10/01/2014
Mangaldaian - মঙ্গলদৈয়ান
কুশল হওক, মঙ্গল হওক :: মাঘ বিহুৰ সময়ৰ এক দৰঙী লোকসংস্কৃতি
(হধ্ধেন দিয়া অৰ্থাৎ হৰিধ্ধনি দিয়া)
--------------------------------------------------------
পুহ আৰু মাঘ বিহুৰ সংক্ৰান্তিৰ দিনাই মাঘৰ দোমাহী বা মাঘ-দোমাহী | দোমাহীৰ কেইদিনমান আগৰপৰাই গৰখীয়া বা গাওৰ কিশোৰ বা যুৱকসকলৰ গোটে হধ্ধেন দিয়া নামৰ এক বিশেষ অনুস্থানত ঘৰে ঘৰে গৈ আশীৰ্বাদ সুচক গীত পদ গাই টকা, কড়ি লগতে মাহ কণী আই খুজি ফুৰে | গৰখীয়া বা চেমনীয়া সকলৰ গোটৰ এজনে এই গীত্বোৰ লগাই দিয়ে আৰু বাকী বোৰে " হ’ক হ’ক " বুলি বচন আবৃতি কৰি যায় | গীতটোৰ একাংশ
হৰিবল হৰিবল:হৰিয়ে হে
হৰি বোলা: হ’ক
মঙ্গল : হ’ক
কুশল : হ’ক
বাৰীত তামোলপাণ : হ’ক
গলিত গৰু: হ’ক
পুখুৰীত মাছ : হ’ক
বেটা-পুত্ৰ : হ’ক
ভাখেৰিত ধান : হ’ক
হাহকণী মাহকণী : হ’ক
গৰখীয়া চলিক
দুইচাৰনা পইচা দিয়াৰ শক্তিকন : হ’ক
(গোৱালপাৰা অঞ্চলত প্ৰচলিত "এউৰি মগা গীত"ৰ লগত হধ্ধেন দিয়া গীতৰ সাদৃশ্য পৰিলক্ষিত হয় | )
দোমাহীৰ দিনা ৰাতি পুৱাই পুৱাই , গছ বিৰিখ বোৰলৈ লক্ষ কৰি কৰি কিছুমান মন্ত্ৰধৰ্মী গীত বা বচন আবৃতি কৰি নৰা বা কলগছৰ লোচনীৰে গছত মঙ্গল গাঠি দিয়া হয় |
ঐ লাগ্ লাগ্ লাগ্ ঐলাগ্,
আম, কঠল, লেতুক, পইনাল, টেঙা, জৰা
লাগ্ লাগ্ লাগ্ ঐলাগ্,
নালগা যদি কাটি পেলামৈ |
---------------------------------------------------
