The Lairam Times

06/03/2023

Pu Lal Ro Hlu Le Indra Kumar Rai Kap Tu A Rian In An Dinhter

The Lairam Times

Central Lairam, Lawngtlai, 2023 Vaute 06: Nizaan zaanlei suimilaam 6:15 hrawng ah a duty hawi Havildar pahnih a kaptu, Havildar Bimal Kanti Chakma (56) cu Indian Constitution Article 311 hmangin a rian Commandant 2nd MAP in dinhter (Dismissed ) a si. A thahmi hna chungkhar hna cu cozah nih compassionate appointment a pek hna lai.

Nihin chun suimilaam 11 ah khan IGP (hqrs.) John Neihlaia nih '' DGP conference hall ah media hna he tonnak ngei in, Hav. Bimal Kanti Chakma, 2nd Bn. MAP, Luangmual, Lunglei, Assam ramri Buapchep post i duty nih nizaan zaanlei suimilaam 6:16 ah Buarchep i an main camp pawng, Oil Palm hmunah NCO Barrack a hmeithal AK-47 rifle hmangin a tuanhawi a kah hna tiah a chim. Hi ahhin Hav. J. Lal Ro Hlu (51), 2nd Bn. MAP, Chammary Lawngtlai cu a hmunah a nunnak a liam, "Hav. Indra Kumar Rai (53), 2nd Bn. MAP, Luangmual, Lunglei zong Vairengte CHC phanhpi a si hnu zaan suimilaam 7:20 ah a nunnak a liam'' tiah a chim.

Hav. Indra Kumar Rai hi Hav. Z. Biakthara nih thil sining a hal i, Hav. Indra Kumar Rai nih cun zeihmanh i hmuhthiam lo nak an neih lo nak le Hav. Bimal Kanti Chakma nih meithal in a kah hna nak kong a chim.

A hliam a fah caah rianrang in Vairengte CHC lei panhpi colh a si, Asinain Vairengte CHC an phanhpi hnu, zaan suimilaam 7:20 ah a hliamtuar tuaring kho lo in a nunnak a liam.

Hav. J. Lal Ro Hlu hi a hnulei in a lu ah kah a si. Hav. Indra Kumar Rai hi a taang (chest) ah kah a si a taksa ah meithal kuan aa taap. Hi thilcannak hmun ahhin a kahnak hna meithal AK-47 Rifle (Butt No. 60) le magazine, meithal kuan 13 ummi he tlaih a si. Meithal thlah hnuah cartridge 15 hlei ah meithal ah ummi meithal kuan 1 zong tlaihchih a si.

Hav. Bimal Kanti Chakma (56 yrs) s/o Sigan Morot Chakma, Luangmual, Lunglei, Camp: Buarchep hi Police es**rt tangah rianrang in Vairengte PS lei ah panhpi a si colh. A chim ningah Hav. J. Lal Ro Hlu le Hav. Indra Kumar Rai nih zu a rit tawn caah Commander sinah an report tawn, hi zanlei ahhin an pahnih sinah zeiruangah post commander sin report an tuah tawnnak kong thinhang bu in a hal hna i a meithal in a kah colh hna nak a chim.

Hav. Bimal Kanti Chakma hi CJM Court, Kolasib ah Judicial Remand dingin kuat a si. Kolasib District Jail ah chiah colh a si.

Hi kongkau ahhin Vairengte PS ah case register colh a si i, a case No. cu Vairengte PS C/No. 12/23 Dt. 05.03.2023 U/S 302 IPC a si.

Hav. Bimal Kanti Chakma hi Indian Constitution Article 311 hmangin a service rian Commandant 2nd MAP in dinhter a si. (vide Order No. No. 2BN/R-37/2023/3556 Dt. 6.3.2023)

Nunnak liammi hna ruak cu Lunglei le Lawngtlai ah phanhpi an si cang.

05/03/2023

Ramri Duty Havidar Bimalkanti Nih Pu Lal Ro Hlu le Indra Kumar Rai Thi Lak In A Kah Hna

The Lairam Times

Central Lairam, Lawngtlai, 2023 Vaute 5: 2023 Vaute 5 zaan suimilaam 7 hrawng ah Assam le Mizoram ramri Buarchep, Oil Palm Camp hmun duty Havidar Bimalkanti Chakma nih a duty hawi Havidar pahnih thilak in a kah hna.

Hi meithal kahnak hi fianghlang in theihfian a si lo nain Havidar Bimalkanti Chakma hi zu a ri tiah an chim. A kahmi hna pahnih hna he hin 2nd Bn. MAP an si.

Bimalkanti Chakma hi Lunglei Luangmual ah ummi a si, a meithal hmanmi hi M 16 Rifle a si. Pu J. Lal Ro Hlu k*m 51 s/o Pu Khen Iap, Lawngtlai cu Vairengte sii-inn phanhpi si hnuah a nunnak a liam. Cun Indra Kumar Rai zong sii-inn phanhpi a si hnuah a nunnak liam.

05/03/2023

Dawnzuk Cin Chunmi Hlawhtlin A Si

Farm Manager,KVK Lawngtlai Pu Malsawmkima Vanchawng nih, Dawnzuk an cin chun cu Dawnzuk dangnak in, a hawng a pan i, eiding a tam ngai, a pum a ngan tuk lo, zuarzamh a fawi i, Dawnzuk dang nak in a thlum deuh caah zapi zong nih an duh khun lai tiah a chim.

