InfoGujarat

10/07/2022

કેન્સર થાય નહિ તેના માટે શું કરવું ડો .નિકુંજ વિઠલાણી
What to do to prevent cancer .Dr. Nikunj Vithalani

10/07/2022

કેન્સરની સારવારના ખર્ચનું શું ? ડો.નિકુંજ વિઠલાણી
What about the cost of cancer treatment Dr. Nikunj Vithalani

10/07/2022

કેન્સર અને આયુર્વેદિક ડો.નિકુંજ વિઠલાણી
Cancer and Ayurvedic Dr. Nikunj Vithalani

09/07/2022

કેન્સર ક્યાં પ્રકાર ના હોય છે ડો.નિકુંજ વિઠલાણી
What type of cancer is not Dr. Nikunj Vithalani

09/07/2022

કેન્સર ની સાથે બીજી બીમારીઓ ડો.નિકુંજ વિઠલાણી
Other diseases along with cancer are Dr. Nikunj Vithalani

09/07/2022

કેન્સર ના સ્ટેજ વિષે ની માહિતી ડો.નિકુંજ વિઠલાણી

06/12/2021

આ કોંગ્રેસનું શું થશે?:કોંગ્રેસના પ્રદેશ પ્રમુખ જગદીશ ઠાકોર કેક કાપવા આવ્યા અને મોઢવાડિયા, સિદ્ધાર્થ અને ભરતસિંહ રવાના થઈ ગયા

હાર્દિક પટેલ સમારોહમાં મોડા પહોંચતાં જગદીશ ઠાકોરે 5 મિનિટ સુધી રાહ પણ જોઈ
ગુજરાતમાં કોંગ્રેસને છે મહિના બાદ નવા પ્રદેશ પ્રમુખ મળતા અમદાવાદના રાજીવ ગાંધીભવન ખાતે ઉત્સવ જેવો માહોલ જોવા મળ્યો હતો. નવા પ્રદેશ પ્રમુખ જગદીશ ઠાકોરનું ભવનમાં ભવ્ય સ્વાગત કરવામાં આવ્યું હતું. જગદીશ ઠાકોર પદગ્રહણ કરે તે પહેલાં તેમના ફોટા સાથેની કેક કાપી હતી. આ ઉત્સવના માહોલ વચ્ચે કોંગ્રેસના ત્રણેય પૂર્વ પ્રમુખના મોઢા પડેલા દેખાયા હતા. તસવીરમાં જ્યાં જગદીશ ઠાકોરના ફોટાવાળી કેક મુકવામાં આવી હતી ત્યાં ખુશીની જગ્યાએ ત્રણેય પૂર્વ પ્રમુખોના ચહેરા પર નિરાશા જોવા મળી હતી. બીજી તરફ જેવા જગદીશ ઠાકોર કેક કાપવા આવ્યાં અને હાર્દિક પટેલની રાહ જોઈ રહ્યા હતા ત્યારે ત્રણેય પૂર્વ કોંગ્રેસ પ્રમુખો ત્યાંથી રવાના થઈ સ્ટેજ પર જતાં રહ્યાં હતાં. આમ કોંગ્રેસમાં જગદીશ ઠાકોરને પ્રદેશ પ્રમુખ બનાવવા પર નારાજગી અને જૂથવાદ સ્પષ્ટ દેખાઈ રહ્યો છે.

કેક કપાય તે પહેલા જ સિનિયર નેતા રવાના થઈ ગયા
જગદીશ ઠાકોરના પદગ્રહણ સમારોહમાં પૂર્વ પ્રદેશ પ્રમુખ અમિત ચાવડા, પૂર્વ વિપક્ષના નેતા પરેશ ધાનાણી અને કાર્યકારી પ્રમુખ પણ હાજર રહ્યા હતા. થોડીવાર બાદ જગદીશ ઠાકોર કેક કાપવા માટે પહોંચ્યા પરંતુ હાર્દિક પટેલ હજુ પહોંચ્યા ન હતા જેથી 5 મિનિટ સુધી તેમની રાહ પણ જોવામાં આવી હતી. તે સમયે કોંગ્રેસ નેતા અર્જુન મોઢવાડીયા, સિદ્ધાર્થ પટેલ અને ભરતસિંહ સોલંકી કેક કટિંગ થાય તે પહેલા સ્ટેજ પર જતાં રહ્યાં હતાં.

