ORAMA News

03/02/2025

ମୁଗପାଳ ଛକରେ ହମ୍ପସ ନିର୍ମାଣ ଦାବି
ଯାଜପୁର,୩।୨(ଓଏନ): ୨୦ ନମ୍ବର ଜାତୀୟ ରାଜପଥ କୁଆଖିଆ-ବରୁଆଁ-ଯାଜପୁର ରାସ୍ତା ସଂପ୍ରସାରଣ କାର୍ଯ୍ୟ ଚାଲୁ ରହିଛି । କୁଆଖିଆ ଠାରୁ ହରିପୁର ନିକଟ ଗୋବିନ୍ଦପୁର ପର୍ଯ୍ୟନ୍ତ ରାସ୍ତା ଦୋହରୀ କରଣ କାର୍ଯ୍ୟ ପ୍ରାୟ ଶେଷ ହୋଇଛି । ରାସ୍ତା ସଂପ୍ରସାରଣ ପରେ ଏହି ରାସ୍ତାର ପ୍ରମୁଖ ଛକ ମୁଗପାଳ ବିପଦପୂର୍ଣ୍ଣ ହୋଇ ପଡିଛି । ଏହି ଛକରେ ସ୍କୁଲ, କଲେଜ ଓ ବିଭିନ୍ନ ଦୋକାନ ରହିଛି । ସ୍କୁଲକୁ ବହୁ ସଂଖ୍ୟାରେ ଛୋଟ ପିଲା ରାସ୍ତା ପାର ହୋଇ ଯାଉଛନ୍ତି । ରାସ୍ତା ସଂପ୍ରସାରଣ ପରେ ବହୁ ଗାଡି ଚାଳକ ଦ୍ରୁତ ଗତିରେ ଗାଡି ଚଳାଉଛନ୍ତି । ଫଳରେ ଦୁର୍ଘଟଣାର ଆଶଙ୍କା ବଢି ଯାଇଛି । ତେଣୁ ଏହି ଛକର ଉଭୟ ପଟେ ହମ୍ପସ ନିର୍ମାଣ ସହିତ ସୂଚନା ଫ୍ଲକ ଦେବାକୁ ସାଧାରଣରେ ଦାବି ହୋଇଛି ।

01/02/2025

ସ୍ମଶାନରେ ପହଞ୍ଚି ଦୁଇ ମୃତକଙ୍କୁ ଶ୍ରଦ୍ଧାଞ୍ଜଳି ଦେଲେ ଇଂ ପ୍ରୀତିରଞ୍ଜନ
ଯାଜପୁର,୧।୨(ଓଏନ): ଆଜି ସୁକିନ୍ଦା ଅଞ୍ଚଳର ଦୁଇ ଜଣଙ୍କ ଦେହାନ୍ତ ହୋଇଥିଲା । ଏହି ଖବର ପାଇ ପୂର୍ବତନ ମନ୍ତ୍ରୀ ଇଂ ପ୍ରୀତିରଞ୍ଜନ ଘଡାଇ ସ୍ମଶାନରେ ପହଞ୍ଚି ଉଭୟ ମୃତକଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି । ସୁକିନ୍ଦା ବ୍ଲକ୍ ହରିପୁର ପଞ୍ଚାୟତର ପୂର୍ବତନ ସରପଞ୍ଚଙ୍କ ସ୍ୱାମୀ ରଞ୍ଜନ କୁମାର ମଳିକ ଓ ଅତା ପଞ୍ଚାୟତ ରାଜଗୋଲା ଗ୍ରାମର ଖଜିର ସ୍ୱାଇଁଙ୍କ ଦେହାନ୍ତ ହୋଇଥିଲା । ଏହି ସମୟରେ ସୁକିନ୍ଦା ବ୍ଲକ ଅଧ୍ୟକ୍ଷ ଦିବ୍ୟରଞ୍ଜନ ବରାଳ ପ୍ରମୁଖ ଉପସ୍ଥିତ ଥିଲେ ।

