Thattarakkad Varthakal

15/05/2022

കായിക കേരളത്തിന് വീണ്ടും അഭിമാന നിമിഷം....
ഐ ലീഗിൽ ചരിത്ര നേട്ടം സ്വന്തമാക്കിയ ഗോകുലം കേരള എഫ് സി ക്ക് അഭിനന്ദനങ്ങൾ....
തുടർച്ചയായി രണ്ടാം തവണയും ഐ ലീഗ് കിരീടം കേരളത്തിൽ എത്തുമ്പോൾ അതിന് കാരണക്കാരായ താരങ്ങളുടെ പട്ടികയിൽ പരിയാപുരം സ്വദേശി ശഹജാസ് ഇടം പിടിച്ചത് എനിക്കും എന്റെ മണ്ഡലത്തിനും ഏറെ അഭിമാനമാണ്. ശഹജാസിനും സഹതാരങ്ങൾക്കും ഒരായിരം അഭിനന്ദനങ്ങൾ....
അങ്ങാടിപ്പുറം പഞ്ചായത്തിലെ പതിനേഴാം വാർഡിൽ തെക്കൻ സുബൈറിന്റെയും സറഫുന്നീസയുടെയും മകനാണ് ശഹജാസ് എന്ന 23 കാരൻ. ഗോകുലത്തിനായി നിരവധി മത്സരത്തിൽ ബൂട്ട് കെട്ടിയ ശഹജാസ്
ഏറെ അഭിമാനമാണ് ഭാവി പ്രതീക്ഷയാണ്. ഇനിയും ഉന്നതങ്ങളിൽ എത്താൻ ശഹജാസിന് കഴിയട്ടേ എന്ന് ആശംസിക്കുന്നു. ശഹജാസിനും അവനെ സപ്പോർട്ട് ചെയ്യുന്ന മാതാപിതാക്കൾക്കും കുടുബത്തിനും ഒരിക്കൽ കൂടി ഒരായിരം അഭിനന്ദനങ്ങൾ അറിയിക്കുന്നു....

06/07/2021

പ്രിയരേ,
കഴിഞ്ഞ ദിവസം സോഷ്യൽ മീഡിയ ഏറ്റടുത്ത് കഴിയുന്ന രീതിയിൽ സഹായിച്ചു വിജയിച്ച ഒരു കേസ് ആയിരുന്നു കണ്ണൂരിൽ നിന്നുള്ള 18കോടി രൂപ വില വരുന്ന ചികിത്സ സഹായം. എന്നാല്‍ സമാനമായ രോഗം ബാധിച്ച് കോഴിക്കോട് മെഡിക്കല്‍ കോളേജില്‍ ചികിത്സയിലുള്ള അങ്ങാടിപ്പുറം സ്വദേശിയായ ആരിഫ്-തസ്നി ദമ്പതികളുടെ ആറുമാസം പ്രായമായ മകന്‍ ഇമ്രാന്‍ മുഹമ്മദിന്റെ ചികിത്സയ്ക്കും 18 കോടി രൂപ വിലവരുന്ന മരുന്നിന് തുക കണ്ടെത്താനാകാതെ കുടുംബം പ്രയാസപ്പെടുകയാണ്. നമ്മൾ കണ്ണൂരിലെ കുട്ടിയ സഹായിച്ചത് പോലെ ഈ കുട്ടിയെ കൂടി നമുക്ക് സഹായിക്കാൻ കഴിയും.നിലവിൽ 18 കോടി രൂപ വില വരുന്ന ഈ മരുന്ന് കിട്ടാതെ ചികിത്സ മുന്നോട്ട് കൊണ്ട് പോകാൻ കഴിയാത്ത അവസ്ഥയാണ് ഉള്ളത്. കുട്ടി ഇപ്പോൾ കോഴിക്കോട് മെഡിക്കൽ കോളേജിൽ ചികിത്സയിലാണ്.കുട്ടിയുടെ പിതാവിന്റെ അക്കൗണ്ട് നമ്പർ ചുവടെ നൽകുന്നു. കഴിയുന്ന രീതിയിൽ സഹായിക്കുകയും മാക്സിമം ഷെയർ ചെയ്യുകയും വേണം.
നമുക്ക് ഒരുമിച്ച് കൈകോർക്കാം 🤝

ബാങ്ക് വിവരങ്ങൾ
NAME: ARIF
BANK: FEDERAL BANK
ACCOUNT NUMBER: 16320100118821
BRANCH: MANKADA
IFSC CODE: FDRL0001632
GOOGLE PAY NO:8075393563
CONTACT NUMBER : 8075393563

19/05/2021

18/05/2021

കൂടെയുണ്ട്..!!
പ്രാർത്ഥന പൂർവ്വം നമുക്ക് ഒരുമിച്ച് മുന്നോട്ട് പോവാം.
നമ്മൾ ഈ മഹാമാരിയേയും
അതിജയിക്കും.
അടിയന്തര സാഹചര്യങ്ങളിൽ
ഈ നമ്പറുകളിൽ വിളിക്കാം...

കദീജ ടീച്ചർ
വാർഡ് മെമ്പർ 16
അങ്ങാടിപ്പുറം പഞ്ചായത്ത്

08/05/2021

തട്ടാരക്കാട് 16-ാം വാർഡ് ഉൾപ്പെടെ അങ്ങാടിപ്പുറം പഞ്ചായത്തിലെ 19 വാർഡുകളും കൺടെയ്ൻമെന്റ് സോണുകൾ ആക്കി

അങ്ങാടിപ്പുറം: പഞ്ചായത്തിൽ കോവിഡ് കേസുകൾ വർധിച്ചുവരുന്ന സാഹചര്യത്തിൽ ആകെയുള്ള 23 വാർഡുകളിൽ 19 വാർഡുകളും കൺടെയ്ൻമെന്റ് സോണുകളാക്കി. 15, 19, 20, 22 എന്നീ വാർഡുകൾ ഒഴികെയുള്ള വാർഡുകളാണ് കൺടെയ്ൻമെന്റ് സോണുകളാക്കിയത്. പഞ്ചായത്തിൽ കർശനനിയന്ത്രണങ്ങൾ ഏർപ്പെടുത്തി. ഈ വാർഡുകളിലെ പ്രധാന റോഡുകളെല്ലാം ഇന്നുമുതൽ (08-05-2021 ശനി) അടച്ചിടും. ആരോഗ്യവകുപ്പ് നിരീക്ഷണപ്രവർത്തനങ്ങൾ ശക്തമാക്കിയിട്ടുണ്ട്. പോലീസ് പരിശോധനയും കർശനമാക്കും.

വീടുകളിൽ കഴിയാൻ സൗകര്യമില്ലാത്ത കോവിഡ് രോഗികൾക്കായി പൂപ്പലം ജി.യു.പി. സ്കൂളിൽ ഡൊമിസിലിയറി കെയർ സെന്റർ ഒരുക്കിയിട്ടുണ്ട്. ജനം സഹകരിക്കണമെന്നും ജാഗ്രത തുടരണമെന്നും പഞ്ചായത്ത് പ്രസിഡന്റ് സഈദ കോഴിപ്പാട്ടിലും മെഡിക്കൽ ഓഫീസർ ഡോ: സിമ്മിയും ആവശ്യപ്പെട്ടു.

11/04/2021

എം.എ യൂസഫലി സഞ്ചരിച്ച ഹെലികോപ്റ്റര്‍ കൊച്ചിയില്‍ ഇടിച്ചിറക്കി

Thattarakkad Varthakal
Date: 11-04-2021

കൊച്ചി: പ്രമുഖ വ്യവസായി എം.എ യൂസഫലി യാത്ര ചെയ്തിരുന്ന ഹെലികോപ്റ്റർ അടിയന്തരമായി ഇടിച്ചിറക്കി.
എറണാകുളത്തെ പനങ്ങാടുള്ള ചതുപ്പിലാണ് ഹെലികോപ്റ്റർ ഇടിച്ചിറക്കിയത്. യൂസഫലിയും ഭാര്യയും ആയിരുന്നു ഹെലികോപ്റ്ററിൽ ഉണ്ടായിരുന്നത്. ഇരുവരെയും ആശുപത്രിയിലേക്ക് മാറ്റിയിട്ടുണ്ട്.
ജനവാസ കേന്ദ്രത്തിന് മുകളിൽ വച്ചാണ് ഹെലികോപ്റ്ററിന് തകരാറ് സംഭവിച്ചത്. സമീപത്തുകൂടെ ഹൈവേ കടന്നുപോകുന്നുണ്ട്. ചതുപ്പിലേക്ക് ഇടിച്ചിറക്കാൻ കഴിഞ്ഞതിനാൽ വൻ ദുരന്തം ഒഴിവായി.
രാവിലെ 8.30നായിരുന്നു സംഭവം. എം.എ യുസഫലിയും മറ്റ് നാല് പേരും ലേക്ക് ഷോർ ആശുപത്രിയിലുള്ള ബന്ധുവിനെ കാണാൻ വരുകയായിരുന്നു. പനങ്ങാടുള്ള ഫിഷറീസ് കോളേജ് ഗ്രൗണ്ടിലാണ് ഹെലികോപ്റ്റർ ഇറക്കാൻ നിശ്ചയിച്ചിരുന്നത്. എന്നാൽ ഹെലികോപ്റ്ററിന് നിയന്ത്രണം വിട്ടത് മൂലം നേരത്തെ നിശ്ചയിച്ച സ്ഥലത്തുനിന്നും 200 മീറ്റർ മാറിയുള്ള ചതുപ്പിലേക്ക് ഇടിച്ചിറക്കുകയായിരുന്നു
ചതുപ്പിൽ ഭാഗികമായി പൂന്തിയ നിലയിലാണ് ഹെലികോപ്റ്റർ.
സംഭവ സമയത്ത് മഴയും കാറ്റുമുണ്ടായിരുന്നുവെന്നാണ് ദൃസാക്ഷികൾ പറയുന്നത്.
---------------------------------------------
Thattarakkad Varthakal
വാർത്തകൾ ഇനി നിങ്ങളുടെ വിരൽതുമ്പിൽ
---------------------------------------------
Follow this link to join my WhatsApp group: https://chat.whatsapp.com/FnGzubZoHcBAbdECk0kLcU