કોંગ્રેસમાં સ્ટેજનો મોહ
બીજીતરફ આજના સમારોહમાં કોંગ્રેસમાં સ્ટેજનો મોહ વધારે હોય તેવા દ્રશ્યો પણ જોવા મળ્યા હતા. ભવનમાં બનાવેલા સ્ટેજ પર 50થી વધુ લોકો ઉભા રહી ગયા હતા. સ્થિતિ એવી હતી કે સ્ટેજ પર ખુરશીઓ પણ ન હતી છતાં લોકો સ્ટેજ પર ચડી ઉભા રહી ગયા હતા.

કોણ છે જગદીશ ઠાકોર?
ઉત્તર ગુજરાતના ઓબીસી સમાજનો મોટો ચહેરો અને તેજ વક્તા તરીકે જાણીતા પૂર્વ સાસંદ જગદીશ ઠાકોર બે વખત ધારાસભ્ય ચૂંટણી લડ્યા છે. દેહગામ વિધાનસભા બેઠક પરથી 2002થી 2007 અને 2007થી 2009 સુધી ધારાસભ્ય રહ્યા છે. 2009ની લોકસભા ચૂંટણીમાં ચાલુ ધારાસભ્યને પગલે પાટણ લોકસભા બેઠક પરથી ચૂંટણી લડ્યા હતા. 2009થી 2014 સુધી કોંગ્રેસમાંથી પાટણ લોકસભા બેઠકના સાંસદ રહી ચૂક્યા છે.

જગદીશ ઠાકોરે 2017માં હોદ્દા પરથી રાજીનામું આપ્યું હતું
2017ની વિધાનસભાની ચૂંટણીમાં અલ્પેશ ઠાકોરનું કોંગ્રેસમાં આગમન થતાં જ જગદીશ ઠાકોર હાંસિયામાં ધકેલાઈ ગયાં હતાં. ઠાકોરે 2017ની વિધાનસભા ચૂંટણી પહેલાં સાબરકાંઠા પ્રભારી તથા કોર કમિટીમાંથી તેમણે રાજીનામું આપી દીધું હતું. તેમણે ભરતસિંહ સોલંકી તથા શંકરસિંહ વાઘેલાની કાર્યપદ્ધતિ સામે પણ સવાલ ઉઠાવ્યા હતા. તે ઉપરાંત એ સમયે લોકસભાની ચૂંટણીની ટિકીટ ફાળવણીથી પણ તેઓ નારાજ થયા હોવાનું પણ રાજકીય સુત્રોમાં ચર્ચાસ્થાને હતું. તેમણે 2014ની લોકસભાની ચૂંટણી લડવાનો પણ ઈનકાર કરી દીધો હતો. તેઓ 2017ની વિધાનસભાની ચૂંટણી પહેલાં કોંગ્રેસની આંતરિક ખેંચતાણને લીધે નારાજ થયાં હતાં.

સમારોહમાં શું કહ્યું હાર્દિક પટેલે?
સમારોહમાં હાર્દિક પટેલે કહ્યું, નરેશ ભાઈ સમાજના પ્રતિષ્થિત વ્યક્તિ છે. સમાજના કામ કર્યા છે. રાજકારણમાં આવી અને કામ કરવા ઇચ્છતા હોય તો દરવાજા ખુલ્લાં છે. નરેશભાઈ કોંગ્રેસમાં આવવા માગે તો પાર્ટી લાલજાજમ બિછાવવા તૈયાર છે.બે દિવસ પહેલા પણ જગદીશભાઈ ઠાકોરે કહ્યું હતું કે, નરેશભાઈ રાહુલ ગાંધી કે અશોક ગહેલોતને મળ્યા હોય તો એમાં ખોટુ નથી. નરેશભાઈ કોંગ્રેસમાં આવશે તો કાર્યકર્તા અને હોદ્દેદાર રાજી થશે. એક એક વ્યક્તિ પાર્ટીમાં આવશે એમ ટીપે ટીપે સરોવર ભરાય એમ પાર્ટી આગળ આવશે. નરેશભાઈ સ્વતંત્ર રીતે નિર્ણય લેશે એ ગમશે. નરેશભાઈ સૌરાષ્ટ્રમાં સમાજમાં સક્રીય છે.કોંગ્રેસ પ્રદેશ પ્રમુખ ઓફિસની બહાર જગદીશ ઠાકોરના નામનુ બોર્ડ પણ લાગી ગયું છે. આ સમારોહમાં હાર્દિક પટેલે નરેશ પટેલને કોંગ્રેસમાં આવવા માટે પાર્ટી લાલજાજમ બિછાવવા તૈયાર હોવાનું કહ્યું હતું.

