ਅਸਥਾਨ ਬਾਬਾ ਮਰਦਾਨਾਂ ਜੀ/ਰਬਾਬੀ ਘਰਾਣਾ

20/08/2025

🙏🙏 #ਲੋਪੋਵਾਲੇ

16/08/2025

ਸਮਾਂ ਔਰ ਸਮਝ ਦੋਨੋ ਇਕੱਠੇ,
ਖੁਦਕ਼ਿਸਮਤ ਲੋਕਾਂ ਨੂੰ ਪ੍ਰਾਪਤ ਹੁੰਦੇ ਹਨ ....!
ਅਕਸਰ ਜਦ ਸਮਾਂ ਹੁੰਦੈ ,ਓਦੋਂ ਸਮਝ ਨਹੀਂ ਹੁੰਦੀ ..
ਔਰ ਜਦ ਸਮਝ ਉਤਰਦੀ ਹੈ , ਤਦ ਸਮਾਂ ਗੁਜ਼ਰ ਜਾਂਦੈ.............!

ਪਿਆਰ ਬਣਿਆ ਰਹੇ ..........🙏

ਆਸਥਾਨ ਬਾਬਾ ਮਰਦਾਨਾਂ ਜੀ (ਰਬਾਬੀ ਘਰਾਣਾ )....../

11/08/2025

06/08/2025

ਮਤਿ ਵਿਚਿ ਰਤਨ
ਜਵਾਹਰ ਮਾਣਿਕ,
ਜੇ ਇਕ ਗੁਰ ਕੀ
ਸਿਖ ਸੁਣੀ ॥

ਤੁਹਾਡੇ ਅੰਦਰ ਵਸਦੇ ਅੱਲ੍ਹਾ ਨੂੰ ਬਹੁਤ ਸਾਰਾ ਪਿਆਰ ..🌹

ਅਸਥਾਨ ਬਾਬਾ ਮਰਦਾਨਾਂ ਜੀ (ਰਬਾਬੀ ਘਰਾਣਾ )....../

06/08/2025

💐ਜਿਹੜਾ ਸਮਾਂ ਲੰਘ ਗਿਆ ,ਸੋ ਲੰਘ ਗਿਆ,
ਹਲੇ ਕੁਝ ਵੀ ਨਹੀਂ ਵਿਗੜਿਆ .....
ਪਰ ਜਿਹੜਾ ਸਮਾਂ ਬਾਕੀ ਹੈ ,
ਇਹ ਤਾਂ ਉਹਦੇ ਲੇਖੇ ਲਾ ਦੇ ...💐

ਪਿਆਰੇ ਦੀ ਉੱਚੀ ਸ਼ਾਨ ਦੇ ਗੁਣ ਗਾ....🙏

ਪਿਆਰ ਬਣਿਆ ਰਹੇ ....../

ਅਸਥਾਨ ਬਾਬਾ ਮਰਦਾਨਾਂ ਜੀ (ਰਬਾਬੀ ਘਰਾਣਾ )......💫

04/08/2025

🌼🌹ਦੋ ਫਕੀਰ ਇੱਕ ਰਸਤੇ ਤੋਂ ਗੁਜ਼ਰਦੇ ਰਹੇ ਸਨ।
ਅਚਾਨਕ ਇੱਕ ਫ਼ਕੀਰ ਨੇ ਕਿਹਾ, ਕਿ ਸੁਣਿਆ ਅਯਾਨ ਦਾ ਸਮਾਂ ਹੋ ਗਿਆ?

ਮਸਜਿਦ ਚੋਂ ਅਯਾਨ ਦੀ ਆਵਾਜ਼ ਆਈ। ਸ਼ਾਮ ਦਾ ਸਮਾਂ ਸੀ। ਉਸ ਦੂਜੇ ਫਕੀਰ ਨੇ ਕਿਹਾ, ਹੈਰਾਨ ਕਰਦੇ ਹੋ ਤੁਸੀਂ।

ਇਸ ਬਾਜ਼ਾਰ ਦੇ ਕੋਲਾਹਲ ਵਿੱਚ, ਜਿੱਥੇ ਹਜ਼ਾਰਾਂ ਲੋਕ ਭਾਅ ਕਰ ਰਹੇ ਹਨ। ਚੀਜ਼ਾਂ ਵੇਚ ਰਹੇ ਹਨ, ਖਰੀਦ ਰਹੇ ਹਨ। ਜਿੱਥੇ ਕੁਝ ਸਮਝ ਨਹੀਂ ਆ ਰਿਹਾ। ਤੁਹਾਨੂੰ ਅਯਾਨ ਮਸਜਿਦ ਦੀ ਕਿਵੇਂ ਸੁਣਾਈ ਦਿੱਤੀ?