Relnak
https://thelairamtimes.com/2023/03/05/dawnzuk-cin-chunmi-hlawhtlin-a-si/https://thelairamtimes.com/2023/03/05/dawnzuk-cin-chunmi-hlawhtlin-a-si/

Dawnzuk Cin Chunmi Hlawhtlin A Si, KVK Lawngtlai nih Lawngtlai pawng Tuiphal hmunah a caankel lo ah Dawnzuk hlawhtling ngai in an thar chuah. KVK Lawngtlai hna nih Pu Lalmuansanga cu, Dawnzuk, Namd…

04/03/2023

Central YLA Hruaitu Nih Parva Hmun Ah Ralzaam An Veh Hna

The Lairam Times

Central Lairam, Lawngtlai, 2023 Vaute 04 : 2023 Vaute 3 ah Central YLA hruaitu hna nih Parva hmunah Bangladesh in kan unau ralzaam hna cu veh in caan an hmang.

Parva hmunah ralzaam vehnak ahhin Central YLA Vice President Pu F. Lalrothang le General Secretary Pu Joseph Lalhmingthang Cinzah hna le Central YLA Office Bearers le CEC member zeimawzat an kal i, Parva hmun ralzaam camp ah ralzaam hna he biaruahnak ngei in an harsatnak le silhnalh piak ding kong an chim.

Hi hmun ahhin Parva hmunah *Border Security Force (BSF) le Assam Rifles hna zong tong in, ralzaam hna harsatnak kongkau le BSF sinin bawmhchanhnak kongkau tuankhat ding zong chim in le, ralzaam hna sinah bawmhnak, an herhhai thilri le eidin zeimawzat pek an si fawn.

Central YLA nih cun Bangladesh Laimi le Myanmar Laimi ralzaam hna dirhmun hi a zulhdawi peng lai i, a si khawhchung in a tuamhlawm peng lai. An harsatnak le an buainak kongkau zong an si khawhchung in a dirkamh peng lai. An herhmi hna zong a herh ningin an tuaktan piak hna lai.

04/03/2023

LIKBK Sangau Mino Nih Thi Hlut

The Lairam Times

Central Lairam, Sangau, 2023 Vaute 4: Nihin 2023 Vaute 4 ah LIKBKṬP Blood Donation Calendar timhtuahnak bantukin LIKBK Sangau E&W pastor bial Mino hna nih Blood Donation Camp an ngei i, Lawngtlai Blood Bank rianțuantu hna Sangau ah kal in thi hi hlut a si. Thi Unit 43 (pa 33 le nu 10) an pek tiah kan theih.

03/03/2023

Lawngtlai Ah Sunglawi Ngai In Chapchar K*t 2023 Hman A Si

Lai miphun laam ruakkhatlak, Conglaizonh, sarlaam, le laam dangdang in an laam. ANM School Lawngtlai cawnglio lemcang tawi hmuhsaknak tuah a si fawn. CYLA aiawh in YLA Electric Veng Branch, Lawngtlai nih Chin hrinsor thuam phunphun an langhter. Lawngtlai khua leng in hlasakthiam ra kho, Sangtei Khuptong le tualchung hlasakthiam, Latei Hringngen, Vanlalzawmpuii Hrahsel, Elizabeth K. Lalbiakhluni, T. Lalhlimpuii le R. Laldinpuia hna nih hlasaknak an ngeih.

Chin hrinsor thuam aa thuammi lakah ngakchia in Chapchar K*t Little Miss-ah Eunice Lalhriatzuali Fanai (k*m 3), Bazar Veng, Lawngtlai le Little Mister-ah Manase H. Lalrammuanpuia, Council Veng, Lawngtlai hna thim an si.

Relnak
https://thelairamtimes.com/2023/03/03/lawngtlai-ah-sunglawi-ngai-in-chapchar-k*t-2023-hman-a-si/https://thelairamtimes.com/2023/03/03/lawngtlai-ah-sunglawi-ngai-in-chapchar-k*t-2023-hman-a-si/https://thelairamtimes.com/2023/03/03/lawngtlai-ah-sunglawi-ngai-in-chapchar-k*t-2023-hman-a-si/

03/03/2023

Lawngtlai Ummi Zapi Nih Hngalh Awk

The Lairam Times

Central Lairam, Lawngtlai, 2023 Vaute 03 : Thal a hung phan cang, ngakchia le tleirawl tulefa fanau hna cu Tuipui Ferry lei ah an kal țheo tawn, poipang ton sual a um lai phan a si caah nulepa hna nih fale biatakin zohkhenh a hau. Cun Tuipui kam le hmunrem ah nungak tlangval rithaisii he nuamhnak an tuah tiah bia a um caah, vengchung nulepa hna nih fanau hna tha te'n zohkhenh a hau hrim ko.

