https://www.facebook.com/111368614656259/

TMMK MEDIA Kollidam UNION, Sirkali (2024)

26/03/2022

அரசு ஊழியர்கள் வேலை நிறுத்தம்: மனிதநேய மக்கள் கட்சி ஆதரவு!

மனிதநேய மக்கள் கட்சியின் தலைவர் பேராசிரியர் எம்.எச்.ஜவாஹிருல்லா எம்.எல்.ஏ. வெளியிடும் அறிக்கை:

பொதுத்துறை நிறுவனங்களைத் தனியாருக்கு விற்கக்கூடாது, தொழிலாளர் விரோத சட்டத் தொகுப்பைத் திரும்பப் பெறவேண்டும்; பெட்ரோலிய பொருட்கள் மீதான விலை உயர்வை ரத்து செய்ய வேண்டும்; முறைசாரா தொழிலாளர்களின் வாழ்வாதாரத்தை நசுக்கக்கூடாது; விவசாயிகள், விவசாயத் தொழிலாளர்கள் உரிமைகளைத் தட்டிப் பறிக்கக் கூடாது; உள்ளிட்ட கோரிக்கைகளை முன்வைத்து மார்ச் 28, 29 தேதிகளில் மத்திய தொழிற்சங்கங்கள் முன்னின்று நடத்தும் நாடு தழுவிய போராட்டத்திற்கு மனிதநேய மக்கள் கட்சி முழு ஆதரவை அளிக்கிறது.

சுமார் 25 கோடி பேர் பங்கேற்பர் என தொழிற்சங்கங்கள் அறிவித்துள்ள நிலையில் போக்குவரத்து சேவைகள், வங்கி சேவைகள் பாதிக்கப்படும் நிலை ஏற்பட்டுள்ளது. மக்களின் மீது அக்கறைக் கொண்டுள்ள அரசாக இருந்தால் ஒன்றிய அரசு தொழிற்சங்க நிர்வாகிகளை அழைத்துப் பேச்சுவார்த்தை நடத்தி உடனடி தீர்வு கண்டிருக்க வேண்டும். ஆனால் போராட்டத்தை நசுக்க பல்வேறு வகையிலான முயற்சியை ஒன்றிய அரசு செய்து வருவதாகத் தெரிகிறது. கோரிக்கைகள் மிகவும் நியாயமானதாக இருப்பதால் பொதுமக்களின் ஆதரவும் பரவலாக இப்போராட்டத்திற்கு அதிகரித்து வருவதைக் காணமுடிகிறது.

தமிழகத்தின் அனைத்து மாவட்டங்களிலும் இப்போராட்டங்களில் மனிதநேய மக்கள் கட்சியினர் பங்குகொள்வர் என்று தெரிவித்துக் கொள்கிறேன்.

இப்படிக்கு
எம்.எச்.ஜவாஹிருல்லா எம்.எல்.ஏ.
தலைவர்,
மனிதநேய மக்கள் கட்சி

05/12/2021

நாகாலாந்து மாநிலத்தில் அப்பாவி தொழிலாளர் படுகொலை:
வன்மையான கண்டனங்கள்!

மனிதநேய மக்கள் கட்சியின் தலைவர் பேராசிரியர் எம்.எச்.ஜவாஹிருல்லா வெளியிடும் அறிக்கை:

நாகாலாந்து மாநிலம் மோன் மாவட்டம் ஓடிங் பகுதியில் செயல்பட்டு வரும் நிலக்கரி சுரங்கத்தில் பணியாற்றும் ஊழியர்கள் பணியை முடித்துக்கொண்டு தங்கள் சொந்த ஊர்களுக்கு வேனில் திரும்பிக் கொண்டிருந்த போது அவர்களைத் தீவிரவாதிகள் எனச் சந்தேகித்துப் பாதுகாப்புப் படையினர் நடத்திய துப்பாக்கிச் சூட்டில் 13 தொழிலாளர்கள் சம்பவ இடத்திலேயே பரிதாபமாக உயிரிழந்தது பெரும் வேதனையையும் அதிர்ச்சியையும் அளிக்கின்றது.

அப்பாவி தொழிலாளர் அநியாயமாகக் கொல்லப்பட்ட இந்த துயரச் சம்பவம் அப்பட்டமான மனித உரிமை மீறலாகும். பாதிக்கப்பட்ட மக்களுக்கு உரிய நீதி கிடைக்க வேண்டும்.

தீவிரவாதிகளை ஒடுக்குகிறோம் என்கிற பெயரில் அப்பாவி மக்களைக் கொன்று குவிக்கும் இந்த செயல் கடும் கண்டனத்துக்குரியது. இந்தியாவின் எல்லையோர மாநிலங்களில் வாழும் மக்கள் தனது உரிமைகளை மெல்ல மெல்ல இழந்து வருவதும் அவர்களது உயிர் அற்பமானதாகக் கருதப்படுவதும் இந்த சம்பவத்தின் வாயிலாக உறுதிப்படுத்தப்பட்டுள்ளது. ஒன்றிய அரசின் கட்டுப்பாட்டிலுள்ள உள்துறை அமைச்சகம் இந்நிகழ்விற்கு முழு பொறுப்பேற்று இதற்குப் பரிகாரம் காண வேண்டும்.

இப்படிக்கு
எம்.எச்.ஜவாஹிருல்லா எம்.எல்.ஏ.
தலைவர், மனிதநேய மக்கள் கட்சி

04/12/2021

சிறைவாசிகள் குடும்பத்தினர்
தமுமுக - மமக
தலைமையகத்தில் சந்திப்பு!

தமிழ்நாடு முஸ்லிம் முன்னேற்றக் கழகம் மற்றும் மனிதநேய மக்கள் கட்சியின் தலைமையகத்தில் கோவை சிறைவாசி குடும்பத்தினர் இன்று சந்தித்தனர்.உடன் தமுமுக துணைத் தலைவர் பி.எஸ்.ஹமீது, தலைமை நிலைய செயலாளர் மாயாவரம் அமீன் உடனிருந்தனர்.

04/12/2021

சிறுபான்மையின மாணவர்களுக்கான கல்வி உதவித்தொகைக்கு விண்ணப்பக்க கால நீடிப்பு
மாணவ மாணவிகள் பயன்படுத்திக் கொள்ள வேண்டும்

மனிதநேய மக்கள் கட்சியின் தலைவர் பேராசிரியர் எம்.எச்.ஜவாஹிருல்லா எம்.எல்.ஏ. வெளியிடும் பத்திரிக்கை அறிக்கை:

அரசு மற்றும் தனியார்ப் பள்ளிகளில் படிக்கும் சிறுபான்மையின மாணவர்களின் கல்வி ஒன்றிய அரசின் சார்பில், ஒன்றாம் வகுப்பு முதல் பிளஸ் 2 வரை படிக்கும் மாணவர்களும், உயர் கல்வி படிக்கும் மாணவர்களும் கல்வி உதவித் தொகை வழங்கப்பட்டு வருகிறது.

