Daily Rabta TV

  • Home
  • Daily Rabta TV

Daily Rabta TV ਹੱਕ ਤੇ ਸੱਚ ਦੀ ਆਵਾਜ਼

26/01/2025

ਸਿੰਘ ਸਾਹਿਬਾਨ ਦੀ ਮੀਟਿੰਗ ਕਿਉਂ ਕੀਤੀ ਮੁਲਤਵੀ ? ਗਿਆਨੀ ਹਰਪ੍ਰੀਤ ਸਿੰਘ ਦੀ ਬਾਦਲ ਦੇ ਚਮਚਿਆਂ ਨੂੰ ਸਿੱਧੀ ਚਿਤਾਵਨੀ

28 ਜਨਵਰੀ ਨੂੰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਤੇ ਰੱਖੀ ਪੰਜ ਸਿੰਘ ਸਾਹਿਬਾਨ ਦੀ ਮੀਟਿੰਗ ਮੁਲਤਵੀ ਹੋਣ 'ਤੇ ਸਿੰਘ ਸਾਹਿਬ ਗਿਆਨੀ ਹਰਪ੍ਰੀਤ ਸਿੰਘ ਜਥੇਦਾਰ...
26/01/2025

28 ਜਨਵਰੀ ਨੂੰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਤੇ ਰੱਖੀ ਪੰਜ ਸਿੰਘ ਸਾਹਿਬਾਨ ਦੀ ਮੀਟਿੰਗ ਮੁਲਤਵੀ ਹੋਣ 'ਤੇ ਸਿੰਘ ਸਾਹਿਬ ਗਿਆਨੀ ਹਰਪ੍ਰੀਤ ਸਿੰਘ ਜਥੇਦਾਰ ਤਖਤ ਸ੍ਰੀ ਦਮਦਮਾ ਸਾਹਿਬ ਦਾ ਵੱਡਾਬਿਆਨ !

- ਮੀਟਿੰਗ 'ਚ ਗੁਰਮਤਿ ਦੀ ਰੌਸ਼ਨੀ 'ਚ ਹੋਣੇ ਸਨ ਵੱਡੇ ਫੈਸਲੇ
- ਮੇਰੇ ਵਿਰੁੱਧ ਜਾਂਚ ਕੀਤੀ ਤੇਜ
- ਤਖਤ ਸ੍ਰੀ ਦਮਦਮਾ ਸਾਹਿਬ 'ਤੇ ਜਾ ਕੇ ਮੁਲਾਜਮਾਂ ਤੇ ਦਬਾਅ ਪਾਇਆ ਗਿਆ ਕਿ ਮੇਰੇ ਵਿਰੁੱਧ ਲਿਖਕੇ ਦੇਣ
- ਜੋ ਜਥੇਦਾਰ ਇਹਨਾਂ ਦੀ ਈਨ ਮੰਨਦੇ ਨੇ ਤੇ ਇਹਨਾਂ ਦੇ ਘਰ ਜਾ ਫੈਸਲੇ ਕਰਦੇ ਉਹ ਕਰੋੜਾਂ ਦਾ ਬਿਜਨਸ ਕਰਨ ਕੋਈ ਫਰਕ ਨਹੀਂ
- ਈਨ ਨਾ ਮੰਨਣ ਵਾਲਿਆਂ ਦੀਆਂ ਰੋਟੀ ਦੀਆਂ ਬੁਰਕੀਆਂ ਤਕ ਗਿਣੀਆ ਜਾਣ
- ਮੇਰੇ ਵਿਰੁੱਧ ਨੈਰੇਟਿਵ ਸਿਰਜ ਮੈਨੂੰ ਕੱਢਿਆ ਜਾਵੇਗਾ
- ਮੈਂ ਪੰਥ ਨਾਲ ਸਲਾਹ ਕਰ ਚਲਾਂਗਾ

ਜ਼ਰਾ ਸੋਚੋਕੀ ਪੰਜਾਬ ਸਦਾ ਹੀ ਲੁੱਟਿਆ ਜਾਂਦਾ ਰਿਹਾ ? ਅਜ਼ਾਦੀ ਤੋਂ ਬਾਅਦ ਜੇਕਰ ਪੰਜਾਬ ਦੀ ਗੱਲ ਕਰੀਏ ਤਾਂ ਲੱਗਦਾ ਹੈ ਕਿ ਪੰਜਾਬ ਤਾਂ ਹਮੇਸ਼...
26/01/2025