01/02/2025

ଦୁର୍ଘଟଣାରେ ମୃତ୍ୟୁ ପରେ ଚକ୍ଷୁ ଦାନ କଲେ ପରିବାର
ଅର୍ଚ୍ଚିତା ଆଖିରେ ଦୁନିଆ ଦେଖିବ ଆଉକିଏ
ଯାଜପୁର,୧।୨(ଓଏନ): ଗତ କାଲି ଦାନଗଦି ଛକରେ ଏକ ଦୁର୍ଘଟଣାରେ ଦୁଇଜଣ ନାବାଳିକା ସ୍କୁଲ ଛାତ୍ରୀ ଗୁରୁତର ଆହତ ହୋଇଥିଲେ । ସେମାନଙ୍କ ମଧ୍ୟରୁ ଅର୍ଚ୍ଚିତା ବେହେରାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ସ୍ଥାନାନ୍ତରିତ କରାଯାଇଥିଲା । ସେଠାରେ ତାଙ୍କର ଦେହାନ୍ତ ହୋଇଯାଇଥିଲା । ପୂର୍ବରୁ ଧୂଳିଗଡ଼ ଅଞ୍ଚଳର ବାପା ଅମିତାଭ ବେହେରାଙ୍କ ମୃତ୍ୟୁ ହୋଇ ଯାଇଥିଲା । ଅର୍ଚ୍ଚିତାଙ୍କ ମା ମୂଲ ଲାଗି ପରିବାର ଚଳାଉଥିଲେ । ପାଠ ପଢି ଅର୍ଚ୍ଚିତା ଚାକରି କରିବ, ମା ଓ ସାନ ଭାଇକୁ ଭଲରେ ରଖିବ ଏମିତି କିଛି ସ୍ୱପ୍ନ ଦେଖିଥିଲା। ହେଲେ ବିଧିର ବିଧାନ ଥିଲା ଅଲଗା । ଜଣେ ଟ୍ରକ ଡ୍ରାଇଭରର ବେପରୁଆ ଗାଡି ଚାଳନା ତାକୁ ଆରପାରିକୁ ନେଇ ଗଲା । ଦୁଃଖର ପାହାଡ଼ ଏବେ ଛିଣ୍ଡି ପଡିଛି ପରିବାର ଉପରେ । ହେଲେ ପରିବାର ଲୋକେ ଅର୍ଚ୍ଚିତାର ମୃତ୍ୟୁ ପରେ ତାର ଦୁଇ ଆଖିକୁ ଦାନ କରି ଦେଇଛନ୍ତି । ଏହି ଆଖି ଅନ୍ୟ ଦୃଷ୍ଟିହୀନ ବ୍ୟକ୍ତିଙ୍କ ପାଇଁ ବରଦାନ ହେବାକୁ ଯାଉଛି । ଅର୍ଚ୍ଚିତାର ଆଖିରେ ଆଉ କିଏ ଦୁନିଆ ଦେଖିବ । ଅର୍ଚ୍ଚିତା ସିନା ଆଜି ପର ପାରିରେ, ହେଲେ ଅର୍ଚ୍ଚିତା ଆଖି ବଞ୍ଚି ରହିଛି ଓ ଆଉ କାହାକୁ ଦୁନିଆ ଦେଖିବାରେ ସାହାଯ୍ୟ କରିବ ନିଶ୍ଚିତ ।

28/01/2025

କଳିଙ୍ଗ ନଗର ସ୍ଥିତି ଗମ୍ଭୀର । ସୁରକ୍ଷା କର୍ମୀଙ୍କ ଆକ୍ରମଣରେ ଦୁଇ ଗୁରୁତର ।

28/01/2025

ଭଲ ଖେଳ, ନିଜକୁ ଫିଟ ରଖ, ଭଲ ମଣିଷ ହୁଅ-ଇଂ ପ୍ରୀତିରଞ୍ଜନ
ଯାଜପୁର,୨୮।୧(ଓଏନ): ଦାନଗଦୀ ବ୍ଲକ୍ ମାଣତିରା ପଞ୍ଚାୟତ ଜଗନ୍ନାଥ କ୍ଲବ ଆନୁକୂଲ୍ୟରେ ଆୟୋଜିତ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ହୋଇ ଯାଇଛି । ଉକ୍ତ ଉତ୍ସବରେ ପୂର୍ବତନ ମନ୍ତ୍ରୀ ଇଂ ପ୍ରୀତିରଞ୍ଜବ ଘଡାଇ ମୁଖ୍ୟ ଅତିଥି ଭାବେ ଯୋଗ ଦେଇ ଖେଳାଳୀମାନଙ୍କୁ ପୁରସ୍କୃତ କରିଥିଲେ । ନିଜ ବକ୍ତବ୍ୟରେ ଇଂ ଘଡାଇ କହିଥିଲେ ପିଲା ମାନେ ଭଲ ଖେଳି ନିଜକୁ ଫିଟ ରଖିବା ସହିତ ସମାଜରେ ଜଣେ ଜଣେ ଭଲ ମଣିଷ ହୁଅ । ଏହି ଖେଳକୁ ଦେଖିବାକୁ ସ୍ଥାନୀୟ ଅଞ୍ଚଳର ବହୁ ସଂଖ୍ୟାରେ ଲୋକ ଉପସ୍ଥିତ ଥିଲେ ।

