Sindhudurg Today

03/03/2024

साप्ताहिक सिंधुदुर्ग टुडे च्या "आंगणेवाडी वार्षिकोत्सव विशेषांक २०२४ " चे अनावरण करताना यात्रा कंट्रोल रूमचे सहाय्यक पोलीस अधिक्षक साहेब.

03/03/2024

साप्ताहिक सिंधुदुर्ग टुडे च्या "आंगणेवाडी वार्षिकोत्सव विशेषांक २०२४ " चे अनावरण करताना माजी केंद्रीय मंत्री खासदार श्री. अरविंद सावंत साहेब.
Arvind Sawant

03/03/2024

आंगणेवाडी येथील श्री देवी भराडी यात्रेच्या निमित्ताने साप्ताहिक सिंधुदुर्ग टुडे चा "आंगणेवाडी वार्षिकोत्सव विशेषांक २०२४ " चे अनावरण करताना आंगणेवाडी विकास मंडळाचे अध्यक्ष व पदाधिकारी.

02/01/2024

वैद्यकीय महाविद्यालयाच्या ‘अधिष्ठाता’ यांना कार्यमुक्त करण्याचे शासनाचे आदेश…!

सिंधुदुर्ग मेडीकल कॉलेजच्या प्रभारी अधिष्ठाता(डीन) डॉ.सुनीता रामानंद यांच्या एकूण कार्यपद्धतीवर सरकार नाराज असून त्यांना लवकरच कार्यमुक्त केले जाणार असल्याचे खात्रीलायक वृत्त आहे.
दरम्यान मिळालेल्या माहितीनुसार श्रीमती रामानंद या अनिश्चित काळासाठी वैद्यकीय रजेवर गेल्या आहेत. प्रभारी अधिष्ठाता म्हणून सिंधुदुर्ग वैद्यकीय महविद्यालयाचे सहयोगी प्राध्यापक संतोष फुपारे यांच्याकडे सूत्रे सोपवण्यात आली आहेत.
रामानंद या कोल्हापूर वैद्यकीय महाविद्यालयात औषध शास्त्र विभागाच्या प्रमुख असून यापूर्वीचे अधिष्ठाता डॉ.गुरव यांची कोल्हापूर येथे बदली झाल्यानंतर ऑगस्ट महिन्यात श्रीमती रामानंद यांच्याकडे सिंधुदुर्ग वैद्यकीय महाविद्यालयाच्या प्रभारी अधिष्ठाता म्हणून कार्यभार सोपविण्यात आला.
रजेवर जाण्यापूर्वी त्यांनी ओरोस मधील भाड्याच्या फ्लॅट मधील आपले सर्व सामानही हलवले असल्याचे त्यांच्या कार्यालयातून सांगण्यात आले.सर्वात आश्चर्याची बाब म्हणजे रामानंद या वैद्यकीय रजेवर गेल्याचे कोल्हापूर वैद्यकीय महाविद्यालयाला सुद्धा माहिती नाही.तिथल्या अधिष्ठाता कार्यालयात चौकशी केली असता त्यांचा रजेचा अर्जच आमच्याकडे आलेला नाही असे सांगण्यात आले. त्या अनिश्चित कालावधीसाठी रजेवर असल्या तरी ‘त्या पुन्हा येणार ‘, ‘लवकरच हजर होणार ‘ असं अधिष्ठाता कार्यालयातून गेले आठवडाभर सांगितले जात आहे.या संदर्भात इतकी गुप्तता का पाळण्यात येत आहे हे मात्र समजू शकलेले नाही.
राज्य विधीमंडळाच्या हिवाळी अधिवेशनाच्या शेवटच्या आठवड्यात आरोग्यमंत्री तानाजी सावंत यांच्या दालनात एक बैठक झाली.जिल्हा रुंग्णालय आणि वैद्यकीय महाविद्यालय यांच्यातील वाद,इथल्या गैरसोयी, रिक्तपदे या व अन्य विषयांवर बैठकीत चर्चा झाली.जिल्ह्याचे पालकमंत्री रवींद्र चव्हाण,शालेय शिक्षणमंत्री दीपक केसरकर,आमदार नितेश राणे,वैभव नाईक यांनीही आरोग्यमंत्री सावंत यांची भेट घेऊन या संदर्भात स्वतंत्रपणे चर्चा केली.अधिवेशनाच्या दोन दिवस अगोदर जिल्ह्यात आलेल्या सभापती नीलम गोऱ्हे यांच्या पत्रकार परिषदेत पत्रकारांनी याविषयी त्यांचे लक्ष वेधले होते.त्यांनीही आरोग्यमंत्री , वैद्यकीय शिक्षण व आरोग्य विभागाच्या वरिष्ठ अधिकाऱ्यांशी चर्चा केली. रामानंद यांनी सभापती गोऱ्हे यांची स्वतंत्र भेट घेतल्याचे समजते.त्यांच्यात प्रदीर्घ चर्चा झाली.त्यानंतर त्या जिल्ह्यात आल्या आणि आणि लगेचच वैद्यकीय रजेवर गेल्या.
रामानंद यांनी अधिष्ठाता पदाचा कार्यभार हाती घेतल्यापासून शासकीय वैद्यकीय महाविद्यालय आणि जिल्हा रुंग्णालय यांच्यात समन्वयाचा अभाव जाणवू लागला.अवघ्या कांही महिन्यातच वाद सुरू झाले.आणि बघता बघता ते इतके विकोपाला गेले की, रुंग्णालयाच्या दैनंदिन. कारभारावर त्याचा परिणाम होऊ लागला.रुंग्ण आणि त्यांच्या नातेवाईकांच्या तक्रारी वाढत गेल्या.अखेर पालकमंत्र्यांना बैठक घेऊन हस्तक्षेप करावा लागला.एवढेच नव्हे तर ‘ वाद थांबवा ‘ आणि ‘ कारभार सुधारा ‘ अशी ताकिद त्यांना द्यावी लागली.

