Rauthla Newspaper

Rauthla Newspaper Rauthla Newspaper hi Lawngtlai atanga tihchhuah a ni a. April 2,2009 atang khan tihchhuah tan a ni e

22/01/2025

No.R.11011/1/2025-LADC/REV
LAI AUTONOMOUS DISTRICT COUNCIL
LAND REVENUE & SETTLEMENT DEPARTMENT...............................

N O T I F I C A T I O N
The 17th January, 2025

Lai Autonomous District Council land revenue & Settlement department chuan heng a hnuaia hmun leh hun ruatah hian Council Veng ‘ Chengkawl Tlang’ re-measurement a nei dawn a. Huan Lo ram pass leh In hmun pass nei zawng zawng te’n hun tiam chhungah Office hun chhungin mahni pass (Xerox copy) submit vek tur a ni ang.
Re-measurement neih laiin mahni ramah theuh pass Original kengin lo awm tur a ni bawk ang. Hun tiam chhunga Pass submit lo te chu an ram pass-ah harsatna a awm a, an pass cancell a nih pawhin engmah an sawi buai theih a ni lo vang.

1) Pass submit hun chhung : 17th January- 17th Febuary, 2025
2) Re-measurement neih hun : 17th - 28th Febuary, 2025
3) Pass submit-na tur : Pu Lalmuanawma Fanchun
AR&SO(H) LADC

Sd/- A. ZAITHANGA
Senior Revenue & Settlement Officer
Land Revenue & Settlement Department
Lawngtlai

22/01/2025

No.R.11011/1/2025-LADC/REV
LAI AUTONOMOUS DISTRICT COUNCIL
LAND REVENUE & SETTLEMENT DEPARTMENT

CIRCULAR
The 20th January, 2025

Land Revenue & Settlement Department, Lai Autonomous District Council chuan k*m 2024- 2025 atan 3rd - 13th February, 2025 inkarah Assessment a nei leh dawn a. Huan, In hmun,WRC, Fisheries, LSC leh Ordinary Pass nei zawng zawngte’n assessment neihna hmun tur mahni theuhah assessment neitu tur CS leh Surveyor-te hnenah kan pass neih angte ken a, submit theuhtur a ni ang. Hun tiam chhunga Pass keng lo/submit lo kan awm a, kan pass-te record leh assessment-ah a lut lo anih chuan pass awmze lo a ni dawn a, engmah sawi buai theih a ni lovang tih kan inhriattir e.

Sd/- K.Lalzuata Khenglawt
Revenue & Settlement Officer (Hqrs)
Lan Revenue & Settlement Department, Lawngtlai

Pu C.Lalmuanthanga Chief Executive Member LADC leh Central Young Lai Association Hruaitute chuan inkawmhona hun an hmang...
18/12/2024

Pu C.Lalmuanthanga Chief Executive Member LADC leh Central Young Lai Association Hruaitute chuan inkawmhona hun an hmang

Lawngtlai.December, 18.2024 : Vawiin dar 11:00.a.m khan, Pu C.Lalmuanthanga CEM leh CYLA hruaitu thar te chuan, CEM roomah inkawmhona hun neiin, ram leh hnam tana thil pawimawh tak tak an sawiho.

Pu C.Lalmuanthanga CEM chuan, Kan rama pawl lian ber CYLA Hruaitute chu zahna chibai bukin, YLA members ten duh taka hruaitu atan an thlantlin an nih avangin, kan ram leh hnam tan pawh ngaihtuahna thui tak inseng thin in ka ringa, vawiinah pawh hian kan ram leh hnam tana thil pawimawh tak tak sawiho pui aduh thu leh, hruaitu thar annih avanga inkawmhona neihpui a duhthu a sawia, LADC Sorkar nen ram leh hnam thil tul leh pawimawh hrang hrangah tanrual angaih hun a awm thin a, chung hunah chuan, kan ram leh hnam hmasawn theihna turin theih tawpchhuaha kan tanho thin theih nan thawhpuiah ka sawm duh che u a ni, a ti. Nangni nena kan thawhhona a that chuan tunai hian kan ram leh hnam tan hmasawnna kawngah chak zawkin hma kan lak theih ngei kan beisei tlat ani, a ti bawk.