Cu hlei ah Tuipui Ferry Road tha te Black-top a si dih caah sang dang in nungak le tlangval le rithaisii tuah țheo mi zong a kal an tam. Sang dang in a kal țheo mi hna a tlangpi in lirthei(Car) he an si deuh hna, hi hna hi an kal lei le tlunlei ah rianrang ngai in an kal tawn, zapi le nu le ngakchia caah thinphan awk ngai le khawndennak a phanhpi khawh caah i ranrin cio dingin YLA Council Veng Branch nih thanhnak an tuah.

02/03/2023

B20 MEETING NGEIH A SI

B20 meeting ahhin ram 17 (Argentina, Bangladesh, Bhutan, Canada, Costa Rica, Cote D’Ivoire (Ivory Coast), China, France, Germany, Ghana, Japan, Nepal, Russia, Sri Lanka, South Africa, United States le Zimbabwe) in an rak rat hlei ah Indian le local business ngeitu hna an i tel. Visiting dignitary hna hi overseas business delegate 48 le diplomat 17 an si. Bhutan, Bangladesh le Japan in a ra mi zong an um. Zaanlei ah MZU ah zaanriah timhlamh piak an si. Thaizing Aizawl Chapchar K*t lawmhnak ah delegate hna hi i tel dingin Mizoram cozah nih an sawm fawn hna.

Relnak
https://thelairamtimes.com/2023/03/02/b20-meeting-ngeih-a-si/https://thelairamtimes.com/2023/03/02/b20-meeting-ngeih-a-si/https://thelairamtimes.com/2023/03/02/b20-meeting-ngeih-a-si/

28/02/2023

Nunnak Liam Cangmi Ah Ruahmi Za Hlei Par Kha ?

The Lairam Times

Central Lairam, Lawngtlai, 2023 Nohawng 28 : 2023 Nohawng 6 ah Melthum, Aizawl ah a ruak chia ngai cangmi in an rak char ( a nuța nih) Za Hlei Par k*m 28 a si tiah fehter ruangah 2023 Nohawng 9 ah Lawngtlai Vengpui thlanhmun ah an vui cangmi cu 2023 Nohawng 28 ah Za Hlei Par a si lo tiah theih a si. Za Hlei Par hi TBCC Home, Zuangtui ah dam te'n a um lio a si. ( Ruak hi a chiat ngai caah a muifang fianghlang in theihfian a si lo, a ke in amah a si ko tiah a nuța nih a chim caah Lawngtlai Vengpui thlanhmun ah vui a si)

Za Hlei Par ruak ah ruahmi an vui cangmi kongkau ah palek zong theihter an si cang i, Lawngtlai Vengpui thlahmun a umnak hmun in lak a si rih lo. Ruak theifiangtu an um hnu lawngah a ruak hi thial in țhial a si te lai. Cu hlan cu Branch YLA nih a thlan hi an zohkhenh rih lai.

27/02/2023

LSA Nih Pu R. Lalzirliana nih ngaihthiam halnak tuah seh tiah an theihter

Lai Students’ Association, General Headquarters : Lawngtlai nih Pu R. Lalzirliana, Minister, District Council & Minority Affairs Department tlaitu cu Assembly House ah a biachimmi kong ah ngaihthiam halnak tuah seh tiah cathanh an chuah.

Hihi a hlawhtlin lo ah cun LSA nih Pu R. Lalzirliana hi cozah thil ah maw Election Campaign thil zongah maw Lawngtlai District vulei kongah i thlak lo dingin an duhnak cathanh an chuah.

Relnak
https://thelairamtimes.com/2023/02/27/lsa-nih-pu-r-lalzirliana-nih-ngaihthiam-halnak-tuah-seh-tiah-an-theihter/https://thelairamtimes.com/2023/02/27/lsa-nih-pu-r-lalzirliana-nih-ngaihthiam-halnak-tuah-seh-tiah-an-theihter/

27/02/2023

Minister Pu Lalzirliana Nih Miphun Namnehnak Bia A Chimmi Ah CYLA Nih Theihternak An Tuah

1. ''Pu R.Lalzirliana, DC&MA tlaitu Minister nih ADC chungum zapi lungthin fahter hoih in bia a chim ruang ah mah bia a chimnak Assembly House lila ahhin ADC Area chungum zapi sinah ngaihthiam nawlnak bia chim ṭhan ding in kan theihter a si''.

2. '' Mizoram biaceihnak sangbik ngeihnak hmun Assembly House ah hi bantukin ADC Area chungum zapi serhsatnak langhter duhtu DC&MA Minister kan ngeih hi kan vanchia taktak. Hibantuk in a kan nehsawhtu Pu R.Lalzirliana nih District Council & Minority Affairs Department a zohkhenh peng hi a chungum zapi caah a him lo tiah kan ruah. Cucaah DC&MA Department zohkhenhnak rian tlai ding hin amah si lo in midang thiah ding in Mizoram Chief Minister kan nawl fawn''.

''A cung i kan duhnak le nawlnak hna khi a hlawhtlin khawh nakding in le Autonomous District Council chungum mizapi nih ṭhanchonak lam kan hrawn khawh nakding hin Central YLA nih cun kar a hlang peng lai.
Relnak
https://thelairamtimes.com/2023/02/27/minister-pu-lalzirliana-nih-miphun-namnehnak-bia-a-chimmi-ah-cyla-nih-theihternak-an-tuah/
https://thelairamtimes.com/2023/02/27/minister-pu-lalzirliana-nih-miphun-namnehnak-bia-a-chimmi-ah-cyla-nih-theihternak-an-tuah/

27/02/2023

Hmanthlak

The Lairam Times

Central Lairam, Lawngtlai, 2023 Nohawng 27 : East Lairam, Matupi peng in Central Lairam Lawngtlai ah a rak i dormi hna nih an umnak, Canaan Camp sianglairuun inn sakmi cu siangngakchia, siangcachimtu hna, Camp leaders, Biaknaklei hna nih nihin 2023 Nohawng 17 ah onnak an tuah.

