The Positive Report - অসম

22/08/2023

#দিনটোৰ_উক্তি

অন্যায়ৰ বিৰুদ্ধে মাত মাতিবলৈ ভয় নকৰিবা। মনত ৰাখিবা, ইতিহাসত অকল বিপ্লবীবোৰৰ নাম হে লিখা থাকে; ভৰি চেলেকাবোৰৰ নহয়।

- চাণক্য

21/08/2023

#দিনটোৰ_উক্তি

এখন দেশক যদি ধ্বংস কৰিব বিচৰা তেন্তে মানুহৰ মাজত ধৰ্মৰ নামত যুজঁ লগাই দিয়া, দেশ এনেই ধ্বংস হৈ যাব।
- চাণক্য

20/08/2023

উন্নয়ন নে পৰিৱৰ্তন?
পথ নে পথাৰ?
থাওৰাবাসীৰ দুখ দুৰ্গতিৰ বুজ ল'ব নে শাসক প্ৰশাসকে?
পথৰ মাজতেই ভূঁই ৰুই প্ৰতিবাদ সাব্যস্ত কৰিলে ৰাইজে।

20/08/2023

#দিনটোৰ_উক্তি

শিয়ালৰ দৰে এশ বছৰ জীয়াই থকাতকৈ সিংহৰ দৰে এদিন জীয়াই থকাই ভাল।
- চানক্য

19/08/2023

বাইক চলাই ঘূৰি ফুৰিছে কংগ্ৰেছৰ নেতাই
লাডাখৰ পৰা পাংগং হ্ৰদলৈকে বাইক যাত্ৰা কৰিব ৰাহুল গান্ধীয়ে

19/08/2023

#দিনটোৰ_উক্তি

মূৰ্খ লোকৰ কাৰণে সমাজ নষ্ট নহয়, সমাজ নষ্ট হয় শিক্ষিত লোকৰ মূৰ্খ স্বভাৱৰ কাৰণে।
- চানক্য

18/08/2023

পেট্ৰল নহয়, পানীৰে চলিব অসমৰ বাছ।
কাজিৰঙা, যোৰহাটৰ পৰা দুলীয়াজানলৈকে হ'ব এই বাছৰ যাত্ৰাপথ

17/08/2023

কিছু অসুবিধাৰ বাবে আমি আমাৰ এই ফেচবুক পেজটোক কিছু দিনৰ বাবে বন্ধ কৰি ৰাখিছিলোঁ। কিন্তু এতিয়া পুনৰ বহুতো নতুন নতুন পৰিকল্পনা লৈ আমি পুনৰ উভতি আহিছোঁ আপোনালোকৰ মাজলৈ। প্ৰতিনিয়ত নিৰ্ভীকতাৰে সত্যৰ সন্ধান কৰি সেই খবৰ আপোনাক জনোৱাৰ উদ্দেশ্যে আমাৰ অকুণ্ঠ প্ৰচেষ্টা থাকিব। আমাক প্ৰয়োজন মাত্ৰ আপোনালোকৰ কিছু সহায়ৰ।
প্ৰতিটো চেকেণ্ডৰ ৰাইজৰ খবৰ ৰাইজক জনাবলৈ আপুনিও আমাৰ লগত সংযুক্ত হ'ব পাৰিব। আমাৰ লগত যুক্ত হ'বলৈ মেছেজ কৰক - ৮৮৭৬১০৩৭৭০ নম্বৰত। (কেৱল whatsapp)

12/06/2021

শিৱসাগৰ জিলাৰ কোঁৱৰপুৰত দুষ্প্ৰাপ্য প্ৰজাতিৰ গুঁই সাপ উদ্ধাৰ

দ্য প'জিটিভ ৰিপ'ৰ্ট, নিউজ ডেক্স, ১২ জুন : শিৱসাগৰ জিলাৰ পশ্চিম কোঁৱৰপুৰ মৌজাৰ অন্তৰ্গত নকটানি ফাকুম গাঁওত আজি এটি দুষ্প্ৰাপ্য প্ৰজাতিৰ গুঁই সাপ উদ্ধাৰ কৰা হয়। জানিব পৰা মতে বিহংগম প্ৰকৃতি সুৰক্ষা সংস্থাৰ সম্পাদক ঋতু প্রিয়মে আজি নিজ বাসগৃহৰ ভিতৰত এটি গুঁই সাপৰ পোৱালি প্ৰত্যক্ষ কৰে। অকস্মাত আক্ৰমণাত্মক হৈ পৰা অতি বিষাক্ত প্ৰজাতিৰ গুঁই সাপটো প্ৰকৃতিপ্ৰেমী যুৱকজনে বুদ্ধিদীপ্ততাৰে কৰায়ত্ত কৰি নিজৰ অধীনলৈ আনি পৰৱৰ্তী সময়ত বনবিভাগক চমজাই দিয়ে। তেওঁৰ এই কাৰ্যত সহযোগিতা কৰে প্ৰকৃতিপ্ৰেমী সংস্থাটোৰ সদস্য নবীন বুঢ়াগোহাঁয়ে।

