Gursaharn kala Bhawan Mandi Mullanpur (L.K.M)

03/09/2024

03/09/2024

"ਹਨੇਰ ਨਾ ਸਮਝੇ ਕਿ ਚਾਨਣ ਡਰ ਗਿਆ ਹੈ।"ਲੋਕ ਕਲਾ ਮੰਚ (ਰਜਿ:) ਮੰਡੀ ਮੁੱਲਾਂਪੁਰ ਵੱਲੋਂ ਗੁਰਸ਼ਰਨ ਕਲਾ ਭਵਨ ਵਿਖੇ ਮਹੀਨੇ ਦੇ ਅਖੀਰਲੇ ਸ਼ਨੀਵਾਰ ਦੇ ਸਮਾਗਮ ਦਾ ਦੇਸ਼ ਲਈ ਜਾਨਾਂ ਵਾਰ ਗਏ ਦੇਸ਼ ਭਗਤਾਂ ਨੂੰ ਸਮੱਰਪਿਤ ਕੀਤਾ ਗਿਆ।ਦੇਸ਼ ਭਗਤਾਂ ਦੇ ਅਧੂਰੇ ਸੁਪਨੇ ਪੂਰੇ ਕਰਨ ਦਾ ਸੰਕਲਪ ਮੋਮਬੱਤੀਆਂ ਬਾਲ ਕੇ ਲਿਆ ਗਿਆ।ਇਸ ਮੌਕੇ ਤੇ ਲੋਕ ਕਲਾ ਮੰਚ (ਰਜਿ:) ਮੰਡੀ ਮੁੱਲਾਂਪੁਰ ਦੇ ਪ੍ਰਧਾਨ ਹਰਕੇਸ਼ ਚੌਧਰੀ, ਸ. ਧਰਮ ਸਿੰਘ ਸਾਬਕਾ ਬੀਡੀਪੀਓ,ਸ. ਲਖਿੰਦਰ ਸਿੰਘ ਸਾਬਕਾ ਹੈੱਡ ਮਾਸਟਰ,ਮਾਸਟਰ ਸ਼ੋਕਤ ਅਲੀ,ਮਾ਼ ਗੁਰਜੀਤ ਸਿੰਘ,ਮੈਡਮ ਸਤਵੰਤ ਕੌਰ,ਨੈਨਾ ਸ਼ਰਮਾ,ਸਾਨੀਆ,ਸਾਬਕਾ ਸੂਬੇਦਾਰ ਕੁਲਦੀਪ ਸਿੰਘ,ਬਲਵੀਰ ਬਾਸੀਆਂ ਆਗੂ ਡੀਟੀਐਫ ਨੇ ਸਾਂਝੇ ਰੂਪ ਵਿੱਚ ਆਖਿਆ ਕਿ ਹਨੇਰ ਨਾ ਸਮਝੇ ਕਿ ਚਾਨਣ ਡਰ ਗਿਆ ਹੈ।ਰਾਤ ਨਾ ਸੋਚੇ ਕਿ ਸੂਰਜ ਮਰ ਗਿਆ ਹੈ।ਦੇ ਬੋਲ ਉੱਚੇ ਕੀਤੇ।ਇਸ ਮੌਕੇ ਗੁਰਿੰਦਰ ਗੁਰੀ ਮਾਣਕਵਾਲ ਦੀ ਕਵਿਤਾਵਾਂ ਦੀ ਕਿਤਾਬ "ਇੱਕ ਉਮੀਦ ਹਾਂ,ਸੁਪਨਾ ਹਾਂ।" ਰਲੀਜ਼ ਕੀਤੀ ਗਈ।ਇਸ ਮੌਕੇ ਤੇ ਹਰਕੇਸ਼ ਚੌਧਰੀ ਨੇ ਕੱਲਕੱਤੇ ਦੀ ਡਾਕਟਰ ਮੋਮਿਤਾ ਦੇਵਨਾਥ ਨੂੰ ਸਰਧਾਂਜਲੀ ਭੇਂਟ ਕਰਦਿਆਂ ਕਿਹਾ ਕਿ ਦੇਸ਼ ਦੇ ਹਾਕਮਾਂ ਨੇ ਗੁੰਡਿਆਂ ਨੂੰ ਜੁਲ਼ਮ ਕਰਨ ਦੀਆਂ ਖੁੱਲੀਆਂ ਛੁੱਟੀਆਂ ਦੇ ਰੱਖੀਆਂ ਹਨ।ਲੋਕਾਂ ਨੂੰ ਧੀਆਂ ਦੀ ਆਨ ਬਚਾਉਣ ਲਈ ਕਾਫ਼ਲੇ ਬੰਨ੍ਹ ਨਿਕਲਣਾ ਪੈਣਾ ਹੈ।