27/02/2023

“We Are The World” hla chuah ning

Tulio maivan chungah a lar ngaimi le uar ngaimi Chinlung Chuak Artist cover timi “We Are The World” hla cu ni 20 hrawngah 1 million leng nih an zoh cang.

1983 ah Ethiopia ram ah paam a rak tlung i k*m 3 chungah harsatnak, damlonak le rawl-ei-ding ngei lo in minung 1.2 million hrawng an nunnak a rak liam.

Khuasak tintuknak ruat in inn le lo chuahtakmi (internally displaced) minung 2.5 million an um i, rampi chuahtakmi (refugees) minung 400,000 um i, ngakṭah ngakchia 200,000 hrawng an um.

Relnak
https://thelairamtimes.com/2023/02/27/mi-theih-tuk-lo-mi-we-are-the-world-hla-chuah-ning/
https://thelairamtimes.com/2023/02/27/mi-theih-tuk-lo-mi-we-are-the-world-hla-chuah-ning/

26/02/2023

Pastor In CDF-Mindat Ah Lutmi Miphun Caah Nunnak Liam

Pastor dirhmun in CDF-Mindat ah lutmi ralhraang hriam ruangah Nohawng 25 ah miphun le ram caah a nunnak a liam.

Nunnak liammi Billy Aung Thang hi Yangon khuapi ngaktah sianginn in a thangmi a si, cu hnuah Baibal sianginn a kai i a lim hnu ah Pastor riantuanmi a si. Ralhraang nih nawlngeihnak lak an timhthawk in Pastor rian dinhtak in miphun caah hriamtlaimi a si.

25/02/2023

Thantlang Ah Miphun Ralkap 2 Nunnak Liam

East Lairam, Thantlang khua ah CNA, CDF hna cu ralhraang nih nihin ah vanlawng in an kah hna hlei ah chunnitlak tluk kahdohnak a chuak i, CNA pakhat CDF pakhat nih miphun le ram caah an nunnak an pek.

Ralhraang nih vanlawng in bomb voi 20 hrawng a thlak hna. Nunnak liammi hna cu CNA in Salai Zakhariah le CDF-Thantlang Salai Lian Bawi Ceu hna an si.

25/02/2023

Pu V. Zirsang, LADC, CEM

'' Mizoram khuathlang lei khuasa le lamhla deuh ummi hna khi Lai pasalțha hna țih ruangah a zaammi an si. Youtube ah Lai pasalțha an zaamtermi kong cu ka zoh huam lo, Whatapp i an share zong ah ka delete lengmang''.
Relnak
https://thelairamtimes.com/2023/02/25/khualpa-pu-v-zirsang-ladc-cem/
https://thelairamtimes.com/2023/02/25/khualpa-pu-v-zirsang-ladc-cem/

25/02/2023

2023 Central Lairam khualipi Lawngtlai, Hlukhla Miss

25/02/2023

F. Lalramhnai - Chin miphun nih len kan cim rih lo, | Hlukhla 2023 Lawngtlai

24/02/2023

2023 Hlukhla Khualtha Pu VL Hmuak LADC Chairman Biachim

Miphun ziarang langhternak hmun kan hman khawh hi a sunglawi tuk. Caan liamcia ah Chapchar k*t le Hlukhla fonh in kan rak hmang cu hnu cun Hlukhla hi pehzulh in kalpi a si. Pehzulh thliahmah dingin mino hna nan lungah a um ruahchannak ka ngei.

2023 Hlukhla Khualtha Pu VL Hmuak LADC Chairman Biachim , Miphun ziarang langhternak hmun kan hman khawh hi a sunglawi tuk. Caan liamcia ah Chapchar k*t le Hlukhla fonh in kan rak hmang cu hnu cun …

24/02/2023

2023 Hlukhla Ah Pu BN Thangpui Biachim

'' Hluthla hi Laimi caah a sunglawi tukmi a si. Lovah in lo duah hlan ah rak hman a si. Laimi hi kan tlau ngaingai. LADC zong nihin tiang kanmah miphun ni zong hmang lo in k*m 2017 thawk khan Hlukhla hi hman a si i nihin cun a voinga nak a si. Upatmi Pu T. Za Kung caan ah sunglawi ngai in rak hman thawk a si. Amah nih a thawk''.

2023 Hlukhla Ah Pu BN Thangpui Biachim ” Hluthla hi Laimi caah a sunglawi tukmi a si. Lovah in lo duah hlan ah rak hman a si. Laimi hi kan tlau ngaingai. LADC zong nihin tiang kanmah miphun n…

24/02/2023

Lawngtlai Ah Drugs Awareness Rally Tuah A Si

Nihin ah Lawngtlai palek hna nih Lawngtlai District chung ah rithaii dohnak kalpi cuahmahnak ah National Cadet Corps (NCC), Don Bosco School hna le Drugs Reduction Squad, CYLA hna i bawm in Lawngtlai khuapi chungah rithaii dohnak lamzawh "Drugs Awareness Rally" an tuah.

