Karbi Birta

07/08/2024

PGR VGR aputhak kachesong ahut police atum ketheng kechok dun aputhak Litsong Rongphar pen Lamthe

05/03/2024

19/02/2024

19/02/2024

Pini Chingvai det pen ASDC Chandrakanta pen lamthe

19/02/2024

Pini Chingvai det pen CEM Dr. Tuliram Ronghang pen lamthe

18/02/2024

Kachesong along pen Daniel Langthasa ta chetong dun pen ardi pidun

31/01/2024

Arta kejum animsopi aphan cholangrem det pen apran armut det

26 January arni Dilip Rongphar pu abangphu inut arta ningkan 12 animsopi Karlitang Rosemi Terangpi aphan cholangrem det pen apran armut det.

Bangso arni karlitang Rosemi Terangpi Borpung pen Dolamara kacharli aboha an kedam ji pura enut Dili Rongphar bike long nang dunjui lo amat Ruipilangso Waterfall adung si cholangrem apran armut det lo.

Police lapen rat atum ni 5 keri aphi si kethi tang arpum kelong pon.

Borpung Tarapung arat kedam kevang kesung thek tik, tovar katora, Gari Motor, Bus haihui kacheleng avarsai kave det ajok pini arni Dolamara Malasi ME School along 7 angdeng charli bom arta kejum animsopi Kt.Rosemi Terangpi lason akesung chetong nang lo. Lason thak si kedam tang aphong aphong social media athengno keklang keso atum seh kachelang ji phan tovar kedam bom ahut tovar ebeng Oso mahang kepathek ta dolo, tovar ebeng achethe avedet si kithi tang abang arpum che par phang pon nang ta do oh lo. Borpung Tarapung arat kevangji arni ta kesung batai ko an tong charsi bom nang lang ma Karbi Anglong kethe keding atum munthi parsik dam tha, pusi rat atum ningri pon.

for Lt. Rosemi Terangpi

11/01/2024

Kenangsot alamthe karju pon ahin pen

13/08/2023

Enut Rakesh Bihari Karbipi aphan cholangrem det

Bokajan Police station kaparlo Dilajan Hijung Langso Singnar arong amekar enut Rakesh Bihari pu abangphu karbipi apahn cholangrem det.

Cholangrem det aphi kether kehap pon, jongsi thandet pulote nang penan aphan apran en det ji lapen ne methang apran ta che en det ji pusi kether pon.

19/07/2023

Kensing Rongpi arloso alamki kepho asonthot si enut Pande Enghi, Kheroni, West Karbi Anglong lata lason alamki kepho

29/05/2023

KAAC Forest Board Chairman Sarthe Kramsa aphan Sangti Mahalder klembang Rajen Engleng lapen Bimol Engleng atum open chellenge kipi.

14/05/2023

13/05/2023 arni Karbi Anglong pen Meghalaya ahoi along kedo Chomang atum Karbi Anglong nanglut si Langhemphi along Rit amendu meh Kai et.

Bangso abirta arju longsi KSA, Am-ih arat lapen Raikom Saikhi atum pen chelangsi adim an kepale dam ahut Chomang atum kat-etlo lason apor ahut Ningkreng pu Arong alongta Rong meh kekai pu abirta longthu si KSA, Am-ih arat lapen Raikom Saikhi atum dunphit ajok Phangcho hem ansi Kai longchotlo, jongsi ledun derchet pu asonte Arong pensi Kai etji pusi birta long dun.

27/04/2023

Jirkindeng Tovar patumi Tomon Arve kethe p*k ajok

20/04/2023

Adui Ahoi alamki aphuthak KSA Hamren lapen Jengkha Head branch atum kahumri dam

19/04/2023

West Karbi alongri arlo Meghalaya Chomang atum nanglut pak si Karbi atum katiki arphek arong chor tekang et.