06/12/2021

ઠગાઈ:રાજસ્થાન અને અમદાવાદના વેપારીએ 16 લાખનો માલ ખરીદ્યા બાદ છેતરપિંડી કરી
પૈસાની ઉઘરાણી કરતા જાનથી મારી નાખવાની ધમકી આપી
સુરતના રિંગરોડ સ્થિત હરિઓમ ટેક્સ્ટાઇલ માર્કેટમાં દુકાન ધરાવતા કાપડના વેપારી પાસેથી અમદાવાદ અને રાજસ્થાનના વેપારીએ 30 દિવસમાં પેમેન્ટ ચુકવી આપવાનો વાયદો કરી રૂપિયા 16.03 લાખનો દુપટ્ટાનો માલ ખરીદ્યા બાદ પેમેન્ટ નહી ચુકવી ઉપરથી વેપારીએ ઉઘરાણી કરતા જાનથી મારી નાખવાની ધમકી આપી હતી.

દુપટ્ટાનો માલ મેળવી લીધો હતો
બનાવની વિગત એવી છે કે, વેસુ વિસ્તારમાં આવેલ ધીરજ સન્સ પાસે સ્વસ્તિક માઇલ સ્ટ્રોનમાં રહેતા 45 વર્ષીય શૈલેષકુમાર મહેન્દ્રકુમાર નાંગલીયા રીંગરોડ પર આવેલ હરીઓમ ટેક્સટાઇલ માર્કેટમાં દુકાન નંબર-4087-88,માં સ્વાસ્તિક ટેક્સટાઇલ ફર્મ નામની દુકાન ધરાવે છે. ગત તારીખ 16/04/2019 થી 21/01/2020ના સમયગાળા દરમિયાન મયંકકુમાર મહાવીર ઢેલારીયા (સંદીપ ક્રિઍશનના ­પ્રોપાઇટર) (રહે.જી-303, ત્રીજા માળે, સફલ-3 માર્કેટ, અમદાવાદ) (પ્લોટ નં.-45, મહાવીર કોલોની, ખેડ રોડ, બાલોત્રા, રાજસ્થાન તથા ખટારગાસ ભવન સામે, જૈન ટ્રાવેલ્સની પાછળ,બાલોત્રા,રાજસ્થાન), તથા નિખિલકુમાર મહાવીર ઢેલારીયા (રહે.ઍજન), મહાવીર કેશરીમલ ઢેલારીયા (રહે.ઍજન) અને હેમનદાસ ઉર્ફે બંટીભાઇ તુલજારામ અસવાની (કૈલાશ દુપટ્ટા ફર્મના ­પ્રોપાઇટર/વહીવટકર્તા) (દુકાન નં.-22, બેઝમેંટ, મુન્શી ચેમ્બર, પાંચકુવા અમદાવાદ)એ ભેગા મળી અલગ અલગ બીલ ચલણથી 16,03,177નો દુપટ્ટાનો માલ મેળવી લીધો હતો.

ફોન ઉપાડવાનું બંધ કરી દીધેલું
આ તમામ રકમ માત્ર 30 દિવસમાં ચૂકવી આપવાનો વાયદો આપ્યો હતો. છ મહિના કરતા વધુ સમય થવા છતાં પૈસા નહિ આવતા આખરે શૈલેષકુમારએ પૈસાની માંગણી કરતા તમામ વેપારીઓએ જાનથી મારી નાખવાની ધમકી આપી ફોન ઉપાડવાનું બંધ કરી દીધું હતું. જેથી ભોગ બનનાર વેપારીઍ આ મામલે સલાબતપુરા પોલીસ મથકમાં પોલીસ ફરિયાદ નોંધાવતા પોલીસે તમામ સામે ગુનો નોંધી વધુ તપાસ હાથ ધરી છે.