जिल्हाधिकाऱ्यांनाच करणे दाखवा नोटीस !

दोन महिन्यापूर्वी नांदेड जिल्हा रुंग्णालयात २४ तासात २४ रुंग्ण मृत्युमुखी पडल्याची दुर्घटना घडली आणि सरकार खडबडून जागे झाले.मुख्यमंत्री एकनाथ शिंदे यांनी या प्रकरणी गंभीर दखल घेत राज्यातल्या सर्व जिल्हा रुंग्णालयांची तपासणी करण्याचे आदेश दिले.त्यानुसार जिल्हाधिकारी किशोर तावडे, जि. प.चे मुख्य कार्यकारी अधिकारी प्रजित नायर,यांनी अधिष्ठाता रामानंद आणि जिल्हा शल्यचिकित्सक डॉ.श्रीपाद पाटील यांच्यासमवेत संपूर्ण रुंग्णालयाची पहाणी केली,’ लेबर वॉर्ड,’ ‘मुलांचा वॉर्ड’ यासाठी जिल्हा नियोजन मधून निधी देण्यात आला असल्याने या दोन्ही वॉर्डची सुद्धा विशेष पहाणी करण्यातआली.मुख्यमंत्री,शासनाला या pahaniichas सविस्तर अहवालही पाठवण्यात आला.मात्र दुसऱ्याच दिवशी अधिष्ठाता रामानंद यांनी या तिन्ही वरिष्ठ अधिकाऱ्यांना ‘कारणे दाखवा नोटीस’ पाठवली. रुंग्णालयातील ‘लेबर वॉर्ड ‘ची परवानगी शिवाय पहाणी करून आपण ‘प्रायव्हसी ॲक्ट ‘ चा भंग केला असे या नोटीसीत नमूद करण्यात आले. जिल्हा शल्य चिकित्सक यांच्या नावे पाठवण्यात आलेल्या या नोटीशीची प्रत जिल्हाधिकारी आणि जि.प. चे मुख्य कार्यकारी अधिकारी यांनाही पाठवण्यात आली. या नोटीशीची बातमी सगळीकडे पसरली आणि एकच खळबळ उडाली.अधिकारी,कर्मचारी आणि डॉक्टर्स मंडळींमध्ये चर्चा सुरू झाली.
खरं तर ‘लेबर वॉर्ड ‘ ची पहाणी करणार अशी पूर्व सूचना देण्यात आली असताना शिवाय पहाणीच्या वेळी अधिष्ठाता सोबत असताना नोटीस का देण्यात आली..? जिल्हा शल्यचिकित्सकाना हेतुतः, जाणीवपूर्वक त्रास देण्यासाठी अशी नोटीस देण्यात आल्याचे बोलले जात आहे. नोटीस मिळताच जिल्हाधिकारी अचंबित झाले.मुख्य कार्यकारी अधिकारी तर संतप्त झाले. पालकमंत्री, मुख्यमंत्री यांच्या नजरेस ही बाब आणण्यात आली.अधिष्ठाता पदावर असलेल्या व्यक्तीने चक्क जिल्हाधिकारी व अन्य वरिष्ठांना अशा प्रकारची नोटीस देणे हा त्यांचा,त्यांच्या पदांचा अवमान आहे.एवढेच नव्हे तर तपासणीचे आदेश देणाऱ्या मुख्यमंत्र्यांचाच अवमान असल्याने त्यांनी या प्रकरणाची गंभीर दखल घेतली व कारवाईचे आदेश दिल्याचे समजते.
