ടുണ്ട്.

നിക്ഷേപ സൗഹൃദ സംസ്‌ഥാനങ്ങളെപ്പറ്റി പ്രതിപാദിക്കുന്ന വേള്‍ഡ്‌ ബാങ്കിന്റെ "ഈസ്‌ ഓഫ്‌ ഡൂയിങ്‌ ബിസിനസ്‌" റിപ്പോര്‍ട്ട്‌ പ്രകാരം ഇന്ത്യയിലെ വ്യവസായ സൗഹൃദ സംസ്‌ഥാനത്തിന്റെ പട്ടികയില്‍ കേരളത്തിൻ്റെ സ്ഥാനം എന്തുകൊണ്ട് 28/ 29 ആയി എന്നതിൻ്റെ നേർസാക്ഷ്യമാണ് മുകളിൽ വിവരിച്ചത്...

കേരളത്തിനു പിന്നിൽ തൃപുര മാത്രമേ ഉള്ളു.

PAB റിപ്പാർട്ട് പ്രകാരം കേരളത്തിന് 20000 കോടി രൂപയുടെ നഷ്ടം കഴിഞ്ഞ ഇരുപത് വർഷത്തെ അടച്ച്പൂട്ടൽ കൊണ്ട് സംഭവിച്ചിട്ടുണ്ട്.....

കടപ്പാട്: സുജിത് ചന്ദ്ര.

🔒 ചില സത്യങ്ങൾ ഇങ്ങനെയൊക്കെയാണ്. ന്യായീകരിക്കുന്നവർ എന്തു വേണേലും പറഞ്ഞു ന്യായീകരിച്ചോളൂ.... നമ്മുടെ കേരളത്തിൽ രാഷ്ട്രീയ പാർട്ടികളുടെ ഒത്താശയോടെ, അനാവശ്യ യൂണിയൻ സമരങ്ങൾ മൂലം പൂട്ടിപ്പോയ എത്രയെത്രയോ ഫാക്ടറികളുണ്ട്. തൊഴിലാളികൾക്ക് ന്യായമായ ശമ്പളവും അർഹമായ ആനുകൂല്യങ്ങളും കൊടുത്താലും, യൂണിയൻ നേതാക്കളുടെ പിടിവാശി കാരണം അടച്ചുപൂട്ടി തുരുമ്പു പിടിച്ചു നശിച്ചുപോയ നിരവധി ഫാക്ടറികൾ നമ്മുടെ കേരളത്തിൽ അങ്ങോളമിങ്ങോളമുണ്ട്.

വിപ്ലവം തലയ്ക്കകത്തു കേറിക്കൂടിയാൽ, എന്തു വന്നാലും വേണ്ടില്ല, നമ്മുടെ പാർട്ടി കീ ജയ് 💪 എന്ന മർക്കടമുഷ്ടി ചിന്താഗതിയിൽ മാറ്റം വരുത്താതെ കേരളം രക്ഷപെടില്ല.

ആയിരക്കണക്കിന് കുടുംബങ്ങൾക്ക് തൊഴിലും വരുമാനവും, അനേകായിരം കുടുംബങ്ങൾക്ക് പ്രത്യക്ഷമായും പരോക്ഷമായും ജീവിത മർഗ്ഗവുമായി മാറുന്ന തൊഴിലിടങ്ങൾ കേരളത്തിൽ വരും നാളുകളിൽ ഉണ്ടാകേണ്ടിയിരിക്കുന്നു. അതിന് സർക്കാർ സംവിധാനങ്ങൾ സപ്പോർട്ട് ചെയ്യണം.

അമ്പതിനായിരം, മുതൽ ഒന്നര ലക്ഷവും, രണ്ടര ലക്ഷവും ശമ്പളം കിട്ടിയിട്ടും ആർത്തികൊണ്ട് കൈക്കൂലി വാങ്ങുന്ന സർക്കാർ ഉദ്യോഗസ്ഥരെ പിടികൂടിയാൽ, ആറു മാസത്തേക്ക് സസ്‌പെൻഷൻ (സുഖവാസ അവധി) കൊടുത്ത് പിന്നീട് പ്രൊമോഷനും കൊടുത്തു ജോലിയിൽ തിരിച്ചെടുക്കുന്ന സർക്കാരിന്റെ സ്ഥിരം പരിപാടിയും നിർത്തലാക്കണം. അവരെ ജോലിയിൽ നിന്നു ഡിസ്മിസ് ചെയ്തു പുറത്താക്കണം.

ചുമ്മാ കയ്യുംകെട്ടി നോക്കി നിൽക്കുന്നതിനു നോക്കുകൂലി. അതൊക്കെ പൂർണ്ണമായും ഇല്ലാതാക്കണം. ജോലി ചെയ്യുന്നവർക്ക് കൂലി കൊടുക്കണം. അല്ലാതെ, ജോലി ചെയ്യുന്നവനെ നോക്കി നിന്നു ബീഡി വലിക്കുന്നവന് കൂലി കൊടുക്കരുത്.

ആരാണ് ഇതിനെല്ലാം മുൻകൈ എടുക്കേണ്ടത്.?
ഒറ്റവാക്കിൽ ഞാൻ ഉത്തരം പറയാം.
സംസ്ഥാനം ഭരിക്കുന്ന സർക്കാർ തന്നെയാണ്.

കേരളത്തിന്റെ നല്ലൊരു നാളെയ്ക്കു വേണ്ടി,
.. ✍️ സെബാസ്റ്റ്യൻ വർക്കി.

