Thaceu Lian

17/09/2022

# Midang cungah biafaak chim cu a poi ah kan chia lo nain, biafaak in kan timi hna an thin hun tik ah khrihfa si tung i mi biafaak hmanh inn khawh lo cu tiah ti kan hmang.

# Midang cungah biafaak chim cu a poi ah kan chia lo nain kan biafaak a ing kho lomi hna bel kha cu khrihfa tha lo ah kan chiah hna. 100% Hypocrisy.

# Mi kong va ceih cu a poi ah kan ruat lo nain, midang nih kan kong an kan ceih ve tikah kan duh ve fawn lo. Ngaihthiam kan tim bak fawn hna loh..

# Tlawmpal te community nih hman deuhmi hun si tik ah so pawt kan hmang. Midang kha zei ah kan rel ti hna lo i mi vialte lak fim bik ah kan i ruat.

# Mifim ah aa ruat mi hna khi fimnak hman a hoh taktak tikah bochan tlak an si bal lo. Mifim taktak cu dai tein an um i a herh caan ah mi santlai an si zungzal.

12/09/2022

BIAKIN AH IPAD HMAN HI A SUAL MAW?
IPAD VS BIBLE CAUK

Prof Matthew Barrett nih ‘Dear Pastor, Bring Your Bible to Church’ timi tlangtar in
article pakhat a rak tial. Cu Article chungah cun Pastor pakhat nih biakiin ah Bible cauk siloin Ipad he rat hi a palh taktakmi a si ti kha a tlangpi in a langhter. Cucu a cohlangtu Pastor tampi an um ve rualrual in a cohlang lomi Pathian mi tampi zong an rak um ve thiamthiam.

Pastor pakhat nihcun hitihin a hmuhning cu a tial ve, "Hlanchan ahcun Pathian bia cu lung cungah tial a rak si, cun tlak cungah, cazual cungah, cun cazual cungin codex timi (cauk) cungah, cauk cung in digital tablet or phone cungah tiin chan le caan ning in Bible tialnak cu upgrade tuah lengmang a rak si.

Cucaah, Pathian bia cu a umnak hmun le zei in dah tial a si timi hi a biapi lo. Cauk print mi cung a um le IPAD, Iphone cung a um kha biapi a si lo i, a chungah aa tialmi bia kan phuanmi tu kha biapi cu a si. Ipad chung in kan rel tikah a thawnnak power a zor hlei lo i, Cauk print mi cung kan rel tikah a power a thawng deuh hlei fawn lo. Original Pathian bia tialmi te theng kan tleihchan i kan duh deuh kan ti a si ahcun zeicadah hlan ah an rak hmanmi cazual (scrolls) in kan rel lawlaw ko lo?" tiah a tial.

Kei ka ruahning he zong aa khat ngaingai. Moses chan in nihin kan Chan tiang a chan le caan zulh in Pathian bia tialnak cu a tha deuh chin lengmang in thlen nawn Peng a si tihi el awk a um lomi a si. Minung cu kan zumhning aa dang cio i kanmah pumpak zumhning kha midang cungah impose kan va tuah lo ding hi a biapi ngaingai. Kan hmuhning in midang nih an rak hmuh ve lo tikah misual bantuk in kan zoh hna awk a si lo. A tha rua lo tiah kan ruah a si ahcun kanmah nih hmanlo tu kha kan i zuam awk a si ko. Pathian nih a Bible cauk le a Ipad kha thaw a chuah hnawhmi a si lo i, a chung ummi a bia tu kha thaw a chuah hnawhmi cu a si tihi i fian kan hau deuh rua tiah ka ruah.

08/09/2022

August thla chung lawngah KNU nih Min Aung Hlaing ralkap 90 leng ah thah hna.

August thla chungah Hpapun pengah KNU Brigade 5 le kawl ralkap kar kahdohnak voi 118 a chuak i, kawl ralkap, a hlei in Border Guard Force (BGF) ralkap 118 an thi i a dang minung 50 hrawng hliamhma an tuar. KNU lei in ralkap pakhat a thi ve.

Ref: Mizzima

07/09/2022

Tuni Nitlak lio hman ka thlakmi..
Camera man tuan lawlaw ka hau rua lai.. 😊

02/09/2022

Thlarau In a Khatmi Khrihfabu Hruaitu Kan Herh.

