Reveal Express News

19/07/2023

મહીસાગર જિલ્લામાં આવેલ વીરપુર તાલુકાની રાજેણા પ્રાથમિક શાળાના શિક્ષકની દાદાગીરીનો વિડીયો સામે આવ્યો. તાલુકા વિકાસ અધિકારી વીરપુરને વારંવાર રાજેણા પ્રાથમિક શાળાના શિક્ષણના ભેદ અંગેની ટેલિફોનિક રજૂઆત કરેલી છતાં શિક્ષણમાં કોઈ સુધારો જોવા ન મળતા મીડિયા કર્મીઓ તાલુકા પંચાયત પ્રાથમિક શિક્ષણ ઓફિસરને રજૂઆત કરવા માટે ગયેલા તે અરસામાં અચાનક જ રાજેણા પ્રાથમિક શાળાના આચાર્ય ભવાનસિંહ ખાંટ તેમજ રણજીતપુરા પ્રાથમિક શાળામાં નોકરી કરતા તેમના ભાઈ રણજીતસિંહ ખાંટ શિક્ષણ ઓફિસે આવી પહોંચેલા. શિક્ષણ ઓફિસે આવી પહોંચી ચાલુ રજૂઆતમાં તાલુકા પ્રાથમિક ઓફિસરની હાજરીમાં બંને ભાઈ ઉશ્કેરાઈ જઈ મીડિયાકર્મીને મારી નાખવાની અને જોઈ લેવાની ધમકી આપી હતી એટલું જ નહીં પણ સાથે સાથે વાહિયાત પાયાવિહોણા આક્ષેપો પણ કરતાં હોય એવુ સાફ જોવાં મળ્યું.નાના ભૂલકાઓને પાયાનું શિક્ષણ આપનાર એક શિક્ષકને ગુરુનું રૂપક આપવામાં આવ્યું છે ત્યારે આ શિક્ષક પૂર્વગ્રહ રાખી ઉશ્કેરાઇ રાક્ષસ જેવું રૌદ્રરૂપ ધારણ કરી મીડિયાકર્મી પર ત્રાટકી પડેલા તો નિરક્ષર અને શિક્ષિત વચ્ચેનો ભેદ ન દેખાતા બાળકો પર કદાચ આ શિક્ષક પ્રહાર કરતાં ખટકાશે કે કેમ ? અહીં વાલીઓના મગજમાં ડર ઘૂસી જાય તેવો ખૌફ બતાવનાર શિક્ષક એક શિક્ષક આલમ માટે શર્મશાર કરે તેવી ઘટના સામે કાયદાકીય કાર્યવાહી કરવાની માંગ ઉઠી છે.

અભણ અને મઘ્યમ વર્ગનો બાળકનો વાલી કોઈ બાળકના શિક્ષણ પ્રત્યેની કોઈ રજૂઆત આ સાહેબ જોડે કરવા આવતા હસે તો શુ તેમને સાંભળતા હસે ? યોગ્ય જવાબ આપતા હસે કે પછી એમની સાથે પણ આવું જ મનસ્વી વર્તન કરતા હસે ?
હવે જુઓ શું છે સમગ્ર વિડિયો...

05/07/2023

ખેડા પોલીસકર્મીની દાદાગીરી સામે આવી...

03/07/2023

સ્થળ :- બાલાસિનોર થી ફાગવેલ બાજુ જતાં ખડગોધરાની નજીક ભવાનપૂરા ચોકડી પર કે જ્યા પોલીસ સ્ટેશન બાલાસિનોર, ઠાસરા અને કપડવંજ ત્રણેય પોલીસ સ્ટેશનની હદ લાગતી હોય ત્યાં ક્યાં વિભાગની કઈ પોલીસ છે એ પણ જાણવું મુશ્કેલ છે.