উল্লেখযোগ্য যে ইয়াৰ পূৰ্বেও ঋতু প্ৰিয়মে দেওৰাজহাঁহ, শগুণ, লক্ষ্মী ফেঁচা আদি বহুতো বিৰল প্ৰজাতিৰ চৰাইৰ লগতে বিভিন্ন ধৰণৰ সাপ উদ্ধাৰ কৰি বনবিভাগৰ হাতত গতাই দি আহিছে। লগতে বহু আঘাতপ্ৰাপ্ত প্ৰাণী নিজৰ তত্বাৱধানত ৰাখি চিকিৎসা কৰি মুক্ত কৰি দিছে। ইয়াৰ বাবে প্ৰকৃতিপ্ৰেমী যুৱকজন বনবিভাগৰ দ্বাৰা পুৰস্কৃতও হৈছে।

05/06/2021

■ শিৱসাগৰত বিশ্ব পৰিৱেশ দিৱস উদযাপন

●পৰ্যটন মন্ত্ৰীৰ নিৰ্দেশমৰ্মে ৰাজমাইৰ নিৰ্মীয়মান অসম পৰ্যটন প্ৰকল্প প্ৰাংগণত গছপুলি ৰোপন কাৰ্যসূচীৰ শুভাৰম্ভ●

দ্য পজিটিভ ৰিপ'ৰ্ট, শিৱসাগৰ, ৫ জুন : ৰাজ্যৰ অন্যান্য জিলাসমূহৰ লগতে শিৱসাগৰ জিলাতো আজি সম্পূৰ্ণ ক'ভিড নিৰ্দেশনা পালন কৰি বিশ্ব পৰিৱেশ দিৱস উদযাপন কৰা হয়। উল্লেখ্য যে, অসম চৰকাৰৰ পৰ্যটন, ক্ৰীড়া আৰু যুৱকল্যাণ, সাংস্কৃতিক পৰিক্ৰমা তথা শক্তি বিভাগৰ মন্ত্ৰী বিমল বৰাই যোৱা ২ জুন তাৰিখে ৰাজমাইস্থিত নিৰ্মীয়মান অসম পৰ্যটন প্ৰকল্পটি পৰিদৰ্শন কালত এই প্ৰকল্পৰ সৌন্দৰ্য্যবৰ্ধন আৰু ইয়াৰ প্ৰাংগণত বিভিন্ন থলুৱা ফল-মূল আৰু ঔষধিৰ গছপুলি ৰোপনৰ পোষকতা কৰে। তেওঁ ইয়াৰ দ্বাৰা নৱপ্ৰজন্মৰ মাজত থলুৱা ফল-মূল আৰু ঔষধিৰ বিষয়ে সজাগতা বৃদ্ধিৰ লগতে পৰ্যটকক আকৰ্ষিত কৰিব পৰা যাব বুলি মতপোষণ কৰিছিল। পৰ্যটন মন্ত্ৰীগৰাকীৰ ইচ্ছা মৰ্মে, আজি বিশ্ব পৰিৱেশ দিৱস উপলক্ষে ৰাজমাইস্থিত নিৰ্মীয়মান অসম পৰ্যটন প্ৰকল্প প্ৰাংগণত গছপুলি ৰোপনৰ এক কাৰ্যসূচীৰ শুভাৰম্ভ কৰা হয়। শিৱসাগৰ জিলা প্ৰশাসন আৰু জিলা পৰ্যটন বিভাগৰ উদ্যোগত তথা সামাজিক বনানিকৰণ বিভাগ, টুৰিষ্ট গাইড এছোচিয়েচন, বেচৰকাৰী সংস্থা অৰণ্যম, স্থানীয় গাঁও পঞ্চায়তৰ সভাপতি- সম্পাদক সমন্বিতে স্থানীয় গাঁওবাসী ৰাইজৰ সহযোগত এই গছপুলি ৰোপন কাৰ্যসূচী আজিৰে পৰা আৰম্ভ কৰা হয়। আজিৰ অনুষ্ঠানত থলুৱা বিভিন্ন প্ৰজাতিৰ গছপুলি যেনে- বকুল, শেৱালি, কৃষ্ণচূড়া, ৰাধাচূড়া, সোণাৰু, লেটেকু, পনিয়ল, মধুৰীআম, মৌচুমী, বগীজামু, কলাজামু, হেলচ, বনপিঠা, বনলিচু, অমৰা, জলফাই, আমলখি, ভোমোৰা, শিলিখা, কুঁজি থেকেৰা, কৰ্জা টেঙা, থেৰেজু, মনিচাল, বগীপমা, নাহৰ আদি ৰোপন কৰা হয়। অনুষ্ঠানটিত লগতে সামাজিক বনানিকৰণ বিভাগৰ তৰফৰ পৰা স্থানীয় ৰাইজৰ মাজত গছপুলি বিতৰণ কৰা হয়। আজিৰ বিশ্ব পৰিবেশ দিৱসৰ অনুষ্ঠানত অতিৰিক্ত উপায়ুক্ত কৰ্মদেৱ ব্ৰহ্ম, ডিমৌ ৰাজহ চক্ৰৰ চক্ৰ বিষয়া ফিলিছ ৰাংচাল, পৰ্যটক তথ্য বিষয়া মাধৱ দাস আৰু সামাজিক বনানিকৰণ বিভাগৰ উপ বন-সংপালক নৱ কুমাৰ নেওগ উপস্থিত থাকে। ইফালে, ৰুদ্ৰসাগৰৰ ৰাধিকা নগৰত কৈৱৰ্ত ছাত্ৰ সন্থাৰ ৰাধিকা নগৰ শাখা সমিতিৰ উদ্যোগত ক'ভিড প্ৰ'ট'কল ৰক্ষা কৰি অনুষ্ঠিত কৰা এই বিশ্ব পৰিৱেশ দিৱসৰ লগত সংগতি ৰাখি সংগঠনে স্থানীয় অঞ্চলৰ পথত কাষত এলানি গছপুলি ৰোপন কাৰ্যসূচী ৰূপায়ন কৰে। উক্ত গছপুলি ৰোপন কাৰ্যসূচীৰ শুভাৰম্ভ কৰে কৈৱৰ্ত ছাত্ৰ সন্থাৰ কেন্দ্ৰীয় সমিতিৰ সভাপতি ৰবি