11/07/2021

കേരളം നിക്ഷേപ സൗഹൃദ സംസ്ഥനമല്ലെന്ന് ആദ്യമായി പറഞ്ഞത് കിറ്റെക്സിന്റെ മുതലാളി സാബു ജേക്കബ് അല്ല. 1989 ൽ വരവേൽപ്പ് എന്ന സിനിമയുടെ തിരക്കഥയെഴുതിയ ശ്രീനിവാസനാണ്. വരവേൽപ്പ് ഇറങ്ങിയത് 1989 ൽ ആണെങ്കിലും, അതിനും പതിറ്റാണ്ടുകൾക്ക് മുൻപ് ശ്രീനിവാസന്റെ അച്ഛനുണ്ടായ നേരനുഭവങ്ങളാണ് ആ സിനിമയ്ക്ക് പുറകിൽ എന്ന് ശ്രീനിവാസൻ തന്നെ തുറന്നു പറഞ്ഞിട്ടുമുണ്ട്. അവിടെ തുടങ്ങി ഇത്രയും കാലമായിട്ടും നമ്മുടെ നിക്ഷേപക വിരുദ്ധമനോഭാവത്തിന് ഒരു മാറ്റവും വന്നിട്ടില്ലെങ്കിൽ അത് മലയാളിയുടെ ജെനിറ്റിക്കൽ ആയിട്ടുള്ള പ്രശ്നമാണെന്ന് കരുതണം.

കേരളത്തിലെ ഏറ്റവും വലിയ വ്യവസായിയായ സാബു ജേക്കബ്, കേരളം നിക്ഷേപ സൗഹൃദ സംസ്ഥാനമല്ല എന്ന് തുറന്നു പറഞ്ഞതോടെ അദ്ദേഹം കേരളത്തെ അപമാനിച്ചു കളഞ്ഞു എന്നാണ് ചില പുത്തൻകൂറ്റ് കേരള സ്നേഹികളുടെ കരച്ചിൽ. കേരളം ഒരു മികച്ച നിക്ഷേപ സൗഹൃദ സംസ്ഥാനമായതുകൊണ്ടാണല്ലോ അന്തൂരിലെ സാജനും, ആലപ്പുഴയിൽ ഓട്ടോമൊബൈൽ വർക്ഷോപ്പ് തുടങ്ങിയ പ്രവാസിക്കും, നേരിട്ട് വിസയെടുത്ത് പരലോകത്തേക്ക് പോകേണ്ടി വന്നത്!

ഇനി കാര്യത്തിലേക്ക് വരാം. കാര്യത്തിലേക്ക് വരാം എന്ന് പറയുമ്പോൾ ശരിയായ കാര്യത്തിലേക്ക് തന്നെ. അത് നിക്ഷേപസൗഹൃദത്തിനു വേണ്ടി കേരളത്തിലെ സർക്കാർ സഹിക്കുന്ന ത്യാഗങ്ങൾ പരിശോധിക്കലോ, കേരള രാജ്യത്തിൽ എത്രയും പരിപാവനമായി കാത്തുസൂക്ഷിച്ചു പോരുന്ന തൊഴിൽ/പരിസ്ഥിതി നിയമങ്ങൾ സാബു ജേക്കബ് ലംഘിച്ചുവോ എന്നതിന്റെയൊക്കെ ശരിതെറ്റുകൾ ചികഞ്ഞു നോക്കലോ അല്ല. പകരം, കേരളത്തിലെ അരിയാഹാരം കഴിക്കുന്ന, സാമാന്യബുദ്ധിയുള്ള ആളുകൾക്ക് ഏവർക്കും അറിയാമെങ്കിലും അവർ പുറത്തുപറയാൻ മടിക്കുന്ന ചില കാര്യങ്ങളിലേക്ക് ഒന്നെത്തിനോക്കുകയാണ്.

നമ്മുടെ നാട്ടിലെ രാഷ്ട്രീയക്കാരുടെ വരുമാന മാർഗ്ഗം എന്താണ്? ഒരു കിലോ സർഫ് പൗഡറിന് 180 രൂപ വിലയുയുണ്ട്. എന്നും അലക്കിത്തേച്ച വെളുത്ത ഷർട്ടുമിട്ട് നടക്കണമെങ്കിൽ മിനിമം ഒരു മാസം 180 രൂപയ്ക്ക് ഒരുപാക്കറ്റ് സർഫ് വാങ്ങണമല്ലോ? അത് വാങ്ങാനുള്ള കാശ് രാഷ്ട്രീയക്കാർക്ക് എവിടെനിന്നാണ് കിട്ടുന്നത്? അവർ ജനങ്ങൾക്ക് ചെയ്തു ‌കൊടുക്കുന്ന സേവനങ്ങൾക്ക് ടിപ്സ് കിട്ടുന്നതാണോ? പണം ഉണ്ടാക്കുന്നതിനു വേണ്ടി അവർ വല്ല ജോലിയോ കച്ചവടമോ ചെയ്യുന്നുണ്ടോ? പാർട്ടികൾ രാഷ്ട്രീയ പ്രവർത്തകർക്ക് മാസം തോറും വലിയ ശമ്പളം നൽകുന്നുണ്ടോ? പെട്രോളിന് ഈവിധം വിലയുടെണ്ടങ്കിലും ഇന്നോവ കാറിൽ ഇരുപത്തിനാലു മണിക്കൂറും കറങ്ങി നടക്കുന്ന എത്രയോ രാഷ്ട്രീയക്കാർ കേരളത്തിലുണ്ട്? അവരൊക്കെ അവരുടെ പാർട്ടികളിൽ നിന്ന് മാസം തോറും ലക്ഷക്കണക്കിന് രൂപ ശമ്പളം കൈപ്പറ്റുന്നവരാണോ? പല രാഷ്ട്രീയക്കാരുടെയും ആസ്തികൾ കേട്ടാൽ നമ്മൾ ഞെട്ടിപ്പോകും. ഈ പണമൊക്കെ ഇവർക്ക് എവിടെനിന്നാണ് ഉണ്ടാകുന്നത്?