સવારે આશરે 06:40 થી 7:10 ની વચ્ચે માણસો નોકરી કે ધંધા પર જતા હોય છે એ સમયે એક પોલીસ કર્મી દ્વારા ગાડીને રોકવામાં આવે છે અને પૂછપરછ કરવામાં આવે છે. જાગૃત નાગરિક પોતાની ભૂલ સ્વીકારી દંડ ભરવા તૈયાર છે છતાં પણ પોલીસ અધિકારી દ્વારા વધારે પૈસાની માંગણી કરતા જાગૃત નાગરિકે ના પાડી.જાગૃત નાગરિકના ના પાડવાથી પોલીસ અધિકારી ઉશકેરાઈ જઈ ગાડીની ચાવી લઈ લીધી તેમજ બીભત્સ શબ્દોનો પ્રયોગ કરી લડવાનો પ્રયાસ કર્યો. જ્યારે જાગૃત નાગરિક દ્વારા પોતાના સ્વ બચાવ માટે ફોનનો કેમેરો ચાલુ કરવામાં આવે છે તો પોલીસ કર્મી અને તેમની સાથે ઉભેલા બિન વર્ધીમાં જે લોકો હતા તેમના દ્વારા ફોન ઝુટવી લેવામાં આવે છે. બળજબરી અન્ય પોલીસકર્મી દ્વારા બે જાગૃત નાગરિકોને પકડી જે વ્યક્તિની ગાડી હતી તે વ્યક્તિની ગાડીમાં બેસાડીને પોલીસ સ્ટેશન લઈ જવાનો પ્રયાસ કર્યો. જાગૃત નાગરિકોએ જ્યારે પોલીસ અધિકારીને પૂછ્યું કે તમારી નેમ પ્લેટ ક્યાં છે તો એવો જવાબ મળ્યો કે મારું નામ મહેશભાઈ છે અને હું ઉભો છું તો તમારે નેમ પ્લેટ શું કરવી છે ? બીજા સવાલો કરતા પોલીસવાળા એવો જવાબ આપે છે કે અમે તમને બાલાસિનોર પોલીસ સ્ટેશન લઈ જવાના છીએ અને જ્યારે ગાડીમાં બેસાડીને ફરી પૂછે છે તો પોલીસવાળા એવો જવાબ આપે છે કે અમારે ઠાસરા પોલીસ સ્ટેશન લાગે માટે અમે તમને ઠાસરા લઈ જઈએ છીએ. ગાડીમાં વારંવાર બિભત્સ શબ્દોનો ઉપયોગ કરી વધારે પૈસાની માગણી કરવાનો પ્રયાસ કરતા પોલીસ અધિકારીને આવી સત્તા કોણે આપી.જાગૃત નાગરિક પોતાના સ્વ બચાવવા માટે ફોનનો ઉપયોગ કરે છે તો તેની પાસેથી ફોન ઝૂટવી લઈ ઊંધી ફરિયાદમાં ફસાવી દઈશું એવું બોલવાનો અધિકાર કોણે આપ્યો ? જ્યારે જાગૃત નાગરિકે રીવિલ એક્સપ્રેસ ન્યૂઝના તંત્રી ધીરેન્દ્રસિંહ સોલંકીને ફોન કર્યો અને જ્યારે પોલીસને જ સવાલો કરવામાં આવ્યા તો પોલીસ કેમ ફોન કાપીને જાગૃત નાગરિકોને વચ્ચે મૂકીને ભાગી ગઈ ? જ્યારે રીવિલ એક્સપ્રેસ ન્યૂઝના તંત્રીએ પોલીસ કર્મી સાથે વાત કરી તો ફોન કાપીને તરત જ નાગરિકના ફોનમાંથી ઉતારેલ વિડીયો ડીલીટ કરી રિસાયકલી બીનમાંથી વિડીયો કાઢી ફોન પરત આપી સ્વ બચાવ માટે કેમ વચ્ચે મૂકીને ભાગી ગયા. આ રીતે ખાખીનો પાવર બતાવી બળજબરી વ્યક્તિને કિડનેપ કરતા હોય એ રીતે પકડી લઈ જઈ પોલીસ કર્મી શું સાબિત કરવા માંગે છે ? હવે અહીં જોવું એ રહ્યું કે આ પોલીસ કર્મી વિરુદ્ધ કોઈ કાયદેસરની કાર્યવાહી થાય છે કે પછી કેમ ?

22/04/2023

01/04/2023

આખરે ચંદ્રિકાબેનનો હત્યારો મળી ગયો.
છેલ્લાં 14 દીવસ જેટલો સમય વીત્યા બાદ પણ આરોપી પોલીસ પકડ થી દુર હતો.
મહીસાગર લોકલ ક્રાઈમ બ્રાન્ચ દ્વારા આરોપીની અટકાયત કરવામાં આવી.
મૂળ મધ્ય પ્રદેશના જીતેન્દ્ર ઉર્ફે જીતુ નામક આરોપીની અટકાયત કરવામાં આવી.

રિપોર્ટર :- ભૌમિક પટેલ

27/03/2023

મહીસાગરના વિરપુર તાલુકામાં આવેલ નૂરપુર આગળ સુજલામ સુફલામ કેનાલમાંથી યુવક અને યુવતી નું મૃતદેહ મળી આવ્યો