ਜ਼ਰਾ ਸੋਚੋ
ਕੀ ਪੰਜਾਬ ਸਦਾ ਹੀ ਲੁੱਟਿਆ ਜਾਂਦਾ ਰਿਹਾ ?
ਅਜ਼ਾਦੀ ਤੋਂ ਬਾਅਦ ਜੇਕਰ ਪੰਜਾਬ ਦੀ ਗੱਲ ਕਰੀਏ ਤਾਂ ਲੱਗਦਾ ਹੈ ਕਿ ਪੰਜਾਬ ਤਾਂ ਹਮੇਸ਼ਾ ਲੁੱਟਿਆ ਹੀ ਜਾਂਦਾ ਰਿਹਾ ਭਾਵੇਂ ਕਿਸੇ ਨੇ ਪਿਆਰ ਨਾਲ ਲੁੱਟਿਆ ਭਾਵੇਂ ਚਲਾਕੀ ਨਾਲ । ਇਸੇ ਕਰਕੇ ਅੱਜ ਪੰਜਾਬ ਹਤਾਇਸ਼ੀ ਲੋਕ ਕਹਿ ਰਹੇ ਹਨ ਕਿ ਪੰਜਾਬ ਨੇ ਸਿਰ ਤਾਂ ਬਹੁਤ ਦੇ ਕੇ ਦੇਖ ਲਏ ਹੁਣ ਤਾਂ ਸਿਰ ਵਰਤਣ ਦੀ ਜ਼ਰੂਰਤ ।
ਮੀਡੀਆ ਵਿਚ ਆ ਰਹੀਆਂ ਖਬਰਾਂ ਵਿਚ ਸੰਜੇ ਸਿੰਘ ਰਾਜ ਸਭਾ ਮੈਂਬਰ ਜਿਸ ਤਰਾਂ ਦਿੱਲੀ ਚੋਣਾਂ ਵਿਚ ਪੰਜਾਬ ਦੇ ਸਿੱਖਾਂ ਨਾਲ ਨਫਰਤ, ਵਿਤਕਰੇ ਆਦਿ ਬਾਰੇ ਬੋਲ ਰਹੇ ਹਨ, ਕੋਲੋਂ ਪੁੱਛਿਆ ਜਾਣਾ ਚਾਹੀਦਾ ਕਿ ਉਹ 2017 ਦੀਆਂ ਪੰਜਾਬ ਚੋਣਾਂ ਤੋਂ ਬਾਅਦ ਪੰਜਾਬ ਵਿਚ ਕਿਉਂ ਨਹੀਂ ਆਏ ? ਕਿਉਂਕਿ ਜੋ ਪੰਜਾਬ ਵਿਚ ਸੰਜੇ, ਦੁਰਗੇਸ਼ ਦੀ ਜੋੜੀ ਦੀਆਂ ਹਰ ਤਰਾਂ ਦੀ ਲੁੱਟ ਦੀਆਂ ਕਹਾਣੀਆਂ ਸੁਣੀਆਂ ਸਨ , ਉਸ ਦਾ ਹਿਸਾਬ ਦੇਣਾ ਪੈਣਾ ਸੀ।
ਦੂਜੇ ਪਾਸੇ ਕੇਜਰੀਵਾਲ ਨੇ ਚਲਾਕੀ ਕੀਤੀ ਕਿ 2017 ਤੋਂ ਬਾਅਦ ਸੰਜੇ ਤੇ ਦੁਰਗੇਸ਼ ਨੂੰ ਪੰਜਾਬੀ ਭੁੱਲ ਜਾਣ , ਇਸ ਕਰਕੇ ਰਾਘਵ ਚੱਢਾ ਤੇ ਸੰਦੀਪ ਪਾਠਕ ਲੈ ਆਏ ਤੇ ਕਹਾਣੀਆਂ ਉਹਨਾਂ ਦੀਆਂ ਵੀ ਸੰਜੇ, ਦੁਰਗੇਸ਼ ਵਰਗੀਆਂ ਹੀ ਰਹੀਆਂ।2022 ਵਿੱਚ ਸਰਕਾਰ ਬਣ ਗਈ ਕੋਈ ਜ਼ੋਰ ਨਾਲ ਤੇ ਕੋਈ ਮਚਲਾ ਬਣ ਕੇ ਠੱਗ ਰਿਹਾ ਹੈ।
ਹੁਣ ਪਿਛਲੇ ਸਾਲ ਤੱਕ ਰਾਘਵ ਤੇ ਸੰਦੀਪ ਰੱਜ ਗਏ ਤੇ ਵੈਭਵ ਕੁਮਾਰ ( ਕੇਜਰੀਵਾਲ ਦਾ ਓ ਐਸ ਡੀ - ਸਵਾਤੀ ਮਾਲੀ ਵਾਲ ਨਾਲ ਮਾਰ ਕੁੱਟ ਕਰਨ ਦਾ ਅਰੋਪੀ) ਵਰਗੇ ਪੰਜਾਬ ਵਿਚ ਫਿੱਟ ਕਰ ਦਿੱਤੇ ਜਿਹਨਾਂ ਦੀਆਂ ਕਰਤੂਤਾਂ ਦਿੱਲੀ ਦੀਆਂ ਗਲੀਆਂ ਬੋਲ ਰਹੀਆਂ ਹਨ।
ਜਿੱਥੇ ਹੁਣ ਵਾਲੇ ਪੈਸੇ ਅਤੇ ਪ੍ਰਬੰਧਕੀ ਲੁੱਟਾਂ ਕਰ ਰਹੇ ਹਨ, ਉਥੇ ਸੱਠ ਦੇ ਦਹਾਕੇ ਤੋਂ ਗਰੀਨ ਰੈਵੋਲਿੳਸਨ ਦੇ ਨਾਮ 'ਤੇ ਪੰਜਾਬ ਦੀ ਉਪਜਾਊ ਧਰਤੀ ਨੂੰ ਵਰਤਕੇ ਭਾਰਤ ਦਾ ਢਿੱਡ ਭਰ ਲਿਆ । ਹੁਣ ਪੰਜਾਬ ਦੀ ਧਰਤੀ ਸੰਭਾਲਣ ਦੀ ਗੱਲ ਆਈ ਤਾ ਕੋਈ ਬਾਂਹ ਫੜਣ ਨੂੰ ਤਿਆਰ ਨਹੀ।
ਪੰਜਾਬ ਅਜ਼ਾਦੀ ਤੋਂ ਪਹਿਲਾਂ ਵੀ ਬਹਾਦਰੀ ਦੀ ਵਿਰਾਸਤ ਵਿੱਚ ਦੇਸ਼ ਦੀ ਅਜ਼ਾਦੀ ਲਈ ਕੁਰਬਾਨੀਆਂ ਤਾਂ ਕਰਦਾ ਰਿਹਾ ਪਰ ਜਦੋ ਅਜ਼ਾਦੀ ਮਿਲੀ ਤਾਂ ਅਪਣੀਆਂ ਕੁਰਬਾਨੀਆਂ ਦਾ ਮੁੱਲ ਅਪਣੀ ਜ਼ਮੀਨ ਵੀ ਨਹੀਂ ਲੈ ਸਕਿਆ ਸਗੋਂ 1966 ਵਿੱਚ ਪੰਜਾਬ ਸੂਬੇ ਨੂੰ ਪੰਜਾਬ ਸੂਬੀ ਬਣਾ ਬੈਠਾ । ਹੁਣ ਦਾ ਅਪਣਾ ਨੌਜਵਾਨ ਬਾਹਰਲੇ ਦੇਸ਼ਾਂ ਵਿੱਚ ਜਾ ਵਸਿਆ ਤੇ ਬਾਹਰਲੀਆਂ ਸਟੇਟਾਂ ਵਾਲੇ ਪੰਜਾਬ ਸੰਭਾਲੀ ਬੈਠੇ ਹਨ ।
👉👉👉 ਮੁੱਖ ਮੰਤਰੀ ਜੀ ਜੇ ਅਜੇ ਕੁਝ ਆਸ ਹੈ ਪੰਜਾਬ ਬਚਾਉਣ ਦੀ ਤਾਂ ਪੰਜਾਬ ਦੀ ਜਨ ਗਣਨਾ ਕਰਵਾ ਕੇ ਪੰਜਾਬੀਆਂ ਨੂੰ ਬਚਾਉਣ ਦੀਆਂ ਯੋਜਨਾਵਾਂ ਬਣਾ ਲਵੋ ਨਹੀਂ ਤਾ ਦਸ - ਵੀਹ ਸਾਲਾਂ ਬਾਅਦ ਪੰਜਾਬੀ ਲੱਭਣ ਲਈ ਐਨਕਾਂ ਲਾਉਣੀਆਂ ਪੈਣੀਆਂ। ਜਿੱਥੇ ਪੰਜਾਬ ਸਰਕਾਰ ਜਨ ਗਣਨਾ ਜਰੂਰੀ ਕਰਾਵੇ ਉੱਥੇ ਪੰਜਾਬੀ ਸੜਕਾਂ ਰੇਲਾਂ ਬੰਦ ਕਰਨੀਆਂ ਛੱਡ ਕੇ ਹੱਥੀਂ ਖੇਤੀ ਵੱਲ ਪਰਤ ਆਉਣ। ਜੇ ਪੰਜਾਬ ਬਚਾਉਣਾ ਨਹੀਂ ਤਾਂ ਖੇਤੀ ਅਤੇ ਇੰਡਸਟਰੀ ਦੋਨੋ ਗਏ ਤੇ ਫਿਰ ਲੰਗਰ ਵੀ ਨਹੀਂ ਦੇਣਾ ਕਿਸੇ।
ਉੱਪਰੋਂ ਸਿੱਖ ਧਰਮ ਬਚਾਉਣ ਵਾਲੀਆਂ ਸੰਸਥਾਵਾਂ ਸਿਆਸਤ ਕੰਟਰੋਲ ਕਰਨ ਵਿੱਚ ਲੱਗ ਰਹੀਆਂ। ਮਤਲਬ ਸਿੱਖ ਧਰਮ ਵੀ ਫਸ ਰਿਹਾ ਗੁੰਝਲਾਂ ਵਿੱਚ ਤੇ ਫਿਰ ਪੰਜਾਬ ਦਾ ਬਚਿਆ ਕਿਹੜੇ ਪਾਸੇ ? ਸਿਆਸਤ ਅਤੇ ਧਰਮ ਵੱਖਰਾ ਵੱਖਰਾ ਕਰੋ ਕਿੳਂਕਿ ਪੰਜਾਬ ਵਿੱਚ ਸਿਰਫ਼ ਇੱਕ ਧਰਮ ਨਹੀਂ ਕਈ ਧਰਮ ਹਨ। ਨਾਲੇ ਧਰਮ ਅਤੇ ਸਿਆਸਤ ਇਕੱਠਿਆਂ ਦੀ ਸੰਵਿਧਾਨ ਵੀ ਇਜਾਜ਼ਤ ਨਹੀਂ ਦਿੰਦਾ। ਜੋ ਦੋਸਤ ਸਿੱਖ ਧਰਮ ਵਿੱਚ ਸਿਆਸਤ ਅਤੇ ਧਰਮ ਦੀ ਇਕੱਠੇ ਹੋਣ ਦੀ ਉਦਾਹਰਣ ਦਿੰਦੇ , ਉਹਨਾਂ ਨੂੰ ਰਾਜੇ ਦੇ ਰਾਜ ਅਤੇ ਲੋਕਤੰਤਰ ਵਿੱਚ ਫਰਕ ਸਮਝਣਾ ਚਾਹੀਦਾ।
ਪੰਜਾਬ ਵਸੇਗਾ ਕੰਮ ਦੇ ਨਾਲ।
ਜੈ ਕਿਰਤ
ਡਾ ਦਲੇਰ ਸਿੰਘ ਮੁਲਤਾਨੀ
ਸਿਵਲ ਸਰਜਨ( ਰਿਟਾ )
9814127296
7717319896

23/01/2025

ਲੁਟੇਰੇ ਪੁਲਸੀਆਂ ਨੂੰ ਹੁਣ ਪਵੇਗੀ ਹੱਥਾਂ ਪੈਰਾਂ ਦੀ! ਹਾਈਕੋਰਟ ਨੇ ਮੰਗ ਲਿਆ ਸਾਰਾ ਰਿਕਾਰਡ

22/01/2025

ਲੁਧਿਆਣਾ ਵਿੱਚ ਮਾਂ - ਧੀਅ ਨੂੰ ਤਾਲਿਬਾਨੀ ਸਜ਼ਾ ਦੇਣ ਵਾਲਿਆਂ ਖ਼ਿਲਾਫ਼ ਹੋਵੇਗੀ ਕਾਰਵਾਈ !