10/04/2021

യുവാവിനെ തട്ടിക്കൊണ്ടുപോയി മർദിച്ച കേസിൽ അഞ്ചു പേർ അറസ്റ്റിൽ

---------------------------------------------
Thattarakkad Varthakal
Date: 09-4-2021
--------------------------------------------

മങ്കട: സ്വർണ കടത്തുമായി ബന്ധപ്പെട്ട് യുവാവിനെ തട്ടിക്കൊണ്ടുപോയി മർദിച്ച കേസിൽ കൊലക്കേസ് പ്രതിയടക്കം അഞ്ചുപേർ അറസ്റ്റിൽ.

മങ്കട കൂട്ടിൽ സ്വദേശി നായകത്ത് ഷറഫുദീൻ (34), ആനക്കയം സ്വദേശി ചേലാതടത്തിൽ അബ്ദുൾ ഇർഷാദ് (31), നെല്ലിക്കുത്ത് സ്വദേശികളായ പാറാത്തൊടി ഷഹൽ (26), കോട്ടക്കുത്ത് കിഴക്കേതിൽ നിസാർ (32), മങ്കരത്തൊടി അബ്ദുൾ സത്താർ (26) എന്നിവരെയാണ് ഡിവൈ.എസ്.പി. കെ.എം. ദേവസ്യ, മങ്കട ഇൻസ്പെക്ടർ പ്രജീഷ് എന്നിവരടങ്ങുന്ന സംഘം അറസ്റ്റു ചെയ്തത്.

കഴിഞ്ഞ 28-ന് രാവിലെയാണ് കേസിനാസ്പദമായ സംഭവം. അതിരാവിലെ ടിപ്പർലോറിയിൽ ക്വാറിയിലേക്ക് പോകുന്നവഴി വടക്കാങ്ങര റോഡിൽ വെച്ച് കാർ കുറുകെയിട്ട് ഒരു സംഘം ബലമായി പിടിച്ചുകൊണ്ടുപോയി മർദിച്ചുവെന്നായിരുന്നു പരാതി.

കള്ളക്കടത്ത് സ്വർണം തട്ടിയെടുത്തെന്ന സംശയത്തിലായിരുന്നു ഇത്. രാത്രി 11 മണിയോടെ യുവാവിനെ വളാഞ്ചേരി ടൗണിൽ ഇറക്കിവിട്ടു. രാവിലെ സ്റ്റേഷനിലെത്തിയ യുവാവ് ക്വട്ടേഷൻ സംഘത്തിന്റെ വധഭീഷണിയെ തുടർന്ന് കൂടുതൽ വിവരങ്ങൾ പോലീസിനോട് പറയാൻ തയ്യാറായില്ല. തുടർന്ന് ജില്ലാ പോലീസ് മേധാവിയുടെ നിർദേശ പ്രകാരം പെരിന്തൽമണ്ണ ഡിവൈ.എസ്.പി, മങ്കട ഇൻസ്പക്ടർ എന്നിവരുടെ നേതൃത്വത്തിൽ പ്രത്യേക അന്വേഷണ സംഘം രൂപവത്കരിച്ചു. ദൃക്സാക്ഷികളിൽ നിന്ന് വിവരങ്ങൾ ശേഖരിച്ചും ടൗണിലെയും പരിസരങ്ങളിലെയും സി.സി.ടി.വി. ദൃശ്യങ്ങൾ ശേഖരിച്ചും നടത്തിയ അന്വേഷണത്തിൽ പ്രതികൾ സഞ്ചരിച്ച വാഹനത്തെക്കുറിച്ച് സൂചന ലഭിച്ചു.

തുടർന്നു നടത്തിയ അന്വേഷണത്തിൽ മുഖ്യസൂത്രധാരനും മങ്കട സ്റ്റേഷൻ പരിധിയിൽ നടന്ന സദാചാര കൊലപാതകക്കേസിലെ പ്രതിയുമായ ഷറഫുദ്ദീൻ അടക്കം അഞ്ചു പേരെക്കുറിച്ച് സൂചന ലഭിച്ചു.

സ്വർണ കള്ളക്കടത്തുമായി ബന്ധപ്പെട്ടാണ് യുവാവിനെ തട്ടിക്കൊണ്ടു പോയതെന്ന് പ്രതികൾ പോലീസിനോട് പറഞ്ഞു. കൂടുതൽ അന്വേഷണം നടത്തുന്നതിനും ചോദ്യം ചെയ്യുന്നതിനുമായി പ്രതികളെ കസ്റ്റഡിയിൽ വാങ്ങി തെളിവെടുപ്പ് നടത്തുമെന്നും ഡിവൈ.എസ്.പി. കെ.എം. ദേവസ്യ അറിയിച്ചു. പ്രതികളെ പെരിന്തൽമണ്ണ കോടതിയിൽ ഹാജരാക്കി.

ജില്ലാ പോലീസ് മേധാവി എസ്. സുജിത്ത് ദാസിന്റെ നേതൃത്വത്തിൽ എസ്.ഐ. മാത്യു, എസ്.ഐ. ഷാഹുൽഹമീദ്, പ്രത്യേക അന്വേഷണസംഘത്തിലെ സി.പി. മുരളീധരൻ, എൻ.ടി. കൃഷ്ണകുമാർ, സഞ്ജീവ്, പ്രശാന്ത്, മനോജ്കുമാർ, മങ്കട സ്റ്റേഷനിലെ വിനോദ്, ബൈജു കുര്യാക്കോസ്, അബ്ദുൾ സലാം എന്നിവരും അന്വേഷണ സംഘത്തിൽ ഉണ്ടായിരുന്നു.

---------------------------------------------
Thattarakkad Varthakal
വാർത്തകൾ ഇനി നിങ്ങളുടെ വിരൽതുമ്പിൽ
---------------------------------------------
Follow this link to join my WhatsApp group: https://chat.whatsapp.com/FnGzubZoHcBAbdECk0kLcU

10/04/2021

ഉദ്ഘാടനം കഴിഞ്ഞ് ആറ് മാസമായിട്ടും ടൗൺ ബസ് സ്റ്റാൻഡ് തുറന്നില്ല

Thattarakkad Varthakal
Date: 10-04-2021

പെരിന്തൽമണ്ണ: ഉദ്ഘാടനം കഴിഞ്ഞ് ആറ് മാസമായിട്ടും ടൗൺ ബസ് സ്റ്റാൻഡ് തുറന്നില്ല. ഇതു കാരണം ബസ് യാത്രക്കാരുടെ ദുരിതം പഴയപടി തുടരുന്നു. നിലവിൽ ടൗണിൽ നിന്ന് ഒന്നര കിലോമീറ്റർ അകലെയുള്ള പൊന്ന്യാകുർശിയിലെ മനഴി ബസ് സ്റ്റാൻഡിലാണ് ഹസ്വദൂര, ദീർഘ ദൂര ബസുകൾ വന്നു പോകുന്നത്. ടൗണിൽ യാത്രക്കാർ ഇറങ്ങിയാൽ കാലിയായ ബസുമായി മനഴി ബസ് സ്റ്റാൻഡ് വരെ പോകേണ്ട ഗതികേടിലാണ് സ്വകാര്യ ബസുകൾ. ടൗണിൽ നിന്ന് ഒരു കിലോ മീറ്റർ അകലെ ബൈപാസ് റോഡിലുള്ള തറയിൽ ബസ് സ്റ്റാൻഡ് യാത്രക്കാർക്ക് പ്രയോജന പെടുന്നില്ല. ഈ സാഹചര്യത്തിലാണ് കോഴിക്കോട് റോഡിൽ പഴയ നഗരസഭാ കാല്യാലയത്തിന് സമീപം 3 ഏക്കർ സ്ഥലത്ത് 32 കോടി രൂപ ചെലവിൽ ഹൈടെക് ടൗൺ ബസ് സ്റ്റാൻഡ് നഗരസഭ നിർമിച്ചത്. 50 ബസുകൾക്ക് പാർക്കിങ് സൗകര്യമുള്ള ബസ് സ്റ്റാൻഡിൽ നിന്ന് കോഴിക്കോട്, പാലക്കാട്, നിലമ്പൂർ, പട്ടാമ്പി ഭാഗങ്ങളിലേക്കെല്ലാം ബസ് സർവീസ് കൂടുതൽ സൗകര്യ പ്രദമാകും. സ്റ്റാൻഡ് തുറന്നാൽ പെരിന്തൽമണ്ണ ടൗണിൽ ഇപ്പോൾ അനുഭവ പെടുന്ന ഗതാഗത കുരുക്ക് ഗണ്യമായി കുറയും. തദ്ദേശ തിരഞ്ഞെടുപ്പ് മുൻപിൽ കണ്ടു കൊണ്ടാണ് നഗരസഭാ അധികൃതർ കോവിഡ് വ്യാപനം പോലും അവഗണിച്ച് തിരക്കിട്ട് ബസ് സ്റ്റാൻഡ് ഉദ്ഘാടനം ചെയ്തത്. അതേ സമയം പുതിയ ബസ് സ്റ്റാൻഡ് കേന്ദ്രമാക്കിയുള്ള ഗതാഗത പരിഷ്കാരം നടപ്പാക്കിയതുമില്ല. പുതിയ പരിഷ്കാരം വന്നാൽ മാത്രമേ സ്വകാര്യ ബസുകൾക്ക് ടൗൺ സ്റ്റാൻഡിൽ പ്രവേശിക്കാനാകൂ. കോവിഡ് നിയന്ത്രണത്തിൽ അയവ് വരികയും സ്വകാര്യ ബസുകൾ പഴയപടി സർവീസ് ആരംഭിക്കുകയും ചെയ്തിട്ടുണ്ട്. ഈ സാഹചര്യത്തിൽ ടൗൺ ബസ് സറ്റാൻഡ് ഉടൻ തുറന്നു പ്രവർത്തിക്കണമെന്ന് പെരിന്തൽമണ്ണ താലൂക്ക് സ്വകാര്യ ബസ് ഉടമ സംഘം അധികൃതരോട് ആവശ്യപ്പെട്ടു.
---------------------------------------------
Thattarakkad Varthakal
വാർത്തകൾ ഇനി നിങ്ങളുടെ വിരൽതുമ്പിൽ
---------------------------------------------
Follow this link to join my WhatsApp group: https://chat.whatsapp.com/FnGzubZoHcBAbdECk0kLcU

