01/10/2022
Arnisi arni, inut amonit ajirpo atum pen kahelo a dim telong pen kedamji aphan matha lo. Kedam un tik ahut telong lank along inglim choklo. Kadokave ta apran kachepajokji aphan bor ih lo bonsitame un eh detsi lank jang thei lo bonta la inut abang isi kanglangpang a thenglong along an ingjong si apran chepejoklo. Tomon kethe p*k ajok laso kanglangpang a thenglong aphan isi alanklomso an pondet lo, monit, monor, marat, mareng kave pin a dim. Alang kabor ih oh, chepaduk khrup pen isi a hemso chikimlo. Alang penang an arni ajo dolo lapen thesere kcho pen loksi apok chepangkrang pen, kisung pensi dolo.
Alang amethang ahem asor, jirpi/jirpo aphan kachetong thuji aphan k aning kethe avepinlo. Ajo vangta alang hemso athengno meh pekar bor si amethang abang chepar om² si dolo. Arnisi ajo alang mek jangbom ahut alang meh angtang kethe p*k ajok amek prangdak lo lapen alang thurphlut si alang methang ahemso meh kecho chethek longlo. Alang ning duksi Arnam aphan akoi pi pen hang sarlang si ingtonlo, "Oh Arnam, ne kopisi kaheno ason klem loma nephan la an ng kapesung"?. Nang ne hem asor pen ta nang pachekak dak si lanklomso along do nanglo la anta kali lang nang ne jirpo atum aphan anta pathi laplo. Pisi nephan lason abaha nang kepi lo ma? Ne thilot si keme lo kesung kachechak pen apar te.
Bonsitame puthot adap prang arni vangve aphrang, alang isi atelongso alang long kevang theklonglo. Telong alanglong an ledet pen alang telong kevek along an katsi aning karong pen arjulo. " Koson si nangtum dak an nang kele rok lo"? Badu atelong ta nang kele le pin adimle? Telong kevek abang chethak dunsi pulo, " Tove netum meh akar kethe thek longsi telong meh kecho tinlo lapen kahelo oh ajoine netum men² nangle tong un eh det lo. Puthot netum lanklomso thek longsi, nang me akar pen si netum aphan isi angthek nang long an nang kapale ji aphan si nang me akar akam p**o lo pusi netum matha thulo. Laso amonit karju long pen chiru pen akeng takun ruisi Arnam aphan diya chohanglo lapen alang telong along chethap dunsi puthot Kai ason ahem asor, jirpo/pi pen do thu longlo.
Kacharli nangji ason:-
Aranam itum akisung nang kapejokji aphan ongdung ason klem un. Nang phan nang keklem bom avoreng bate asai pen nang inthan pet tahai bonta Arnam kemesen asai nang piji. Nang jirpo/pi nang oh bub tahai, kaike ta matha ri Arnam nang phan nang oh eh, Alang akeheno ajirpo/pi pen kaike ta nang pejok ji.
Nang Arnam aphan ington ri nang jonghe le sung seta, kaiketa kroi non lapen ning thenon, Alang klem vek ji.