இந்த விண்ணப்பங்களை, www.scholarships.gov.in என்ற இணையதளத்தில் பதிவு செய்ய வேண்டும். விண்ணப்ப விபரங்களை, முதற்கட்டமாக அந்தந்த பள்ளிகள் மற்றும் பள்ளிக் கல்வி அதிகாரிகள் ஆய்வு செய்து பரிந்துரைக்க வேண்டும். ஆனால், கனமழை காரணமாகக் கடந்த இரண்டு வாரங்களுக்கு மேலாகப் பள்ளிகள் சரிவர இயங்கவில்லை, மாணவர்கள் வருகையும் இல்லை.

இதன் காரணமாக மாணவர்கள் விண்ணப்ப பதிவு செய்வதற்கு இயலாத நிலை ஏற்பட்டு உள்ளது. சிறுபான்மையினர் உதவித்தொகை பெறுவதற்கான விண்ணப்ப அவகாசத்தை, நீட்டிக்க வேண்டும் எனவும், இந்த கல்வி உதவித் தொகை பெறக் கடந்த ஆண்டுக்கான மதிப்பெண் பட்டியல் பல்வேறு பள்ளிக்கூடங்கள் வழங்காததால் சென்ற ஆண்டின் மதிப்பெண் பட்டியல் பெறுவதில் விலக்கு அளிக்க வேண்டும் என்றும், மனிதநேய மக்கள் கட்சி சார்பில் மாண்புமிகு முதலமைச்சருக்குக் கடிதம் வாயிலாகக் கோரப்பட்டிருந்தது.

மனிதநேய மக்கள் கட்சியின் கோரிக்கையினை தமிழக அரசு ஒன்றிய அரசின் கவனத்திற்குக் கொண்டு சென்றது. 1. ஒன்று முதல் பத்தாம் வகுப்பு வரை பயிலும் மாணவர்களுக்கான பிரி மெட்ரிக் உதவித் தொகை 2. 11 12 ஆம் வகுப்பு பயிலும் ‘போஸ்ட் மெட்ரிக்’ மாணவர்களுக்கான உதவித் தொகை 3. தகுதி மற்றும் தேவை அடிப்படையிலான உதவி தொகை ( Merit cm Means based Scholarship) 4. சிறுபான்மை சமூக மாணவிகளுக்கான ( Begum Hazrat Mahal National Scholarship) ஆகிய உதவித் தொகைக்கு விண்ணப்பிக்கக் கால அவகாசத்தை 15.12.2021 வரை ஒன்றிய அரசு நீட்டித்து அறிவித்துள்ளது.

தமிழக அரசின் முன்னெடுப்பிற்கு மனிதநேய மக்கள் கட்சி சார்பில் நன்றியையும், பாராட்டுகளை தெரிவித்துக்கொள்கிறேன்.

இந்த கால நீட்டிப்பைப் பயன்படுத்தி இதுவரை விண்ணப்பிக்காத மாணவ - மாணவிகள் விண்ணப்பிக்குமாறு கேட்டுக்கொள்கிறேன்.

இப்படிக்கு,
எம்.எச்.ஜவாஹிருல்லா
தலைவர்

02/12/2021

தேர்வில் மத துவேஷத்தை வளர்க்கும் சிபிஎஸ்சிக்கு கடும் கண்டனம்

மனிதநேய மக்கள் கட்சியின் தலைவர் பேராசிரியர் எம் எச் ஜவாஹிருல்லா வெளியிடும் அறிக்கை

குஜராத் மாநிலத்தில் 12 ஆம் வகுப்பு சமூக அறிவியல் பருவம் 1 தேர்வில் "2002 இல் குஜராத்தில் முன்னெப்போதும் இல்லாத அளவு மற்றும் பரவலான முஸ்லிம்களுக்கு எதிரான வன்முறை எந்த அரசாங்கத்தின் கீழ் நடந்தது?"என்று கேள்வி வினாத்தாளில் இடம்பெற்றுள்ளது வன்மையாக கண்டிக்கத்தக்கது.

கல்வி கற்பிப்பதின் முக்கிய நோக்கமே சமத்துவமும் மனிதாபிமானம் மிக்க சமூகத்தை கட்டமைப்பதற்காக தான் இருக்க வேண்டும். இந்த உயர்ந்த நோக்கத்தை சிதைக்கும் வகையில் மத்திய அரசின் கட்டுப்பாட்டில் இயங்கும் சிபிஎஸ்சி பாடத்திட்டத்தில் இது போன்ற கேள்விகள் இடம் பெற்று இருப்பது வன்மையாக கண்டிக்கத்தக்கது.

சிறுபான்மை சமூகங்களுக்கு எதிரான மனநிலையை மாணவர்களின் மத்தியில் விதைப்பது இந்தியாவின் எதிர்காலத்தை மிகப்பெரிய அளவில் பிளவுபடுத்தும் நோக்கம் கொண்டதாக அமையும்.

கடுமையான எதிர்ப்புகள் கிளம்பிய பிறகு சிபிஎஸ்சி தற்போது விழித்துக்கொண்டு வினாத்தாள் தயாரித்தவர் மீது நடவடிக்கை எடுக்கப்படும் என்று கூறுவது ஏற்புடையதாக இல்லை.

பொதுவாக வினாத்தாள்கள் பெறப்பட்டு கல்வி உயரதிகாரிகள் வாயிலாக மேற்பார்வை செய்யப்பட்ட பின்னரே மாணவர்களுக்கு வினாத்தாள் வழங்கும் முறை தற்போது வரை உள்ளது. பிரச்சனைகள் பெரிதாகி விட்டவுடன் வினாத்தாள் தயாரித்தவர்கள் மீது நடவடிக்கை என்று சொல்லி சிபிஎஸ்இ நிர்வாகம் தப்பித்துக்கொள்ள பார்க்கிறது.

இதற்கு முன்னரும் பாடத்திட்டத்திலும் வினாத்தாளிலும் பல குளறுபடிகளை சிறுபான்மை சமூகத்திற்கு எதிரான முன்னெடுப்புகள் நிகழ்ந்திருக்கின்றன. கல்வியின் நோக்கத்தையே சிதைக்கும் இந்த முயற்சியினை முன்னெடுக்கும் சிபிஎஸ்சி பாடத்திட்ட குழுவையும் ஒன்றிய அரசையும் வன்மையாக கண்டிக்கிறேன்.

இது போன்று இனிவரும் காலங்களில் எப்போதும் நிகழாத வண்ணம் மிகச்சரியான நடவடிக்கைகளை மேற்கொள்ள வேண்டுமென மனிதநேய மக்கள் கட்சியின் சார்பில் கேட்டுக்கொள்கிறேன்.

இப்படிக்கு

எம் எச் ஜவாஹிருல்லா
தலைவர்
மனிதநேய மக்கள் கட்சி

01/12/2021

அனைத்து உயிர்கள் மீதும் நேசம்..!
அன்புதான் எங்களின் சுவாசம்..!

