𝐒𝐏𝐀𝐍𝐃𝐇𝐀𝐍𝐀𝐌 𝐎𝐍𝐋𝐈𝐍𝐄 𝐍𝐄𝐖𝐒 𝐂𝐇𝐀𝐍𝐍𝐄𝐋

20/11/2023

മണ്ണാർക്കാട് ഉപജില്ല കലോത്സവത്തിന്റെ തിരിതെളിഞ്ഞു

62മത് കേരള സ്കൂൾ കലോത്സവത്തോടനുബന്ധിച്ചുള്ള മണ്ണാർക്കാട് ഉപജില്ലാ കലോത്സവത്തിന്റെ ഉദ്ഘാടനം നെല്ലിപ്പുഴ ഡി എച്ച് എസ്സ് സ്ക്കൂളിൽ മണ്ണാർക്കാട് നഗരസഭ ചെയർമാൻ സി മുഹമ്മദ് ബഷീറിന്റെ അധ്യക്ഷതയിൽ മണ്ണാർക്കാട് എംഎൽഎ അഡ്വക്കേറ്റ് എൻ ഷംസുദ്ദീൻ നിർവ്വഹിച്ചു. 3 ദിവസങ്ങളിൽ15 വേദികളിലായി 117 സ്കൂളുകളിൽ നിന്ന് 4600 പ്രതിഭകൾ മാറ്റുരയ്ക്കുന്ന കലോത്സവത്തിന് രാവിലെ 9 30ന് ഉപജില്ല വിദ്യാഭ്യാസ ഓഫിസർ സി അബൂബക്കർ പതാക ഉയർത്തി തുടക്കം കുറിച്ചു.ഉദ്ഘാടന സമ്മേളനത്തിൽ ജില്ലാ പഞ്ചായത്ത് അംഗം ഗഫൂർ കോൽക്കളത്തിൽ,ഹംസ കുറുവണ്ണ ,നഗരസഭ കൗൺസിലർമാരായ മുഹമ്മദ് ഇബ്രാഹിം,മുജീബ് മുണ്ടേക്കരാട്,സിന്ധു, റെജീന,ജില്ലാ വിദ്യാഭ്യാസ ഓഫീസർ ജയരാജൻ നാമത്ത്,ഉപജില്ലാ വിദ്യാഭ്യാസ ഓഫീസർ സി അബൂബക്കർ, ജനറൽ കൺവീനർ കെ മുഹമ്മദ് കാസിം,മാനേജർ അബ്ദുസമദ് ഹാജി,പാഴേരി ഷെരീഫ് ഹാജി,അബ്ബാസ് ഹാജി,ടി എ സലാം മാസ്റ്റർ, എ ആർ രവിശങ്കർ,കെ മുഹമ്മദലി,നൗഷാദ് വെള്ളപ്പാടം,എ മുഹമ്മദലി,അധ്യാപക സംഘടനാ പ്രതിനിധികൾ തുടങ്ങിയവർ സംസാരിച്ചു.ഉദ്ഘാടന സമ്മേളനത്തിൽ നെല്ലിപ്പുഴ ഡി എച്ച് എസ്സ് സ്കൂളിലെ അധ്യാപകർ അവതരിപ്പിച്ച സ്വാഗത ഗാനാലാപനം ഉദ്ഘാടന സമ്മേളനം പ്രൗഢഗംഭീരമാക്കി.

18/11/2023

*എടത്തനാട്ടുകര: യൂത്ത് കോൺഗ്രസ്സ് സംഘടനാ തെരഞ്ഞെടുപ്പിൽ മൽസരിച്ച് വിജയിച്ചവരെ വട്ടമണ്ണപ്പുറം കോൺഗ്രസ്സ് കമ്മറ്റി ആദരിച്ചു.*

https://chat.whatsapp.com/I7yu5IvogyDDtleUn5IbX6
⊶⊷⊶⊷❍❍⊶⊷⊶⊷
𝐬𝐩𝐚𝐧𝐝𝐡𝐚𝐧𝐚𝐦 𝐨𝐧𝐥𝐢𝐧𝐞 𝐧𝐞𝐰𝐬 𝐜𝐡𝐚𝐧𝐧𝐞𝐥
*പാലക്കാട്,മണ്ണാർക്കാട്,പെരിന്തൽമണ്ണ പ്രദേശങ്ങളിലെ വാർത്തകൾ ആരും അറിയാതെ പോകരുത്*
18-11-2023
⊶⊷⊶⊷❍❍⊶⊷⊶⊷

യൂത്ത് കോൺഗ്രസ്സ് സംഘടനാ തിരഞ്ഞെടുപ്പിലൂടെ പുതിയതായി തെരഞ്ഞെടുക്കപ്പെട്ട സംസ്ഥാന ജനറൽ സെക്രട്ടറിയായ അരുൺകുമാർ പാലകുർശി,പാലക്കാട്ജില്ലാസെക്രട്ടറിയായ ഗിസാൻ മുഹമ്മദ്,മണ്ണാർക്കാട് നിയോജകമണ്ഡലം പ്രസിഡൻ്റായ നസീർ ബാബു പി.കെ,യൂത്ത് കോൺഗ്രസ്സ് മണ്ഡലം പ്രസിഡൻ്റ്മാരായി തെരഞ്ഞെടുത്ത മുഹമ്മദ് സിബിത്ത് എന്ന മിഥുലാജ്, സാനിർബാബു.എം, എന്നിവർക്കാണ്ആദരവ് നൽകിയത്. വട്ടമണ്ണപ്പുറം പ്രവാസി കോപ്ലക്സിൽ വച്ച്നടന്നചടങ്ങ് പാലക്കാട് ജില്ലാ കോൺഗ്രസ്സ് ജനറൽ സെക്രട്ടറി പി.ആർ സുരേഷ് ഉൽഘാടനം ചെയ്തു,മണ്ഡലം കോൺഗ്രസ്സ് വൈസ് പ്രസിഡൻ്റ് എൻ.കെ.മുഹമ്മദ് ബഷീർ അദ്ധ്യക്ഷനായി,മണ്ഡലം സെക്രട്ടറി ബാലകൃഷ്ണൻ പെട്ടമണ്ണ സ്വഗതം പറഞ്ഞു,സേവാദൾ നിയോജക മണ്ഡലം പ്രസിഡൻ്റ് നാസർ കാപ്പു ങ്ങൽ,മുൻ മണ്ഡലം പ്രസിഡൻ്റ് ടി.കെ.ഷംസുദ്ധീൻ,റസാഖ് മംഗലത്ത്, ശ്രീനിവാസൻ.യു,സിമ്പ്ഗത്തുള്ള, എം,അഡ്വ:സത്യനാഥൻ,നൗഷാദ്.എം.പി,സനർ ബാബു,കെ. ടിജോ,സക്കീർ ടി.യു,അജേഷ്,ഹമീദ് പടുകുണ്ടിൽ,മുസ്തഫ പാറപ്പുറം,ഹുസൈൻ കല്ലറക്കൽ,ഷാഫിറക്കാടൻ,അയ്യൂബ് ഖാൻ.എം,ഉസ്മാൻകുളങ്ങര,മുസ്തഫവെള്ളേങ്ങര,അലി.വി,ഷബീർ.ടി,ജമാൽ.പി.ടി,മഹിളാ കോൺഗ്രസ്സ് പ്രവർത്തകരായ :ജുമൈല.കെ,ഷാഹിന.എം,ഹബീബാ.പി.ടി,ഹഫ്സത്ത്. എം,തുടങ്ങിയവർ നേതൃത്വം നൽകി
പെരിന്തൽമണ്ണ : കേസ് അന്വേഷണവും പ്രവർത്തനവും വിലയിരുത്തി മികച്ച പൊലീസ് സ്റ്റേഷനായി തെരഞ്ഞെടുക്കപ്പെട്ട പെരിന്തൽമണ്ണ പൊലീസിനെ പൗരാവലിയുടെ സാന്നിധ്യത്തിൽ ആദരിച്ചു. പൊലീസ് സേനയിലെ കേരള പൊലീസ് അസോസിയേഷനും കേരള പൊലീസ് ഓഫിസേഴ്സ് അസോസിയേഷനും ചേർന്നാണ് ഹെഡ്ക്വാർട്ടേഴ്സ് മുറ്റത്ത് ചടങ്ങ് ഒരുക്കിയത്. ജനാവലിയുടെ ഉപഹാരം നഗരസഭ ചെയർ മാൻ പി. ഷാജി കൈമാറി. ജില്ലാ പൊലീസ് മേധാവി സുജിത് ദാസ് മുഖ്യ പ്രഭാഷണം നടത്തി.