वैद्यकीय महाविद्यालयाच्या अधिष्ठाता पदावरील व्यक्तीने जिल्हा दंडाधिकारी, सनदी अधिकाऱ्यांना अशा प्रकारे नोटीस देणे,आणि त्यात मुख्यमंत्र्यांचे स्पष्ट आदेश असताना , ही अत्यंत गंभीर बाब असल्याने त्याची गंभीर दखल शासन स्तरावर घेण्यात आली.अशी नोटीस देणे ही बहुदा महराष्ट्रातील पहिलीच घटना म्हणावी लागेल.
दरम्यान अधिष्ठाता रामानंद यांना लवकरच कार्यमुक्त केले जाणार असून त्या पदावर कायमस्वरूपी अधिष्ठाता नेमण्याच्या हालचाली सुरू झाल्या असल्याचे समजते .

08/12/2023

' दिल्या घेतल्या वचनांची… '

राजकारणी माणसे सर्वत्र सारखीच असतात...!
नदी नसली तरी पूल बांधून देतो असे आश्वासन देतात..! " रशियाचे माजी पंतप्रधान कै. निकिता कृष्चेव
यांचे हे उदगार आहेत.
भारतात महाराष्ट्रातही याहून वेगळी स्थिती नाही.सिंधुदुर्ग जिल्ह्यापुरते बोलायचे झाले तर इथले राजकारणी, लोकप्रतिनिधी,मंत्री अशीच आश्वासने देत असतात.त्यातील किती पूर्ण करतात किती अपूर्ण राहतात हे तेच सांगू शकतील.
बरं..आपण काय आश्वासन दिलं याची त्यांना आठवण नसावी.निवडणुकीच्या काळात तर वचनेही दिली जातात.
अलिकडे तर अधिकारीही पुढारीछाप भाषणे ठोकू लागले आहेत.नेत्यांसारखी आश्वासने देऊ लागले आहेत.
' मतदारांना खूष ठेवण्यासाठी, कार्यकर्त्यांना सांभाळण्यासाठी हे सर्व करावंच लागतं '.असं स्पष्टीकरणही काही जण देतात.महाराष्ट्राचे लोकनेते स्वर्गीय यशवंतराव चव्हाण नेहमी सांगायचे, ' 'लोकप्रतिनिधी,मंत्री,नेत्यांनी नाही म्हणायला शिकले पाहिजे व अधिकारी' प्रशासन प्रमुखांनी होय म्हणायला शिकले पाहिजे.' मात्र आजही ते होत नाही.
एखाद्या समारंभाला पाहुणा म्हणून गेल्यानंतर तिकडे काहीतरी आश्वासन दिलंच पाहिजे,असा कुठे नियम नाही.आणि जर का दिलच तर ते पाळलच पाहिजे याचं भान असायला हवं.
कोकणचा आणि पर्यायाने सिंधुदुर्ग जिल्ह्याच्या विविध प्रश्नांवर आजपर्यंत ज्यांनी ज्यांनी आश्वासने दिली त्यांना त्याची आठवण करून देण्याचा हा छोटासा प्रयत्न...!
' दिल्या घेतल्या वचनांची ' हे ज्येष्ठ पत्रकार व राजकीय विश्लेषक राजन चव्हाण यांचे नवे 'सदर' लवकरच साप्ताहिक सिंधुदुर्ग टुडे मध्ये आपल्या भेटीला येत आहे....!