ਦੂਜੇ ਫਕੀਰ ਨੇ ਕਿਹਾ, ਜਿਸ ਤਰਫ਼ ਧਿਆਨ ਲੱਗਾ ਹੋਵੇ। ਉਹ ਕਿਤੇ ਵੀ ਸੁਣਾਈ ਪੈ ਜਾਵੇਗਾ। ਉਸਨੇ ਕਿਹਾ ਦੇਖ , ਮੈਂ ਤੈਨੂੰ ਇਸ ਦਾ ਪ੍ਰਤਖ ਪ੍ਰਮਾਣ ਦਿੰਦਾ ਹਾਂ।

ਖੀਸੇ ਵਿੱਚੋਂ ਇੱਕ ਰੁਪਿਆ ਕੱਢਿਆ। ਜ਼ੋਰ ਨਾਲ ਰਸਤੇ ਤੇ ਸੁੱਟਿਆ ਛਨ ਦੀ ਆਵਾਜ਼ ਹੋਈ। ਉਹ ਸਭ ਜੋ, ਬੜਾ ਸ਼ੋਰਗੁੱਲ ਚੱਲ ਰਿਹਾ ਸੀ। ਦੁਕਾਨਦਾਰ , ਗਾਹਕ, ਰੌਲਾ ਪਾਉਣ ਵਾਲੇ ਸਭ ਇੱਕ ਦਮ ਦੌੜ ਪਏ, "ਰੁਪਿਆ।

ਉਨ੍ਹਾਂ ਸਭ ਦਾ ਧਿਆਨ ਸ਼ੋਰ ਵਿੱਚ ਕਿਤੇ ਵੀ ਲੱਗਿਆ ਹੋਵੇ। ਲੇਕਿਨ ਰੁਪਏ ਵਿੱਚ ਹੀ ਲੱਗਿਆ ਹੈ। ਉਸੇ ਦੇ ਲਈ ਤਾਂ ਸਾਰੀ ਆਵਾਜ਼ ਚੱਲ ਰਹੀ।

ਉਨ੍ਹਾਂ ਨੂੰ ਅਯਾਨ ਸੁਣਾਈ ਨਾ ਪਈ, ਜੋ ਕਿ ਰੁਪਏ ਦੀ ਆਵਾਜ਼ ਤੋਂ ਬਹੁਤ ਤੇਜ਼ ਸੀ। ਰੁਪਏ ਦੀ ਆਵਾਜ਼ ਤੱਤਸਣ ਸੁਣਾਈ ਪਈ। ਉੱਥੇ ਧਿਆਨ ਲੱਗਾ ਹੈ। ਅੰਦਰ ਤੋਂ ਨਿਰੰਤਰ ਲਗਾਤਾਰ ਰੁਪਏ ਦੇ ਲਈ। ਇੱਕ ਧੁਨ ਚੱਲ ਰਹੀ ਹੈ। ਉਸ ਦਾ ਜਾਪ ਚੱਲ ਰਿਹਾ ਹੈ। ਇਹੀ ਤੁਹਾਡਾ ਮਹਾਮੰਤਰ ਹੈ।

ਤੁਸੀਂ ਉਹੀ ਦੇਖ ਪਾਉਂਦੇ ਹੋ , ਜਿਸ ਤਰਫ਼ ਤੁਹਾਡੀ ਵਾਸਨਾ ਦੌੜ ਰਹੀ ਹੈ । ਤੁਸੀਂ ਉਹੀ ਸੁਣ ਪਾਉਂਦੇ ਹੋ, ਜਿਸ ਤਰਫ਼ ਤੁਹਾਡੇ ਕੰਨ ਲੱਗੇ ਹਨ ਤੁਸੀਂ ਉਹੀ ਪੱਕੜ ਪਾਉਂਦੇ ਹੋ, ਜੋ ਤੁਸੀਂ ਚਾਹੁੰਦੇ ਹੋ ।