കേരള പൊലീസ് അസോസിയേഷൻ ജില്ല പ്രസിഡന്റ് സി.ആർ. ശരത് നാഥ് അധ്യക്ഷത വഹിച്ചു. നേരത്തേ പെരിന്തൽമണ്ണ ട്രാഫിക് ജങ്ഷനിൽ സ്റ്റുഡന്റ്സ് പൊലീസ് അംഗങ്ങൾ അടക്കം അണിനിരന്ന ഘോഷയാത്രയും നടത്തി. കെ.പി.ഒ.എയുടെ ഉപഹാരം ജില്ല സെക്രട്ടറി കെ.കെ. ബാലകൃഷ്ണനും കെ.പി.എയുടെ ഉപഹാരം ജില്ല സെക്രട്ടറി കെ. ഷി നീഷും കൈമാറി. ഉപഹാരങ്ങൾ പെരിന്തൽമണ്ണ എസ്.എച്ച്.ഒ എ. പ്രേംജിത്ത് ഏറ്റുവാങ്ങി. ഘോഷയാത്രക്ക് നഗരസഭ ചെയർമാൻ പി. ഷാജി അടക്കമുള്ളവർ നേതൃത്വം നൽകി. പൊലീസ് അസോസിയേഷൻ സംസ്ഥാന പ്രതിനിധികളായ പി.പി. മഹേഷ്,ജി. പി.അഭിജിത്ത്,ജില്ല ഗവ. പ്ലീഡർ അഡ്വ.ടോം കെ.തോമസ്,മുൻ എസ്.പി യു.അബ്ദുൽ കരീം,പുലാമന്തോൾ പഞ്ചായത്ത് പ്രസിഡന്റ് സൗമ്യ,ആലിപ്പറമ്പ് പഞ്ചായത്ത് പ്രസിഡന്റ് കെ.പി. അഫ്സൽ,എ.കെ.നാസർ,കെ.ബാബുരാജ്,ബാല സുബ്രഹ്മണ്യൻ, ആശുപത്രി മാനേജ്മെന്റ് അസോസിയേഷൻ പ്രതിനിധികളായ രാംദാസ്,കിംസ് അൽഷിഫ വൈസ് ചെയർമാൻ പി.ഉണ്ണീൻ,പെരിന്തൽമണ്ണ ജില്ല ആശുപത്രി സൂപ്രണ്ട് ഇൻ ചാർജ് ഡോ.സി.ബിന്ദു, ഐ.എം.എ പ്രതിനിധി ഡോ.കെ.ബി. ജലീൽ,വ്യാപാരി വ്യവസായി ഏകോപന സമിതി പ്രതിനിധി ഇഖ്ബാൽ,വ്യാപാരി സമിതി ജില്ല പ്രസിഡന്റ് കെ.സു ബ്രഹ്മണ്യൻ,കുറ്റീരി മാനുപ്പ,എം.റുബീന,സി.പി. മ നോജ്,തിരൂർ ഡിവൈ.എസ്.പി കെ.എം.ബിജു, കെ.ടി.സെയ്ത്, നിലമ്പൂർ ഡിവൈ.എസ്.പി സജു കെ. എബ്രഹാം,നിലമ്പൂർ,എസ്.എച്ച് ഒ സുനിൽ പുളിക്കൽ തുടങ്ങിയവർ പങ്കെടുത്തു. കെ.പി.ഒ.എ ജില്ല സെക്രട്ടറി കെ.കെ. ബാലകൃഷ്ണൻ സ്വാഗതവും അലവി കണ്ണൻകുഴി നന്ദിയും പറഞ്ഞു.

⊶⊷⊶⊷❍❍⊶⊷⊶⊷
*_🔖നിങ്ങളുടെ പ്രദേശത്തെ വാർത്തകൾ സ്പന്ദനം ഓൺലൈൻ ന്യൂസ്ചാനൽ വഴി ജനങ്ങളിലെത്തിക്കാൻ ബന്ധപ്പെടുക🔖_*👇🏻
🪀 _wa.me/918921733992_
_wa.me/919400421020_
*_👆കുറഞ്ഞ ചിലവിൽ നിങ്ങളുടെ സംരംഭങ്ങളുടെ പരസ്യങ്ങൾ ജനങ്ങളിലേക്കെത്തിക്കാൻ ബന്ധപ്പെടുക👆_*
⊶⊷⊶⊷❍❍⊶⊷⊶⊷
*©𝐬𝐩𝐚𝐧𝐝𝐡𝐚𝐧𝐚𝐦 𝐨𝐧𝐥𝐢𝐧𝐞 𝐧𝐞𝐰𝐬 𝐜𝐡𝐚𝐧𝐧𝐞𝐥
*18 NOVEMBER-2023
https://whatsapp.com/channel/0029VaAKiQLDTkK1R0TJSb0Z
⊶⊷⊶⊷❍❍⊶⊷⊶⊷

15/11/2023

സി.പി.എ.യു.പി സ്കൂളിലെ SKILL SPARK STUDIO യുടെ ഉദ്ഘാടനം വി.കെ.ശ്രീകണ്ഠൻ MP നിർവ്വഹിച്ചു.

തിരുവിഴാംകുന്ന്: സി.പി.എ.യു.പി സ്കൂളിലെ കുട്ടികൾക്ക് സാമൂഹ്യ ശാസ്ത്രപഠനം രസകരമാക്കാൻ SKILL SPARK STUDIO അനുഭവമായി.... ശിലായുഗ സംസ്കാരം മുതൽ ആധുനിക കാലഘട്ടം വരെയുള്ള ചരിത്രാംശങ്ങൾ കോർത്തെടുത്താണ് ഈ ചുമർ ചിത്രവിസ്മയം തീർത്തിരിക്കുന്നത് ചടങ്ങിൽ ബ്ലോക്ക്മെമ്പർ മണികണഠൻ വടശ്ശേരി അദ്ധ്യക്ഷത വഹിച്ചു. അലനല്ലൂർ പഞ്ചായത്ത് പ്രസിഡണ്ട് സജ്ന സത്താർ മുഖ്യപ്രഭാഷണം നടത്തി LSS USS വിദ്യാർത്ഥികളെ ആദരിച്ചു. ഹെഡ്മിസ്ട്രസ്സ് ടി .ശാലിനി സ്വാഗതം പറഞ്ഞു,അലനല്ലൂർ പഞ്ചായത്ത് ക്ഷേമകാര്യ സ്റ്റാന്റിംങ്ങ് കമ്മറ്റി ചെയർമാൻ എം.കെ.അബൂബക്കർ,മാനേജർ സി.പി ഷിഹാബുദ്ദീൻ, MPTA പ്രസിഡണ്ട് പ്രീതി.കെ,ആർട്ടിസ്റ്റ് പ്രേമൻ ഐനിക്കോട്ടിൽ- ചരിത്രാദ്ധ്യാപകൻ ശ്രീവത്സൽ,ടി. എസ്,സീനിയർ അദ്ധ്യാപിക,പ്രമീള.കെ, എന്നിവർ സംസാരിച്ചു.SRG കൺവീനർ ബിന്ദു.പി. വർഗ്ഗീസ് നന്ദിയും പറഞ്ഞു.

01/11/2023

*സോണൽ കലോത്സവ വിജയികളെ അനുമോദിച്ച്‌ പി.ടി.എ.*

എടത്തനാട്ടുകര: മണ്ണാർക്കാട്‌ ഉപജില്ല അലനല്ലൂർ സോണൽ കലോത്സവത്തിലെ വിജയികളെ വട്ടമണ്ണപ്പുറം എ.എം.എൽ.പി സ്കൂളിലെ പി.ടി.എ അനുമോദിച്ചു.

രണ്ട്‌ ദിവസങ്ങളിലായി‌ നടന്ന മത്സരങ്ങളിലാണ് വട്ടമണ്ണപ്പുറം എ.എം.എൽ.പി സ്കൂളിലെ വിദ്യാർത്ഥികൾ മികവ്‌ തെളിയിച്ചത്‌‌. ചിത്രരചന പെൻസിൽ വിഭാഗത്തിൽ കെ.പി ഇഷ നസീർ A ഗ്രേഡോടെ ഒന്നാം സ്ഥാനം കരസ്ഥമാക്കി, ചിത്രരചന ജലഛായത്തിൽ സി അൽനയും ഖുർആൻ പാരായണത്തിൽ ടി ഇസയും A ഗ്രേഡോടെ ഒന്നാം സ്ഥാനം കരസ്ഥമാക്കി, അറബി സംഘഗാനത്തിൽ A ഗ്രേഡോഡെ ഒന്നാം സ്ഥാനം കരസ്ഥമാക്കി സബ്‌ ജില്ലാ മത്സരത്തിന് യോഗ്യത നേടി. അറബി കയ്യെഴുത്തിൽ കെ നിയ ഫാത്തിമയും ഇംഗ്ലീഷ്‌ പദ്യം ചൊല്ലലിൽ സി.എച്ച്‌ അയാനയും A ഗ്രേഡ്‌ കരസ്ഥമാക്കി. അറബി ക്വിസിൽ പി അംന B ഗ്രേഡും, അറബി ഗാനത്തിൽ വി.ടി അൽമിഷ്‌‌ B ഗ്രേഡും, ദേശഭക്തിഗാനത്തിൽ B ഗ്രേഡും, അഭിനയഗാനം മലയാളത്തിൽ ജസ ആസിഫ്‌ C ഗ്രേഡും, അറബിക്‌ പദനിർമ്മാണത്തിൽ നിഹ സി C ഗ്രേഡും, മാപ്പിളപ്പാട്ടിൽ എം അലീം സിയാൻ A ഗ്രേഡും, മലയാളം സംഘഗാനത്തിൽ B ഗ്രേഡും, മലയാള പ്രസംഗത്തിൽ പി ഫാത്തിമത്ത്‌ റഹിയാന B ഗ്രേഡും, അഭിനയഗാനം അറബിയിൽ പി അംന A ഗ്രേഡും, അറബിക്‌ പദ്യം ചൊല്ലലിൽ ടി ഇസ നൗഷാദ്‌ A ഗ്രേഡും, മലയാളം പദ്യം ചൊല്ലലിൽ കെ അമൃത കൃഷ്ണ B ഗ്രേഡും, മലയാളം കഥാകഥനത്തിൽ സി ഋഷികേശ്‌ B ഗ്രേഡും, ലളിതഗാനത്തിൽ കെ ഫെബ ഷംസി B ഗ്രേഡും നേടിയെടുത്തു. വിജയികൾ മൊമെന്റോകളും സർട്ടിഫിക്കറ്റുകളും അലനല്ലൂർ ഗ്രാമപഞ്ചായത്ത്‌ പ്രസിഡന്റ്‌ പി.പി സജ്ന സത്താറിൽ നിന്നും ഏറ്റുവാങ്ങി. പി.ടി.എ പ്രസിഡന്റ്‌ എം.പി നൗഷാദ്‌, പ്രധാനാധ്യാപകൻ സി.ടി മുരളീധരൻ, സ്റ്റാഫ്‌ കൺവീനർ സി മുഹമ്മദാലി, പി.ടി.എ വൈസ്‌ പ്രസിഡന്റ്‌ പി മൂസ എന്നിവർ സംസാരിച്ചു.