কাশ্যপে। গছপুলি ৰোপনৰ প্ৰাক মুহূৰ্তত সভাপতিজনে উপস্থিত সতীৰ্থ সকলক বিশ্ব পৰিৱেশ দিৱসৰ প্ৰয়োজনীয়তা আৰু তাৎপৰ্যৰ সন্দৰ্ভত এক বক্তব্য প্ৰদান কৰে। অন্যহাতে উক্ত অনুস্থানত সক্ৰিয় অংশগ্ৰহণ কৰি গাওঁবাসীক গছপুলি বিতৰণ কৰে ৰাধিকা নগৰ শাখা সমিতিৰ সভাপতি ৰুবুল দাস, সম্পাদক চিৰঞ্জীব দাস, সহকাৰী সম্পাদক পংকজ দাস, সাংস্কৃতিক সম্পাদক জোতিষ দাসৰ লগতে উপদেষ্টা অনন্ত দাসে। আনহাতে, স্বেচ্ছাসেৱী অনুষ্ঠান পৃথিবীৰ উদ্যোগত আৰু স্থানীয় গাওঁবাসীৰ সহযোগতো ৰুদ্ৰসাগৰত বিশ্ব পৰিৱেশ দিৱস পালন কৰা হয়। এ টি ৰোডৰ পৰা দিছিয়াল সংযোগী গোহাঁই বৰুৱা পথত সম্পূৰ্ণ ক'ভিড প্ৰ'ট'কল ৰক্ষা কৰি শিশুসকলৰ দ্বাৰা গছপুলি ৰোপনেৰে এই দিৱস পালন কৰে। অনুষ্ঠানটোৰ আৰম্ভণিত বিশ্ব পৰিৱেশ দিৱসৰ তাৎপৰ্য সন্দৰ্ভত স্বেচ্ছাসেৱী অনুষ্ঠানটোৰ সভাপতি মৃগাংক হাজৰিকাই শিশুসকলৰ আগত ব্যাখ্যা আগবঢ়ায়। তাৰপাছতে গছপুলি ৰোপন কাৰ্যসূচীৰ শুভাৰম্ভ কৰে তেল আৰু প্ৰাকৃতিক গেছ নিগমৰ অসম সম্পদৰ অনুসূচীত জাতি-জনজাতিৰ কল্যাণ পৰিষদৰ সম্পাদক জগত হাজৰিকাই। স্বেচ্ছাসেৱী অনুষ্ঠানটোৰ সম্পাদক বিজয় ৰবি কাশ্যপে গছ-গছনিৰ উপকাৰিতাৰ সৰ্ম্পকত শিশুসকলৰ আগত চমু বক্তব্য প্ৰদান কৰাৰ লগতে গছপুলি ৰোপন কাৰ্যসূচীত সমাজসেৱক দেৱজিৎ মংগল বড়া, অঞ্জলি হাজৰিকা,পৰিস্মিতা হাজৰিকা, সুনিতা হাজৰিকাৰ আদিকে ধৰি বহুসংখ্যক ৰাইজ উপস্থিত থাকে। ইফালে, শিৱসাগৰৰ বি.জি. ৰোডৰ কৰ্মযোগী ভুৱন চন্দ্ৰ গগৈ মেম'ৰিয়েল অসম পলিটেকনিক হাইস্কুলৰ প্ৰাংগনত আজি শিৱসাগৰ নেচাৰ্চ ‌বেকন আৰু ইলোৰা বিজ্ঞান মঞ্চ আৰু বিদ্যালয়খনৰ উদ্যোগত বিশ্ব পৰিৱেশ দিৱস উপলক্ষে প্ৰধান শিক্ষক দিলীপ বড়া, সহঃ প্ৰধান শিক্ষক ৰাজেন মিলি, সহঃ শিক্ষক অভিজিৎ মহন, নেচাৰ্চ বেকনৰ মুখ্য সমন্বয়ৰক্ষী জেহিৰুদ্দিন খান, ইলোৰা বিজ্ঞান মঞ্চৰ সম্পাদক ব্ৰজেন ফুকনে গছপুলি ৰোপণ কৰি এই দিৱস সম্পৰ্কত বক্তব্য আগবঢ়ায়। আনহাতে কোঁৱৰপুৰ টেপৰতল গোহাঁই গাঁৱৰ উদ্যমী আত্মসহায়ক গোট আৰু ৰাইজৰ সহযোগত পৰিৱেশ দিৱস উপলক্ষে ৬০ টা নাহৰৰ পুলি ৰোপণ কৰা হয়। প্ৰতিকূল বতৰৰ বাবে ২০০ টা পুলি ৰুব নোৱাৰি পৰৱৰ্তী পৰ্যায়ত ৰোপণ কৰা হ’ব বুলি উদ্যোক্তাসকলে জানিবলৈ দিয়ে। একেদৰে কোঁৱৰপুৰৰ কৈজান আৰু নকটানি অঞ্চলত প্ৰকৃতি সুৰক্ষা সংস্থা 'বিহংগম'ৰ উদ্যোগত অঞ্চলটোৰ বিদ্যালয়সমূহৰ লগতে ঐতিহাসিক হাড়মতী গড়তো গছপুলি ৰোপন কৰা হয়। সংস্থাৰ সভাপতি ৰূপজ্যোতি বুঢ়াগোহাঁই আৰু সম্পাদক ঋতুপ্ৰিয়মৰ নেতৃত্বত হোৱা বৃক্ষ ৰোপণ কাৰ্যসূচীত বহু স্থানীয় লোকে সহযোগিতা আগবঢ়ায়। একেদৰে আজি বিশ্ব পৰিৱেশ দিনটোত জাঁজী খাটোৱাল গাঁৱৰ যুৱকসকলে খাটোৱাল গাঁৱৰ আলি মূৰৰ পৰা দুশ মিটাৰ বৃক্ষ ৰোপন কৰে ৷ পো্ন্ধৰ জন যুৱকে সহযোগ কৰা এই বৃক্ষ ৰোপন কাৰ্যসূচীত গাঁৱৰ বহুকেইজন জেষ্ঠ ব্যক্তিয়ে অংশগ্ৰহণ কৰে ৷ প্ৰণৱ কুমাৰ দত্তই গছপুলি ৰোপন কৰা ব্যক্তিসকলক একাপ চাহেৰে আপ্যায়ন কৰে।