26/01/2025

ମା’ ବିରଜାଙ୍କ ପୀଠର ଉନ୍ନତିକରଣ ଓ ସୌନ୍ଦର୍ଯ୍ୟକରଣ କାର୍ଯ୍ୟର ସମୀକ୍ଷା କଲେ ଆଇନ ମନ୍ତ୍ରୀ
ଯାଜପୁର,୨୬।୧(ଓଏନ): ଅଧିଷ୍ଠାତ୍ରୀ ଦେବୀ ମା ବିରଜା ମନ୍ଦିର ଓ ପାରିପାର୍ଶ୍ୱିକ ଉନ୍ନୟନ ପାଇଁ ଯେଉଁ ସବୁ ପ୍ରକଳ୍ପ ହାତକୁ ନିଆ ଯାଇଛି ତାର ସମୀକ୍ଷା କରିଛନ୍ତି ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ । ଜିଲ୍ଲା ପ୍ରଦକ୍ଷଣ ଗୃହରେ ଏହି ସମୀକ୍ଷା ବୈଠକ ଅନୁଷ୍ଠିତ ହୋଇଥିଲା । ବୈଠକରେ ସବୁ ପ୍ରକଳ୍ପ ଠିକ୍ ସମୟରେ ସମ୍ପୂର୍ଣ୍ଣ କରିବା ଉପରେ ଗୁରୁତ୍ୱ ଦିଆଯାଇଥିଲା। ଏହି ବୈଠକରେ ଅନ୍ୟମାନଙ୍କ ମଧ୍ୟରେ ବଡ଼ଚ଼ଣାର ବିଧାୟକ ଅମର ନାୟକ, ଯାଜପୁର ଜିଲ୍ଲାପାଳ ପି. ଅନ୍ୱେଷା ରେଡ୍ଡୀ, ନିର୍ମାଣ ବିଭାଗର ବିଭାଗୀୟ ଅଧିକାରୀଙ୍କ ସହିତ ସ୍ଥାନୀୟ ନେତୃବୃନ୍ଦ ଉପସ୍ଥିତ ଥିଲେ।

26/01/2025

ବିରଜା ହାଟ ବୁଲିଲେ ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ
ଯାଜପୁର,୨୬।୧(ଓଏନ): ଆଜି ସାଧାରଣତନ୍ତ୍ର ଦିବସ ପାଇଁ ଯାଜପୁର ଗସ୍ତରେ ଥିବା ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ଯାଜପୁର ବିରଜା ହାଟ ପରିଦର୍ଶନ କରି ଚାଷୀ ଓ ବ୍ୟବସାୟୀ ମାନଙ୍କ ସହ ସେମାନଙ୍କର ବିଭିନ୍ନ ସମସ୍ୟା ସଂପର୍କରେ ଆଲୋଚନା କରିଥିଲେ। ହାଟ ବ୍ୟବସ୍ଥାକୁ ଏକ ବ୍ୟବସ୍ଥିତ ଢଙ୍ଗରେ ପରିଚାଳିତ କରିବା, ହାଟରେ ବ୍ୟବସାୟୀ ଓ ଖାଉଟି ମାନଙ୍କ ପାଇଁ ପାନୀୟ ଜଳ, ଶୌଚାଳୟ ସମସ୍ୟାର ସମାଧାନ ପାଇଁ ନିର୍ଦ୍ଦେଶ ଦେଇଛନ୍ତି ମନ୍ତ୍ରୀ ଶ୍ରୀ ହରିଚନ୍ଦନ । ଏହି ସମୟରେ ଜିଲ୍ଲା ବିଜେପି ସଭାପତି ଗୌତମ ରାୟ, ଜିଲ୍ଲା ବିଜେପି ସମ୍ପାଦକ ସୁରଜ ଲାଲ ସାମଲ ପ୍ରମୁଖ ମଧ୍ୟ ଉପସ୍ଥିତ ଥିଲେ ।

