Nayagarh News

03/06/2024

ନିର୍ବାଚନ ଫଳାଫଳ ଯାହା ହେଉନା କାହିଁକି, ପରଷ୍ପର ମଧ୍ୟରେ ବୈରଭାବ ରଖନ୍ତୁ ନାହିଁ, ଶାନ୍ତି ଶୃଙ୍ଖଳା ବଜାୟ ରଖନ୍ତୁ।

02/06/2024

ନୟାଗଡ଼ ଏସପି ନୟାଗଡ଼ରେ ଥିବା ODRAF ଦଳ ଶିବିରର ସତର୍କତା ଏବଂ ରଣନୀତି ସମୀକ୍ଷା କରିବା ସହ କିପରି ଜରୁରୀକାଳୀନ ପରିସ୍ଥିତିରେ ଓଡ୍ରାଫ ତୁରନ୍ତ ପ୍ରତିକ୍ରିୟା କରିପାରିବ ତାହା ସୁନିଶ୍ଚିତ କରିଛନ୍ତି ।

01/06/2024

ନୟାଗଡ଼ ଜିଲ୍ଲା ବିଭିନ୍ନ ଥାନା ଅଞ୍ଚଳରେ ଚୋରା ଦେଶୀ/ ବିଦେଶୀ ମଦ ବିକ୍ରି କରୁଥିବା ବ୍ୟକ୍ତିମାନଙ୍କୁ ନୟାଗଡ଼ ପୋଲିସର ସ୍ୱତନ୍ତ୍ର ଟିମ ଗିରଫ କରି କୋର୍ଟ ଚାଲାଣ କରିଥିବା ସୂଚନା ମିଳିଛି।

01/06/2024

ନୟାଗଡ଼ ସ୍ବୟଂ ଶାସିତ ମହାବିଦ୍ୟାଳୟର ନୂତନ ଅଧକ୍ଷ ହେଲେ ପଦାର୍ଥ ବିଜ୍ଞାନର ଅଧ୍ୟାପକ ଶ୍ରୀଯୁକ୍ତ ବିପିନ କୁମାର ପଟ୍ଟନାୟକ । ଶ୍ରୀଯୁକ୍ତ ପଟ୍ଟନାୟକ ମହାବିଦ୍ୟାଳୟର ପୂର୍ବତନ ଅଧ୍ୟକ୍ଷ ଅଶ୍ବିନୀ ନାୟକଙ୍କ ଠାରୁ ଦାୟିତ୍ୱ ଗ୍ରହଣ କରିଛନ୍ତି ।

06/05/2024

https://inspiringodisha.com/listen-to-the-nature-what-it-whispers-says-subhas/

Subhas Chandra Nayak of Angisinghi village in Sarankul Tehsil, Nayagarh district, has been doing plantation efforts for the past 40 years. He is an environmentalist, conservator, and artist whose lyrics and musical notes all revolve around one theme: nature, its conservation and social betterment.

12/04/2024

ବଦଳିବେ କି ବିଜେପି ପ୍ରାର୍ଥୀ ? ସୂତ୍ରରୁ ମିଳିଥିବା ସୂଚନା ଅନୁସାରେ ରଣପୁର ନିର୍ବାଚନ ମଣ୍ଡଳୀ ପାଇଁ ବଦଳି ପାରନ୍ତି ବିଜେପିର ପ୍ରାର୍ଥୀ । ଶ୍ରୀମତୀ ସୁରମା ଅପାଙ୍କୁ ପୁଣି ମିଳିପାରେ ଦଳୀୟ ଟିକେଟ ।

21/03/2024

ବରିଷ୍ଠ ବିଜେଡି ନେତା ଦାମୋଦର ରାଉତ ଗୁରୁତର। ଦାମ ଗୁରୁତର ଥିବା ନେଇ ପୁଅ ସମ୍ବିତ ରାଉତରାୟଙ୍କ ସୂଚନା। ଏକ ଘରୋଇ ହସ୍ପିଟାଲରେ ଏବେ ଚିକିତ୍ସା ଚାଲିଥିବା କହିଲେ ପୁଅ ସମ୍ବିତ ।

21/03/2024

ବଦଳିବେ ଢେଙ୍କାନାଳ ଜିଲ୍ଲାପାଳ ଓ ଦେବଗଡ ଏସପି । କଟକ ଗ୍ରାମାଞ୍ଚଳ ଏସପିଙ୍କୁ ମଧ୍ୟ ବଦଳି ନିର୍ଦ୍ଦେଶ । ସାଧାରଣ ନିର୍ବାଚନ ପୂର୍ବରୁ ବଦଳି ପାଇଁ ନିର୍ଦ୍ଦେଶ ଦେଇଛନ୍ତି ମୁଖ୍ୟ ନିର୍ବାଚନ କମିଶନ । ଗୁଜରାଟ, ପଞ୍ଜାବ, ଓଡ଼ିଶା ଓ ପଶ୍ଚିମବଙ୍ଗ ଭଳି ୪ଟି ରାଜ୍ୟରେ ଜିଲ୍ଲା ମାଜିଷ୍ଟ୍ରେଟ୍ ଓ ଏସପି ପଦବୀରେ ଅବସ୍ଥାପିତ ଅଣ-କ୍ୟାଡର ଅଧିକାରୀଙ୍କ ବଦଳି ଆଦେଶ ଜାରି କରିଛି ନିର୍ବାଚନ ଆୟୋଗ।

18/03/2024

ମେଣ୍ଟ ହେବ?

10/02/2024

ସଙ୍ଗୀତଧାରା, ଭକ୍ତି ସଙ୍ଗୀତ ପ୍ରତିଯୋଗିତା:-
ପ୍ରଥମ ସ୍ଥାନ ପ୍ରୟତାତ୍ମା ରଥ(ସଙ୍ଗୀତ କଲ୍ଲୋଳ)
ଦ୍ୱିତୀୟ ସ୍ଥାନ ଓମ ପ୍ରକାଶ ପାତ୍ର
ତୃତୀୟ ସ୍ଥାନ ସ୍ନେହା ପ୍ରିୟଦର୍ଶିନୀଙ୍କୁ

