https://www.facebook.com/109584477395533/

ThaqwaTv, Changaramkulam, Ponnani (2024)

19/01/2023

ശംസുദ്ദീൻ അജ്മാൻ എഴുതിയ ഏറ്റവും പ്രസക്തമായ ഒരു പോസ്റ്റ്...👇

പ്രസ്ഥാനത്തിൽ വ്യക്തിതാൽപ്പര്യങ്ങൾ അമിതമാവുകയും ശത്രു നിഗ്രഹത്തിന് എതിരാളിക്കുമേൽ 'ആദർശവ്യതിയാനം' ആരോപിക്കുകയും ചെയ്ത ചിലരാണ് പ്രശ്നങ്ങൾക്ക് കാരണം.

2002ലെ ആദർശ വ്യതിയാനം ഹുസൈൻ മടവൂരിനും മർക്കസുദ്ദഅവക്കും എതിരെയായിരുന്നുവല്ലൊ. 2012ൽ ആരോപണം ISM നേതൃത്വത്തിനെതിരായി. അങ്ങിനെയാണ് TK അഷ്റഫ്, CPസലീം, കുഞ്ഞുമുഹമ്മദ് മദനി, ഹുസൈൻ സലഫി തുടങ്ങിയവരെല്ലാം അനഭിമതരാവുന്നത്.

വിസ്ഡം ഭീഷണിയാവുമെന്ന് തോന്നിയപ്പോൾ 2002 ൽ പുറത്താക്കിയ മടവൂരുമായി വീണ്ടും അവിഹിതബന്ധമായി - ശത്രുവിൻ്റെ ശത്രു മിത്രം 😀
മിതഭാഷിയും സൗമ്യനുമായ ഡോ. ഹുസൈൻ മടവൂർ പക്ഷേ, 2002മറന്നിരുന്നില്ല... അദ്ദേഹം ജാലൂതിനെ കൊന്നു. ഇന്ന് അബ്ദുറഹ് മാൻ സലഫിക്കുവേണ്ടി ശബ്ദമനക്കാൻ ഹനീഫ് കായക്കൊടിയോ അനസ് മുസ്‌ല്യാരോ തയ്യാറില്ല. കാരണമെന്താന്നോ? തനിക്ക് ചുട്ടാൽ തൻകുഞ്ഞ് താഴെ.

2002 ൽ മടവൂരിനെതിരെ ഉയർത്തിയ തറാവീഹ്/ആദർശവ്യതിയാനങ്ങൾക്കും, 2012 മുതൽക്കിങ്ങോട്ട് ഇപ്പോഴത്തെ വിസ്ഡത്തിനെതിരെ ഉയർത്തി നടക്കുന്ന ജിന്ന് വിവാദങ്ങൾക്ക് പിന്നിലും കേവല വ്യക്തിതാൽപ്പര്യങ്ങളാണ്.
"വാളെടുത്തവൻ വാളാൽ" എന്ന നൈതികയാണ് AR സലഫി ജാമിഅ ട്രസ്റ്റിൽ നിന്ന് പുറത്താക്കപ്പെടുക വഴി നാം കണ്ടത്. സർവ്വപ്രതാപിയായിരുന്ന AR ഇന്നെവിടെ? സമ്മേളനത്തിൽ ഉണ്ടായിരുന്നോ?

ഇക്കഴിഞ്ഞ KNMസമ്മേളനത്തിന് മുന്നോടിയായി മജീദ് സലാഹി നടത്തിയ ജനം Tv ഇൻ്റർവ്യൂ, ശേഷം അതിനെ ന്യായീകരിച്ച അബ്ദുള്ളക്കോയ, സമ്മേളനത്തിൽ ബിനോയ് വിശ്വത്തിനെതിരെ ആഞ്ഞടിച്ച മലബാർ ചെയർമാൻ, ജോൺ ബ്രിട്ടാസിനെ ചീത്ത വിളിച്ച കോൺഗ്രസ്സുകാരും ലീഗുകാരും...
രാഷ്ട്രീയപ്പാർട്ടികളുടെ അങ്കക്കളരിയായില്ലെ സമ്മേളനം !

അസൂയയും കുതികാൽ വെട്ടും അറിയാത്ത നിസ്വാർത്ഥരായ അനുയായികൾ ഇവരിട്ടു കൊടുക്കുന്ന ചൂണ്ടയിൽ (തർക്ക വിഷയങ്ങളിൽ) കൊത്തി ഓൺലൈനിൽ ശണ്ഠ കൂടും. നേതൃത്വത്തിന് പരമസുഖം!!