Central YLA Hruaitute nen hian thil pawimawh chi hrang hrang. Raltlan chungchangte, Ruihhlo do chungchang, Power (Electricity) chungchanga hmalak dan turte leh ram leh hnam tana hmalakna tur chi hrang hrangte an sawiho a ni.

CYLA Hruaitute chuan, Pu C.Lalmuanthanga CEM chu, ram nu leh pa ber anih anga, CYLA Hruaitute min ngai pawimawh a inkawmhona hun min siamsak thei hi kan lawm hle a, YLA Golden Jubilee kan lawmna hrang hrangah pawh theih tawp min chhuahpui a vanga Hlawhtling taka hmang thei kan ni a, thinlung takin lawmthu kan sawia, hmalam hunah pawh kan ram leh hnam thatna tur anih phawt chuan, theih tawpchhuah a tangho zel turin hmalakui zel antum thu ansawi bawka, inkawmhona hlimawm tak an neih avangin lawmthu an sawi bawk.

OFFICERS' CLUB LAWNGTLAI TEN CYLA HNENAH BAHHNUKTE CHARITY HLANDated Lawngtlai, 18th December 2024: Vawiin chawhma dar 1...
18/12/2024

OFFICERS' CLUB LAWNGTLAI TEN CYLA HNENAH BAHHNUKTE CHARITY HLAN

Dated Lawngtlai, 18th December 2024: Vawiin chawhma dar 10:30 khan Officers' Club Lawngtlai (OCL) te chuan Mi harsa leh Chanhai zawk ten Krismas hlim taka an hman theih nân a sum an thawhkhawm ' Bahhnukte Charity' cheng 1,23,000 chu Central Young Lai Association (CYLA) Hruaitute k*tah a mamawhte hnena hlan chhawn turin an hlan.

He hunah hian Pu Lalrinsanga (DCSO) President, Officers' Club Lawngtlai chuan 'Bahhnukte Charity' puala sum tlingkhawm chu Pu F. Lalrothanga, President, CYLA k*tah OCL ai awhin a hlan a. Thu sawi chhunzawm nghalin Pu Lalrinsanga chuan k*m 2017- a Officers' Club Lawngtlai din a nih atang khan k*m tinin 'Bahhnukte Charity' kalpui thin a ni, a ti a. Lawngtlaia NGO hrang hrang, Motherless Home leh mipuite tan OCL an luanchhuah fo thu tarlangin, hma lam hunah pawh Lawngtlai mipuite tan theihtawp chhuah an tum thu a sawi. Pu Lalrinsanga chuan OCL Member kal chhuakta te pawhin 'Bahhnukte Charity' an ngaihpawimawh thu sawiin, k*minah pawh sum leh pai tha hnem tak an thawh a ni, a ti. CYLA ten chiang zawk a tanpuingaite an hriat avanga an k*t a hlan an nih thu sawiin, Pu Lalrinsanga chuan tha hnem ngai taka a mamawhtute hnena sem chhuak turin CYLA hruaitute a ngen nghal bawk.