08/02/2024

22/01/2024

ସ୍ୱଧା ଦେବ ସିଂ ହେବେ ନୟାଗଡ଼ ଜିଲ୍ଲାର ନୂଆ ଜିଲ୍ଲାପାଳ

20/01/2024

ରଣପୁରରେ ନୂଆ ମୁହଁ ?
୨୦୨୪ ନିର୍ବାଚନ ପାଖେଇ ଆସୁଥିବା ବେଳେ ରଣପୁର ବିଧାନସଭା ମଣ୍ଡଳୀରେ ବିଜେପି ପକ୍ଷରୁ ମାଟିର ପୁଅ ଅଶୋକ ମିଶ୍ର ପ୍ରସ୍ତୁତିକୁ ଜୋର କରିଛନ୍ତି । ପବିତ୍ର ଶାମ୍ବ ଦଶମୀରୁ ନିଜ ଗାଁ ରଣପୁର ନିର୍ବାଚନ ମଣ୍ଡଳୀ ବିନାୟକପୁରରୁ ନିର୍ବାଚନ ପ୍ରସ୍ତୁତି ଆରମ୍ଭ କରିଛନ୍ତି । ଆଗାମୀ ୨୦୨୪ ସାଧାରଣ ନିର୍ବାଚନରେ ରଣପୁର ପାଇଁ ଶ୍ରୀଯୁକ୍ତ ଅଶୋକ ମିଶ୍ର ବିଜେପି ପକ୍ଷରୁ ଜଣେ ସମ୍ଭାବ୍ୟ ପ୍ରାର୍ଥୀ। ବିଜେପିର ରାଜ୍ୟସ୍ତରୀୟ ପଦ ପଦବୀରେ ଗୁରୁ ଦାୟୀତ୍ବ ବହନ କରିଥିବା ଓ ଜଣେ ସଂଘ ପ୍ରଚାରକ ଭାବେ ଶ୍ରୀଯୁକ୍ତ ଅଶୋକ ମିଶ୍ର ଏବେ ପ୍ରତ୍ୟେକ୍ଷ ରାଜନୀତିରେ ଭାଗ ନେବାକୁ ଇଛା ପ୍ରକାଶ କରିଛନ୍ତି । ଜଣେ ସଚ୍ଚୋଟ, ନିର୍ଭିକ ଓ ପରପୋକାରୀ ବ୍ୟକ୍ତି ଭାବେ ତାଙ୍କର ବେଶ ଖ୍ୟାତି ଅଛି ।
#ଅଶୋକ_ମିଶ୍ର

09/01/2024

ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ନୟାଗଡ MVI ପଞ୍ଚାନନ ବେହେରାଙ୍କ ଘରେ ଭିଜିଲାନ୍ସ ରେଡ୍ । ପଞ୍ଚାନନଙ୍କ RTO ଅଫିସ ଓ ଭଡ଼ା ଘରେ ଚଢ଼ାଉ । ଭିଜିଲାନ୍ସର ୪ ଜଣିଆ ଟିମ୍‌ର ଚଢ଼ାଉ ଜାରି ।

07/01/2024

ନୂଆଗାଁ ରୋଡ୍ - ଦଶପଲ୍ଲା ରେଳସେକ୍ସନକୁ ଉଦ୍ଘାଟନ କରିବା ସହ ଦଶପଲ୍ଲାକୁ ଟ୍ରେନ୍ ଚଳାଚଳର ଶୁଭାରମ୍ଭ କଲେ ରେଳମନ୍ତ୍ରୀ ଅଶ୍ଵିନୀ ବୈଷ୍ଣବ ।

● ଦଶପଲ୍ଲାକୁ ୪ ଗୋଟି ରେଳ ସେବା ବିସ୍ତାରିତ ।
● ଖୋର୍ଦ୍ଧା-ବଲାଙ୍ଗୀର ରେଳପଥର ନୂଆଗାଁ ରୋଡ୍-ଦଶପଲ୍ଲା ରେଳ ସେକ୍ସନର ଉଦ୍ଘାଟନ ।
● ଫୁଲବାଣୀ ସହିତ ରେଳ ସଂଯୋଗ ହେବ ।
● କଣ୍ଟିଲୋ ଓ ଖଣ୍ଡପଡ଼ାକୁ ଖୋର୍ଦ୍ଧା-ବଲାଙ୍ଗୀର ରେଳ ଲାଇନ୍ ପ୍ରକଳ୍ପ ସହ ସଂଯୋଗ ସମ୍ଭାବନାକୁ ଅନ୍ୱେଷଣ କରାଯିବ।
● ଭୁବନେଶ୍ୱର ରେଳ ଷ୍ଟେସନର ପୁନଃନିର୍ମାଣ କାର୍ଯ୍ୟର ଅଗ୍ରଗତିର ତଦାରଖ ।

ଦଶପଲ୍ଲା ରେଳ ଷ୍ଟେସନରେ ଆୟୋଜିତ କାର୍ଯ୍ୟକ୍ରମରେ ରେଳ, ଯୋଗାଯୋଗ ଓ ଇଲେକ୍ଟ୍ରୋନିକ୍ସ ଓ ସୂଚନା ପ୍ରଯୁକ୍ତି ମନ୍ତ୍ରୀ ଅଶ୍ୱିନୀ ବୈଷ୍ଣବ ନବନିର୍ମିତ ନୂଆଗାଁ ରୋଡ୍ - ଦଶପଲ୍ଲା ରେଳ ସେକ୍ସନ, ଦଶପଲ୍ଲା ରେଳ ଷ୍ଟେସନ ବିଲ୍ଡିଂକୁ ଉଦ୍ଘାଟନ କରିବା ସହ ଦଶପଲ୍ଲାକୁ ଯାତ୍ରୀବାହୀ ଟ୍ରେନ୍ ଚଳାଚଳର ପତାକା ଦେଖାଇ ଶୁଭାରମ୍ଭ କରିଛନ୍ତି।
୪ଟି ପାସେଞ୍ଜର ଟ୍ରେନ୍ ଦଶପଲ୍ଲାକୁ ବୃଦ୍ଧି କରାଯାଇଛି।

* ୧୮୪୨୩/୧୮୪୨୪ ଭୁବନେଶ୍ୱର-ନୟାଗଡ଼ ଟାଉନ୍-ଭୁବନେଶ୍ବର ଏକ୍ସପ୍ରେସ୍
* ୦୮୪୨୯/୦୮୪୩୦ ଭୁବନେଶ୍ୱର-ନୂଆଗାଁ ରୋଡ୍-ଭୁବନେଶ୍ୱର ପାସେଞ୍ଜର ସ୍ପେଶାଲ୍ * ୦୮୪୨୩/୦୮୪୨୪ ପୁରୀ-ନୂଆଗାଁ ରୋଡ୍-ପୁରୀ ପାସେଞ୍ଜର ସ୍ପେଶାଲ୍
* ୦୮୫୫୫/୦୮୫୫୬ ଭଦ୍ରକ-ନୟାଗଡ଼ ଟାଉନ୍-ଭଦ୍ରକ ମେମୁ ସେବା

