manajammikunta.com

జమ్మికుంట పట్టణంలో ఘనంగా సర్దార్ సర్వాయి పాపన్న గౌడ్ జయంతి ఉత్సవాలు జమ్మికుంట: పట్టణంలోనీ హుజరాబాద్ దారిలో గల సర్దార్ సర్వాయి పాపన్న గౌడ్ విగ్రహం వద్ద 373 వ జయంతి ఉత్సవాలను జమ్మికుంట మున్సిపల్ చైర్మన్ తక్కల్లపల్లి రాజేశ్వరరావు, వైస్ చైర్మన్ దేశిని స్వప్న కోటి గౌడ్, కమిషనర్ బి. శ్రీనివాస్ మరియు కౌన్సిలర్లు అధికారికంగా నిర్వహించారు. ఈ కార్యక్రమంలో పాల్గొన్న వక్తలు మాట్లాడుతూ ఆనాటి పాలకులు మొగల్ చక్రవర్తుల అరాచకాలను భూస్వాముల పెత్తందార్ల అనచివేతలను ఎదిరించి దాదాపు 20 కోటలను జయించి 25 సంవత్సరాల సుపరిపాలన అందించి, చివరికి గోల్కొండ కోటను జయించి, పీడిత వర్గాలకు న్యాయం జరిగేలా బహుజనులకు రాజ్యాధికారం రుచి చూపించి, సుపరిపాలన అందించిన గొప్ప చక్రవర్తి అని కొనియాడినారు. పాపన్న ఆశయ సాధనకై మన మందరం కృషి చేయాలని పిలుపునిచ్చారు.