Khrihfabu hi Lamkaltu cauk (Acts) chungin a rak i thok. Khrihfabu an hun karh cuahmah tikah Jesuh zultu pawl lawng nih an tlangtlak khawh ti hna lo tikah, khrihfabu cu taksa lei in a tlangtlatu dingah minung pasarih an rak thim hna. Cu hna cu a tuchan ah Deacon (khrihfa upa) tiah kan ti mi hna hi an si.

Cu Deacon an thim hna lai ahcun Peter le lamkaltu hna nih Deacon a thimtu mipi pawl sinah ruahnak an rak cheuhmi hna cu, " Deacon hna cu zumh awk a tlakmi, thlarau in a khatmi le fimnak a ngeimi an si lai" tiah an rak ti hna. Phundang in chim ahcun khrihfabu a hruaitu ding minung hna cu zei lei poh ah zumhawk a tlakmi, thlarau in akhat mi le taksa hrimhrim in a fimmi an si lai tinak khi a si.

Khrihfa upa pakhat a simi nih cun zeitik poh ah thil dik thil hman a tuah zungzal a herh. A bia pakhat cungah raltha tein a dir ngam zungzal mi a si awk a si. Buu chung minung pakhat khat nih sualnak a tuah a si ahcun, cu sual kan puhnak cu vawlei cung biaceih zung sangbik hmai zongah kan chuahpi ngam awk a si. Cucu zumh awk a tlakmi hna nih an thil tuah ding ning cu a si. Kan chimmi hi midang zong nih an theih sual lai ti kan phan a si ahcun a dik lomi pakhat khat a um cang tinak khi a si ko hnga. Thuhmi kan ngeih ahcun zumh awk kan tlak ti lo.

Cun, thlarau in a khatmi a si lai a ti tikah, a sullam cu pumh khawmh lei ah, thlacam lei ah, a nunzia ah, thlarau lei thil poh ah aa zuammi, a si lai tinak khi a si. Thlarau in khah timi cu thlarau nih ukmi tinak khi a si ko. Aa pum bal huaha lomi le Thlacam nak ah aa tel tum huaha lomi cu thlarau in a khatmi an si kho hrimhrim lo. Amah nih ka khat a ti zongah Pathian thlarau cu a si hrimhrim lai lo ti khawh a si. Thlarau dangdang in a khatmi a si kho men.

Cun, a fimmi zong a si a herh a ti. Bible nih mifim a timi hi zeitik poh ah Pathian duhnak a hngal i cu ning cun a karhlangmi, khuakhan lairel a thiammi khi a si zungzal. Tappi kaa ah a kaa daak ngaimi khi Pathian nih mifim a timi an si ballo. Pathian duhnak kan theih khawhnak ding ahcun Bible zong kan rel i, Pathian mi hman hna nih an tialmi cauk dangdang zong tampi kan rel ve a herh. Kanmah taksa hrimhrim in kan tan i kan i zuam a herh. Bible a rel ballomi nih Pathian thinlung an hmu kho ballo i, Pathian khrihfabu caah khua tha an khang kho bal taktak lo. Pathian mithmuh ah mifim an si kho bal lo.

Cucaah cun, kan khrihfabu tha seh, nuam seh, Pathian nih a cohlanmi buu siseh ti kan duh a si ahcun, zumhawk a tlakmi, thlarau in a khatmi le a taksa lei hrimhrim in fimnak a ngeimi, Pathian duhnak theih khawh aa zuammi hruaitu kan herh. Cu lo ahcun biathlam cauk chung i khrihfabu pasarih hna bantukin Pathian thlarau nih a chuah taak cangmi khrihfabu si a fawi te..

31/08/2022

Myaing-PDF Nih Ralhrang 25 Leng An Thah Hna
August 28 - 30 Thawngpang
Pls Click the link: https://youtu.be/03sx5j7aHBI

29/08/2022

Kawl Ralkap le AA Fak Taktak in An I Kap Cuahmah Than Cang

Click the link- https://youtu.be/LNpCLt6y-UU

28/08/2022

Lg. Abisak

23/08/2022

August 19 zaan ah Finland Prime Minister Sanna Marin k*m 36 cu a hawi le tlawmpal te he innchung ah party an tuah i, nuam taktak in a laam ve. cu a laamnak video tawi cu mipi hmuh awk in a hungchuah tikah mipi cheukhat nih thideng in an mawhchiat i, Prime Minister pakhat nih cu ti cun a laam ding a si lo tiah an mawhchiat i an zai hnawh len.

Media tampi nih cu kong cu an hal tikah a lehmi hna cu, "zei sualnak hmanh ka tuahmi a um tung lo, drug zong zeihmanh a tawng balmi ka si lo, laam cu sual a si tung lo, zeihmanh ka palh lo" tiah raltha tak in a leh hna. Ka palh ko ka ngaithiam uh timi bia kaa khat hmanh tutiang a chim duh bak lo.