🔴 निर्भीडतेची परंपरा जपणारे
साप्ताहिक सिंधुदुर्ग टुडे

04/12/2023

12/11/2023

Weekly Sindhudurg Today 12 November 2023

12/11/2023

22/10/2023

Sandip Gawade Rashmi Saple Gawade

17/10/2023

आयुष्यमान भारत योजने बाबत जिल्हाधिकारी किशोर तावडे यांचे मनोगत Maharashtra DGIPR Collector Office Sindhudurg

30/07/2023

WEEKLY SINDHUDURG TODAY 30 JULY 23

06/02/2023

साप्ताहिक सिंधुदुर्ग टुडे च्या "आंगणेवाडी वार्षिकोत्सव विशेषांक २०२३ " चे अनावरण करताना माजी केंद्रीय मंत्री खासदार श्री अरविंद सावंत Arvind Sawant

31/08/2022

सिंधुदुर्ग Today गणेश दर्शन २०२२

कदम कुटुंबिय, खालची वाडी (चौकडी) गढीताम्हाणे यांच्या निवासस्थानी विराजमान झालेले श्रीगणेश.
या गणरायाला सुमारे १०० वर्षाची परंपरा आहे.

*_आगमन गणरायाचे......साजरे करा सिंधुदुर्ग Today सोबत...!_*

_यावर्षी आपल्या गणरायाचे दर्शन मोफत घडवा सिंधुदुर्ग Todayच्या वाचकांना_

आपल्या गणरायाचा फोटो, त्यासोबत आपली माहिती, पत्ता, (घरगुती असेल तर किती कुटुंबाचा, परंपरा याची माहिती), माहिती देणा-याचे नाव
आमच्या *WhatsApp नंबर 9403403633* या क्रमांकावर पाठवा.

ही सर्व माहिती *पूर्ण मोफत* आमच्या ऑफिशीयल पेज व वेबपोर्टलवर *प्रसिध्द केली जाईल.*

*SINDHUDURG TODAY*
www.sindhudurgtoday.com

©️ KADAM MEDIA PRIVATE LIMITED.

24/07/2022

कुडाळ/प्रतिनिधी : जिल्ह्यातील लोककलावंतांनी एकत्र येत लोकबाप्पा या गाण्याची निर्मिती केली आहे. या उपक्रमातून नि....

20/07/2022

आंबोली पर्यटनाला कचऱ्याचे ‘ग्रहण’

टुरिस्ट गाईडने केली घाटातील साफ सफाई आंबोली/प्रतिनिधी : प्रति महाबळेश्वर समजल्या जाणाऱ्या आंबोली पर्यटनाला सध्.....