20/01/2025

ਦਾਦੂਵਾਲ ਅਤੇ ਹਾਰੇ ਬੰਦੇ ਹਨ ਏਜੰਸੀਆਂ ਦੇ ਬੰਦੇ, ਸੁਖਬੀਰ ਬਾਦਲ ਅਕਾਲੀ ਦਲ ਦੇ ਨੰਬਰ ਵਨ ਮੈਂਬਰ ਬਣੇ

19/01/2025

ਕਿਸਾਨਾਂ ਨਾਲ ਹੋ ਗਿਆ ਵੱਡਾ ਧੋਖਾ ! ਮੀਟਿੰਗ ਪਹਿਲਾਂ ਕਿਉਂ ਨਹੀਂ ? ਡੱਲੇਵਾਲ ਦੇ ਹਮਾਇਤੀ ਡਾ. ਸਵੈਮਾਨ ਸਿੰਘ ਨੇ ਖੜੇ ਕੀਤੇ ਸਵਾਲ

ਜਗਜੀਤ ਸਿੰਘ ਡੱਲੇਵਾਲ ਦਾ ਇਲਾਜ ਸ਼ੁਰੂ ! ਪਰ ਭੁੱਖ ਹੜਤਾਲ ਰਹੇਗੀ ਜਾਰੀ ਖਨੌਰੀ: ਸਰਦਾਰ ਜਗਜੀਤ ਸਿੰਘ ਡੱਲੇਵਾਲ ਜੀ ਦਾ ਮਰਨ ਵਰਤ ਅੱਜ 55ਵੇਂ ਦਿਨ ...
19/01/2025

ਜਗਜੀਤ ਸਿੰਘ ਡੱਲੇਵਾਲ ਦਾ ਇਲਾਜ ਸ਼ੁਰੂ ! ਪਰ ਭੁੱਖ ਹੜਤਾਲ ਰਹੇਗੀ ਜਾਰੀ

ਖਨੌਰੀ: ਸਰਦਾਰ ਜਗਜੀਤ ਸਿੰਘ ਡੱਲੇਵਾਲ ਜੀ ਦਾ ਮਰਨ ਵਰਤ ਅੱਜ 55ਵੇਂ ਦਿਨ ਵੀ ਦਾਤਾਸਿੰਘਵਾਲਾ-ਖਨੌਰੀ ਕਿਸਾਨ ਮੋਰਚਾ ਉੱਪਰ ਜਾਰੀ ਰਿਹਾ। ਬੀਤੀ ਰਾਤ 1.30 ਵਜੇ ਜਗਜੀਤ ਸਿੰਘ ਡੱਲੇਵਾਲ ਜੀ ਦੀ ਸਿਹਤ ਕਾਫੀ ਵਿਗੜ ਗਈ ਜਿਸ ਕਾਰਨ ਡਾਕਟਰਾਂ ਨੇ ਐਮਰਜੈਂਸੀ ਟੀਕਾ ਲਗਾਉਣ ਦਾ ਸੁਝਾਅ ਦਿੱਤਾ ਜਿਸ ਨੂੰ ਲਗਵਾਉਣ ਤੋਂ ਜਗਜੀਤ ਸਿੰਘ ਡੱਲੇਵਾਲ ਜੀ ਨੇ ਮਨਾਹੀ ਕਰ ਦਿੱਤੀ। ਜਗਜੀਤ ਸਿੰਘ ਡੱਲੇਵਾਲ ਜੀ ਨੂੰ ਕੱਲ੍ਹ ਪੂਰੀ ਰਾਤ ਉਲਟੀਆਂ ਆਉਂਦੀਆਂ ਰਹੀਆਂ ਅਤੇ ਬਲੱਡ ਪ੍ਰੈਸ਼ਰ ਕਾਫੀ ਵੱਧ ਗਿਆ ਜਿਸ ਨੂੰ ਚੈੱਕ ਕਰਨ ਉਪਰੰਤ ਡਾਕਟਰਾਂ ਨੇ ਦੱਸਿਆ ਕਿ ਜਗਜੀਤ ਸਿੰਘ ਡੱਲੇਵਾਲ ਜੀ ਤੋਂ ਪਾਣੀ ਨਹੀ ਪੀਤਾ ਜਾ ਰਿਹਾ ਹੈ ਅਤੇ ਉਲਟੀਆਂ ਰਾਹੀਂ ਜੋ ਅੰਦਰਲਾ ਪਾਣੀ ਹੈ ਉਹ ਵੀ ਬਾਹਰ ਆ ਰਿਹਾ ਹੈ। ਜਿਸ ਕਾਰਨ ਉਹਨਾ ਨੂੰ ਬਹੁਤ ਜ਼ਿਆਦਾ ਡੀਹਾਈਡ੍ਰੇਸ਼ਨ ਹੋ ਰਹੀ ਹੈ ਅਤੇ ਜਿਸ ਦੇ ਕਾਰਨ ਮਲਟੀਪਲ ਆਰਗਨ ਫੇਲ ਹੋਣ ਦਾ ਖਤਰਾ ਹੈ। ਅੱਜ ਬਾਅਦ ਦੁਪਹਿਰ 3 ਵਜੇ ਖੇਤੀਬਾੜੀ ਮੰਤਰਾਲੇ ਦੇ ਸੰਯੁਕਤ ਸਕੱਤਰ ਪ੍ਰਿਆ ਰੰਜਨ ਦੀ ਅਗਵਾਈ ਹੇਠ ਕੇਂਦਰ ਸਰਕਾਰ ਦੀ ਇੱਕ ਉੱਚ ਪੱਧਰੀ ਟੀਮ ਕਿਸਾਨਾਂ ਮੋਰਚੇ ਉੱਪਰ ਖਨੌਰੀ ਪਹੁੰਚੀ। ਕੇਂਦਰ ਸਰਕਾਰ ਅਤੇ ਰਾਜ ਸਰਕਾਰ ਦੀ ਟੀਮ ਸਭ ਤੋਂ ਪਹਿਲਾਂ ਮੋਰਚੇ ਉੱਪਰ ਜਗਜੀਤ ਸਿੰਘ ਡੱਲੇਵਾਲ ਜੀ ਦੀ ਸਿਹਤ ਦਾ ਹਾਲ-ਚਾਲ ਪੁੱਛਣ ਲਈ ਪਹੁੰਚੀ ਅਤੇ ਉਨ੍ਹਾਂ ਨੂੰ ਦੱਸਿਆ ਕਿ ਕੇਂਦਰ ਸਰਕਾਰ ਉਨ੍ਹਾਂ ਦੀ ਸਿਹਤ ਪ੍ਰਤੀ ਬਹੁਤ ਚਿੰਤਤ ਹੈ। ਜਗਜੀਤ ਸਿੰਘ ਡੱਲੇਵਾਲ ਜੀ ਨੇ ਕਿਹਾ ਕਿ ਸਾਡੀਆਂ ਮੰਗਾਂ ਉੱਪਰ ਜੋ ਵੀ ਗੱਲਬਾਤ ਕਰਨੀ ਹੈ ਉਹ ਸਾਡੇ ਦੋਵਾਂ ਮੋਰਚਿਆਂ ਦੇ ਆਗੂਆਂ ਨਾਲ ਕੀਤੀ ਜਾਵੇ। ਕੇਂਦਰ ਅਤੇ ਸੂਬਾ ਸਰਕਾਰ ਦੀਆ ਟੀਮਾ ਦੀ ਦੋਵਾਂ ਮੋਰਚਿਆਂ ਦੇ ਆਗੂਆਂ ਨਾਲ 3.5 ਘੰਟੇ ਤੱਕ ਮੀਟਿੰਗ ਹੋਈ, ਮੀਟਿੰਗ ਵਿੱਚ ਅਧਿਕਾਰੀਆਂ ਨੇ ਪ੍ਰਸਤਾਵ ਰੱਖਿਆ ਕਿ 14 ਫਰਵਰੀ ਨੂੰ ਕੇਂਦਰ ਸਰਕਾਰ ਦੇ ਮੰਤਰੀ MSP ਸਮੇਤ ਸਾਰੀਆਂ 12 ਮੰਗਾਂ 'ਤੇ ਵਿਚਾਰ ਕਰਨ ਲਈ ਮੀਟਿੰਗ ਕਰਨੀ ਚਾਹੁੰਦੇ ਹਨ, ਅਧਿਕਾਰੀਆਂ ਨੇ ਕੇਂਦਰ ਸਰਕਾਰ ਦੀ ਤਰਫੋਂ ਵਿਸ਼ੇਸ਼ ਬੇਨਤੀ ਕੀਤੀ ਕਿ 14 ਫਰਵਰੀ ਨੂੰ ਪ੍ਰਸਤਾਵਿਤ ਗੱਲਬਾਤ ਵਿੱਚ ਜਗਜੀਤ ਸਿੰਘ ਡੱਲੇਵਾਲ ਖੁਦ ਮੌਜੂਦ ਰਹਿਣ। ਕਿਸਾਨ ਆਗੂਆਂ ਨੇ ਕਿਹਾ ਕਿ ਜੇਕਰ ਕੇਂਦਰ ਸਰਕਾਰ ਸੱਚਮੁੱਚ ਜਗਜੀਤ ਸਿੰਘ ਡੱਲੇਵਾਲ ਦੀ ਸਿਹਤ ਨੂੰ ਲੈ ਕੇ ਚਿੰਤਤ ਹੈ ਤਾਂ ਇਸ ਸਬੰਧੀ ਮੀਟਿੰਗ ਜਲਦੀ ਅਤੇ ਦਿੱਲੀ ਵਿਖੇ ਕੀਤੀ ਜਾਵੇ, ਜਿਸ ਦੇ ਜਵਾਬ ਵਿੱਚ ਅਧਿਕਾਰੀਆਂ ਨੇ ਕਿਹਾ ਕਿ ਦਿੱਲੀ ਚੋਣਾਂ ਦੇ ਮੱਦੇਨਜ਼ਰ ਚੋਣ ਜ਼ਾਬਤਾ ਲੱਗਿਆ ਹੋਇਆ ਹੈ, ਜਿਸ ਕਾਰਨ ਕੇਂਦਰ ਸਰਕਾਰ ਮੀਟਿੰਗ ਕਰਕੇ ਕੋਈ ਐਲਾਨ ਨਹੀਂ ਕਰ ਸਕਦੀ, ਇਸ ਲਈ ਮੀਟਿੰਗ 9 ਫਰਵਰੀ ਤੋਂ ਬਾਅਦ ਸੰਭਵ ਹੈ ਅਤੇ ਬਜਟ ਦਾ ਐਲਾਨ 12-13 ਫਰਵਰੀ ਨੂੰ ਕੀਤਾ ਜਾਵੇਗਾ। ਇਸ ਤੋਂ ਬਾਅਦ ਉਹ ਅਧਿਕਾਰੀ ਮੁੜ ਜਗਜੀਤ ਸਿੰਘ ਡੱਲੇਵਾਲ ਜੀ ਨੂੰ ਚਿੱਠੀ ਸੌਂਪਣ ਅਤੇ ਮਿਲਣ ਲਈ ਆਏ,ਇਸ ਤੋਂ ਬਾਅਦ ਅਧਿਕਾਰੀਆਂ ਨੇ ਸਟੇਜ ਉੱਪਰ ਮਾਈਕ ਰਾਹੀਂ ਕੇਦਰ ਸਰਕਾਰ ਦਾ ਕਿਸਾਨਾਂ ਨਾਲ ਗੱਲਬਾਤ ਦਾ ਪ੍ਰਸਤਾਵ ਰੱਖਿਆ। ਪੰਡਾਲ ਵਿੱਚ ਹਾਜ਼ਰ ਕਿਸਾਨਾਂ ਨੇ ਜਗਜੀਤ ਸਿੰਘ ਡੱਲੇਵਾਲ ਜੀ ਨੂੰ ਨਿਮਰਤਾ ਸਹਿਤ ਬੇਨਤੀ ਕੀਤੀ ਕਿ ਅੱਜ ਤੱਕ ਅਸੀਂ ਤੁਹਾਡੀ ਹਰ ਗੱਲ ਮੰਨਦੇ ਆ ਰਹੇ ਹਾਂ ਅੱਜ ਸਾਡੀ ਤੁਹਾਡੇ ਅੱਗੇ ਨਿਮਰਤਾ ਸਹਿਤ ਬੇਨਤੀ ਹੈ ਕਿ ਤੁਸੀਂ ਡਾਕਟਰੀ ਸਹਾਇਤਾ ਲੈਣ ਲਈ ਹਾਮੀ ਭਰੋ ਤਾਂ ਕਿ ਤੁਸੀਂ ਕੇਂਦਰ ਸਰਕਾਰ ਨਾਲ ਪ੍ਰਸਤਾਵਿਤ ਗੱਲਬਾਤ ਵਿੱਚ ਹਿੱਸਾ ਲੈ ਸਕੋ, ਨਹੀਂ ਤਾਂ ਅਸੀਂ ਸਾਰੇ ਕਿਸਾਨ ਤੁਹਾਡੀ ਟਰਾਲੀ ਅੱਗੇ ਤੁਹਾਡੇ ਨਾਲ ਭੁੱਖ ਹੜਤਾਲ ਉੱਪਰ ਬੈਠਾਂਗੇ। ਉਪਰੰਤ ਲੰਮੇ ਵਿਚਾਰ ਵਟਾਂਦਰੇ ਤੋਂ ਬਾਅਦ ਜਗਜੀਤ ਸਿੰਘ ਡੱਲੇਵਾਲ ਜੀ ਨੇ ਕਿਹਾ ਕਿ ਪਹਿਲਾਂ ਉਨ੍ਹਾਂ 121 ਕਿਸਾਨਾਂ ਦੀ ਸਲਾਹ ਲਓ ਜੋ ਉਹਨਾਂ ਦੀ ਹਮਾਇਤ ਵਿੱਚ ਮਰਨ ਵਰਤ ਉੱਪਰ ਬੈਠੇ ਹਨ। ਹੋਰਨਾਂ ਕਿਸਾਨਾਂ ਦੀ ਤਰ੍ਹਾਂ ਹੀ 121 ਕਿਸਾਨਾਂ ਨੇ ਵੀ ਜਗਜੀਤ ਸਿੰਘ ਡੱਲੇਵਾਲ ਨੂੰ ਬੇਨਤੀ ਕੀਤੀ ਕਿ ਉਹ ਡਾਕਟਰੀ ਸਹਾਇਤਾ ਜਰੂਰ ਲੈਣ ਤਾਂ ਜੋ ਕੇਂਦਰ ਸਰਕਾਰ ਨਾਲ ਪ੍ਰਸਤਾਵਿਤ ਮੀਟਿੰਗ ਵਿੱਚ ਹਿ6ਸਾ ਲੈ ਕੇ ਕਿਸਾਨਾਂ ਦਾ ਪੱਖ ਜ਼ੋਰਦਾਰ ਢੰਗ ਨਾਲ ਪੇਸ਼ ਕੀਤਾ ਜਾ ਸਕੇ। ਇਸ ਤੋਂ ਬਾਅਦ ਜਗਜੀਤ ਸਿੰਘ ਡੱਲੇਵਾਲ ਜੀ ਨੇ ਕਿਹਾ ਕਿ ਉਹ ਕਿਸਾਨਾਂ ਦੇ ਕਹਿਣ 'ਤੇ ਡਾਕਟਰੀ ਸਹਾਇਤਾ ਲੈਣਗੇ ਪਰ ਜਦੋਂ ਤੱਕ ਉਨ੍ਹਾਂ ਦੀਆਂ ਮੰਗਾਂ ਨਹੀਂ ਮੰਨੀਆਂ ਜਾਂਦੀਆਂ ਉਦੋਂ ਤੱਕ ਖਾਣਾ ਨਹੀਂ ਖਾਣਗੇ ਅਤੇ ਉਹਨਾਂ ਦਾ ਮਰਨ ਵਰਤ ਜਾਰੀ ਰਹੇਗਾ।
ਧੰਨਵਾਦ ਸਹਿਤ
ਸੰਯੁਕਤ ਕਿਸਾਨ ਮੋਰਚਾ (ਗੈਰ-ਸਿਆਸੀ) ਅਤੇ ਕਿਸਾਨ ਮਜ਼ਦੂਰ ਮੋਰਚਾ।