Atu kan chan hi midang sual-kawl duh chan, mah palhnak i hmu tung loin, midang
sual rumro hmuh chan ah kan um. Hi hi thil thar cu a si lo Jesuh chan lio ah Pharasee mi hna kha a tulio minung bantuk tehi an rak si ve cang. Cucaah, Jesuh nih Phrasee mi hna cu "nanmah mit chungah thingtan nganpi a ummi hmanh i coih ta hmasa loin, midang mit chungah a ummi thur hme te cawih piak vaa tim hlah uh tiah a rak ti hna.

Cu nun cu Bible nih hypocrisy (midepde) nun a timi cu a si Jesuh nih a huat tukmi nun a si. Cu bantuk minung hna lak i khua kan sak caah a tha bik in nifatin nun khawh i zuam hna usihlaw, Finland PM nu bantukin kan tuahmi thil ah ka tuah ti ngam i, tuanvo a la ngammi zong kan si a herh. Kan tuahmi thil raltha tein mipi hmaiah
a dirpi ngammi Pathian saltha si kan herh. Cu kan si khawhnak ding caahcun nifatin te, ningcang tein kar kan hlan i kan nun Zia kan kilven a hau...

21/08/2022

Lamkaltu 13:45-46 “Sihmanhsehlaw Jew mi hna nih mi bupi kha an hmuh hna tikah an nah a chuak i Paul nih a chimmi kha an al, an thangchiat i an doh. Cutikah Paul le Barnabas cu an ral a ṭha chinchin i, “Pathian bia cu nanmah sin i chim hmasa cu a herh ko, sihmanhsehlaw nannih nih cucu nan co duh lo caah le zungzal nunnak co ding ah aa tlak in nanmah le nanmah nan i hmuh lo caah, zohhmanh u, Gentile mi hna sin ah kan i mer cang.

16/08/2022

Tent Making Ministry le Lai Mi Lungput

Atu chan ah a lar ngaimi cu tent-making ministry timi hi a si. Tent making ministry timi a sullam cu heh-chet tiah "Pathian rian tuan pah in pawcawmnak rian tuan pah i, thlahlawh pek lem lo zong in mah le mah i cawmken khawh khi a si". Lai mi tam deuh nihcun kan thei theng ballo kho men.

Cucu Paul nih a nun lio ah biatak tein a rak aupi mi a si. Amah hrimhrim kha ministry or Evangelist or missionary a tuan pah in heh tiah thlamsak rian a rak tuan i a pawcawmnak caah aho khrihfabu hmanh a rak i bochan hna lo Acts 20:33-35 Amah tu nih midang harsa kha a rak bawmh pah lehlam hna.

Thawngtha a chim pah, rian a tuan pah cuticun a rak cawlcangmi Paul a rak si Acts 18:1-3. Cu nun cu tent making ministry tiah ti lengmangmi cu a si. Kan nih lai mi hi khuaruahhar kan sinak pakhat cu, thlahlawh zong an eikhim in kan pe kho hna na loin, kan Pastor te hi rian dang tuan hna hlah seh, fulltime in um hna seh ti kan duh.

Fulltime in a min men i an um ahcun khrihfabu caah rian an tuan lem lo zongah kan hei i lawm ngai khim ko. A mak ngai. Hi kan lungput hi ruahnak te-nau taktak kan sinak le mi nun kan phanh khawh lonak a ruang tampi lak ah pakhat ah aa telmi a si tiin ka hmuh. Theih lonak in hngalh lo a fak deuh ti theo cu
kan chuak ko.

12/08/2022

Minung Zia Phunhnih (Mihrut & Mifim)

* Micheukhat (mifim) cu an hmai ah tangdor tein kan um tikah an kan upat i, an kan tihzah. Kanmah zong nih kan upat hna i kan tihzah ve hna. An sinah riantuan le umthut a nuam.

* Asinain, micheukhat (mihrut) cu an tang kan i dor deudeuh tikah an kan neek, zeihmanh ah an kan rel lo, duh poh i rian fial phun sawhsawh ah an kan ruah. An sinah riantuan a har i, lung tha a baa.

Question - Nang tah mizei bantuk phu ah dah Naa tel ve? Na tang ah aa dormi kha na neek hna maw na upat hna dah?