Hi Rally ahhin Lawngtlai Sub-Divisional Police Officer Pu Beimosia Lapi nih Lawngtlai khuapi chungah rihhaidii dohnak Drugs Reduction Squad, CYLA , YLA branch kip hna le zapi cungah lawmhbia a chim. Lawngtlai khuapi le District pi ah rithaisii lakah a thianhlimnak hnga tuanjhat peng in sawmnak a tuah.

Lawngtlai palek nih nik*m, 2022 in biatak te'n rithaisii dohnak hi an thawk i, nik*m in tuk*m Tangkawng tiang ND&PS Act tangah case 17 tuah in, rithaisii he pehtlai mi minung 25 an tlaih hna. He**in gram 407.68, G***a gram 166.55 le O***m kg 2 an tlaih. Cu hlei ah District Headquarters chungah High School le higher secondary school kip 12 ah drug le cyber awareness campaign zong an tuah.

24/02/2023

SANGAU ZAPI LE SANGAU AH AA DORMI HNA NIH THEIH DING

The Lairam Times

Central Lairam, Sangau, 2023 Nohawng 24: Young Lai Association, Sub-Hqrs: Sangau nih cun a luancia k*m caan saupi thawk in a pengchung ah Tizu Ngacel humhaknak a rak kalpi peng cang i, a bik in Ceuva humhaknak kong ah zapi kan i daithlang ngaingai in a lang, cucaah Young Lai Association, Sub-Hqrs: Sangau nih cun fakpi in Ceuva humhaknak hi kalpi ṭhan si seh a ti i, zapi nih zulhpiak hram ding nawlnak an tuah. Ceuva humhaknak kong i theih herhmi bia cu:*

*1. Motor lampi pawng Ceuva kam ah le a pawngkam ah hnawmtam hlonh le lunglak sian a si lo.*

*2. Ceuva ah Dynamo, Siivai (Tur), Thinghnah & Hrizun (Hru) den le parathlei, Lenkhang zar (hman) sian a si lo.*

*3. Nga kah ruh sian a si lo.*

*4. Ngahring dawi le sio thlak lawng in Nga tlaih sian a si.*

*5. Lung den sian a si lo.*

*6. Ngahring dawi le sio thlak dah ti lo Nga tlaih dan phundang hrimhrim in Nga tlaih kha sian a si lo.*

*7. Ceuva humhak kong ah YLA bia a zul duh lomi le sian lo thil a hmangmi cu tlaihkhih maw hngalh an si ahcun ₹.10000 cawiliam khinh an si lai.*

23/02/2023

Republic Veng SBI ATM Bomb Puahtu Palek Nih An Tlaih

2023 Nohawng 18 zinglei suimilaam 2:50 hrawng ah Republic veng, SBI ATM gelatine nih hrawktu Emmanuel Lalbiakzauva (24) s/o PC. Chhuahkhama (L) Bawngthah khua, tu ah Ramhlun North, Aizawl ah khuasa mi cu palek nih an tlaih.

Nihin zaanlei suimilaam 1 ah Aizawl SP, C. Lalruaia nih media hna kom in, sualnak tuah tu tlaih a sinak kong a chim. Aizawl SP chim ning in, Republic Veng, SBI ATM bomb in puah kongkau ah Special Investigation team dirh a si, tha te'n nehnang zulhdawi rian an tuan.

Emmanuel Lalbiakzauva hi college kaimi a sinain a cawnnak a lim lo, a um paoh riantuan in a hlawhfa tawn, Ramhlun North R. Lalthlamuana building ah a farnu he khuasa mi an si.

Republic Veng SBI ATM Bomb Puahtu Palek Nih An Tlaih, 2023 Nohawng 18 zinglei suimilaam 2:50 hrawng ah Republic veng, SBI ATM gelatine nih hrawktu Emmanuel Lalbiakzauva (24) s/o PC. Chhuahkhama (L)…

23/02/2023

Lai Cozah CEM Pu V. Zirsang nih lakh 950 in sakmi inn 3 on

Lai Autonomous District Council i Chief Executive Member, Pu V.Zirsanga nih nihin ah Lawngtlai ah Building pahnih Tribal Girls Hostel, Skill Development & Training Centre leh Vombuk khua Community Centre hmunkhat ah a on hna.

Pu V.Zirsang nih cun '' Thanchonak ding ram nih a neihchap cu lawmh awk ngai a si, rianțuantu hna nih tha te'n an țuan ah cun ram thanchonak a um tawn, cozah hmalaknak cu zapi nih theidih hna hlah hmanhseh mitam pi nih hlawknak ngei in thanchonak theipar a par tawn, Lakh 950 in Building biapi taktak pathum sakmi hi zapi caah thahnem santlai a si lai'' tiah a chim.