30/11/2021

இறைவன் நாடினால்...

20 ஆண்டுகளுக்கு மேலாக சிறையில் வாடும் சகோதரர்கள் விடுதலைக்காக மயிலாடுதுறையில் ...
#ஒற்றை_கவன_ஈர்ப்பு_ஆர்ப்பாட்டம் அலைகடலென திரண்டு வாரீர்

அழைக்கிறது...

ஜமாத்துல் உலமா சபை-
வட்டார ஜமாத் -
அனைத்து இஸ்லாமிய இயக்கங்களின் கூட்டமைப்பு -

#மயிலாடுதுறை_மாவட்டம்

30/11/2021

திருவண்ணாமலை வடக்கு மாவட்டம் செய்யாறு காவல் நிலையத்தை முற்றுகை போராட்டம் நடத்திய தமுமுக மகளிர் அணி

பெண்களை அவதூறாக பேசிய DSP மீது நடவடிக்கை எடுக்காத காவல்துறை கண்டித்து இந்த முற்றுகை போராட்டம் நடைப்பெற்றது

29/11/2021

முதலமைச்சருடன் சந்திப்பு!

தமிழ்நாடு இஸ்லாமிய இயக்கங்கள் மற்றும் அரசியல் கட்சிகளின் கூட்டமைப்பின் தலைவர் மவ்லானா பி ஏ காஜா முயீனுத்தீன் பாகவி தலைமையில் தலைவர்கள் இன்று கூட்டமைப்பின் சார்பில் மாண்புமிகு தமிழக முதலமைச்சர் அவர்களை தமுமுக மனிதநேய மக்கள் கட்சி தலைவர் பேராசிரியர் ஜவாஹிருல்லா எம்.எல்.ஏ மற்றும் கூட்டமைப்பு தலைவர்கள் தலைமை செயலகத்தில் சந்தித்தனர்.

சமுதாயத்தின் உணர்வுகளை பிரதிபலித்து முஸ்லிம் ஆயுள் சிறைவாசிகளையும் விடுதலை செய்வதின் அவசியத்தை மிகவும் வலியுறுத்தி எடுத்து கூறினார்கள்.

இந்த ஆட்சியில் விடுதலை இல்லையெனில் வேறு எப்போதும் விடுதலை கிடைக்காது என்ற மனநிலையில் மக்கள் இருப்பதை எடுத்துரைத்தனர்.

சுமார் 15 நிமிடங்கள் நீடித்த இந்த சந்திப்பில் முக்கிய அரசு அதிகாரிகளும் உடனிருந்தனர். நமது கோரிக்கைகளை கனிவுடன் பரிசீலிப்பதாக முதலைமைச்சர் தெரிவித்தார்.

எல்லாம் புகழும் இறைவனுக்கே!

27/11/2021

சிறைவாசிகள் விடுதலைக்கான முயற்சிகளில் உணர்ச்சிகளிற்கு இடமளிக்காமல் அறிவார்ந்து செயல்பட வேண்டும்.

ப.அப்துல் சமது,MLA
பொதுச்செயலாளர், மமக

https://www.facebook.com/tmmkhqofficial/videos/3027882444165913/

27/11/2021

முஸ்லிம் சிறைவாசிகளை அரசு விடுதலை செய்ய வேண்டும்! சட்டமன்றத்தில் ஒலித்த முதல் குரல்!!

26/11/2021

சிறைவாசிகள் விடுதலை தொடா்பான சமுதாய நீண்ட கால கோாிக்கையை எடுத்துரைக்க முதல்வாின் முதன்மை செயலாளரை தமுமுக தலைவர் பேராசிரியர் எம்.எச்.ஜவாஹிருல்லா MLA, இஸ்லாமிய இயக்கங்கள் மற்றும் அரசியல் கட்சிகளின் கூட்டமைப்பு ஒருங்கிணைப்பாளா் மௌலவி மன்சூா் காஷிமி ஆகியோா் சந்தித்து ஆவணங்களை வழங்கினர். விரைவில் முதல்வரை நேரிலும் சந்திக்க இருக்கின்றனர்.

26/11/2021

அண்ணா பல்கலைக்கழகம் உள்ளிட்ட கல்வி நிறுவனங்களில் சான்றிதழுக்கான ஜிஎஸ்டி வரி விலக்கப்பட வேண்டும்

மனிதநேய மக்கள் கட்சியின் தலைவர் பேராசிரியர் எம் எச் ஜவாஹிருல்லா வெளியிடும் அறிக்கை

இந்த ஆண்டு முதல் அண்ணா பல்கலைக்கழகம், இணைப்புக்குக் கல்லூரி மாணவர்கள், தங்கள் கட்டணத்துடன் ஒவ்வொரு சேவைக்கும் ஜி.எஸ்.டி. வரி செலுத்த வேண்டும் என்று அறிவிக்கப்பட்டுள்ளது. இந்த வரித்தொகை அரசுக்குச் செலுத்தப்படும். ஒவ்வொரு மாணவரும், பட்டப்படிப்பு முடித்துப் பட்டமளிப்பு சான்றிதழ் பெறுவதற்கு18 சதவீதம் ஜிஎஸ்டி வரியைக் கட்டணத்துடன் கட்டாயம் செலுத்த வேண்டும்; அசல் சான்றிதழ் இல்லாமல், பட்ட சான்றிதழ், மதிப்பெண் சான்றிதழ், ஒருங்கிணைந்த மதிப்பெண் சான்றிதழ் ஆகியவற்றின் பிரதியான ‘டூப்ளிகேட்’ சான்றிதழ் பெறவும், ‘மைக்ரேஷன்’ என்ற இடமாற்று சான்றிதழ், பருவத் தேர்வுக்கான விடைத்தாள் நகல் பெறுவது, சான்றிதழின் உண்மைத் தன்மை சரிபார்ப்பு சான்றிதழ் ஆகியவற்றுக்கும் 18 சதவீதம் ஜிஎஸ்டி செலுத்த வேண்டும் என்றும் அண்ணா பல்கலைக்கழகம் சுற்றறிக்கை வெளியிட்டிருக்கிறது.
கடும் நெருக்கடியான சூழலில் கல்விக்கட்டணம் செலுத்த முடியாத நிலையில் மாணவர்களும் பெற்றோர்களும் தவித்துக் கொண்டிருக்கும் இந்த வேளையில் இந்த ஜிஎஸ்டி வரி விதிப்பு மாணவ சமூகத்திற்கு பெரும் சுமையாக மாறிவிடும். மாணவர் நலனில் அக்கறை காட்டாமல் வரி வசூலில் மட்டுமே குறியாக இருக்கும் ஒன்றிய அரசுக்கு கடும் கண்டனத்தைத் தெரிவித்துக் கொள்கிறேன்.