03/08/2022

Malaysia ah Chin pa nih a tuahmi hi zei bantuk ruang (reason) hmanh ah va si ko sehlaw, zei ti hmanh in cohlan awk a tha lomi a si. Mihrut, mi molh taktak khuaruah a si ko.

Full story=> Malaysia ah a ummi Chin pa Pu Cholei nih a fa le zeihngal lo minung 3 hna cu, hlei cung in a naam hna hnu ah amah zong a zuang ve. A fapa pakhat cu Ram cung ah a tlak caah a nunnak cu a him. A dang pahnih le an pa cu cu kaa ah cun an thi tiah theih a si.

Mit in a hmutu pakhat nih hitihin police sinah a chim, " August 2 zinglei suimilam 5:50am hrawng ah mipa nih cun a fahniang cu a k*t in aa cawi i, a dang pahnih nih an pa k*t cu an i tleih i an kal, an thil tuah cu ka hmuh tikah kham dingah va tlik hnawh hna nain ka tlai tuk cang i ka kham manh lo" tiah a ti.

Comment nak ah minung pakhat nih, "A nupi kha a nu le pa nih an tlawh i, hraamhram in a pasal he an then hna caah a thinhun a celh lo i an pa nihcun ka fa le he thi dih lawlaw usih! tiah hi thil hi a tuahmi a si" tiah a tial.

Zeihmanh va si ko sehlaw, amah cu thih a duh ahcun a va thih ko zongah zeihmanh a hngal lomi, nun a duh ko mi a fa le kha ti i a tuah hna kha cu a poi tuk hringhran mi a si.

03/08/2022

Coffee nih hin hi tluk hin ka thaw lai i mi nih an ka uar te lai tihi Cawkhnuk (milk) le Cini (sugar) a ton hna hlan ah cun a rak ruat in a rak hngal hrimhrim hin lai lo 😊

Minung zong hi kanmah pumpak cio in hin thatnak, santleihnak tampi kan ngei ve cio ko nain, kanmah he aa tlakmi minung (the right person) he tang rual in kan tuan ti ah hin midang caah san kan tlai khun, kan thlum el khun i, kan thaw khun cuh!

02/08/2022

Voikhat cu a pa nih a thih lai ah a fa pa cu a auh i “ka fapa, hi suimilam (n**i) hi na pu nih a rak ka pekmi a si i k*m 200 a hlun cangmi suimilam a si. Nangmah kan pek hlan ah va kal law, suimilam dawr ah va zuar law, zeizat in dah nan ka pek khawh lai tiah va hal hna tiah a fial..A fapa cu a va kal i tlawmpal ah a rak kir than i ka pa $5 man lawng a si tiah an ka ti tiah a pa cu a chimh.

A pa nihcun, a siahcun coffee dawr ah va kal than law va zuar than tuah ne tiah a fapa cu a ti than. Tlawmpal hnu ah a fapa cu a rak kir than i “ka pa, a kek kuaimi a tam tuk cang caah $5 lawng in c**k an duh ee" tiah a pa cu a rak chimh than. A pa nih, a siahcun, Museum ah va kal law va zuar than hnik tiah a fapa cu a ti than.

Tlawmpal hnu ah a fapa cu a rak kir i, lunglawm ngai khin ka pa USD $ 1 million in kan in c**k lai tiah an ka ti.. tiah a pa cu merh nawn khin a hun chimh. Cutikah, a pa nihcun, ka fapa bia rovuih taak kan duhmi cu hihi a si. Zeitikhmanh ah nangmah na sunlawinak an thei lomi, na man an thei lomi
minung sinah na rak um bal hrimhrim lai lo. Na umnak hmun a si lomi hmun ah na um sual a si ahcun, hohmanh nih zeirel lomi le thlanglamhmi na si ko lai.. tiah a ti ee ti a si. Cun ahcun, zeihmanh ah an rel lomi hna sinah umthut hi hrial ko hna usihlaw kan man a theimi hna sin tu ah um i zuam hna usih.

26/07/2022

The best thing the world can do for Myanmar is to "Condemn". Whenever something bad happens they will just release a statement that says, "we condemn the Junta acts in the strongest term". Condemnation is not what Myanmar people need.. we need the action that will lead to overthrow the regime.

* Please do something more than just condemnation.

25/07/2022

Kaw Thoo Lei Army ah aa Fonmi Pawl

Aluancia July 16 ah khan General Nerdamya nih ralkap phuthar Kaw Thoo Lei Army a dirhnak kong cu thanhca a rak chuah. Cu kong cu online ah mikip nih biatak tein hun ceih cio a hung si.