18/01/2025

ਡਲੇਵਾਲ ਦਾ ਮਰਨ ਵਰਤ ਹੋਵੇਗਾ ਭਲਕੇ ਖਤਮ ! ਕੇਂਦਰ ਨੇ ਡੱਲੇਵਾਲ ਨਾਲ ਮੀਟਿੰਗ ਲਈ ਭੇਜੀ ਚਿੱਠੀ, ਕਿਸਾਨਾਂ ਨੇ ਕੀਤਾ ਮਤਾ ਪਾਸ

18/01/2025

ਕਰਨੈਲ ਸਿੰਘ ਪੀਰ ਮੁਹੰਮਦ ਡਟੇ ਦਲਜੀਤ ਦੋਸਾਂਝ ਦੇ ਪੱਖ ਵਿੱਚ,,,

ਚੰਡੀਗੜ੍ਹ: ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਦੇ ਸਾਬਕਾ ਪ੍ਰਧਾਨ ਅਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਜਰਨਲ ਸਕੱਤਰ ਤੇ ਬੁਲਾਰੇ ਸ੍ਰ ਕਰਨੈਲ ਸਿੰਘ ਪੀਰਮੁਹੰਮਦ ਦੀ *ਪੰਜਾਬ 1995* ਫਿਲਮ ਬਾਰੇ ਵਿਚਾਰ ਦੇਸ ਦੁਨੀਆ ਅੰਦਰ ਵੱਸਦੇ ਪੰਜਾਬੀਆ ਤੇ ਸਿੱਖ ਕੌਮ ਨੂੰ ਅਪੀਲ ਕਿ ਫਿਲਮ ਜਰੂਰ ਦੇਖੋ, ਉਹਨਾਂ ਕਿਹਾ ਕਿ ਭਾਰਤ ਵਿੱਚ ਇਹ ਫਿਲਮ ਜਰੂਰ ਵਿਖਾਈ ਜਾਵੇ ਕਿਉਂਕਿ ਇਹ ਫਿਲਮ ਮਨੁੱਖੀ ਅਧਿਕਾਰਾਂ ਦੇ ਪੱਖ ਵਿੱਚ ਹੈ।

ਸਿੱਖ ਧਰਮ ਵਿਰੋਧੀ ਧਿਰਾਂ ਵਾਲੀ ਕਤਾਰਬੰਦੀ ਖੜ੍ਹੀ ਕਰਕੇ ਉਹਨਾਂ ਨੂੰ ਰੱਦ ਨਹੀਂ ਕਰਦਾ ਸਗੋਂ ਦੂਜੇ ਧਰਮਾਂ ਨਾਲ ਸੰਵਾਦ ਰਚਾਉਂਦਾ ਹੈ : ਡਾ. ਹਰਦੇਵ ...
18/01/2025