Pu F. Lalrothanga, President, Central Young Lai Association (CYLA) chuan thu tawi sawiin, Officers' Club Lawngtlai leh CYLA- ten thawhhona tha tak an nei thin a, hei hi chhunzawm zel a pawimawh hle a ti a. Lawngtlai District hmasawnna tura Officers' Club Lawngtlai hmalakna hrang hrang fakawm a tih thu tarlangin, thahnem ngai tak a thawk zel turin a ngen a. CYLA chu Lawngtlaia Tlawmngai Pawl lian ber a nih angin, Officers' Club Lawngtlai te chuan hmang tangkai thiam se a duh thu a tarlang. Pu F. Lalrothanga chuan Mi harsa leh chan hai zawkten Krismas leh K*m thar hlim taka an hmanna turin 'Bahhnukte Charity' chu YLA Branch kaltlanga sem a nih tur thu a tarlang a ni.

https://www.instagram.com/p/DDtl3nxMfvF/?igsh=ZThsdmExb2Fod2Qz

No.R.12016/9/2024-LADC/REVLAI AUTONOMOUS DISTRICT COUNCILLAND REVENUE & SETTLEMENT DEPARTMENTNOTIFICATIONThe 4th Decembe...
10/12/2024

No.R.12016/9/2024-LADC/REV
LAI AUTONOMOUS DISTRICT COUNCIL
LAND REVENUE & SETTLEMENT DEPARTMENT

NOTIFICATION
The 4th December, 2024

Pu Lalkulhpuii of Paithar nih a huan ram LS.No.1/2011 of 20.1.2011 (Paithar ram) cu a tlai ca-ah a thar issue a rak hal ban tukin a thar i issue a rem lonaak hngalh mi nih cun thawngzamhca i chuah i chuah ni thawkin ni 30 a dih hlanah a tang i min thuttu sinah catial i hngalhter ding a si lai. Caan khiah mi chungi complaint a um lohah cun original issue piah a si lai i, chimbuai khawh a si la lo

Sd/- K.Ronghaklala
Revenue & Settlement Officer (Hqrs)
Land Revenue & Settlement Department, Lawngtlai

Alexis Mac Allister leh Cody Gakpo-te'n goal an khung a, Liverpool-in Champions League-ah Real Madrid 2-0 in hnehna an c...
28/11/2024

Alexis Mac Allister leh Cody Gakpo-te'n goal an khung a, Liverpool-in Champions League-ah Real Madrid 2-0 in hnehna an chang.

He result hian Reds chu point 15 hmuin Champions League table-ah hmahruaituah a kir leh ta a, tun term-ah inelna vawi nga an khelh tawhah hnehna an chang vek.

Hetihlai hian Real Madrid erawh 24-naah an tla thla a, tunah chuan match nga khelh tawhah point 6 an hmu tawh a, tun season Champions League-ah Los Blancos hi vawi thum an chak lo.

Liverpool hi tun season-ah trophy dawng tur hian contender serious tak an ni tih an lang!

A LAR VANGLAI TAKIN YOUTH ICON STAR RS-A'N AIZAWLAH LU MEHNA DAWR HAWNG DAWNNovember 28, 2024: Youth Icon star J Lalrosa...
28/11/2024

A LAR VANGLAI TAKIN YOUTH ICON STAR RS-A'N AIZAWLAH LU MEHNA DAWR HAWNG DAWN

November 28, 2024: Youth Icon star J Lalrosanga'n lu mehna dawr hawng turin a inbuatsaih mek. K*min December thla tawp lamah dawr hawn hman a tum.

K*min Youth Icon intihsiakna neih zawh taka boruak nei lian ber zing a mi, intihsiakna neih zawh hnu lam thlenga huhang nei ngah em em, J Lalrosanga (Rsa) hian a lar vanglai takin, lu mehna dawr hawn a tum. Tunah hian a dawr hmun tur pawh a peih fel thawkhat tawh thu, Malsawma Photography nena an inkawm tumin a sawi chhuak.

RS-a hian Chaltlang Bethel veng, MBSE pisa bul maiah hian lu mehna dawr hawn tumin a inbuatsaih a, lu mehna bungrua vel la khawm mekin, an inbun fel thei tep tawh e.