പി.ടി.എ അംഗങ്ങളായ ഭാസ്കരൻ, സുബൈർ തൂമ്പത്ത്‌, അഡ്വ. എ സത്യനാഥൻ, കെ നുസ്‌റത്ത്‌, കെ ഷാനിബ, പി സീനത്ത്‌, ടി ഷറീന, എൻ സുനീറ, പി ശാരിക അധ്യാപകരായ കെ.എം ഷാഹിന സലീം , കെ.എ മിന്നത്ത്‌, ടി ഹബീബ, എം.പി മിനീഷ, എം ഷബാന ഷിബില, എ.പി ആസിം ബിൻ ഉസ്മാൻ, ഐ ബേബി സൽവ, കെ.പി ഫായിഖ്‌ റോഷൻ, എൻ ഷാഹിദ്‌ സഫർ, പി നബീൽ ഷാ എന്നിവർ സംബന്ധിച്ചു.

01/11/2023

*തിരുവിഴാംകുന്ന് സി.പി.എ.യു.പി സ്കൂളിലെ കേരളപ്പിറവിദിനം ശ്രദ്ധേയമായി*
⊶⊷⊶⊷❍❍⊶⊷⊶⊷
𝐬𝐩𝐚𝐧𝐝𝐡𝐚𝐧𝐚𝐦 𝐨𝐧𝐥𝐢𝐧𝐞 𝐧𝐞𝐰𝐬 𝐜𝐡𝐚𝐧𝐧𝐞𝐥
*പാലക്കാട്,മണ്ണാർക്കാട്,പെരിന്തൽമണ്ണ പ്രദേശങ്ങളിലെ വാർത്തകൾ ആരും അറിയാതെ പോകരുത്*
01-11-2023
⊶⊷⊶⊷❍❍⊶⊷⊶⊷
തിരുവിഴാംകുന്ന്:കേരളപ്പിറവി ദിനത്തിൽ സ്കൂളിലെ ഓരോ ക്ലാസുകളേയും ജില്ലകളാക്കിത്തിരിച്ച് ക്ലാസുകളിലെ മുഴുവൻ കുട്ടികളുടെയും പങ്കാളിത്തത്തോടെ ജില്ലകളെ കുറിച്ച് വിശകലനം നടത്തുകയും ജില്ലകളെകുറിച്ചുള്ള വിവരങ്ങളും ഭൂപടവും ചാർട്ടിൽ പ്രദർശിപ്പിച്ചു.

ചടങ്ങ് PTA പ്രസിഡണ്ട് സുഭാഷ് ചന്ദ്രൻ ഉദ്ഘാടനം ചെയ്തു. മാനേജർ,സി.പി. ഷിഹാബുദ്ദീൻ അദ്ധ്യക്ഷത വഹിച്ചു-ഹെഡ് മിസ്ട്രസ്സ് ടി.ശാലിനി സ്വാഗതം പറഞ്ഞു ശ്രീവത്സൽ ടി.എസ്, മുഖ്യ പ്രഭാഷണം നടത്തി അദ്ധ്യാപകരായജയചന്ദ്രൻ,റജീന, റൈഹാനത്ത്,എന്നിവർ സംസാരിച്ചു - കൺവീനർ വി.രജനി നന്ദിയും പറഞ്ഞു.
=======================
_വാർത്തകളും പരസ്യങ്ങളും നൽകുന്നതിന് ബന്ധപ്പെടുക..._👇🏻
🪀 _wa.me/918921733992_
=======================
*©Spandhanam online News* | 01 NOV
https://www.facebook.com/spandhanamonlinenewschannel?mibextid=ZbWKwL
https://whatsapp.com/channel/0029VaAKiQLDTkK1R0TJSb0Z
========================

01/11/2023

മുണ്ടക്കുന്ന് എ.എൽ.പി.സ്കൂളിൽ കേരളപ്പിറവി ദിനാഘോഷം വൈവിധ്യങ്ങളാൽ ശ്രദ്ധേയമായി.

എടത്തനാട്ടുകര: മുണ്ടക്കുന്ന് എ.എൽ.പി. സ്കൂളിലെ കേരളപ്പിറവി ദിനാഘോഷം പരിപാടികളുടെ വൈവിധ്യങ്ങളാൽ ഗംഭീരമായി. സ്പെഷ്യൽ അസംബ്ലിയിൽ ദിനാഘോഷത്തിന്റെ ഉദ്ഘാടനം സീനിയർ അസിസ്റ്റന്റ് ഒ. ബിന്ദു നിർവഹിച്ചു. സ്കൂൾ ലീഡർ ഷിയാസാദിഖ്‌ അസംബ്ലിക്ക് നേതൃത്വം നൽകി. കുട്ടികളുടെ പ്രഭാഷണങ്ങൾ, കവിതാലാപനങ്ങൾ, ജില്ലകൾ പരിചയപ്പെടുത്തൽ എന്നീ പരിപാടികൾ അസംബ്ലിയിൽ നടന്നു.

കേരളപ്പിറവി ദിനാഘോഷത്തിന്റെ ഭാഗമായി നടന്ന ക്വിസ്സ് മത്സര വിജയികൾക്കുള്ള സമ്മാനദാനം സ്റ്റാഫ് സെക്രട്ടറി പി. ഹംസ നിർവഹിച്ചു. വിവിധ ക്ലാസുകളിൽ പോസ്റ്റർ നിർമാണം, കേരള കവിതാലാപനം, കേരള ക്വിസ്സ്, പതിപ്പ് നിർമാണം എന്നിവയും നടന്നു. അലിഫ് അറബി ക്ലബ്ബിന്റെ കീഴിൽ കേരള ക്വിസ്, പോസ്റ്റർ രചന എന്നിവയും നടന്നു.

രക്ഷിതാക്കൾക്കും കുട്ടികൾക്കും "എന്റെ കേരളം" എന്ന വിഷയത്തിൽ കവിത രചന മത്സരവും ഓൺലൈൻ ടീം ക്വിസ്സും സംഘടിപ്പിച്ചു. ദിനാഘോഷത്തിന്റെ ഭാഗമായി നടന്ന പായസ വിതരണത്തിന് പി.ടി.എ. പ്രസിഡണ്ട് ഷമീർ തോണിക്കര, വൈസ് പ്രസിഡണ്ട് രത്നവല്ലി, അംഗങ്ങളായ റുക്സാന, നജ്മുന്നീസ, ജംഷീന എന്നിവർ നേതൃത്വം നൽകി.
അധ്യാപകരായ എ. സുജിത്, കെ. ബിന്ദു, എൻ. കെ. അബ്ദുൽ ഗഫൂർ എന്നിവർ സംസാരിച്ചു.

31/10/2023

സോണൽ കലോത്സവ ജേതാക്കളെ പി.ടി.എ. അനുമോദിച്ചു.

എടത്തനാട്ടുകര: അലനല്ലൂർ സോണൽ കലോത്സവ ജേതാക്കൾക്ക് സ്പെഷ്യൽ അസംബ്ലി ചേർന്ന് പി.ടി.എ. അനുമോദനം സംഘടിപ്പിച്ചു. അറബി സാഹിത്യോത്സവത്തിൽ പങ്കെടുത്ത മുഴുവൻ ഇനങ്ങൾക്കും എ ഗ്രേഡ് നേടിയാണ് അഗ്രിഗേറ്റ് ട്രോഫി നേടാൻ കഴിഞ്ഞത്.അസംബ്ലിയിൽ വെച്ച് ട്രോഫി പി.ടി.എ. പ്രസിഡണ്ട് ഷമീർ തോണിക്കരയിൽ നിന്ന് മത്സരത്തിൽ പങ്കെടുത്ത കുട്ടികളും അറബി അധ്യാപകനായ അബ്ദുൽ ഗഫൂറും ഏറ്റു വാങ്ങി.ശേഷം കുട്ടികളുടെ ആഹ്ലാദ പ്രകടനവും നടന്നു.കുട്ടികൾക്കുള്ള സമ്മാനദാനവും ചടങ്ങിൽ വെച്ച് നടന്നു.

ഹെഡ്മാസ്റ്റർ പി.യൂസഫ്,സീനിയർ അസിസ്റ്റന്റ് ഒ.ബിന്ദു,അധ്യാപകരായ കെ. ബിന്ദു,അബ്ദുൽ ഗഫൂർ,ഭാഗ്യലക്ഷ്മി എന്നിവർ സംസാരിച്ചു.

31/10/2023

സി.പി.എ.യു.പി സ്കൂളിൽ കരാട്ടെ സർട്ടിഫിക്കറ്റ് വിതരണം ചെയ്തു.

