People24x7.com

People24x7.com Contact information, map and directions, contact form, opening hours, services, ratings, photos, videos and announcements from People24x7.com, Media/News Company, kollam, Punalur.

17/01/2026

പുനലൂർ : ചെമ്മന്തൂരിൽ തോട്ടിൽ യുവാവിനെ മരിച്ച നിലയിൽ കണ്ടെത്തി .പുനലൂർ ശ്രീ നാരായണ കോളേജിന് മുന്നിലെ തോട്ടിൽ ഷിജു എന്ന യുവാവിനെ മരിച്ച നിലയിൽ കണ്ടെത്തി .ശരീരത്തിൽ മുറിവുകൾ ഏറ്റിട്ടുണ്ട് .മരണകാരണം വ്യക്തമല്ല .

വിസ്മയ കേസ് പ്രതി കിരണ്‍കുമാറിന് മര്‍ദനം, അടിച്ച് താഴെയിട്ട് മൊബൈല്‍ ഫോണ്‍ കവര്‍ന്നു; നാല് പേര്‍ക്കെതിരെ കേസ് കൊല്ലം:വിസ...
16/01/2026

വിസ്മയ കേസ് പ്രതി കിരണ്‍കുമാറിന് മര്‍ദനം, അടിച്ച് താഴെയിട്ട് മൊബൈല്‍ ഫോണ്‍ കവര്‍ന്നു; നാല് പേര്‍ക്കെതിരെ കേസ്

കൊല്ലം:വിസ്മയ കേസ് പ്രതി കിരണ്‍ കുമാറിനെ (34) വീട് കയറി ആക്രമിച്ച സംഭവത്തില്‍ നാലു പേര്‍ക്കെതിരെ ശൂരനാട് പൊലീസ് കേസെടുത്തു. ശാസ്താം കോട്ട പോരുവഴി അമ്പലത്തുംഭാഗം ശാസ്താംനടയിലെ വീട്ടിലാണ് മര്‍നമുണ്ടായത്. രാത്രി എട്ട് മണിക്കാണ് സംഭവം.

കണ്ടാല്‍ അറിയുന്ന നാല് പേര്‍ക്കെതിരെയാണ് വിവിധ വകുപ്പുകള്‍ ചുമത്തി കേസെടുത്ത് അന്വേഷണം നടക്കുകയാണ്. എന്നാല്‍ ഈ സംഭവത്തിന് വിസ്മയ കേസുമായി ബന്ധമില്ലെന്നാണ് പൊലീസ് പറയുന്നത്. റോഡിലൂടെ നടന്നു പോവുകയായിരുന്ന നാല് യുവാക്കള്‍ വിസ്മയ കേസിന്റെ കാര്യം പറഞ്ഞ് പ്രകോപനമായി സംസാരിക്കുകയും വീടിന് മുന്നില്‍ വെച്ചിരുന്ന വീപ്പകളില്‍ അടിക്കുകയും വെല്ലുവിളിക്കുകയും ചെയ്തു. ആ സമയത്ത് പുറത്തേയ്ക്ക് എത്തിയ കിരണിനെ മര്‍ദിക്കുകയായിരുന്നു. അടിച്ച് താഴെയിട്ട ശേഷം മൊബൈല്‍ ഫോണ്‍ കവര്‍ന്നു. മുമ്പും യുവാക്കളുടെ സംഘങ്ങള്‍ ബൈക്കുകളില്‍ വീടിന് മുന്നിലെത്തി വെല്ലുവിളി നടത്തിയിരുന്നു.
നിലമേല്‍ കൈതോട് സ്വദേശിയും ബിഎഎംഎസ് വിദ്യാര്‍ഥിയുമായിരുന്ന വിസ്മയ(24) സ്ത്രീധന പീഡനത്തെത്തുടര്‍ന്ന് 2021 ജൂണ്‍ 21 ന് ഭര്‍തൃവീട്ടില്‍ ജീവനൊടുക്കിയ കേസിലാണ് ഭര്‍ത്താവായ മുന്‍ അസിസ്റ്റന്റ് മോട്ടോര്‍ വെഹിക്കിള്‍ ഇന്‍സ്‌പെക്ടര്‍ കിരണ്‍ കുമാറിനെ കോടതി 10 വര്‍ഷം തടവിന് ശിക്ഷിച്ചത്. സുപ്രീംകോടതിയില്‍ നിന്ന് ജാമ്യം കിട്ടിയ ശേഷം സ്വന്തം വീട്ടിലാണ് കിരണ്‍ ഇപ്പോഴുള്ളത്.