09/04/2021

ഐപിഎല്ലിന് തുടക്കമായി; ആദ്യ മൽസരത്തിൽ ബാഗ്ലൂരിന് വിജയം

Thattarakkad Varthakal
Date: 10-04-2021

ചെന്നൈ: ഐ.പി.എൽ 14ാം സീസണിന്‍റെ ഉദ്​ഘാടന മത്സരത്തിൽ റോയൽ ചാലഞ്ചേഴ്​സിന്​ ജയം. ചാംപ്യൻമാരായ മുംബൈ ഇന്ത്യൻസിനെ രണ്ട്​ വിക്കറ്റിന്​ വീഴ്​ത്തിയാണ്​ ബാംഗ്ലൂർ ആദ്യജയത്തിന്‍റെ മധുരം നുണർന്നത്​. ഒരുവേള പരാജയം ബാംഗ്ലൂരിനെ കണ്ണുരുട്ടി നോക്കിയെങ്കിലും ഒരറ്റത്ത്​ അമരക്കാനായി നിന്ന വെറ്ററൻ താരം എ.ബി ഡിവില്ലിയേഴ്​സ് (27 പന്തിൽ 47)​ ജയം ഉറപ്പാക്കുകയായിരുന്നു. കഴിഞ്ഞ സീസണുകളിലേതിന്​ സമാനമായി ആദ്യ മത്സരം പരാജയപ്പെട്ടാണ്​ മുംബൈ ഇക്കുറിയും ടൂർണമെന്‍റ്​ തുടങ്ങിയിരിക്കുന്നത്​. തോറ്റുതുടങ്ങിയെങ്കിലും കഴിഞ്ഞ രണ്ട്​ സീസണുകളിലും ഫൈനൽ ചിരി മുംബൈയുടേതായിരുന്നു.

160 റൺസ്​ തേടിയിറങ്ങിയ ബാംഗ്ലൂരിനായി വിരാട്​ കോഹ്​ലിക്കൊപ്പം ഓപ്പൺ ചെയ്​ത്​ വാഷിങ്​ടൺ സുന്ദർ (10) ഏവരെയും ഞെട്ടിച്ചു. തുടർന്നെത്തിയ രജത്​ പട്ടീഥാർ എട്ടുറൺസെടുത്ത്​ മടങ്ങിയതോടെ ക്രീസിലുറച്ച്​ നിന്ന കോഹ്​ലിയും (29 പന്തിൽ 33) ആത്മവിശ്വാസത്തോടെ ബാറ്റുവീശിയ ​െഗ്ലൻ മാക്​സ്​വെല്ലും (28 പന്തിൽ 39) ബാംഗ്ലൂർ ഇന്നിങ്​സിനെ എഴുന്നേൽപ്പിച്ചു നിർത്തി. ഇരുവരും വേഗത്തിൽ മടങ്ങുകയും ഷഹബാദ്​ അഹ്​മദ്​ ഡാനിയൽ ക്രിസ്റ്റ്യൻ എന്നിവർ ഓരോ റൺസെടുത്ത്​ മടങ്ങുകയും ചെയ്​തതോടെ ബാംഗ്ലൂർ പ്രതിസന്ധിയിലായി. തുടർന്ന്​ തന്‍റെ സ്വതസിദ്ധമായ ശൈലിയിൽ ബാറ്റുവീശിയ ഡിവില്ലിയേഴ്​സിന്‍റെ ബാറ്റിൽ നിന്നും രണ്ടു സിക്​സറുകളും നാലുബൗണ്ടറിയും പിറന്നു. അവസാന ഓവറിൽ വിജയത്തിന്​ രണ്ട്​ റൺസകലെ റൺഒൗട്ടായാണ്​ എ.ബി.ഡി മടങ്ങിയത്​. മുംബൈക്കായി ജസ്​പ്രീത്​ ബുംറയും മാർകോ ജാൻസനും രണ്ട്​ വിക്കറ്റുകൾ വീഴ്ത്തി. ടോസ്​ നഷ്ടപ്പെട്ട്​ ബാറ്റിങ്ങിന് ഇറങ്ങിയ മുംബൈയെ അവസാന ഓവറുകളിൽ ബാംഗ്ലൂർ ​റോയൽ ചാലഞ്ചേഴ്​സ്​ എറിഞ്ഞെ് ഒതുക്കുകയായിരുന്നു. 27 റൺസിന്​ അഞ്ചു വിക്കറ്റെടുത്ത ഹർഷൽ പ​ട്ടേലാണ്​ മുംബൈയെ ചുരുട്ടിക്കൂട്ടിയത്​.നായകൻ രോഹിത്​ ശർമക്കൊപ്പം കൂറ്റനടിക്കാരൻ ക്രിസ്​ ലിന്നാണ്​ ഓപ്പൺ ചെയ്​തത്​. ടീം സ്​കോർ 24ൽ നിൽക്കേ 19 റൺസെടുത്ത രോഹിത്​ റൺഔട്ടായി മടങ്ങി. പിന്നീടെത്തിയ സൂര്യകുമാർ യാദവും ലിന്നും അടിച്ചു തുടങ്ങിയതോടെ മുംബൈ സ്​കോർ ബോർഡിന്​ അനക്കം വെച്ചു. കൂറ്റൻ സ്​കോറിലേക്ക്​ നങ്കൂരമിടുമെന്ന്​ തോന്നിക്കവേ സൂര്യകുമാറും (23 പന്തിൽ 31) ലിന്നും (35 പന്തിൽ 49) മടങ്ങി. തുടർന്നെത്തിയവരിൽ 28 റൺസെടുത്ത ഇഷാൻ കിഷനൊഴികെ മറ്റാർക്കും ഒന്നും ചെയ്യാനായില്ല. ഹാർദിക്​ പാണ്ഡ്യ (13), കീറൺ പൊള്ളാർഡ്​ (7), ക്രുനാൽ പാണ്ഡ്യ (7),മാർകോ ജെൻസൺ (0), രാഹുൽ ചഹർ (0) എന്നിങ്ങനെയാണ്​ മറ്റുള്ളവരുടെ സ്​കോറുകൾ.
കൈൽ ജാമിസണും വാഷിങ്​ടൺ സുന്ദറും ഓരോ വിക്കറ്റുകൾ വീതം വീഴ്​ത്തിയപ്പോൾ നാലോവറിൽ 22 റൺസ്​ മാത്രം വഴങ്ങിയ മുഹമ്മദ്​ സിറാജ്​ മുംബൈയുടെ റണ്ണൊഴുക്കിന്​ തടയിട്ടു.
---------------------------------------------
Thattarakkad Varthakal
വാർത്തകൾ ഇനി നിങ്ങളുടെ വിരൽതുമ്പിൽ
---------------------------------------------
Follow this link to join my WhatsApp group: https://chat.whatsapp.com/FnGzubZoHcBAbdECk0kLcU

09/04/2021

തിരിച്ചടി: ബന്ധുനിയമനത്തില്‍ കെ.ടി ജലീല്‍ കുറ്റക്കാരന്‍, മന്ത്രിയായി തുടരാന്‍ അര്‍ഹതയില്ലെന്ന് ലോകായുക്ത

Thattarakkad Varthakal
Date: 09-04-2021

തിരുവനന്തപുരം: ബന്ധുനിയമന ആരോപണത്തില്‍ മന്ത്രി കെ.ടി ജലീല്‍ കുറ്റക്കാരനെന്ന് ലോകായുക്ത. ജലീല്‍ സ്വജനപക്ഷപാതം കാണിച്ചെന്നും സത്യപ്രതിജ്ഞാ ലംഘനം നടത്തിയെന്നും ചൂണ്ടിക്കാട്ടി മന്ത്രിസ്ഥാനത്ത് തുടരാന്‍ അര്‍ഹതയില്ലെന്ന് ലോകായുക്ത ഡിവിഷന്‍ ബെഞ്ച് വിധിച്ചു.