06/01/2024

ନୟାଗଡ଼ ରାଜ୍ୟର ଡାକ୍ତରଖାନା ଟିକଟ
୭ ଜୁଲାଇ ୧୯୩୬

29/12/2023

ଆସନ୍ତା ୩ ତାରିଖରେ ପୂର୍ବତଟ ରେଳ ବିଭାଗର ମହାପ୍ରବନ୍ଧକ ମନୋଜ ଶର୍ମା ଭୁବନେଶ୍ଵରରୁ ଦଶପଲ୍ଲା ରେଳ ଇଞ୍ଜିନରେ ବସି ୱିଣ୍ଡୋ ଟ୍ରେଲିଂ କରିବା ସହ ଟ୍ରାକ, ଓଏଚଜି, ସିଗିନାଲ ଇତ୍ୟାଦି ବ୍ୟବସ୍ଥାର ନିରୀକ୍ଷଣ କରିବେ । ସ୍ଵତନ୍ତ୍ର କୋଚରେ ଆସି ରେଳ ଷ୍ଟେସନର ଆନୁସାଙ୍ଗିକ ବ୍ୟବସ୍ଥା ସହ ଦଶପଲ୍ଲା ଷ୍ଟେସନର ବିଭିନ୍ନ କାର୍ଯ୍ୟର ଅଗ୍ରଗତି ନେଇ ତଦାରଖ କରିବେ। ଏହି ଖବର ପରେ ଖୁବ କମ ଦିନରେ ଦଶପଲ୍ଲାକୁ ରେଳ ଚଳାଚଳ ନେଇ ସମ୍ଭାବନା ସୃଷ୍ଟି ହୋଇଛି।

31/10/2023

ଓଡ଼ଗାଁ ରଘୁନାଥ ଆଥଲେଟିକ ଆସୋସିଏସନ ଆନୁକୁଲ୍ୟରେ ୫ ନଭେମ୍ବରରେ ୧୨ତମ ଓଡ଼ଗାଁ ଓପନ୍ ରାପିଡ୍ ଚେସ ଟୁର୍ଣ୍ଣାମେଣ୍ଟ ଅନୁଷ୍ଠିତ ହେବ। ସୋମବାର ଆସୋସିଏସନ ସଭା ଗୃହରେ ସମ୍ପାଦକ ଦିବାକର ନାୟକଙ୍କ ଅଧ୍ୟକ୍ଷତାରେ ଆୟୋଜିତ ବୈଠକରେ ସମସ୍ତ ଚେସ ଖେଳାଳୀ ସଦସ୍ୟ ଅଂଶ ଗ୍ରହଣ କରିଥିଲେ। ଆୟୋଜିତ ହେଉଥିବା ରାଜ୍ୟସ୍ତରୀୟ ଓପନ୍ ଚେସ ଟୁର୍ଣ୍ଣାମେଣ୍ଟରେ ଆଗ୍ରହୀ ଖେଳାଳୀ ଦିବାକାର ନାୟକଙ୍କ ମୋବଇଲ ଫୋନ ନମ୍ବର ୯୯୩୮୫୨୩୫୨୩ ରେ ୪ ତାରିଖ ସୁଦ୍ଧା ଯୋଗାଯୋଗ କରିବାକୁ କୁହାଯାଇଛି । ଖେଳାଳୀମାନଙ୍କ ରହିବା, ଖାଇବା ସୁବିଧା ଉପଲବ୍ଧ କରାଯାଇଥିବା ସହିତ ସ୍କୁଲ ଓ କଲେଜ ଛାତ୍ରୀଛାତ୍ରଙ୍କ ନିମନ୍ତେ ସ୍ବତନ୍ତ୍ର ପୁରସ୍କାର ବ୍ୟବସ୍ଥା କରାଯାଇଥିବା ନେଇ ସମ୍ପାଦକ ନାୟକ ସୂଚନା ଦେଇଛନ୍ତି। କେବଳ ନୟାଗଡ ଜିଲ୍ଲାର ଖେଳାଳି ଏଥିରେ ଭାଗ ନେଇପାରିବେ ।

17/10/2023

ଜିଲ୍ଲାସ୍ତରୀୟ ଆନ୍ତଃ ବିଦ୍ୟାଳୟସ୍ତରୀୟ ଚେସ ଟୁର୍ଣ୍ଣାମେଣ୍ଟ ଉଦଯାପିତ
ନୟାଗଡ଼,୧୭/୧୦: ଗତ ଦୁଇଦିନ ଧରି ନୟାଗଡ଼ ଜିଲ୍ଲା ଚେସ ଆସୋସିଏସନ ଏବଂ କେସି କ୍ଲବର ମିଳିତ ଆନୁକୂଲ୍ୟରେ ସ୍ଥାନୀୟ କେସି କ୍ଲବଠାରେ ଚାଲିଥିବା ଆନ୍ତଃ ବିଦ୍ୟାଳୟସ୍ତରୀୟ ଚେସ ଟୁର୍ଣ୍ଣାମେଣ୍ଟ ଆଜି ଉଦଯାପିତ ହୋଇଯାଇଛି। ଏଥିରେ ମୁଖ୍ୟ ଅତିଥି ଭାବେ ଜିଲ୍ଲା ଶିକ୍ଷାଧିକାରୀ ରାଜଶ୍ରୀ ପଟ୍ଟନାୟକ ଯୋଗଦାନ କରି ବିଜୟୀ ପ୍ରତିଯୋଗୀ ମାନଙ୍କୁ ଟ୍ରଫି ଏବଂ ମାନପତ୍ର ପ୍ରଦାନ କରିଥିଲେ। ବରିଷ୍ଠ ବର୍ଗରେ ସ୍ୱୟଂ ପ୍ରକାଶ ସାହୁ ପ୍ରଥମ ସ୍ଥାନ ଅଧିକାର କରିଥିବା ବେଳେ ଦ୍ୱିତୀୟ ସ୍ଥାନରେ ଜାଗୃତି ଘଡେ଼ଇ, ତୃତୀୟରେ ଧର୍ମେଶ ରାୱଲ,ଚତୁର୍ଥରେ ରାଜା ପ୍ରଧାନ ଏବଂ ପଞ୍ଚମ ସ୍ଥାନରେ କ୍ରୀଷ୍ଣ ରାଓ ଦୋରା ପ୍ରମୁଖ କୃତିତ୍ବ ହାସଲ କରି ପୁରସ୍କୃତ ହୋଇଛନ୍ତି। ସେହିପରି କନିଷ୍ଠ ବର୍ଗରେ ଶୁଭସ୍ମିତା ପ୍ରିୟଦର୍ଶିନୀ ପ୍ରଥମ ସ୍ଥାନ ଅଧିକାର କରିଥିବା ବେଳେ ଦ୍ୱିତୀୟ ସ୍ଥାନରେ କୁଇନ କନସାଇନ ହରିଚନ୍ଦନ, ତୃତୀୟରେ ଏସ. ଅର୍ପିତ ସାହୁ,ଚତୁର୍ଥରେ ଲୋକନାଥ ସାହୁ ଏବଂ ପଞ୍ଚମରେ ପ୍ରତୀକ୍ଷା ଦାସ ପ୍ରମୁଖ ପୁରସ୍କୃତ ହୋଇଛନ୍ତି। ଅନ୍ତିମ ସମାରୋହରେ ଚେସ ଆସୋସିଏସନ ସଭାପତି ଶ୍ରୀଧର ସାହୁଙ୍କ ପୌରହିତ୍ୟିରେ ଆୟୋଜିତ ସଭାରେ ସମ୍ପାଦକ ରିତେଶ ରଥ, କେସି କ୍ଲବ ସଭାପତି ଭାଗିରଥି ଦାସ ଏବଂ ସମ୍ପାଦକ ସଂଗ୍ରାମ ଗୁମାନସିଂ ପ୍ରମୁଖ ମଞ୍ଚସିନ ଥିଲେ। ଏହି ଟୁର୍ଣ୍ଣାମେଣ୍ଟରେ ଜିଲ୍ଲାର ବିଭିନ୍ନ ଅଞ୍ଚଳରୁ ୬୧ଜଣ ପ୍ରତିଯୋଗୀ ଅଂଶ ଗ୍ରହଣ କରିଥିଲେ। ସ୍ୱିସ ଲିଗରେ ଅନୁଷ୍ଠିତ ଏହି ଟୁର୍ଣ୍ଣାମେଣ୍ଟକୁ ଆର୍ବିଟର ବିଷ୍ଣୁପ୍ରସାଦ ପୁରୋହିତ ପରିଚାଳନା କରିଥିଲେ। ଚେସ ଆସୋସିଏସନ କୋଷାଧ୍ୟକ୍ଷ ତାରୁନ ଖାଁ ମଞ୍ଚ ପରିଚାଳନା କରିଥିବା ବେଳେ ଜିଲ୍ଲା ଚେସ ଆସୋସିଏସନ ପକ୍ଷରୁ ଲକ୍ଷ୍ମୀଧର ସାହୁ, ଉମାକାନ୍ତ ମିଶ୍ର, ବାଲାରସେନ ପାତ୍ର ପ୍ରମୁଖ ସହଯୋଗ କରିଥିଲେ।