ഉത്തരം വളരെ സിംപിൾ ആണ്, അന്യൻ വിയർക്കുന്ന കാശിൽ നിന്ന് പങ്കുപറ്റിയാണ് അവരിൽ മിക്കവരുടെയും ജീവിതം. വരവേൽപ്പ് സിനിമയിയിലെ രാഷ്ട്രീയ നേതാവിനോട് മോഹൻലാലിലിന്റെ കഥാപാത്രം പറയുന്ന "തൊഴിലാളികളുടെ ചോര കുടിച്ചു വളരുന്ന അട്ടയാണ് നിങ്ങൾ" ആ ഡയലോഗിൽ ഒരു തിരുത്ത് ആവശ്യമുണ്ട്. ‘ഒരേസമയം തൊഴിലാളിയുടെയും, മുതലാളിയുടെയും ചോരകുടിച്ചു വളരുന്ന അട്ട’ എന്നായിരുന്നു എഴുതേണ്ടിയിരുന്നത്.

ഏതു തട്ടിൽ വച്ച് തൂക്കി നോക്കിയാലും സ്വന്തമായി ഒരു തൊഴിലും പണിയും ചെയ്യാത്ത, അദ്ധ്വാനത്തിന്റെ വിലയറിയാത്ത, പത്തുപേർക്കെങ്കിലും ജോലിയോ ശമ്പളമോ കൊടുക്കാൻ കഴിവില്ലാത്ത രാഷ്ട്രീയക്കാരേക്കാളൊക്കെ മുകളിലാണ് സാബു ജേക്കബ് എന്ന കോർപ്പറേറ്റ് മുതലാളിയുടെ സ്ഥാനം. രാഷ്ട്രീയം കയ്യാളുന്ന അതേ സമയത്തുതന്നെ അദ്ദേഹം തൊഴിലെടുക്കുകയും, മറ്റുള്ളവർക്ക് തൊഴിലും ശമ്പളവും നൽകുകയും ചെയ്യുന്നു.

കേരളത്തിൽ സാബുജേക്കബിന്‌ മാത്രം എന്താണ് പ്രശ്നം? എന്നാണ് നിഷ്കളങ്കരായ പാവം ചില രാഷ്ട്രീയക്കാരുടെ ചോദ്യം. യൂസഫലി സാഹിബിനെപ്പോലെ എത്രയോ നല്ലവരായ മുതലാളിമാർ കേരളത്തിലെ നിക്ഷേപാന്തരീക്ഷത്തിൽ ആകൃഷ്ടരായി നിക്ഷേപത്തിന് വരുന്നു. അവരെയൊന്നും ആരും ശല്യം ചെയ്യുന്നില്ലല്ലോ? എന്ന് ചോദിക്കുന്ന രീതിയിൽ അത്രയും ശുദ്ധമാണ് രാഷ്ട്രീയക്കാരുടെ നിഷ്കളങ്കതയുടെ ലൈൻ. എങ്കിൽ സന്ദർഭം വിശദീകരിച്ച് അതിന്റെ ആശയം ഇവിടെ വ്യക്തമാക്കാം. യൂസഫലി സാഹിബോ, രവി പിള്ളയോ, സ്വന്തമായി ട്വൻറി ട്വൻറി പോലെ ഒരു പാർട്ടി ഉണ്ടാക്കി നിലവിലുള്ള രാഷ്ട്രീയപ്പാർട്ടികൾക്ക് എതിരായി കളത്തിലിറങ്ങി നോക്കട്ടെ, അപ്പോൾ കാണാം അന്യന്റെ ചോരകുടിച്ച് വീർത്ത ഈ കുളയട്ടകൾ ഒന്നടങ്കം അവരെയും വേട്ടയാടുന്നത്.

സാബു ജേക്കബ് ഈ വ്യവസായങ്ങൾ തുടങ്ങിയിട്ട് കാലം കുറച്ചായി, അതൊക്കെ വലിയ തോതിൽ വളർന്നു. ഇരുപതിനായിരത്തിലധികം തൊഴിലാളികൾ അദ്ദേഹത്തിൻറെ സ്ഥാപനങ്ങളിൽ ജോലിയെടുക്കുന്നു എന്ന് പലയിടത്തു നിന്നും വായിച്ചറിയുകയുണ്ടായി. എന്നാൽ ഇടതനോ, വലതനോ, മധ്യമനോ ആയ അട്ടകൾക്ക് അദ്ദേഹത്തിൻറെ കമ്പനിയിൽ ഒരു യൂണിയൻ ഉണ്ടാക്കുന്നതിനോ, മറ്റേതെങ്കിലും വിധത്തിൽ സമ്മർദ്ദം ചെലുത്തി പൈസ പിടുങ്ങന്നതിനോ അവസരം ലഭിക്കുന്നില്ല. അദ്ദേഹത്തെ സമ്മർദ്ദത്തിലാക്കാൻ പഞ്ചായത്തുവഴി ചില കരുനീക്കങ്ങളൊക്കെ നടത്തിനോക്കിയപ്പോൾ സാബു ജേക്കബ് സ്വന്തമായി പാർട്ടിയുണ്ടാക്കി പഞ്ചായത്ത് അങ്ങ് പിടിച്ചെടുത്തു. അങ്ങനെ ആ വഴിയും അടഞ്ഞു. അഞ്ചു കൊല്ലം കഴിഞ്ഞാൽ പഞ്ചായത്ത് തിരികെപ്പിടിക്കാം എന്ന സ്വപ്നം കണ്ടവരുടെ മുഖത്ത് അടിച്ചതുപോലെ അടുത്ത തെരെഞ്ഞെടുപ്പിൽ സമീപത്തെ നാലു പഞ്ചായത്തുകൾ കൂടി ട്വന്റി ട്വൻറി പിടിച്ചെടുത്തതോടെ, ഈ വൃക്ഷം ഇനി വലുതാകാൻ സമ്മതിക്കരുത് എന്ന് ഇടതനും വലതനും ഒരുപോലെ അങ്ങ് തീരുമാനിക്കുന്നു. എന്നിട്ട് ഒരേ ശ്രുതിയിലും താളത്തിലും അവർ കിറ്റെക്സ് മുതലാളിക്കെതിരെ കച്ചേരി ആരംഭിച്ചിരിക്കുന്നു. നേരിൽ കണ്ടാൽ പരസ്പരം പോരാടുന്ന ആ രണ്ടുകൂട്ടരും സാബു ജേക്കബിനെതിരെ നടത്തുന്ന കച്ചേരിയുടെ താളാത്മകതയും ലയഭംഗിയും ശ്രദ്ധിച്ചു നോക്കൂ. ഒരൊറ്റ ആശാന്റെ അടുത്തു സംഗീതം പഠിച്ച ശിഷ്യന്മാർ നടത്തുന്ന പാട്ടുകച്ചേരിയായേ കേൾക്കുന്നവർക്ക് തോന്നൂ. ഒരിടത്തുപോലും ആ യുഗ്മഗാനത്തിന്റെ താളം പിഴയ്ക്കുന്നില്ല. ശ്രുതിഭംഗമില്ല.