ਇਸ ਉਪਰੰਤ ਲੋਕ ਕਲਾ ਮੰਚ (ਰਜਿ:) ਮੰਡੀ ਮੁੱਲਾਂਪੁਰ ਦਾ ਪ੍ਰਸਿੱਧ ਨਾਟਕ ਹਰਕੇਸ਼ ਚੌਧਰੀ ਦਾ ਲਿਖਿਆ ਤੇ ਨਿਰਦੇਸ਼ਿਤ ਨਾਟਕ "ਪਰਿੰਦੇ ਭਟਕ ਗਏ" ਪੇਸ਼ ਕੀਤਾ ਗਿਆ।ਇਸ ਨਾਟਕ ਵਿੱਚ ਕਮਲਜੀਤ ਮੋਹੀ ਨੇ ਭਿੰਦੇ ਦੇ ਰੂਪ ਵਿੱਚ,ਸਾਨੀਆ ਨੇ ਰੂਪੀ ਦੇ ਰੋਲ ਵਿੱਚ,ਜੁਝਾਰ ਸਿੰਘ ਨੇ ਰਾਣੇ ਦੇ ਰੂਪ ਵਿੱਚ ,ਨੈਨਾ ਸ਼ਰਮਾਂ ਨੇ ਕਿਰਨਦੀਪ ਦੇ ਰੋਲ ਵਿੱਚ ਅਤੇ ਦੀਪਕ ਰਾਏ ਨੇ ਟੀਟੂ ਦੇ ਰੋਲ ਵਿੱਚ ਦਰਸ਼ਕਾਂ ਦਾ ਮਨ ਮੋਹ ਲਿਆ।ਨਾਟਕ ਵਿੱਚ ਅਨਿਲ ਸੇਠੀ,ਭਾਗ ਸਿੰਘ,ਗੁਰਿੰਦਰ ਗੁਰੀ,ਕੁਲਵਿੰਦਰ ਸਿੰਘ,ਹਰਮਨਦੀਪ ਕੌਰ ਨੇ ਯਾਦਗਾਰੀ ਭੂਮਿਕਾ ਨਿਭਾਈ।ਇਸ ਮੌਕੇ ਤੇ ਸਾਬਕਾ ਬੀਪੀਈਓ ਸ. ਨਰੰਜਣ ਸਿੰਘ ਨੂੰ ਸਨਮਾਨ ਚਿੰਨ ਦੇ ਕੇ ਸਨਮਾਨਿਤ ਕੀਤਾ ਗਿਆ।ਇਸ ਸਮਾਗਮ ਨੂੰ ਸਫ਼ਲ ਬਣਾਉਣ ਲਈ ਸ੍ਰੀ ਗੁਲਸ਼ਨ ਰਾਏ ਸੀ.ਏ.ਨੇ ਗੁਰਸ਼ਰਨ ਕਲਾ ਭਵਨ ਲਈ ਚਾਰ ਹਜਾਰ ਰੁਪਏ ਦੀ ਸਹਾਇਤਾ ਕੀਤੀ।ਉੱਘੇ ਲੇਖਕ ਜਗਤਾਰ ਹਿੱਸੋਵਾਲ ਨੇ ਇੱਕਤੀ ਸੋ ਦੀ ਸਹਾਇਤਾ ਕੀਤੀ।ਕੁਲ ਮਿਲਾ ਕੇ ਮਹੀਨਾਵਾਰੀ ਸਮਾਗਮ ਪੂਰਾ ਸਫ਼ਲ ਰਿਹਾ।

21/05/2023

02/03/2023

ਲੋਕ ਕਲਾ ਮੰਚ (ਰਜਿ:)ਮੰਡੀ ਮੁੱਲਾਂਪੁਰ ਵੱਲੋਂ ਗੁਰਸ਼ਰਨ ਕਲਾ ਭਵਨ ਵਿਖੇ ਕੋਮਾਂਤਰੀ ਮਾਂ ਬੋਲੀ ਦਿਵਸ ਨੂੰ ਸਮੱਰਪਿਤ ਨਾਟਕ ਮੇਲੇ ਦਾ ਆਯੋਜਨ ਕੀਤਾ ਗਿਆ।ਅਖੀਰਲੇ ਸ਼ਨੀਵਾਰ ਦੇ ਮੌਕੇ ਤੇ ਸਮਾਗਮ ਦਾ ਉਦਘਾਟਨ ਅਵਤਾਰ ਬਾਈ ਸਰੀਂ ਕਨੈਡਾ,ਜਰਨੈਲ ਤੱਗੜ ਕੈਲਗਰੀ,ਡਾ਼ ਅਵਤਾਰ ਸਿੰਘ ਪ੍ਰਿੰਸੀਪਲ ਜੀ.ਟੀ.ਬੀ.ਨੈਸ਼ਨਲ ਕਾਲਜ ਦਾਖਾ,ਪ੍ਰੋ.ਰਣਜੀਤ ਕੌਰ ਗਰੇਵਾਲ,ਪ੍ਰੋ.ਹਰਦੇਵ ਗਰੇਵਾਲ,ਮਾ.