20/09/2023

ପଣ୍ଡିତ ବିନାୟକ ମିଶ୍ରଙ୍କ ୧୩୦ତମ ଜୟନ୍ତୀ ପାଳିତ
‘ଯୁବପୀଢ଼ି ବିନାୟକଙ୍କ ଆଦର୍ଶରେ ଅନୁପ୍ରାଣିତ ହେବାକୁ ଆହ୍ୱାନ’ ।
#ଗୀତିକଳ୍ପ_ହରିଶ_ପ୍ରଧାନଙ୍କୁ ପଣ୍ଡିତ ବିନାୟକ ମିଶ୍ର ସାହିତ୍ୟ ସମ୍ମାନ ପ୍ରଦାନ
ନୟାଗଡ଼ : ପବିତ୍ର ଗଣେଶ ଚତୁର୍ଥୀ ଅବସରରେ ତଥାସ୍ତୁ ପକ୍ଷରୁ ପଣ୍ଡିତ ବିନାୟକ ମିଶ୍ର ଜୟନ୍ତୀ ପାଳିତ ହୋଇଯାଇଛି । ନୟାଗଡ଼ ବ୍ଲକ ସଭା ଗୃହରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ନୟାଗଡ଼ ବିଧାୟକ ଡ. ଅରୁଣ କୁମାର ସାହୁ ଯୋଗ ଦେଇଥିଲେ । ସମ୍ମାନିତ ଅତିଥି ଭାବେ ବ୍ଲକ ଅଧ୍ୟକ୍ଷ କିଶୋର ଚନ୍ଦ୍ର ସାହୁ, ମୁଖ୍ୟ ବକ୍ତା ଭାବେ ସାହିତ୍ୟ ଏକାଡେମୀ ସଦସ୍ୟ ଅଶୋକ କୁମାର ନାୟକ ଯୋଗ ଦେଇଥିଲେ । ତଥାସ୍ତୁ ଅନୁଷ୍ଠାନର ସଭାପତି ବସିରନ ବିବିଙ୍କ ସଭାପତିତ୍ୱରେ ଆୟୋଜିତ କାର୍ଯ୍ୟକ୍ରମରେ ବିଧାୟକ ଡ. ସାହୁ ପଣ୍ଡିତ ବିନାୟକ ମିଶ୍ରଙ୍କ ଜୀବନ ଓ ସାହିତ୍ୟ କୃତି ସମସ୍ତଙ୍କ ପାଇଁ ଏକ ଦିଗଦର୍ଶନ ଏବଂ ଯୁବପୀଢ଼ି ବିନାୟକଙ୍କ ସଂକଳ୍ପ, ଆଦର୍ଶରେ ଅନୁପ୍ରାଣିତ ହେବାକୁ ଆହ୍ୱାନ ଦେଇଥିଲେ । ବ୍ଲକ ଅଧ୍ୟକ୍ଷ ତାଙ୍କ ବକ୍ତବ୍ୟରେ ଓଡ଼ିଆ ସାହିତ୍ୟ ପ୍ରତି ନୟାଗଡ଼ର ଅବଦାନ ସମ୍ପର୍କରେ ଆଲୋଚନା କରିଥିଲେ । ପଣ୍ଡିତ ବିନାୟକ ମିଶ୍ରଙ୍କ ଜୀବନ ଉପରେ ଆଲୋଚନା କରି ମୁଖ୍ୟ ବକ୍ତା ଶ୍ରୀଯୁକ୍ତ ନାୟକ ଆର୍ଥିକ ଦୂରାବସ୍ଥା ପ୍ରତିଭାକୁ ଲୁକ୍କାୟିତ କରି ପାରିବ ନାହିଁ ଏବଂ ବିନାୟକ ମିଶ୍ର ଯୁବ ସାହିତ୍ୟିକଙ୍କ ପାଇଁ ଅନ୍ୟତମ ଆଦର୍ଶ । ବିନାୟକଙ୍କ ସାହିତ୍ୟ କୃତି ତାଙ୍କୁ ଚିରଦିନ ଅମର କରି ରଖିବ ବୋଲି କହିଥିଲେ । ତଥାସ୍ତୁର ସମ୍ପାଦକ କବି ଓ ଅନୁବାଦକ ଶରତ ଚନ୍ଦ୍ର ଆଚାର୍ଯ୍ୟ ତାଙ୍କ ବକ୍ତବ୍ୟରେ, ବିନାୟକ ମିଶ୍ରଙ୍କ ପରି ସାହିତ୍ୟ ପ୍ରାଣ ବ୍ୟକ୍ତିତ୍ୱ ପ୍ରାୟ ବିରଳ । ନର୍ମାଲ ଟ୍ରେନିଂ ଶେଷ କରି ନୀଳଗିରିରେ ଡ୍ରଇଁ ଶିକ୍ଷକ ଭାବେ ଯୋଗ ଦେଇଥିବା ଶ୍ରୀଯୁକ୍ତ ମିଶ୍ର ନିଜର ଜ୍ଞାନ ଓ ପାଣ୍ଡିତ୍ୟ ଯୋଗୁଁ କଲିକତା ବିଶ୍ୱ ବିଦ୍ୟାଳୟରେ ଅଧ୍ୟାପକ ହୋଇ ପାରିଥିଲେ । ତାଙ୍କ ରଚିତ ଓଡ଼ିଆ ଭାଷାର ଇତିହାସ, ଓଡ଼ିଆ ସାହିତ୍ୟର ଇତିହାସ, ଓଡ଼ିଆ ଭାଷାର ପୁରାତତ୍ତ୍ୱ, ଆଧୁନିକ ଓଡ଼ିଆ ସାହିତ୍ୟର ଇତିହାସ, ଭାରତୀୟ ଦର୍ଶନ ପ୍ରବେଶିକା, Dynasties of Mediaeval Orissa, Orissa