തനിച്ചു മത്സരിച്ചാൽ നൂറു വോട്ടു തികച്ചു കിട്ടാത്ത പാർട്ടികൾക്ക് വരെ മന്ത്രിമാരുള്ളപ്പോൾ, സാബു ജേക്കബ് ഇടതന്റെയോ, വലതന്റെയോ തൊഴുത്തിൽ ട്വൻറി ട്വൻറി എന്ന തന്റെ പാർട്ടിയെ കൊണ്ടുകെട്ടിയാൽ അതോടെ തീരുന്ന പ്രശ്നങ്ങൾ മാത്രമേ ഇപ്പോഴുള്ളൂ, അതോടുകൂടി എന്ത് അഴിമതി നടത്താനുള്ള ലൈസൻസും, ചിലപ്പോൾ മന്ത്രിസ്ഥാനം വരെയും സാബു ജേക്കബിന്‌ ലഭിക്കുകയും ചെയ്യും. പക്ഷെ നല്ല പിതാവിന് ജനിക്കുക എന്ന സൗഭാഗ്യം എല്ലാവർക്കും ലഭിക്കുകയില്ലല്ലോ, കിറ്റക്സിന്റെ സാബു ജേക്കബ് ഒരു നട്ടെല്ലുള്ള പിതാവിന് ജനിച്ച നട്ടെല്ലുള്ള പുത്രനായിപ്പോയി. കേരളത്തിലെ രാഷ്ട്രീയക്കാരേക്കാൾ കൂടിയ ബുദ്ധിയും ദൈവം അദ്ദേഹത്തിന് നൽകി അനുഗ്രഹിച്ചു.

ഒള്ളത് പറഞ്ഞാൽ കഞ്ഞിയില്ല എന്നാണ് പറയുക. എങ്കിലും ചില കാര്യങ്ങൾ പറയാതെ വയ്യ. ഞാനും ഒരു മലയാളി തന്നെ എന്ന ഉത്തമബോധ്യത്തോടെ പറയുന്നു. സ്വന്തം പ്രയത്നവും സത്യസന്ധതയും കൈമുതലാക്കി ഒരാൾ ഉയർന്നു വരുന്നത് പല മലയാളികൾക്കും സഹിക്കാൻ കഴിയുന്ന കാര്യമല്ല. ഇനി അഥവാ അങ്ങനെ ഒരാൾ ഒരു ഉയർച്ച നേടിയാൽ പൊതുകാര്യങ്ങളിൽ ഒന്നും ഇടപെടാതെ, രാഷ്ട്രീയക്കാരെ വിമർശിക്കാതെ ഒരു മതേതര പാവയായി അഭിനയിച്ചു നടക്കുകയാണെകിൽ ഞങ്ങൾ പൊതുവെ അവരെ ശല്യം ചെയ്യാറില്ല, എന്നാൽ അങ്ങനെയുള്ളവർ കേരളത്തിൽ നടക്കുന്ന എന്തെങ്കിലും അനീതികൾ ചൂണ്ടിക്കാണിച്ചാൽ ഉടൻ അവരെ ഞങ്ങൾ സംസ്ഥാന ദ്രോഹിയാക്കിക്കളയും. പിന്നെ ചെയ്യാവുന്ന ഉപദ്രവമൊക്കെ ചെയ്തുകളയും. അത് നമ്മുടെയൊക്കെ ജീനിലുള്ള ഗുണമാണ്. (ആരുടെയെങ്കിലും ചികിത്സയ്ക്ക് വേണ്ടി പണം പിരിവിടുന്നത് മലയാളിയുടെ മാത്രം വർഗ്ഗ ഗുണമൊന്നുമല്ല. അതും പറഞ്ഞ് ആരും ഇങ്ങോട്ടു വരികയും വേണ്ട.) ഇത്രയൊക്കെ പറയാൻ ഇതെഴുതുന്ന ആൾക്ക് കുറച്ചൊക്കെ ലോകം കണ്ട പരിചയവും, ജീവിതത്തിന്റെ പകുതിയോളം പിന്നിട്ടതിന്റെ എക്സ്പീരിയൻസുമുണ്ട്.