ഇന്നത്തെ കേരള ലോട്ടറി ഫലം 16/01/26/. വെള്ളി
16/01/2026

ഇന്നത്തെ കേരള ലോട്ടറി ഫലം 16/01/26/. വെള്ളി

മുപ്പത് വർഷമായി തൊടുപുഴ മാർക്കറ്റിൽ യാക്കോബായ പള്ളി വക സ്ഥലത്തു ഇരുന്നു പച്ചക്കറി കച്ചവടം നടത്തിയിരുന്ന നാസർ ഹമീദ് (62)...
16/01/2026

മുപ്പത് വർഷമായി തൊടുപുഴ മാർക്കറ്റിൽ യാക്കോബായ പള്ളി വക സ്ഥലത്തു ഇരുന്നു പച്ചക്കറി കച്ചവടം നടത്തിയിരുന്ന നാസർ ഹമീദ് (62) വിട പറഞ്ഞു.

അവറാച്ചൻ ചേട്ടന് വയ്യാതായപ്പോൾ, കോവിഡ് കാലം മുതൽ ഇന്നോളം പള്ളിയിൽ എല്ലാകാര്യങ്ങളും നോക്കി നടത്തിയിരുന്നത് നാസറായിരുന്നു. രാവിലെയും, വൈകുന്നേരവും പള്ളിമണി അടിക്കുന്നതും നാസറായിരുന്നു. യാക്കോബായ പള്ളിയിലെ ഓരോ അംഗത്തിനും നാസറുമായുള്ള ആത്മബന്ധം വളരെ വലുതായിരുന്നു എന്നതാണ് വസ്തുത. അന്യമതത്തിൽ പെട്ട ആളായി പള്ളിയിൽ ആരും അദ്ദേഹത്തെ കണ്ടിരുന്നില്ല. മുപ്പതു വർഷത്തെ ആത്മബന്ധമുണ്ട് ആ പള്ളിയുമായി നാസറിന്.

നാസറിനെപറ്റി ആമ്പൽ ജോർജ് ഇങ്ങനെ എഴുതുന്നു:

യാക്കോബായ പള്ളിയിലെ മത സൗഹാർദ്ദ മണിനാദം നിലച്ചു.

വർഷങ്ങളായി ഉദയാസ്തമനങ്ങളുടെ പ്രാർത്ഥനാധ്വനി അന്തരീക്ഷത്തിൽ മണിനാദമായി മുഴങ്ങിയിരുന്നത് നാസറിന്റെ ഹൃദയസ്പന്ദനമായിരുന്നു.

ദൈവാലയവും പരിസരവും പരിപാലിക്കുന്നതിൽ നാസർ കാണിച്ചിരുന്ന സമർപ്പണം മറ്റാർക്കും കഴിയില്ല.

പ്രാർത്ഥനകളുടെ പേര് വിവരങ്ങളും, നേർച്ചകാഴ്ചകൾ വാഴ്‌വിനായി ബലിയർപ്പണ വേദിയിൽ എത്തിച്ചിരുന്നതും എല്ലാം നാസ്സറിൽ അർപ്പിതമായിരുന്നു.

മണ്മറഞ്ഞു പോയവരുടെ കബറിടങ്ങളിൽ നിത്യേന എത്തി ആത്മക്കളുമായി കുശലം പറയുന്നതും സെമിത്തേരി വെടിപ്പായി സൂക്ഷിക്കുന്നതുമൊക്കെ ഒരു പുണ്യമായി കരുതിയിരുന്നു നാസർ.

ബന്ധുക്കൾ പോലും മറന്നുപോയ മരണ ദിവസം കൃത്യമായി ഓർമ്മിച്ചു കബറിടം തൂത്തു വെടിപ്പാക്കി മെഴുകുതിരികൾ കത്തിക്കുന്നതിനു ഇനി നാസ്സർ ഉണ്ടാകില്ല.

തന്നെ പോലെ തന്നെ തന്റെ അയൽക്കാരനെയും സ്നേഹിക്കണമെന്ന ക്രിസ്തു വചനം തന്റെ ജീവിതത്തിൽ പ്രാവർത്തികമാക്കി, ഇനി ഒരു തിരിച്ചുവരവില്ലാതെ നാസർ പോയി.