ਸਿੱਖ ਧਰਮ ਵਿਰੋਧੀ ਧਿਰਾਂ ਵਾਲੀ ਕਤਾਰਬੰਦੀ ਖੜ੍ਹੀ ਕਰਕੇ ਉਹਨਾਂ ਨੂੰ ਰੱਦ ਨਹੀਂ ਕਰਦਾ ਸਗੋਂ ਦੂਜੇ ਧਰਮਾਂ ਨਾਲ ਸੰਵਾਦ ਰਚਾਉਂਦਾ ਹੈ : ਡਾ. ਹਰਦੇਵ ਸਿੰਘ
ਚੰਡੀਗੜ੍ਹ : ਸਿੱਖ ਧਰਮ ਦੁਨੀਆਂ ਦੀਆਂ ਪਹਿਲੀਆਂ ਪ੍ਰੰਪਰਾਵਾਂ ਤੋਂ ਇਸ ਕਰਕੇ ਵਿਲੱਖਣ ਹੈ ਕਿ ਉਹ ਦੂਜੇ ਧਾਰਮਿਕ ਮੱਤਾਂ ਨਾਲ ਵਿਰੋਧੀ ਧਿਰਾਂ ਵਾਲੀ ਕਤਾਰਬੰਦੀ ਖੜ੍ਹੀ ਕਰ ਕੇ ਉਹਨਾਂ ਨੂੰ ਰੱਦ ਨਹੀਂ ਕਰਦਾ ਸਗੋਂ ਦੂਜੇ ਧਰਮਾਂ ਨਾਲ ਸੰਵਾਦ ਰਚਾਉਂਦਾ ਹੈ।
ਇੰਸਟੀਚਿਊਟ ਆਫ ਸਿੱਖ ਸਟੱਡੀਜ਼, ਚੰਡੀਗਰ੍ਹ ਵੱਲੋਂ ‘ਗੁਰ ਦਰਸ਼ਨ: ਜਾਣ-ਪਛਾਣ’ ’ਤੇ ਡਾ. ਗੁਰਭਗਵੰਤ ਸਿੰਘ ਕਾਹਲੋਂ ਮੈਮੋਰੀਅਲ ਲੈਕਚਰ ਦੌਰਾਣ ਡਾ. ਹਰਦੇਵ ਸਿੰਘ, ਮੁਖੀ, ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਧਰਮ ਅਧਿਐਨ ਵਿਭਾਗ, ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਰਲਡ ਯੂਨੀਵਰਸਿਟੀ, ਫਤਿਹਗੜ੍ਹ ਸਾਹਿਬ ਨੇ ਕਿਹਾ ਕਿ ਗੁਰ ਦਰਸ਼ਨ : ਜਾਣ-ਪਛਾਣ ਗੁਰਮਤਿ ਦਰਸ਼ਨ ਨਾਲੋਂ ਵਿਲੱਖਣ ਇਸ ਕਰਕੇ ਹੈ ਕਿ ਆਪਣੇ ਆਪ ਨੂੰ ਇਹ ਸਿੱਖ ਫਲਸਫੇ ਦੇ ਅਧਿਐਨ ਤੱਕ ਮਹਿਦੂਦ ਨਹੀਂ ਰੱਖਦਾ। ਇਹ ਸਿੱਖ ਸਿਧਾਂਤਾ/ਫਲਸਫੇ ਦੇ ਰੋਜ਼ਮਰਾ ਦੀ ਜ਼ਿੰਦਗੀ ਦੇ ਅਮਲੀ ਰੂਪ ਨਾਲ ਸਬੰਧਤ ਹੈ।
ਗਰੀਕ ਫਲਸਫਾ ਧਾਰਮਿਕ ਚੇਤੰਨਤਾ/ਅਹਿਸਾਸ ਨੂੰ ਧਾਰਮਿਕ ਸੰਕਲਪ ਰੂਪ ਵਿੱਚ ਬੰਨ੍ਹਦਾ ਹੈ, ਜਦੋਂ ਕਿ ਗੁਰ ਦਰਸ਼ਨ ਅੱਗੇ ਜਾ ਕੇ ਦੂਜੇ ਧਰਮਾਂ ਦੇ ਸੰਕਲਪਾਂ ਨਾਲ ਟਕਰਾ ਕੇ ਵਿਰੋਧੀ ਧਿਰ ਵਾਲੀ ਪੁਜੀਸ਼ਨ ਅਖਤਿਆਰ ਨਹੀਂ ਕਰਦਾ। ਇਸ ਕਰਕੇ, ਸਿੱਖ ਧਰਮ ਆਪਣੇ ਆਪ ਨੂੰ ਸਭ ਤੋਂ ਸ਼੍ਰੇਸਟ ਪੇਸ਼ ਕਰ ਕੇ ਦੂਜਿਆਂ ਨੂੰ ਸਿੱਖ ਧਰਮ ਵਿੱਚ ਸ਼ਾਮਿਲ ਹੋਣ ਲਈ ਪ੍ਰੇਰਦਾ ਨਹੀਂ ਹੈ।
ਗੁਰ ਦਰਸ਼ਨ ਨੁਕਤਾ-ਨਿਗਾਹ ਤੋਂ ਡਾ. ਹਰਦੇਵ ਸਿੰਘ ਨੇ ਕਿਹਾ, ਦੂਜਾ ਸੰਸਾਰ ਯੁੱਧ ਕਈ ਧਰਮਾਂ ਦੀ ਆਪਸੀ ਜੰਗ ਨਹੀਂ ਸਗੋਂ ਵਪਾਰਕ ਹਿੱਤਾਂ ਅਤੇ ਸਾਧਨਾਂ ਉੱਤੇ ਕਬਜ਼ੇ ਕਰਨ ਦਾ ਵੱਖਰੇ-ਵੱਖਰੇ ਦੇਸ਼ਾਂ-ਦੇ ਜੱਟਾਂ ਦਾ ਖੂਨੀ ਯੁੱਧ ਸੀ। ਇਸੇ ਤਰ੍ਹਾਂ 1947 ਵਿੱਚ ਪੰਜਾਬ ਦੀ ਖੂਨੀ ਵੰਡ ਕੋਈ ਧਰਮਾਂ ਦੀ ਆਪਸੀ ਵੱਢ-ਟੁੱਕੀ ਨਹੀਂ ਸੀ ਬਲਕਿ ਧਰਤੀ/ਸਾਧਨਾਂ ’ਤੇ ਕਬਜ਼ਾ ਕਰਨ ਦੀ ਲਲਕ ਤੋਂ ਉਪਜੀ ਸਿਆਸੀ ਹਿੱਤਾਂ ਦੀ ਜੰਗ ਸੀ, ਜਿਸ ਵਿੱਚ ਧਰਮਾਂ ਦੀ ਖੁੱਲ੍ਹ ਕੇ ਹਥਿਆਰ ਤੌਰ ’ਤੇ ਦੁਰ-ਵਰਤੋਂ ਹੋਈ ਸੀ।
ਡਾ. ਹਰਦੇਵ ਸਿੰਘ ਨੇ ਕਿਹਾ, ਮਾਡਰਨ ਰਾਜ ਪ੍ਰਬੰਧ, ਜਿਸਨੂੰ ਅਮਲ ਵਿੱਚ ਵਪਾਰਕ ਅਦਾਰੇ/ਕਾਰਪੋਰੇਸ਼ਨਾਂ ਚਲਾਉਦੀਆਂ ਹਨ, ਧਰਮ ਨੂੰ ਆਮ ਜ਼ਿੰਦਗੀ ਤੋਂ ਤੋੜ ਕੇ ਜਾਤੀ ਹੱਦਾਂ ਵਿੱਚ ਬੰਦ ਕਰਦੇ ਹਨ। ਧਰਮ ਤੋਂ ਉਪਜੀ ਨੈਤਿਕਤਾ/ਸਦਾਚਾਰ ਤੋਂ ਵਿਰਵੇ/ਵੰਚਿਤ ਲੋਕਾਂ ਨੂੰ ਫਿਰ ਵਪਾਰਕ ਆਦਾਰਿਆਂ ਦਾ ਬਜ਼ਾਰ ਜੜ-ਵਸਤੂ ਬਣੇ ਵਿਅਕਤੀਆਂ ਨੂੰ ਆਪਣੀ ਲਿਸ਼ਕ-ਪੁਸ਼ਕ ਵੱਲ ਖਿੱਚਦਾ ਅਤੇ ਇਉਂ ਉਹਨਾਂ ਨੂੰ ਅੰਨ੍ਹੀ ਖਪਤ ਦਾ ਇਕ ਪੁਰਜਾ ਬਣਾ ਦਿੰਦਾ ਹੈ।
ਧਰਮ ਦੇ ਰੂਹਾਨੀਅਤ ਅਤੇ ਨੈਤਿਕਤਾ ਦੋ ਪਹਿਲੂ ਹੁੰਦੇ ਹਨ, ਜਿਨ੍ਹਾਂ ਨਾਲ ਸਮਾਜ ਸਾਰਥਿਕ ਰੂਪ ਵਿੱਚ ਖੜ੍ਹਾ ਹੁੰਦਾ ਹੈ। ਵਪਾਰਕ ਦੁਨੀਆਂ ਵਿਅਕਤੀਆਂ ਨੂੰ ਬਜ਼ਾਰੂ ਪ੍ਰਵਿਰਤੀਆਂ ਦਾ ਸ਼ਿਕਾਰ ਬਣਾਉਂਦੀ ਹੈ ਅਤੇ ਉਹ ਸਬਰ-ਸੰਤੋਖ ਅਤੇ ਦਯਾ ਵਰਗੇ ਧਾਰਮਿਕ ਗੁਣਾਂ ਤੋਂ ਵਾਂਝੇ ਹੋ ਜਾਂਦੇ ਹਨ, ਧਰਮ ਨੂੰ ਖੂੰਜੇ ਲਾ ਦਿੱਤਾ ਜਾਂਦਾ ਹੈ।
ਇਸ ਕਰਕੇ, ਡਾ. ਹਰਦੇਵ ਸਿੰਘ ਨੇ ਕਿਹਾ ਕਿ ਗੁਰ ਦਰਸ਼ਨ, ਵਿਸ਼ਵਾਸ ਅਤੇ ਨੈਤਿਕਤਾ ਨੂੰ ਅਮਲੀ ਰੂਪ ਦੇਕੇ ਸਿੱਖ ਧਰਮ ਨੂੰ ਮੌਜੂਦਾ ਦੁਨੀਆਂ ਪੱਧਰ ਦੀ ਪ੍ਰਸੰਗਤਾ ਬਣਾਉਂਦਾ ਹੈ।
ਸਮਾਗਮ ਦੀ ਪ੍ਰਧਾਨਗੀ ਡਾ. ਜਸਪਾਲ ਕੌਰ ਕਾਂਗ, ਸਾਬਕਾ ਮੁਖੀ, ਗੁਰੂ ਨਾਨਕ ਸਿੱਖ ਅਧਿਐਨ ਵਿਭਾਗ, ਪੰਜਾਬ ਯੂਨੀਵਰਸਿਟੀ, ਚੰਡੀਗੜ੍ਹ ਨੇ ਕੀਤੀ ਅਤੇ ਮੰਚ ਦਾ ਸੰਚਾਲਨ ਮੀਤ ਪ੍ਰਧਾਨ ਗੁਰਬੀਰ ਸਿੰਘ ਨੇ ਕੀਤਾ।
ਇਸ ਮੌਕੇ ਇੰਸਟੀਚਿਊਟ ਆਫ ਸਿੱਖ ਸਟੱਡੀਜ਼ ਦੇ ਪ੍ਰਧਾਨ ਜਨਰਲ ਆਰ. ਐਸ ਸੁਜਲਾਨਾ, ਜਸਪਾਲ ਸਿੰਘ ਸਿੱਧੂ, ਗੁਰਪ੍ਰੀਤ ਸਿੰਘ, ਡਾ. ਖੁਸਹਾਲ ਸਿੰਘ, ਜਸਵੰਤ ਸਿੰਘ ਅਤੇ ਹੋਰ ਬੁੱਧੀਜੀਵੀ ਸ਼ਾਮਿਲ ਹੋਏ।