A lar vanglai tak maia lu mehna dawr hawn a tum chhan sawiin RSa chuan, "Eizawnna mumal ka hmu lo a. Chubakah, kan khaw lamah haw lehin, lu mehna dawr siam ila, kan khaw (Tuidam) lam leh Aizawl lama lu meh man a inthlau a. Chuvangin, Aizawl lamah zawk hian lu mehna dawr chu hawn ve vat vat ka duh a, mi hian min hmelhriat lai hian," a ti.

RS-a chuan, "Nakinah, tun ang reng hi ka ni lo mai thei. Nakin zel pawha min lo chawm ve thei tu tur hi ngaituah lawk ve a ngai a ni," a ti bawk.

Youth Icon star hian tunah hian, Chaltlangah inbengbel turin a inbuatsaih mek a. An in thar tur lamah a inthiar luh fel vek hnu, engkim a inpeih hnuah, a lu mehna dawr thar tur chu thla thar, December thla tawp lamah emaw, hawn tan a tum a ni.

Youth National Championship khel turin Mizoram basketball team-in West Bengal an panNov. 27, 2024: Basketball Federation...
27/11/2024

Youth National Championship khel turin Mizoram basketball team-in West Bengal an pan

Nov. 27, 2024: Basketball Federation of India (BFI) buatsaih 39th Youth National Basketball Championship (Men & Women) khel turin Mizoram mipa team chuan Nilaini khan West Bengal an pan.

Championship hi k*m 16 hnuai lam inelna tur a ni a, Zirtawpni atanga khelh tan tur niin karleh Ningani thleng a awh dawn a. Mizoram team-ah hian player 12 leh anmahni hruaitu pathum an awm.

West Bengal-in Kolkata-a West Bengal Basketball Association (WBBA) Ground leh Howrah-a Damurjala Indoor Stadium-a inelna neih turah hian state/union territory 29 an tel dawn a. Mizoram hi Group C-ah Bihar, Delhi, Goa leh Puducherry te nen an awm ho a ni.

Mizoram team hi coach KC Lalliantluanga, asst coach LT Thansanga leh manager Richard Lalduhsanga ten an hruai a ni.

Mizoram squad: Francis Lalnunkima, Bungkawn; John Lalremruata, Falkland Veng; Lalawmpuia Rokhum, Tuikual South; Ricky C.Lalrinmawia, ITI; Marcus Lalnunzira, Vaivakawn; Enos Vanlalhriata, Republic; Rosangkima, Khatla; J.Lalrinpuia, Tuikual South; Laldintluanga, Mission Vengthlang; R.Vanlalnunpuia, Mission Vengthlang; Joshua C.Lalnundika, Nursery Veng leh Malsawmtluanga, Bungkawn Vengthar.

*24th Executive Member, SYS LADC Running Trophy Chess Championship, Mizoram Rating Tournament, 2024 khelh tan a ni.**Law...
27/11/2024

*24th Executive Member, SYS LADC Running Trophy Chess Championship, Mizoram Rating Tournament, 2024 khelh tan a ni.*

*Lawngtlai, November, 27, 2024:* Vawiin khan 24th Executive Member, SYS LADC Running Trophy Chess Championship, Mizoram Rating Tournament, 2024 chu LADC Hall ah a hawnna neih niin, Pu Andrew Laltlanzara, Executive Member, Middle School Education, LADC chuan khuallian niin a hmanpui.

Khuallian Pu Andrew-a chuan, Chess chu infiamna changkang, Gentleman game tak mai a ni a, a khel thinte pawh hi an smart hle thu leh infiamna zahawm tak a ni thu sawiin, rilru leh ngaihtuahna sen ngai leh thluak hman tangkai ngai tak ani a, theih tawpchhuah zel ula, Mizoram mai ni lovin, Mizoram pawn lam thleng pawha Champion ni thei turin duhsakna ka hlan che u a ni a ti a. LADC Sorkar pawhin Sports tih hmasawnna turin hmalakna chi hrang hrang a nei mek zel a, result tha tak tak pawh kan hmu chho zel , a lawmawm tak zet a ni a ti bawk.