ഇനി പറയാനുള്ളത് സാബു ജേക്കബ് സാറിനോടാണ്. ഒരു മലയാളി വ്യവസായി കേരളത്തിൽ ഉൽപ്പാദിപ്പിക്കുന്ന ഉൽപ്പന്നങ്ങൾ അമേരിക്കയിൽ കൊണ്ടുപോയി വിറ്റ് അവിടെ ബ്രാൻഡ് ലീഡർ ആകുക എന്ന അസാമാന്യ വിജയത്തിന്റെ അദ്ധ്വാനമോ, മധുരമോ മനസ്സിലാക്കാൻ നേർബുദ്ധിയോ വിവരമോ ഉള്ള ആളുകൾ കേരളത്തിൽ കുറവാണ്. അതുകൊണ്ട് അത്തരം കാര്യങ്ങളൊക്ക കേരളത്തിലെ ഭൂരിപക്ഷമായ അല്പബുദ്ധികളോട് വിളമ്പാൻ ഈ പോസ്റ്റിൽ ഉദ്ദേശിക്കുന്നില്ല. താങ്കളെ മനസ്സിലാക്കുന്ന സൽബുദ്ധിയുള്ള കുറച്ചു പേരെങ്കിലും ഈ കേരളത്തിലുണ്ട്, പക്ഷെ താങ്കൾക്ക് തുറന്ന സപ്പോർട്ട് തരാൻ അവർ സംഘടിതരല്ല, അവർ ഭീരുക്കളാണ്, ശബ്ദമില്ലാത്തവരാണ്. താങ്കൾ അനുഭവിക്കുന്ന വിഷമത്തിൽ അവർക്ക് ആത്മാർത്ഥമായ വിഷമമുണ്ട്. എങ്കിലും മനസ്സുകൊണ്ട് അവർ താങ്കളോടൊപ്പമുണ്ട്. എത്രയും വേഗം താങ്കളുടെ നിക്ഷേപവുമായി താങ്കൾ കേരളത്തിന്റെ അതിർത്തി കടക്കുക. അതുകൊണ്ട് താങ്കൾക്ക് ഒന്നും നഷ്ടപ്പെടാനില്ല. ട്വൻറി ട്വൻറി എന്ന പാർട്ടിയുണ്ടാക്കി, അതിലൂടെ ജനാധിപത്യ മര്യാദയോ, സിവിലിറ്റിയോ എന്തെന്നു പോലും അറിയാത്ത, കേരളത്തിലെ ജനങ്ങൾക്ക് നന്മ വരുത്തണം എന്ന ആഗ്രഹം ഉപേക്ഷിക്കുക. കേരളത്തിലെ ജനത അത് അർഹിക്കുന്നില്ല. അർഹതയുള്ളവർക്ക് മാത്രമേ നല്ലത് നൽകാവൂ. മാസം തോറും ദാനമായി ലഭിക്കുന്ന മുന്നൂറു രൂപയുടെ കിറ്റിലെ 250 ഗ്രാം പരിപ്പും, ഒരു കിലോ ഉപ്പുമുണ്ടെങ്കിൽ അവർ സംതൃപ്തരാണ്.

മണ്ണ് നല്ലതല്ലെങ്കിൽ, വളക്കൂറുള്ള മണ്ണുള്ളിടത്തേക്ക് ചെടികൾ പറിച്ചു നടുന്നതാണ് ഔചിത്യം. അല്ലെങ്കിൽ അവ ഉണങ്ങിപ്പോകുകയേയുള്ളൂ. താങ്കൾക്ക് മുൻപിൽ വലിയ ലോകമുണ്ട്, ലോകത്തിന്റെ ഒരു മൂലയിലുള്ള കേരളത്തിൽ നിന്ന്, ലോകത്തിന്റെ മുൻപന്തിയിൽ നിൽക്കുന്ന ഡബിൻഹംസോ, അർമാനിയോ പോലുള്ള ഒരു ആഗോള ബ്രാൻഡ് സൃഷ്ടിക്കാൻ തക്ക ശേഷിയും, ബുദ്ധിയും താങ്കൾക്കുണ്ട്. കേരളത്തിലെ ഈ രാഷ്ട്രീയ മൂരാച്ചികളോട് പൊരുതി ഇത്രയും ഉയരത്തിലെത്തിയ താങ്കൾക്ക് അത് നിഷ്പ്രയാസം സാധിക്കും. കാരണം ലോകത്ത് വേറെ ഒരിടത്തും ആരും നിക്ഷേപകരെ ഇത്ര കണ്ട് ഉപദ്രവിക്കാറില്ല. വെറുതെ, ഈ അഴുക്കിൽ കിടന്നു സമയം കളയരുത്. ഈ മാനസിക പീഡനങ്ങൾ താങ്കളുടെ ബിസിനസ്സിലുള്ള ശ്രദ്ധ തകർക്കും.

ഇപ്പോൾ നടന്നതും, നടക്കുന്നതും താങ്കളിലെ വ്യവസായിയെ അതിരുകളില്ലാത്ത നിലയിലേക്ക് വളർത്താനുള്ള വിധിയുടെ ഒരു പരീക്ഷണമായി കരുതുക. പണത്തേക്കാൾ ഏറെ വിലപ്പെട്ടതാണ് സമയം. അതുകൊണ്ട് ഉചിതമായ തീരുമാനം വൈകരുത്. താങ്കളെപ്പോലുള്ള ഒരു ഒരു മഹദ്‌വ്യക്തിയ്ക്ക് എന്നെപ്പോലുള്ള ഒരു എളിയവന്റെ ഉപദേശം ആവശ്യമില്ലെങ്കിലും എന്റെ അവിവേകം കൊണ്ട് ഇവിടെ ഇത്രയും കുറിക്കുന്നു എന്നുമാത്രം.

എല്ലാ നന്മകളും ഉണ്ടാകട്ടെ.

11/07/2021

ഒരു നാടിനെ നശിപ്പിക്കുന്നത് എങ്ങനെയെന്ന ചരിത്രം!

1964 ലാണ് ബിർള ഗ്രൂപ്പ് എന്ന മാർവാഡി കമ്പനി ആലപ്പുഴയിൽ ഒരു നൂൽ നൂൽക്കുന്ന സ്ഥാപനം തുടങ്ങുന്നത്.
തീരദേശ മേഖലയിൽ സ്ഥലം വിലയ്ക്ക് വാങ്ങി, ഗുണനിലവാരമുള്ള വിദേശ യന്ത്രങ്ങൾ ഇറക്കുമതി ചെയ്തു മികച്ച രീതിയിൽ തന്നെ കമ്പനി പ്രവർത്തനം ആരംഭിച്ചു..