ਉਜਾਗਰ ਸਿੰਘ,ਸ੍ਰੀ ਹਰਕੇਸ਼ ਚੌਧਰੀ ਪ੍ਰਧਾਨ ਲੋਕ ਕਲਾ ਮੰਚ ਮੰਡੀ ਮੁੱਲਾਂਪੁਰ ਨੇ ਕੀਤਾ।ਇਸ ਤੋਂ ਬਾਆਦ ਮੈਡਮ ਰਾਜਿੰਦਰ ਕੌਰ ਜੀ ਨੇ ਇੱਕ ਪੰਜਾਬੀ ਮਾਂ ਬੋਲੀ ਵਾਰੇ ਕਵਿਤਾ ਪੜ੍ਹੀ ।ਇਸ ਉਪਰੰਤ ਸਿਰਜਣਾ ਆਰਟ ਗਰੁੱਪ ਰਾਏਕੋਟ ਵੱਲੋਂ ਡਾ਼ ਸੋਮਪਾਲ ਹੀਰਾ ਜੀ ਦੁਆਰਾ ਲਿਖਿਤ ਨਾਟਕ "ਭਾਸਾ਼ ਵਹਿੰਦਾ ਦਰਿਆ" ਮੈਡਮ ਕਮਲ ਢਿਲੋਂ ਜੀ ਦੇ ਨਿਰਦੇਸ਼ਨ ਹੇਠ ਖੇਡਿਆ ਗਿਆ। ਅਵਤਾਰ ਬਾਈ ਜੀ ਨੇ ਲੋਕ ਕਲਾ ਮੰਚ ਵੱਲੋਂ ਕੀਤੇ ਜਾ ਰਹੇ ਕੰਮਾਂ ਦੀ ਸਲਾਘਾ ਕੀਤੀ।ਜਰਨੈਲ ਤੱਗੜ ਜੀ ਵੱਲੋਂ ਆਪਣੇ ਵਿਚਾਰ ਪੇਸ਼ ਕੀਤੇ।ਇਸ ਮੌਕੇ ਤੇ ਅਨੂੰ ਧੀਰ ਅਤੇ ਤੇਜਿੰਦਰ ਧੀਰ ਨੇ ਆਪਣੀ ਪੋਤੀ 'ਤਾਇਰਾ' ਦੇ ਜਨਮ ਦਿਨ ਦੀ ਖੁਸੀ਼ ਵਿੱਚ ਮੰਚ ਨੂੰ ਪੰਜ ਹਜਾਰ ਰੁਪਏ ਦੀ ਸਹਾਇਤਾ ਕੀਤੀ।ਅਵਤਾਰ ਬਾਈ ਨੇ ਮੰਚ ਨੂੰ ਦਸ ਹਜਾਰ ਰੁਪਏ ਦੀ ਸਹਾਇਤਾ ਕੀਤੀ।ਜਰਨੈਲ ਤੱਗੜ ਜੀ ਨੇ ਵੀ ਮੰਚ ਦੀ ਪੰਜ ਹਜਾਰ ਦੀ ਸਹਾਇਤਾ ਕੀਤੀ।ਇਸ ਮੌਕੇ ਤੇ ਉੱਘੇ ਲੇਖਕ ਅਮਰੀਕ ਤਲਵੰਡੀ,ਹਰਕੇਸ਼ ਚੌਧਰੀ,ਗੁਰਜੀਤ ਸਿੰਘ,ਕਮਲਜੀਤ ਮੋਹੀ,ਕੰਵਲਜੀਤ ਖੰਨਾ ਜਸਵੰਤ ਜੀਰਖ,ਉਜਾਗਰ ਸਿੰਘ ਜੀ ਅਤੇ ਦੀਪਕ ਰਾਏ,ਗੁਰਜੀਤ ਸਿੰਘ,ਜੁਝਾਰ ਸਿੰਘ,ਹਰਕ੍ਰਿਸ਼ਨ ਸਿੰਘ ਨੇ ਟੀਮ ਨੂੰ ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ।ਅਵਤਾਰ ਬਾਈ,ਅਤੇ ਜਰਨੈਲ ਤੱਗੜ੍ਹ ਜੀ ਨੂੰ ਕਿਤਾਬਾਂ ਦੇ ਸੈੱਟ ਦੇ ਕੇ ਸਨਮਾਨ ਕੀਤਾ ਗਿਆ।