2012ലെ അഴിഞ്ഞിലം സമ്മേളനത്തിൽ ഐക്യത്തിനു വേണ്ടി ആഹ്വാനം ചെയ്ത ഹുസൈൻ സലഫിയെ സമ്മേളന വേദിയുടെ പിറകിലെ ഓഫീസിലിട്ട് തെറി വിളിച്ചവരും KNMൽ അംഗത്വത്തിന് വേണ്ടി ഇപ്പോൾ കോടതി കേറുന്നു...സാധാരണക്കാരല്ല അവരാരും.
ജിന്ന് വിഷയത്തിൽ സ്പെഷലായി കൊണ്ടുവന്ന നാസർ സുല്ലമി, നാണി ഹാജി, മഹാരാജ ഖാദറാജി... ഒത്തിരിയുണ്ട് ലിസ്റ്റ്.

ഹുസൈൻ സലഫി ദഅവാ രംഗത്ത് നിറഞ്ഞു നിൽക്കുന്നുണ്ട്.

KNM ൽ എന്താണ് സംഭവിക്കുന്നതെന്നറിയാൻ ഗവേഷണ ചാതുര്യം വേണമെന്നില്ല. ദഅവത്തിനു വേണ്ടി രൂപീകരിച്ച ഒരു പ്രസ്ഥാനം സ്ഥാപനവൽക്കരിക്കപ്പെട്ടതിൻ്റെ ദുരന്തമാണ് ഇന്ന് നാം കാണുന്നത്.

PN അബ്ദുല്ലത്തീഫ് മദനി, റഷീദ് ട്രോളിയതു പോലെ ട്രാക്ക് മാറി തെറ്റി പുറത്തേക്കോടിയതല്ല. മുതലാളിമാരുടെ ഭീഷണി വകവെക്കാതെയാണ് CD ടവറിൽ നിന്നിറങ്ങിപ്പോന്നത്. ദൗത്യനിർവ്വഹണത്തിന് വേണ്ടി മാറിയതു തന്നെയാണ്. അതിൻ്റെ പ്രതിഫലനങ്ങൾ ദഅവാ രംഗത്ത് -കേരളത്തിലും പുറത്തും- സുവ്യക്തമായി കാണാം.
വിമർശനം സ്വാഗതം ചെയ്യുന്നു... പക്ഷേ, അത് ക്രിയാത്മകമാവണം.

ശംസുദ്ദീൻ അജ്മാൻ

12/01/2023

*ബാലാവകാശ*
*കമ്മീഷൻ വിധി*
*ബാലന്മാർക്ക്*
*സുരക്ഷയോ ⁉️*
⌨️⌨️⌨️⌨️⌨️⌨️⌨️⌨️⌨️
https://ww.facebook.com/story.php?story_fbid=712480813573405&id=100044344783431&mibextid=Nif5oz
⌨⌨⌨⌨⌨⌨⌨⌨⌨
സ്കൂളിലെ ദേഹപരിശോധനയും ബാഗ് പരിശോധനയും പ്രാകൃതമാണെന്നും കുട്ടികൾ ഫോൺ ഉപയോഗിച്ചാൽ ആകാശം ഇടിഞ്ഞുവീഴുകയോ ഭൂമി നെടുകെ പിളരുകയോ ഇല്ലെന്നും ബാലാവകാശ കമ്മീഷൻ വിധിച്ചിരിക്കുകയാണ്.
സ്കൂളിലേക്ക് ഫോൺ കൊണ്ടു വരാമെന്നും ക്ലാസ് സമയത്ത് സ്വിച്ച് ഓഫ് ചെയ്താൽ മതിയെന്നും നിർദേശിക്കുന്നുണ്ട്.
വടകരയിലെ പ്ലസ് വൺ വിദ്യാർഥിയുടെ പിതാവ് നൽകിയ പരാതിയിൽ തീർപ്പ് കൽപിക്കവെയാണ് കമ്മീഷൻ ഈ നിരീക്ഷണം നടത്തിയത്.

കുട്ടിയിൽ നിന്ന് വാങ്ങി വെച്ച ഫോൺ സ്കൂൾ അധികൃതർ തിരിച്ചു നൽകുന്നതിൽ കാണിച്ച അമാന്തവും അനുബന്ധ പ്രശ്നങ്ങളുമാണ് പരാതിക്ക് ഹേതുവായത്. രക്ഷിതാവിന് ബാലാവകാശ കമ്മീഷനെ സമീപിക്കേണ്ട സാഹചര്യത്തിലേക്ക് വിഷയത്തെ എത്തിച്ചതിന് പിന്നിൽ സ്കൂൾ അധികൃതരുടെ ഭാഗത്തുനിന്ന് സൂക്ഷ്മത കുറവ് ഉണ്ടാവാൻ പാടില്ലായിരുന്നു എന്നത് ആദ്യമേ പറയട്ടെ.