06/12/2021

છેતરપિંડી:સુરતમાં ઉત્પાદિત નહીં કરવામાં આવેલા વાહનો ઉપર 15.48 કરોડની લોન મેળવી છેતરપિંડી, 32 સામે ફરિયાદ
વાલક પાટિયાના પઠાણબંધુઓ આ સમગ્ર કેસમાં માસ્ટર માઈન્ડ હોવાનું બહાર આવ્યું
અશોક લેલન્ડ અને ટાટા કંપની દ્વારા જે વાહનોનું ઉત્પાદન જ કરવામાં નથી આવ્યું તેવા વાહનોને હયાત બતાવી ઠગ ટોળકીએ બોગસ ડોક્યુમેન્ટ તૈયાર કરી બનાવટી રસી બુક બનાવી કરોડો રૂપિયાની લોન મેળવી છેતરપિંડી કરનાર 32 જણા સામે અડાજણની ઈન્ડોસ્ટાર કેપીટલ ફાઈનાન્સ લીમીટેડ કંપની એ ફરિયાદ નોંધાવતા પોલીસે તપાસ હાથ ધરી છે. વાલક પાટિયાના પઠાણબંધુઓ આ સમગ્ર કેસમાં માસ્ટર માઈન્ડ હોવાનું બહાર આવતા પોલીસે તમામ આરોપીઓ સામે કુલ 15.48 કરોડની ઠગાઇનો ગુનો નોંધી તપાસ શરૂ કરી છે.

અશોક લેલન્ડ અને ટાટા કંપનીના 74 જેટલા વાહનો ઉપર લોન લીધી હતી
અમદાવાદ બાપુનગર ગુ.હા.બોર્ડ ખાતે રહેતા ચિરાગકુમાર અશ્વિનભાઈ બારોટ (ઉ.વ.36)એ ગઈકાલે વાલક ગામ રહેમતનગર ખાતે રહેતા માસ્ટર માઈન્ડ ઈમરાન કાલુ પઠાણ, તેનો ભાઈ ઈર્શાદ કાલુ પઠાણ સહિત 32 જેટલા આરોપીઓ સામે ફરિયાદ નોંધાવી છે. જેમાં જણાવ્યું હતું કે અડાજણ સીટીસ્કેવર ડિગના પહેલા માલે બેન્ક ઓફ બરોડાની ઉપર આવેલ ઈન્ડોસ્ટાર કેપીટલ ફાઈનાન્સ લીમીટેડ કંપનીમાંથી આરોપીઓએ ગત તા ઓગસ્ટ 2016 થી માર્ચ 2019ના સમયગાળામાં અશોક લેલન્ડ અને ટાટા કંપનીના 74 જેટલા વાહનો ઉપર રૂપિયા 12,52,65,170 ની લોન લીધી હતી.

શરુઆતમાં હપ્તા ભર્યા બાદ હપ્તા ભરવાના પણ બંધ કરી દીધા
તપાસ દરમિયાન આરોપીઓએ જે વાહનો ઉપર લોન લીધી હતી તે વાહનો બંને કંપની દ્વારા મેન્યુફેકચર જ કરવામાં આવ્યા ન હતા. અને તેવા વાહનોને હયાત બનાવી તેની આર.સી.બુક સહિતના બોગસ ડોક્યુમેન્ટ ફાયનાન્સ કંપનીમાં રજૂ કર્યા હતા. આરોપીઓએ 74 જેટલા વાહનો ઉપર લોન લીધા બાદ શરુઆતમાં હપ્તા ભર્યા બાદ હપ્તા ભરવાના પણ બંધ કરી દીધા હતા. આરોપીઓ પાસેથી ૨કમ અને વ્યાજ સહિત કુલ રૂપિયા 15,48,76,711 ભરપાઈ ન કરી ફાયનાન્સ કંપની સાથે છેતરપિંડી કરી છે.

હયાતી વગરના વાહનો બતાવી છેતરપિંડી આચરી
પોલીસે ચિરાગભાઈની ફરિયાદ લઈ આરોપીઓ સામે ગુનો દાખલ કરી તપાસ હાથ ધરી છે. ઈન્ડોસ્ટાર કેપીટલ ફાઈનાન્સ લીમીટેડ કંપનીમાં હયાતી વગરના વાહનો બતાવી કુલ રૂપિયા 15.48 કરોડની લોન મેળવી છેતરપિંડ કરનાર ટોળકીમાં માસ્ટર માઈન્ડ તરીકે ઈમરાન કાલુ પઠાણ અને તેનો ભાઈ ઇશાર્ડ કાલુ પઠાણ (રહે, વાલક ગામ રહેમતનગર) હોવાનુ બહાર આવ્યું છે.