ਇਸ ਸਮਾਗਮ ਦੀ ਸਟੇਜ਼ ਸਕੱਤਰ ਦੀ ਭੂਮਿਕਾ ਮਾ਼ ਦੀਪਕ ਰਾਏ ਜਨਰਲ ਸਕੱਤਰ ਲੋਕ ਕਲਾ ਮੰਚ ਮੰਡੀ ਮੁੱਲਾਂਪੁਰ ਜੀ ਨੇ ਬਾਖੂਬੀ ਨਿਭਾਈ,ਇਸ ਮੌਕੇ ਉੱਘੇ ਰੰਗ ਕਰਮੀ ਤ੍ਰਿਲੋਚਨ ਸਿੰਘ ਲੁਧਿਆਣਾ,ਉੱਘੇ ਕਵੀ ਸਾਧੂ ਸਿੰਘ,ਅਮਰਜੀਤ ਮੋਹੀ,ਡਾ਼ ਏਜਿੰਦਰ ਸਿੰਘ,ਲੇਖਕ ਜਗਤਾਰ ਸਿੰਘ ਹਿੱਸੋਵਾਲ,ਸੁਖਦੀਪ ਸਿੰਘ ਚਾਨਾ,ਪ੍ਰਿੰਸੀਪਲ ਰਾਜਿੰਦਰ ਸਿੰਘ,ਮਨਦੀਪ ਸਿੰਘ ਸੇਖੋਂ ,ਤੇਜਾ ਸਿੰਘ ਸਾਬਕਾ ਡੀ ਪੀ ਆਰ ਓ,ਗੁਰਮੀਤ ਸਿੰਘ ਆਦਿ ਹਾਜਰ ਸਨ

01/03/2023

ਲੋਕ ਕਲਾ ਮੰਚ (ਰਜਿ:)ਮੰਡੀ ਮੁੱਲਾਂਪੁਰ ਵੱਲੋਂ ਗੁਰੂ ਤੇਗ ਬਹਾਦਰ ਨੈਸ਼ਨਲ ਕਾਲਜ ਦਾਖਾ ਵਿਖੇ ਆਪਣਾ ਨਾਟਕ "ਪਰਿੰਦੇ ਭਟਕ ਗਏ" ਪੇਸ਼ ਕੀਤਾ ਗਿਆ।ਨਾਟਕ ਨੂੰ ਕਾਲਜ ਦੇ ਵਿਦਿਆਰਥੀਆਂ ਤੇ ਅਧਿਆਪਕਾਂ ਨੇ ਬੇਹੱਦ ਮਾਣ ਸਤਿਕਾਰ ਦਿੱਤਾ।ਕਾਲਜ ਵਿੱਚ ਬਿਤਾਏ ਪਲਾਂ ਦੀਆਂ ਯਾਦਾਂ ਤਾਜਾ ਹੋ ਗਈਆਂ।ਮੈਨੂੰ ਮਾਣ ਸੀ ਕਿ ਕਿਸੇ ਵੇਲੇ ਮੈਂ ਇਸ ਕਾਲਜ ਵਿੱਚ ਪੜ੍ਹਦਾ ਸੀ।ਕਾਲਜ ਦੇ ਅਧਿਆਪਕਾਂ ਨੂੰ ਇਸ ਗੱਲ ਤੇ ਬਹੁਤ ਮਾਣ ਸੀ ਕਿ ਉਹਨਾਂ ਦੇ ਕਾਲਜ ਦਾ ਵਿਦਿਆਰਥੀ ਰੰਗਮੰਚ ਰਾਹੀਂ ਸਮਾਜਿਕ ਕੁਰੀਤੀਆਂ ਵਗਦੇ ਦਰਿਆ ਨੂੰ ਠੱਲਣ ਦਾ ਇੱਕ ਯਤਨ ਕਰ ਰਿਹਾ ਹੈ।ਪ੍ਰਿੰਸੀਪਲ ਡਾ਼ ਅਵਤਾਰ ਸਿੰਘ ਜੀ ਨੇ ਕਿਹਾ ਕਿ ਲੋਕ ਕਲਾ ਮੰਚ ਬਹੁਤ ਵੱਡਾ ਕੰਮ ਕਰ ਰਿਹਾ ਹੈ।ਸਾਨੂੰ ਬਹੁਤ ਮਾਣ ਹੈ ਕਿ ਅਸੀਂ ਗੁਰਸ਼ਰਨ ਕਲਾ ਭਵਨ ਨਾਲ ਜੁੜੇ ਹੋਏ ਹਾਂ।ਵਾਇਸ ਪ੍ਰਿੰਸੀਂਪਲ ਮੈਡਮ ਰਣਜੀਤ ਕੌਰ ਅਤੇ ਪ੍ਰੋ਼. ਹਰਦੇਵ ਸਿੰਘ ਗਰੇਵਾਲ ਜੀ ਜਿੰਨ੍ਹਾਂ ਨਾਲ ਵਿਚਾਰ ਦੀ ਸਾਂਝ ਦਾ ਵੀ ਮੈਂ ਨਿੱਘ ਮਾਣਦਾ ਹਾਂ।ਇਹ ਦੋਨੋਂ ਸਖ਼ਸੀਅਤਾਂ ਹਮੇਸਾਂ ਲੋਕ ਕਲਾ ਮੰਚ ਦੇ ਹਰ ਨਾਟਕ ਦੇ ਦਰਸ਼ਕ ,ਪ੍ਰਸ਼ੰਸ਼ਕ ਤੇ ਆਲੋਚਕ ਹਨ।