കമ്മീഷൻ്റെ നിരീക്ഷണം ഉയർത്തുന്ന പ്രശ്നങ്ങളെ നാം കൃത്യമായി അപഗ്രഥിക്കണം. അധ്യാപക സമൂഹത്തെ മൊത്തത്തിൽ പ്രതിസ്ഥാനത്ത് നിർത്തുന്ന ഒരു നിരീക്ഷണമായിപ്പോയി ഇത് എന്ന് പറയാതെ വയ്യ. അധ്യാപകർ അനാവശ്യമായി കുട്ടികളുടെ ദേഹ പരിശോധനയും ബാഗ് പരിശോധനയും നടത്തുന്ന പ്രാകൃത ജീവികളാണെന്ന പൊതുബോധ നിർമ്മിതിക്ക് ഈ നിരീക്ഷണം കാരണമായിട്ടുണ്ട്. കുട്ടികളുടെ ശത്രുക്കളായി അധ്യാപകരെ ചിത്രീകരിക്കുന്ന ഒരു ഭാഷയാണ് ആ വിധി പ്രസ്താവത്തിൽ ഉള്ളത്. ഏതെങ്കിലും ഒരു സ്കൂളിൻ്റെ മുകളിലൂടെ മരം വീണാൽ എല്ലാ സ്കൂളിൻ്റെ മുറ്റത്തുമുള്ള മരങ്ങൾ മുഴുവനും മുറിച്ചു നീക്കണമെന്ന ഉത്തരവ് ഇറക്കും പോലെയായി ഇത്.

അകാരണമായോ, അന്യായമായോ കുട്ടികളുടെ അഭിമാനത്തിന് ക്ഷതമേൽപ്പിച്ചുകൊണ്ടോ ഒരു ദേഹപരിശോധനയും ശരാശരിക്ക് മുകളിലുള്ള അധ്യാപകരാരും ചെയ്യാറില്ല. ഒറ്റപ്പെട്ട സംഭവങ്ങൾ ഒരുപക്ഷേ ഉണ്ടായേക്കാം. അതിനെ തീർത്തും ഒറ്റപ്പെട്ടതായി കണ്ട് നടപടി സ്വീകരിക്കുകയല്ലാതെ ഇനിമുതൽ യാതൊരു പരിശോധനയും പാടില്ലെന്ന പൊതു നിർദേശം അധ്യാപക സമൂഹത്തിൻ്റെ ആത്മവീര്യം നശിപ്പിക്കും. ലഹരി കടത്തിന്
സ്കൂൾ കുട്ടികളെ കാരിയർമാരായി വൻതോതിൽ ഉപയോഗിക്കുന്നുണ്ടെന്ന് നിയമസഭയിൽ ഭരണ- പ്രതിപക്ഷ ഭേദമന്യേ എല്ലാവരും സങ്കടപ്പെട്ട വിഷയമാണ്. കുട്ടികളുടെ മൊബൈൽ ഫോണിൻ്റെ ദുരുപയോഗം വരുത്തിയ വിനകൾക്ക് കയ്യും കണക്കുമില്ല. ക്യാമ്പസുകൾ കേന്ദ്രീകരിച്ച് നടന്ന പ്രണയ ക്കൊലകൾക്ക് പിന്നിൽ മൊബൈലിലൂടെ തളിർത്ത ബന്ധമായിരുന്നുവെന്നത് പലവുരു നാം കണ്ടതാണ്.

ഇപ്പോൾ തന്നെ, വിദ്യാലയത്തിൽ ഉണ്ടാകുന്ന പ്രശ്നങ്ങളിൽ ഇടപെടാൻ അധ്യാപകർ മടിക്കുകയാണ്. ലഹരിയുടെയും പ്രണയ കുരുക്കിന്റെയും പ്രശ്നങ്ങളാകട്ടെ, വൻതോതിൽ വർദ്ധിക്കുകയും ചെയ്യുന്നു. സ്കൂളുകളിൽ ഒരു ദിവസം എത്ര കേസാണ് അധ്യാപകർക്ക് മുമ്പിൽ വരുന്നതെന്ന് അന്വേഷിച്ചു നോക്കൂ. പലരും കണ്ടില്ലെന്ന് നടിക്കുകയാണ്. ഇടപെടുന്നവരെ സദാചാര ഗുണ്ടകളായി ചിത്രീകരിക്കുന്നു. നമ്മുടെ സിസ്റ്റമാകട്ടെ, കുട്ടികളിൽ നിഷേധാത്മകമായ അവകാശബോധം ബോധപൂർവ്വം കുത്തിവെക്കുകയും ചെയ്യുന്നു.