ਓਸ਼ੋ ।

29/07/2025

ਮਰਦਾਨਾਂ ਹੋਣਾ ਪੈਦਾ ਪੁਸਤਕ ਵਿਚੋਂ

ਤੁਸੀ ਸਾਡੇ ਮਹਿਬੂਬ ਸਾਥੀ ਦੇ ..
ਸਾਡੇ ਰਬਾਬੀ ਦੇ ..
ਸਾਡੇ ਪਿਆਰੇ ਮਿੱਤਰ ਦੀ ਅੰਸ ਵੰਸ ਹੋ.
ਜੋ ਕੁਝ ਵੀ ਚਾਹੀਦੈ ਨਿਸੰਗ ਹੋ ਕੇ ਮੰਗੋ ....!
ਬੋਲੋ ,ਤੁਸਾਂ ਨੂੰ ਕੀ ਚਾਹੀਦੈ ..?

ਭਾਈ ਸਜ਼ਾਦਾ-- ......ਕਹਿਣ ਲੱਗਾ ...ਬਾਬਾ ...ਸਾਨੂ ਖ਼ਾਕ ਸਾਰਾ ਨੂੰ ਇਤਨੀ ਸੋਝੀ ਨਾਹੀ, ਕੁਛ ਪਤਾ ਨਾਹੀ ...ਕਿ
ਰਹਿਬਰਾਂ ਤੋਂ ਕੀ ਮੰਗੀਂਦੈ ,ਔਰ ਕਿਵੇਂ ਮੰਗੀਂਦੈ ...|

ਗੁਰੂ ਜੀ ਫੁਰਮਾਉਂਦੇ ---ਪੁੱਤਰ ਸ਼ਾਜਾਦ ਅਸੀਂ ਆਪਣੇ ਯਾਰ,ਭਾਈ ਮਰਦਾਨਾ ਨੂੰ ਖਾਲੀ ਨਹੀਂ ਭੇਜਿਆ,ਤੁਸੀਂ ਉਸ ਰੱਬੀ ਰੂਹ ਦੀ ਵੰਸ ਦੇ ਵਾਰਸ ਹੋ,ਅਸੀਂ ਭਾਈ ਮਰਦਾਨਾਂ ਜੀ ਦੀ ਕਮਾਈ ਤੋਂ ਤੁੱਠੇ ਹੈ,ਜੋ ਵੀ ਚਾਹੀਦੈ ਮੰਗ ਲਵੋ .......|

ਕਰਮ ਦਾ ਬਲੀ ,ਸਜਾਦਾ(ਰਬਾਬੀ ਭਾਈ ਮਰਦਾਨਾਂ ਜੀ ਦਾ ਵੱਡਾ ਬੇਟਾ) ਕਹਿੰਦਾ .....ਹੁਸਨ-ਏ-ਸੁਲਤਾਨ ,ਗਰੀਬ ਨਿਵਾਜ਼ , ਅਗਰ ਆਪ ਇਤਨੇ ਮੇਹਰਬਾਨ ਹੋ....
ਤੇ ਕਰਮ ਕਰੋ ....ਜੋ ਆਪਜੀ ਨੇ ਮੇਰੇ ਅੱਬੂ ਨੂੰ ਦਿੱਤਾ ,ਓਹੀ ਰਹਿਮਤ ਸਾਡੇ ਪੱਲੇ ਵਿਚ ਪਾ ਦਿਓ ....