ਬਹੁਤ ਮਾਣ ਦਿੰਦੇ ਨੇ ਸਾਡਾ ਕੰਮ ਨੂੰ, ਸੁਝਾਅ ਦਿੰਦੇ ਹਨ।ਫੇਰ ਦਿਲ ਖਿੜ ਜਾਂਦਾ ਹੈ।ਕਾਲਜ ਦੇ ਵਿਦਿਆਰਥੀਆਂ ਨੇ ਬਹੁਤ ਸੰਜੀਦਗੀ ਨਾਲ ਨਾਟਕ ਵੇਖਿਆ ਤੇ ਕੁਝ ਵਿਦਿਆਰਥੀਆਂ ਨੇ ਸਾਡੇ ਨਾਲ ਨਾਟਕ ਕਰਨ ਦੀ ਇੱਛਾ ਵੀ ਜਾਹਿਰ ਕੀਤੀ।ਇਸ ਨਾਟਕ ਵਿੱਚ ਕਮਲਜੀਤ ਮੋਹੀ,ਦੀਪਕ ਰਾਏ,ਅਨਿਲ ਸੇਠੀ,ਪਰਦੀਪ ਕੌਰ, ਬਲਜੀਤ ਕੌਰ,ਗੁਰਿੰਦਰ ਗੁਰੀ,ਅਭਿਨੈ ਬਾਂਸਲ,ਜੁਝਾਰ ਸਿੰਘ, ਹਰਫ਼ਤਿਹ ਸਿੰਘ,ਮੈਡਮ ਰਾਜਿੰਦਰ ਕੌਰ, ਗੁਰਚਰਨਜੀਤ ਕੌਰ ਅਤੇ ਹਰਕੇਸ਼ ਨੇ ਆਪਣੀ ਅਦਾਕਾਰੀ ਨਾਲ ਦਰਸ਼ਕਾਂ ਨੂੰ ਨਾਟਕ ਨਾਲ ਜੋੜੀ ਰੱਖਿਆ। ਇਸ ਨਾਟਕ ਨੂੰ ਦਾਖਾ ਕਾਲਜ ਵਿੱਚ ਕਰਵਾਉਣ ਲਈ ਬਾਈ ਸੁਖਵੰਤ ਮੋਹੀ ,ਸ.ਰਣਧੀਰ ਸਿੰਘ ਸੇਖੋਂ ਪ੍ਰਧਾਨ ਕਾਲਜ਼ ਮੈਨੇਜਮਿੰਟ ਕਮੇਟੀ ,ਪ੍ਰੋ਼ ਅਮਰੀਕ ਸਿੰਘ ਵਿਰਕ ਜੀ ਦਾ ਬਹੁਤ ਬਹੁਤ ਧੰਨਵਾਦ।

27/10/2022

ਦੋਸਤੋ ਕੁਝ ਸਵਾਲ ਦਰ ਸਵਾਲ ਲਗਾਤਾਰ ਦਿਲ ਦਿਮਾਗ ਵਿੱਚ ਟਕਰਾ ਰਹੇ ਸਨ ਜਿੰਨਾਂ ਦੇ ਜੁਆਬ ਖੋਜ਼ ਦਿਆਂ ਮਨ ਬਹੁਤ ਕਾਹਲਾ ਪੈ ਜਾਂਦਾ ਸੀ।ਪਿਛਲੇ ਕੁਝ ਸਮੇਂ ਤੋਂ ਵਾਪਰ ਰਹੀਂਆਂ ਕੁਝ ਘਟਨਾਵਾਂ ਤੇ ਕੁਝ ਸਿਰਜੇ ਜਾ ਰਹੇ ਬਿਰਤਾਂਤ ਜਾਨਣ ਸਮਝਣ ਕੋਸਿਸ਼ ਤੋਂ ਬਾਆਦ ਇਸ ਤਰ੍ਹਾਂ ਲੱਗਦਾ ਹੈ ਕਿ ਪੰਜਾਬ ਵਿੱਚ ਹਰ ਬੇਇੰਨਸਾਫੀ਼ ਖਿਲਾਫ਼ ਉੱਠਦੀ ਅਵਾਜ ਦਾ ਪ੍ਰੇਰਨਾਸ੍ਰੋਤ ਕੋਣ ਹੈ ?ਤਾਂ ਜਿਹਨ ਵਿੱਚ ਸਪੱਸਟ ਇੱਕ ਚਿਹਰਾ,ਇੱਕ ਵਿਚਾਰ ਆਉਂਦਾ ਹੈ,ਜਿਸ ਕਿਹਾ ਸੀ,ਰਾਜੇ ਸੀਂਹ ਮੁਕੱਦਮ ਕੁੱਤੇ,.............ਜਿਸ ਕਿਹਾ ਸੀ.........ਪਾਪ ਕੀ ਜੰਝ ਲੈ ਕਾਬਲੋਂ ਧਾਹਿਆ..........