Mipi nih theih an duhmi lakah pakhat cu Gen -Nerdamya hi ralkap zei vial nih dah an zulh, an thazang zeitluk hrawng dah a si hnga? timi hi a si deuh cio. Cucu kan theih tawk a tang ah ka rak langhter hna..

1. Bohmu Sa-lung hruaimi KNDO comando tatyin

2. Bohmu Saw Win Myint hruaimi Vemnom tatyin

3. Boci Saw L sewa hruaimu KNDO tatyin

4. Taningthari taing ah hmun a khuarmi Boci Kawlarphu hruaimi KNDO comando tatyin

5. DKBA in Bohmu Saw Kyaw Tat hruaimi tayin

Hi hna hi a tutiang ah Gen - Nerda Mya hruaimi Kaw Thoo Lei Army ah aa fon cangmi an si.

25/07/2022

Ko Jimmy le Phyo Zeya Taw telh in Minung 4 cu Ralkap nih an thah taktak cang hna

Kawl ralkap cozah nih Democracy activist minthang Ko Jimmy le NLD MP hlun a simi
Phyo Zeyar Taw hna telh in minung 4 hna cu nihin zingah an thah taktak cang hna tiah theih a si.

Aluancia January thla ah khan thihdan (tedean) pek dingin biakhiah piak an rak si hnu ah UN telh in International Comunity phu pawl nih thah lo dingin heh tiah an rak nawl hna.

Asinain, ralkap nih cucu zei ah an rel lo i tuni ah an thah cang hna nak kong cu an hun phuan cang. 1988 k*m hnu in a tuhi kawlram biaceih zung nih rammi sinah thihdan (tedan) a pek a voikhat nak a si.

Ko Jimmy (Kyaw Min Yu) cu 88 lio ah biatak tein democracy a rak dirkamh cangtu a si i rampi nih upatmi le tihzahmi pa si.

19/07/2022

Arakan Army (AA) an tho than cang

Nizan July 18 ah AA nih Rakhine ram, Mawngdaw peng ah hmun a khuarmi ramri hngak police (BGF) cu an kah hna i Major rank a simi police officer pakhat telh in ralkap 14 a nung in an tleih hna i zeimazat an thi fawn.

Meithal saumi he pistols he a dihlak ah zun 25 le kuan le k*t hlonh bom a dangdang zong tam taktak an chuh khawh fawn hna. Tutan ah AA nih an kah hna nak a ruang bik cu a Luan cia caan ah Karen ramkulh chungah hmun a khuarmi AA camp pakhat cu Ralkap nih vanlawng in bom an thlak i AA Ralkap minung 6 an rak thih ruangah phuhlamnak kan tuahmi a si tiah U Khaing Thu Kha nih a chim.

Cun, Kachin ram Phakhat ah KIA + PDF le ralhrang cu fak ngai in an i Kap ve i kawl Ralkap minung 30 an thi, KIA nih Ralkap camp pakhat zong an laak khawh. Cucu Jul 17 ah khan a si i, July 18 ah khan ralhrang nih vanlawng in heh tiah KIA cu an kah cuahmah hna i a tu tiang hi kahdohnak a faak cuahmah rih ko tiah theih a si.

15/07/2022

PDF Nih an ka thah sual lai ti phan tuk ah, ralvennak caah tiin Dalan pa nih CCTV ting 60 man aa c**k i a inn ah a bunh thup nain a him hlei lo. A CCTV nih a khamh kho ruam lo. Nizan (Jul 14) ah PDF nih an thah khawh thotho. CCTV c**knak ah a hmanmi phaisa tu kha rak i khon sehlaw a ruak vuinak tal ah san a tlai tung hnga 😀..a paam sual 😅

13/07/2022

Pastor qualification ah khin "he must be able to teach" ti a um. Asinain, Deacon qualification zawn ah cun a um ve lo. A ruang a um.

Khrihfabu chungah Pastor rian maru cu Pathian bia chim le cawnpiak hi a si. Tukhal an sinak cu thlarau ti le rawl in member cawm kengtu an sinak zawn tak hi a chim duhmi a si. Tu nih tukhal kha Rawl a pe bal lo i, tukhal tu nih tuu kha Rawl a pek tawn.

OT chan ah tlangbawi cu levi miphun pawl nih raithawinak ah a herhmi rian an rak bawmh hna bantuk khan Deacon nih pastor rian bawmh kha a rian maru cu a si ve.