അല്ലാഹുവും യേശുവും ഒന്നായിരിക്കുന്ന കർമഭൂമിയിൽ നാസ്സർ ഉണ്ടാകുമെന്ന് നമുക്ക് പ്രത്യാശിക്കാം.

നാസറിന് യാത്ര മൊഴി നേരുന്നു🙏😢

നാസർ ഹമീദിന്റെ ഭൗതിക ദേഹം കാരിക്കോട് നൈനാരു പള്ളി ഖബർസ്ഥാനിൽ കബറടക്കി.

_യാക്കോബായ സുറിയാനി സഭ ന്യൂസ്_

ആദരാഞ്ജലികൾ 🌹

പുനലൂർ നേതാജി വാർഡിൽ ജോസ് വർഗീസ് (75) അന്തരിച്ചു.സംസ്കാരം ശനിയാഴ്ച 10 മണിക്ക് വസതിയിൽ ശുശ്രൂഷ ആരംഭിച്ച് 11 ന് വാളക്കോട്...
15/01/2026

പുനലൂർ നേതാജി വാർഡിൽ ജോസ് വർഗീസ് (75) അന്തരിച്ചു.

സംസ്കാരം ശനിയാഴ്ച 10 മണിക്ക് വസതിയിൽ ശുശ്രൂഷ ആരംഭിച്ച് 11 ന് വാളക്കോട് സെന്റ് ജോർജജ് ഓർത്തഡോൿസ്‌ പള്ളിയിൽ.

ഭാര്യ :ലില്ലി ജോസ്. മക്കൾ :റാണി ജോസ്, ടീന ജോസ്. മരുമക്കൾ :അലക്സ്‌ എം ജോർജ്ജ് (മേലേതിൽ,അടൂർ),ഹാർട്ട് ജോൺ (കല്ലൂഴത്തിൽ, ദുബായ്).

15/01/2026

വൈക്കം താലൂക്ക് ആശുപത്രിയിൽ രോഗികളുടെ ബന്ധുക്കൾ ഏറ്റുമുട്ടി.. ദൃശ്യങ്ങൾ

ഇന്നത്തെ കേരള ലോട്ടറി ഫലം 15/01/26/. വ്യാഴം
15/01/2026

ഇന്നത്തെ കേരള ലോട്ടറി ഫലം 15/01/26/. വ്യാഴം

15/01/2026

തിടമ്പേറ്റാൻ നിമിഷങ്ങൾ മാത്രം ബാക്കി നിൽക്കെ ബാലുശ്ശേരി ഗജേന്ദ്രൻ യാത്രയായി


നെറുങ്കൈതക്കോട്ട ശാസ്താക്ഷേത്രത്തിലെ പാട്ടുത്സവത്തിനിടയാണ് സംഭവം. ആന കുഴഞ്ഞു വീഴുകയായിരുന്നു. കോഴിക്കോട് ബാലുശ്ശേരി സ്വദേശി പ്രഭാകരൻ ഉടമസ്ഥതയിലുള്ള ആനയാണ് ഗജേന്ദ്രൻ.50 വയസ്സോളം പ്രായമുള്ള ആന പുലർച്ചെ കുളി കഴിഞ്ഞു ചമയങ്ങൾ ഒരുക്കുന്ന നേരം കുഴഞ്ഞുവീണാണ് ചരിഞ്ഞത്. നിലവിൽ ക്ഷേത്ര വളപ്പിൽ തന്നെയാണ് ആനയുടെ ശരീരം.വനം വകുപ്പെത്തി മറ്റ് നടപടിക്രമങ്ങൾക്ക് ശേഷം ശവ സംസ്കാരത്തിനായി മാറ്റും. കോഴിക്കോട്,തൃശ്ശൂർ ജില്ലകളിലെ ഉത്സവങ്ങളിൽ നിറ സാന്നിധ്യമായിരുന്നു ഗജേന്ദ്രൻ. പൊതുവേ ആനകൾ കുറവുള്ള മലബാർ ജില്ലകളിലെ ഉത്സവങ്ങളിൽ ഗജേന്ദ്രനെയാണ് കൂടുതൽ ക്ഷേത്രങ്ങളും എഴുന്നെള്ളിപ്പിന് എത്തിച്ചിരുന്നത്.