26/01/2025

କୁହୁଡି ଚାଦରରେ ଘୋଡେଇ ହେଉଛି ଯାଜପୁର

ଯାଜପୁର,୨୬।୧(ଓଏନ): ଗତ କିଛିଦିନ ହେଲା ଯାଜପୁର ଜିଲ୍ଲାରେ ଘନ କୁହୁଡି ଦେଖିବାକୁ ମିଳୁଛି । ଡେରି ରାତିରୁ ଆରମ୍ଭ ହେଉଥିବା କୁହୁଡ଼ିର ଚାଦରରେ ପୁରା ଜିଲ୍ଲା ସକାଳ ପର୍ଯ୍ୟନ୍ତ ଘୋଡେଇ ହୋଇ ରହୁଛି । ଘନ କୁହୁଡି ଯୋଗୁ ରାସ୍ତାରେ ଗାଡ଼ି ଚଳାଇବା ବିପଦପୂର୍ଣ୍ଣ ହୋଇ ପଡୁଛି । ସକାଳ ପ୍ରାୟ ସାଢ଼େ ଆଠଟା ପର୍ଯ୍ୟନ୍ତ କୁହୁଡି ରହୁଛି । ଘନ କୁହୁଡି କୋବି ଚାଷୀଙ୍କ ଚିନ୍ତା ବଢ଼ାଇ ଦେଇଛି ।

26/01/2025

୭୬ତମ ଗଣତନ୍ତ୍ର ଦିବସ ଅବସରରେ ପତାକା ଉତ୍ତୋଳନ କଲେ ପୂର୍ବତନ ମନ୍ତ୍ରୀ----------
ଦେଶର ଅଖଣ୍ଡତା, ଏକତା ଓ ସର୍ବଭୌମତା ବଜାୟ ରଖିବା ଆମ କର୍ତ୍ତବ୍ୟ-ଇଂ ପ୍ରୀତିରଞ୍ଜନ ଘଡାଇ
ଯାଜପୁର,୨୬।୧(ଓଏନ): ଆଜି ପବିତ୍ର ୭୬ ତମ ସାଧାରଣତନ୍ତ୍ର ଦିବସ । ଏହି ପବିତ୍ର ଦିନ ଅବସରରେ ପୂର୍ବତନ ମନ୍ତ୍ରୀ ଇଂ ପ୍ରୀତିରଞ୍ଜନ ଘଡାଇ ଦାନଗଦଦୀ ବିଜୁ ଜନତା ଦଳ କାର୍ଯ୍ୟାଳୟରେ ଦଳୀୟ କର୍ମକର୍ତ୍ତା ଓ ଜନ ସାଧାରଣଙ୍କ ଉପସ୍ଥିତିରେ ଜାତୀୟ ପତାକା ଉତ୍ତୋଳନ କରିଥିଲେ । ଏହି ଅବସରରେ ଦେଶ ଓ ସମ୍ବିଧାନକୁ ସବୁବେଳେ ସର୍ବୋଚ୍ଚ ସମ୍ମାନ ପ୍ରଦାନ କରିବାପାଇଁ ସମସ୍ତଙ୍କୁ ପରାମର୍ଶ ଦେବା ସହିତ ଦେଶର ଅଖଣ୍ଡତା, ଏକତା ଓ ସର୍ବଭୌମତା ବଜାୟ ରଖିବା ଆମ କର୍ତ୍ତବ୍ୟ ବୋଲି ମତ ଦେଇଥିଲେ । ଆମ ଦେଶର ସ୍ୱାଧୀନତା ସଂଗ୍ରାମରେ ଆମ ଜିଲ୍ଲାର ମହାନ ସ୍ୱାଧୀନତା ସଂଗ୍ରାମୀଙ୍କ ଅବଦାନ ଅତୁଳନୀୟ । ସେମାନଙ୍କ ଦେଶ ଭକ୍ତି ଓ ବଳିଦାନ ଆମ ପାଇଁ ସବୁ ସମୟରେ ପ୍ରେରଣା ହୋଇ ରହିଛି ବୋଲି କହିଥିଲେ ।