Levi mi pa sawhsawh nih khah tlangbawi, na tuahmi raithawining cu ka thiam tuk ve ko. Keimah nih ka tuah ve cang lai tiah ti awk a tha lo. A ruang cu Pathian nih a khinhmi minung theng te nih khan tuah a haumi rian a si.

Bible ning ahcun Khrihfabu chungah Pastor hi church zohkhenhtu ah Pathian nih a khinhmi cu an si Acts 20:28. Bible chungah Deacon cu khrihfabu lutlai/hruaitu an si lai tiin a langhtermi pakhat hmanh a um ballo.

Kan tuah khawh ve ko, kan thiam cio ve ko tiin kanmah duh poh in rian khinhmi an um ko nain kan i hrolh peih ding a si lo, Pathian nih a kan khinhmi le a kan chiahnak hmun hma teah fel tein tuan cepmap i kan rian tlamtlinh tu kha thil tha cu a si.

Stephen le Philip te hna zong kha Deacon an si nain buu chung ah apostle pawl rian kha cuh an tim bal hna lo. Anmah tein khua lak ah khamhnak thawngtha kha an cawnpiak ve ko hna. Tuchan khrihfa cu buu chung lawngah aukhuan kan duh i buu lengah midang cawnpiak kan zuam fawn lo. A mak ngai.

Rian bawmtu nih a manager pa kha cucu tuah khakha tuah ti sehlaw thil kalning a si hnga maw? Cucu Deacon nih pastor rian a chimhmi he khin aa lo mi a si. Hruaitu a tuan liomi nih an caan chung teah anmah nih a tha an ti ning tein riantuan ter hi a tha bik.

Note: Lai mi umnak buu poh ah a buaimi issue a si caah ka tialmi a si. Hohmanh pumpak tinak si hrimhrim lo.

13/07/2022

Min Aung Hlaing is now in Russia, seeking the help of Putin to eliminate his own country people.

The tatmadaw was established by Bochoh Aung San to protect Myanmar and it's people from the Britist invaders. However, the current Junta leaders are quite the opposite.

They're just a bunch of thugs always being ready to rob so that they can survive, to kill innocents so that they can be alive, to steal so that they can be rich. They are a thousand times more dangerous than the infamous British Invaders who were once fought under the banner of freedom.

We thought we were freed when the then British left Burma but we are once again under the hostage of a notorious gangster Min Aung Hlaing and his regime. We need a sniper who can rescue us from this hostage.

* The one who is supposed to be the protector is now seeking the help of foreigner to eliminate his own people.

12/07/2022

Lai mi hi kan zatlang nun thok in khrihfabu kan i thithruainak tiang mi nawlcawn rumro hi kan uar phun a si. Midang khrihfabu zeitin dah an i hruai cio ti nak in Bible nih zeitindah a kan cawnpiak timi hi biapi deuh ah kan chiah hlan chung poh cu a ngan a dammi khrihfa/ khrihfabu kan si kho hrimhrim lai lo.

30/06/2022

29/06/2022

Bible ning ahcun Khrihfabu ah offices 2 (Pastor & Deacon) lawng um awk a si.
Pastor nih Thlarau lei thanchonak vialte tlai dih sehlaw, Deacons nih phaisa lei
tlelh in taksa a herhmi vialte tawlrel dih seh. Amah belte Pastor thim tikah a lam kip in hneksaknak ngeih hnu ah lungtling tein
a kan hruai kho bak dingah ruahmi lawng thim a herh ve.

Khrihfabu ah department tampi (Nubu, Mino, Mission tbk) um hi a thatnak a tampi ve ko lai nain a thatlonak tampi a um ve. Pakhatnak ah Bible cawnpiakning a si lo. Pahnihnak ah hruaitu aa tam tuk tikah i thithruainak ah a harsa deuh. Pathumnak ah phaisa kholh a tam tuk tikah member pawl an cei tuk.

# Zeitin dah nan ruah cio?

28/06/2022

Vanruah haang a keng lomi minmei kan tam sual maw?


=> Biaknak lei ah aa pemi pawl khi mi kong ceih le mithang chiat a hmangmi an tam duh ngai..

=> Thla a cam ngai tung nain mi cungah zaangfahnak le dawtnak a pel te hmanh a ngei lomi zong an tam..

=> Amen/Haleluiah thang taktak in a aumi zong duhtawk in zukhmuam a hmangmi an um fawn..

=> Meeting ah khrihfabu a daw bik bantukin bia a chim nain pumh a hmang lem lomi zong..

=> Midang sermon soisel thawn ngai tung i mah sermon ngaih awk a tlak huaha lomizong an rak um ve hui fawn..