15/01/2026

മൂർഖനെ ജാക്കറ്റിന്റെ പോക്കറ്റിൽ നിന്നും പുറത്തെടുത്ത് ഓട്ടോ ഡ്രൈവർ

പാമ്പ് കടിച്ചതിന് ചികിത്സയ്ക്കായി യുപിയിലെ മഥുരയിലെ ജില്ലാ ആശുപത്രിയിലെത്തിയ ഇ റിക്ഷാ ഡ്രൈവർ ഡോക്ടർമാരെയും മറ്റ് ആശുപത്രി ജീവനക്കാരെയും അമ്പരപ്പിച്ചു. ഏത് പാമ്പാണ് കടിച്ചതെന്ന് ചോദിച്ചപ്പോൾ അസലൊരു മൂർഖൻ കുഞ്ഞിനെ തന്റെ ജാക്കറ്റിൻ്റെ പോക്കറ്റിൽ നിന്നും ഇയാൾ പുറത്തെടുക്കുകയായിരുന്നു. ഇത് കണ്ട് ഡോക്ടർമാരും നേഴ്‌സുമാരും മറ്റ് ആശുപത്രി ജീവനക്കാരും അക്ഷരാർത്ഥത്തിൽ ഞെട്ടി.

പുനലൂർ സെന്റ് തോമസ് എച്ച് എസ് എസ് ആൻഡ് സീനിയർ സെക്കൻഡറി സ്കൂൾ സിൽവർ ജൂബിലി ആഘോഷവും കുന്നിക്കോട് സെന്റ് തോമസ് ഇന്റർനാഷണൽ ...
14/01/2026

പുനലൂർ സെന്റ് തോമസ് എച്ച് എസ് എസ് ആൻഡ് സീനിയർ സെക്കൻഡറി സ്കൂൾ സിൽവർ ജൂബിലി ആഘോഷവും കുന്നിക്കോട് സെന്റ് തോമസ് ഇന്റർനാഷണൽ സ്കൂളിന്റെ രണ്ടാം വാർഷികാഘോഷവും

പുനലൂർ: പുനലൂർ സെന്റ് തോമസ് എച്ച്എസ്എസ് ആൻഡ് സീനിയർ സെക്കൻഡറി സ്കൂളിന്റെ സിൽവർ ജൂബിലി ആഘോഷവും കുന്നിക്കോട് സെന്റ്‌ തോമസ് ഇന്റർനാഷണൽ സ്കൂളിന്റെ രണ്ടാമത് വാർഷിക ആഘോഷവും
ജനുവരി 16 വെള്ളിയാഴ്ച രാവിലെ 9 മണിക്ക് സ്കൂൾ ഓഡിറ്റോറിയത്തിൽ നടക്കും.

ചെയർമാൻ ലില്ലിക്കുട്ടി തോമസ്, സ്കൂൾ ഡയറക്ടറും അക്കാഡമിക് ഡീനുമായ ജിബി ജേക്കബ് എന്നിവർ സ്കൂൾ അങ്കണത്തിൽ പതാക ഉയർത്തുന്നതോടു കൂടി വാർഷികാഘോഷ പരിപാടികൾക്ക് തുടക്കമാകും.

സ്കൂൾ ചെയർമാൻ സന്തോഷ് കെ തോമസ് ചടങ്ങിൽ ആധ്യക്ഷ്യം വഹിക്കും. സിൽവർ ജൂബിലി ആഘോഷവും കുന്നിക്കോട് സെന്റ്‌ തോമസ് ഇന്റർനാഷണൽ സ്കൂളിന്റെ രണ്ടാമത് വാർഷികവും
ബഹുമാന്യനായ കേരള ധനകാര്യവകുപ്പ് മന്ത്രി കെ എൻ ബാലഗോപാൽ ഉദ്ഘാടനം ചെയ്യും.

സ്കൂൾ മാനേജരും സീനിയർ പ്രിൻസിപ്പലും ആയ ജേക്കബ് തോമസ് സ്വാഗതം ആശംസിക്കും.സ്കൂൾ പ്രിൻസിപ്പൽ ശ്രീന എസ് ചടങ്ങിൽ സ്കൂൾ വാർഷിക റിപ്പോർട്ട് അവതരിപ്പിക്കും.