ਪਾਤਸ਼ਾਹ..,ਬੜੇ ਖੁਸ ਹੋਏ ,ਤੇ ਭਾਈ ਮਰਦਾਨਾਂ ਜੀ ਦੀ ਇਲਾਹੀ ਰਬਾਬ ,ਭਾਈ ਸ਼ਜ਼ਾਦੇ ਨੂੰ ਸੌਂਪ ਦਿੱਤੀ ..../

ਗਲਤੀਆਂ ਲਈ ਮੁਆਫੀ .....
ਪਿਆਰ ਬਣਿਆ ਰਹੇ ....
ਅਸਥਾਨ ਬਾਬਾ ਮਰਦਾਨਾਂ ਜੀ ਰਬਾਬੀ ਘਰਾਣਾ ...../🙏

27/07/2025

🤝ਤਕਦੀਰ ਤੇ ਫਕੀਰ ਦਾ ਕੋਈ ਪਤਾ ਨਹੀ .....
ਕਦੋਂ ਕੀ ਦੇ ਜਾਣ .......////


ਨਾਨਕ ਪਿਆਰੇ ਨਾਲ ਪ੍ਰੇਮ ਬਣਿਆ ਰਹੇ 💕

ਅਸਥਾਨ ਬਾਬਾ ਮਰਦਾਨਾਂ ਜੀ (ਰਬਾਬੀ ਘਰਾਣਾ)❤️🙏

26/07/2025

ਮਰਦਾਨਾ ਹੋਣਾ ਪੈਂਦਾ ❤️
ਭਾਈ ਮਰਦਾਨਾ ਜੀ ਅਤੇ ਗੁਰੂ ਨਾਨਕ ਸਾਹਿਬ ਜੀ ਦੀਆਂ 'ਸਾਖੀਆਂ' ਪ੍ਰਮਾਰਥ ਦਾ ਖਜ਼ਾਨਾ ਹਨ। ਗੁਰੂ ਦਾ ਹੁਕਮ ਮੰਨਣ ਲਈ ਬਾਬਾ ਮਰਦਾਨਾਂ ਜੀ ਹਮੇਸ਼ਾ ਤਿਆਰ ਰਹਿੰਦੇ ਸਨ।ਜੋ ਗੁਰੂ ਨਾਨਕ ਨੇ ਆਖ ਦਿੱਤਾ ਓਹੀ ਸੱਚ ਬਾਕੀ ਸਾਰਾ ਕੁਝ ਝੂਠ ! ਜੋ ਗੁਰੂ ਨਾਨਕ ਕਹਿੰਦੇ ਮਰਦਾਨਾ ਜੀ ਓਹੀ ਕਰਦੇ 🙏❤️

ਪਿਆਰ ਬਣਿਆ ਰਹੇ 🙏

ਅਸਥਾਨ ਬਾਬਾ ਮਰਦਨਾ ਜੀ (ਰਬਾਬੀ ਘਰਾਣਾ)

26/07/2025

'' ਵੱਡਿਆਂ ਭਾਗਾਂ ਨਿਸ਼ਾਨੀ ਕੀ ਹੈ ''

ਚੰਗਾ ਰਿਜ਼ਕ ਮਿਲ ਗਿਆ ਹੈ ?
ਧਨ ਮਿਲ ਗਿਆ ਹੈ ?
ਪੁੱਤਰ ਮਿਲ ਗਿਆ ਹੈ ?
ਚੰਗਾ ਕਾਰੋਬਾਰ ਮਿਲ ਗਿਆ ਹੈ ?
ਪਤੀ ਮਿਲ ਗਿਆ ਹੈ ?
ਪਤਨੀ ਮਿਲ ਗਈ ਹੈ ?
ਮਹਿਲ ਮਾੜੀਆਂ ਮਿਲ ਗਈਆਂ ਨੇ ?
ਇਹ ਕੋਈ ਵੱਡਿਆਂ ਭਾਗਾਂ ਦੀ ਨਿਸ਼ਾਨੀ ਨਹੀਂ ਹੈ ,,

ਵੱਡਿਆਂ ਭਾਗਾਂ ਦੀ ਨਿਸ਼ਾਨੀ ਕੀ ਹੈ ਫਿਰ ,, ?