മലപ്പുറം സ്വദേശി മുഹമ്മദ് ഷാഫി നല്‍കിയ പരാതിയിലാണ് നടപടി.പരാതിയില്‍ ഉന്നയിച്ച എല്ലാ കാര്യങ്ങളും സത്യമാണെന്നും മന്ത്രി പദത്തിന് യോജിച്ച നടപടിയല്ല കെ.ടി ജലീല്‍ സ്വീകരിച്ചതെന്നും ലോകായുക്ത കണ്ടെത്തി.

ബന്ധുവായ കെ.ടി. അദീപിനെ ന്യൂനപക്ഷ വികസന ധനകാര്യ കോര്‍പറേഷനില്‍ ജനറല്‍ മാനേജറായി നിയമിച്ചതാണ് വിവാദത്തിനിടയാക്കിയത്. ബന്ധുവിന് വേണ്ടി യോഗ്യതയില്‍ ഇളവ് വരുത്തി വിജ്ഞാപനം ഇറക്കുകയും അദീപിനെ നിയമിക്കുകയും ചെയ്തു എന്നാണ് ആരോപണം.
---------------------------------------------
Thattarakkad Varthakal
വാർത്തകൾ ഇനി നിങ്ങളുടെ വിരൽതുമ്പിൽ
---------------------------------------------
Follow this link to join my WhatsApp group: https://chat.whatsapp.com/FnGzubZoHcBAbdECk0kLcU

09/04/2021

അങ്ങാടിപ്പുറം നാരായണ മേനോൻ മെമ്മോറിയൽ ഹാളിൽ വെച്ച് വീണ്ടും കോവിഡ് വാക്സിനേഷൻ ക്യാമ്പ്.

---------------------------------------------
Thattarakkad Varthakal
Date: 09-04-2021
---------------------------------------------

12-04-2021 തിങ്കളാഴ്ച രാവിലെ 9.മണി മുതൽ 1 മണി വരെ അങ്ങാടിപ്പുറം ഗ്രാമ പഞ്ചായത്തിലെ സ്ഥിരതാമസക്കാരായ 45 വയസ്സിന് മുകളിൽ പ്രായമുള്ളവർക്കായി കോവിഡ് വാക്സിനേഷൻ ക്യാമ്പ് *അങ്ങാടിപ്പുറം നാരായണ മേനോൻ മെമ്മോറിയൽ ഹാളിൽ* വെച്ച് സംഘടിപ്പിക്കുന്നു.

വാക്സിനേഷൻ ക്യാമ്പിൻ വരുന്നവർ ആധാർ കാർഡ് കൊണ്ടുവരേണ്ടതാണ്.
താഴെ പറയുന്ന ലിങ്കിൽ രജിസ്റ്റർ ചെയ്തും ക്യാമ്പിൽ പങ്കെടുക്കാവുന്നതാണ് https://selfregistration.cowin.gov.in/

മെഡിക്കൽ ഓഫീസർ, അങ്ങാടിപ്പുറം കുടുംബാരോഗ്യ കേന്ദ്രം' സംശയങ്ങൾക്ക് താഴെ പറയുന്ന നമ്പറിൽ വിളിക്കാവുന്നതാണ്.
പ്രസിഡണ്ട്, അങ്ങാടിപ്പുറം ഗ്രാമ പഞ്ചായത്ത് & മെഡിക്കൽ ഓഫീസർ.കുടുംബാരോഗ്യ കേന്ദ്രം അങ്ങാടിപ്പുറം 9539038937( ഹെൽത്ത് ഇൻസ്പെക്ടർ )
---------------------------------------------
Thattarakkad Varthakal
വാർത്തകൾ ഇനി നിങ്ങളുടെ വിരൽതുമ്പിൽ
---------------------------------------------
Follow this link to join my WhatsApp group: https://chat.whatsapp.com/FnGzubZoHcBAbdECk0kLcU

09/04/2021

പരിയാപുരം എ.എം.എൽ.പി സ്കൂളിന് പുതിയ കെട്ടിടം

---------------------------------------------
Thattarakkad Varthakal
Date: 09-4-2021
---------------------------------------------

പരിയാപുരം : പരിയാപുരത്തിന്റെ അക്ഷരഗോപുരമായ എ.എം.എൽ.പി സ്കൂളിന് പുതിയ കെട്ടിടത്തിന്റെ കുറ്റിയടിക്കൽ കർമ്മം 10-04-2021 ശനി 9 മണിക്ക്.

തലമുറകൾ വിദ്യ അഭ്യസിച്ച അക്ഷരഗോപുരത്തിന് പുതിയ കെട്ടിടം എന്നത് നാടിന്റെ വലിയ സ്വപ്നമായിരുന്നു. അത്യാധുനിക സൗകര്യങ്ങളോടുകൂടി പുതിയ കെട്ടിടം വരുന്നത്തോടെ നീണ്ട വർഷത്തെ സ്വപ്നമാണ് പൂവണിയുന്നത്.

ശനിയാഴ്ച നടക്കുന്ന ചടങ്ങിലേക്ക് എല്ലാവരെയും ക്ഷണിക്കുകയും കോവിഡ് മാനദണ്ഡങ്ങൾ പാലിക്കണമെന്നും മാനേജ്മെന്റ് അറീച്ചു.
---------------------------------------------
Thattarakkad Varthakal
വാർത്തകൾ ഇനി നിങ്ങളുടെ വിരൽതുമ്പിൽ
---------------------------------------------
Follow this link to join my WhatsApp group: https://chat.whatsapp.com/FnGzubZoHcBAbdECk0kLcU

08/04/2021

എസ്എസ്എല്‍സി പരീക്ഷ ഇന്ന് ആരംഭിക്കും; ജില്ലയില്‍ പരീക്ഷയെഴുതുന്നത് 76173 വിദ്യാര്‍ഥികള്‍

---------------------------------------------
Thattarakkad Varthakal
Date: 08-4-2021
---------------------------------------------

മലപ്പുറം:- നിയമസഭാ തെരഞ്ഞെടുപ്പിനെ തുടര്‍ന്ന് മാറ്റിവച്ച എസ്എസ്എല്‍.സി, പ്ലസ്ടു പരീക്ഷകള്‍ ഇന്ന് ആരംഭിക്കും. 295 കേന്ദ്രങ്ങളിലായി 76,173 കുട്ടികളാണ് ഇത്തവണ എസ്.എസ്.എല്‍.സി പരീക്ഷ എഴുതുന്നത്. സംസ്ഥാനത്ത് തന്നെ ഏറ്റവും കൂടുതല്‍ വിദ്യാര്‍ത്ഥികള്‍ പരീക്ഷ എഴുതുന്നത് മലപ്പുറം വിദ്യാഭ്യാസ ജില്ലയിലാണ്. 26,679 കുട്ടികള്‍. ജില്ലയില്‍ 240 ഹയര്‍ സെക്കന്‍ഡറി പരീക്ഷ കേന്ദ്രങ്ങളിലായി 79,967 വിദ്യാര്‍ത്ഥികളാണ് ഇത്തവണ പ്ലസ്ടു പരീക്ഷ എഴുതുന്നത്. 40534 ആണ്‍കുട്ടികളും 39433 പെണ്‍കുട്ടികളുമാണ് പരീക്ഷയെഴുതുന്നത്. അതില്‍ റഗുലറായി പഠിക്കുന്ന 58293 വിദ്യാര്‍ത്ഥികളും 19348 ഓപ്പണ്‍ വിദ്യാര്‍ത്ഥികളും 2326 പ്രൈവറ്റ് വിദ്യാര്‍ത്ഥികളുമാണുള്ളത്. ഏപ്രില്‍ എട്ട് മുതല്‍ 12 വരെയുള്ള എസ്.എസ്.എല്‍.സി പരീക്ഷകള്‍ ഉച്ചയ്ക്ക് ശേഷവും ബാക്കിയുള്ളവ രാവിലെയും നടക്കും. ഹയര്‍ സെക്കന്‍ഡറി പരീക്ഷകള്‍ രാവിലെയാണ് നടക്കുക.

കോവിഡ് മാനദണ്ഡങ്ങള്‍ പൂര്‍ണമായും പാലിച്ചാണ് ഇത്തവണയും പരീക്ഷ ക്രമീകരണങ്ങള്‍ ഒരുക്കിയിരിക്കുന്നത്. എസ്.എസ്.എല്‍.സി പരീക്ഷയുടെ ഓരോ പരീക്ഷ ഹാളിലും സാമൂഹിക അകലം പാലിച്ച് 20 വിദ്യാര്‍ഥികളെ പരീക്ഷയ്ക്കിരുത്തും. പരീക്ഷ ഹാളിലേക്ക് പ്രവേശിക്കുന്നതിനും തിരിച്ചു പോകുന്നതിനും നിബന്ധനകളുണ്ട്. സാനിറ്റൈസര്‍, മാസ്‌ക്ക്, ഗ്ലൗസ് എന്നിവയെല്ലാം വിദ്യാര്‍ഥികള്‍ക്കും അധ്യാപകര്‍ക്കും നല്‍കും. പരീക്ഷാഹാളിലേക്ക് പ്രവേശിക്കും മുമ്പ് എല്ലാവരെയും തെര്‍മല്‍ സ്‌കാനിങിന് വിധേയരാക്കും. തെര്‍മല്‍ സ്‌കാനിങില്‍ എന്തെങ്കിലും പ്രശ്‌നം കണ്ടെത്തുന്നവരെ പ്രത്യേകം റൂമില്‍ പരീക്ഷയ്ക്കിരുത്തും. പരീക്ഷ ഹാളുകള്‍, ടോയ്ലറ്റുകള്‍, കിണറുകള്‍ എന്നിവിടങ്ങളെല്ലാം അണു വിമുക്തമാക്കിയിട്ടുണ്ട്.