സെന്റ് തോമസ് സ്കൂൾ നടപ്പിലാക്കുന്ന പുതിയ പ്രോജക്ടുകളുടെ ഉദ്ഘാടനവും വാർഷികാഘോഷങ്ങളുടെ ഭാഗമായി വേദിയിൽ നടക്കും.പുനലൂർ സെന്റ്‌ തോമസ് സ്കൂളിന്റെ പുതിയ പ്രോജക്ടുകളായ കെ ജി ബ്ലോക്ക് , വോളിബോൾ കോർട്ട്, ടർഫ് എന്നിവയുടെ ഉദ്ഘാടനം പുനലൂർ നഗരസഭ ചെയർമാൻ എം എ രാജഗോപാൽ നിർവഹിക്കും.

പുതിയ പ്ലേ ഗ്രൗണ്ടിന്റെയും പാർക്കിങ് ലോട്ടിന്റെയും ഉദ്ഘാടനം പുനലൂർ മുനിസിപ്പാലിറ്റി പ്രതിപക്ഷനേതാവ് നെൽസൺ സെബാസ്റ്റ്യൻ നിർവഹിക്കും.കേരള ഗവൺമെന്റ് എൻ ആർ ഐ കമ്മീഷണർ അംഗമായ ഡോക്ടർ മാത്യു കെ ലൂക്ക് മന്നിയോട്ട് ചടങ്ങിൽ മുഖ്യ അതിഥി ആയിരിക്കും.

കൾച്ചറൽ ഫെസ്റ്റിന്റെ ഉദ്ഘാടനം പ്രശസ്ത ടെലിവിഷൻ അവതാരക ലക്ഷ്മി നക്ഷത്ര നിർവഹിക്കും.കുന്നിക്കോട് സെന്റ് തോമസ് ഇന്റർനാഷണൽ സ്കൂളിന്റെ രണ്ടാമത് ബ്ലോക്കിന്റെ തറക്കല്ലിടീൽ കർമ്മം വിളക്കുടി പഞ്ചായത്ത് പ്രസിഡന്റ് മഞ്ജു വി എം നിർവഹിക്കും.. സ്കൂൾ മാഗസിന്‍റെ പ്രകാശനം പുനലൂർ നഗരസഭ വൈസ് ചെയർപേഴ്സൺ കെ പ്രഭ നിർവഹിക്കും.

'തോംസിയൻ സ്വപ്നക്കൂട്' എന്ന ഭവനരഹിതർക്ക് വീട് വച്ച് നൽകുന്ന പദ്ധതിയുടെ ഭാഗമായുള്ള അഞ്ചാമത്തെ വീടിന്റെ താക്കോൽദാന കർമ്മം പുനലൂർ നഗരസഭ കൗൺസിലർ കെ രാജശേഖരൻ നിർവഹിക്കും.

കെ എൻ ബാലഗോപാൽ,എം എ രാജഗോപാൽ, ബേബി അളകനന്ദ എ നിതിൻ എന്നിവർക്ക് തോംസിയൻ സ്റ്റാർ അവാർഡ് നൽകി ആദരിക്കും.പുനലൂർ നഗരത്തിന്റെ സൗന്ദര്യവൽക്കരണവുമായി ബന്ധപ്പെട്ട പ്രോജക്ടിന്റെ ഉദ്ഘാടനം പുനലൂർ നഗരസഭ കൗൺസിലർ ജയപ്രകാശ് നിർവഹിക്കും.പാഠ്യ പാഠ്യേതര വിഷയങ്ങളിൽ വിജയികളായിട്ടുള്ളവർക്ക് ലക്ഷ്മി നക്ഷത്ര സമ്മാനങ്ങൾ വിതരണം ചെയ്യും.സ്കൂൾ പ്രധാന അധ്യാപിക ജാനറ്റ് ജോൺസൺ ചടങ്ങിൽ കൃതജ്ഞത അർപ്പിക്കും.