ટેક્સ ચોરી કરવા બાબતે પણ ગુના દાખલ થયા છે
આ બંને પઠાણ બંધુ અગાઉ પણ ટાટા અને અશોક લેલન્ડ કંપની દ્વારા મેન્યુફેકચર કરવામાં ન આવેલા વાહનોને હયાત બનાવી અન્ય બેન્ક ફાયનાન્સ કંપનીને પણ કરોડો રૂપીયાનો ચુનો ચોપડ્યો છે. આ ઉપરાંત એક પઠાણ (રહે, વાલક ગામ રહેમતનગર) હોવાનુ બહાર આવ્યું છે. આ બંને પઠાણ બંધુ અગાઉ પણ ટાટા અને અશોક લેલન્ડ કંપની દ્વારા મેન્યુફેકચર કરવામાં ન આવેલા વાહનોને હયાત બનાવી અન્ય બેન્ક ફાયનાન્સ કંપનીને પણ કરોડો રૂપીયાનો ચુનો ચોપડ્યો છે. આ ઉપરાંત એક ટેક્સ ચોરી કરવા બાબતે પણ તેઓ સામે ગુના દાખલ થયા છે.

ઠગબાજ આરોપીઓ

અજય નવરંગ ગામી (રહે, મેઘ મલ્હાર એપાર્ટમેન્ટ સીમાડા)
આશિષ બાલુકાકડીયા (રહે,રૂષિકેશ એપાર્ટમેન્ટસરથાણા)
ચંદ્રેશકુમાર દેવરાજ માંગુકીયા (રહે, રૂષિકેશ એપાર્ટમેન્ટ સરથાણા)
છગન કાનજી ચૌહાણ (રહે, બાલાજીનગર કતારગામ)
ઘનશ્યામ ગોવિંદ ચાલો ડીયા (રહે,સાગર સોસાયટી કાપોદ્રા)
ગોપાલ ઉકા ગોરસીયા (રહે,શીવપ્લાઝા સરથાણા)
હરેશ લાલજી ઢોલકીયા (રહે, સાગર સોસાયટી કાપોદ્રા)
હિતેશ મુળજી રાધવાની (રહે, સ્કિટલ હાઈટ્સ પાલનપુર ગામ)
હિતેશ વ્રજલાલ કાપડીયા (રહે, આખાખોલ કામરેજ)
હિતેશકુમાર બટુક બાવીસી (રહે,મનમતા પર્ક રેસીડેન્સી મોટા વરાછા)
ઈમરાન કાલુ પઠાણ (રહે, રહેમતનગર વાલક ગામ)
ઈર્શાદ કાલુ પઠાણ (રહે, રહેમતનગર રોડ વાલકગામ)
જગદીશ કનુ ગોડલીયા (રહે,શીવસાંઈ પાર્ક સોસાયટી વરાછા)
કલ્યાણ બોગીલાલ તેવથીયા (રહે, ગોકુલ પાર્કસોસાયટી કતારગામ)
કેતન પરોત્તમ કાપડીયા (રહે, ઈન્દ્રલોક રેસીડેન્સી સુદામા ચોક)
મહેશ ગોવિંદ ચાલોડીયા (રહે, સાગર સોસાયટી કાપોદ્રા)
મનોજનાનજી વિરડીયા (રહે,વાસ્તુ રેસીડેન્સી પુણાગામ)
બુધેશ બાબુ મેઘાણી (૨હે, જય રણછોડનગર સરથાણા)
મુકેશ વ્રજલાલ કાપડીયા (રહે,રીવેરા સોસાયટી વરાછા)
નિકુંજ રમેશ વેકરીયા (રહે, મેઘા ટાઉનશીપ ઓલપાડ)
પ્રવિણ ભીખુ વસોયા (રહે, મમતા પાર્ક સોસાયટી કાપોદ્રા)
૨ઈસ રીફક ભાટી (રહે, રહેમતનગર વાલક સરથાણા)
રીટા કપીલ કોઠીયા (રહે, સોના એપાર્ટમેન્ટ મોટા વરાછા)
તુપેશ રમેશ ભુવા (રહે, કુષ્ણા પાર્ક સોસાયટી સરથાણા)
વિપુલ બાબુ વઘાસીયા (રહે, પુનીતધામ સોસાયટી મોટા વરાછા)
વિજય મનુસખ ઠુમર (રહે,આનંદધારા સોસાયટી મોટા વરાછા)
વિજય મંકોડ ઢોલીયા (રહે, રેસીડેન્સી સરથાણા જકાતનાકા)
વિનોદ પરસોત્તમ દુધાત (રહે, કવિતા રો હાઉસ સરથાણા જકાતનાકા)
હિરેન ભરત કાકલોતર (રહે, મણીબા નગ૨ રંગ દર્શન સોસાયટી કતારગામ)