31/05/2021

■ কোঁৱৰপুৰত হিমালয়ান গ্ৰীফন প্ৰজাতিৰ শগুণ উদ্ধাৰ

দ্য পজিটিভ ৰিপ'ৰ্ট, কোঁৱৰপুৰ, ৩১ মে' : শিৱসাগৰ বন সংমণ্ডলৰ অধীনৰ কোঁৱৰপুৰ মৌজাৰ সাউদৰ গাঁৱৰ বুদ্ধেশ্বৰ হাজৰিকা নামৰ এজন লোকৰ বাৰীত আজি আবেলি আঘাতপ্ৰাপ্ত অৱস্থাত হিমালয়ান গ্ৰীফন প্ৰজাতিৰ এটা শগুন উদ্ধাৰ হয়। স্থানীয় লোকৰ খবৰৰ ভিত্তিত প্ৰকৃতি সুৰক্ষা সংস্থা "বিহংগম"ৰ সম্পাদক ঋতুপ্ৰিয়ম আৰু শগুণ সুৰক্ষা সংস্থা "বোম্বে নেচাৰেল হিষ্ট্ৰী চচাইটি"ৰ সদস্য হেমন্ত বুঢ়াগোহাঁয়ে শগুণটো উদ্ধাৰ কৰে। পাখিত আঘাতপ্ৰাপ্ত হৈ উৰিব নোৱাৰা হোৱা শগুণটো খাদ্যাভাৱত থকা বুলিও জানিবলৈ দিয়ে প্ৰকৃতিকৰ্মীকেইজনে। পিছত শিৱসাগৰ বন বিভাগ উপস্থিত হৈ চিকিৎসাৰ বাবে শগুণটো নিজৰ জিন্মালৈ চমজি লয়। উল্লেখযোগ্য যে আজিৰ শগুণটো উদ্ধাৰ কাৰ্যত প্ৰকৃতিপ্ৰেমী ঐশ্বৰ্য ভূঞা আৰু নবীন বুঢ়াগোহাঁয়েও স্থানীয় লোকৰ লগতে সহযোগিতা আগবঢ়ায়।

12/05/2021

পুৱাই এটা দুঃখবৰ !

পুৱা ৬.৫৮ মিনিটত GNRC ত ৮৮ বছৰ বয়সত দেহাৱসান হৈছে বিশিষ্ট সাহিত্যিক, সাংবাদিক তথা বুদ্ধিজীৱী #হোমেন_বৰগোহাঞি ৰ ।

11/05/2021

10/05/2021

বাতিল কৰা হ'ল উচ্চতৰ মাধ্যমিক প্ৰথম বৰ্ষৰ চূড়ান্ত পৰীক্ষা

নিউজ ডেস্ক; দ্যা পজিটিভ ৰিপ'ৰ্ট - অসম; ১০ মে, ২০২১ : ক'ৰ'ণা মহামাৰীৰ ভয়াৱহতাৰ প্ৰতি লক্ষ্য ৰাখি ৪ মে' ২০২১ ৰ পৰা হ'বলগীয়া উচ্চতৰ মাধ্যমিকৰ প্ৰথম বৰ্ষৰ চূড়ান্ত পৰীক্ষা স্থগিত কৰা হৈছিল যদিও বৰ্তমান পৰিস্থিতি অধিক ভয়াৱহতাৰ দিশলৈ গতি কৰাৰ বাবে পৰীক্ষা সমূহ বাতিল কৰাৰ নিৰ্দেশ দিয়া হৈছে। উচ্চতৰ মাধ্যমিক শিক্ষা সংসদ, অসমৰ পৰীক্ষা নিয়ন্ত্ৰক পংকজ বৰঠাকুৰে উচ্চতৰ মাধ্যমিক প্ৰথম বৰ্ষৰ চূড়ান্ত পৰীক্ষা বাতিল কৰাৰ লগে লগে সকলো ছাত্ৰ - ছাত্ৰীকেই দ্বিতীয় বৰ্ষলৈ উত্তীৰ্ণ কৰা হ'ব বুলি ঘোষণা কৰিছে।