17/01/2025

411 ਲੈਕਚਰਾਰਾਂ ਦੀ ਨੌਕਰੀ ਦਾ ਫਿਰ ਫਸਿਆ ਪੇਚ, ਹੁਣ ਘੇਰ ਲਿਆ DPI ਦਫ਼ਤਰ

ਜਰਮਨੀ ਦੀਆ ਲੋਕ ਸਭਾ ਚੋਣਾਂ ਵਿੱਚ ਪੂਰਨ ਗੁਰਸਿੱਖ ਗੁਰਦੀਪ ਸਿੰਘ ਰੰਧਾਵਾ ਵੱਲੋ ਪਾਰਲੀਮੈਂਟ ਮੈਬਰ ਦੀ ਚੋਣ ਲੜਨਾ ਸਿੱਖ ਕੌਮ ਅਤੇ ਪੰਜਾਬੀਆ ਲਈ ਮਾਣ...
16/01/2025

ਜਰਮਨੀ ਦੀਆ ਲੋਕ ਸਭਾ ਚੋਣਾਂ ਵਿੱਚ ਪੂਰਨ ਗੁਰਸਿੱਖ ਗੁਰਦੀਪ ਸਿੰਘ ਰੰਧਾਵਾ ਵੱਲੋ ਪਾਰਲੀਮੈਂਟ ਮੈਬਰ ਦੀ ਚੋਣ ਲੜਨਾ ਸਿੱਖ ਕੌਮ ਅਤੇ ਪੰਜਾਬੀਆ ਲਈ ਮਾਣ ਵਾਲੀ ਗੱਲ : ਪੀਰਮੁਹੰਮਦ