ਬਡਭਾਗੀ ਤਿਹ ਜਨ ਕਉ ਜਾਨਹੁ ਜੋ ਹਰਿ ਕੇ ਗੁਨ ਗਾਵੈ ॥
ਜਨਮ ਜਨਮ ਕੇ ਪਾਪ ਖੋਇ ਕੈ ਫੁਨਿ ਬੈਕੁੰਠਿ ਸਿਧਾਵੈ ॥੧॥

:-- ਉਸ ਇਨਸਾਨ ਨੂੰ ਵੱਡੇ ਭਾਗਾਂ ਵਾਲਾ ਸਮਝ ਜੋ ਪ੍ਰਮਾਤਮਾਂ ਦੇ ਗੁਣ ਗਾਇਨ ਕਰਦਾ ਹੈ ,,

Maskeen ji....

01/09/2024

ਕਹਿੰਦੇ ਨੇ ਕਿ ਭਾਈ ਮਰਦਾਨਾ ਜੀ ਸੱਚੇ ਪਾਤਸ਼ਾਹ ਨਾਲ ਕਿਸੇ ਜੰਗਲ ਵਿੱਚ ਸਨ ਤਾਂ ਭੋਜਨ ਦੀ ਤਿਆਰੀ ਲਈ ਅੱਗ ਦੀ ਲੋੜ ਪਈ। ਸਤਿਗੁਰਾਂ ਨੇ ਦੂਰ ਬਲ ਰਹੀ ਅੱਗ ਵੱਲ ਉਂਗਲ ਨਾਲ਼ ਇਸ਼ਾਰਾ ਕਰਕੇ ਭਾਈ ਸਾਹਿਬ ਨੂੰ ਓਥੋਂ ਅੱਗ ਲੈ ਆਉਣ ਲਈ ਘੱਲਿਆ। ਭਾਈ ਮਰਦਾਨਾ ਜੀ ਓਥੇ ਗਏ ਤਾਂ ਅੱਗੇ ਫਰਿਸ਼ਤਿਆਂ ਤੇ ਜਮਾਂ ਦੀ ਬਹਿਸ ਚੱਲ ਰਹੀ ਸੀ। ਅਸਲ ਵਿੱਚ ਉਹ ਕਿਸੇ ਦੀ ਚਿਖ਼ਾ ਸੀ। ਬਹਿਸ ਇਸ ਗੱਲ 'ਤੇ ਸੀ ਕਿ ਇਸ ਨੂੰ ਅਸੀਂ ਲਿਜਾਣਾ ਹੈ। ਦੋਹੇਂ ਧਿਰਾਂ ਉਸ ਮਰ ਚੁੱਕੇ ਦੀ ਆਤਮਾਂ ਨੂੰ ਆਪਣੇ ਨਾਲ਼ ਲਿਜਾਣ ਲਈ ਬਜਿਦ ਸਨ। ਜਮ ਕਹਿ ਰਹੇ ਸਨ ਕਿ ਇਸ ਪਾਪੀ ਨੇ ਸਾਰੀ ਜਿੰਦਗੀ ਇੱਕ ਵੀ ਭਲਾ ਕੰਮ ਨਹੀਂ ਕੀਤਾ, ਸੋ ਇਸ ਨੂੰ ਅਸਾਂ ਨਰਕਾਂ ਵਿੱਚ ਲਿਜਾਣਾ ਹੈ। ਫਰਿਸ਼ਤੇ ਬੋਲੇ ਕਿ ਅਸੀਂ ਸਹਿਮਤ ਹਾਂ ਕਿ ਇਹ ਪਾਪੀ ਹੈ.... ਪਰ ਦੀਨ ਦੁਨੀ ਦੇ ਵਾਲੀ ਗੁਰੂ ਨਾਨਕ ਜੀ ਦੀ ਉਂਗਲ ਇਸ ਵੱਲ ਹੋ ਗਈ ਹੈ ਤੇ ਇਸ ਦੇ ਸਭ ਪਾਪ ਜਾਂਦੇ ਰਹੇ ਤੇ ‘ਮੁਖ ਉਜਲਾ’ ਹੋ ਗਿਆ ਹੈ, ਸੋ ਇਹ ਹੁਣ ਸਾਡੇ ਨਾਲ਼ ਜਾਏਗਾ।
�
ਕਿਤਾਬ “ਪੰਛੀਆਂ ਦੀ ਮਜਲਿਸ” ਵਿਚੋਂ