09/05/2021

https://b.sharechat.com/HsyL5a7t7fb?referrer=copiedLink

Full On Entertainment & Time Pass 🤩 Mitron Se Karein Baat 👫

09/05/2021

অসমৰ নৱ-নিৰ্বাচিত মুখ্যমন্ত্ৰী ড° হিমন্ত বিশ্ব শৰ্মা

● উৎকণ্ঠাৰ অন্ত পেলাই অসমৰ নতুন মুখ্যমন্ত্ৰীৰ নাম ঘোষণা।
● ড০ হিমন্ত বিশ্ব শৰ্মা অসমৰ পৰৱৰ্তী মুখ্যমন্ত্ৰী।
● বিজেপিৰ বিধায়িনী দলৰ বৈঠকত বিধায়িনী দলৰ নেতা ৰূপে হিমন্ত বিশ্ব শৰ্মাৰ নাম প্ৰস্তাৱ সৰ্বানন্দ সোণোৱালৰ।
● নিৰ্বাচনৰ ফলাফল ঘোষণা কৰা ৭ দিনৰ অন্তত মুখ্যমন্ত্ৰী কেন্দ্ৰীক উৎকণ্ঠাৰ অন্ত।
● নতুন মুখ্যমন্ত্ৰী হিমন্ত বিশ্ব শৰ্মাই সংসদীয় ৰাজনীতিত যোগ দিছিল ২০০১ চনত।
● জালুকবাৰী সমষ্টিৰ পৰা অসম বিধানসভালৈ নিৰ্বাচিত হৈছিল ড° শৰ্মা।
● হিমন্ত বিশ্ব শৰ্মাৰ জন্ম হৈছিল ১৯৬৯ চনৰ ১ ফেব্ৰুৱাৰীত।
● শৰ্মাৰ পিতৃৰ নাম কৈলাশ নাথ শৰ্মা আৰু মাতৃৰ নাম মৃণালীনি দেৱী।
● নতুন শৰণীয়া প্ৰাথমিক বিদ্যালয়ত প্ৰাথমিক শিক্ষা গ্ৰহণ কৰা হিমন্ত বিশ্ব শৰ্মাই কামৰূপ একাডেমীত গ্ৰহণ কৰিছিল হাইস্কুলীয়া শিক্ষা।
● ১৯৮৫ চনত হাইস্কুল শিক্ষান্ত পৰীক্ষাত সুখ্যাতিৰে উত্তীৰ্ণ হৈ কটন কলেজত কলা শাখাত উচ্চতৰ মাধ্যমিক শ্ৰেণীত নামভৰ্তি কৰিছিল হিমন্ত বিশ্ব শৰ্মাই ।
● কটন কলেজৰ পৰাই ৰাজনীতি বিজ্ঞান বিষয়ত স্নাতকোত্তৰ ডিগ্ৰী গ্ৰহণ কৰা হিমন্ত বিশ্ব শৰ্মাই গুৱাহাটী বিশ্ব বিদ্যালয়ৰ পৰা আইনৰ স্নাতক ডিগ্ৰীও গ্ৰহণ কৰিছিল।
● গুৱাহাটী বিশ্ববিদ্যালয়ৰ ৰাজনীতি বিজ্ঞান বিভাগৰ অধ্যাপিকা নিৰু হাজৰিকাৰ তত্বাৱধানত তেওঁ লাভ কৰিছিল ডক্টৰেট ডিগ্ৰী।
● শৰ্মাৰ গৱেষণাৰ বিষয় আছিল – নৰ্থ ইষ্টাৰ্ণ কাউন্সিল : এ ষ্ট্ৰাকছাৰেল এণ্ড ফাংচনেল এনালাইচিছ।