26/01/2025

ଦେଶର ମହାନ ଗଣତନ୍ତ୍ର ସାରା ବିଶ୍ୱରେ ବିରଳ-ଡ଼ଃ ପ୍ରଫୁଲ୍ଲ ଚନ୍ଦ୍ର ଘଡାଇ
ଯାଜପୁର,୨୬।୧(ଓଏନ): ୭୬ତମ ସାଧାରଣତନ୍ତ୍ର ଦିବସ ଅବସରରେ ସୁକିନ୍ଦା ରିଜିୟନ କ୍ରୋମାଇଟ ଖାଦାନ ମଜଦୂର ସଂଘର ପ୍ରତିଷ୍ଠାତା ତଥା ପୂର୍ବତନ ଅର୍ଥ ମନ୍ତ୍ରୀ ଡ଼ଃ ପ୍ରଫୁଲ୍ଲ ଚନ୍ଦ୍ର ଘଡାଇ ଆଜି ୟୁନିୟନ ଅଫିସ ଠାରେ ପତାକା ଉତ୍ତୋଳନ କରିଥିଲେ । ସେ ନିଜ ବକ୍ତବ୍ୟରେ ଆମ ଦେଶର ମୁକ୍ତି ସଂଗ୍ରାମର ସେଇ ବୀର ପୁରୁଷମାନଙ୍କର ସାହସ ଆଉ ବୀରତ୍ୱର ସ୍ମୃତିଚାରଣ କରିଥିଲେ । ଏହା ସହିତ ଆମ ଦେଶର ଗଣତନ୍ତ୍ର ସାରା ବିଶ୍ୱରେ ବିରଳ ବୋଲି ମତ ଦେଇଥିଲେ । କାର୍ଯ୍ୟକ୍ରମରେ ଛୋଟ ପିଲାମାନଙ୍କ ଦ୍ୱାରା ସୁନ୍ଦର ନୃତ୍ଯ ଗୀତ ପ୍ରଦର୍ଶନ କରାଯାଇଥିଲା । ଡ଼ଃ ଘଡାଇ ପିଲା ମାନଙ୍କୁ ପୁରସ୍କୃତ କରିଥିଲେ ।

26/01/2025

ଲଳିତେଶ୍ୱର ନଗରରେ ବିଦ୍ୟୁତ ଆଘାତରେ ଶ୍ରମିକ ଗୁରୁତର ।

25/01/2025

25/01/2025

ଜହ୍ନା ଓଭର ବ୍ରିଜ ଉପରେ ଦୁର୍ଘଟଣାରେ ଜଳି ଯାଇଥିବା କାର

25/01/2025

ଜହ୍ନା ଓଭର ବ୍ରିଜ ଉପରେ ଭୟଙ୍କର ଦୁର୍ଘଟଣା, ଜଳିଗଲା କାର, ଜଣେ ଗୁରୁତର
ଯାଜପୁର,୨୫।୧(ଓଏନ): ପାଣିକୋଇଲି-ଯାଜପୁର ରୋଡ଼-କେନ୍ଦୁଝର ରାସ୍ତାର ଜହ୍ନା ଓଭର ବ୍ରିଜ ଉପରେ ଆଜି ରାତି ପ୍ରାୟ ୯ ଟା ସମୟରେ ଏକ ଭୟଙ୍କର କାର ଦୁର୍ଘଟଣା ହୋଇଛି । ଦୁର୍ଘଟଣାରେ କାରଟି ସମ୍ପୂର୍ଣ୍ଣ ଜଳି ଯାଇଥିଲା ବେଳେ କାର ଚାଳକ ଜଣକ ଗୁରୁତର ଆହତ ହୋଇଛନ୍ତି ।କାରର ନମ୍ବର ଜଳି ଯାଇଥିଲା ବେଳେ କାର ଚାଳକଙ୍କ ପରିଚୟ ମିଳି ପାରି ନାହିଁ । କାର ଚାଳକ ଜଣକ ଯାଜପୁର ରୋଡ଼ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସିତ ହେଉଥିଲା ବେଳେ ତାଙ୍କ ଅବସ୍ଥା ସଙ୍କଟାପନ୍ନ ରହିଛି । ଗାଡିଟି ଅତି ଦ୍ରୁତ ବେଗରେ ପାଣିକୋଇଲି ଆଡୁ ଆସି ଓଭର ବ୍ରିଜ ଉପରେ ଜଳି ଯାଇଥିଲା । ଏହି ଓଭର ବ୍ରିଜ ଉପରେ ଗାଡି ଚଳାଚଳ କରୁ ନଥିଲା ବେଳେ ଓଭର ବ୍ରିଜ ଆରମ୍ଭରେ ଚିପ୍ସ ଗଦା କରାଯାଇଛି । ଉପସ୍ଥିତ ଲୋକଙ୍କ ସୂଚନା ଅନୁଯାୟୀ କାରଟି ଅତି ଦ୍ରୁତ ଗତିରେ ଆସି ଚିପ୍ସ ଉପରେ ଚଢ଼ି ପ୍ରାୟ ୧୦ ଫୁଟ ଉଚ୍ଚତାରେ ଯାଇ ଦୁଇ ଶହ ମିଟରେ ଦୂରରେ ପଡି ନିଆଁ ଲାଗି ଯାଇଥିଲା । ଉପସ୍ଥିତ ଲୋକମାନେ ଚାଳକ ଜଣଙ୍କୁ ଉଦ୍ଧାର କରିବା ସହିତ ଅଗ୍ନିଶମ କେନ୍ଦ୍ରକୁ ଖବର ଦେଇଥିଲେ । ଖବର ପାଇଁ ଅଗ୍ନିଶମ ବାହିନୀ ଆସି ନିଆଁ ଲିଭାଇଥିଲେ । ହେଲେ ସେତେ ବେଳକୁ କାରଟି ସମ୍ପୁର୍ଣ୍ଣ ଜଳି ଯାଇଥିଲା । ଅନ୍ୟ ଏକ ସୁତରୁ ଜଣାଯାଇଛି କାରଟି ଅନ୍ୟ ଜଣେ ବାଇକ ଚାଳକଙ୍କୁ ଧକା ଦେଇ ଦ୍ରୁତ ଗତିରେ ପଳାଉ ଥିଲା ବେଳେ ଏହି ଦୁର୍ଘଟଣା ଘଟିଛି ।