അരുതാത്തത് എന്ത് കണ്ടാലും ചോദ്യം ചെയ്യാൻ പാടില്ല. വടിയെടുക്കരുത്. ചോദിച്ചാൽ തന്നെ, 'എന്റെ പേഴ്സണൽ കാര്യത്തിൽ നിങ്ങൾ ഇടപെടേണ്ടതില്ലെന്ന ' മറുപടിയാണ് കുട്ടികളിൽ നിന്ന് ഉയരുന്നത്. My body my right എന്ന സിദ്ധാന്തത്തിന്റെ സ്വാധീനം പുതു തലമുറയിൽ വൻതോതിൽ പ്രകടമാണ്. നിങ്ങളെ നിയന്ത്രിക്കുന്നവർ ആരാകട്ടെ, അവർ രക്ഷിതാക്കളോ അധ്യാപകരോ ആരായാലും ശരി അവർ നിങ്ങളുടെ ശത്രുക്കളാണെന്ന ഒരു വികാരമാണ് ന്യൂജനറേഷനിൽ കുത്തിവെക്കുന്നത്. 'എൻ്റെ കാര്യത്തിൽ നിങ്ങൾ ഇടപെടണ്ട ' എന്ന് പറയാൻ യാതൊരു മടിയുമില്ലാത്ത 'അവകാശബോധമാണ് ' കുട്ടികളിൽ ജനിപ്പിക്കുന്നത്.

കുട്ടികൾ പറയും മുതിർന്നവർ കേൾക്കണം എന്ന കാഴ്ചപ്പാട് തിരുത്തപ്പെടണം. പക്വതയെത്താത്ത മക്കൾ കാണിക്കുന്നതെല്ലാം അനുവദിച്ചുകൊടുക്കലല്ല പാരൻ്റിംഗ്. ശരിയും തെറ്റും വേർതിരിച്ച് ശരിയിലേക്ക് നയിക്കലാണ് മുതിർന്നവരുടെ കടമ. ഇത് പറയുമ്പോൾ കുട്ടികൾ യന്ത്രങ്ങളാണോ എന്ന് ചോദിക്കുന്നവരുണ്ടാകാം. കുട്ടി യന്ത്രമല്ല; കുട്ടി കുട്ടിയാണ്. അവൻ വളർന്ന് പക്വതയെത്തും വരെ അവന്റെ ഇച്ഛകളെല്ലാം അനുവദിക്കണമെന്ന് വാദിക്കുന്നതിന് പിന്നിൽ വ്യക്തമായ അജണ്ടകൾ ഉണ്ട്.

'എൻ്റെ ചെറുപ്പകാലത്ത് എനിക്ക് മാർഗനിർദേശം നൽകാൻ മുതിർന്നവരാരും ഇല്ലാതെ പോയതാണ് എനിക്ക് ഈ ഗതി വന്നത് ' എന്ന് എത്രപേർ പരിഭവിക്കാറുണ്ട്? എൻ്റെ പിതാവിൻ്റെ / അധ്യാപകന്റെ
കൃത്യമായ ഇടപെടലാണ് എന്നെ ഞാനാക്കിയത് എന്ന് അഭിമാനത്തോടെ പറയുന്ന എത്രപേരുണ്ട്! പാശ്ചാത്യവൽക്കരണമാണ് നാം ലക്ഷ്യം വെക്കുന്നതെങ്കിൽ, കുട്ടികളെ തുറന്നു വിടാം.. നമുക്ക് കാഴ്ചക്കാരാകാം... കുടുംബസംവിധാനം പവിത്രമായി കാണുന്ന സംസ്കാരത്തെയാണ് നാം സംരക്ഷിക്കുന്നതെങ്കിൽ നമുക്ക് കുട്ടികളിൽ ഇടപെടേണ്ടി വരും.
______________________
✍️ *TK ASHRAF*
General Secretary
Wisdom Islamic Organization

Address

Changaramkulam
Ponnani
679575

Telephone

+917306522997

Website

facebook.com

Alerts

Be the first to know and let us send you an email when ThaqwaTv posts news and promotions. Your email address will not be used for any other purpose, and you can unsubscribe at any time.