---------------------------------------------
Thattarakkad Varthakal
വാർത്തകൾ ഇനി നിങ്ങളുടെ വിരൽതുമ്പിൽ
---------------------------------------------
Follow this link to join my WhatsApp group: https://chat.whatsapp.com/FnGzubZoHcBAbdECk0kLcU

23/10/2020

*കരിപ്പൂരില്‍ അപകടത്തില്‍പ്പെട്ട വിമാനം മാറ്റിത്തുടങ്ങി*

*Thattarakkad Varthakal*
*Date : 23-10-2020*

മലപ്പുറം:- കരിപ്പൂരില്‍ അപകടത്തില്‍പെട്ട്‌ തകര്‍ന്ന എയര്‍ ഇന്ത്യാ വിമാനത്തിന്റെ ഭാഗങ്ങള്‍ അപകടം നടന്ന സ്‌ഥലത്തുനിന്നും മാറ്റിത്തുടങ്ങി. എന്നാല്‍ വിമാനം പരിശോധനകള്‍ക്കും തുടരന്വേഷണത്തിനുമായി രണ്ടുവര്‍ഷം വരെ കരിപ്പൂരില്‍ തന്നെ പാര്‍ക്ക്‌ ചെയ്യും. അപകടത്തില്‍പെട്ട വിമാനം ഇനി പ്രയോജനപ്പെടുത്താനാകില്ലെന്ന്‌ ബോധ്യമായിട്ടുണ്ട്‌.

വിമാനത്തിന്റെ മറ്റുഭാഗങ്ങള്‍ പ്രയോജനപ്പെടുത്താനും പൂര്‍വസ്‌ഥിതിയിലേക്കു മാറ്റാനുമാകില്ല. ഇതോടെയാണ്‌ കരിപ്പൂരില്‍തന്നെ വിമാനം നിര്‍ത്താന്‍ എയര്‍ഇന്ത്യ തീരുമാനിച്ചത്‌.
നിലവില്‍ രണ്ടുവര്‍ഷം വരെ വിമാനത്തിന്റെ പരിശോധനകളും തുടരന്വേഷണങ്ങളും നടത്തും. ഇതിനുശേഷം വിമാനം നിലവിലെ സ്‌ഥലത്ത്‌ തുടരണോ എന്ന്‌ ആലോചിക്കും. അപകടം നടന്ന സ്‌ഥലത്തുനിന്ന്‌ വിമാനം റണ്‍വേയുടെ തെക്കുഭാഗത്തെ താഴ്‌വാരത്ത്‌ പ്രത്യേകം തയാറാക്കിയ സ്‌ഥലത്താണു നിര്‍ത്തിയിടുന്നത്‌. കൃത്യമായ രൂപരേഖ തയാറാക്കിയാണു വിമാനം സംഭവസ്‌ഥലത്തുനിന്ന്‌ മാറ്റുന്നത്‌.

ഇന്നലെ വിമാനത്തിന്റെ മുഖഭാഗമാണ്‌ അപകട സ്‌ഥലത്തുനിന്ന്‌ ക്രെയിന്‍ ഉപയോഗിച്ച്‌ ഉയര്‍ത്തി ട്രക്കിലേക്കുവച്ചത്‌. ഇന്നു പ്രത്യേകം തയാറാക്കിയ സ്‌ഥലത്തേക്ക്‌ കൊണ്ടുപോകും. ഇതോടൊപ്പം വിമാനത്തിന്റെ രണ്ടു ചിറകുകള്‍ വേര്‍പ്പെടുത്തുന്ന പ്രവൃത്തികളും തുടങ്ങിയിട്ടുണ്ട്‌. വിമാനത്തിനുളളില്‍ ഫ്യൂവല്‍ അപകടം വരുത്താതിരിക്കാന്‍ വെളളം പമ്പ്‌ ചെയ്യുന്നുമുണ്ട്‌.
അപകട സ്‌ഥലത്ത്‌ പ്രത്യേകം പരിശോധന നടത്തി വിമാനത്തിനുളളിലെ അവശേഷിക്കുന്ന ചെറിയ യന്ത്രങ്ങളുടെ പോലും കണക്കെടുത്താണു മാറ്റുന്നത്‌.എയര്‍ ഇന്ത്യയുടെ അന്വേഷണ വിഭാഗം, ടെക്‌നിക്കല്‍ വിഭാഗത്തിലുളളവരടക്കം സംഭവസ്‌ഥലത്തുണ്ട്‌. വിമാനത്തിന്റെ യന്ത്രങ്ങള്‍ ക്രെനിലേക്ക്‌ വയ്‌ക്കേണ്ട രീതിവരെ ഉദ്യോഗസ്‌ഥരുടെ നിര്‍ദേശത്തിലാണ്‌ നടത്തുന്നത്‌. കേന്ദ്ര സുരക്ഷാസേനയുടെയും എയര്‍ ഇന്ത്യ സെക്യൂരിറ്റി വിഭാഗത്തിന്റെയും കാവലിലാണ്‌ അപകടസ്‌ഥലം.

നിലവില്‍ കരിപ്പൂരില്‍ വിമാനങ്ങള്‍ ലാന്‍ഡ്‌ ചെയ്യുമ്പോഴും പറന്നുയരുമ്പോഴും പ്രവൃത്തികള്‍ നിര്‍ത്തിവയ്‌ക്കാനും നിര്‍ദേശം ലഭിച്ചിട്ടുണ്ട്‌.
-------------------------------------------
*Thattarakkad Varthakal*
*വാർത്തകൾ ഇനി നിങ്ങളുടെ വിരൽതുമ്പിൽ*
---------------------------------------------
Follow this link to join my WhatsApp group: https://chat.whatsapp.com/DN9h07Hn4HD43FXVETK6fz

23/10/2020

*തിരുമാന്ധാംകുന്ന് ക്ഷേത്രത്തിൽ പൂജവെപ്പ് ഇന്ന്*

*Thattarakkad Varthakal*
*Date : 23-10-2020*

അങ്ങാടിപ്പുറം: തിരുമാന്ധാംകുന്ന് ഭഗവതീക്ഷേത്രത്തിൽ കോവിഡ് നിയന്ത്രണങ്ങളോടെ മഹാനവമി, വിജയദശമി ആഘോഷങ്ങൾ നടക്കും. വെള്ളിയാഴ്ച വൈകുന്നേരം 4.30-ന് പുസ്തകം പൂജയ്ക്കുവെക്കും. ശനി, ഞായർ ദിവസങ്ങളിൽ സരസ്വതിപൂജയും പുസ്തകപൂജയുമുണ്ട്.
തിങ്കളാഴ്ച രാവിലെയാണ് പൂജയെടുപ്പ്. വിദ്യാരംഭം ഒഴിവാക്കി.
-------------------------------------------
*Thattarakkad Varthakal*
*വാർത്തകൾ ഇനി നിങ്ങളുടെ വിരൽതുമ്പിൽ*
---------------------------------------------
Follow this link to join my WhatsApp group: https://chat.whatsapp.com/DN9h07Hn4HD43FXVETK6fz

22/10/2020

*ഇരുചക്ര വാഹന യാത്രയിൽ ഹെൽമറ്റ് ധരിച്ചില്ലെങ്കിൽ കടുത്ത ശിക്ഷ; ലൈസൻസ് റദ്ദാക്കാൻ ഉദ്യോഗസ്ഥർക്ക് അധികാരമുണ്ട്.*

---------------------------------------------
_*Thattarakkad Varthakal*_
*Date: 22-10-2020*
---------------------------------------------

മോട്ടോര്‍ സൈക്കിളില്‍ യാത്ര ചെയ്യുന്നവര്‍ പ്രൊട്ടക്ടീവ് ഹെഡ് ഗിയര്‍ അഥവാ ഹെല്‍മറ്റ് ധരിച്ചില്ലെങ്കില്‍ മോട്ടോര്‍ സൈക്കിള്‍ ഓടിച്ചയാളുടെ ലൈസന്‍സ് സസ്‌പെന്‍ഡ് ചെയ്യാന്‍ ഉദ്യോഗസ്ഥര്‍ക്ക് അധികാരമുണ്ടോ എന്ന കാര്യത്തില്‍ പലര്‍ക്കും സംശയം ഉണ്ടാകാം. എന്നാല്‍ അധികാരമുണ്ട് എന്നതാണ് ഉത്തരം.