05/12/2021

ઉમેદવારો માટે મહત્વપૂર્ણ જાહેરાત:વરસાદ બાદ મેદાન ભીનું હોવાથી સુરતમાં આવતીકાલે વાવ ખાતે યોજાનાર પોલીસ ભરતીની શારિરીક કસોટી મોકૂફ

રાજ્યમાં પોલીસ ભરતીની પ્રક્રિયા ચાલી રહી છે, જેમાં PSI અને LRDની 11 હજારથી વધુ જગ્યાઓ ભરવામાં આવશે. 3 ડિસેમ્બરથી રાજ્યનાં 15 સ્થળે શરૂ થનારી પરીક્ષા માવઠાને કારણે માત્ર 8 મેદાન પર જ લેવાઈ શકી હતી. જ્યારે સોમવારથી અન્ય સ્થળોએ પરીક્ષા શરૂ થશે. જોકે કમોસમી વરસાદ પછી વાદળછાયા વાતાવરણના કારણે સુરત SRP ગ્રુપ-વાવ ખાતે આવતીકાલે યોજાનારી શારીરિક કસોટી મોકૂફ રાખવામાં આવી છે.

મેદાન દોડવા માટે સૂકાયું ન હોવાથી પરીક્ષા મોકૂફ
લોકરક્ષક ભરતી બોર્ડના પ્રમુખ હસમુખ પટેલે આ મામલે ટ્વીટ કરીને જાણકારી આપી છે. જે મુજબ, કમોસમી વરસાદ પછી વાદળછાયા વાતાવરણને કારણે મેદાન દોડવા યોગ્ય ન થતાં આવતીકાલ તારીખ 6 ડિસેમ્બર 2021ના રોજ SRP ગૃપ વાવ., સુરત ખાતે પોલીસ ભરતીની શારીરીક કસોટી મોકુફ રાખવામાં આવેલી છે. રાજ્યમાં અન્ય 14 જગ્યાએ શારીરિક કસોટી લેવામાં આવશે.
6 વાગ્યાથી પરીક્ષા યોજાશે
આજે સવારે 6 વાગ્યાથી ઉમેદવારની પરીક્ષા શરૂ થઈ ગઈ છે. ગ્રાઉન્ડના મુખ્ય દરવાજાથી સવારે 6 વાગ્યે કોલલેટર તપાસીને તેમને પ્રવેશ આપવામાં આવ્યો હતો. ઉમેદવારોએ ગ્રાઉન્ડમાં પ્રવેશ મેળવ્યા બાદ હોલ્ડિંગ નંબર-1, એટલે કે વેઈટિંગ એરિયામાં બેસવાનું રહેશે. બાદમાં હોલ્ડિંગ એરિયા નંબર-2માં ઉમેદવારોનું રજિસ્ટ્રેશન થશે, જેના માટે 10 કાઉન્ટર ગોઠવવામાં આવ્યાં છે. 200ની સંખ્યામાં ઉમેદવારોએ રજિસ્ટ્રેશન કરાવવાનું રહેશે. રજિસ્ટ્રેશન થયા બાદ ઉમેદવારોને હોલ્ડિંગ એરિયા, જ્યાં રજિસ્ટ્રેશન થયેલા 200ની સંખ્યામાં ઉમેદવારોને દોડ માટે માર્ગદર્શન અપાશે અને RFID ટેગ/ચેસ્ટની ચકાસણી કરવામાં આવશે.

નવો કોલલેટર ઇશ્યુ કરવામાં આવશે નહિ
PSI ભરતી બોર્ડ દ્વારા ઉમેદવારોને ખાસ જણાવવામાં આવ્યું છે કે, જૂનો કોલલેટર લઈને જ નવી તારીખ મુજબ ફિઝિકલ ટેસ્ટ માટે આવવાનું રહેશે. નવો કોલલેટર ઇશ્યુ કરવામાં આવશે નહિ. તારીખ બદલવા માટે બાકી રહેલી અરજીઓનું લિસ્ટ આગામી દિવસોમાં વેબસાઈટ પર મુકવામાં આવશે. તારીખ બદલવા માટે જે ઉમેદવારોએ અરજી કરી છે તેઓના ગ્રાઉન્ડ એ જ રાખવામાં આવ્યા છે માત્ર તારીખ જ બદલવામાં આવી છે.