ਚੰਡੀਗੜ੍ਹ 16 ਜਨਵਰੀ -- ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਦੇ ਸਰਪ੍ਰਸਤ ਅਤੇ ਸ੍ਰੌਮਣੀ ਅਕਾਲੀ ਦਲ ਦੇ ਜਨਰਲ ਸਕੱਤਰ ਅਤੇ ਬੁਲਾਰੇ ਸ੍ਰ ਕਰਨੈਲ ਸਿੰਘ ਪੀਰਮੁਹੰਮਦ ਅਤੇ ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਦੇ ਪ੍ਰਧਾਨ ਐਡਵੋਕੇਟ ਪਰਮਿੰਦਰ ਸਿੰਘ ਢੀਂਗਰਾ ਨੇ ਕਿਹਾ ਹੈ ਕਿ ਸਿੱਖਾਂ ਅਤੇ ਪੰਜਾਬੀਆ ਦੇ ਲਈ ਬੜੇ ਮਾਣ ਦੀ ਗੱਲ ਹੈ ਕਿ ਜਰਮਨ ਦੀ ਸਿਆਸਤ ਵਿੱਚ ਇੱਕ ਦਸਤਾਰਧਾਰੀ ਨੂੰ ਮੈਂਬਰ ਆਫ਼ ਪਾਰਲੀਮੈਂਟ ਦੀ ਚੋਣ ਲੜਨ ਦਾ ਮੌਕਾ ਮਿਲਿਆ ਹੈ। ਸ੍ਰ. ਗੁਰਦੀਪ ਸਿੰਘ ਰੰਧਾਵਾ ਜੋ ਕਿ 1960 ਵਿੱਚ ਜਨਮੇ ਤੇ ਆਪਣੀ ਮੁਢਲੀ ਪੜਾਈ ਤੋਂ ਲੈ ਕੇ 8 ਵੀਂ ਤੱਕ ਸਰਕਾਰੀ ਸਕੂਲ ਤੋਂ ਪ੍ਰਾਪਤ ਕਰਕੇ ਸਕੈਡਰੀ ਤੇ ਸੀਨੀਅਰ ਸਕੈਡਰੀ ਦੀ ਪੜਾਈ ਆਰਮੀ ਸਕੂਲ ਜਬਲਪੁਰ ਤੋਂ ਪ੍ਰਾਪਤ ਕੀਤੀ ਬਾਅਦ ਵਿੱਚ ਬੀ,ਐਸ,ਸੀ ਦੀ ਡਿਗਰੀ ਵੀ ਜਬਲਪੁਰ ਯੁਨੀਵਰਸੀਟੀ ਤੋਂ ਪ੍ਰਾਪਤ ਕਰਕੇ। ਪੰਜਾਬ ਵਾਪਿਸ ਆ ਗਏ ਤੇ ਪੰਜਾਬ ਆਉਂਦਿਆ ਭਾਈ ਅਮਰੀਕ ਸਿੰਘ ਨੂੰ ਮਿਲੇ ਤੇ 1978 ਵਿੱਚ ਸਿੱਖ ਸਟੂਡੈਂਟ ਫੈਡਰੇਸ਼ਨ ਦਾ ਹਿੱਸਾ ਬਣੇ। ਫੈਡਰੇਸ਼ਨ ਦਾ ਹਿੱਸਾ ਬਣਨ ਤੋਂ ਬਾਅਦ ਫੈਂਡਰੇਸ਼ਨ ਵੱਲੋਂ ਕਰਵਾਏ ਜਾਂਦੇ ਰੋਸ ਮੁਜਾਹਰਿਆਂ ਦਾ ਵਿੱਚ ਹਿੱਸਾ ਲੈਂਦਿਆ। 1983 ਵਿੱਚ ਜਦੋਂ ਏਸ਼ੀਅਨ ਗੇਮਾਂ ਵਿੱਚ ਸਿੱਖਾਂ ਨੂੰ ਹਿੱਸਾ ਨਾ ਲੈ ਦੇਣ ਦੀ ਇਜਾਜਤ ਦੇ ਰੋਸ ਵਜੋਂ ਧਰਨਾ ਪ੍ਰਦਰਸਨ ਕਰਦਿਆਂ ਪੀਪਲੀ (ਹਰਿਆਣਾ) ਪੁਲਿਸ ਨੇ ਗ੍ਰਿਫਤਾਰ ਕਰ ਲਿਆ ਤੇ ਕਈ ਦਿਨ ਜੇਲ੍ਹ ਡੱਕ ਕੇ ਸਰੀਰਕ ਤੇ ਮਾਨਸਿਕ ਤਸ਼ੱਦਦ ਕੀਤਾ ਗਿਆ ਤੇ ਅਖਬਾਰਾਂ ਵਿੱਚ ਖਬਰਾਂ ਛਪਵਾ ਦਿੱਤੀਆਂ ਕਿ ਸੰਤ ਭਿੰਡਰਾਂਵਾਲਿਆਂ ਦੇ ਸਮਰੱਥਕ ਖਤਰਨਾਕ ਹਥਿਆਰਾਂ ਨਾਲ ਗ੍ਰਿਫਤਾਰ ਕੀਤੇ ਗਏ ਹਨ। ਇਸ ਤੋਂ ਬਾਅਦ ਤੀਸਰਾ ਘੱਲੁਘਾਰਾਂ ਵਾਪਰਨ ਤੋਂ ਬਾਅਦ ਆਪਰੇਸ਼ਨ ਵੁੱਡ ਰੋਜ, ਬਲੈਕ ਥੰਡਰ, ਤੇ ਨਵੰਬਰ ਚੁਰਾਸੀ ਵਾਲੀ ਨਸਲਕੁੱਸੀ ਦਾ ਸੰਤਾਪ ਆਪਣੇ ਪਿੰਡੇ ਤੇ ਹੰਢਾ ਕੇ ਗੁਰਦੀਪ ਸਿੰਘ ਰੰਧਾਵਾ ਜਰਮਨੀ ਦੀ ਸਰਜ਼ਮੀਨ 'ਤੇ ਆ ਗਏ। ਇੱਥੇ ਆਉਣ ਤੋਂ ਬਾਅਦ ਵੀ ਸਿੱਖਾਂ ਦੇ ਜੋ ਜਖਮ ਮੌਕੇ ਦੀ ਜਾਲਮ ਸਰਕਾਰ ਨੇ ਜੋ ਸਿੱਖਾਂ ਨੂੰ ਦਿੱਤੇ ਸਨ। ਉਹਨਾਂ ਦੀ ਪੀੜ ਨੂੰ ਮਹਿਸੂਸ ਕਰਦਿਆਂ ਰੰਧਾਵਾ ਨੇ ਸਿੱਖਾਂ ਦੇ ਹੱਕਾਂ ਦੀ ਗੱਲ ਜਰਮਨੀ ਵਿੱਚ ਵੀ ਸ਼ੁਰੂ ਕਰ ਦਿੱਤੀ ਬੇਸ਼ੱਕ ਸ. ਰੰਧਾਵਾ ਜਰਮਨੀ ਵਿੱਚ ਸਨ ਪਰ ਫਿਰ ਵੀ ਉਹਨਾਂ ਦਾ ਦਿਲ ਪੰਜਾਬ ਲਈ ਜਿਆਦਾ ਧੜਕਦਾ ਸੀ। ਜਦੋਂ ਮੈਨੂੰ ਆਲ ਇੰਡੀਆਂ ਸਿੱਖ ਸਟੂਡੈਂਟ ਫੈਡਰੇਸ਼ਨ ਦਾ ਪ੍ਰਧਾਨ ਬਣਨ ਦਾ ਮੌਕਾ ਮਿਲਿਆ ਤਾਂ ਉਸ ਵੇਲੇ ਵੀ ਗੁਰਦੀਪ ਸਿੰਘ ਰੰਧਾਵਾ ਨੇ ਸਾਡਾ ਬਹੁਤ ਸਹਿਯੋਗ ਕੀਤਾ।ਜਰਮਨ ਵਿੱਚ ਸਾਲ 2003 ਤੋਂ ਜਰਮਨ ਦੀ ਰੀੜ ਦੀ ਹੱਡੀ ਕਹੀ ਜਾਣ ਵਾਲੀ ਪਾਰਟੀ CDU (Christian Democratic Union of Germany) ਵਿੱਚ ਸੇਵਾਵਾਂ ਦੇਣੀਆਂ ਸ਼ੁਰੂ ਕਰ ਦਿੱਤਾ। ਛੋਟੀਆਂ ਛੋਟੀਆਂ ਕਾਨਫਰੰਸਾਂ ਵਿੱਚ ਹਿੱਸਾ ਲੈਣ ਤੋਂ ਬਾਅਦ ਸਰਦਾਰ ਰੰਧਾਵਾ ਨੂੰ 2019 ਵਿੱਚ ਪਾਰਟੀ ਦੇ Thüringen ਸਟੇਟ ਦੇ ਚੋਟੀ ਦੇ ਲੋਕਾਂ ਵਿੱਚ ਜਾ ਕਹਿ ਲਈਏ ਮੁੱਖ ਪਾਰਟੀ Delegates ਵਿੱਚ ਸ਼ਾਮਿਲ ਕਰ ਲਿਆ ਤੇ ਰੰਧਾਵਾ 2019 ਵਿੱਚ Council member Amt Wachsenburg ਵਿੱਚ ਜਿੱਤ ਪ੍ਰਾਪਤ ਕੀਤੀ। ਪਹਿਲੇ ਸਿੱਖ ਤੇ ਪੰਜਾਬੀ ਨੂੰ ਜਰਮਨ ਦੀ ਸਿਆਸਤ ਵਿੱਚ ਜਿੱਤ ਪ੍ਰਾਪਤ ਕਰਨ ਵਾਲੇ ਇਨਸਾਨ ਦਾ ਟਾਈਟਲ ਆਪਣੇ ਨਾਮ ਕੀਤਾ। 2022 ਵਿੱਚ ਇਸੇ ਪਾਰਟੀ ਨੇ ਇਹਨਾਂ ਨੂੰ ਐਮ ਐਲ ਏ ਦੀ ਇਲੈਕਸ਼ਨ ਲਈ ਲੜਨ ਲਈ ਚੋਣ ਮੈਦਾਨ ਵਿੱਚ ਉਤਾਰਿਆ। ਉਸ ਵੇਲੇ 88 ਮੈਂਬਰਾਂ ਵਿੱਚੋਂ ਇਹਨਾਂ ਦਾ 47 ਨੰਬਰ ਸੀ। ਜੋ ਕਿ ਸਿੱਖਾਂ ਤੇ ਪੰਜਾਬੀਆਂ ਲਈ ਮਾਣ ਵਾਲੀ ਗੱਲ ਰਹੀ। ਆਉਣ ਵਾਲੇ ਸਮੇਂ ਵਿੱਚ ਕੋਈ ਸਿੱਖ ਜਰਮਨੀ ਦਾ ਚਾਂਸਲਰ ਹੀ ਕਿਉਂ ਨਾ ਬਣ ਜਾਏ ਪਰ ਜੋ ਔਕੜਾਂ ਰੰਧਾਵਾ ਸਾਬ ਨੇ ਝੱਲ ਕੇ ਆਉਣ ਵਾਲੀਆਂ ਪੀੜੀਆਂ ਲਈ ਇਹ ਰਸਤਾ ਖੋਲਿਆ ਹੈ। ਉਸਦੇ ਲਈ ਜਰਮਨ ਵਿੱਚ ਰਹਿੰਦਾ ਹਰੇਕ ਸਿੱਖ ਤੇ ਪੰਜਾਬੀ ਇਹਨਾਂ ਦਾ ਕਰਜ਼ਦਾਰ ਰਹੇਗਾ। ਇਸੇ ਲੜੀ ਵਿੱਚ ਵਾਧਾ ਕਰਦਿਆਂ ਸਰਦਾਰ ਰੰਧਾਵਾ ਹੁਣ ਜਰਮਨੀ ਦੀ ਪਾਰਲੀਮੈਂਟ ਇਲੈਕਸ਼ਨ ਦਾ ਵੀ ਹਿੱਸਾ ਬਣ ਗਏ ਹਨ। ਤੇ 23 ਫਰਵਰੀ। 2005 ਨੂੰ ਹੋਣ ਜਾ ਰਹੀ ਪਾਰਲੀਮੈਂਟ ਚੋਣਾ ਵਿੱਚ ਇਹਨਾਂ ਨੂੰ 15 ਨੰਬਰ ਮਿਲਿਆ ਸੀ। ਤੇ ਬਾਅਦ ਵਿੱਚ ਬੋਰਡ ਨੇ ਫੈਸਲਾ ਕਰਕੇ ਇਹਨਾਂ ਨੂੰ ਬਾਬੇ ਨਾਨਕ ਜੀ ਦਾ 13-13 ਤੋਲਣ ਵਾਲਾ ਨੰਬਰ 13 ਦੇ ਦਿੱਤਾ ਹੈ। ਜੋ ਕਿ ਸਾਡੇ ਲਈ ਮਾਣ ਵਾਲੀ ਗੱਲ ਹੈ। ਇਹ ਸਿਰਫ਼ ਜਰਮਨੀ ਦੇ ਸਿੱਖਾਂ ਲਈ ਹੀ ਨਹੀਂ ਬਲਕਿ ਪੂਰੀ ਦੁਨੀਆਂ ਵਿੱਚ ਵਸਦੇ ਸਿੱਖਾਂ ਲਈ ਮਾਣ ਵਾਲੀ ਗੱਲ ਹੈ ਕਿ ਯੂਰਪ ਦੇ ਸਭ ਤੋਂ ਸ਼ਕਤੀਸ਼ਾਲੀ ਤੇ ਪੂਰੀ ਦੁਨੀਆਂ ਦੀ 3,4 ਇਕਨਾਮੀ ਕਹਾਉਣ ਵਾਲੇ ਇੱਕ ਮੁਲਕ ਵਿੱਚ ਇੱਕ ਸਿੱਖ ਏਨਾ ਵੱਡਾ ਮੁਕਾਮ ਹਾਸਿਲ ਕਰ ਲਿਆ ਹੈ। ਮੇਰੇ ਤੇ ਸਾਡੀ ਪਾਰਟੀ ਸ੍ਰੋਮਣੀ ਅਕਾਲੀ ਦਲ ਬਾਦਲ ਵੱਲੋਂ ਸ. ਗੁਰਦੀਪ ਸਿੰਘ ਰੰਧਾਵਾ ਜੀ ਨੂੰ ਬਹੁਤ ਬਹੁਤ ਵਧਾਈਆਂ। ਸ੍ਰੋਮਣੀ ਅਕਾਲੀ ਦਲ ਜੋ ਕਿ ਸਿੱਖਾਂ ਦੀ ਆਪਣੀ ਖੇਤਰੀ ਪਾਰਟੀ ਹੈ। ਜੋ ਕਿ ਹਰ ਸਮੇਂ ਸਿੱਖਾਂ ਦੀ ਤਰੱਕੀ ਲੋਚਦੀ ਹੈ। ਸਿੱਖਾਂ ਤੇ ਪੰਜਾਬ ਦੇ ਭਲੇ ਲਈ ਹਰ ਹੀਲੇ ਤਤਪਰ ਹੈ। ਅਸੀਂ ਸ. ਰੰਧਾਵਾ ਜੀ ਦੀ ਵਿਦੇਸ਼ਾਂ ਵਿੱਚ ਸਿੱਖਾਂ ਦੀ ਦਸਤਾਰ ਦਾ ਮਾਣ ਵਧਾਉਣ ਲਈ ਸ਼ਲਾਘਾ ਕਰਦੇ ਹਾਂ। ਤੇ ਵਾਹਿਗੁਰੂ ਅੱਗੇ ਅਰਦਾਸ ਕਰਦੇ ਹਾਂ ਕਿ ਰੰਧਾਵਾ ਨੂੰ ਆਉਣ ਵਾਲੀ ਇਲੈਕਸ਼ਨ ਵਿੱਚ ਜਿੱਤ ਦਿਵਾਉਣ।