Lawngtlai Vengpi bialtu MDC, LADC ah Chairman Pu VL Hmuak nih cun ''
Relnak
https://thelairamtimes.com/2023/02/23/lai-cozah-cem-pu-v-zirsang-nih-lakh-950-in-sakmi-inn-3-on/https://thelairamtimes.com/2023/02/23/lai-cozah-cem-pu-v-zirsang-nih-lakh-950-in-sakmi-inn-3-on/https://thelairamtimes.com/2023/02/23/lai-cozah-cem-pu-v-zirsang-nih-lakh-950-in-sakmi-inn-3-on/

23/02/2023

Bangladesh in Lawngtlai District ah ralzaam venhimnak kong caih

Kuki-Chin National Army le Bangladesh Army i kahnak ruangah Bangladesh in Lawngtlai District chungah nunhimnak kawl in a rak zaami hna dirhmun ramri dirhmun le zapi himnak kongkau cu nizaan ah khan Lawngtlai Zipeng Pu David Lalthantluanga telh in NIC Conference Room, Lawngtlai ah hybrid mode (offline le online) tonnak tuah a si.

Relnak
https://thelairamtimes.com/2023/02/23/bangladesh-in-lawngtlai-district-ah-ralzaam-venhimnak-kong-caih/https://thelairamtimes.com/2023/02/23/bangladesh-in-lawngtlai-district-ah-ralzaam-venhimnak-kong-caih/

22/02/2023

ZMC Ah Ngakchia Taksa Phir Tha Te'n Then

Nihin ah Mizoram ah a voikhatnak bik ngakchia taksa seng ' conjoined twins' cu Zoram Medical College-ah hlawhtling takin thenpiak an si. ZMC NICU ah tha te'n zohkhenh an si. A thentu Team leader Dr.John Lalliandinga, Associate Professor of Surgery and Paediatric Surgeon, ZMC telh in Plastic Surgeon, General Surgeon le Anesthesiologist hna nih suimilaam 3 chung ah an then khawh hna hi a si. Thin (liver) pakhat hrawmmi an si caah nausem pahnih hi thin pakhat nih a nunh khawh hna lo ding an si caah nausem pakhat chanhnak ah thin hi then a hau, tu dirhmun ah cun an pahnih in an dam veve i ZMC NICU ah tha te'n zohkhenh an si.

Nausem seng then hi Lawngtlai district ah 2023 Nohawng 9 ah an chuak i, sining an i hrawmnak a tam hlei ah an thin (liver) a hrawmmi an si. Then an si hlan ah ZMC Radiologist nih contrast CT Scan hmangin an thisen hrawmnak hna zoh hmasa in, test phunphun an tuah hnuah mithiammi hmang in le an nulepa hna remtinak (consent) an lak hnuah pakhat paoh an nundam ruahchanh a si.

Conjoined twins hi nausen seng an taksa aa hrawmmi an si. vulei cungah hi bantuk nausem hi nuai leng an um lai tiah ruah a si. Taksa hrawmmi an si caah nundam lo a fawi ngaimi a si.

22/02/2023

LADC Tang Price Control Committee nih rate dik lo thil zuar tawnmi report dingin zapi sawm

Pu C.Hrangthianga nih, thil dik lo sersiam kan duh ah cun kan tanrual a hau. Thildik lo kan complaint ahhin misual bantukin i ruat usihlaw, cozah kan bawmh a si, thildik kan duh caah a si tihi zapi nih kan hngalh ah a tha, cucaah rate dik lo in thil kan c**k a si ah cun complaint tuah dingin zapi sin cahnak a ngeih.

Relnak
https://thelairamtimes.com/2023/02/22/ladc-tang-price-control-committee-nih-rate-dik-lo-thil-zuar-tawnmi-report-dingin-zapi-sawm/
https://thelairamtimes.com/2023/02/22/ladc-tang-price-control-committee-nih-rate-dik-lo-thil-zuar-tawnmi-report-dingin-zapi-sawm/
https://thelairamtimes.com/2023/02/22/ladc-tang-price-control-committee-nih-rate-dik-lo-thil-zuar-tawnmi-report-dingin-zapi-sawm/

21/02/2023

Sumo Accident Nak In East Laimi 3 Hliamtuar

The Lairam Times

Central Lairam, Lawngtlai 2023 Nohawng 21: Nihin 2023 Nohawng 21 ah, Sangau Sumo, Pu Duhawma - Driver le a Passenger hna cu Sialsuk khua pawng ah Vai motor he an i tonnak ah lamchak lei a pah caah an dihlak in hliam an tuar, nunnak liammi cu an um lo, Sialsuk YMA nih an rak tawlrel hna i, Sialsuk sii-inn ah an panhpi hna hnuah a zualhma deuhmi hna kha Aizawl ZMC ah an kuat hna.

Sumo Accident in hliamtuarmi hna cu

1.Pi Vanlalhruaii, Champhai.

2.Pi Hniarbawr

3.Ruju Laskar- Khatla.

4.Pi Tha Hlei Sung = Hriangkhan

5. Pi Mang Tial = Hriangkhan

6.Van Iang Hlei = Hriangkhan

7. Pi Chinneihkimi = Sangau

Hi hliamtuarmi hna hi ZMC Hospital falkawn ah conghramh an si i, Sangau East bialtu MLA, Pu H.Biakzaua zong accident mi buaipi dingin ZMC Falkawn a phan colh ve.