ਤੇ ਇਸ ਲਗਾਤਾਰਤਾ ਵਿੱਚ ਆਖਿਆ ਗਿਆ ਸੀ......"ਚੂੰ ਕਾਰ ਅਜ਼ ਹਮਾ ਹੀਲਤੇ ਦਰ ਗੁਜੱਸਤ, ਹਲਾਲ ਅਸਤ ਬੁਰਦਨ ਵਾ ਸ਼ਮਸੀਰ ਦਸਤ" ਜਿੰਨਾਂ ਤੋਂ ਪ੍ਰੇਰਨਾ ਲੈ ਜਾਲਮ ਨੂੰ ਵੰਗਾਰਿਆ ਸੀ ਤੇ "ਗ਼ਦਰ ਅਖਬਾਰ" ਦੇ ਸਰੇਵਰਕ ਤੇ ਲਿਖਿਆ ਸੀ "ਜਿਉਂ ਤਿਉਂ ਪ੍ਰੇਮ ਖੇਲਣ ਕਾ ਚਾਉ ਸਿਰ ਧਰ ਤਲੀ ਗਲੀ ਮੋਰੀ ਆਉ",ਤੇ ਉਹਨਾਂ ਗ਼ਦਰ ਕਰ ਦਿੱਤਾ ਸੀ ਉਸ ਹਕੂਮਤ ਦੇ ਖਿਲਾਫ਼ ਜਿਸ ਦੇ ਰਾਜ ਵਿੱਚ ਸੂਰਜ ਨਹੀਂ ਛਿੱਪਦਾ ਸੀ।ਸੇਵਾ ਦੇਸ਼ ਦੀ ਜਿੰਦੜੀਏ ਬੜੀ ਔਖੀ,ਗਾਉਂਦਾ ਫਾਂਸੀ ਚੜ੍ਹ ਗਿਆ ਸੀ।ਉਸ ਦੀ ਫੋਟੋ ਜੇਬ ਵਿੱਚ ਪਾਈ ਫਿਰਦਾ ਸੀ ਇੱਕ "ਵਿਦਰੋਹੀ" ਜਿਹੜਾ ਕਹਿੰਦਾ ਸੀ ਸਾਡੀ ਜੰਗ ਜਾਰੀ ਰਹਿਣੀ ਹੈ,ਜਿਹੜਾ ਪੰਜ ਬੱਬਰ ਆਕਾਲੀਆਂ ਦੇ ਫਾਂਸੀ ਚੜਨ ਮੌਕੇ ਜਦੋਂ ਦੇਸ਼ ਹੋਲੀ ਦੇ ਰੰਗ ਵਿੱਚ ਮਸਤ ਸੀ ਤਾਂ ਲਿਖ ਰਿਹਾ ਸੀ ਉਹਨਾਂ ਵਿਦਰੋਹੀਂ ਦੀ ਗਾਥਾ ਕਿ"ਕੁਝ ਸੋਚੋ ਅਕਲਾਂ ਵਾਲਿਓ ਕਿਉਂ ਬਣ ਬੈਠੇ ਅਣਜਾਣ,ਤੁਸੀਂ ਨਾਲ ਰੰਗਾਂ ਦੇ ਖੇਡਦੇ, ਮੇਰੀ ਗੋਦੀ ਲਹੂ ਲੁਹਾਨ"ਉਹਨੇ ਕਿਰਤੀ ਅਖਬਾਰ ਵਿੱਚ ਇਹਨਾਂ ਬੋਲਾਂ ਨਾਲ ਦੇਸ਼ ਭਗਤਾਂ ਦੀਆਂ ਕੁਰਬਾਨੀਆਂ ਤੋਂ ਬੇਲਾਗ ਜਨਤਾਂ ਨੂੰ ਵੰਗਾਰਿਆ ਸੀ।ਜਿਸ ਨੂੰ ਸਤਲੁਜ ਦੇ ਪਾਣੀਆਂ ਨੇ" ਸ਼ਹੀਦ" ਕਿਹਾ ਸੀ,ਜਿਸ ਨੂੰ ਧਰਤੀ ਦੇ ਚੱਪੇ ਚੱਪੇ ਨੇ ਸ਼ਹੀਦ ਕਿਹਾ ਸੀ।ਉਸਦੇ ਮੋੜੇ ਕਿਤਾਬ ਦੇ ਵਰਕੇ ਨੂੰ ਸਿੱਧਾ ਕਰਕੇ ਕੋਈ ਅੱਜ ਵੀ ਪੜ੍ਹ ਰਿਹਾ ਹੈ।ਜੋ ਸੜਕਾਂ ਤੇ ਦੀਵਾਲੀ ਮਨਾਉਂਦਾ ਹੈ ।