ഐക്യകേരള രൂപണീകരണ ശേഷം കേരളം വ്യവസായ സൗഹൃദമാക്കാൻ അന്ന് സംസ്ഥാന അധികാരികളും സർക്കാർ സംവിധാനങ്ങളും ഒപ്പം നിൽക്കുന്ന സാഹചര്യമായിരുന്നു.

തൊഴിൽ ഇല്ലായ്മ അതിരൂക്ഷമായ ആലപ്പുഴ തീരദേശ ഗ്രാമങ്ങളിലെ ചെറുപ്പക്കാർക്ക് “കേരള സ്പിന്നേഴ്സ് “എന്ന പേരിൽ തുടങ്ങിയ ആ കമ്പനി വളരെ വലിയ ആശ്വാസമായിരുന്നു.

എഴുപതുകളുടെ തുടക്കം ആയപ്പോളെക്കും പ്രദേശത്തിൻ്റെ മുഖമുദ്ര തന്നെ മാറ്റി മറിക്കുന്ന രീതിയിൽ കമ്പനി വളർച്ചയും അനുബന്ധ വികസനവും വന്നു ചേർന്നു.
യൂണിറ്റുകൾ പുതിയത് ഓരോ വർഷവും സ്ഥാപിക്കാൻ തുടങ്ങി..
നിലവിലെ ജോലിക്കാർക്ക് ശമ്പളം ഇരട്ടിയാക്കുകയും ധാരാളം പുതിയ തൊഴിലാളികളെ പുതിയതായി ചേർക്കുകയും ചെയ്തു...

എഴുപതുകളുടെ അവസാനങ്ങളിൽ കമ്പനി ലാഭം പതിൻമടങ്ങായതോടെ ജില്ലയിലെ സർക്കാർ ജീവനക്കാരെക്കാൾ അധികം ശമ്പളവും ആനുകൂല്യങ്ങളും പറ്റുന്ന വൻ സ്ഥാപനം തന്നെയായി കേരള സ്സിന്നേഴ്സ് മാറി...

ഫിലിപ്സോ മർഫിയോ റേഡിയോ ഇല്ലാത്ത ഒറ്റ തൊഴിലാളി ഭവനം പോലുമുണ്ടായിരുന്നില്ല അന്ന്. തിരഞ്ഞെടുപ്പ് വാർത്തകൾ കേൾക്കുന്നതിനായി സ്സിനേഴ്സ് തൊഴിലാളിയുടെ വീട്ടുമുറ്റത്ത് പന്തല് കെട്ടി ആള് കൂടുമായിരുന്നു എന്ന് കേട്ടിട്ടുണ്ട്...

നല്ല അടച്ചുറപ്പുള്ള ഭിത്തി കെട്ടിയ, തെങ്ങിൻ പട്ടികയിൽ ഓട് മേഞ്ഞ, നല്ല മര ഉരുപ്പടികളാൽ തീർത്ത ഫർണിച്ചറുകൾ ഉള്ള, നിത്യം സംഗീതം പൊഴിക്കുന്ന പാട്ട് പെട്ടിയുള്ള അതിസുന്ദര തൊഴിലാളി ഭവനങ്ങൾ നാട്ടു വഴികളിൽ അങ്ങും ഇങ്ങും ധാരാളമായി ഉയർന്നു വന്നു...

ബെൽബോട്ടം പാൻറും, കറുപ്പിച്ച ചുരുളൻഹിപ്പി മുടിയും, ചുണ്ടൻ വള്ളം കമഴ്ത്തിവെച്ച പോലെയുള്ള നീളൻ മീശയുമായി ഹെർക്കുലീസ് സൈക്കളിൽ വിലസി നടക്കുന്ന ചെറുപ്പക്കാരായ ഉദ്യോഗസ്ഥർ... ഭർത്താവിൻ്റെ സൈക്കളിൽ തൂക്കിയ അടുക്ക് ചോറ്റുപാത്രത്തിൻ്റെ കിലകില ശബ്ദം കേൾക്കാൻ കാതോർത്തിരിക്കുന്ന വീട്ടമ്മമാർ... ജോലി കഴിഞ്ഞെത്തുന്ന അച്ഛൻ്റെ കൈയ്യിലെ പലഹാരപ്പൊതിയിൽ കണ്ണുംന്നട്ടിരിക്കുന്ന കുഞ്ഞിക്കുരുന്നുകൾ...

അങ്ങനെ ക്ഷാമവും വറുതിയുമില്ലാതെ സ്നേഹോഷ്മളമായ കുടുംബ ജീവിതവും, രാഗസാന്ദ്രമായ സുഹൃത് ബന്ധങ്ങളും ,
സുസ്മേര സുന്ദര ഗ്രാമ്യ ജീവിതവുമായി ആ നാട് മുന്നോട്ട് പൊയ്ക്കൊണ്ടിരുന്നു.

പെട്ടെന്നാണ് ഒരു വാർത്ത കമ്പനിയാകെ പടർന്നത്.. !!!!

അഞ്ച് ശതമാനം പോലും തൊഴിലാളി പ്രാതിനിധ്യം ഇല്ലാത്ത ഒരു കൂട്ടം വിപ്ലവകാരികൾ ബോണസ്സ് വർദ്ധിനവിനായി സമരം തുടങ്ങിയിരിക്കുന്നു എന്ന് !!!!

നിലവിൽ 7.5 ശതമാനം ബോണസ് ലഭിക്കുന്നുണ്ട്.. അടുത്ത വർഷം 8.5 ആക്കാമെന്ന് കമ്പനി പറഞ്ഞിട്ടുള്ളതും ആണ്...

ഇപ്പോഴത്തെ സ്ഥിതിയിൽ സമീപത്ത് ഉള്ള മറ്റൊരു കമ്പനികളും ഇത്രയധികം ബോണസ് കൊടുക്കുന്നും ഇല്ല...

പക്ഷെ ഫാക്ടറി പരിസരം കലുഷിതമാണ്..