Sangau Welfare committee Aizawl hna zong nih an bultawl hna.

20/02/2023

Central YLA President Pu HC. Vanlalruatpuia Nih YLA Bualpui NG Sub-HQ Office - F. Zahleia Run A On

The Lairam Times

Central Lairam, Lawngtlai, 2023 Nohawng 20: 2023 Nohawng 20 ah Bualpui NG, Lawngtlai District ah *Pu F. Zahleia (L) chungkgar hna nih an pa philhlonak caah an sak YLA Bualpui NG Sub-HQ Office - F. Zahleia Run cu Central YLA President Pu HC. Vanlalruatpuia nih a on

YLA Bualpui NG Sub-HQ Office , F. Zahleia Run, onnak Programme hi YLA Bualpui NG Sub-HQ President Pu H. Hmunliana nih hruai in, Central YLA General Secretary Pu Joseph Lalhmingthanga Cinzah zong nih biachimnak a ngeih. Cun Central YLA Fin. Secretary Pu T. Rohlupuia le Adviser Pu Thathluna Cinzah hna nih Central YLA min in laksawng an pek hna.

Sub-HQ Office onnak Programme ahhin Sub-HQ Office satu ,Pu F. Zahleia fanu Pi Laldawmdingi w/o Pu C. Hmingthantluanga (TT Construction) nih bia a chim. Sub-HQ Secretary Pu Lalzidinga Cinzah nih report pe in Sub-HQ Office satu hna chungkhar sinah lamwhnak laksawng an pek hna.

Sub-HQ Office onnak Programme ahhin hlasak thiam hna nih hla an sak hlei ah miphun laam laamnak zonf an ngei. Zaanlei ah Sub-HQ Office thar lawmhnak rawldumtinak ngeih a si.

Sub-HQ Office onnak Programme ahhin Central YLA O.B le CEC member hna hlei ah, Pu F. Zahleia (L) chungkhar hna, Bualpui NG Sub-HQ huamchung Branch YLA kip hruaitu hna le Bualpui NG Khrihfabu, Village Council, zaanghleicawi pawp hruaitu hna le cozah lei hruaitu hna sawm an si bantukin an i tel.

20/02/2023

75 CND & CDF Matupi Fundraising Hlunghlai Ngai In Tuah A Si

The Lairam Times

Central Lairam, Lawngtlai, 2023 Nohawng 20 : 75 Chin National Day & Matupi Fundraising cu Central Lairam khualipi Lawngtlai khua CYLA Certual ah nihin ah hlunghlai ngai in an tuah. Hi Fundraising hi Nohawng 14 zaangleknak in thawk a si i, Nohawng 20 ah Final chuih in le 75 Chin National Day hman pah in Saikah FC le Vengpui FC an chuih i Vengpui FC nih an tei hna.

Hi 75 Chin National Day & CDF Matupi Fundraising hmannak hi Lairam cozah ah EM Pu JB Vanhoy nih khuallian in a hman pi hna, Pu JB Vanhoy nih cun '' Nihin kan nih Chin miphun hi mitlawm sihmanh usilaw, Chin National Day zong a voi 75 nak tiang phan kho dingin lam a kan hruaitu Pathian cu thangthat in um ko seh. Kan nih Chin miphun cu Burma ram, India ram, Bangladesh ram ah um hmanh usilaw unau kan si, Bawm, Pang, Lai le miphun dang hna zong Chin kan si dih. Hi kan miphun kan runven khawhnak dingah a biapi bik cu Pathian kan i tlaih ding hi a si.

Pu Peng Lian MRCR Chairman nih lawmhbia chim pah in le Matupi peng in Mizoram ah phanmi report a chim '' a chimmi chungah Aizawl District ah Camp 7, chungkhar 294, milu 1270. Mamit District ah Camp 1, chungkhar 34, milu 167. Hnahthial District ah Camp 1, chungkhar 21, milu 86, Lunglei District ah Camp 12: chungkhar 463, milu 1767, Siaha District ah Camp 7, chungkhar 186, milu 800, Lawngtlai District ah Camp 19, chungkhar 1745, milu 3181, an dihlak ah chungkhar 1743 milu in minung 7271 kan si '' tiah a chim.

Relnak
https://thelairamtimes.com/2023/02/20/75-cnd-cdf-matupi-fundraising-hlunghlai-ngai-in-tuah-a-si/https://thelairamtimes.com/2023/02/20/75-cnd-cdf-matupi-fundraising-hlunghlai-ngai-in-tuah-a-si/https://thelairamtimes.com/2023/02/20/75-cnd-cdf-matupi-fundraising-hlunghlai-ngai-in-tuah-a-si/

20/02/2023

Pu No Lal Ling Laiholh Thiamnak Dingah Lai Baibal Rel, Laihla Sak

" Thantlang khua in Lawngtlai ah kan hung zaam, zeiruangah Lawngtlai theng hi kaa thim tiahcun Lawngtlai cu Lai khualipi a si caah Laiholh an thiam lai ti ruahchannak he ka hungphan. A zaan cu kan it, a thaizing ah '' In Tho Tha Em '' an kan ti, an ka chawnh ning cun '' Tho Tha Ee'' tiah ka leh hna. Nohawng thla ah khan ka innchungnu a ța nih a kan liamtak, sangmi hna le Khrihfabu nih an kan thutpi, cu i ka chimmi cu ralzaam ti'n hung kan nek hlah u, nanmah zong mipem nan si ve ko, Lawngtlai kek ngai nan si lo tiah ka chim''.