● ১৯৯৪ চনত কংগ্ৰেছত যোগদান কৰাৰ পূৰ্বে তেওঁ সদৌ অসম ছাত্ৰ সন্থাৰ সৈতেও জড়িত হৈ আছিল ।
● তেতিয়াৰ মুখ্যমন্ত্ৰী হিতেশ্বৰ শইকীয়াৰ ঘনিষ্ঠ আছিল হিমন্ত বিশ্ব শৰ্মা।
● কংগ্ৰেছত যোগদান কৰি তেওঁ যুৱ কল্যাণ বিভাগৰ সদস্য সচিব হিচাপে কাৰ্যনিবাহ কৰিছিল ।
● প্ৰথমবাৰ তেওঁ ১৯৯৬ চনত নিৰ্বাচনত প্ৰতিদ্বন্দ্বিতা কৰিছিল ।
● জালুকবাৰী সমষ্টিৰ পৰা বিধানসভা নিৰ্বাচনত প্ৰতিদ্বন্দ্বিতা কৰি ভৃগু কুমাৰ ফুকনৰ হাতত পৰাস্ত হৈছিল হিমন্ত বিশ্ব শৰ্মা৷
● ২০০১ চনত তেওঁ জালুকবাৰীৰ পৰা বিধানসভালৈ নিৰ্বাচিত হৈ আহে ।
● মুখ্যমন্ত্ৰী ৰূপে সেই সময়ত তৰুণ গগৈয়ে যথেষ্ঠ আস্থা আৰু বিশ্বাসত লৈছিল হিমন্ত বিশ্ব শৰ্মাক ।
● ২০০২ চনত তেওঁ শৰ্মাক মন্ত্ৰী সভাত স্থান দিছিল । প্ৰথম কৃষিকে ধৰি কেইবাটাও গুৰুত্বপূৰ্ণ বিভাগৰ দায়িত্ব চম্ভালিছিল হিমন্ত বিশ্ব শৰ্মাই ।
● ২০০৬ চনত পুনৰ কংগ্ৰেছে চৰকাৰ গঠন কৰে।জালুকবাৰীৰ পৰা পুনৰ নিৰ্বাচিত হৈ অহা শৰ্মাক তৰুণ গগৈয়ে শিক্ষা, স্বাস্থ্যকে ধৰি গুৰুত্বপূৰ্ণ বিভাগৰ দায়িত্ব দিছিল ।
● ২০১১ ত তৃতীয় বাৰৰ বাবে তৰুণ গগৈৰ নেতৃত্বত ৰাজ্যৰ কংগ্ৰেছৰ চৰকাৰ গঠন হৈছিল৷ হিমন্ত বিশ্ব শৰ্মাই গগৈৰ মন্ত্ৰী সভাত অতিকৈ বিশ্বস্ত আৰু ক্ষমতাশালী মন্ত্ৰী ৰূপে শিক্ষা,স্বাস্থ্য,গুৱাহাটী উন্নয়ন আদি বিভাগ সমূহৰ দায়িত্ব পাইছিল৷
● হিমন্ত বিশ্ব শৰ্মা আৰু তৰুণ গগৈৰ ৰাজনৈতিক সংঘাতৰ পৰিণতিত কংগ্ৰেছ এৰিব লগা হৈছিল হিমন্ত বিশ্ব শৰ্মাই ।
● ২০১৫ চনৰ ২৩ আগষ্টত তেওঁ বিজেপিত যোগদান কৰে ।
● ২০১৬ ত অনুষ্ঠিত হোৱা অসম বিধানসভা নিৰ্বাচনত জালুকবাৰী সমষ্টিৰ পৰা চতুৰ্থবাৰৰ বাবে জয়ী হয় শৰ্মা ।
● ২০২১ চনতো একেটা সমষ্টিৰ পৰাই তেওঁ জয়ী হয়।