=> Piangthar ngaimi lawh tung i, mi biafaak kaakhat hmanh a ing kho lomi, anmah nak fak in leh colh a hmangmi..

=> Midang cawnpiak thawn ngai tung i mah nun zeihmanh a si ve tung lomi zong an um fawn..

25/06/2022

Egypt Le Sovet Union nih Israel an rak Tei Kho Lo

https://youtu.be/aWBdqsAQ17s

23/06/2022

Mitha si hi a tha tuk nain, mi nih palhnak an tuah na hmuh ko buin thatlo ka co sual lai ti phan ruangah dai tein na um i an palhnak na chimh hna lo ahcun Pathian hmai ah misual na si ve.

An palhnak kha na lungtlin pi hna ti nak khi a si.

22/06/2022

Khrihfabu hruai tu ah Pathian nih a khinhmi cu Pastor te hi an si.

Titus 1:7

HCSB version
For an overseer (pastor), as God’s administrator, must be blameless, not arrogant, not hot-tempered, not addicted to wine, not a bully, not greedy for money,

NIVUK version
Since an overseer (pastor) manages God’s household, he must be blameless – not overbearing, not quick-tempered, not given to drunkenness, not violent, not pursuing dishonest gain.

*NLT version
A church leader (Overseer-pastor) is a manager of God’s household, so he must live a blameless life. He must not be arrogant or quick-tempered; he must not be a heavy drinker, violent, or dishonest with money.

21/06/2022

Pastor Min Pathum Le An sullam
--------------——————————
Original (GK) Bible ahcun Pastor min hi pathum in langhter a si. Cu hna cu:-

1. presbuteros -Elders/bishop

2. episkopos -overseer

3. poimēn - shepherd/Pastor - hna hi an si.

Bible chungah hi biafang hna kan hmuh ahcun Pastor a chim duhnak an si ti kha theih zungzal a hau. Lai Bible ahcun Elder timi khi khrihfa-upa tiah a lehnak an um (1Pet. 5:1-4). Khikhi Deacon a chim duhmi siloin Pastor a chim duhmi tu asi.

* Elder timi nih hin Pastor cu upat tihzah awk an si zia kha a langhter.
* Ovorseer timi nihhin Pastor cu khrihfabu hruaitu, zohkhenhtu le management tuahtu an sinak kha a langhter.
* Shepherd/Pastor timi nihhin Pastor cu khrihfabu cawmtu le thlarau lei rawl petu (kan tukhal an sinak) an sinak kha a langhter.

Note: Pastor cu khrihfabu ah Manager an si i Deacons hi assistant manager an si.

14/06/2022

Nikhat Chungah Kachin le Chin Ramchung Lawngah Ralhrang 90 Leng An Thi
=============================
Kachin hrambunh Ralhrang Battalion - 415 le KIA le PDF hna cu zerhpini (sunday) ah khan Shwegu khua pawngah suimilam tamnawn chung an i kah hnu ah ralhrang 50 an thi i, a dang zeimazat hliamhma an tuar.

Cu ni thiamthiam ahcun Namsi Awang khua pawngah KIA nih landmine hmang in ralhrang 30 an thah than hna.

Chin ram ah CDF-Kanpetlet le ralhrang kar ah kahdohnak a chuak ve than i, ralhrang 16 an thi tiah CDF-Kanpetlet nih an chim ve. Cucaah, Sunday ni ah a thimi ralkap hi Kachin le Chin ram chung lawngah 90 leng an si tiah theih a si.

Source - Irrawaddy

14/06/2022

Ralhrang nih uknak an laak in nihin tiangah mipi inn 18,886 an kangh cang. Inn khangh piak a tongmi hna hi Sagaing Ramthen ah an tam bik (13,840), a pahnihnak le pathumnak ah Magwe le Chin ram hi an si. May thla chung lawng ah khan ralhrang nih inn 7,146 an khangh i cucu thlakhat chungah tam bik an khangh a si.

Original Source - Watchdog Group

12/06/2022

Solo -TV Za Hup Lian

10/06/2022

Sagaing Ramthen Kan Pya khua minung 10 leng Ralkap nih an thah hna.
-----------------------------------------------------
https://youtu.be/_n8IMPon5

07/06/2022

French Embassy nih Phunglutlo Cozah tiah a timi cungah Ralkap an thin hung tuk.
---------------------------------------------------------
Ralkap Cozah nih 88 lio hruaitu pakhat le NLD Cozah lio ah MP a tuanmi pakhat cu thihdan pek ding in an bia an ceih piak hna. Cu kong ahcun French Embassy (Yangon) nih an lungtlin lonak cathanh an chuah.