மாணவர்கள் பல்கலைக்கழகங்களில் பெறும் சான்றிதழுக்காக விதிக்கப்பட்டுள்ள 18 சதவீத ஜிஎஸ்டி வரி விதிப்பை ஒன்றிய அரசு திரும்பப் பெற வேண்டும் என மனிதநேய மக்கள் கட்சியின் சார்பில் கேட்டு கொள்கிறேன்.

இப்படிக்கு
எம் எச் ஜவாஹிருல்லா
தலைவர்

26/11/2021

மயிலாடுதுறையில் தமுமுக நடத்தும் விழிப்புணர்வு ஆர்ப்பாட்ட களத்தில்
ஆர்ப்பரிக்கும் கண்டன உரையை நிகழ்த்த இருக்கிறார்கள்....

#வழக்கறிஞர்_சரவணபாண்டியன்
மாநில அமைப்பு செயலாளர் மமக

#தர்மபுரி_சாதிக்பாஷா
தலைமை பிரதிநிதி , தமுமுக

வீழ்த்தப்படும் விழுமியங்கள் காக்க,
வீறு கொண்டு வருக...!

அழைக்கிறது...

தமிழ்நாடு முஸ்லிம் முன்னேற்றக் கழகம்
மயிலாடுதுறை மாவட்டம்

25/11/2021

#கடந்து_வந்த_கரடு_முரடான
#பாதைகளை_நினைவு_கூறுவோம்.....

1995 ல் பாபர் மசூதி இடிக்கப்பட்டதை கண்டித்தும், பல்வேறு கோரிக்கைகளை வலியுறுத்தியும் #தமுமுக சார்பாக சென்னையில் பேரணி நடத்தப்பட்டது.

27 ஆண்டுகளாக பாபர் மசூதி மீட்புக்கு தொடர் போராட்டம், ஆர்பாட்டங்களை செய்து கொண்டிருக்கும் தமுமுக இந்தாண்டு 2021 டிசம்பர் 6 விழிப்புணர்வு ஆர்ப்பாட்டத்தை அறிவித்திருக்கிறது.

22/11/2021

இன்னாலில்லாஹி வ இன்ன இலைஹி ராஜிவூன்

தமுமுக மாநில தொண்டரணி துணை செயலாளர் ாகுல்ஹமீது அவர்களின் பெரிய தகப்பனார் ்கரியா அவர்கள் இறைவனின் அழைப்பை ஏற்றுக் கொண்டார்கள் அன்னாரது மறுமை வாழ்வை எல்லாம் வல்ல அல்லாஹ் சிறப்பாக்கி தந்தருள்வானாக 🤲 ...

ஜனாஸா நல்லடக்கம் இன்று 22.11.2021 திங்கள் மாலை 4.30 மணியளவில் #திருப்பூண்டியில் நடைபெறும்...

22/11/2021

ஏக இறைவன் திருப்பெயரால் ...

*(நேற்று) 21.11.2021 - ஞாயிறு*

மயிலாடுதுறை மாவட்ட *தமுமுக - மமக செயற்குழு கூட்டம் மாவட்ட தலைவர் O.ஷேக் அலாவுதீன்* அவர்கள் தலைமையில் நடைபெற்று முக்கிய தீர்மானங்கள் நிறை வேற்றப்பட்டது...

செயற்குழு கூட்டத்தில் நிறைவேற்றப்பட்ட தீர்மானங்கள்...

★ *டிச-6* தலைமை அறிவித்துள்ள விழிப்புணர்வு ஆர்ப்பாட்டம் மாவட்ட தலைநகர் மயிலாடுதுறையில் நடத்துவது அதற்க்கான அழைப்பு பணிகளாக சுவரொட்டிகள் , துண்டு பிரசுரம் உள்ளிட்டவைகள் அச்சடித்து மாவட்டம் முழுவதும் உள்ள *நகரம் ,ஒன்றியம் கிளைகள் மற்றும் ஊர் ஜமாத்தார்கள், பொது மக்கள் அனைவருக்கும்* அழைப்பு விடுத்து ஆர்ப்பாட்ட களத்திற்க்கு பெருந்திரள் கூட்டத்தை திரட்டுவது ....

★★ எதிர் வரும் உள்ளாட்சி தேர்தலில் *சீர்காழி , மயிலாடுதுறை,ஆகிய நகராட்சியிலும் , *வைத்தீஸ்வரன் கோவில், குத்தாலம்,தரங்கை * உள்ளிட்ட பேரூராட்சி தேர்தலில் திமுக கூட்டணியில் *மனிதநேய மக்கள் கட்சி* சார்பாக வேட்பாளர்களை நிறுத்தி களம் காண்பது ...

★★★ மயிலாடுதுறை மாவட்டத்தில் இயங்கி வரும் தமுமுக *ஆம்புலன்ஸ்* கணக்குகளை கண்காணிக்க மாவட்ட தலைவர் தலைமையில் தனித் தனி குழு அமைக்கப்பட்டது *சீர்காழி பழைய ஆம்புலன்ஸை விற்று புதிய ஆம்புலன்ஸ் வாங்குவதற்க்கு குழுவிற்க்கு அதிகாரம் வழங்கப்பட்டது மேலும் சீர்காழி ஆம்புலன்ஸ் கணக்கை 2022 மார்ச் 31 க்குள்* சமர்ப்பிக்க வேண்டும் என தீர்மானம் நிறைவேற்றப்பட்டது...

இக்கூட்டத்தில் *செயற்குழு உறுப்பினர்கள்*

*O.ஷேக் அலாவுதீன்*
மாவட்ட தலைவர்

*PSM.புஹாரி*
மாநில செயற்குழு உறுப்பினர்

*SSA.பக்கர்*
மாநில செயற்குழு உறுப்பினர்

*I.முபாரக்*
தலைமை செயற்குழு உறுப்பினர்

S.சாகுல்ஹமீது*
மாநில தொண்டரணி

*P.M.பாசித்*
தமுமுக மாவட்ட செயலாளர்

*AR.முபாரக் அலி*
மமக மாவட்ட செயலாளர்

*M.அப்துல் கபூர்*
மாவட்ட தமுமுக து.செயலாளர்

*T.மிஸ்பாவுதீன்*
மாவட்ட மமக து.செயலாளர்

*H.சலாஹுதீன்*
மாவட்ட விவசாய அணி செயலாளர்

*M.H.ரியாஜ்தீன்*
மாவட்ட IPP செயலாளர்

*S.நாசர்*
மாவட்ட இளைஞரணி செயலாளர்

*M.இலியாஸ்*
மாவட்ட வர்த்தக அணி செயலாளர்

*K.முஹம்மது ரபீக்*
மயிலாடுதுறை ஒன்றிய தலைவர்

*A.பைஜுர்*
மயிலாடுதுறை நகர செயலாளர்

*M.ஹிதயத்துல்லா*
தரங்கை பேரூர் தலைவர்

உள்ளிட்டோர்
கலந்து கொண்டு தீர்மான புத்தகத்தில் கையொப்பம் இட்டு கூட்டத்தை நிறைவு செய்தனர் ....