09/05/2021

১০৮ নং শিৱসাগৰ বিধানসভা সমষ্টিৰ পৰা অখিল গগৈৰ জয় লাভৰ পিছত বীৰ লাচিত সেনাৰ নেতা শৃংখল চলিহাৰ মন্তব্য

07/05/2021

◆ বিধানসভা নিৰ্বাচনত থাওৰা সমষ্টিৰ পৰা বিজয়ী প্ৰাৰ্থী সুশান্ত বৰগোহাঁইৰ প্ৰথম মন্তব্য।
◆ কংগ্ৰেছৰ প্ৰক্ষেপিত প্ৰাৰ্থী সুশান্ত বৰগোহাঁইয়ে পৰাস্ত কৰে বিজেপিৰ প্ৰক্ষেপিত প্ৰাৰ্থী কুশল দুৱৰীক।
◆ ২০৪৯ টা ভোটৰ ব্যৱধানত নিকটৱৰ্তী প্ৰাৰ্থী গৰাকীক পৰাজিত কৰে বিধায়কগৰাকীয়ে।

06/05/2021

■ শিৱসাগৰত ক'ভিড-১৯ ব্যৱস্থাপনা সন্দৰ্ভত চাহ বাগিচাৰ কৰ্তৃপক্ষৰে উপায়ুক্তৰ বৈঠক

নিউজ ডেক্স, দ্য পজিটিভ ৰিপৰ্ট, ৬ মে': ক'ভিড-১৯ ৰোগৰ দ্ৰুত সংক্ৰমণ ৰোধৰ লক্ষ্যৰে তথা চাহ বাগিচা এলেকাত গ্ৰহণ কৰা ক'ভিড-১৯ ব্যৱস্থাপনা সন্দৰ্ভত বুজ লোৱাৰ উদ্দেশ্যে আজি শিৱসাগৰ জিলাৰ উপায়ুক্ত বিষ্ণু কমল বৰাৰ অধ্যক্ষতাত জিলাখনৰ চাহ বাগিচা সমুহৰ কৰ্তৃপক্ষৰ সৈতে এখন গুৰুত্বপূৰ্ণ বৈঠক অনুষ্ঠিত হয়। উপায়ুক্ত কাৰ্য্যালয়ৰ চুকাফা সভাকক্ষত অনুষ্ঠিত এই বৈঠকত উপায়ুক্ত গৰাকীয়ে চাহ বাগিচা সমুহৰ কৰ্তৃপক্ষক ক'ভিড-১৯ ৰোগৰ দ্ৰুত সংক্ৰমণৰ ৰোধৰ বাবে গ্ৰহণ কৰিবলগীয়া ব্যৱস্থাৱলী তৎপৰতাৰে গ্ৰহণ কৰিবলৈ আহ্বান জনায়। তেওঁ চাহ বাগিচা এলেকা সমূহত ক'ভিড-১৯ -ৰ বিষয়ে ব্যাপক হাৰত সজাগতা বৃদ্ধিৰ ওপৰত গুৰুত্ব আৰোপ কৰে। লগতে তেওঁ চাহ বাগিচাসমূহৰ অধীনস্থ চিকিৎসালয় বা স্বাস্থ্য কেন্দ্ৰ সমূহৰ ক'ভিড-১৯ ৰোগীৰ বাবে পৰ্যাপ্ত আছুতীয়া কক্ষ, বিচনা, অক্সিজেন, দৰৱ আদিৰ ব্যৱস্থা মজুতকৰণৰ ওপৰত প্ৰাধান্য দিয়ে। নিজ বক্তব্যত তেওঁ চাহ বাগিচা এলেকাত বহুলভাৱে ক'ভিড-১৯ পৰীক্ষণৰ ব্যৱস্থা কৰিবলৈও নিৰ্দেশ প্ৰদান কৰে। "সাৱধানতা আৰু সচেতনতাই ক'ভিড-১৯ বিৰুদ্ধে যুঁজত মূল ঢাল ৰূপে কাম কৰিব" বুলিও তেওঁ মন্তব্য কৰে। বৰ্তমানলৈ জিলাখনত অক্সিজেনৰ নাটনি হোৱা নাই বুলিও তেওঁ জানিবলৈ দিয়ে। তেওঁ ক'ভিড-১৯ -ত আক্ৰান্ত ৰোগীক যাতে কোনোধৰণে হেয় প্ৰতিপন্ন কৰা নহয় তাৰ প্ৰতি সচেতন হ'বলৈ আহ্বান জনায়। কন্টেইনমেণ্ট জ'নৰ আবাসী সকলৰ বাবে প্ৰয়োজনীয় খাদ্যসামগ্ৰী, দৰৱ আদিৰ ব্যৱস্থাৰ প্ৰতিও লক্ষ্য ৰাখিবলৈ তেওঁ বাগিচা কৰ্তৃপক্ষক আহ্বান জনায়। ক'ভিড ৰোগীৰ মনোবল বৃদ্ধিৰ বাবেও বিশেষ পদক্ষেপ গ্ৰহণ কৰিবলৈও তেওঁ পৰামৰ্শ দিয়ে। পৰৱৰ্তী এমাহলৈ পৰিস্থিতি প্ৰত্যাহ্বানপূৰ্ণ হোৱা হেতুকে তেওঁ সংশ্লিষ্ট সকলোকে চৰকাৰ তথা স্বাস্থ্য বিভাগৰ নীতি-নিৰ্দেশনা সমূহ কঠোৰভাৱে পালন কৰিবলৈ আহ্বান জনায়। তেওঁ ক'ভিডৰ বিৰুদ্ধে এই যুঁজত সকলোৰে পূৰ্ণ সহযোগিতা কামনা কৰে। বৈঠকত স্বাস্থ্যসেৱাৰ যুটীয়া সঞ্চালক ডাঃ স্যমন্ত মাধৱ শৰ্মাই চাহ বাগিচাৰ স্বাস্থ্য কর্মীসকলক বিভাগীয় ভাৱে প্ৰশিক্ষণ প্ৰদান কৰিবলৈ আগ্ৰহ প্ৰকাশ কৰি কয় যে, ইয়াৰ দ্বাৰা তেওঁলোকে বাগিচা এলেকা সমূহত ক'ভিড পৰীক্ষণ প্ৰক্ৰিয়া সুচাৰুভাৱে চলাই যাব পাৰিব। ১৮ ৰ পৰা ৪৪ বয়সৰ লোকসকলৰ ভেকচিন প্ৰদান কৰাৰ ক্ষেত্ৰত চাহ বাগিচা এলেকাৰ লোকসকলৰ পঞ্জীয়নৰ সুবিধাৰ্থে বাগিচা কৰ্তৃপক্ষক কৰ্মচাৰী নিয়োজিত কৰাৰ বাবেও তেওঁ পৰামৰ্শ প্ৰদান কৰে। তেওঁ লগতে প্ৰয়োজনীয় দৰৱ, এম্বুলেঞ্চ আৰু পাল্ছ অক্সিমিটাৰৰ পৰ্যাপ্ত ব্যৱস্থা ৰাখিবলৈ আহ্বান জনায়। উল্লেখযোগ্য যে, জিলাখনৰ ২৭ খন চাহ বাগিচাৰ ১৯ খনত চিকিৎসালয় বা স্বাস্থ্য কেন্দ্ৰ আছে।