പുനലൂർ മുനിസിപ്പാലിറ്റി കൗൺസിലർമാരായ റിയാസ്, ഷഫ്ന ഷാജഹാൻ, ഗൗരി എം എ,
ബിജെപി സ്റ്റേറ്റ് വൈസ് പ്രസിഡന്റ് ബി രാധാമണി, എൻസിപി ജില്ലാ പ്രസിഡന്റ് കെ ധർമ്മരാജൻ, മുസ്ലിം ലീഗ് സെക്രട്ടറി എം എം ജലീൽ, സ്കൂൾ ഡയറക്ടർ അലക്സ് തോമസ്, സ്കൂൾ ഡയറക്ടർ വിഎസ് തോമസ് (ഐ എഫ് എസ് ), വൈസ് പ്രിൻസിപ്പൽ മേരി അബിയ ടോംസൺ,
പിടിഎ പ്രതിനിധി ശ്രീകുമാർ യു, കുന്നിക്കോട് സെന്റ് തോമസ് ഇന്റർനാഷണൽ സ്കൂളിലെ പ്രധാന അധ്യാപിക ലിസി അലക്സാണ്ടർ, അഡ്മിനിസ്ട്രേറ്ററും അക്കാഡമിക് കോഡിനേറ്ററുമായ മഞ്ജു സി
എന്നിവർ ചടങ്ങിൽ പങ്കെടുക്കും.

കുട്ടികളുടെ വിവിധ കലാപരിപാടികൾ കോർത്തിണക്കിയൂള്ള കലാസന്ധ്യയും ആഘോഷ പരിപാടിയുടെ ഭാഗമായി നടക്കും.. വൃന്ദ വാദ്യം, ഗാനമേള, സംഘഗാനം, ബാൻഡ്, സ്കേറ്റിംഗ് ഡാൻസ്,സ്പോർട്സ് ഡാൻസ്, പൂൾ ഡാൻസ്, ചെണ്ടമേളം, കളരിപ്പയറ്റ് യോഗ, കരാട്ടെ, പാശ്ചാത്യ സംഗീതം, വിവിധ നൃത്തരൂപങ്ങൾ എന്നിവ വാർഷികാഘോഷ പരിപാടികൾക്ക് മാറ്റുകൂട്ടും.

പുനർ നിർമ്മിച്ച സി.പി.ഐ.എം ഏരിയ കമ്മറ്റി ഓഫീസ് മുഖ്യമന്ത്രി പിണറായി വിജയൻ ജനുവരി 19 ന് ഉദ്ഘാടനം ചെയ്യുംപുനലൂർ : പുനർനിർ...
14/01/2026

പുനർ നിർമ്മിച്ച സി.പി.ഐ.എം ഏരിയ കമ്മറ്റി ഓഫീസ് മുഖ്യമന്ത്രി പിണറായി വിജയൻ ജനുവരി 19 ന് ഉദ്ഘാടനം ചെയ്യും

പുനലൂർ : പുനർനിർമിച്ച സി.പി.ഐ.എം പുനലൂർ ഏരിയ കമ്മിറ്റി ഓഫീസ് ജനുവരി 19ന് വൈകുന്നേരം അഞ്ചുമണിക്ക് മുഖ്യമന്ത്രി പിണറായി വിജയൻ ഉദ്ഘാടനം ചെയ്യുമെന്ന് ഏരിയ കമ്മിറ്റി സെക്രട്ടറി അഡ്വ.പി.സജി പത്രസമ്മേളനത്തിൽ പറഞ്ഞു. ഓഫീസിന്റെ ഭാഗമായ കോൺഫറൻസ് ഹാൾ ധനകാര്യമന്ത്രി കെ എൻ ബാലഗോപാൽ ഉദ്ഘാടനം ചെയ്യും. സി.പി.ഐ.എം ജില്ലാ ആക്ടിംഗ് സെക്രട്ടറി എസ് ജയമോഹൻ, CPIM സംസ്ഥാന കമ്മിറ്റി അംഗം എസ് സുദേവൻ, സംസ്ഥാന കമ്മിറ്റി അംഗം കെ രാജഗോപാൽ, ജില്ലാ സെക്രട്ടറിയേറ്റ് അംഗം ജോർജ് മാത്യു എന്നിവർ ഉൾപ്പെടെയുള്ള സി.പി.ഐ.എം നേതാക്കളും,

എൽഡിഎഫ് നേതാക്കളും ഉദ്ഘാടന സമ്മേളനത്തിൽ പങ്കെടുക്കും.

അന്തരിച്ച മുൻ മുഖ്യമന്ത്രി വി.എസ് അച്യുതാനന്ദന്റെ സ്മരണാർത്ഥം വി. എസ് ഭവൻ എന്നാണ് ഓഫീസിന് പേര് നൽകിയിട്ടുള്ളത്.