20/11/2021

அனைத்து இஸ்லாமிய இயக்கங்கள் கட்சிகள் கூட்டமைப்பு ஆலோசனை கூட்டம்

தமிழ்நாடு அனைத்து இஸ்லாமிய அமைப்புகள் மற்றும் அரசியல் கட்சிகள் கூட்டமைப்பின் கூட்டம் தலைவர் மௌலானா P.A.காஜா முயீனுத்தீன் பாக்கவீ ஹழ்ரத் தலைமையில் நடைபெற்றது.இதில் தமுமுக மமக தலைவர் பேராசிரியர் எம்.எச்.ஜவாஹிருல்லா MLA மமக பொதுச்செயலாளர் ப.அப்துல்சமது MLA தமுமுக மமக துணைத்தலைவர் பி.எஸ்.ஹமீது ஆகியோர் கலந்து கொண்டார்கள்

இக்கூட்டத்தில் கீழ்க்கண்ட தீர்மானங்கள் நிறைவேற்றப்பட்டன.

1. நீண்ட கால முஸ்லிம் சிறைவாசிகள் குறித்த சிரமங்களை மிகுந்த கவலையுடன் பேசப்பட்டு முக்கிய முடிவுகள் எடுக்கப்பட்டது.

2.அதுபோல் நகர்ப்புற உள்ளாட்சி மறு வரையறையில் செய்யப்பட்டுள்ள குளறுபடிகள் மற்றும் சமுதாய பிரச்சனைகள் குறித்து பேசப்பட்டு முக்கிய முடிவுகள் எடுக்கப்பட்டது.

20/11/2021

பேரறிஞர் அண்ணா பிறந்த நாளை முன்னிட்டு வாழ்நாள் சிறைவாசிகள் விடுதலை: தமிழக அரசின்
அரசாணை ஏமாற்றம் அளிக்கின்றது

கருணையுள்ளதுடன் முதலமைச்சர் மறு பரிசீலனை செய்ய வேண்டும்

தமிழ்நாடு முஸ்லிம் முன்னேற்றக் கழகத்தின் தலைவர் பேராசிரியர் எம் எச் ஜவாஹிருல்லா வெளியிடும் அறிக்கை

பேரறிஞர் அண்ணா பிறந்த நாளை முன்னிட்டு வாழ்நாள் சிறைவாசிகள் விடுதலை குறித்துக் கடந்த நவம்பர் 15 அன்று தமிழக அரசின் உள்துறை வெளியிட்டுள்ள அரசாணை எண் 488 பெரும் ஏமாற்றத்தையும் அதிர்ச்சியையும் அளித்துள்ளது.

20 ஆண்டுகளுக்கு மேலாக வாழ்நாள் சிறைவாசம் அனுபவித்து வரும் சிறைவாசிகள் குறிப்பாக முஸ்லிம் சிறைவாசிகள் இந்த அரசாணையில் குறிப்பிடப்பட்டுள்ள நிபந்தனைகளின் அடிப்படையில் விடுதலை பெறுவதற்கான வாய்ப்பே இல்லை என்ற நிலை உருவாக்கப்பட்டுள்ளது.

தற்போது வெளியிடப்பட்ட அரசாணைகளில் வாழ்நாள் சிறைவாசிகள் முன் விடுதலைக்கான நிபந்தனைகளில் வகுப்புவாத/மத மோதல்களில் ஈடுபட்டு கைதானவர்கள் முன் விடுதலை பெற இயலாது என்று குறிப்பிடப்பட்டுள்ளது.

கடந்த காலங்களில் வாழ்நாள் முஸ்லிம் சிறைவாசிகள் விடுதலையில் காட்டப்பட்ட பாரபட்சமில்லாமல் இந்த அரசு கருணையுடன் விடுதலை செய்யும் என்று நம்பியிருந்த வாழ்நாள் சிறைவாசிகள் மற்றும் அவர்களது குடும்பத்தினர் மட்டுமில்லாமல் மொத்த சமூகத்திற்கும் இந்த அரசாணை பெரும் ஏமாற்றத்தையும் அதிர்ச்சியையும் விரக்தியையும் அளித்துள்ளது.

நவம்பர் 15, 2021 அன்று தமிழக அரசு வெளியிட்டுள்ள அரசாணை எண் 488 விதிக்கும் நிபந்தனைகளின் அடிப்படையில் ஏழு தமிழர்களின் விடுதலையும் கேள்விக்குறியாகியுள்ளது.

நடைபெற்ற குற்றத்திற்கு குற்றவியல் நடைமுறைச் சட்டத்தின் பிரிவுகளின் அடிப்படையில் தான் குற்றஞ்சாட்டப்பட்டவர்கள் தண்டனை பெறுகின்றார்கள். இப்படி தண்டனை பெற்றவர்களை அவர்கள் சார்ந்த மதங்களுடன் தொடர்புப்படுத்தி வகைப்படுத்துவதற்குச் சட்டத்தில் இடம் இல்லை. எனவே வகுப்புவாத/மத மோதல்கள் எனக் காரணம் கற்பித்து 20 ஆண்டுகளுக்கும் மேலாகச் சிறைவாசம் அனுபவித்தவர்களுக்கு முன் விடுதலையை மறுத்திருப்பது பெரும் வேதனையை அளித்துள்ளது. மேலும் நீண்ட காலம் வாழ்நாள் சிறைவாசம் அனுபவித்து வரும் முஸ்லிம் சிறைவாசிகள் யாரும் பயங்கரவாத தடைச் சட்டங்களின் அடிப்படையில் கைது செய்யப்படவில்லை என்பதும் கவனிக்கத்தக்கது.

அரசமைப்பு சட்டத்தின் விதி 161 மாநில அரசுக்கு முன் விடுதலைக்கு நிபந்தனையற்ற உரிமையை அளித்துள்ளது. இந்த விதியை பயன்படுத்தி உடனடியாக தமிழக சிறைச்சாலைகளில் 20 ஆண்டுகளுக்கும் மேலாக வாழ்நாள் சிறைவாசம் அனுபவித்துள்ள முஸ்லிம் சிறைவாசிகள் உட்பட அனைவருக்கும் பொது மன்னிப்பு வழங்கி முன் விடுதலை செய்ய புதிய அரசாணையைத் தமிழக அரசு வெயிட கருணை உள்ளம் மிகுந்த மாண்புமிகு தமிழக முதலமைச்சர் ஆவன செய்ய வேண்டும் என்று கேட்டுக் கொள்கிறேன்.

2௦ ஆண்டுகளுக்கு மேலாகச் சிறைவாசம் அனுபவித்து முதுகலைப் பட்டங்கள் வரை பெற்று சீரிய முறையில் சீர்திருத்தம் பெற்றுள்ள நிலையில் விடுதலைச் செய்யப்படும் முஸ்லிம் சிறைவாசிகள் இனி எவ்வித குற்றச் செயலிலும் ஈடுபட மாட்டார்கள் என்று உத்தரவாதம் அளிக்கின்றேன்.