Khuallian chuan, Mizoram EM Trophy Chess Championship Rating Tournament khel tura lo kal zawng zawngte tluang taka an khelh theih nan duhsakna a hlan nghal bawk.

He hun hi Pu C. Vanlalruata, President, Lawngtlai Chess Association in a kaihruai a, Pu C. Lalhmangaihkima, Secretary-in Mizoram Chess Association President thuchah chhiar chhuakin, Report leh thil pawimawh puanna a nei bawk.

He inelna hian ni 3 chhung a awh dawn a, November ni 29 ah a hmawr bawkna neih tur niin, District hrang hrang atangin Players 49 zetin he inelna hi an hmachhawn dawn a ni.

Mizoram rating Tournament ah hian Champion in Sum fai Rs 20,000 bakah Trophy leh Certificate a dawng dawn a, pahnihna in sum fai Rs 10,000 leh Certificate leh pathumnain sum fai Rs 7,000 bakah mi-20 na thlengin consolation prize an dawng dawn bawk a ni.

MIZORAM SNOOLER 6 RED CHAMPIONSHIP: Semi final khel tur a chiang ta! Mizoram Snooker 6 Red Championship (2024-2025) chu ...
21/11/2024

MIZORAM SNOOLER 6 RED CHAMPIONSHIP: Semi final khel tur a chiang ta!

Mizoram Snooker 6 Red Championship (2024-2025) chu khel mekah Ningani tlai khan quarter finals khelh zawh niin semi final khel tur a chiang ta a, Zirtawpni tlaiah an khel zui ang.

Mizoram Snooker & Billiards Association (MSBA) buatsaih Mizoram Snooker 6 Red Championship quarter final-ah hian Lalrina Renthlei, Tuikhuahtlang; Lalsangzela, Khatla South; PB Liansangzuala, Dawrpui leh Samson Lalnuntluanga, Venghlui ten an tumpui theuh hnehin semi final an lut.

Race to 4-a khelh quarter final hian a rualin inkhel pahnih awmin a hmasa zawkah Lalrina'n Lalzawngkima chu 4-2-a hnehin semifinal a lut a, PB-a'n K. Lallawmkima chu 4-2 vekin a hneh bawk.

Inkhel hnuhnung pahnihah Samson-a hian Lalchhandama chu 4-3-a hnehin Sangzela'n Lalbiaksanga chu 4-0-a hnehin semifinal an inhawlh tling.

Semi final hi Zirtawpni tlaiah dar 5:00-ah Lalrina leh PB-a an inkhel ang a, tlai dar 6:30-ah Sangzela leh Samson-a te an inkhel dawn a. Inkhel pahnih hi Explore Mizoram-in an YouTube channel-ah live-in an tichhuak ang.

Mizoram Snooker 6 Red Championship hi Thawhtanni atang khan MSBA Hall, Hawla Indoor Stadium, Republic Vengthlang-a khelh tan niin Mizoram hmun hrang hrang aṭangin player 35 an tel.

Mizoram Snooker 6 Red Championship (2024-2025)
Semi Finals Fixtures Nov. 22, 2024 (Zirtawpni)
5:00 PM: Lalrina Renthlei vs PB Liansangzuala
6:30 PM: Lalsangzela vs Samson Lalnuntluanga

Hmeithai In thiahsaktuten dan an bawhchhia - CESJ Centre for Environment and Social Justice (CESJ) Mizoram te chuan Mizo...
20/11/2024

Hmeithai In thiahsaktuten dan an bawhchhia - CESJ

Centre for Environment and Social Justice (CESJ) Mizoram te chuan Mizo Society a thleng tura an duh loh ber hmeichhe awm nem zawk hmeithai a In atanga hnuk chhuak a, In thiah sak a nih chungchangah vawiin khan Seling-ah hma an la nghal, In thiahsaktuten dan an bawhchhia an ti.