കോൺഫറൻസ് ഹാളിന് സി.പി.ഐ.എമ്മിന്റെ പുനലൂർ ഏരിയയിലെ സ്ഥാപക നേതാവും മുൻ ഏരിയാ സെക്രട്ടറിയുമായിരുന്ന വക്കം ഭരതന്റെ പേരാണ് നൽകിയിട്ടുള്ളത്.

മുൻ ഏരിയ സെക്രട്ടറി അഡ്വ.പി ലാലാജി ബാബുവിന്റെ ഓർമ്മയ്ക്കായി പി.ലാലാജി ബാബു മെമ്മോറിയൽ ലൈബ്രറിയും

പുനലൂർ കെയർ പെയിൻ ആൻഡ് പാലിയേറ്റീവ് സെന്റർ എന്ന പേരിൽ സി.പി.ഐ.എം ഏരിയ കമ്മിറ്റിയുടെ നേതൃത്വത്തിലുള്ള സാന്ത്വന പരിപാലന കേന്ദ്രവും,

ബഹുജനങ്ങൾക്ക് ഓൺലൈൻ സേവനങ്ങൾ സൗജന്യമായി നൽകുന്ന സേവന കേന്ദ്രം എന്നിവയും ഓഫീസിന്റെ ഭാഗമായി പ്രവർത്തിക്കും.
ഉദ്ഘാടനത്തിനോടനുബന്ധിച്ച് പ്രശസ്ത ഗസൽ ഗായകൻ അലോഷി മൂന്നുമണി മുതൽ ഗാനങ്ങൾ അവതരിപ്പിക്കും.

റെഡ് വളണ്ടിയർമാർ പ്രത്യേകമായി അണിനിരക്കുകയും പാർട്ടി പ്രവർത്തകരും,വർഗ്ഗ ബഹുജന സംഘടന പ്രവർത്തകരും, ബഹുജനങ്ങളും ഉദ്ഘാടന സമ്മേളനത്തിൽ പങ്കെടുക്കുകയും ചെയ്യുമെന്ന് ഏരിയ സെക്രട്ടറി പറഞ്ഞു. പാർട്ടി പ്രവർത്തകരുടെയും അഭ്യുദയകാംക്ഷികളുടെയും സംഭാവന സ്വീകരിച്ചാണ് ആറുമാസക്കാലം കൊണ്ട് ഓഫീസ് പുനർ നിർമ്മിച്ചത്. ജില്ലയിലെ തന്നെ ഏറ്റവും പഴക്കമുള്ള ഓഫീസ് ആയിരുന്നു പുനലൂർ ഏരിയയിലെ സി.പി.ഐ.എം ഓഫീസ്. തദ്ദേശസ്വയംഭരണ സ്ഥാപനങ്ങളിലേക്ക് നടന്നു തിരഞ്ഞെടുപ്പിൽ ഉജ്ജ്വല വിജയം കരസ്ഥമാക്കിയ ആവേശം നിലനിൽക്കെയാണ് മുഖ്യമന്ത്രി പുനലൂരിലേക്ക് എത്തുന്നത്. ഉദ്ഘാടന സമ്മേളനത്തിലേക്ക് ഏവരുടെയും പങ്കാളിത്തം പ്രതീക്ഷിക്കുന്നതായും ഏരിയ സെക്രട്ടറി അഡ്വ. പി. സജി പത്രസമ്മേളനത്തിൽ പറഞ്ഞു, സിപിഐഎം ജില്ലാ കമ്മിറ്റി അംഗം എസ്. ബിജു, ഏരിയ കമ്മിറ്റി അംഗങ്ങളായ ഡോ. കെ ഷാജി, എ ആർ കുഞ്ഞുമോൻ,വിഎസ് മണി എൽസി സെക്രട്ടറി അജി ആന്റണി എന്നിവർ പത്രസമ്മേളനത്തിൽ പങ്കെടുത്തു.

Lottery results -14-01-2026
14/01/2026

Lottery results -14-01-2026

Address

Kollam
Punalur
691332

Telephone

+917559905484

Website

Alerts

Be the first to know and let us send you an email when People24x7.com posts news and promotions. Your email address will not be used for any other purpose, and you can unsubscribe at any time.

Contact The Business

Send a message to People24x7.com:

Shortcuts

Share

Category