മോട്ടോര്‍ സൈക്കിളില്‍ യാത്ര ചെയ്യുന്നവര്‍ക്ക് ഇല്ലെങ്കില്‍ വാഹനം ഓടിക്കുന്ന ആള്‍ മോട്ടോര്‍ വാഹന നിയമത്തിന്റെ സെക്ഷന്‍ 194 ഡി പ്രകാരം 1000 രൂപ പിഴ അടയ്ക്കാന്‍ ബാധ്യസ്ഥനാണ്. കൂടാതെ ഡ്രൈവറുടെ ലൈസന്‍സ് മൂന്ന് മാസം അയോഗ്യത കല്‍പ്പിക്കുവാനും നിയമത്തില്‍ വ്യവസ്ഥയുണ്ട് . മോട്ടോര്‍ വാഹന നിയമത്തിന്റെ സെക്ഷന്‍ 200 പ്രകാരം സംസ്ഥാനങ്ങള്‍ക്കുളള അധികാരം ഉപയോഗിച്ച്‌ കേരളത്തില്‍ പിഴത്തുക 500 രൂപയായി കുറച്ചിരുന്നു.
എന്നാല്‍ മോട്ടോര്‍ വാഹന നിയമത്തിന്റെ 200-ാം വകുപ്പ് (2) ഉപവകുപ്പിന്റെ രണ്ടാം ക്ലിപ്ത നിബന്ധന പ്രകാരം കോമ്ബൗണ്ടിംഗ് ഫീ അടച്ചാലും ഡ്രൈവിംഗ് ലൈസന്‍സിന് അയോഗ്യത കല്‍പ്പിക്കല്‍, ഡ്രൈവര്‍ റെഫ്രഷര്‍ ട്രെയിനിംഗ് കോഴ്‌സ്, കമ്മ്യൂണിറ്റി സര്‍വീസ് പൂര്‍ത്തിയാക്കല്‍ എന്നിവയില്‍ നിന്ന് ഡ്രൈവര്‍മാരെ ഒഴിവാക്കുന്നില്ല.
2020 ഒക്‌ടോബര്‍ ഒന്നു മുതല്‍ മോട്ടോര്‍ വാഹന നിയമത്തിന്റെ 206-ാം വകുപ്പ് (4)-ാം ഉപവകുപ്പ് പ്രകാരം പോലീസ് ഓഫീസര്‍ക്ക് പരിശോധന വേളയില്‍ മോട്ടോര്‍ സൈക്കിള്‍ യാത്രക്കാര്‍ ചെയ്തുവരുന്നത് കണ്ടാല്‍ ഡ്രൈവിംഗ് അധികാരിക്ക് ഡ്രൈവിംഗ് ലൈസന്‍സ് അയോഗ്യത കല്‍പ്പിക്കാന്‍ ശുപാര്‍ശ ചെയ്തുകൊണ്ട് ഒറിജിനല്‍ ലൈസന്‍സ് അയച്ചുകൊടുക്കാനും അധികാരം നല്‍കിയിരിക്കുന്നു. എല്ലാ മോട്ടോര്‍ സൈക്കിള്‍ യാത്രക്കാരും ഹെല്‍മറ്റ് ധരിച്ച്‌ യാത്ര ചെയ്യുകയാണെങ്കില്‍ സംസ്ഥാനത്ത് വാഹനാപകടങ്ങള്‍ 20 ശതമാനത്തോളം കുറയ്ക്കുവാന്‍ കഴിയുമെന്നാണ് എന്ന് കണക്കുകള്‍ സൂചിപ്പിക്കുന്നത്.

-------------------------------------------
*Thattarakkad Varthakal*
*വാർത്തകൾ ഇനി നിങ്ങളുടെ വിരൽതുമ്പിൽ*
---------------------------------------------
Follow this link to join my WhatsApp group: https://chat.whatsapp.com/DN9h07Hn4HD43FXVETK6fz

22/10/2020

*അങ്ങാടിപ്പുറം പഞ്ചായത്തിൽ ഇന്ന് 11 പേർക്ക് കോവിഡ് സ്ഥിരീകരിച്ചു*

_*Thattarakkad Varthakal*_
*Date: 22-10-2020*

അങ്ങാടിപ്പുറം പഞ്ചായത്തിൽ പ്രതിദിന കോവിഡ് ബാധിതരുടെ എണ്ണത്തിൽ ഇന്നലത്തെ അപേക്ഷിച്ച് ഇന്ന് കുറവ്. അങ്ങാടിപ്പുറം പഞ്ചായത്തിൽ ഇന്ന് 11 പേർക്ക് കോവിഡ് സ്ഥിരീകരിച്ചു. അതേ സമയം സമീപ പ്രദേശമായ പെരിന്തൽമണ്ണയിൽ 32 പേർക്കാണ് ഇന്ന് കോവിഡ് സ്ഥിരീകരിച്ചത്.

*ജില്ലയിൽ ഇന്ന് കോവിഡ് ബാധിച്ചവരുടെ പ്രാദേശിക എണ്ണം ചുവടെ*

എ ആർ നഗർ 8
ആലംകോട് 1
ആലിപറമ്പ 4
അമരമ്പലം 9
ആനക്കയം 10
അങ്ങാടിപ്പുറം 11
അരീക്കോട് 16
ആതവനാട് 1
ചാലിയാർ 9
ചീക്കോട് 10
ചേലേമ്പ്ര 3
ചെറിയമുണ്ടം 6
ചെറുകാവ് 9
ചോക്കാട് 2
ചുങ്കത്തറ 6
എടക്കര 3
എടപ്പറ്റ 5
എടപ്പാൾ 33
എടവണ്ണ 16
എടയൂർ 2
ഏലംകുളം 7
ഇരിമ്പിളിയം 4
കാലടി 3
കാളികാവ് 6
കൽപകഞ്ചേരി 2
കണ്ണമംഗലം 9
കരുളായി 1
കരുവാരകുണ്ട് 2
കാവന്നൂർ 2
കീഴാറ്റൂർ 7
കീഴുപറമ്പ 31
കോഡൂർ 2
കൊണ്ടോട്ടി 9
കൂട്ടിലങ്ങാടി 8
കോട്ടക്കൽ 10
കുറുവ 13
കുറ്റിപ്പുറം 8
കുഴിമണ്ണ 9
മക്കരപ്പറമ്പ 2
മലപ്പുറം 41
മമ്പാട് 5
മംഗലാം 2
മഞ്ചേരി 42
മങ്കട 10
മാറാക്കര 3
മാറഞ്ചേരി 20
മേലാറ്റൂർ 5
മൂന്നിയൂർ 8
മൂർക്കനാട് 3
മൂത്തേടം 2
മൊറയൂർ 5
നന്നമ്പ്ര 8
നന്നമുക്ക് 2
നിലംബൂർ 18
നിറമരുതൂർ 1
ഊരകം 5
ഒതുക്കുങ്ങൽ 5
ഒഴൂർ 2
പള്ളിക്കൽ 3
പാണ്ടിക്കാട് 6
പരപ്പനങ്ങാടി 18
പറപ്പൂർ 8
പെരിന്തൽമണ്ണ 32
പെരുമണ്ണ ക്ലാരി 6
പെരുമ്പടപ്പ് 11
പെരുവള്ളൂർ 5
പൊന്മള 5
പൊന്മുണ്ടം 1
പൊന്നാനി 23
പൂക്കോട്ടൂർ 5
പോരൂർ 5
പോത്തുകൽ 4
പുലാമന്തോൾ 3
പുളിക്കൽ 10
പുൽപ്പറ്റ 3
പുറത്തൂർ 4
പുഴക്കാട്ടിരി 4
താനാളൂർ 7
താനൂർ 8
തലക്കാട് 5
തവനൂർ 2
താഴെക്കോട് 4
തേഞ്ഞിപ്പലം 21
തെന്നല 3
തിരുനാവായ 17
തിരുവാലി 5
തൃക്കലങ്ങോട് 19
തൃപ്രങ്ങോട് 4
തുവ്വൂർ 3
തിരുർ 9
തിരുരങ്ങാടി 33
ഉറങ്ങാട്ടിരി 5
വളാഞ്ചേരി 13
വള്ളിക്കുന്ന് 5
വട്ടംകുളം 9
വാഴക്കാട് 18
വാഴയൂർ 3
വഴിക്കടവ് 1
വെളിയൻകോഡ് 13
വേങ്ങര 23
വെട്ടം 7
വണ്ടൂർ 14
കോഴിക്കോട് 4
-------------------------------------------
*Thattarakkad Varthakal*
*വാർത്തകൾ ഇനി നിങ്ങളുടെ വിരൽതുമ്പിൽ*
---------------------------------------------
Follow this link to join my WhatsApp group: https://chat.whatsapp.com/DN9h07Hn4HD43FXVETK6fz

22/10/2020

കോട്ടയം - നിലമ്പൂർ റോഡ് പാസഞ്ചർ ട്രെയിൻ എക്സ്പ്രസാക്കി മാറ്റി
------------------------------------------
Thattarakkad Varthakal
Date: 22-10-2020
--------------------------------------------

അങ്ങാടിപ്പുറം: വരുമാന വർധന ലക്ഷ്യമിട്ട് രാജ്യത്തെ 358 പാസഞ്ചർ തീവണ്ടികൾ എക്സ്പ്രസുകളാക്കി മാറ്റി. ഇതിൽ കോട്ടയം - നിലമ്പൂർ റോഡ് ഉൾപ്പെടെ കേരളത്തിലെ പത്തു പാസഞ്ചറുകളും ഉൾപ്പെടുന്നു. ഇവയിൽ യാത്രാ നിരക്ക് ഇരട്ടിയിലധികമാവുകയും സ്റ്റോപ്പുകളുടെ എണ്ണം കുറയുകയും ചെയ്യും. തീവണ്ടി ഗതാഗതം സാധാരണ ഗതിയിലാകുമ്പോൾ ഈ പരിഷ്‌കാരം പ്രാബല്യത്തിൽ വരും. റെയിൽവേ സ്വകാര്യ വത്കരണത്തിന്റെ ചുവട് പിടിച്ചാണ് പാസഞ്ചറുകൾ ലാഭകരമല്ലെന്ന വിലയിരുത്തലുകൾ ഉണ്ടായത്. ഇവയെ എക്സ്പ്രസുകളും എക്സ്പ്രസുകളെ സൂപ്പർ ഫാസ്റ്റുകളുമാക്കാൻ റെയിൽവേ തീരുമാനിച്ചിരുന്നു. പാസഞ്ചറിലെ ഏറ്റവും കുറഞ്ഞ യാത്രാനിരക്ക് 10 രൂപയാണ്. എക്സ്പ്രസുകളായി മാറുമ്പോൾ ചുരുങ്ങിയ നിരക്ക് 30 രൂപയാവും. പാസഞ്ചറുകളിൽ സ്ലീപ്പർ, എ.സി.യും ഉൾപ്പെടെയുള്ള കോച്ചുകൾ വരും. വേഗം കൂടുന്നതോടെ യാത്രക്കാർക്ക് സമയ ലാഭവും ഉണ്ടാവും.