CESJ chuan, "Hmeithai tap thawmin Mizoram mipui a Au eih a, kan hriat rualin Vawiin November 20, 2024 hian kan Working Chairman Vanramchhuangi (Ruatfela Nu), General Secretary VL. Thlamuanpuia () bakah kan Adviser Dr. Vanramliana (PUC) te bakah member dangte kan kal nghal a. Seling NGO/VC te nên VC House-ah meeting kan nei nghal a ni," an ti.

Centre for Environment and Social Justice chuan he thil thlenga inhnamhnawih, In thiah sak anihna tura Order petute thlengin dan palzûttu an ni an ti. In thiahna Order an dil pawha Seling khaw mipui NGO te hmaa Order copy pêk tur pawh neilo chunga In thiattu te chu dan anga hremna na tak an hmuh ngeih theihna tûrin na takin hma an la ngei dawn tih Mizoram mipuite an hriattîr. He thila inhnamhnawihte hian dan an bawhchhiatna a len avangin Court sang zawk beng a thlen theih nân hma an lak ngei tur thu an sawi.

FREE SKILL TRAININGLabour, Employment, Skill Development & Entrepreneurship Department (LESDED) bul tumin PMKVY 4.0 Sch...
19/11/2024

FREE SKILL TRAINING

Labour, Employment, Skill Development & Entrepreneurship Department
(LESDED) bul tumin PMKVY 4.0 Scheme hnuaiah Lawngtlai District-a chengte tan a thlawnin Baking technician leh Nail technician a training theih leh ta e.
Document Ngaite : Passport photo leh Aadhar card

Dil duh chuan December ni 10, 2024 aia tlai lovah enrollment tih tur a ni. Enrollmmet form lak theihna hmun.
1) Noel Variety Store, Bazar Veng.
2) Divine Skill Training Centre, Pu Laltlankima building, Electric Veng.
3) Kim kimi, Thingkah (8415983484)
4) K. Lalnunhlua, Thingkah (8132976758)
Enrollment ti hmasa apiang duhsak an ni ang.
Tin, a hnuaia number tarlanah hian Whatsapp hmangin Document a thawn theih bawk e.

Contact: 9233676559/9485384898/9862445511

𝐙𝐀𝐈𝐓𝐇𝐈𝐀𝐌 𝐉. 𝐋𝐀𝐋𝐑𝐎𝐒𝐀𝐍𝐆𝐀 𝐅𝐀𝐍𝐒 𝐓𝐄𝐍 𝐌𝐈𝐇𝐀𝐑𝐒𝐀 𝐓𝐄 𝐓𝐀𝐍𝐏𝐔𝐈 𝐍𝐀 𝐓𝐔𝐑𝐀 𝐀𝐍 𝐏𝐀𝐖𝐈𝐒𝐀 𝐓𝐇𝐀𝐖𝐇𝐊𝐇𝐀𝐖𝐌 𝐀𝐍 𝐋𝐎 𝐇𝐋𝐀𝐍 :Vawiin November ni 19,2024 ch...
19/11/2024

𝐙𝐀𝐈𝐓𝐇𝐈𝐀𝐌 𝐉. 𝐋𝐀𝐋𝐑𝐎𝐒𝐀𝐍𝐆𝐀 𝐅𝐀𝐍𝐒 𝐓𝐄𝐍 𝐌𝐈𝐇𝐀𝐑𝐒𝐀 𝐓𝐄 𝐓𝐀𝐍𝐏𝐔𝐈 𝐍𝐀 𝐓𝐔𝐑𝐀 𝐀𝐍 𝐏𝐀𝐖𝐈𝐒𝐀 𝐓𝐇𝐀𝐖𝐇𝐊𝐇𝐀𝐖𝐌 𝐀𝐍 𝐋𝐎 𝐇𝐋𝐀𝐍 :

Vawiin November ni 19,2024 chawhma dar 10:00am khan Youth Icon 2024 Top 5, J. Lalrosanga fans te chuan miharsa zawkte tana an pawisa thawh tlingkhawm cheng ₹26,220/- chu Zo Inspiration Foundation ah an lo hlan(donate) e.