under the Bhauma Kings ଆଦି ପୁସ୍ତକ ତାଙ୍କୁ ଚିରଦିନ ଅମର କରି ରଖିବ ବୋଲି ମତବ୍ୟକ୍ତ କରିଥିଲେ । ଏହି ଅବସରରେ ଆୟୋଜିତ କବିତା ପାଠ କାର୍ଯ୍ୟକ୍ରମରେ ଅତିଥି ଭାବେ ବରିଷ୍ଠ କବି ଲୋକନାଥ ମିଶ୍ର, ସୁବକ୍ତା ସୁଦର୍ଶନ ପ୍ରଧାନ, ଜିଲ୍ଲା ଲେଖକ ପରିଷଦ ସମ୍ପାଦକ ଶେଖ୍ ଅବଦୁଲ ଖାଲିକ୍ ଯୋଗ ଦେଇଥିଲେ । କାର୍ଯ୍ୟକ୍ରମକୁ ହରପ୍ରିୟା ଦ୍ୱିବେଦୀ, ସ୍ମିତା ସ୍ୱାଇଁ, ଗୋପୀନାଥ ସେଠୀ, ସୈାଦାମିନୀ ସ୍ୱାଇଁ, ନିଳୀମା ନନ୍ଦ ସଂଚାଳନ କରିଥିଲେ । ଏହି ସାରସ୍ଵତ କାର୍ଯ୍ୟକ୍ରମରେ ଲଳିତ ମୋହନ ମିଶ୍ରଙ୍କ ଉପନ୍ୟାସ 'ଅନ୍ଧ ଗଳିର ନାୟିକା' , ଗୋଦାବରୀଶ ମିଶ୍ରଙ୍କ କବିତା ସଂକଳନ 'ଜୀବନ ସଙ୍ଗୀତ'କୁ ଅତିଥିମାନେ ଉନ୍ମୋଚନ କରିଥିଲେ । ଚଳିତ ବର୍ଷ ବିନାୟକ ମିଶ୍ର ସାହିତ୍ୟ ସମ୍ମାନ ବିଶିଷ୍ଟ ଗୀତିକାର, ପ୍ରାବନ୍ଧିକ, ଗବେଷକ ଗୀତିକଳ୍ପ ହରିଶ ପ୍ରଧାନଙ୍କୁ ପ୍ରଦାନ କରାଯାଇଥିଲା । ତତସହିତ ତଥାସ୍ତୁ କବିତା ସମ୍ମାନ ଗୀତାଞ୍ଜଳୀ ମହାପାତ୍ର ଓ ହରପ୍ରିୟା ଦ୍ୱିବେଦୀ , ତଥାସ୍ତୁ ବ୍ୟଙ୍ଗକବି ସମ୍ମାନ ପ୍ରତାପ ସାହୁ, ତଥାସ୍ତୁ ଆଦର୍ଶ ଶିକ୍ଷୟତ୍ରୀ ସମ୍ମାନ ରିତାରାଣୀ ମିଶ୍ର ଓ ସୈାଦାମିନୀ ସ୍ୱାଇଁ, ସଂଯୋଜକ ସମ୍ମାନ ଗୋପୀନାଥ ସେଠୀଙ୍କୁ ପ୍ରଦାନ କରାଯାଇଛି । ପଣ୍ଡିତ ମିଶ୍ରଙ୍କ ଜୟନ୍ତୀ ଅବସରରେ ବିଭିନ୍ନ ମହାବିଦ୍ୟାଳୟର ଶତାଧିକ ଛାତ୍ର ଛାତ୍ରୀଙ୍କୁ ନେଇ ଆୟୋଜିତ ପ୍ରତିଯୋଗିତାରେ କୃତି ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା । ସ୍ୱରଚିତ କବିତା ପାଠ ପ୍ରତିଯୋଗିତାରେ ପ୍ରିତୀପଦ୍ମା ମହାପାତ୍ର ପ୍ରଥମ, ଇପ୍‌ସିତା ଶତପଥୀ ଦ୍ୱିତୀୟ, ଲିଜାରାଣୀ ପ୍ରଧାନ ତୃତୀୟ ସ୍ଥାନ ଅଧିକାର କରିଥିଲେ । କବିତା ଆବୃତ୍ତିରେ ସ୍ନେହାରାଣୀ ସାହୁ ପ୍ରଥମ, ପ୍ରିୟଙ୍କା ପ୍ରିୟଦର୍ଶିନୀ ଦ୍ୱିତୀୟ, ସଂଘମିତ୍ରା ମିଶ୍ର ତୃତୀୟ ସ୍ଥାନ ଅଧିକାର କରିଥିଲେ । ଚିଠି ଲେଖା ପ୍ରତିଯୋଗୀତାରେ ଅଙ୍କିତା ପ୍ରିୟଦର୍ଶିନୀ ବେହେରା ପ୍ରଥମ, ଆଲୋକ ପ୍ରଧାନ ଦ୍ୱିତୀୟ, ତନୁଶ୍ରୀ ରାଉତ ତୃତୀୟ ସ୍ଥାନ ଅଧିକାରୀ କରିଥିବା ଅନୁଷ୍ଠାନ ସମ୍ପାଦକ ଶ୍ରୀଯୁକ୍ତ ଆଚାର୍ଯ୍ୟ ସୂଚନା ଦେଇଛନ୍ତି । ଗୋକୁଳ କୁମାର ଷଡ଼ଙ୍ଗୀ ସ୍ୱାଗତ ଅଭିଭାଷଣ ଦେଇଥିବା ବେଳେ ଗାଳ୍ପିକ ଡ.ପ୍ରାଣକୃଷ୍ଣ ବେହେରା ଧନ୍ୟବାଦ ପ୍ରଦାନ କରିଥିଲେ ।