06/05/2021

■ নাজিৰাৰ সুন্দৰপুখুৰীৰ দুগ্ধ সমবায় সমিতিৰ দুগ্ধ বিপণি মুকলি

নিউজ ডেক্স, দ্য পজিটিভ ৰিপৰ্ট, ৬ মে' : নাজিৰা পৰিবহন নিগম আস্থানৰ নাজিৰা পৌৰসভাৰ "লঘু বজাৰ চৌহদ"ত আজি এখন "দুগ্ধ বিপণি" মুকলি কৰা হয় । এই বিপনিত গ্ৰাহক ৰাইজে উচিত মূল্যত গাখীৰ তথা দুগ্ধজাত সামগ্রী লাভ কৰিব । এই বিষয়ে সদৰি কৰি নাজিৰাৰ পশু চিকিৎসক ডাঃ জগদীশ বৰ্মনে কয় যে, "সাম্প্ৰতিক কৰ'না সৃষ্ট সংকট কালত কৃষকৰ বিশেষকৈ পশু পালকসকল বাৰুকৈয়ে ক্ষতিগ্রস্ত হৈছে । সেয়েহে কৃষকসকলক সকাহ দিয়া উদ্দেশ্যে ইয়াৰ জৰিয়তে কৃষকে উৎপাদিত সামগ্রীসমূহ বিক্ৰীৰ এক নিৰ্ভৰযোগ্য বজাৰ লাভ কৰিব । বিপণিখনত দৈ, পনীৰ আদি দুগ্ধজাত সামগ্রীৰ উপৰিও স্থানীয় মহিলাসকলৰ দ্বাৰা উৎপাদিত কণী, পিঠা-পনা আদিও বিক্ৰীৰ সুবিধা থাকিব । ফলত গ্ৰাহক ৰাইজেও সহজেই মানসম্পন্ন থলুৱা সামগ্রীৰ সোৱাদ লাভ কৰিব পাৰিব । ইয়াৰ জৰিয়তে নিবনুৱাৰ স্বাৱলম্বনৰ উপৰি মহিলা সবলীকৰণৰ পথো মুকলি কৰিব । তদুপৰি কিছুদিন ধৰি স্তিমিত হৈ পৰা সুন্দৰপুখুৰী দুগ্ধ সমবায় সমিতিৰ দুগ্ধ আন্দোলনেও পুনৰ গতি লাভ কৰিব ।" ডাঃ বৰ্মন আশাবাদী যে এই বিপণিৰ পৰা নাজিৰা নগৰ এলেকাৰ গ্ৰাহকে গৃহযোগান সুবিধা গ্রহণ কৰিব পাৰিব আৰু এই নতুন প্ৰচেষ্টা সকলো শ্ৰেণীৰ ৰাইজে আন্তৰিকতাৰে আঁকোৱালি লব । এই অনুষ্ঠানত নাজিৰা মহকুমা প্ৰশাসনৰ নিৰ্বাচনী বিষয়া সুজাতা গগৈ, সহকাৰী আয়ুক্ত ৰুবি কুমাৰী ৰায় আৰু সমবায় বিভাগৰ সহকাৰী পঞ্জীয়ক ড° নাচিৰউদ্দিন আহমেদ উপস্থিত থাকে। তদুপৰি সুন্দৰপুখুৰী দুগ্ধ সমবায় সমিতিৰ সভাপতি, সম্পাদককে ধৰি ভালেকেইজন বিশিষ্ট ব্যক্তিয়ে অংশগ্রহণ কৰে।

06/05/2021

অখিল গগৈৰ জয়ৰ পিছত প্ৰথমটো মন্তব্য অখিলৰ মাতৃ প্ৰিয়দা গগৈৰ। শিৱসাগৰবাসীক ধন্যবাদ জনাইছে অখিলৰ মাতৃয়ে।

05/05/2021

গোগামুখ শংকৰদেৱ শিশু নিকেতনত অধ্যয়নৰত ছাত্ৰী দ্বীপশিখা শইকীয়াক কালি কোনো অচিনাক্ত দুৰ্বৃত্তই ঘৰত কোনো নথকাৰ সুযোগ লৈ ধৰ্ষণ কৰি হত্যা কৰি ঘৰৰ ভিতৰতেই ওলোমাই থৈ যায় । স্থানীয় ৰাইজে ঘটনাৰ উচিত তদন্তৰ দাবী তুলিছে।

05/05/2021

কাইলৈৰ পৰা কাৰ্যকৰী হোৱাকৈ ৰাজ্যত সকলো ধৰণৰ শিক্ষানুষ্ঠান বন্ধৰ নিৰ্দেশনা ।

05/05/2021

আজিৰে পৰা প্ৰযোজ্য হোৱাকৈ অসমত Covid সম্পৰ্কীয় নতুন নীতি-নিৰ্দেশনা

24/01/2021

THE POSITIVE REPORT, ASSAM // PROMO // POSITIVE NEWS CHANNEL // NOBIN BURAGOHAIN // RITU PRIYAM //

কেৱল ধনাত্মক খবৰৰ #নিউজ_চেনেল ""THE POSITIVE REPORT, ASSAM'' ......

আমাৰ ফেচবুক লিংক :: https://www.facebook.com/thepositivereport01/

আমাৰ ইউটিউব লিংক :: https://youtube.com/channel/UCQ-Wuqyq4U-jG_riTA-YZXQ

অনুগ্ৰহ কৰি আমাৰ ফেচবুকৰ পেজটো LIKE আৰু FOLLOW কৰিব । লগতে SHARE কৰিবলৈ নাপাহৰিব ।

লগতে অনুগ্ৰহ কৰি YOUTUBE CHANNEL টো SHARE কৰাৰ লগতে SUBSCRIBE কৰি NOTIFICATION BUTTOM টো ALL কৰি দিব । যাতে আমাৰ প্ৰতিটো খবৰ আপুনি প্ৰথমে পায় ।