തിരുവിഴാംകുന്ന്: കി ഡോജോ ഇറ്റാലിയ ഇന്ത്യ ബ്രാഞ്ചിന്റെ പാലക്കാട് ജില്ലയിലെ വിദ്യാർത്ഥികളുടെ ഗ്രേഡിങ്ങ് എക്സാമും സർട്ടിഫിക്കറ്റ് വിതരണവും നടന്നു.
കി ഡോജോ ഇന്ത്യൻ ചീഫ് ശിഹാൻ കെ.ജി ശിവജി വിദ്യാർതികളുടെ ഗ്രേഡിങ്ങ് നിർവഹിച്ചു. സീനിയർ അദ്ധ്യാപകൻ ശീവത്സൽ, ടി.എസ് ,ന്റെ അദ്ധ്യക്ഷതയിൽ സ്കൂൾ മാനേജർ സി.പി.ഷിഹാബുദ്ദീൻ സർട്ടിഫിക്കറ്റ് വിതരണ ഉദ്ഘാടനം നിർവ്വഹിച്ചു.
പാലക്കാട് ജില്ലാ ചീഫ് സൈദലവി കോയ സ്വാഗതം പറഞ്ഞു. രജ്ഞിത്ത് ജോസ് ആശംസകൾ അർപ്പിച്ച് സംസാരിച്ചു
സെൻസി സച്ചിൻ ,
സെൻസി കുഞ്ഞുമുഹമ്മദ്,
സെൻസി റമീസ് നാലകത്ത് ,
സെൻസി നിസാമുദ്ധീൻ ,
സംബായ് ഷമീൻ , സംബായ് ആദിൽ , സംബായ് അബിനവ് റാം എന്നിവർ പരിശീലന ക്ലാസിന് നേതൃത്വം നൽകി.

02/10/2023

വയോജനങ്ങളെ ആദരിച്ച് വട്ടമണ്ണപ്പുറം എ.എം.എൽ.പി സ്കൂൾ‌

എടത്തനാട്ടുകര: വട്ടമണ്ണപ്പുറം എ.എം.എൽ.പി സ്കൂളിൽ ലോക വയോജനദിനാചരണം സംഘടിപ്പിച്ചു. ഏതൊരു വ്യക്തിക്കും അനിവാര്യമായ വാർദ്ധക്യകാലഘട്ടം സന്തോഷകരമാക്കുന്നതിന് വയോജനങ്ങൾക്ക്‌ പരിഗണനയും പരിചരണവും ലഭ്യമാക്കേണ്ടത്‌ സമൂഹത്തിന്റെ ബാധ്യതയാണ്. മുതിർന്ന പൗരന്മാരായ വയോജനങ്ങളുടെ അനുഭവ സമ്പത്ത്‌ പുതുതലമുറക്ക്‌ കൈമാറാനും തലമുറകൾ മാറുമ്പോൾ ജീവിത ശൈലിയുണ്ടാവുന്ന വ്യത്യാസം മനസ്സിലാക്കാനും ദിനാചരണം സഹായകമായി. പരിപാടി അലനല്ലൂർ ഗ്രാമപഞ്ചായത്ത്‌ വിദ്യാഭ്യാസ സ്റ്റാൻഡിംഗ്‌ കമ്മിറ്റി ചെയർപെഴ്സൺ എം ജിഷ എടത്തനാട്ടുകരയിലെ മുതിർന്ന അംഗവും 101 വയസ്സുള്ള പൂർവ്വ വിദ്യാർത്ഥിയുമായ അമ്പലപറമ്പൻ കുഞ്ഞാപ്പയെ പൊന്നാടയണിയിച്ച്‌ ഉദ്ഘാടനം ചെയ്തു. പി.ടി.എ വൈസ്‌ പ്രസിഡന്റ്‌ കെ ആസിഫ്‌ ഫസൽ അദ്ധ്യക്ഷത വഹിച്ചു. അലനല്ലൂർ അർബൻ ബാങ്ക്‌ വൈസ്‌ പ്രസിഡന്റ്‌ എം.പി സുഗതൻ മുഖ്യാതിഥിയായി. പി.ടി.എ വൈസ്‌ പ്രസിഡന്റ്‌ അയ്യൂബ്‌ മുണ്ടഞ്ചീരി പ്രധാനാധ്യാപകൻ സി.ടി മുരളീധരൻ, പൂർവ്വ വിദ്യാർത്ഥി എ.പി മുഹമ്മദ്‌ മാസ്റ്റർ, സ്റ്റാഫ്‌ കൺവീനർ സി മുഹമ്മദാലി പി.ടി.എ അംഗങ്ങളായ പി അഹമ്മദ്‌ സുബൈർ, അലി ചുങ്കൻ, സുബൈർ തൂമ്പത്ത്‌, എം മുസ്തഫ അധ്യാപകരായ കെ.എ മിന്നത്ത്‌, എ.പി ആസിം ബിൻ ഉസ്മാൻ കെ.പി ഫായിഖ്‌ റോഷൻ, പി നബീൽ ഷാ എന്നിവർ സംസാരിച്ചു.‌ വിദ്യാർത്ഥിളായ എ അബിൻഷാൻ, സി.പി അൽമിസ്‌, കെ അബിൻ ഇഷാൻ, കെ.വി റഷ ഫാത്തിമ, കെ റിസ ഫാത്തിമ, വി മിൻഹ ഫാത്തിമ, ഒ ദിൽഷ ഫാത്തിമ, പി.ടി ഇൻഷ എന്നിവർ സംബന്ധിച്ചു.

20/09/2023

17/09/2023

എടത്തനാട്ടുകര: യതീംഖാന യുവഭാവന വായനശാലയുടെ കീഴിൽ ഗ്രന്ഥശാല ദിനം ആചരിച്ചു.

അലനല്ലൂർ പഞ്ചായത്ത് സമിതി കൺവീനർ രാംകുമാർ മാസ്റ്റർ പതാക ഉയർത്തി. വായനശാല പ്രസിഡന്റ് എം.കെ. യാക്കൂബ് അധ്യക്ഷത വഹിച്ചു.

ലൈബ്രറികളെ സംസ്ഥാന ലിസ്റ്റിൽ നിന്നും കൺകറന്റ് ലിസ്റ്റിലേക്ക് മാറ്റുന്നതിനെതിരെ ക്ലബ് പ്രതിഷേധം രേഖപ്പെടുത്തി.

വായനശാല സെക്രട്ടറി കെ.ടി.സിദ്ദീഖ് മാസ്റ്റർ, മുൻ പ്രസിഡന്റ് ടി.കെ. സലാം,വായനശാല വയോജന വിഭാഗം കൺവീനർമാരായ കെ.ടി. അബ്ദുൽ കരീം മാസ്റ്റർ,പ്രൊഫസർ പി.പി. മുഹമ്മദ്,ക്ലബ്ബ് പ്രസിഡണ്ട് ടി.കെ.ജാഫർ, എക്സിക്യൂട്ടീവ് അംഗം പി.കെ. ഷൗക്കത്ത്
എന്നിവർ സംസാരിച്ചു.

13/09/2023

മാലിന്യ മുക്തകേരളം ബോധവൽക്കരണ ക്ലാസ്സ്‌ സംഘടിപ്പിച്ചു.

തിരുവഴാം കുന്ന് ഗവ:എൽ. പി. സ്കൂളിലെ കുട്ടികൾക്ക് മാലിന്യ മുക്തകേരളം ബോധവൽക്കരണക്ലാസ്സ്‌ നടത്തി. ശുചിത്വ മിഷൻ മണ്ണാർക്കാട് ബ്ലോക്ക്‌ റിസോഴ്സ് പേഴ്സൺ ശ്രീ. കുഞ്ഞീത് മാസ്റ്റർ ക്ലാസ്സ്‌ നയിച്ചു.ജൈവ മാലിന്യം, അജൈവ മാലിന്യം മറ്റുമാലിന്യങ്ങൾ എന്നിവ സംസ്കരി ക്കേണ്ടവിധം വിശദമായി ക്ലാസ്സിൽ വിവരിച്ചു.വലിച്ചെറിയൽസംസ്കാരം ഞങ്ങളും ഉപേക്ഷിച്ചെന്നു കുട്ടികൾ പ്രതിജ്ഞ ചെയ്തു ഹെഡ്മാസ്റ്റർ ശ്രീ. എം നാരായണൻമാസ്റ്റർ സ്വാഗതവും ആശംസിക്കുകയും പി. ടി. എ വൈസ് പ്രസിഡന്റ്‌ ശ്രീ. റഷീദ് പരുത്തിയിൽ അധ്യക്ഷത വഹിക്കുകയും ചെയ്തു. അബ്ദുൽ സലീം മാസ്റ്റർ, അബ്ദുൽ ബഷീർ മാസ്റ്റർ എന്നിവർ സംസാരിച്ചു.