12/09/2023

ଦଶ ପଇସାର ରଜା ଦାସିଆ ଅଜାଙ୍କ ୨୬ତମ ଶ୍ରାଦ୍ଧ ଦିବସ ଅବସରରେ ନୟାଗଡ ପୂଜ୍ୟପୂଜା କମିଟି, ସିଭିଲ ସୋସାଇଟି, ରୋଟାରି କ୍ଲବ, ଇନର ହୁଇଲ୍, ତେଜସ୍ଵିନୀ, ନୟାଗଡ଼ କ୍ଲବ ଏବଂ ସାମ୍ବାଦିକ ସଙ୍ଘ ପକ୍ଷରୁ ଓଡିଶା ପାଠାଗାର ଆନ୍ଦୋଳନର ମୂଖ୍ୟ ପୁରୋଧା ଦାଶରଥି ପଟ୍ଟନାୟକ ତଥା ଦାସିଆ ଅଜାଙ୍କ ପ୍ରତିମୂର୍ତ୍ତିରେ ଭକ୍ତିପୂତ ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି l

09/09/2023

https://nayagarhnews.in/rotary-club-award/

ନୟାଗଡ଼,୯/୯: ନୟାଗଡ଼ ରୋଟାରୀ ଭବନ ପରିସରରେ ରୋଟାରୀ କ୍ଳବ୍ ନୟାଗଡ଼ ତରଫରୁ ବିଶ୍ବ ସାକ୍ଷରତା ଦିବସ ତଥା ରାଷ୍ଟ୍ର ନିର୍ମାତା ସମ୍ମାନ କାର.....

02/09/2023

ଓଡ଼ିଆ ଭାଷା-ସାହିତ୍ୟ ପ୍ରତି ଛାତ୍ର ଛାତ୍ରୀଙ୍କ ଆଗ୍ରହ ସୃଷ୍ଟି ପାଇଁ ପ୍ରୟାସ -
ମାଧ୍ୟମିକ ବିଦ୍ୟାଳୟ ଓ ମହାବିଦ୍ୟାଳୟସ୍ତରରେ ଛାତ୍ର ଛାତ୍ରୀମାନଙ୍କ ମନରେ ଓଡ଼ିଆ ଭାଷା ସାହିତ୍ୟ ପ୍ରତି ଅଧିକ ଆଗ୍ରହ ସୃଷ୍ଟି କରିବା ତଥା ସେବା ଓ ସଚେତନତାମୂଳକ କାର୍ଯ୍ୟକ୍ରମକୁ ଅଧିକ ତ୍ୱରାନ୍ୱିତ କରିବା ପାଇଁ ଉତ୍କଳ ସମ୍ମିଳନୀ ନୟାଗଡ଼ ଜିଲ୍ଲା ଶାଖାର ଏକ ସ୍ୱତନ୍ତ୍ର ବୈଠକରେ ନିଷ୍ପତ୍ତି ଗ୍ରହଣ କରାଯାଇଅଛି। ସମ୍ମିଳନୀର ସଭାପତି ବସିରନ୍ ବିବିଙ୍କ ସଭାପତିତ୍ୱରେ ଆୟୋଜିତ ଏହି ସ୍ୱତନ୍ତ୍ର ବୈଠକରେ ସଂପାଦକ ଶରତ ଚନ୍ଦ୍ର ଆଚାର୍ଯ୍ୟ ସମସ୍ତଙ୍କୁ ସ୍ୱାଗତ କରିବା ସହ ସମ୍ମିଳନୀର ବିଭିନ୍ନ କାର୍ଯ୍ୟକ୍ରମ ବିଷୟରେ ସୂଚନା ପ୍ରଦାନ କରିଥିଲେ। ଏହି ବୈଠକରେ ବରିଷ୍ଠ ସଦସ୍ୟ ଅରୁଣ କୁମାର ମହାନ୍ତି, ମହମ୍ମଦ ଓମାର ମଲ୍ଲିକ, ପ୍ରଦୀପ ସାହୁ, ପ୍ରଫୁଲ୍ଲ, ଗୋକୁଳ କୁମାର ଷଡଙ୍ଗୀ, ପ୍ରତାପ ସାହୁ, ଲକ୍ଷ୍ମୀଧର ମହାପାତ୍ର, ସୁଦର୍ଶନ ପ୍ରଧାନ ପ୍ରମୁଖ ଯୋଗଦେଇ ବିଭିନ୍ନ ପ୍ରତିଷ୍ଠାନରେ ଓଡ଼ିଆ ଭାଷାର ବ୍ୟବହାର ପାଇଁ ଲୋକଙ୍କୁ ସଚେତନ କରାଇବା, ଜିଲ୍ଲାର ବିଭିନ୍ନ ବିଦ୍ୟାଳୟକୁ ଯାଇ ଶୁଦ୍ଧ ଓଡ଼ିଆ ଲେଖିବା, ଢଗଢମାଳି ଗାଇବା, ଓଡ଼ିଆରେ ଚିଠି ଲେଖିବା ଆଦି ପ୍ରତିଯୋଗିତାମୂଳକ କାର୍ଯ୍ୟକ୍ରମ ପାଇଁ ବକ୍ତବ୍ୟ ରଖିଥିଲେ। ମହାବିଦ୍ୟାଳୟସ୍ତରରେ "ନୂଆ ସ୍ୱର ନିଆରା କଥା" ମାଧ୍ୟମରେ ଛାତ୍ରଛାତ୍ରୀଙ୍କୁ କବିତା, ଗଳ୍ପ, ପ୍ରବନ୍ଧ ଲେଖିବା ତଥା ବିଭିନ୍ନ ଉପାଦେୟ ଓଡ଼ିଆ ବହି ପଢିବା ପାଇଁ ଆଗ୍ରହ ସୃଷ୍ଟି କରିବା ଦିଗରେ ଗୁରୁତ୍ବପୂର୍ଣ୍ଣ ଆଲୋଚନା ହୋଇଥିଲା।
ଏହି ଅବସରରେ ଉତ୍କଳ ସମ୍ମିଳନୀ ନୟାଗଡ଼ ଜିଲ୍ଲା ଶାଖାର ନୂତନ କର୍ମକର୍ତ୍ତା ସର୍ବସମ୍ମତିକ୍ରମେ ଚୟନ କରାଯାଇଥିଲା। ସଭାପତି ଭାବେ ବସିରନ୍ ବିବି, ସଂପାଦକ ଶରତ ଚନ୍ଦ୍ର ଆଚାର୍ଯ୍ୟ, ସଂଗଠନ ସଂପାଦକ ଗୋପୀନାଥ ସେଠୀ, ଉପସଭାପତି ଭକ୍ତ ବଲ୍ଲଭ ବଟକୃଷ୍ଣ ମିଶ୍ର ତଥା ଶ୍ରୀଧର ସାହୁ, ଯୁଗ୍ମ ସଂପାଦକ ସୌଦାମିନୀ ସ୍ୱାଇଁ, କୋଷାଧ୍ୟକ୍ଷ ମମତା ମଂଜରୀ ଦେଇ, ମୁଖ୍ୟ କାର୍ଯ୍ୟକ୍ରମ ସଂଯୋଜକ ସୁଦର୍ଶନ ପ୍ରଧାନ ଦାୟିତ୍ଵ ଗ୍ରହଣ କରିବା ସହ ଅରୁଣ କୁମାର ମହାନ୍ତି, ମହମ୍ମଦ ଓମାର ମଲ୍ଲିକ, ହରପ୍ରିୟା ଦ୍ୱିବେଦୀ, ରୀତାରାଣୀ ମିଶ୍ର, ପ୍ରଫୁଲ୍ଲ ନାୟକ, ପ୍ରଦୀପ ସାହୁ, ନିରଂଜନ ନାୟକ, ସଂଜୟ କୁମାର ସୁବୁଦ୍ଧି ପ୍ରମୁଖ କାର୍ଯ୍ୟନିର୍ବାହୀ ସଦସ୍ୟ ଭାବେ ମନୋନୀତ ହୋଇଥିଲେ।

31/08/2023

ଗଛକୁ ରାକ୍ଷୀ ବାନ୍ଧି ସୁରକ୍ଷା ବାର୍ତ୍ତା ବାଣ୍ଟିଲେ ନୟାଗଡ଼ର ବିଧାୟକ ଓ ସମାଜସେବୀ **

ନୟାଗଡ଼ର ଅଗ୍ରଣୀ ସାମାଜିକ ଅନୁଷ୍ଠାନ ମା ଫାଉଣ୍ଡେସନ୍ ଓ ନାରୀ ଜାଗରଣ ପାଇଁ ସମର୍ପିତ ଅନୁଷ୍ଠାନ "ତେଜସ୍ୱିନୀ" ର ମିଳିତ ଆନୁକୂଲ୍ୟରେ ନୟାଗଡ଼ସ୍ଥିତ ବଲାଙ୍ଗୀ ପାର୍କଠାରେ ପାଳିତ ହୋଇଯାଇଛି ରକ୍ଷା ବନ୍ଧନ ପର୍ବ। ସଂପାଦକ ରଂଜନ ରଶ୍ମି ଜେନାଙ୍କ ପୌରୋହିତ୍ୟ ତଥା ଉପ ସଭାପତି ଗୋପୀନାଥ ସେଠୀ ଓ ସହ ସମ୍ପାଦକ ବିଜୟାନନ୍ଦ ମହାପାତ୍ରଙ୍କ ପ୍ରତ୍ଯକ୍ଷ ତତ୍ବାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବିଧାୟକ ଡ. ଅରୁଣ କୁମାର ସାହୁ ଏବଂ ସମ୍ମାନୀତ ଅତିଥି ଭାବେ ଜିଲ୍ଲା ପରିଷଦର ସଭାପତି ଇଂ ଦେବାଶିଷ ପଟ୍ଟନାୟକ, ପୌର ପରିଷଦର ଅଧ୍ୟକ୍ଷା ନିରୁପମା ଖଟେଇ, ଓ ପୌର ପରିଷଦର ସମସ୍ତ କାଉନସିଲର ପ୍ରମୁଖ ଯୋଗଦେଇ ଗଛକୁ ରାକ୍ଷୀ ବାନ୍ଧି ନିଆରା ଢଙ୍ଗରେ ଏହି ପର୍ବକୁ ପାଳନ କରିଥିଲେ। କବି ଶରତ ଚନ୍ଦ୍ର ଆଚାର୍ଯ୍ୟ, ନୟାଗଡ଼ ଜିଲ୍ଲା ଲେଖକ ପରିଷଦ ସଂପାଦକ ଶେଖ ଅବଦୁଲ କଲାମ, ସୌଦାମିନୀ ସ୍ବାଇଁ, ଅଧ୍ୟାପିକା ସ୍ମିତା ସ୍ବାଇଁଙ୍କ ସମେତ ତେଜସ୍ୱିନୀର ସମସ୍ତ ସଦସ୍ୟା ତଥା ଜେନୁଇନ୍ କୋଚିଂ ସେଣ୍ଟରର ବହୁ ଛାତ୍ରଛାତ୍ରୀ ଉପସ୍ଥିତ ରହି ଗଛଙ୍କୁ ରାକ୍ଷୀ ବାନ୍ଧିବା ସହିତ ପରିବେଶର ସୁରକ୍ଷା ପାଇଁ ସଂକଳ୍ପ ନେଇଥିଲେ। ଉପସ୍ଥିତ ଜନସାଧାରଣଙ୍କୁ ମୁଖ୍ୟ ଅତିଥି ତଥା ନୟାଗଡ଼ ବିଧାୟକ ଉଦବୋଧନ ଦେଇ ବିଭିନ୍ନ ଗଛର ଉପକାରିତା ବିଷୟରେ ଅବଗତ କରାଇବା ସହିତ ଗଛ ବଞ୍ଚିଲେ ଆମେ ବଞ୍ଚିବା ବୋଲି ମତ ରଖିଥିଲେ। ଏହି କାର୍ଯ୍ୟକ୍ରମରେ ମା ଫାଉଣ୍ଡେସନ୍, ନୟାଗଡ଼ର ସଦସ୍ୟ ଛାଟିକି, ବିପ୍ଳବ ସତ୍ୟ ସୁନ୍ଦର, ବୁଲବୁଲ, ଲିଟୁ ପଣ୍ଡା, ଲୁବୁ ଟୁଆଁ, ସଂଜୟ ପରିଡା, ସମେତ ବହୁ ସ୍ବେଚ୍ଛାସେବୀ ଓ ପରିବେଶବିତ୍ ଯୋଗ ଦେଇଥିଲେ।

31/08/2023

ଶ୍ରୀଜଗନ୍ନାଥ ସଂଗ୍ରହାଳୟ ଓ ପାଠାଗାରକୁ ଆସିଲା ଦେବଦଳନ ରଥ ଚକ। ନୟାଗଡ଼ ନୂଆଗାଁ ବ୍ଲକ ଦୁରୁଦୁରା ଗ୍ରାମରେ ଥିବା ପ୍ରସିଦ୍ଧ ଶ୍ରୀ ଜଗନ୍ନାଥ ସଂଗ୍ରହାଳୟ ଓ ପାଠାଗାରକୁ ପୁରୀ ଶ୍ରୀମନ୍ଦିର । ଦୁରୁଦୁରାରେ ପୂଜାର୍ଚ୍ଚନା କରାଯାଇ ଚକକୁ ସ୍ଥାପନା କରାଯାଇଛି।