23/01/2025

ଜି. ସି.କଲେଜରେ ବାଣିଜ୍ୟ ବିଭାଗର ରାଜ୍ୟ ସ୍ତରୀୟ ସେମିନାର
ସାମଗ୍ରିକ ଶିକ୍ଷା ବ୍ୟବସ୍ଥାରେ ବାଣିଜ୍ୟ ଶିକ୍ଷା ବେଶ ଗୁରୁତ୍ୱପୂର୍ଣ୍ଣ
ଯାଜପୁର(ଓଏନ): ବରୀ ରାମଚନ୍ଦ୍ରପୁର ସ୍ଥିତ ଜିଲ୍ଲାର ଦ୍ଵିତୀୟ ପୁରାତନ ଗୋପବନ୍ଧୁ ଚୌଧୁରୀ ମହା ବିଦ୍ୟାଳୟରେ ବାଣିଜ୍ୟ ବିଭାଗର ରାଜ୍ୟ ସ୍ତରୀୟ ସେମିନାର ଅନୁଷ୍ଠିତ ହୋଇ ଯାଇଛି । ନୂତନ ଶିକ୍ଷାନୀତିର ବାଣିଜ୍ୟ ଶିକ୍ଷା ଉପରେ ପ୍ରଭାବ ଶୀର୍ଷକ ଆଲୋଚନା ଚକ୍ରରେ ମହାବିଦ୍ୟାଳୟ ଅଧ୍ୟକ୍ଷ ପ୍ରଫେସର ପ୍ରବୋଧ କୁମାର ସାମଲ ଅଧ୍ୟକ୍ଷତା କରିଥିଲେ । କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଉତ୍କଳ ବିଶ୍ୱ ବିଦ୍ୟାଳୟ ବାଣିଜ୍ୟ ବିଭାଗ ମୁଖ୍ୟ ଡ଼ଃ ରବୀନ୍ଦ୍ର କୁମାର ସ୍ୱାଇଁ, ସମ୍ମାନିତ ଅତିଥି ଭାବେ କିଟ ବିଶ୍ଵବିଦ୍ୟାଳୟର ଆସିଷ୍ଟାଣ୍ଟ ପ୍ରଫେସର ଡ଼ଃ ହିମାଂଶୁ ଅଗ୍ରୱାଲ ଯୋଗଦାନ କରିଥିଲେ । ଗୋପବନ୍ଧୁ ଚୌଧୁରୀ କଲେଜ ବାଣିଜ୍ୟ ବିଭାଗ ମୁଖ୍ୟ ଡ଼ଃ ନରୋତ୍ତମ ପରିଡା ସ୍ୱାଗତ ଭାଷଣ ପ୍ରଦାନ କରିବା ସହିତ ଅତିଥି ପରିଚୟ ପ୍ରଦାନ କରିଥିଲେ । ଆଲୋଚନା ଚକ୍ରରେ ଅତିଥି ମାନେ ସାମଗ୍ରିକ ସମୟରେ ଓ ନୂତନ ଶିକ୍ଷା ବ୍ୟବସ୍ଥାରେ ବାଣିଜ୍ୟ ଶିକ୍ଷାର ଗୁରୁତ୍ୱପୂର୍ଣ୍ଣ ଭୂମିକା ରହିଥିବା ମତ ଦେଇଥିଲେ । ଏହା ସହିତ ନୂତନ ଶିକ୍ଷା ବ୍ୟବସ୍ଥାରେ ନୂଆ ବୈଷୟିକ ଜ୍ଞାନ କୌଶଳ ଦ୍ୱାରା ବାଣିଜ୍ୟ ଶିକ୍ଷା ଅଧିକ ଗତିଶୀଳ ହେବ ବୋଲି ଆଶା ବ୍ୟକ୍ତ କରିବା ସହିତ ନୂଆ ପିଢୀର ଛାତ୍ରଛାତ୍ରୀ ବାଣିଜ୍ୟ ଶିକ୍ଷା ଗ୍ରହଣ କରିବାକୁ ପରାମର୍ଶ ଦେଇଥିଲେ । ଅଧ୍ୟାପିକା ସସ୍ମିତା ମଲ୍ଲିକ କାର୍ଯ୍ୟକ୍ରମ ପରିଚାଳନା କରିଥିଲା ବେଳେ ଅଧ୍ୟାପକ ସୁନୀଲ କୁମାର ସେଠୀ ଧନ୍ୟବାଦ ପ୍ରଦାନ କରିଥିଲେ । କାର୍ଯ୍ୟକ୍ରମରେ କଲେଜର ସମସ୍ତ ଅଧ୍ୟାପକ, ଅଧ୍ୟାପିକା ଓ କର୍ମଚାରୀ ଯୋଗଦାନ କରିଥିଲେ । ଇଂରାଜୀ ବିଭାଗ ଅଧ୍ୟାପିକା ବିପିକା ସିଂ ଙ୍କ ସହିତ ବାଣିଜ୍ୟ ବିଭାଗର ଛାତ୍ରଛାତ୍ରୀ ତୁଷାର କୁମାର ମଲ୍ଲିକ, ଅମିତ କୁମାର ଶତପଥୀ, ବିଷ୍ଣୁ ପ୍ରସାଦ ପ୍ରଧାନ, ଇପ୍ସିତା ଘଡାଇ, ଲକ୍ଷ୍ମୀପ୍ରିୟା ମଲ୍ଲିକ ପ୍ରମୁଖ କାର୍ଯ୍ୟକ୍ରମର ସଫଳତାରେ ସହଯୋଗ କରିଥିଲେ ।

23/01/2025

ବାଇକକୁ ଚାପି ଦେଲା ବାଲି ବୋଝେଇ ଟ୍ରକ । ଜଣେ ମୃତ, ଦୁଇ ଗୁରୁତର । ଉଭୟ ଗୁରୁତର କଟକ ସ୍ଥାନାନ୍ତର । ଯାଜପୁର ଷଠିପୁର ଘଟଣା ।

23/01/2025

ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜୀବନୀ ଏବଂ ସାହସିକତା ଭାରତବାସୀଙ୍କ ପାଇଁ ସର୍ବଦା ଗୌରବର ଗାଥା। ଦେଶର ସ୍ୱାଧୀନତା ପାଇଁ ନେତାଜୀ ଏବଂ ବୀର ସୁରେନ୍ଦ୍ର ସାଏଙ୍କ ଅଦମ୍ୟ ଉତ୍ସର୍ଗୀକୃତ କାର୍ଯ୍ୟ, ଆମ ସମସ୍ତଙ୍କ ପାଇଁ ପ୍ରେରଣାର ଉତ୍ସ। ପରାକ୍ରାମ ଦିବସରେ ଓଡ଼ିଶାବାସୀଙ୍କୁ ହୃଦୟରୁ ଶୁଭେଚ୍ଛା।

ଇଂ ପ୍ରୀତିରଞ୍ଜନ ଘଡାଇ
ପୂର୍ବତନ ମନ୍ତ୍ରୀ, ଓଡ଼ିଶା ସରକାର