એકવારમાં કુલ 200 ઉમેદવારોને દોડાવાશે
રજિસ્ટ્રેશન અને RFID ટેગ લગાડયા બાદ દોડ માટે ઉમેદવારોને ગ્રાઉન્ડમાં રનિંગ ટ્રેક પર મોકલવામાં આવશે, જેમાં 4 લાઈનમાં 50 ઉમેદવાર એમ એકવારમાં કુલ 200 ઉમેદવારને દોડાવવામાં આવશે. ગ્રાઉન્ડમાં રનિંગ ટ્રેકનું માપ 416.66 મીટરનું હશે. પાસ થવા માટે ઉમેદવારે વધુમાં વધુ 25 મિનિટમાં 12 રાઉન્ડમાં 5,000 મીટર દોડ પૂરી કરવાની રહેશે.

દોડ પૂરી કરનાર ઉમેદવારોને શારીરિક માપની કસોટીના કાઉન્ટર પર મોકલાશે
જે ઉમેદવાર નિયત સમય અથવા એની કરતાં પહેલાં દોડ પૂરી કરશે તેઓ શારીરિક ક્ષમતાની કસોટીમાં પાસ ગણાશે અને તેમને આગળ શારીરિક માપની કસોટી માટેના કાઉન્ટર પર મોકલવામાં આવશે. જે ઉમેદવાર નિયત સમય કરતાં વધુ સમય લગાવશે તેઓ નાપાસ ગણાશે અને તેમને RFID ટેગ પરત જમા લઈ ગ્રાઉન્ડની બહાર મોકલવામાં આવશે.

ઉમેદવારોનું બાયોમેટ્રિક વેરિફિકેશન થશે
જે ઉમેદવાર શારીરિક ક્ષમતા કસોટી (દોડમાં) પાસ થયા છે તેમને આગળ શારીરિક માપ કસોટી, એટલે કે તેમનાં વજન, ઊંચાઈ અને છાતીની માપણી માટે મોકલવામાં આવશે. એના માટે 10 કાઉન્ટરની વ્યવસ્થા રાખવામાં આવી છે. બાયોમેટ્રિક વેરિફિકેશન કરીને ઉમેદવારોની શારીરિક માપ કસોટી લેવાશે, જેમાં તમામની વીડિયો-ફોટોગ્રાફી કરવામાં આવશે. જે ઉમેદવાર નિયત કરેલાં વજન, ઊંચાઈ અને છાતીના ફુલાવામાં પાસ થશે તેમની શારીરિક કસોટી પૂરી થયેલી ગણાશે અને તેમને ગ્રાઉન્ડની બહાર મોકલવામાં આવશે. જે ઉમેદવારને શારીરિક માપણી અંગે અસંતોષ હોય તેઓ ફેરમાપ માટે અપીલ કરી શકે છે

05/12/2021

અમદાવાદ યુનિ.ના દીક્ષાંત સમારોહને સંબોધન:નોબેલ પ્રાઈઝથી સન્માનિત અર્થશાસ્ત્રી બેનર્જીએ કહ્યું-દેશની અર્થવ્યવસ્થા 2019 કરતા પણ નીચલા સ્તરે, આપણે ખૂબ પીડાદાયક સમયમાં છીએ

દેશના અર્થતંત્રમાં સુધારો આવી રહ્યો હોવાના દાવા વચ્ચે વચ્ચે નોબેલ પુરસ્કાર વિજેતા અર્થશાસ્ત્રી અભિજિત બેનર્જીએ અર્થતંત્ર મામલે એક ગંભીર નિવેદન આપ્યું છે. અભિજિત બેનર્જીએ જણાવ્યું કે, આપણે એક પીડાદાયક સમયમાં છીએ. ભારતીય અર્થવ્યવસ્થા હજુ પણ 2019ના વર્ષ કરતા પણ નીચે છે. લોકો હજુ આર્થિક મુશ્કેલીઓના દોરમાંથી પસાર થઈ રહ્યાં છે.