ਉਹ ਜੋ ਕਹਿੰਦਾ ਹੈ ਲੈ ਕੇ ਮੁੜਾਂਗੇ ਅਸੀਂ ਆਪਣੇ ਹੱਕ ਦਿੱਲੀਏ,ਤਾਂ ਲੱਗਦਾ ਹੈ ਇਹ ਤਾਂ ਉਹੀ ਆਵਾਜ਼ ਹੈ ਜੋ ਕਹਿੰਦੀ ਹੈ ਕਿ ਬੋਲਿ਼ਆਂ ਕੰਨਾਂ ਨੂੰ ਸੁਣਾਉਣ ਲਈ ਧਮਾਕੇ ਦੀ ਜਰੂਰਤ ਹੁੰਦੀ ਹੈ।ਇਹ ਤਾਂ ਵਿਦਰੋਹੀ ਦੀ ਆਵਾਜ ਹੈ,ਇਹ ਤਾਂ ਮਾਨਸਾ ਜਿਲ੍ਹੇ ਦੇ ਕੋਟਰਾਏ ਸਿੰਘ ਵਾਲਾ ਦਾ ਮਿੱਠਾ ਸਿੰਘ ਦੀ ਆਵਾਜ਼ ਹੈ ਜੋ ਪੰਝਤਰ ਸਾਲਾਂ ਦਾ ਹੋ ਕੇ ਵੀ ਵੰਗਾਰਦਾ ਹੈ।ਸੜਕਾਂ ਤੇ ਖੜਾ ਹੈ ਆਪਣੇ ਸੰਗੀਆਂ ਨੂੰ ਕਹਿੰਦਾ ਹੈ ਖੁਦਕੁਸੀ਼ ਕੋਈ ਹਲ ਨਹੀਂ ਹੈ।ਮੈਨੂੰ ਉਸ ਵਿੱਚੋਂ ਵੀ ਵਿਦਰੋਹੀ ਦੀਆਂ ਝਲਕਾਂ ਪੈਦੀਆਂ ਨੇ,..........ਇਹਨਾਂ ਵਿਦਰੋਹੀਆਂ ਤੇ ਲੋਕ ਕਲਾ ਮੰਚ (ਰਜਿ:)ਮੰਡੀ ਮੁੱਲਾਂਪੁਰ ਵੱਲੋਂ ਨਾਟਕ "ਵਿਦਰੋਹੀ" ਲੇਖਕ ਤੇ ਨਿਰਦੇਸ਼ਕ ਹਰਕੇਸ਼ ਚੌਧਰੀ ਦੀ ਨਿਰਦੇਸ਼ਨਾਂ ਹੇਠ ਦੀਵਾਨਾਂ,ਮੁੱਲਾਂਪੁਰ,ਜੀਰਾ,ਲਾਧੂਕਾ ਮੰਡੀ,ਸੰਗਰੂਰ,ਸ੍ਰੀ ਗੰਗਾ ਨਗਰ ਆਦਿ ਥਾਂਵਾਂ ਤੇ ਖੇਡਿਆ ਗਿਆ।ਲੋਕ ਕਲਾ ਮੰਚ ਦੇ ਅਦਾਕਾਰ ਕਮਲਜੀਤ ਮੋਹੀ,ਦੀਪਕ ਰਾਏ,ਅਨਿਲ ਸੇਠੀ,ਅਭਿਨੈ ਬਾਂਸਲ,ਜੁਝਾਰ ਸਿੰਘ,ਗੁਰਿੰਦਰ ਸਿੰਘ ਗੁਰੀ,ਪਰਦੀਪ ਕੌਰ ,ਬਲਜੀਤ ਕੌਰ,ਅੰਜੂ ਚੌਧਰੀ,ਰਣਧੀਰ ਸਿੰਘ,ਰਾਜਿੰਦਰ ਕੌਰ ਆਦਿ ਨੇ ਹਿੱਸਾ ਲਿਆ ਹੈ।ਧੰਨਵਾਦ

25/10/2022

ਦੁਨੀਆਂ ਤੇ ਇੱਕੋ ਹੀ ਜਮਾਤ ਹੋਊਗੀ,ਰੋਜ਼ ਹੀ ਦੀਵਾਲੀ ਵਾਲੀ ਰਾਤ ਹੋਊਗੀ।ਰੱਜ ਰੱਜ ਖਾਣ ਕੇ ਕਮਾਊ ਹਾਣੀਆਂ,ਨਚੁਗਾ ਅੰਬਰ ਭੂਮੀ ਗਾਉ ਹਾਣੀਆਂ।ਸੋਨੇ ਦੀ ਸਵੇਰ ਜਦੋਂ ਆਊ ਹਾਣੀਆਂ........... ਕਲ ਜਦੋਂ ਸਾਰਾ ਪੰਜਾਬ ਪਟਾਕੇ ਚਲਾ ਕੇ ਦੀਵੇ, ਮੋਮਬੱਤੀਆਂ ਬਾਲ ਕੇ ਦੀਵਾਲੀ ਦੇ ਜਸ਼ਨ ਮਨਾ ਰਿਹਾ ਸੀ ਤਾਂ ਲੋਕ ਕਲਾ ਮੰਚ ਮੰਡੀ ਮੁੱਲਾਪੁਰ ਦੇ ਕਲਾ ਕਲਾਕਾਰਾਂ ਨੇਸਾਥੀ ਸੁਰਿੰਦਰ ਸ਼ਰਮਾਂ ਦੀ ਅਗੁਆਈ ਵਿਚ ਸੰਘਰਸ਼ਾਂ ਦੇ ਪਿੜ ਮੱਲੀ ਬੈਠੇ ਮੁੱਖ ਮੰਤਰੀ ਦੀ ਕੋਠੀ ਮੂਹਰੇ ਪੱਕਾ ਮੋਰਚਾ ਲਗਾ ਕੇ ਬੈਠੇ b k u ਉਗਰਾਹਾਂ ਦੀ ਸਮੁੱਚੀ ਲੀਡਰਸ਼ਿਪ ਅਤੇ ਸਿਰੜੀ ਤੇ ਸੰਜੀਦਾ ਕਿਸਾਨ ਭੈਣਾਂ ਭਰਾਵਾਂ ਦੇ ਸਨਮੁੱਖ ਬਨੇਰਿਆਂ ਜਾਂ ਕੰਦਾਂ ਤੇ ਦੀਵੇ ਰੱਖਣ ਦੀ ਥਾਂ ਮਨਾ ਅੰਦਰ ਦੀਵੇ ਬਾਲਣ ਦਾ ਅਹਿਦ ਲਿਆ ਆਪਣੇ ਨਾਟਕ ਇੰਨਾਂ ਜਖਮਾਂ ਦਾ ਕਿ ਕਰੀਏ ਦੀ ਪਹਕਰੀ ਕਰ ਕੇ।ਨਾਟਕ ਨੇ ਪੂਰੇ ਪੰਡਾਲ ਨੂੰ ਝਾਝੋੜ ਕੇ ਰੱਖ ਦਿੱਤਾ।ਦਰਸ਼ਕਾਂ ਦੇ ਮਿਲੇ ਭਰਪੂਰ ਹੁੰਗਾਰੇ ਨੇ ਸਾਨੂੰ ਹੋਰ ਪਰਪੱਕਤਾ ਨਾਲ ਕੰਮ ਕਰਨ ਦਾ ਅਹਿਸਾਸ ਵੀ ਕਰਵਾਇਆ।ਪੰਡਾਲ ਵਿੱਚ ਬੈਠੇ ਹਰ ਦਰਸ਼ਕ ਦੀ ਅੱਖ ਨਮ ਸੀ।ਤੇ ਲੋਕਾਂ ਦਾ ਐਂ ਕਹਿਣਾ ਕੇ ਭਰਾਵੋ ਤੁਸੀ ਤਾਂ ਸਾਡੇ ਘਰ ਦੀ ਕਹਾਣੀ ਬਿਆਨ ਕਰ ਦਿੱਤੀ।ਮੈਨੂੰ ਲਗਦਾ ਇਹੀ ਕਿਸੇ ਕਲਾ ਕਿਰਤ ਦੀ ਪ੍ਰਾਪਤੀ ਹੈ ਜਦੋਂ ਆਮ ਲੋਕ ਇਹ ਕਹਿਣਾ ਸ਼ੁਰੂ ਕਰ ਦੇਵੇ ਇਹ ਤਾਂ ਓਹਨਾ ਦੀ ਹੀ ਗੱਲ ਹੈ।ਓਹਨਾ ਦੀ ਹੀ ਕਹਾਣੀ ਹੈ।ਜਦੋਂ ਲੋਕ ਛੱਤਾਂ ਦੇ ਦੀਵੇ ਬਾਲ ਰਹੇ ਸਨ ਤਾਂ ਲੋਕ ਕਲਾ ਮੰਚ ਦੇ ਇਹ ਕਲਾਕਾਰ ਸੰਘਰਸ਼ਾਂ ਦੇ ਪਿੜਾਂ ਵਿਚ ਛੱਟਾ ਚਾਨਣਾ ਦਾ ਦੇ ਰਹੇ ਸਨ।ਸ਼ਾਲਾ ਇੰਨਾ ਸੰਘਰਸ਼ਾਂ ਦੀ ਮੇਹਨਤ ਨੂੰ ਛੇਤੀ ਬੂਰ ਪਵੇ।ਜਿੱਥੇ ਵੀ ਹੱਕ ਸੱਚ ਦੀ ਲੜਾਈ ਲੜੀ ਜਾ ਰਹੀ ਹੋਵੇਗੀ ਉਥੇ ਲੋਕ ਕਲਾ ਆਪਣੇ ਵਿਤ ਮੁਤਾਬਿਕ ਆਪਣਾ ਕਲਾ ਤੇ ਸੰਗ੍ਰਾਮਾ ਦੀ ਜੋਟੀ ਨੂੰ ਹੋਰ ਪੀਡਾ ਕਰਨ ਲਈ ਆਪਣਾ ਯੋਗਦਾਨ ਹਮੇਸ਼ਾ ਪਾਉਂਦਾ ਰਹੇ ਗਾ। 98147 80195।

24/10/2022