കമാനങ്ങളും നിരത്തുകളും ചുവന്ന കൊടികളാൽ അലംകൃതമായിരിക്കുന്നു.
അടയ്ക്കാതൂണുകളിൽ കെട്ടിയ കോളാമ്പിയിൽ നിന്നും കാർക്കശ്യത്തിൻ്റെ താക്കീതുകളുമായി വിപ്ലവ ഗാനങ്ങൾ ഇടതടവില്ലാതെ ഒഴുകി...

പുറത്ത് നിന്നും വന്നതാടിക്കാരായ നേതാക്കൻമാർ തൊഴിൽ അവകാശങ്ങളും തൊഴിൽ ചൂഷണങ്ങളും എണ്ണമിട്ട് ഇഴകീറി വിശദീകരിച്ചു...

ഈ കമ്പനി കൊള്ളലാഭത്തിൽ ആണെന്നും അതിന് ആനുപാതികമായി ബോണസ്സ് ഇവിടെ കിട്ടുന്നില്ലെന്നും അവർ പറഞ്ഞു...

ബോണസ്സ് ആരുടെയും ഔദാര്യമല്ലെന്നും അത് തൊഴിലാളിയുടെ അവകാരമാണെന്നും അവർ പ്രസംഗിച്ചു.

ഓണത്തിന് ബോണസിനൊപ്പം വസ്ത്രവും സദ്യയും, ദീപാവലിക്കും ഹോളിക്കും മധുര പാക്കറ്റുകളും ഒക്കെ നൽകുന്നത് ബോണസ് വർദ്ധനവ് ചോദിക്കുന്നതിൽ നിന്നും മലയാളിയെ പിന്തിരിപ്പിക്കാനുള്ള മാർവാഡി ബുദ്ധിയാണെന്നവർ ആരോപിച്ചു......

ജനങ്ങൾ അത് നിരാകരിച്ച് ഒറ്റക്കെട്ടായി കൂലി വർദ്ധനവിന് വേണ്ടി സമരം ചെയ്യണം എന്നൊക്കെ പറഞ്ഞതോടെ പലരുടെയും മനസ്സിൽ ചാഞ്ചാട്ടം തുടങ്ങി..

ദിവസങ്ങൾക്കുള്ളിൽ അമ്പത് ശതമാനം തൊഴിലാളികളും സമരക്കാർക്ക് ഒപ്പമായി..
പ്രൊഡക്ഷൻ സ്തംഭിക്കാൻ തുടങ്ങി..

മുതലാളിമാരായ നാൽവർ സഹോദരങ്ങൾക്ക് ഇത് എങ്ങനെ പരിഹരിക്കണം എന്ന് അറിയില്ലാരുന്നു..

ചെറിയ സമരങ്ങൾ ഒക്കെ ഇടയ്ക്ക് എപ്പോളും ഉണ്ടാകുമെങ്കിലും, അതൊക്കെ അവരുടെ നേതാക്കൻമാരുമായി ചർച്ച ചെയ്ത് പരിഹരിക്കുമായിരുന്നു.
പക്ഷേ ഇത് കമ്പനിയുടെ ടേണോവറും ബാലൻസ് ഷീറ്റുമോയൊക്കെ പ്രസിദ്ധപ്പെടുത്തി കമ്പനി തന്നെ സ്തംഭിപ്പിക്കുന്നത് എന്തോ ദുഃസൂചനയോടെയുള്ള അട്ടിമറിയുടെ ലക്ഷണമായി അവർക്ക് തോന്നിത്തുടങ്ങി....

പരിഹാരത്തിനായി ഗുജറാത്തിൽ നിന്നും ആർ എം സുറാന എന്ന വിശിഷ്ട വ്യക്തിയെ അവർ ചുമതലപ്പെടുത്തി..

അദ്ദേഹം സമരക്കാരുമായി സംസാരിച്ചു... നിലവിലെ 7.5ശതമാനം ബോണസ്സ് 27 ശതമാനമാക്കി തരാം എന്ന് അറിയിച്ചപ്പോൾ സമരക്കാരൊക്കെയും സ്തബ്ദരായി.

കമ്പനി നല്ല പ്രൊഡക്ഷൻ ടൈമിലാണ് എന്നും വളരെ വലിയ ഓർഡറുകൾ കെട്ടിക്കിടക്കുകയാണെന്നും ദയവായി ഉൽപാദനം സ്തംഭിപ്പിക്കരുതെന്നും തൊഴിലാളികളോട് അഭ്യർത്ഥിച്ചു..

പക്ഷേ വർഷവർഷം 27 ശതമാനം ബോണസ്സ് എന്നത് വരുന്ന 5 വർഷത്തേയ്ക്ക് ആയിരിക്കുമെന്നും, ഇക്കണ്ട കാലയളവിൽ ഇനി വർദ്ധനവിനായി സമരം ചെയ്യില്ല എന്ന് ഉറപ്പ് എഴുതി നൽകിയാൽ മാത്രമേ ഇത് പ്രാബല്യത്തിൽ കൊണ്ടുവരും എന്നും കമ്പനി പ്രതിനിധി അറിയിച്ചു.

വലതുപക്ഷ തൊഴിലാളി യൂണിയനുകൾ ചർച്ചയ്ക്ക് ശേഷം ഈ നിർദ്ദേശം അംഗീകരിച്ചു..

എല്ലാ വർഷവും 27 ശതമാനം ബോണസ് കിട്ടും...... അഞ്ച് വർഷത്തെയ്ക്ക് വർദ്ധനവ് പാടില്ല എന്നല്ലേ ഉള്ളൂ.... തൊഴിലാളികൾക്ക് എന്ത് കൊണ്ടും സാമ്പത്തികമായി മെച്ചമുള്ള തീരുമാനം തന്നെ എന്നവർ വിലയിരുത്തി

പക്ഷേ വിപ്ലവക്കാർ ഇത് തള്ളി ...
ഇത് തട്ടിപ്പാണെന്നു പറഞ്ഞു...