_കേരളത്തിൽ എക്സ്പ്രസുകളാകുന്ന പാസഞ്ചറുകൾ_

1. നാഗർകോവിൽ-കോട്ടയം
2. കോയമ്പത്തൂർ- മംഗലാപുരം സെൻട്രൽ
3. കോട്ടയം-നിലമ്പൂർ റോഡ്
4. ഗുരുവായൂർ-പുനലൂർ
5. തൃശ്ശൂർ-കണ്ണൂർ
6. കണ്ണൂർ-കോയമ്പത്തൂർ
7. മംഗലാപുരം സെൻട്രൽ- കോഴിക്കോട്
8. പുനലൂർ-മധുര
9. പാലക്കാട് ടൗൺ- തിരുച്ചിറപ്പള്ളി
10. പാലക്കാട്-തിരുച്ചെന്തൂർ
-------------------------------------------
Thattarakkad Varthakal
വാർത്തകൾ ഇനി നിങ്ങളുടെ വിരൽതുമ്പിൽ
---------------------------------------------
Follow this link to join my WhatsApp group: https://chat.whatsapp.com/DN9h07Hn4HD43FXVETK6fz

22/10/2020

*കിണറ്റിൽ വീണ കുറുക്കനെ രക്ഷപ്പെടുത്തി വൈറ്റ് ഗാർഡ്
▪️▪️▪️▪️▪️▪️▪️▪️▪️▪️▪️▪️

*Thattarakkad Varthakal*
*Date : 22-10-2020*

തിരൂർക്കാട്:- പീച്ചാണിപ്പറമ്പിൽ ചീരോത്ത് അലവിയുടെ വീട്ടിലെ കിണറ്റിൽ പുലർച്ചെ വീണ കുറുക്കനെ രക്ഷപ്പെടുത്തി വൈറ്റ് ഗാർഡ്‌.

അങ്ങാടിപ്പുറം വൈറ്റ് ഗാർഡ്‌ ക്യാപ്റ്റൻ ഷെബീർ മാഞ്ഞാമ്പ്ര, സിവിൽ ഡിഫെൻസ് അംഗം ഷെഫീഖ് അമ്മിനിക്കാട്, ഫാസിൽ തോണിക്കര എന്നിവർ പങ്കെടുത്തു...
-------------------------------------------
*Thattarakkad Varthakal*
*വാർത്തകൾ ഇനി നിങ്ങളുടെ വിരൽതുമ്പിൽ*
---------------------------------------------
Follow this link to join my WhatsApp group: https://chat.whatsapp.com/DN9h07Hn4HD43FXVETK6fz

22/10/2020

പെരിന്തൽമണ്ണ പോലീസ് സ്റ്റേഷനിലെ 2 പേർക്ക് മുഖ്യമന്ത്രിയുടെ പോലീസ് മെഡൽ

Thattarakkad Varthakal
Date: 22-10-2020

പെരിന്തൽമണ്ണ: സേവന മികവിന് മുഖ്യമന്ത്രിയുടെ പോലീസ് മെഡൽ പെരിന്തൽമണ്ണ പോലീസ് സ്റ്റേഷനിലെ രണ്ട് പേർക്ക് ലഭിച്ചു. വനിതാ എസ്ഐ ഒ.രമാദേവി, ട്രാഫിക് പോലീസ് യൂണിറ്റിലെ എഎസ്ഐ എം.നാരായണൻ കുട്ടി എന്നിവരാണ് പോലീസ് മെഡലിന് അർഹരായത്. ഇവർ ഉൾപ്പെടെ മലപ്പുറം ജില്ലയിൽ വിവിധ സ്‌റ്റേഷനുകളിലായി​ 17 പേർക്കാണ് മുഖ്യമന്ത്രിയുടെ പൊലീസ്​ മെഡൽ കരസ്ഥമാക്കിയത്.

Follow this link to join my WhatsApp group https://chat.whatsapp.com/DN9h07Hn4HD43FXVETK6fz

21/10/2020

തെരഞ്ഞെടുപ്പ് മാര്‍ഗ രേഖ പുറത്തിറക്കി; പരസ്യപ്രചാരണത്തിന് നിയന്ത്രണം

Thattarakkad Varthakal
Date : 21-10-2020

തദ്ദേശ സ്വയംഭരണ തെരഞ്ഞെടുപ്പിനുള്ള മാര്‍ഗരേഖ തെരഞ്ഞെടുപ്പ് കമ്മീഷന്‍ പുറത്തിറക്കി. പ്രചാരണത്തിന്‍റെ ഭാഗമായുള്ള ഭവന സന്ദര്‍ശനത്തിന് സ്ഥാനാര്‍ത്ഥി ഉള്‍പ്പെടെ അഞ്ച് പേര്‍ക്ക് മാത്രമേ അനുമതിയുള്ളൂ. ജാഥയും കൊട്ടിക്കലാശവും ഒഴിവാക്കണം. ബൂത്തിനകത്ത് ഒരു സമയം മൂന്ന് വോട്ടര്‍മാരെ മാത്രമേ അനുവദിക്കൂവെന്നും മാര്‍ഗരേഖയില്‍ വ്യക്തമാക്കുന്നുണ്ട്.

ഡിസബര്‍ ആദ്യ വാരം നടത്താന്‍ ഉദ്ദേശിക്കുന്ന തദ്ദേശ തെരഞ്ഞെടുപ്പിന് വേണ്ടി വിശദമായ മാര്‍ഗരേഖയാണ് കമ്മീഷന്‍ പുറത്തിറക്കിയത്. ഉദ്യോഗസ്ഥരുടെ പരിശീലനം മുതല്‍ വോട്ടെണ്ണല്‍ വരെയുള്ള കാര്യങ്ങള്‍ക്ക് മാര്‍ഗരേഖയുണ്ട്. നോമിനേഷന്‍ സമര്‍പ്പിക്കാന്‍ ഒരു സമയം ഒരു സ്ഥാനാര്‍ത്ഥിയെ മാത്രമെ അനുവദിക്കൂ. സ്ഥാനാര്‍ത്ഥി ഉള്‍പ്പെടെ മൂന്ന് പേര്‍ മാത്രമേ പാടുള്ളു. സ്ഥാനാര്‍ത്ഥിക്കൊപ്പം വാഹനവ്യൂഹമോ ആള്‍ക്കൂട്ടമോ പാടില്ല. സ്ഥാനാര്‍ത്ഥിയെ ബൊക്കയോ, നോട്ട് മാലയോ ഇട്ട് സ്വീകരിക്കാന്‍ പാടില്ല. ഭവന സന്ദര്‍ശനത്തിന് സ്ഥാനാര്‍ത്ഥി ഉള്‍പ്പെടെ അഞ്ച് പേര്‍ മാത്രമേ പാടുള്ളു.