16/01/2025

ਕਿਸਾਨ ਮੋਰਚੇ 'ਤੇ ਬੈਠੇ ਕਿਸਾਨ ਦੀ ਵਿਗੜੀ ਸਿਹਤ ! 111 ਕਿਸਾਨ ਬੈਠੇ ਹਨ ਜਗਜੀਤ ਸਿੰਘ ਡੱਲੇਵਾਲ ਬਣਕੇ

16/01/2025

ਬਿਕਰਮ ਸਿੰਘ ਮਜੀਠੀਆ ਨੇ ਖੋਲ੍ਹਕੇ ਰੱਖ ਦਿੱਤੀ ਪੋਲ !

16/01/2025

ਖਨੌਰੀ ਮੋਰਚੇ ਤੋਂ live ,,,
111 ਕਿਸਾਨ ਚੱਲੇ ਜਗਜੀਤ ਸਿੰਘ ਡੱਲੇਵਾਲ ਦੇ ਰਾਹ, ਹੁਣ ਹਿੱਲਣਗੀਆਂ ਸਰਕਾਰਾਂ !

Address


140307

Telephone

+918847475640

Website

Alerts

Be the first to know and let us send you an email when Daily Rabta TV posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Daily Rabta TV:

Videos

ਸਿੰਘ ਸਾਹਿਬਾਨ ਦੀ ਮੀਟਿੰਗ ਕਿਉਂ ਕੀਤੀ ਮੁਲਤਵੀ ? ਗਿਆਨੀ ਹਰਪ੍ਰੀਤ ਸਿੰਘ ਦੀ ਬਾਦਲ ਦੇ ਚਮਚਿਆਂ ਨੂੰ ਸਿੱਧੀ ਚਿਤਾਵਨੀ

ਲੁਟੇਰੇ ਪੁਲਸੀਆਂ ਨੂੰ ਹੁਣ ਪਵੇਗੀ ਹੱਥਾਂ ਪੈਰਾਂ ਦੀ! ਹਾਈਕੋਰਟ ਨੇ ਮੰਗ ਲਿਆ ਸਾਰਾ ਰਿਕਾਰਡ

ਲੁਧਿਆਣਾ ਵਿੱਚ ਮਾਂ - ਧੀਅ ਨੂੰ ਤਾਲਿਬਾਨੀ ਸਜ਼ਾ ਦੇਣ ਵਾਲਿਆਂ ਖ਼ਿਲਾਫ਼ ਹੋਵੇਗੀ ਕਾਰਵਾਈ !

ਗੁਰਮੁੱਖ ਫਿਲਮ ਦਾ ਟਰੇਲਰ

ਦਾਦੂਵਾਲ ਅਤੇ ਹਾਰੇ ਬੰਦੇ ਹਨ ਏਜੰਸੀਆਂ ਦੇ ਬੰਦੇ, ਸੁਖਬੀਰ ਬਾਦਲ ਅਕਾਲੀ ਦਲ ਦੇ ਨੰਬਰ ਵਨ ਮੈਂਬਰ ਬਣੇ

ਕਿਸਾਨਾਂ ਨਾਲ ਹੋ ਗਿਆ ਵੱਡਾ ਧੋਖਾ ! ਮੀਟਿੰਗ ਪਹਿਲਾਂ ਕਿਉਂ ਨਹੀਂ ? ਡੱਲੇਵਾਲ ਦੇ ਹਮਾਇਤੀ ਡਾ. ਸਵੈਮਾਨ ਸਿੰਘ ਨੇ ਖੜੇ ਕੀਤੇ ਸਵਾਲ

ਡਲੇਵਾਲ ਦਾ ਮਰਨ ਵਰਤ ਹੋਵੇਗਾ ਭਲਕੇ ਖਤਮ ! ਕੇਂਦਰ ਨੇ ਡੱਲੇਵਾਲ ਨਾਲ ਮੀਟਿੰਗ ਲਈ ਭੇਜੀ ਚਿੱਠੀ, ਕਿਸਾਨਾਂ ਨੇ ਕੀਤਾ ਮਤਾ ਪਾਸ

ਕਰਨੈਲ ਸਿੰਘ ਪੀਰ ਮੁਹੰਮਦ ਡਟੇ ਦਲਜੀਤ ਦੋਸਾਂਝ ਦੇ ਪੱਖ ਵਿੱਚ,,, ਚੰਡੀਗੜ੍ਹ: ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਦੇ ਸਾਬਕਾ ਪ੍ਰਧਾਨ ਅਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਜਰਨਲ ਸਕੱਤਰ ਤੇ ਬੁਲਾਰੇ ਸ੍ਰ ਕਰਨੈਲ ਸਿੰਘ ਪੀਰਮੁਹੰਮਦ ਦੀ *ਪੰਜਾਬ 1995* ਫਿਲਮ ਬਾਰੇ ਵਿਚਾਰ ਦੇਸ ਦੁਨੀਆ ਅੰਦਰ ਵੱਸਦੇ ਪੰਜਾਬੀਆ ਤੇ ਸਿੱਖ ਕੌਮ ਨੂੰ ਅਪੀਲ ਕਿ ਫਿਲਮ ਜਰੂਰ ਦੇਖੋ, ਉਹਨਾਂ ਕਿਹਾ ਕਿ ਭਾਰਤ ਵਿੱਚ ਇਹ ਫਿਲਮ ਜਰੂਰ ਵਿਖਾਈ ਜਾਵੇ ਕਿਉਂਕਿ ਇਹ ਫਿਲਮ ਮਨੁੱਖੀ ਅਧਿਕਾਰਾਂ ਦੇ ਪੱਖ ਵਿੱਚ ਹੈ।

411 ਲੈਕਚਰਾਰਾਂ ਦੀ ਨੌਕਰੀ ਦਾ ਫਿਰ ਫਸਿਆ ਪੇਚ, ਹੁਣ ਘੇਰ ਲਿਆ DPI ਦਫ਼ਤਰ

ਕਿਸਾਨ ਮੋਰਚੇ 'ਤੇ ਬੈਠੇ ਕਿਸਾਨ ਦੀ ਵਿਗੜੀ ਸਿਹਤ ! 111 ਕਿਸਾਨ ਬੈਠੇ ਹਨ ਜਗਜੀਤ ਸਿੰਘ ਡੱਲੇਵਾਲ ਬਣਕੇ

ਬਿਕਰਮ ਸਿੰਘ ਮਜੀਠੀਆ ਨੇ ਖੋਲ੍ਹਕੇ ਰੱਖ ਦਿੱਤੀ ਪੋਲ !

ਖਨੌਰੀ ਮੋਰਚੇ ਤੋਂ live ,,, 111 ਕਿਸਾਨ ਚੱਲੇ ਜਗਜੀਤ ਸਿੰਘ ਡੱਲੇਵਾਲ ਦੇ ਰਾਹ, ਹੁਣ ਹਿੱਲਣਗੀਆਂ ਸਰਕਾਰਾਂ !

Shortcuts

  • Address
  • Telephone
  • Alerts
  • Contact The Business
  • Videos
  • Claim ownership or report listing

  • Want your business to be the top-listed Media Company?

Share