இப்படிக்கு
எம் எச் ஜவாஹிருல்லா
தலைவர்

19/11/2021

தொடரும் தமுமுகவின்
ஆம்புலன்ஸ் அர்ப்பணிப்பு

திருவள்ளூர் கிழக்கு மாவட்டம் அம்பத்தூர் நகரத்தில் தமுமுகவின் சார்பில் ஆம்புலன்ஸ் அர்ப்பணிப்பு நிகழ்ச்சி 18.11.2021 (வியாழன்) நடைபெற்றது.

இதில் அனைத்து சமுதாய மக்களின் பயன்பாட்டிற்கு ஆம்புலன்ஸை அர்ப்பணித்து தமுமுக-மமக
தலைவர் பேராசிரியர் எம்.எச்.ஜவாஹிருல்லா MLA அவர்கள் சிறப்புரையாற்றினார்கள்.
தமுமுக மாநிலத்துணைத்தலைவர் பி.எஸ்.ஹமீது தலைமை நிர்வாக குழு உறுப்பினர் ஆர்.எம்.அனிபா
அம்பத்தூர் சட்ட மன்ற உறுப்பினர் ஜோசப் சாமுவேல் மமக மாநில துணைப்பொதுச்செயலாளர் தாம்பரம் யாக்கூப் மருத்துவ சேவை அணி மாநில பொருளாளர் கலீல் ரஹ்மான் மமக மாநில இளைஞர் அணிச்செயலாளர் புழல் சேக், கலந்து கொண்டு வாழ்த்துரை வழங்கினார்கள்...

இந் நிகழ்ச்சியில் திருவள்ளூர் கிழக்கு மாவட்ட,நகர,ஒன்றிய,கிளை நிர்வாகிகளும்,ஜமாத்தார்களும், பெருமளவில் கலந்துக்கொண்டனர்...

புகழனைத்தும் இறைவனுக்கே..!

19/11/2021

மூன்று வேளாண் சட்டங்களையும் திரும்பப்பெறும் ஒன்றிய அரசின் முடிவு
அல்லும் பகலும் தொடர்ந்த அறவழிப் போராட்டத்தின் அபார வெற்றி
மனிதநேய மக்கள் கட்சியின் தலைவர் பேராசிரியர் எம் எச் ஜவாஹிருல்லா வெளியிடும் அறிக்கை

இந்தியாவின் முதுகெலும்பே விவசாயம் தான் என்றார் தேசத்தந்தை மகாத்மா காந்தி. விவசாயிகளின் நலனில் அக்கறை கொள்ளாமல் விவசாயிகளிடம் கருத்துக் கேட்காமல் விவசாயத்தையும் விவசாயிகளையும் கார்ப்ரெட்களிடம் அடகு வைக்கும் நோக்கில் இயற்றப்பட்ட மூன்று வேளாண் சட்டங்களைத் திரும்பப் பெறுவதாகப் பிரதமர் மோடியின் இன்றைய அறிவிப்பு அறவழியில் அல்லும் பகலும் சளைக்காமல் போராடிய விவசாயிகளுக்குக் கிடைத்துள்ள அபாரமான வெற்றியாகும்.
இம்மூன்று வேளான் சட்டங்களை எதிர்த்து நாடு முழுவதும் விவசாயிகள் எதிர்ப்பு தெரிவித்து போராட்டங்களை நடத்தினர். டெல்லியில் ஒன்றிய அரசின் பல்வேறு அடக்குமுறைக்கு அஞ்சாமல் விவசாயிகள் அறவழியில் கடும் போராட்டங்களைக் கடந்த ஆண்டு நவம்பர் 26 அன்று முன்னெடுத்தனர். கடும் குளிரிலும், கொடும் வெட்பத்திலும் கொரோனா அச்சுறுத்தலிலும் மனம் தளராமல் தலைநகர் டெல்லி எல்லையில் விவசாயிகள் போராடி வந்தனர். இந்திய வரலாற்றில் மட்டும் அல்ல உலக வரலாற்றில் உரிமைகளுக்காக நடத்தப்பட்ட உன்னத போராட்டமாக விவசாயிகளின் போராட்டம் அமைந்தது. மக்கள் உணர்வுகளுக்கு எதிராகவும் நலன்களுக்கு எதிராகவும் சட்டங்களை இயற்றி வரும் பிரதமர் மோடியின் சர்வாதிகார போக்கிற்கு விவசாயிகள் தங்கள் உன்னத போராட்டத்தின் மூலம் தகுந்த பாடத்தைக் கற்பித்துள்ளனர்.
பிரதமர் மோடி அவர்கள் மூன்று வேளான் சட்டங்களும் திரும்பப் பெறப்படுகின்றன என்ற அறிவிப்பை நடைமுறைக்குக் கொண்டு வரும் வகையில் வரும் நாடாளுமன்றக் கூட்டத் தொடரில் மூன்று வேளான் சட்டங்களும் ரத்து செய்யப்படுகின்றன என்ற சட்டம் நிறைவேற்றப்பட வேண்டும் என்ற போராடும் விவசாயிகளின் கோரிக்கையும் நிறைவேற்றப்பட வேண்டும்மக்களின் உண்மையான போராட்டம் சர்வாதிகாரத்தையும் அடிபணிய வைக்கும் என்பதற்கு மூன்று வேளாண் சட்டங்களும் ரத்து என்ற பிரதமர் மோடியின் அறிவிப்பு மற்றொரு எடுத்துக்காட்டாக அமைந்துள்ளது. விவசாயிகளின் அறவழிப் போராட்டத்தைத் திசை திருப்ப ஒன்றிய அரசு எடுத்த அத்தனை முயற்சிகளும் தோல்வியில் முடிந்தன. விவசாயிகளின் போராட்டத்திற்கு இமாலய வெற்றி கிடைத்துள்ளது.
இந்த மூன்று வேளாண் சட்டங்களை ஆதரித்த அதிமுகவிற்கும் விவசாயிகள் மறைமுகமாகப் பாடம் புகட்டி உள்ளனர் என்றே கருதலாம்.
விவசாயிகளுக்கு ஆதரவாகக் குரல் கொடுத்த களம் கண்ட அத்துணை அரசியல் கட்சிகள் இயக்கங்கள் மற்றும் பல்வேறு சட்டமன்றங்களில் கண்டித்து தீர்மானம் இயற்றிய ஜனநாயக சக்திகள் உள்ளிட்ட அனைவருக்கும் மனிதநேய மக்கள் கட்சியின் சார்பில் நெஞ்சம் நிறைந்த வாழ்த்துக்களை தெரிவித்துக் கொள்கிறேன்.
பிரதமர் மோடியின் பிடிவாத போக்கினால் வேளாண் சட்டத்திற்கு எதிராக நடைபெற்ற போராட்ட களத்தில் உயிர் நீத்த 700க்கும் மேற்பட்ட விவசாயிகள் அனைவருக்கும் கணிசமான இழப்பீடு ஒன்றிய அரசு வழங்க வேண்டும் என்று கேட்டுக்கொள்கிறேன்.
மத்திய அரசு கொண்டுவந்த குடியுரிமை திருத்தச் சட்டம் மற்றும் காஷ்மீர் மாநிலத்திற்குச் சிறப்பு அந்தஸ்து விளக்குதல் மின்சார சட்டம் அரசு நிறுவனங்களைத் தனியார் மயமாக்கல் முதலிய மக்கள் விரோத சட்டங்களையும் திரும்பப் பெற வேண்டும் என ஒன்றிய அரசைக் கேட்டுக்கொள்கிறேன்