29/06/2022

मुख्यमंत्रिपदाचा त्याग करतोय, उद्धव ठाकरे यांचा राजीनामा

मुंबई/ प्रतिनिधी : गेल्या १० दिवसांच्या सत्ता नाट्याचा अंक आता संपुष्टात आला आहे. मुख्यमंत्री उद्धव बाळासाहेब ठाकरे यांनी अखेर आपल्या पदाचा राजीनामा दिला आहे. शिवसेनेतील नेत्यांची बंडखोरी आणि १० दिवसांच्या सत्तानाट्यानंतर आज अखेर उद्धव ठाकरेंना मुख्यमंत्री पद सोडावं लागलं आहे. शिंदे गटाने ३९ आमदारांसह बंड पुकारल्याने ठाकरे सरकार अल्पमतात आले. राज्यपाल भगतसिंग कोश्यारी यांनी सरकारने बहुमत सिद्ध करावे असं सांगितलं. त्याविरोधात शिवसेनेने सर्वोच्च न्यायालयात धाव घेतली. मात्र, न्यायालयाचा निर्णय ठाकरे सरकारच्या बाजूने न लागल्याने उद्धव ठाकरेंवर राजीनामा देण्याची नामुष्की आली.
आपल्या सर्वांच्या सहकार्यानं वाटचाल केली. सरकार म्हणून छत्रपती शिवरायांच्या रायगडला निधी देऊन कामाला सुरुवात केली. शेतकऱ्यांना कर्जमाफी दिली, त्यांना कर्जाच्या अडचणीतून बाहेर काढण्यासाठी प्रयत्न केले, असं उद्धव ठाकरे म्हणाले. शेतकऱ्यांसाठी पीक विमा योजनेचा बीड पॅटर्न सुरु केला. बाळासाहेब ठाकरेंचं स्वप्न होतं, ते औरंगाबादचं संभाजीनगर असं नामांतर केलं. उस्मानाबादचं धाराशीव असं नामांतर केलं, असं उद्धव ठाकरे म्हणाले. सर्व चांगलं सुरु असताना काही जणांची नजर लागली. आज राष्ट्रवादी काँग्रेसचे शरद पवार आणि काँग्रेसचे सोनिया गांधी यांचे आभार मानतो, असं उद्धव ठाकरे म्हणाले. उद्धव ठाकरे यांनी यावेळी मुख्यमंत्रीपदाच्या राजीनाम्यासोबत विधानपरिषदेचा राजीनामा दिला.
औरंगाबादच्या नामांतराचा ठराव मांडला त्यावेळी शिवसेनेचे केवळ आम्ही चार जण होतो, याचा खेद वाटला, असं उद्धव ठाकरे म्हणाले. मी, आदित्य ठाकरे, सुभाष देसाई, अनिल परब उपस्थित होते. राष्ट्रवादी काँग्रेस आणि काँग्रेसच्या मंत्र्यांनी ठरावाला एका शब्दानं विरोध केला नाही, असं उद्धव ठाकरेंनी म्हटले.
रिक्षावाले, हातभट्टी वाले यांना नगरसेवक, महापौर, आमदार, खासदार, मंत्री, ज्यांना मोठं केलं, ज्यांना सत्ता दिली, ती लोकं नाराज झाली आहेत. ज्यांना दिलं ते नाराज, ज्यांना काही दिलं नाही ते हिमतीने समोर, याला म्हणतात माणुसकी, शिवसेना, शिवसैनिक असं उद्धव ठाकरे म्हणाले.
न्यायदेवतेचा निर्णय आला, उद्या राज्यपालांचा फ्लोअर टेस्टचा आदेश आला आहे. राज्यपालांनी लोकशाहीचा मान राखत पत्र मिळताच २४ तासात पत्र दिलं आहे. विधानपरिषदेच्या १२ सदस्यांची यादी लटकून पडली आहे. राज्यपालांनी तो निर्णय घेतला असेल तर आम्हाला त्यांच्या बद्दल असलेला आदर द्विगुणित होईलस असं उद्धव ठाकरे म्हणाले.