റോഡ് ഷോയ്ക്കും വാഹന റാലിക്കും മൂന്ന് വാഹനങ്ങള്‍ മാത്രമേ അനുവദിക്കൂ. നോട്ടീസും ലഘുലേഖയും ഒഴിവാക്കി പരമാവധി സോഷ്യല്‍ മീഡിയ ഉപയോഗിക്കണമെന്നാണ് കമ്മീഷന്‍റെ നിര്‍ദ്ദേശം. കോവിഡ് രോഗികള്‍ക്കും ക്വാറന്‍റൈനില്‍ ഉള്ളവര്‍ക്കും തപാല്‍ വോട്ട് നടപ്പാക്കും. സ്ഥാനാര്‍ത്ഥിക്ക് കോവിഡ് ബാധിച്ചാല്‍ പ്രചാരണത്തിന് ഇറങ്ങരുത്. പോളിങ് ബൂത്തിലേക്ക് കയറുമ്പോഴും ഇറങ്ങുമ്പോഴും വോട്ടര്‍മാര്‍ സാനിറ്റൈസര്‍ ഉപയോഗിക്കണം. തിരിച്ചറിയല്‍ വേളയില്‍ ആവശ്യമെങ്കില്‍ മാത്രം വോട്ടര്‍മാര്‍ മാസ്ക് മാറ്റിയാല്‍ മതിയാകുമെന്നും മാര്‍ഗരേഖയില്‍ വ്യക്തമാക്കുന്നുണ്ട്. പോളിങ് സാധനങ്ങളുടെ വിതരണം, പോളിങ് ബൂത്തുകളുടെ സജ്ജീകരണം, വോട്ടണ്ണല്‍ ക്രമീകരണം എന്നിവയ്ക്കും മാര്‍ഗരേഖയുണ്ട്.
-------------------------------------------
Thattarakkad Varthakal
വാർത്തകൾ ഇനി നിങ്ങളുടെ വിരൽതുമ്പിൽ
---------------------------------------------
Follow this link to join my WhatsApp group: https://chat.whatsapp.com/DN9h07Hn4HD43FXVETK6fz

21/10/2020

പെരിന്തൽമണ്ണയിൽ വാഹനപരിശോധനയിൽ ഒരാഴ്ച ഈടാക്കിയത് 2.12 ലക്ഷം

---------------------------------------------
Thattarakkad Varthakal
Date: 21-10-2020
---------------------------------------------

പെരിന്തൽമണ്ണ:- മോട്ടോർ വാഹന വകുപ്പ് പെരിന്തൽമണ്ണ കേന്ദ്രീകരിച്ച് നടത്തിവരുന്ന വാഹനപരിശോധന ഈയാഴ്ച മുതൽ ഉൾപ്രദേശങ്ങളിൽ കേന്ദ്രീകരിച്ച് നടത്തും. കഴിഞ്ഞ ഒരാഴ്ചക്കിടെ 172 കേസുകളിൽനിന്നായി 2.12 ലക്ഷം രൂപ പിഴയിനത്തിൽ ഈടാക്കിയതായി പെരിന്തൽമണ്ണ ജോയൻറ് ആർ.ടി.ഒ സി.യു. മുജീബ് അറിയിച്ചു. റോഡപകടങ്ങൾ കുറക്കുന്നതിനായി പ്രധാനമായാണ് തുടർച്ചയായുള്ള പരിശോധന. ഹെൽമറ്റ് ധരിക്കാതെ ഇരുചക്രവാഹനമോടിച്ചാൽ ലൈസൻസ് റദ്ദാക്കുന്നതടക്കമുള്ള നടപടികളാണ് കൈക്കൊള്ളുന്നത്. പരിശോധന കർശനമാക്കിയതോടെ വാഹനാപകടങ്ങളും കുറഞ്ഞിട്ടുണ്ട്. ഇതുവരെ 540 പേർക്ക് കാരണംകാണിക്കൽ നോട്ടീസ് നൽകി. എം.വി.ഐമാരായ ശരത്ത് സേനൻ, ബിനോയ് വർഗീസ്, ജസ്​റ്റിൻ മാളിയേക്കൽ, എ.എം.വി.ഐമാരായ മുഹമ്മദ് ലബീബ്, അബ്​ദുൽ ഗഫൂർ, വി. വിഷ്ണു, അഭിലാഷ്, സെയ്താലിക്കുട്ടി എന്നിവരടങ്ങുന്ന മൂന്ന് സ്ക്വാഡുകൾ ആയിട്ടാണ് പരിശോധന നടത്തുന്നത്.
-------------------------------------------
Thattarakkad Varthakal
വാർത്തകൾ ഇനി നിങ്ങളുടെ വിരൽതുമ്പിൽ
---------------------------------------------
Follow this link to join my WhatsApp group: https://chat.whatsapp.com/DN9h07Hn4HD43FXVETK6fz

21/10/2020

തട്ടാരക്കാട് കോവിൽ പോസിറ്റീവായ രോഗിയുടെ വീട് അണുനശീകരണം നടത്തി

Thattarakkad Varthakal
Date : 21-10-2020

തട്ടാരക്കാട് : കഴിഞ്ഞ ഒൻപതാം തിയ്യതി തട്ടാരക്കാട് ജലാലിയ നഗറിൽ കൊവിഡ് പോസിറ്റീവ് ആയ രോഗിയുടെ വീട് മുസ്ലിം യൂത്ത് ലീഗ് വൈറ്റ് ഗാർഡിന്റെ നേതൃത്വത്തിൽ അണുനശീകരണം നടത്തി.

കഴിഞ്ഞ ദിവസം നടത്തിയ ആന്റിജൻ ടെസ്റ്റിൽ രോഗിക്ക് ഫലം നെഗറ്റീവ് ആയതിനെ തുടർന്നാണ് വീടും പരിസരവും അണുനശീകരണം നടത്തിയത്.

വാർഡ് മെമ്പർ സലാം ആറങ്ങോടൻ, വൈറ്റ് ഗാർഡ് അങ്ങാടിപ്പുറം പഞ്ചായത്ത് ക്യാപ്റ്റൻ ഷബീർ മാഞ്ഞബ്ര, വൈറ്റ് ഗാർഡ് അംഗം സുഹൈൽ കെ.ടി തുടങ്ങിയവർ നേതൃത്വം നൽകി.
-------------------------------------------
Thattarakkad Varthakal
വാർത്തകൾ ഇനി നിങ്ങളുടെ വിരൽതുമ്പിൽ
---------------------------------------------
Follow this link to join my WhatsApp group: https://chat.whatsapp.com/DN9h07Hn4HD43FXVETK6fz

20/10/2020

ആഘോഷങ്ങളില്ലാതെ, 97 ന്റെ നിറവില്‍ വി എസ്.

---------------------------------------------
Thattarakkad Varthakal
Date: 20-10-2020
---------------------------------------------

മുന്‍ മുഖ്യമന്ത്രി വി.എസ്. അച്യുതാനന്ദന് ഇന്ന് 97 വയസ്സ് തികയുന്നു. 1932 ഒക്ടോബര്‍ 20ന് ആലപ്പുഴയിലാണ് ഇദ്ദേഹത്തിന്റെ ജനനം. 2006 മുതല്‍ 2011 വരെ കേരള മുഖ്യമന്ത്രിയായിരുന്ന ഇദ്ദേഹം ഇന്ത്യയിലെ ഏറ്റവും മുതിര്‍ന്ന രാഷ്ട്രീയ പ്രവര്‍ത്തകരിലൊരാളാണ്. കോവിഡ് നിയന്ത്രണങ്ങളും പ്രായാധിക്യവുംമൂലം മുഴുവന്‍ സമയവും വസതിയിലണ് ഇപ്പോള്‍ അദ്ദേഹം. പ്രായാധിക്യംമൂലം പൊതുചടങ്ങുകളില്‍ അദ്ദേഹം പങ്കെടുക്കാറില്ല. ഭരണപരിഷ്‌കാര കമ്മിഷന്റെ ഔദ്യോഗിക വസതിയായ കവടിയാര്‍ ഹൗസിലാണ് ഇപ്രാവശ്യത്തെ അദ്ദേഹത്തിന്റെ ജന്മദിനാഘോഷം.
-------------------------------------------
Thattarakkad Varthakal
വാർത്തകൾ ഇനി നിങ്ങളുടെ വിരൽതുമ്പിൽ
---------------------------------------------
Follow this link to join my WhatsApp group: https://chat.whatsapp.com/DN9h07Hn4HD43FXVETK6fz

20/10/2020

അങ്ങാടിപ്പുറം തിരുമാന്ധാംകുന്ന് പൂരം നവംബർ നാലിന് തുടങ്ങും

Thattarakkad Varthakal
Date: 20-10-2020

അങ്ങാടിപ്പുറം: തിരുമാന്ധാംകുന്ന് ഭഗവതീ ക്ഷേത്രത്തിൽ ഈ വർഷത്തെ പൂരാഘോഷം ചടങ്ങുകൾ മാത്രമായി നവംബർ നാലിന് തുടങ്ങും. 11 ദിവസത്തെ പൂരം 14-ന് സമാപിക്കും. മീനമാസത്തിലെ മകീര്യം നക്ഷത്രത്തിൽ തുടങ്ങുന്ന വള്ളുവനാട്ടിലെ മഹോത്സവമായ തിരുമാന്ധാംകുന്ന് പൂരം കോവിഡ് പശ്ചാത്തലത്തിൽ ദേവിയുടെ അനുജ്ഞാ ചടങ്ങ് നടത്തി വൃശ്ചിക മാസത്തിന് മുൻപായി നടത്താൻ തീരുമാനിച്ച് മാറ്റി വെക്കുകയായിരുന്നു. മാർച്ച് 31-നായിരുന്നു ഈ വർഷത്തെ പൂരംപുറപ്പാട് നടക്കേണ്ടിയിരുന്നത്. കലശപ്പുരയും പന്തലുകളും ഒരുക്കിയിരുന്നു. പരിപാടിൾ അടങ്ങുന്ന നോട്ടീസും തയ്യാറാക്കിയിരുന്നു. എല്ലാ ഒരുക്കങ്ങളും നടത്തിയ ശേഷമാണ് പൂരം മാറ്റി വെക്കേണ്ടി വന്നത്. പൂരത്തിന്റെ മുന്നോടിയായി നടക്കുന്ന ശുദ്ധികലശം 31-ന് തുടങ്ങും. നവംബർ മൂന്നു വരെയാണ് കലശം.
-------------------------------------------
Thattarakkad Varthakal
വാർത്തകൾ ഇനി നിങ്ങളുടെ വിരൽതുമ്പിൽ
---------------------------------------------
Follow this link to join my WhatsApp group: https://chat.whatsapp.com/DN9h07Hn4HD43FXVETK6fz