Cu an cathanh chuahmi ahcun kawl Ralkap cu phunglutlo Cozah (illegitimate government) tiah an auh hna caah kawl Ralkap an thin hung tuk hringhran. Hi an biachim nih hin kawlram le French ram pehtlaihnak a hnawrsuan khawh tiah cathanh (statement) an hun chuah ve.

Ref: Irrawaddy English

05/06/2022

02/06/2022

Kan pi Amber Heard cu a sung ruangmang ai. Mr Depp sinah USD 15 millions pek ding in biaceih zung nih biachahnak an tuah cang. Mrs Amber a networth hi 8 millions hrawng a si lai tiah zumh a si i, 10 million leng Mr Depp a pek ahcun bankruptcy a tong kho men tiah zumh a si. Micheu nihcun only-fans a tuah hau lai ti tiang in ti aa huah 😅.

30/05/2022

"Ordained Pastor" le "Reverend (Rev) timi kong ah Lai mi nih kan ruah Palh Taktakmi
--------------------------------------------------------------------
"Ordained" timi biafang i a sullam cu "rian khinh" or "chiti thuh" tinak a si. Thil pa khatkhat tuah dingah midang rian kan va khinh hna khi "Ordain" timi biafang i a sullam cu a si ko.

Bible chung example kan lak a si ahcun, Moses nih Joshua kha a mah rian changtu dingah ordain a pek, Zultu 12 nih minung 7 hna kha khrihfabu herhbau tawlretu ah ordain an pek hna, Paul le Barnabas kha Antioch ah missionary tuan ding in ordain an pek hna etc..

Cucaahcun, Ordained Pastor kan ti tikah a sullam taktak cu khrihfabu zohkhenhtu Pastor sidingah rian kan va khinh hna ti nak sawhsawh khi a si. "Ordained" timi biafang nih hin zei nawlngeihnak (Authority) hmanh a keng lo. Phundang in kan chim ahcun khrihfabu nih lungtling tein Pastor ah a khinh cangmi pohpoh kha Ordained Pastor an si. Cleary member an si dih.

Reverend (Rev)
-------------------------
"Reverend" timi biafang cu mirang holh a si i a sullam cu "upatnak pek" tinak a si. 15th century hlan ahcun Pastor or minister pohpoh auhnak caah hman a rak si. "Reverend" timi title nihhin zei bantuk nawlngeihnak hmanh a keng in a phor hlei ve lo. Rev. lawng nih tipil pek ding, bawipa ranriah pek ding timi ruahnak hi 17th century hnu lawng in aa rak thokmi a si i, Bible cawnpiakning zong a si lo. Cucaah, Church pastor pohpoh cu khrihfabu nih lungtling tein a Ordained -khinh cangmi an si caah bawipa zanriah peknak nawl zong an ngeih dih awk a si.

Reverend le Ordained pastor pawl mithiang hlei khun le Pathian he aa naihniam khun ah kan ruahmi khi zumhnak pialsual taktak ah ka ruah. Bible nak in traditional zumhnak biapi deuh ah a chiami kan si tihi philh hna hlah usih.

25/05/2022

Social Rules (Part - 2)

1. Zawnruahnak nganpi he an bawmtu kha lawmh va philh hrimhrim hlah.

2. Na thau tuk, na rawm tuk tiin comment va pek chukcho hmang hlah. kan theih loin an lung tampi a zor ter hna.

3. Midang kha mipi hmai ah va thangthat hna law, an palhnak kha pumpak in va chim hna. Cucu dawtnak taktak cu a si.

4. Mi pakhat nih Doctor sin kal aa timh tikah, na zei dah faak, zei ruah ah na kal lai tiin hal len hlah, chim an duh lem lomi a um sual ah lung nuam loin na tuah sual hna lai. A ruang an chimh lem lo ahcun na theih a herh lem lo tinak a si.

5. Mi pakhat khat nih bia an ruah/chawnh lio ah na phone va zoh pah hlah. Zeirel lo ah aa ruah sual lai.

6. Lampi ah mi nih an in chawnh ahcun na sunglass (nika-mithman) kha va i phoih. Cucu na upatnak na langhternak kha a si.

7. Sifaak hmai ah na rumnak kong tam tuk in va chim hlah. Cubantuk thiamthiam cun fa a hring kho lomi hmai ah na fale kong tamtuk in va chim tawn hlah. An caah theih nuam lo bia an si.