અમદાવાદ યુનિવર્સિટીના 11માં દીક્ષાંત સમારોહને વર્ચ્યુઅલી સંબોધિત કરતા બેનર્જીએ પશ્ચિમ બંગાળની મુલાકાતના નિરિક્ષણો શેર કરતા કહ્યું કે, દેશમાં હજુ પણ પહેલા જેવું જ આર્થિક સંકટ છે. અર્થતંત્રની આ સ્થિતિને કારણે લોકોની નાની આકાંક્ષાઓ, વધુ નાની થઈ રહી છે. અભિજિત બેનર્જીએ વિદ્યાર્થીઓને કહ્યું કે, તમે એવા સ્થાને છો, જ્યાં દેશને કંઈક પાછું આપી શકો છો, જેની સમાજને જરૂર છે. આપણ કેટલા નીચે છીએ, તે અંગે જાણતા નથી, પણ ઘણાં નીચલા સ્તરે છીએ અને હું કોઈને દોષ આપી રહ્યો નથી, હું ખાલી મારી વાત કહી રહ્યો છું.

પરિવાર અને સમાજના દબાણમાં આવ્યા વિના કરિયર પસંદ કરજો તેમણે વિદ્યાર્થીઓને વિનંતિ કરી કે, કરિયરની પસંદગી કરતા પહેલા ક્યારેય પણ પરિવાર અને સમાજના દબાણમાં આવતા નહીં. પરંતુ જીવનમાં જે કંઈ કરવા ઈચ્છો તે માટે હિંમત રાખજો.

10 દિવસ તિહાડ જેલમાં રહેવું પડ્યું
નોબેલ પુરસ્કાર વિજેતા અર્થશાસ્ત્રીએ આગળ કહ્યું કે, જવાહર લાલ નેહરુ વિશ્વ વિદ્યાલય(JNU)માં અભ્યાસ દરમિયાન વિદ્યાર્થી આંદોલનને કારણે મારે 10 દિવસ તિહાડ જેલમાં રહેવું પડ્યું હતું. જ્યારે તિહાડની બહાર આવ્યો ત્યારે વડીલોએ કહ્યું કે, તેની કરિયર સમાપ્ત થઈ જશે. હાર્વર્ડ યુનિવર્સિટી કે અમેરિકા આવવા દેશે નહીં. તેમને લાગતું હતું કે, મારે માફી માગી લેવી જોઈએ.

‘નવી બાબતોના પ્રયોગ કરતા શરમાશો નહિ’
બેનરજીએ કહ્યું કે, ‘સૌથી મહત્ત્વપૂર્ણ, ટ્રેનિંગ તમારા મનપસંદ વિષયની નહિ, પણ મન, ખુલ્લા વિચારો, લોકો શું અર્થ કાઢશે તે સમજવાની ક્ષમતાની છે. યાદ રાખો, પરિવર્તન ધીમે ધીમે આવે છે. નવી બાબતોના પ્રયોગ કરતા શરમાશો નહિ.’ તેમણે વધુમાં કહ્યું હતું કે, ‘જેએનયુમાં અભ્યાસ દરમિયાન વિદ્યાર્થી આંદોલનને કારણે મારે 10 દિવસ તિહાડ જેલમાં રહેવું પડ્યું હતું. બહાર આવ્યો ત્યારે વડીલોએ કહ્યું હતું કે, મારી કારકિર્દી સમાપ્ત થઈ જશે.’

833 વિદ્યાર્થીને પદવી એનાયત
કરિયર પસંદગી કરવા મામલે તેમણે કહ્યું કે, દેશના બે મહાન ફિલ્મ મેકર્સ સત્યજીત રે અને શ્યામ બેનેગલ અર્થશાસ્ત્રમાં ગ્રેજ્યુએટ હતા, પણ તેમણે એક નવો ચીલો ચાતર્યો. કોઈ ચોક્કસ ટ્રેનિંગને બદલે, તમને જે આનંદ આપે, વિચારશીલ અને સારો માણસ બનાવે એવી કરિયર જ મહત્વપૂર્ણ છે. સમારોહમાં કુલ 833 વિદ્યાર્થીને પદવી એનાયત કરાઈ, જેમાં અમૃત મોદી સ્કૂલ ઑફ મેનેજમેન્ટના 616, સ્કૂલ ઑફ આર્ટ્સ-સાયન્સના 39, સ્કૂલ ઑફ એન્જિનિયરિંગ એન્ડ એપ્લાઇડ સાયન્સના 161, સ્કૂલ ઑફ કમ્પ્યુટર સ્ટડીઝના 17 વિદ્યાર્થીઓ છે.

05/12/2021

05/12/2021

05/12/2021

05/12/2021

05/12/2021

hi

05/12/2021

Hi