relnak

Pu No Lal Ling Laiholh Thiamnak Dingah Lai Baibal Rel, Laihla Sak ” Thantlang khua in Lawngtlai ah kan hung zaam, zeiruangah Lawngtlai theng hi kaa thim tiahcun Lawngtlai cu Lai khualipi a si…

20/02/2023

Pu T. Za Kung (MDC) A Ralthami Miphun Kan Ralchia

'' Mara ah Laipa nih Mara EM a tuan ngam lo, zeiruangah Department ah biahalnak an ka ngeih lai i, ka let kho hna lai lo a ti caah thudan ah a thu ngam lo, a ruang cu anmah Mara holh in khuakhan lairelnak an ngeih caah a si. Miphun dang nih anmah sinak an i fiang, kan nih cu kan i thawkka a si cu hmanh ah kan lung aa rual lo ning''.

A tanglei ah tling te'n rel khawh a si.

Pu T. Za Kung (MDC) A Ralthami Miphun Kan Ralchia ” Tuchung hrawng ka lungthin ah a ummi cu Laimi kan sinak ka ruah tikah Lai miphun sinak Lai sinak a tlau kho kan si cang. Vulei cung sining …

20/02/2023

CNDF Ralkap Pakhat Ralhraang Nih An Tlaih Hnuah An Thah

The Lairam Times

Central Lairam, Lawngtlai, 2023 Nohawng 20: 2023 Nohawng 19 zaan suimilaam 9:30 hrawng ah Kalay, Tawngzalat veng ah ralhraang nih CNDF ralkap kan thah tiah an thanh.

CNDF ah hruaitu pakhat si ve mi nih hitihin a langhter '' Nawnaw ram le miphun na dawt ruangah zapi ralkap ah na lut i, a tu ah hi bantuk in na can cu kan ngaihchia tuk, upatnak kan in pek, zaangdam te'n i din mu''

'' A nih hi CNDF B-4 a si ( raldohnak ah siseh khuachung mission ah siseh CNDF ralkap nunnak liammi 25 an si cang)'' tiah a langhter.

19/02/2023

CDF-Mara Amos Nunnak Liam

East Lairam, Mara ram Tisi le Taula kar ralhraang le Chinland ralkap kahdohnak ah CDF Mara in Amos nih miphun le ram caah a nunnak a pek.

18/02/2023

Pu K. Hre Kung (MDC) Raltuk Silomi Laiholh An Cawn I An Thiam Ko

Ka innthlang ah Matupi lei pumpululh an chuih tawn, anmah Matu holh in holh lo in Kawlholh in an holh, Matu holh in zakhat ah sawmsarih cu an i thei ko, Bru, Chakma, hi khoika an phanh hmanh ah an holh an philh lo, Bru hrimhrim cu an philh lo, ralkap an si zongah Gahati i an chiahnak hna zong an philh bal lo.

Laimi nih phunglam kan ngeih, nupi thit tik zongah, cu kan phunglam cu hmang lo in Lawngtlai phun an hei ti, Mar tidan Lushai tidan kan i lak. Kan phunglam kan kilven kan tlaih a hau, kan kilven tlaih lo ah cun a tlau ko lai.

Relnak
https://thelairamtimes.com/2023/02/18/pu-k-hre-kung-mdc-raltuk-silomi-laiholh-an-cawn-i-an-thiam-ko/https://thelairamtimes.com/2023/02/18/pu-k-hre-kung-mdc-raltuk-silomi-laiholh-an-cawn-i-an-thiam-ko/

18/02/2023

The Lairam Times Kumkhat Tlin Pathian Sin Lawmhbiachimnak Hman A Si

Central Lairam khualipi Lawngtlai ah, The Lairam Times nih Lai cazual chuah in kan riantuannak k*mkhat tlin Pathian sin lawmhbiachimnak cu nihin 2023 Nohawng 18 chun suimilaam 11:00 AM zaanlei suimilaam 1:00 tiang The Lairam Times rianhmun Lawngtlai ah tuah a si.

Hi caan hmannak hi Pu LZ Ringlawt Chief Editor nih caan a tlaih i, caanzarh Rev. Lalsanglian (Former GS LIKBK) nih a hman hnuah, Pu R Sangkam, Laiholh palek Pu K. Hre Kung, MDC, Pu T. Za Kung, MDC, Pu T. Chalnghingluaia Art & Culture Officer, Pu No Lal Ling hna nih biachimnak an ngeih hnuah Bawipa Thlacamnak in caan khar a si.

17/02/2023

Ralhraang Nih Dr. Hmuh Thang An Member Ah An Luh

Ralhraang nih phunglam caang 419 ning in State Administration Council chungtel Pu Gin Kam Lian ai ah Dr Hmuh Thang kan khinh tiah ralhraang nih an thanh.

Pu Gin Kam Lian nih hi riankhinhmi kongah timhtuahnak zeihmanh ka ngei lo tiah a rak chim. Dr Hmuh Thang nih hin tah zei biadah a chim ve te hnga?