12/09/2023

*കുടിവെള്ളം ലഭിച്ചിട്ട് ഒമ്പതുമാസം:*
*എന്തു ചെയ്യണമെന്നറിയാതെ കുടുംബങ്ങൾ*

https://chat.whatsapp.com/I7yu5IvogyDDtleUn5IbX6
⊶⊷⊶⊷❍❍⊶⊷⊶⊷
𝐬𝐩𝐚𝐧𝐝𝐡𝐚𝐧𝐚𝐦 𝐨𝐧𝐥𝐢𝐧𝐞 𝐧𝐞𝐰𝐬 𝐜𝐡𝐚𝐧𝐧𝐞𝐥
*12-09-2023*
*പാലക്കാട്,മണ്ണാർക്കാട്, പെരിന്തൽമണ്ണ പ്രദേശങ്ങളിലെ വാർത്തകൾ ആരും അറിയാതെ പോകരുത്*
⊶⊷⊶⊷❍❍⊶⊷⊶

തച്ചമ്പാറ: മുതുകുറിശ്ശി തോടം കുളത്തിലെ പ്രധാന തോടിന്റെ അറ്റകുറ്റപ്പണികൾക്കായി തോടിന്റെ അരികിലൂടെ പോയിരുന്ന കുടിവെള്ള പൈപ്പിന്റെ കണക്ഷൻ അടച്ചു വെച്ചതിനെ തുടർന്ന് തോടിനു സമീപത്തെ വീടുകളിലേക്ക് വെള്ളം ലഭിക്കുന്നില്ല. തോട് നവീകരണ പ്രവർത്തനങ്ങൾക്ക് വേണ്ടി പൈപ്പ് കണക്ഷൻ പ്രധാന പൈപ്പിൽ നിന്നും താൽക്കാലികമായി ഊരി മാറ്റിയെങ്കിലും തോടിന്റെ നവീകരണ പ്രവർത്തനങ്ങൾ കഴിഞ്ഞ് മാസങ്ങൾ പിന്നിട്ടിട്ടും പൈപ്പ് കണക്ഷൻ കുടിവെള്ളത്തിനായി കണക്ട് ചെയ്തില്ല. വേണ്ടപ്പെട്ട അധികാരികളുമായി പ്രദേശത്തെ കുടുംബങ്ങൾ പലതവണ സംസാരിക്കുകയും പരാതി നൽകുകയും ചെയ്തിട്ടുണ്ട് എങ്കിലും നാളിതുവരെയും അധികാരികളുടെ ഭാഗത്തുനിന്ന് യാതൊരു തരത്തിലുള്ള നടപടികളും ഉണ്ടായിട്ടില്ല. ഒൻപത് മാസത്തോളം കുടിവെള്ളം ലഭിക്കാതിരുന്നിട്ടും പ്രദേശത്തെ കുടുംബങ്ങൾക്ക് കുടിവെള്ളത്തിന്റെ മാസ തുക വരുകയും മാസാമാസം കുടിവെള്ളത്തിന്റെ പണം അടയ്ക്കുകയും ചെയ്യുന്നുണ്ട് പക്ഷേ പ്രദേശവാസികളുടെ പരാതിയും ബുദ്ധിമുട്ടും ആരും വില എടുക്കുന്നില്ല എന്നും പരിസരവാസികൾ പറയുന്നു. കുടിവെള്ളത്തിനായുള്ള നടപടികൾ അധികാരികൾ സ്വീകരിച്ചില്ലെങ്കിൽ വരും ദിവസങ്ങളിൽ കുടിവെള്ളത്തിനായി എന്തുചെയ്യും എന്ന ആശങ്കയിലാണ് കുടുംബങ്ങൾ.

⊶⊷⊶⊷❍❍⊶⊷⊶⊷
*_🔖നിങ്ങളുടെ പ്രദേശത്തെ വാർത്തകൾ സ്പന്ദനം ഓൺലൈൻ ന്യൂസ്ചാനൽ വഴി ജനങ്ങളിലെത്തിക്കാൻ ബന്ധപ്പെടുക🔖_*👇🏻
🪀 _wa.me/918921733992_
_wa.me/919400421020_
*_👆കുറഞ്ഞ ചിലവിൽ നിങ്ങളുടെ സംരംഭങ്ങളുടെ പരസ്യങ്ങൾ ജനങ്ങളിലേക്കെത്തിക്കാൻ ബന്ധപ്പെടുക👆_*
⊶⊷⊶⊷❍❍⊶⊷⊶⊷
*©𝐬𝐩𝐚𝐧𝐝𝐡𝐚𝐧𝐚𝐦 𝐨𝐧𝐥𝐢𝐧𝐞 𝐧𝐞𝐰𝐬 𝐜𝐡𝐚𝐧𝐧𝐞𝐥
*12 SEPTEMBER-2023
https://chat.whatsapp.com/DB2EhtCVBF60C6LpQNvfNA
⊶⊷⊶⊷❍❍⊶⊷⊶⊷

29/08/2023

ഇസ്ലാമിക് പ്രി-മാരിറ്റൽ കോഴ്സ് സംഘടിപ്പിച്ചു.

കോട്ടോപ്പാടം : വൈവാഹിക ജീവിതത്തിൽ സംഭവിക്കുന്ന വിഷമതകൾക്ക് പരിഹാരമാവും വിധം ജീവിതത്തിന്റെ യതാർത്ഥ മൂല്യങ്ങൾ വേണ്ടവിധം മനസിലാക്കി സമൂഹത്തെ നൻമയിലേക്ക് നയിക്കുന്നതിന് വിവാഹപൂർവ്വ പഠന ക്ലാസുകൾ അനിവാര്യമാണ്.
എസ്.എം.എഫ് സംസ്ഥാന കമ്മിറ്റി നടത്തിവരുന്ന പ്രി മാരിറ്റൽ കോഴ്സ് കാഞ്ഞിരം പള്ളി മഹല്ലിന്റെ നേതൃത്ത്വത്തിൽ നടന്നു. കെ.മൊയ്തുട്ടി മാസ്റ്റർ സ്വാഗതവും, വിപി സ്വലാഹുദ്ധീൻ അദ്ധ്യക്ഷനുമായ ചടങ്ങ് ഹബീബ് ഫൈസി കോട്ടോപാടം ഉദ്ഘാടനം ചെയ്തു. എസ്.എം.എഫ് ജില്ലാ ഓർഗനൈസർ ഖാജാ ഉലൂമി അൻവരി കോഴ്സ് വിശദീകരണം നടത്തി.മണ്ണാർക്കാട് ജില്ലാ വിദ്യാഭ്യാസ ഓഫീസർ സി.അബൂബക്കർ മുഖ്യാതിഥിയായി.

എസ്.എം.എഫ് മേഖലാ സെക്രട്ടറി ഹംസ മാസ്റ്റർ,ജില്ലാ ഓർഗനൈസിംഗ് സെക്രട്ടറി അഷ്റഫ് ഹാജി,മഹല്ല് സെക്രട്ടറി അബ്ദുൽ സലാം,പ്രസിഡന്റ് അബ്ദുൽ അസീസ്,ട്രഷറർ കെ.വി മുസ്തഫ,മദ്റസാ പ്രസിഡന്റ് മുഹമ്മദാലി എസ് കെ,ഷുക്കൂർ പി.എം,ടി.ടി ഉമ്മർ, കെ.ടി അബ്ദുള്ള, ഇ.പി റഷീദ്, കെ.ടി കുഞ്ഞയമ്മു മാസ്റ്റർ, കുഞ്ഞിമരക്കാർ, കെ.ടി ഹംസ എന്നിവർ പ്രസംഗിച്ചു. ബഷീർ പച്ചീരി നന്ദി പറഞ്ഞു.

28/08/2023

മദ്രസകൾക്ക് ആഗസ്റ്റ് 30,31തിയതികളിൽ അവധി.

ആഗസ്റ്റ് 26 മുതൽ നടന്നുവരുന്ന പാദവാർഷിക പരീക്ഷയോടനുബന്ധിച്ച് 30,31 (ബുധൻ,വ്യാഴം)തിയ്യതികളിൽ മദ്രസകൾക്ക് അവധി നൽകിയതായി സമസ്ത കേരള ഇസ്ലാം മത വിദ്യാഭ്യാസ ബോർഡ് ഓഫീസിൽ നിന്ന് അറിയിച്ചു. സെപ്റ്റംബർ 2 ന് ശനിയാഴ്ച്ച പതിവുപോലെ മദ്രസകൾ തുറന്നു പ്രവർത്തിക്കുന്നതാണ്.

28/08/2023

Date : 28-8-23

നല്ലപാഠം ലവ് ആന്റ് സെർവ് സ്നേഹപ്പുടവ പദ്ധതിയുമായി
എടത്തനാട്ടുകര ജി.ഒ.എച്ച്.എസ്.എസ്

എടത്തനാട്ടുകര: സ്‌കൂളിലെ 4 വിദ്യാർഥികളടക്കം ആറ് പേർക്ക് ഓണക്കോടിയൊരുക്കി എടത്തനാട്ടുകര ഗവ. ഓറിയന്റൽ ഹയർ സെക്കന്ററി സ്‌കൂൾ മലയാള മനോരമ നല്ലപാഠം യൂണിറ്റ്.

പിതാവ് മഞ്ഞപ്പിത്തം ബാധിച്ച് ആകാലത്തിൽ മരണപ്പെട്ട ഒരു കുടുംബത്തിലെ മൂന്ന് പേർക്കും പിതാവ് വാഹനാപകടത്തിൽ മരണപ്പെട്ട ഒരു കുടുംബത്തിലെ മൂന്ന് പേർക്കും ആയിരം രൂപ വീതം ഓണക്കോടിക്കായി നൽകിയാണ് പദ്ധതി നടപ്പിലാക്കിയത്.

മലപ്പുറം മക്കരപറമ്പ് ആസ്ഥാനമായി പ്രവര്‍ത്തിക്കുന്ന ലവ് ആന്റ് സെര്‍വ് സന്നദ്ധ സംഘടനയുടെ സാമ്പത്തിക പിന്തുണയോടെയാണ് പദ്ധതി നടപ്പിലാക്കിയത്.