இப்படிக்கு
எம் எச் ஜவாஹிருல்லா
தலைவர்

19/11/2021

விசாயிகளின் கடும் போராட்டங்களினால் விவசாய சட்டம் வாபஸ் என்ற செய்தி மக்களின் கடும் போராட்டங்களினால் மக்கள் விரோத சட்டங்கள் வாபஸ் பெற வைக்கலாம் என்ற உந்துத்தலை ஏற்படுத்தி இருக்கிறது - பேரா.எம்.எச்.ஜவாஹிருல்லா,தலைவர்,மனிதநேய மக்கள் கட்சி.

18/11/2021

சின்ன ஒரு காலண்டர் குறியீடுக்கே பொங்கி எழுகின்றீர்கள்? எத்தனை எத்தனை படங்களில் இஸ்லாமியர்கள் மற்றும் தலித்களை தவறாக காண்பித்துருப்பீர்கள்?

வெளுத்து வாங்கும் பிரபல எழுத்தாளர் தமுமுக புதுமடம் ஹலீம்

*

17/11/2021

தமிழ்நாட்டில் கோட்சே நினைவேந்தல் நடத்தியவர்களை கைது செய்து கடும் நடவடிக்கை எடுக்க வேண்டும்

மனிதநேய மக்கள் கட்சியின் தலைவர் பேராசிரியர் எம் எச் ஜவாஹிருல்லா வெளியிடும்அறிக்கை

தேசத்தந்தை மகாத்மா காந்தியைப் படுகொலை செய்த கோட்சே 1949 நவம்பர் 15ல்குற்றம் நிரூபிக்கப்பட்டு அரியானா மாநிலம் அம்பாலா சிறையில் தூக்கிலிடப்பட்டான்.

காந்தியடிகள் படுகொலை செய்யப்பட்டதை அறிந்து மிகவும் வேதனை அடைந்துஇந்திய நாட்டிற்குக் காந்தி தேசம் என்று பெயர் வைக்க வேண்டும் என்று தந்தை பெரியார்அவர்கள் கோரிக்கை வைத்தார். அந்த அளவிற்கு மகாத்மா காந்தியைப் போற்றும் தமிழகமண்ணில் கோட்சே தூக்கிலிடப்பட்ட தினத்தில் திருப்பூர் சிவசேனா அலுவலகத்தில்யுவ சேனா அமைப்பின் சார்பில் வீரவணக்க நாள் கொண்டாடி இருப்பது வன்மையாகக்கண்டிக்கத்தக்கது.

சமூக அமைதிக்குக் குந்தகம் விளைவிக்கும் வகையிலும் தமிழகத்தின் சமூக நல்லிணக்கபண்பாட்டுக் கூறுகளைச் சிதைக்கும் வகையிலும் நடத்தப்பட்ட இந்தக் கூட்டம்தமிழகத்தின் தத்துவார்த்த சிந்தனையைச் சிதைக்கும் முயற்சியாகும்.

இக்கூட்டத்தில் பங்கேற்ற அனைவரையும் கடும் பிரிவுகளின் கீழ் கைது செய்யப்படவேண்டும். தமிழகத்தில் இது போன்ற செயலை இனி யாரும் செய்யக்கூடாது என்கிறஉணர்வைத் தமிழக அரசும் காவல்துறையும் ஏற்படுத்த வேண்டும் என்று மனிதநேய மக்கள்கட்சியின் சார்பில் கேட்டுக்கொள்கிறேன்.

இப்படிக்கு
எம் எச் ஜவாஹிருல்லா
தலைவர்

17/11/2021

இன்னா லில்லாஹி வ இன்னா இலைஹி ராஜிவூன்.

காரைக்கால் மாவட்ட தமுமுக செயலாளர் அன்பிற்கினிய சகோ.G.கமால் ஹுசைன் அவர்கள்
இறைவன் அழைப்பை ஏற்றார்கள்...

எல்லாம் வல்ல அல்லாஹ்... அன்னாரின் பிழை பொறுத்து அவரது மறுமை வாழ்வை சிறப்பாக்கித் தந்தருளவும்...
அன்னாரின் குடும்பத்தினருக்கு அழகிய பொறுமையையும் ஆறுதலையும் தந்தருள்வானாக...

துஆக்களுடன்...

17/11/2021

இலங்கை படகு மோதி உயிரிழந்த மீனவர் குடும்பத்தாரை சந்தித்து ஆறுதல் கூறிய பேரா.ஜவாஹிருல்லா

புதுக்கோட்டை மாவட்டம் கோட்டைப் பட்டினம் சேர்ந்த மீனவர் இலங்கை படகு மோதலில் இறந்த ராஜ்கிரண் அவர்களின் குடும்பத்தை தமுமுக-மமக தலைவர் பேராசிரியர்.எம்.எச்.ஜவாஹிருல்லாஹ் . எம்எல்ஏ அவர்கள் சந்தித்து ஆறுதல் கூறினார்.மாநிலச் செயலாளர் தொண்டி சாதிக் பாட்சா,மமக மாநில மீனவர் அணி செயலாளர் செய்யது, புதுக்கோட்டை கிழக்கு மாவட்ட பொறுப்பு குழு தலைவர் வழக்கறிஞர் ஷேக் மற்றும் நகர நிர்வாகிகள் உடனிருந்தனர்...

16/11/2021

பாபரிமஸ்ஜித் பயங்கரவாதிகளால் இடிக்கப்பட்ட டிச.6 கறுப்புநாளில்,

மனிதநேயம் காக்க…!
மதவெறி சாய்க்க…!
நீதியின் தேசத்தை மீட்க..!

மாவட்ட தலைநகரங்களில்

மாபெரும் விழிப்புணர்வு ஆர்ப்பாட்டம்..!

சரித்திரத்திலிருந்து பெறுவோம் படிப்பினை..
சமகாலத்தில் ஏற்படுத்துவோம் விழிப்பினை..!

ஓரணி சேர்வோம்
உரிமைகள் காப்போம்..!

வீழ்த்தப்படும் விழுமியங்கள் காக்க, வீறுகொண்டு வருக..