9 No. Amreng Constituency kaparlo Muthade 1 arong along anarlo erdang Meghalaya achomang atum bang 100 sose Chomang atum nanglutpak si Karbi atum kachotiki arphek arong do an ta chor kangthai. Bangso apor ahut Muthade arong arat atum kaphere ajoine Jirikindeng Police aphan birta si police atum vanglo. Bonta kopi athesi Meghalaya police atum kevang nangpo lake amena Chomang atum aphan cheraikom thekji aphansi kevang p**a ningje pon.

Kedamtang apor Hem Rit – Thengpi Thengphrang kechorkang ahut kaningje kang alam ahok vek lo. Non lethot ta Karbi atum katiki Arphek arong an chor kangthai lapen chomang atum pen kaningje tekang ke Meghalaya alongle arlo pisi nang kedo dun nangji ke? Lapen dak pen cheterek serak non kalite lapu an sose si katengkheng ji aphan vangthulang pusi ningje tekang.

Lasi labangso alamki along prapjin pen KAAC CEM Dr. Tuliram Ronghang aphan arat atum choningri pon. Koson pen ajakong kelong si Meghalaya Chomang atum West Karbi Anglong nanglut choksi Karbi atum katiki arphek arong nang kechor hai lo pusi rat atum ningje pon. Lake KAAC kachari atum kachelangle apot lo pusi ongdung arat atum ningje rinti.

Jonghe le Assam sorkar pen keklem pangtang pon sitame Meghalaya Chomang atum langplot si West Karbi Anglong alongle nang kepet ahir patan thubom. Lapen Karbi Anglong alongle kethe keding atum chelang damde pulote kevir lo p**a rat atum ningje rinti.

18/04/2023

KSA pen Gurkha Students Call Viral alamki kachingvai chepangsamji pu amat Gurkha Students atum chetong dunde det

17/04/2023

Nonlom chethangplup video
Parok pen Karbipi alamki

Ahokpet abirta longle lang

16/04/2023

Ingdeng 18th Karbi Honghari Amei ahut Karbi Lunkan barim kekan

15/04/2023

Kechengsi Annual Convention St. Teresa Parish along

Niphai Jangmipo 14th pen 17th an Karbi Anglong Koilamati ahavar Mount Carmel School along kechengsi St. Teresa Parish Annual Convention ajaimek pangcheng pon tanglo.

15/04/2023

Puthot Meghalaya Thengpi kanghu atruck kenep thulong

Niphai 14th April 2023 arni West Karbi Anglong district Kheroni Range Forest kaparlo Jirikindeng along Karbi Anglong pen Meghalaya ahoi Durbintila along thengpi kachonghu a truck ehum kenep dun thulong.

Birta kelong dun ateng ke joi joi pen kaike apor ahut sitame Thengpi kachonghu chimitme pin ajok Kheroni pen Petro link dambom ahut Thengpi arbung chong a truck aphan achar pen thek dun longsi arplung dun lo sitame kanghu abangphu atum aphan ke nep dun longle det si a Thengpi a Truck an si nep longchot lo. Kenep pon long a truck number lake ML09A2372 henlo. Lapen kado kave athengpi abeng beng 16 an do. Pherangke atum karju pon ahut Ranger Harsing Kramsa ahin pen nang pachini dun.

14/04/2023

APHLC atum Mass awareness lapen Mass joining ajaimek pado pon

Niphai 13th April 2023 arni West Karbi Anglong arlo Amri constituency kaparlo Umsovai School pathu aklam along APHLC pen Mass Joining lapen Schedule ajaimek pado pon.

Labangso ajaimek along Amri APHLC ameiphi Kare Engtipi pen si mei chepahemphu pon. Lason thakthak si labangso ajaimek along nang kachetong dun alohi aman pen JI Kathar, APHLC CC; Antong Engti Kathar, APHLC CC Spoke person; Bikram Hanse, Baithalangso LAC Meiphu; Khorsing Timung, Organizing Secy. pen danglok ongdung APHLC klembangphu atum nang chetong dun.

Lason thakthak si Amri ahavar along Karbi, Tiwa, Khasi atum ADF, Congress, BJP, ASDC atum pen don 63 arat atum APHLC asong along nang cheap-ok dun si labangso ajaimek mesen pen pachun po.