അഞ്ച് വർഷം തൊഴിലാളിയെ ചങ്ങലയിൽ തളച്ചിട്ടാൻ നോക്കുകയാണ് കുത്തകകൾ എന്ന് അവർ അലറി...

കമ്പനിയും വലതുപക്ഷ തൊഴിലാളി സംഘടനാ നേതാക്കളും തമ്മിൽ ഒത്തുകളിയാണ് എന്ന് വ്യാജ പ്രചരണം നടത്തി. ഇൻകിലാബുകൾ കൂടുതൽ കൂടുതൽ രൂക്ഷമായി മുഴങ്ങി....

പക്ഷേ അഫിഡാവിറ്റ് സമർപ്പണത്തിൽ നിന്നും തരിമ്പും പിന്നോട്ടു പോകില്ല എന്ന നിലപാടിൽ കമ്പനിയും ഉറച്ച് നിന്നു.......

ഒടുക്കം സിരകളിൽ വിപ്ലവം മൂത്ത് സർ സിപ്പിയുടെ മൂക്ക് വെട്ടിയ സഖാവിൻ്റെ പൈതൃകത്തിൽപ്പെട്ട ഏതോ ഒരുവൻ മദ്ധ്യസ്ഥ ചർച്ചക്കെത്തിയ ആർഎം സുറാനയെ ആക്രമിച്ചു... !!

ദേഹാസ്വാസ്ഥ്യം കൊണ്ട് അദ്ദേഹം കുഴഞ്ഞ് വീണു.. !!!!

അതോടെ സമരത്തിൻ്റെ ഗതിമാറി...
യൂണിയനും മാനേജ്മെൻ്റും തമ്മിൽ നേർക്കുനേർ പോരാട്ടവും പോലീസ് കേസും കോടതി വ്യവഹാരവുമൊക്കെയായി ..

കേവലം ഒരു മാസം കൊണ്ട് ഒത്തു തീർപ്പാവേണ്ട കേസ് ചുവപ്പ് ഗൂഢാലോചനയിൽ മാസങ്ങൾ നീണ്ടു ....
ഒരു വർഷത്തോളം കമ്പനി അടഞ്ഞ് കിടന്നു. ഓർഡറുകൾ നഷ്ടമായി...
നിർമ്മിച്ച് വെച്ച വസ്തുക്കൾ കയറ്റുമതി ചെയ്യാൻ കഴിയാതെ നശിച്ചു....

അടഞ്ഞു കിടന്ന സമയത്തെ വേതനം നൽകണം എന്ന ആവശ്യം ഉയർത്തി തൊഴിലാളികളെ കൊണ്ട് വേറെയും കേസ് കൊടുപ്പിച്ചു... വിപ്ലവ പകവീട്ടൽ അതിൻ്റെ സർവ്വസീമകളും ലംഘിച്ച് രാക്ഷസീയതയുടെ രൂക്ഷ ഭാവം എടുത്തു കഴിഞ്ഞിരിക്കുന്നു.

സാമ്പത്തികമായി കൂപ്പുകുത്തിയ മാനേജ്മെൻറ് ഒടുക്കം ചുവപ്പിനോട് അടിയറവ് പറഞ്ഞ് കിട്ടിയ വിലക്ക് കമ്പനി വിറ്റ് കണ്ണീരൊടെ നാട് വിട്ടു...

ആരും ഏറ്റെടുക്കാതിരുന്ന കമ്പനി വർഷങ്ങളോളം കാട്‌ പിടിച്ചു കിടന്നു..
ഒടുവിൽ രാഷ്ട്രീയ സമ്മർദ്ദത്താൽ ഏതാനും വർഷങ്ങൾ മുമ്പ് ഈ കമ്പനി കേരള ടെക്സ്റ്റൈൽസ് വകുപ്പ് ഏറ്റെടുത്തു...

ഇപ്പോ കേരളത്തിൻ്റെ നികുതിപണം കാർന്ന് തിന്നുന്ന വെള്ളാനകളെ തീറ്റിപ്പോറ്റാനായി നഷ്ടം സഹിച്ചും കമ്പനി ആയി തുടരുന്നു.''

ഇത് കേവലം ഒരു ഫാക്ടറിയുടെ മാത്രം കഥയാണ്... നൂറുകണക്കിന് കമ്പനികൾ ഇത്തരത്തിൽ ഇവിടെ പൂട്ടി പോയിട്ടുണ്ട്.

നിക്ഷേപ സൗഹൃദ സംസ്‌ഥാനങ്ങളെപ്പറ്റി പ്രതിപാദിക്കുന്ന വേള്‍ഡ്‌ ബാങ്കിന്റെ ഈസ്‌ ഓഫ്‌ ഡൂയിങ്‌ ബിസിനസ്‌ റിപ്പോര്‍ട്ട്‌ പ്രകാരം ഇന്ത്യയിലെ വ്യവസായ സൗഹൃദ സംസ്‌ഥാനത്തിന്റെ പട്ടികയില്‍ കേരളത്തിൻ്റെ സ്ഥാനം എന്ത് കൊണ്ട് 28/ 29 ആയി എന്നതിൻ്റെ നേർസാക്ഷ്യമാണ് മുകളിൽ വിവരിച്ചത്...

കേരളത്തിനു പിന്നിൽ തൃപുര മാത്രമേ ഉള്ളു.

PAB റിപ്പാർട്ട് പ്രകാരം കേരളത്തിന് 20000 കോടി രൂപയുടെ നഷ്ടം കഴിഞ്ഞ ഇരുപത് വർഷത്തെ അടച്ച്പൂട്ടൽ കൊണ്ട് സംഭവിച്ചിട്ടുണ്ട്.....

കമ്മ്യൂണിസം കേരളത്തിൻ്റെ തലയ്ക്ക് മുകളിൽ വളർന്ന വിഷവൃക്ഷമായി മാറിയിരിക്കുന്നു. ഇനിയും തിരുത്തിയില്ലെങ്കിൽ സർവ്വനാശമായിരിക്കും ഫലം... !