അലനല്ലൂർ ഗ്രാമ പഞ്ചായത്ത് പ്രസിഡന്റ് സജ്‌ന സത്താർ പദ്ധതി ഉദ്ഘാടനം ചെയ്തു. പി.ടി.എ.പ്രസിഡന്റ് കരീം പടുകുണ്ടിൽ അധ്യക്ഷത വഹിച്ചു.

ലവ് ആന്റ് സെർവ് കോ ഓർഡിനേറ്റർ ബഷീർ കരിഞ്ചാപ്പാടിയിൽ നിന്നും സ്‌കൂൾ പ്രിൻസിപ്പാൾ എസ്.പ്രതീഭ,പ്രധാനാധ്യാപകൻ പി.റഹ്മത്ത് എന്നിവർ ഫണ്ട് സ്വീകരിച്ചു.

ലവ് ആന്റ് സെര്‍വ് വളണ്ടിയര്‍മാരായ മുഹമ്മദാലി പോത്തുകാടന്‍,കെ.ബഷീർ, നല്ലപാഠം കോ ഓർഡിനേറ്റർമാരായ പി.അബ്ദുസ്സലാം,സി.ബഷീർ,സ്കൗട്ട് മാസ്റ്റർ സി.സിദ്ദീഖ്,അധ്യാപകരായ ബി.ബി. ഹരിദാസ്,പി.അബ്ദുൽ ലത്തീഫ്,പി. ഹംസക്കുട്ടി സലഫി എന്നിവർ പങ്കെടുത്തു.

27/08/2023

https://youtu.be/L3Wc3OTfaLw?si=-VBmFAnA9anFtMIb

26/08/2023

*ആവേശമായി വട്ടമണ്ണപ്പുറം എ.എം.എൽ.പി സ്കൂളിലെ 'ആരവം 2k23’*

എടത്തനാട്ടുകര: വട്ടമണ്ണപ്പുറം എ.എം.എൽ.പി സ്കൂളിൽ ജനകീയ ഓണാഘോഷം *'ആരവം 2k23’* സംഘടിപ്പിച്ചു. സ്കൂളിലെ കുട്ടികൾ, രക്ഷിതാക്കൾ, പൂർവ്വ വിദ്യാർത്ഥികൾ, ക്ലബ്ബ് അംഗങ്ങൾ എന്നിവരെ പങ്കെടുപ്പിച്ചുകൊണ്ട് ഓണാഘോഷത്തിന്റെ ഭാഗമായി ഓണസദ്യ തയ്യാറാക്കി.

മൂന്ന് ദിവസങ്ങളിലായി കുട്ടികളുടെയും രക്ഷിതാക്കളുടെയും വിവിധങ്ങളായ കലാകായിക മത്സരങ്ങളും സംഘടിപ്പിച്ചു. രക്ഷിതാക്കളുടെ തിരുവാതിരയും ലെമൻ ആൻഡ്‌ സ്പൂൺ, നടത്ത മത്സരവും വേറിട്ട അനുഭവമായി. കുട്ടികളിൽ നിന്നും രക്ഷിതാക്കളിൽ നിന്നും ഓണസദ്യക്ക് ആവശ്യമായ പച്ചക്കറികൾ, തേങ്ങ ഉൾപ്പെടെയുള്ള വിഭവങ്ങളുടെ സമാഹരണം നടത്തി. പി.ടി.എ പ്രസിഡണ്ട് എം.പി നൗഷാദ്‌, എം.പി.ടി.എ പ്രസിഡന്റ്‌ എൻ നാജിയ പി.ടി.എ വൈസ്‌ പ്രസിഡന്റുമാരായ കെ ആസിഫ്‌ ഫസൽ, പി.പി ഉമ്മർ, അയ്യൂബ് മുണ്ടഞ്ചേരി, പി മൂസ, എം.പി.ടി.എ വൈസ്‌ പ്രസിഡന്റ്‌ കെ കാർത്തിക കൃഷ്ണ പി.ടി.എ അംഗങ്ങളായ വി.ഷിഹാബ്, എം മുസ്തഫ, എം റസാഖ്‌, പി അഹമ്മദ്‌ സുബൈർ, അലി ചുങ്കൻ, ടി സുബൈർ,കെ മുഹമ്മദ്‌ ഷരീഫ്‌,സി.പി അബ്ദുൾ അസീസ്‌,സി.പി റുബീന,കെ ഷാനിബ,റജീന,സാബിറ,ബുഷറ,ശാരിക, സജ്ല,മുർഷിദ ഹെഡ്മാസ്റ്റർ സി.ടി മുരളീധരൻ അധ്യാപകരായ സി.മുഹമ്മദാലി, കെ.എം ഷാഹിന സലീം, കെ.എ മിന്നത്ത്‌, ടി ഹബീബ,എ.പി ആസിം ബിൻ ഉസ്മാൻ,എം ഷബാന ഷിബില,ഐ ബേബി സൽവ,കെ.പി ഫായിഖ്‌ റോഷൻ, എൻ ഷാഹിദ് സഫർ,പി നബീൽ ഷ,എം മാഷിദ,എം അജ്ന ഷെറിൻ, കെ അജിത,സി അശ്വതി,കെ ഷംസീദാ ബീഗം, പി സഫിയ,ഫർസാന തെസ്നി, കെ.എച്ച്‌ ജസ്ന എന്നിവർ നേതൃത്വം നൽകി.

20/08/2023

ആശ്രയ സഹായ ചാരിറ്റബിൾ ട്രസ്റ്റ് ജനകീയ കൂട്ടായ്മ സംഘടിപ്പിച്ചു.

ആശ്രയ സഹായ ചാരിറ്റബിൾ ട്രസ്റ്റ് ജനകീയ കൂട്ടായ്മ സംഘടിപ്പിച്ചു.ട്രസ്റ്റ് പ്രസിഡണ്ട് ജയരാജന്റെ അദ്ധ്യക്ഷതയിൽ ബ്ലോക്ക് പഞ്ചായത്ത് അംഗം മണികണ്ഠൻ വടശ്ശേരി യോഗം ഉദ്ഘാടനം ചെയ്തു. ദാമോദരൻ നമ്പീശൻ ട്രസ്റ്റിന്റെ പ്രവർത്തനം അവലോകനം ചെയ്തു. ട്രസ്റ്റിന്റെ വിശാലമായ കാഴ്ച്ചപ്പാടിനെ സംബന്ധിച്ച് സി.പി ഷിഹാബുദ്ദീൻ മാസ്റ്റർ വിശദീകരിച്ചു.

കുഞ്ഞീതു മാസ്റ്റർ,ആനന്ദകൃഷ്ണൻ, ഇപ്പു താളിയിൽ,വിജയൻ,
ശ്രീകുമാർ,ചന്ദ്രശേഖരൻ,രമണി ടീച്ചർ, എന്നിവർ സംസാരിച്ചു.
ട്രസ്റ്റിന്റെ കീഴിൽ ഒരു വയോജന വിശ്രമ കേന്ദ്രം എല്ലാ വിധ സൗകര്യങ്ങളോടെയും ഉടൻ ആരംഭിക്കാൻ തീരുമാനിച്ചു. പ്രസ്തുത സംരഭത്തിന് സുധ ടീച്ചർ ആദ്യ ഗഡു സാമ്പത്തിക സഹായം പ്രസിഡണ്ടിന് കൈമാറി. കിടപ്പു രോഗികൾക്ക് ആവശ്യമായ ഉപകരണങ്ങൾ സംഭാവന ചെയ്യാൻ സി.പി ഷിഹാബുദ്ദീൻ മാസ്റ്റർ,സുഗതൻ,ആനന്ദ കൃഷ്ണൻ എന്നിവർ തയ്യാറായി.
ത്രേസ്സ്യ സ്വാഗതവും ജയപ്രകാശ് മാസ്റ്റർ നന്ദിയും പറഞ്ഞു.

⊶⊷⊶⊷❍❍⊶⊷⊶⊷
*_🔖നിങ്ങളുടെ പ്രദേശത്തെ വാർത്തകൾ സ്പന്ദനം ഓൺലൈൻ ന്യൂസ്ചാനൽ വഴി ജനങ്ങളിലെത്തിക്കാൻ ബന്ധപ്പെടുക🔖_*👇🏻
🪀 _wa.me/918921733992_
_wa.me/919400421020_
*_👆കുറഞ്ഞ ചിലവിൽ നിങ്ങളുടെ സംരംഭങ്ങളുടെ പരസ്യങ്ങൾ ജനങ്ങളിലേക്കെത്തിക്കാൻ ബന്ധപ്പെടുക👆_*
⊶⊷⊶⊷❍❍⊶⊷⊶⊷
*©𝐬𝐩𝐚𝐧𝐝𝐡𝐚𝐧𝐚𝐦 𝐨𝐧𝐥𝐢𝐧𝐞 𝐧𝐞𝐰𝐬 𝐜𝐡𝐚𝐧𝐧𝐞𝐥
*20 AUGUST
https://chat.whatsapp.com/DB2EhtCVBF60C6LpQNvfNA
⊶⊷⊶⊷❍❍⊶⊷⊶⊷

19/08/2023

എടത്തനാട്ടുകര ജി.ഒ.എച്ച്.എസ്.എസ്സിൽ റെഡ് ക്രോസ് പാനൽ ചർച്ച

എടത്തനാട്ടുകര: ഗവ. ഓറിയന്റൽ ഹയർ സെക്കന്ററി സ്കൂളിലെ ജൂനിയർ റെഡ് ക്രോസ്സ് യൂണിറ്റിന്റെ നേതൃത്വത്തിൽ സംക്രമിക രോഗങ്ങളെക്കുറിച്ച് പാനൽ ചർച്ച സംഘടിപ്പിച്ചു.

സ്കൂൾ ഹെൽത്ത് ക്ലബ്‌ കൺവീനർ സി. നഫീസ ടീച്ചർ ഉദ്ഘാടനം നിർവഹിച്ചു. ജെ.ആർ.സി. കൗൺസിലർ കെ.ടി.സക്കീന അധ്യക്ഷത വഹിച്ചു.

ജെ.ആർ.സി.
അധ്യാപകൻ കെ.യൂനുസ് സലീം, ജെ.ആർ.സി. ലീഡർമാരായ പി.അനീന, എൻ.ആഫിയ,
എ.അജ് വദ്, സി.സൈന ഇനാസ്, ഇ.വാഫിയ, ഷാനിം, ടി.ഹന എന്നിവർ ചർച്ചയിൽ പങ്കെടുത്തു.

സ്കൂളും പരിസര പ്രദേശവും വൃത്തി യായി സംരക്ഷിക്കാനുള്ള കർമ പദ്ധതികൾക്ക് പാനൽ ചർച്ച അന്തിമ രൂപം നൽകി.

19/08/2023

വര്‍ണാഭമായി ജി.ഒ.എച്ച്.എസ്. എസ്.എസ്.പി.സി പാസ്സിംഗ് ഔട്ട് പരേഡ്

എടത്തനാട്ടുകര : എടത്തനാട്ടുകര ഗവ. ഓറിയന്റൽ ഹയർ സെക്കന്ററി സ്‌കൂള്‍ സ്റ്റുഡന്റ് പോലീസ് കേഡറ്റ് രണ്ടാമത് ബാച്ചിലെ 42 കേഡറ്റുകളുടെ പാസ്സിംഗ് ഔട്ട് പരേഡ് സ്‌കൂള്‍ മൈതാനിയില്‍ വര്‍ണ്ണാഭമായി സംഘടിപ്പിച്ചു.

നാട്ടുകൽ പോലീസ് ഇൻസ്പെക്ടർ എ.ഹബീബുള്ള വിശിഷ്ടാതിഥിയായി.

ജില്ലാ പഞ്ചായത്ത് അംഗം മെഹർബാൻ ടീച്ചർ, ഗ്രാമ പഞ്ചായത്ത് അംഗം അക്ബറലി പാറോക്കോട്ട്, പി.ടി.എ. പ്രസിഡന്റ് കരീം പടുകുണ്ടില്‍, എം.പി.ടി.എ. പ്രസിഡന്റ് ടി.പി. സൈനബ, എസ്.എം.സി. ചെയര്‍മാന്‍ സിദ്ദീഖ് പാലത്തിങ്ങൽ, പി.ടി.എ. എക്‌സിക്യൂട്ടീവ് അംഗങ്ങളായ പി.അഹമ്മദ് സുബൈര്‍, കെ.ധർമപ്രസാദ്, ഗാര്‍ഡിയന്‍ എസ്.പി.സി. പ്രസിഡന്റ് പ്രജീഷ് പൂളക്കല്‍, പ്രിന്‍സിപ്പാള്‍ എസ്.പ്രതീഭ, പ്രധാനാധ്യാപകന്‍ പി. റഹ്‌മത്ത്, സീനിയർ അസിസ്റ്റന്റ് വി.പി. പ്രിൻസില, സ്റ്റാഫ് സെക്രട്ടറി വി.പി. അബുബക്കർ, എസ്.പി.സി. എക്‌സികൂട്ടീവ് അംഗങ്ങളായ സക്കീർ തോരൻകണ്ടൻ, എം. മഹഫൂസ് റഹിം എന്നിവര്‍ വിവിധ മേഖലകളില്‍ കഴിവു തെളിയിച്ച എസ്.പി.സി. കേഡറ്റുകള്‍ക്ക് ഉപഹാരങ്ങള്‍ സമ്മാനിച്ചു.

മണ്ണാര്‍ക്കാട് ഡിവിഷണല്‍ അസിസ്റ്റന്റ് നോഡല്‍ ഓഫീസര്‍ സുധ, കമ്മ്യൂണിറ്റി പോലീസ് ഓഫീസര്‍മാരായ ടി.യു.അഹമ്മദ് സാബു, റീന, എം.പി. സവിത, ഡ്രില്‍ ഇന്‍സ്ട്രെക്ടര്‍. രാം കുമാർ, ഓമന, അധ്യാപകരായ സി. ബഷീർ, കെ. യൂനുസ് സലീം, എസ്. കാർത്തി, എം.ജിജേഷ്, പരേഡ് കമാന്റര്‍ ടി.ഹന, സെക്കന്റ് ഇൻ കമാന്റര്‍ വി. നേഹ, പ്ലേറ്റുൺ കമാണ്ടാർമാരായ ടി.എ. അതുൽ,
കെ.റിഫ ഫാത്തിമ എന്നിവര്‍ നേതൃത്വം നല്‍കി.

18/08/2023

ജലശ്രീ ക്ലബ്ബ് സംഘടിപ്പിച്ച പെൻസിൽ ഡ്രോയിങ് മത്സരത്തിൽ ജില്ലയിൽ രണ്ടാം സ്ഥാനം കരസ്ഥമാക്കി വട്ടമണ്ണപ്പുറം എ.എം.എൽ.പി സ്കൂളിലെ കെ.പി ഇഷ നസീർ.

എടത്തനാട്ടുകര: കേന്ദ്ര-സംസ്ഥാന സർക്കാറുകൾ നടപ്പിലാക്കുന്ന ജൽ ജീവൻ മിഷന്റെ കീഴിൽ ജലശ്രീ ക്ലബ്ബ് ജില്ലാടിസ്ഥാനത്തിൽ സംഘടിപ്പിച്ച പെൻസിൽ ഡ്രോയിങ് മത്സരത്തിൽ ജില്ലയിൽ രണ്ടാം സ്ഥാനം കരസ്ഥമാക്കി വട്ടമണ്ണപ്പുറം എ.എം.എൽ.പി സ്കൂളിലെ നാലാം ക്ലാസ് വിദ്യാർത്ഥിയും വട്ടമണ്ണപ്പുറം അണയംകോട്‌ പ്രദേശത്ത്‌ താമസിക്കുന്ന കുറൂപാടൻ നസീറിന്റെയും എം ഷബാന ഷിബിലയുടെയും മകളാണ് കെ.പി ഇഷ നസീർ. വിദ്യാത്ഥിയെ സ്കൂൾ പി.ടി.എ യും അധ്യാപകരും അഭിനന്ദിച്ചു.

12/08/2023

പ്രോടെക് അക്കാദമി കോൺവെകേഷൻ പ്രോഗ്രാം നടത്തി

പ്രമുഖ ടീച്ചർ ട്രെയിനിങ് ഇൻസ്റ്റിറ്റ്യൂട്ടായ പ്രോടെക് അക്കാദമിക്ക് കീഴിലുള്ള 2022-23 ബാച്ചിലെ ടീച്ചർ ട്രെയിനിങ് കോഴ്സ് പൂർത്തിയാക്കിയ വിദ്യാർത്ഥികൾക്കുള്ള കോൺവെക്കേഷൻ പ്രോഗ്രാം സംഘടിപ്പിച്ചു. ഒ പി അബ്ദുസ്സലാം മാസ്റ്റർ ഉദ്ഘാടനം നിർവഹിച്ചു. മൂല്യബോധമുള്ള സമൂഹത്തെ വാർത്തെടുക്കാൻ മാതൃകാപരമായ അധ്യാപനം നിർവഹിക്കാൻ സാധിക്കട്ടെ എന്ന് ഉദ്ഘാടകൻ ആശംസിച്ചു. പ്രമുഖ മോട്ടിവേഷൻ ട്രെയിനർ സജ്ന, ഡോ.ഷാനിബ തുടങ്ങിയവർ അനുമോദന ഭാഷണം നിർവഹിച്ചു.പ്രിൻസിപ്പൽ ഷുക്കൂർ, നാജിയ, ഫർസാന, ഫൗസിയ, നിഷാന തുടങ്ങിയവർ സംസാരിച്ചു.

11/08/2023

മണ്ണാർക്കാട്: ആര്യമ്പാവിലെ കുണ്ടിൽ വീട്ടിൽ മാധവൻ മാസ്റ്റർ (60) നിര്യാതനായി.

ഭാര്യ:വിജയലക്ഷ്മി (അധ്യാപിക എ.യു.പി.സ്കൂൾ പുവ്വത്താണി). പിതാവ്: പരേതനായ പൊന്നു. മാതാവ്: നാണി. മക്കൾ: വൈശാഖ് (പൊലീസ്), അശോക് (അധ്യാപകൻ പുറ്റാനിക്കാട് എൽ.പി സ്കൂൾ). മരുമകൾ: ഗോപിക. സഹോദരങ്ങൾ: രാമൻകുട്ടി, ഭാസ്കരൻ, കുമാരൻ, കല്യാണിക്കുട്ടി.