Heng thilpek lo thawhkhawmtu te hi khawvel hmun hrang hrang, Macau, Singapore, Hongkong leh China ah te an awm a. A thawkhawmtu zawng zawng hi an sawi danin mi 29 lai an ni a, a tlangpuiin House Maid leh Home Nurse hna thawk te an ni.

An remchan ang tawk tete bank transaction kaltlangin an thawh khawm den den a, a tlingkhawm chu aiawh in tirin Chanmari, Aizawl a kan office ah an lo donate a. An aiawhtu hi Rsa unaupa in alo tawiawm bawk a ni.

Rsa fans te hmalakna hi a ropui kan tiin kan lawm takzet a ni. Tin, an hmalakna hmingchawitu Rsa pawh tun dinhmun a thleng hi kan lawmpui hle a, Pathian chakna rinchhan a hmalam pan zel turin duhsakna kan hlan e.

Address

Lawngtlai
796891

Telephone

+19862130477

Website

Alerts

Be the first to know and let us send you an email when Rauthla Newspaper posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Rauthla Newspaper:

Videos

Ruihhlo avangin maw.. Ava rapthlak em

Mizorama bungraw lak luhna lei pawimawh tak Laitui leh Tedim inkar lei chu Myanmar sipaite'n an tihchhiat avangin Mizorama bungraw lut tur video-a kan hmuh ang hian theih ang anga thiar kai a ni.

Protestors take down Modi Poster
Protestors take down Modi Poster

Manipur buaina a mizoram in kan ti ve theih tawk tiin sum leh pai thawhkhawm in kan unau te tan tiin kan pe fo a, engmah tham anilo e anti ta mai hi ape tu te rilru chu ana ve dawn anih hi. enge kan ngaihdan ve dan aw a tawng sual palh ani mailo maw....

Dr. K. Beichhua, MLA FUND ATANGA SAK SIAHA TO LAWNGTLAI TUIPUI A INKALPAWHNA TUR MARBOAT CHU MIPUI HMAN THEI TURA HAWN ANI Siaha The 6th September 2024: Siaha to Lawngtlai in kalpawhna awlsam zawkna tura ruahman/siam Marboat chu vawiin khan Siaha bialtu MLA Dr. K. Beichhua chuan a hawng. Siaha to Lawngtlai inkalpawhna awlsam thei zawkna tura ruahman Marboat hi Dr. K. Beichhua, MLA Fund 2024-2025 hmanga siam ani a, a hawng tu Dr. K Beichhuan chuan, Mara ram chauh nilo a, Mizoram pumpui Mipui in tangkai taka an hman thei nan leh, aneitu nihna hre reng chunga enkawlzui tu ni theuh turin thu achah bawk ani. He Marboat hi Pu. PS. Ngohra, Tipi Ferry Khua ami chuan ama thiamna hmanga asiamchhuah niin, a siam hunchhung atan ni 59 ahmang a, Marboat siamna tura sum sen zat hi Nuai sawmhnih pahnih (22,00,000) niin, Vawi 1 ah Maxi Cab (Sumo) pahnih leh car pahnih 2 phur thei tura ruahman ani a.

Mr. Joseph Vanlalhruaia Sail, a lecturer at Synod Higher Secondary School, Tuithiang Veng, Mizoram, has enhanced physical education by integrating virtual reality, fitness apps, and online platforms, making it more engaging and accessible. He also introduced alternative sports such as rock climbing, trekking, and adventure sports to cater to diverse interests and promote teamwork. He is being honoured with the National Award for Teachers 2024 for his outstanding contributions to education and nation-building.

Shortcuts

Share