அழைக்கிறது,

தமிழ்நாடு முஸ்லிம் முன்னேற்றக் கழகம்
தலைமையகம்
7 வட மரைக்காயர் தெரு
சென்னை 600 001

16/11/2021

அஸ்ஸலாமு அலைக்கும்
★★★★★★★ ★★★★★★★
வாணாதிராஜபுரத்தை சார்ந்த மூதாட்டியை பிள்ளைகள் பேரப்பிள்ளைகளும் நாங்கள் வைத்துகொள்ள மாட்டோம் என கைவிட்ட நிலையில்..

தனியார் தொலைக்காட்சி மற்றும் சமூக வலைதளங்களில் காட்டுத்தீயாக இச் செய்தி பரவியது ...

இதைத்தொடர்ந்து
15-11-2021 (திங்கள்) மஹரிப் (மாலை) தொழுகைக்கு பிறகு

காலை முதல் RDO, தாசில்தார், VAO என அரசு அதிகாரிகள் அந்த தாயாரின் மகனை அழைத்து நீங்கள் பராமரிக்கவில்லை என்றால் அரசு கடும் நடவடிக்கை மேற்கொள்ளும் என எச்சரித்தனர்...

இதனையடுத்து உள்ளூர் ஜமாத்தில் பேசி விரைவாக முடிவெடுத்து தகவலை இன்றே கூற உத்தரவிட்டதின் பேரில் மயிலாடுதுறை வட்டார ஜமாத் மற்றும் அனைத்து இஸ்லாமிய இயக்கங்களின் நிர்வாகிகள் ஒன்றிணைந்து ஆலோசணை மேற்கொண்டனர்...

அந்த தாயாரின் 2மகன்களும் மாறி மாறி 2மாதம் அந்த தாயாரை ஆயுள் உள்ள வரை வைத்து பராமரிக்க வேண்டும் எனவும்,அவசரகாலம் எனில் அந்த தாயாரின் பேரன் வீட்டில் 10நாட்கள் தங்க வைக்கலாம் எனவும் முடிவெடுத்தனர்....

இதனடிப்படையில் அலிபாதுஷாவின் இல்லத்தில் இருந்த அந்த தாயாரிடம் இந்த நிலைபாட்டை கூறி ஜமாத்தார்கள் அந்த தாயாரை அவரது மகனின் இல்லத்திற்கு அழைத்து சென்றனர்...

இந்நிகழ்வில் ...!

மயிலாடுதுறைமாவட்ட தமுமுக-மமக மாவட்ட தலைவர் O.ஷேக் அலாவுதீன் , தமுமுக மாவட்ட செயலாளர் கூறைநாடு P.முஹம்மது பாசித்
முன்னாள் மாவட்ட தமுமுக மமக தலைவர்A.M ஜுபைர் உள்ளிட்ட தமுமுக -மமக நிர்வாகிகள் உடனிருந்தனர்

மனிதன் சந்திக்கும் பல்வேறு உறவுகளில் மிகமிக முக்கியமான உறவு பெற்றொர் என்ற உறவு தான். அந்த பெற்றோர்களை மதிக்க, பேணுச் சொல்லும் இறைவன், தன்னை வணங்குவதற்கு அடுத்த மிக முக்கியமான கடமையாக இதனை சொல்லிக் காட்டுவதிலிருந்தே இதன் முக்கியத்துவத்தை உணர முடியும்.

وَقَضٰى رَبُّكَ اَلَّا تَعْبُدُوْۤا اِلَّاۤ اِيَّاهُ وَبِالْوَالِدَيْنِ اِحْسَانًا‌ ؕ اِمَّا يَـبْلُغَنَّ عِنْدَكَ الْكِبَرَ اَحَدُهُمَاۤ اَوْ كِلٰهُمَا فَلَا تَقُلْ لَّهُمَاۤ اُفٍّ وَّلَا تَنْهَرْهُمَا وَقُلْ لَّهُمَا قَوْلًا كَرِيْمًا‏

என்னும் இறை வசனத்திற்கேற்ப
பெற்ற தாயை மகனுடன் சேர்த்து வைத்த மன நிறைவுடன் திரும்பினர் தமுமுக- மமக நிர்வாகிகள்...

15/11/2021

பெண்களின் பாதுகாப்பை உறுதி செய்க....

தமிழக அரசுக்கு தமிழ்நாடு முஸ்லிம் மகளிர் பேரவை கோரிக்கை.

பெண்கள் ( சிறுமிகள் உட்பட) மீதான சீண்டல்களும், பாலியல் அத்துமீறல்களும் நாளுக்கு நாள் அதிகரித்து வருவதும் அதன் நீட்சியாக பெண்கள் தற்கொலை செய்து கொள்வதும் சிறுமிகள் படுகொலை செய்யப்படுவதும் வேதனைக்குரியதாகும்.

தமிழகத்தில் குறிப்பாக கடந்த 5 ஆண்டுகளில் பள்ளி வளாகங்களில் பத்மசேஷாத்திரி முதல் கோவை சின்மயா வரை எண்ணற்ற சிறுமிகள் பலியாகி உள்ளனர்.

சென்னை IIT மாணவி பாத்திமா உள்ளிட்ட அனைத்து பெண் பிள்ளைகளின் இறப்புக்கு காரணமான அனைவரும் சட்டத்தின் முன் நிறுத்தப்பட்டு வெளிப்படையான விசாரணை நடத்தப்பட்டு பகிரங்கமாக தண்டனையை தமிழக அரசு வழங்க வேண்டும் என தமிழ்நாடு முஸ்லிம் மகளிர் பேரவை சார்பாக கேட்டுக்கொள்கிறோம்.

தமிழ்நாடு முஸ்லிம் மகளிர் பேரவை - TMMP

15/11/2021

தமுமுக தலைவர் முன்னிலையில் மஜக துணைப் பொதுச்செயலாளர் தமுமுகவில் இணைந்தார்!

தமுமுக தலைவர் பேராசிரியர் எம்.எச்.ஜவாஹிருல்லா முன்னிலையில் மஜக துணைப் பொதுச்செயலாளர் மண்டலம் ஜெயினூலாப்தீன் மஜக-விலிருந்து விலகி தமுமுகவில் தன்னை இணைத்து கொண்டார். அவரின் பணிகள் சிறக்க வாழ்த்துகிறோம்!!

26/03/2022

05/12/2021

04/12/2021

04/12/2021

02/12/2021

01/12/2021

30/11/2021

30/11/2021

29/11/2021

27/11/2021

27/11/2021

26/11/2021

26/11/2021

26/11/2021

25/11/2021

22/11/2021

22/11/2021

20/11/2021

20/11/2021

19/11/2021

19/11/2021

19/11/2021

18/11/2021

17/11/2021

17/11/2021

17/11/2021

16/11/2021

16/11/2021

15/11/2021

15/11/2021

Address

Telephone

Website

Alerts

Videos

@

@

@

S

Shortcuts

Share

Category

Other Media/News Companies in Sirkali

You may also like