30/08/2023

ରାଜ୍ୟପାଳଙ୍କୁ ରାକ୍ଷୀ ବାନ୍ଧିଲେ ଯଶୋଦା ମାଆଙ୍କ ପିଲାମାନେ

ଆଜି ପବିତ୍ର ରକ୍ଷା ବନ୍ଧନ ଅବସରରେ ଯଶୋଦା ମା ଫାଉଣ୍ଡେସନର ପ୍ରମୁଖ ସଦସ୍ୟ ଶ୍ରୀମତୀ ନିବେଦିତା ଲେଙ୍କାଙ୍କ ପରିକଳ୍ପନାରେ ପବିତ୍ର ରକ୍ଷା ବନ୍ଧନ ଉତ୍ସବକୁ ଭିନ୍ନ ଏକ ଢଙ୍ଗରେ ପାଳନ କରିଛନ୍ତି ‌। ଯଶୋଦା ମାଆ ଫାଉଣ୍ଡେସନର କୁନିକୁନି ପିଲାମାନଙ୍କୁ ନେଇ ରାଜଭବନ ପରିସରରେ ଓଡ଼ିଶାର ମହାମହିମ ରାଜ୍ୟପାଳଙ୍କ ହାତରେ ରାକ୍ଷୀ ବାନ୍ଧିଛନ୍ତି।

23/08/2023

ମହାମହିମ ରାଜ୍ୟପାଳ ପ୍ରଫେସର ଗଣେଶୀ ଲାଲ ଦ୍ଵାରା ଲୌହମାନବ ଓ ପର୍ବତାରୋହୀ ସୌଭାଗ୍ୟ କୁମାର ରଥ ସମ୍ବର୍ଦ୍ଧିତ।

18/08/2023

ପବିତ୍ର ୭୭ତମ ସ୍ୱାଧୀନତା ଦିବସ ଉପଲକ୍ଷେ ସ୍ୱାତୀଲଗ୍ନା ସାହିତ୍ୟ ଇ-ପତ୍ରିକା ଆନୁକୂଲ୍ୟରେ ଅନଲାଇନ ମାଧ୍ୟମରେ ରାଜ୍ୟରେ ମହାବିଦ୍ୟାଳୟ ସ୍ତରୀୟ ଏକ ଗୀତ ପ୍ରତିଯୋଗିତା ଅନୁଷ୍ଠିତ ହୋଇଥିଲା।

ଏହି ଗୀତ ପ୍ରତିଯୋଗିତାରେ ଯାଜପୁର ଜ଼ିଲ୍ଲାର ଅଭିପ୍ସା ପ୍ରିୟଦର୍ଶିନୀ ସାହୁ ପ୍ରଥମ ସ୍ଥାନ ଅଧିକାର କରିଥିବା ବେଳେ ନୟାଗଡ ଜ଼ିଲ୍ଲାର ରାଗେଶ୍ରୀ ଦାଶ ଦ୍ୱିତୀୟ ସ୍ଥାନ ଓ କଟକ ଜ଼ିଲ୍ଲାର ଶ୍ରୀତମ ମହାପାତ୍ର ତୃତୀୟ ସ୍ଥାନ ଅଧିକାର କରିଛନ୍ତି । ସମସ୍ତ ସଫଳ ପ୍ରତିଯୋଗୀ ମାନଙ୍କୁ ଉପହାର ସହ ଇ-ପ୍ରମାଣ ପତ୍ର ଦିଆଯିବ ବୋଲି ସ୍ୱାତୀଲଗ୍ନା ଅନୁଷ୍ଠାନର ପ୍ରତିଷ୍ଠାତା ସୁଶାନ୍ତ କୁମାର ପାତ୍ର କହିଛନ୍ତି । ପ୍ରତିଯୋଗିତାରେ ଅଂଶ ଗ୍ରହଣ କରିଥିବା ସମସ୍ତ ପ୍ରତିଯୋଗୀଙ୍କୁ ଏବଂ ବିଚାରକ ମାନଙ୍କୁ ସ୍ୱାତୀଲଗ୍ନା ଅନୁଷ୍ଠାନ ତରଫରୁ ସାଧୁବାଦ ଦିଆଯାଇଛି ।

14/08/2023

ଦାସିଆ ଅଜା ସଂଗ୍ରହାଳୟ ଏବଂ ଲାଇବ୍ରେରୀ ପରିଦର୍ଶନ କଲେ DRDO ର ପୂର୍ବତନ ବୈଜ୍ଞାନିକ। ଦାଶରଥି ପଟ୍ଟନାୟକଙ୍କ ଦ୍ଵାରା ପ୍ରତିଷ୍ଠିତ ଏହି ସଂଗ୍ରହାଳୟ ଏବଂ ଲାଇବ୍ରେରୀ ପରିଦର୍ଶନ କରି ବିମୋହିତ ହୋଇଯାଇଥିଲେ ବୈଜ୍ଞାନିକ ସୋମନାଥ ଚକ୍ରବର୍ତ୍ତୀ । ଏତେ ସଂଖ୍ୟାରେ ଜିନିଷ ସବୁ କେବଳ ଜଣେ ସଂଗ୍ରାହକ ଏପରି ସଂଗ୍ରହ କରିପାରେ ତାହା ତାଙ୍କୁ ଆଶ୍ଚର୍ଯ୍ୟ କରିଥିଲା। ଏହା କେବଳ ଏକ ଅସାଧାରଣ ପରିକଳ୍ପନା ଓ ସାଧନାର ପ୍ରତିଫଳନ ବୋଲି ସେ କହିଥିଲେ । ସାଙ୍ଗରେ ଆସିଥିବା ପରିବାର ବର୍ଗ ଓ ସାଙ୍ଗମାନଙ୍କ ସହିତ ଦାଶରଥି ପଟ୍ଟନାୟକଙ୍କ ପ୍ରତିମୂର୍ତ୍ତୀରେ ଭକ୍ତିପୂତ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ସେ । ଦାସିଆ ଅଜାଙ୍କ ନାତି ଦୀପକ ପଟ୍ଟନାୟକଙ୍କ ସହିତ ସେ ବିସ୍ତୃତ ଆଲୋଚନା ବି କରିଥିଲେ ।

13/08/2023

ୟୁରୋପ୍ ଓ ରୁଷ୍‌ର ସର୍ବୋଚ୍ଚ ଶୃଙ୍ଗ ଏଲ୍‌ବ୍ରସ୍ ଶିଖରରେ ନୟାଗଡ଼ର ଗୌରବ ସୌଭାଗ୍ୟ କୁମାର ରଥ। ଆଜି ସକାଳ ସ୍ଥାନୀୟ ସମୟ ୮ଟା ୪୦ (ଭାରତୀୟ ସମୟ ୧୧ଟା ୧୦) ପ୍ରବଳ ଝଡ଼ ତୋଫାନ ସତ୍ତ୍ୱେ ସୌଭାଗ୍ୟ ଏହି ସଫଳତା ପାଇଛନ୍ତି। ସୌଭାଗ୍ୟଙ୍କୁ ଅଭିନନ୍ଦନ।