09/08/2023

*‌വട്ടമണ്ണപ്പുറം എ.എം.എൽ.പി സ്കൂളിൽ കായിയക പരിശീലനം ആരംഭിച്ചു.*

എടത്തനാട്ടുകര: വട്ടമണ്ണപ്പുറം എ.എം.എൽ.പി സ്കൂളിൽ കായിക‌ പരിശീലനം ആരംഭിച്ചു. കായികക്ഷമത നിലനിർത്തുന്നതിനും
ആരോഗ്യ സംരക്ഷണത്തിന് നിത്യജീവിതത്തിൽ വ്യായാമം ഒരു അവിഭാജ്യ ഘടകമാക്കേണ്ടതിന്റെ ആവശ്യക്ത ബോധ്യപ്പെടുത്തുന്നതിനും പരിശീലനപരിപാടി സഹായകമായി. പരിപാടി‌ ഇന്ത്യൻ ഫുട്ബോൾ താരം വി.പി സുഹൈർ ഉദ്ഘാടനം ചെയ്തു. പി.ടി.എ‌ പ്രസിഡന്റ്‌ എം.പി നൗഷാദ്‌ അദ്ധ്യക്ഷത വഹിച്ചു.
എം.പി.ടി.എ പ്രസിഡന്റ്‌ എൻ നാജിയ, സീനിയർ പി.ടി.എ വൈസ്‌ പ്രസിഡന്റ്‌ പി.പി ഉമ്മർ, പി.ടി.എ അംഗം റസാഖ്‌ മംഗലത്ത്‌, കെ ഷാനിബ, എം മുസ്തഫ എസ്‌.എം.സി അംഗം നാസർ കാപ്പുങ്ങൽ പ്രധാനാധ്യാപകൻ സി.ടി മുരളീധരൻ,
സ്റ്റാഫ്‌ കൺവീനർ സി മുഹമ്മദാലി, അധ്യാപകരായ ‌കെ.എം ഷാഹിന സലീം, എം.പി മിനീഷ, എം ഷബാന ഷിബില, എ.പി ആസിം ബിൻ ഉസ്മാൻ, ഐ ബേബി സൽവ, കെ.പി ഫായിഖ്‌ റോഷൻ, എൻ ഷാഹിദ്‌ സഫർ, പി നബീൽ എന്നിവർ സംബന്ധിച്ചു. പരിപാടിയുടെ ഭാഗമായി ഇന്ത്യൻ ഫുട്ബോൾ ടീം അംഗം വി.പി സുഹൈറും ഫ്രീസ്റ്റെയിൽ ഫുട്ബോൾ മാന്ത്രികനും അധ്യാപകനുമായ എൻ ഷാഹിദ്‌ സഫറും ചേർന്ന് വിവിധ കായിക പ്രവർത്തികൾ കുട്ടികൾക്കായി കാഴ്ചവെച്ചു.

30/07/2023

വട്ടമണ്ണപ്പുറം എ.എം.എൽ.പി സ്കൂളിൽ സംഘടിപ്പിച്ച പ്രവർത്തി പരിചയമേള വർണ്ണാഭമായി.

എടത്തനാട്ടുകര: വട്ടമണ്ണപ്പുറം എ.എം.എൽ.പി സ്കൂളിൽ പ്രവർത്തി പരിചയമേള സംഘടിപ്പിച്ചു. കരകൗശല വസ്തുക്കളുൾപ്പടെ ആകർഷകമായ നിരവധി ഉത്പന്നങ്ങൾ വിദ്യാർത്ഥികൾ നിർമ്മിച്ചു. ചന്ദനതിരി നിർമ്മാണം, ചിരട്ട, മുത്ത്‌ കൊണ്ടുള്ള ഉത്പന്നങ്ങൾ ലോഹത്തകിട്‌ കൊണ്ടുള്ള നിർമാണ പ്രവർത്തനങ്ങൾ, സ്റ്റഫ്‌ ചെയ്ത കളിപ്പാട്ടങ്ങൾ, പവകളിക്കുള്ള പാവകളുടെ നിർമാണം, വർണ്ണ കടലാസുകൊണ്ടുള്ള വിവിധ പ്രവർത്തനങ്ങൾ തുടങ്ങി ഒട്ടേറെ ഇനങ്ങളിൽ മത്സരം നടന്നു. നൂറോളം കുട്ടികൾ പങ്കെടുത്ത മേളയിൽ കുരുന്നുകളുടെ മാന്ത്രിക കരങ്ങളാൽ സമാനതകളില്ലാത്ത ഉത്പനങ്ങളാണ് പിറന്നു വീണത്‌. പരിപാടി ആർടിസ്റ്റ്‌ സെറീന മഠത്തൊടി ഉദ്ഘാടനം ചെയ്തു. പി.ടി.എ വൈസ്‌ പ്രസിഡന്റ്‌ അയ്യൂബ്‌ മുണ്ടഞ്ചേരി അദ്ധ്യക്ഷത വഹിച്ചു. സീനിയർ പി.ടി.എ വൈസ്‌ പ്രസിഡന്റ്‌ പി.പി ഉമ്മർ പ്രധാനാധ്യാപകൻ സി.ടി മുരളീധരൻ അധ്യാപകരായ കെ.എം ഷാഹിന സലീം, കെ.എ മിന്നത്ത്‌, എം.പി മിനീഷ, എം ഷബാന ഷിബില, എ.പി ആസിം ബിൻ ഉസ്മാൻ, ഐ ബേബി സൽവ, കെ.പി ഫായിഖ്‌ റോഷൻ, എൻ ഷാഹിദ്‌ സഫർ, പി നബീൽ ഷാ എന്നിവർ സംബന്ധിച്ചു. പരിപാടിയിൽ രക്ഷിതാക്കളുടെ സാന്നിധ്യം ഉണർവേകി.

28/07/2023

*മുണ്ടക്കുന്ന് എ.എൽ.പി. എസിൽ കണ്ടൽ ആവാസ വ്യവസ്ഥ സംരക്ഷണ ദിനം ആചരിച്ചു.*

https://chat.whatsapp.com/I7yu5IvogyDDtleUn5IbX6
⊶⊷⊶⊷❍❍⊶⊷⊶⊷
𝐬𝐩𝐚𝐧𝐝𝐡𝐚𝐧𝐚𝐦 𝐨𝐧𝐥𝐢𝐧𝐞 𝐧𝐞𝐰𝐬 𝐜𝐡𝐚𝐧𝐧𝐞𝐥
*28-07-2023*
⊶⊷⊶⊷❍❍⊶⊷⊶⊷

എടത്തനാട്ടുകര: ഭൂമിയുടെ ശ്വാസകോശം എന്നറിയപ്പെടുന്ന കണ്ടൽക്കാടുകളെ കുറിച്ച് അടുത്തറിയുന്നതിനും അവ സാരക്ഷിക്കേണ്ടതിന്റെ ആവശ്യകത കുട്ടികളെ ബോധ്യപ്പെടുത്തുക എന്ന ലക്ഷ്യത്തോടെയും മുണ്ടക്കുന്ന് എ.എൽ.പി.സ്കൂളിൽ കണ്ടൽ സംരക്ഷണ ദിനം ആചരിച്ചു.

ജലശുദ്ധീകരണം,കാറ്റ്,വൻതിരമാലകൾ എന്നിവയിൽ നിന്ന് കടൽതീരങ്ങൾക്കുള്ള സംരക്ഷണം, കാർബൺ ഡൈ ഒക്സൈഡിന്റെ ശുദ്ധീകരണം, പാരിസ്ഥിതീക സംരക്ഷണം എന്നിവയിൽ ഏറ്റവും സങ്കീർണമായ ആവാസവ്യവസ്ഥയായ കണ്ടൽകാടുകളുടെ സ്വാധീനം കുട്ടികൾക്ക് ബോധ്യപ്പെടാൻ ദിനാചരണത്തിലൂടെ കഴിഞ്ഞു.

ദിനാചരണത്തിന്റെ ഭാഗമായി കണ്ടൽ പതിപ്പ് തയാറാക്കൽ,പോസ്റ്റർ രചന, കുറിപ്പ് തയാറാക്കൽ,വീഡിയോ പ്രദർശനം എന്നിവ നടന്നു.
സീനിയർ അധ്യാപിക ഒ.ബിന്ദു,സ്റ്റാഫ് സെക്രട്ടറി പി.ഹംസ,സി. സൗമ്യ,സി.ഭാഗ്യലക്ഷ്മി എന്നിവർ സംസാരിച്ചു.

⊶⊷⊶⊷❍❍⊶⊷⊶⊷
*_🔖നിങ്ങളുടെ പ്രദേശത്തെ വാർത്തകൾ സ്പന്ദനം ഓൺലൈൻ ന്യൂസ്ചാനൽ വഴി ജനങ്ങളിലെത്തിക്കാൻ ബന്ധപ്പെടുക🔖_*👇🏻
🪀 _wa.me/918921733992_
_wa.me/919400421020_
*_👆കുറഞ്ഞ ചിലവിൽ നിങ്ങളുടെ സംരംഭങ്ങളുടെ പരസ്യങ്ങൾ ജനങ്ങളിലേക്കെത്തിക്കാൻ ബന്ധപ്പെടുക👆_*
⊶⊷⊶⊷❍❍⊶⊷⊶⊷
*©𝐬𝐩𝐚𝐧𝐝𝐡𝐚𝐧𝐚𝐦 𝐨𝐧𝐥𝐢𝐧𝐞 𝐧𝐞𝐰𝐬 𝐜𝐡𝐚𝐧𝐧𝐞𝐥
* |28 JULY
https://chat.whatsapp.com/DB2EhtCVBF60C6LpQNvfNA
⊶⊷⊶⊷❍❍⊶⊷⊶⊷