રિપોર્ટર:-નાથુસિંહ પરમાર

22/03/2023

મહીસાગર જિલ્લામાં આવેલ કારંટા ઉર્ષના મેળામાં એક એવી ઘટના બની છે જે જાણીને આપ આશ્ચર્યચકિત થઈ જશો. નાના ખાનપુરના ચમાર ફળિયામાં રહેતી યુવતી ચંદ્રિકાબેન જેવો ગત સપ્તાહે કારંટા ઉર્ષના મેળામાં ગયા હતા. ઊર્ષના મેળામાં ગયા બાદ તેઓ પરત ન ફરતા ઘરના લોકો ચિંતામાં પડી ગયા. અંતે ચંદ્રિકાબેન ના ગુમ થયાની જાણ બાકોર પોલીસને થતા બાકોર પોલીસે શોધખોળ ચાલુ કરી. શોધખોળના ભાગરૂપે ગતરોજ કારંટા પાણી પુરવઠાની ટાંકી પાસે મહીસાગર નદીમાં તણાઈને આવેલ તેમજ શેવાળમાં ભરાયેલો એક કોથળો મળી આવ્યો. જ્યારે આ કોથળામાં મૃતદેહ છે તેવી પોલીસને જાણ થતાં તાબડ તોબ પોલીસ ઘટના સ્થળે દોડી આવી તેમજ તલાશ કરતા જાણવા મળ્યું કે આ કોથળામાં અગાઉ ગુમ થયેલા ચંદ્રિકાબેન નો મૃતદેહ છે. આ ઘટના અંગે ગામ અને પરિવારમાં ચકચાર મચી જવા પામી છે ત્યારે આ વાતને લઈ સમગ્ર પંથક શોકની લાગણીમાં છવાઈ ગયું છે.એક તરફ એવી પણ આશંકાઓ સેવાઈ રહી છે કે કોઈ અજાણ્યા ઈસમ દ્વારા ચંદ્રિકાનું અપહરણ કરી મોતને ઘાટ ઉતારી દેવામાં આવી તેમજ પુરાવાનો નાશ કરવાના બદઇરાદે આમ ફેંકી દીધી હોય.

21/03/2023

સુભાષભાઈ ભવનભાઈ પરમારનું અકસ્માત સર્જાતા ઘટના સ્થળે જ મોત નિપજ્યું હતું.
બાઈકસવાર સાથે નીલગાય ભટકાઈ જવાથી અક્સ્માત સર્જાયો હતો.

20/03/2023

“સુખ આપણી પાસે જે છે તેના પર નિર્ભર નથી, પરંતુ તે આપણી પાસે જે છે તેના પ્રત્યે આપણે કેવું અનુભવીએ છીએ તેના પર નિર્ભર છે. આપણે થોડામાં સુખી અને ઘણું કરીને દુઃખી રહી શકીએ છીએ."

20/03/2023

ચકલી(Sparrow) હાલ તેના અસ્તિત્વ માટે ઝઝુમી રહી છે. ચકલીની પ્રજાતિની સંખ્યામાં દિવસેને દિવસે ઘટાડો થઈ રહ્યો છે. જે ચિંતાનો વિષય બન્યો છે. હવેના સમયમાં જો ચકલી(Sparrow)ને બચાવવાના પ્રયાસો નહિ કરીએ તો ભાવિ પેઢીને માત્ર પાઠયપુસ્તકોમાં જોવા મળે તો નવાઈ નહિ. પક્ષીઓને બચાવો.

13/02/2023

04/02/2023

જ્યારે લાલ કૃષ્ણ અડવાણી રામાપીરના ટેકરા પર આવ્યા અને કહ્યું, "વાહ યા જમીન તો બહોત અચ્છી હૈ" સાંભળો, પુરીબેનના મોઢે એ ઘટનાની રજૂઆત.

#ગુજરાત શિક્ષણ પરિષદ

03/02/2023

મહીસાગર જિલ્લાના દેવ ચોકડી પાસે બનાવેલ ગટરલાઇનથી સ્થાનિકો પરેશાન....
દેવ ચોકડી ના 3 કિલોમીટરના ગાળામાં ધારાસભ્ય તેમજ સાંસદ રહે છે...

02/02/2023

બાલાસિનોર તાલુકાના જેઠોલી ગામના સરપંચ દિપક પંચાલે ગામમાં યોજાયેલ ડે નાઈટ વોલીબોલ ટુર્નામેન્ટના આયોજનનું ઉદ્ઘાટન કર્યું હતું. ગામના સરપંચ દીપક પંચાલે ટુર્નામેન્ટ માટે લાઈટિંગ તેમજ જરૂરી સમાન માટે ₹51000ની ખાસ સહાય પણ કરી હતી.

રિપોર્ટર:- ભૌમિક પટેલ

01/02/2023

Breaking news

01/02/2023

બાલાસિનોર નગરપાલિકામાં એમજીવીસીએલ એકશનમાં આવી હોય એમ જણાય રહ્યું છે. એમજીવીસીએલ દ્વારા બાલાસિનોર નગરપાલિકા વિસ્તારોમાં જેમના દ્વારા વિવિધ વપરાશ બિલ ભરવામાં આવ્યું નથી તેવા જોડાણ કાપવામાં આવ્યા હતા.

રિપોર્ટર:-BHAUMIK PATEL