Tabsera Point

06/08/2023

تلنگانہ کے وزیراعلی کے سی آر نے اتوار کو اسمبلی سیشن میں اعلان کیا کہ ریاست بھر میں دس ہزار ائمہ و موذنین کے علاوہ ماباقی 6 تا 7 ہزار ائمہ و موذنین کی زیر التوا درخواست کو منظوری دے کر انہیں ماہانہ پانچ ہزار روپیہ مشاہیرہ دیا جائے گا۔

04/08/2023

04/08/2023

تلنگانہ اسمبلی میں مجلس اتحاد المسملین کے رکن اسمبلی اکبر الدین اویسی نے سیف الدین کے اہل خانہ کی مدد کرنے کا تلنگانہ حکومت سے مطالبہ کیا جس پر تلنگانہ حکومت نے سیف الدین کی بیوہ کو سرکاری نوکری اور ایک ڈبل بیڈروم مکان دینے کا اعلان کیا۔

01/08/2023

مہاراشٹر ٹرین فائرنگ: مہلوکین میں حیدرآبادی نوجوان بھی شامل، رکن اسمبلی جعفر حسین معراج کی متاثرہ کے اہل خانہ سے ملاقات

19/07/2023

حیدرآباد کے فراموش کردہ مجاہدین آزادی

سنہ 1857، 17 جولائی کی بات ہے جمعہ کا دن قطب شاہیوں کی بنائی ہوئی مکہّ مسجد میں اورنگ آ باد سے نوکری چھوڑ کر فرار ہوا جھتّا چیتا خان اور اُن کے ساتھیوں کی آمد ہوئی۔ شہر کے معززین علماء اور کچھ جاگیردار عوام کی کثیر تعداد جمع تھی۔ حالات بڑے دھماکو تھے اُن باغی فوجیوں پر 3000 ہزار روپئے کا انعام رکھا گیا تھا۔ سالار جنگ نے ان سب کو گرفتار کرکے ریذیڈنسی کو اطلاع کردی۔ سب نے طئے کیا اُس وقت کے نظام سے ملے اور ان سے گذارش کریں فوجیوں اور ان کے سردار چیتا خان کو آزاد کردیا جائے، مطالبہ نہ ماننے کی صورت میں ریذیڈنسی پر حملہ کیا جائے۔

نماز مغرب کے بعد 500 مجاہدین کا ایک جھتّا مولوی علاؤالدین کے قیادت میں کوٹھی جو رزیڈنسی تھی آج کل وہاں وومنس کالج ہے۔اُس پر حملہ کی نیت سے نکل کھڑے ہوئے، کچھ دور چلنے کے بعد چارمینار کے قریب ابراہیم خان اپنے ساتھیوں کے ساتھ اس جلوس میں شامل ہوگئے۔ بیگم بازار پہنچا روہیلوں کے لیڈر طُرّے باز خان اور ان کے ساتھی بھی شامل ہوگئے۔

رزیڈنسی کے قریب پہنچتے پہنچتے انسانی سروں کے سمندر میں تبدیل ہوگیا جو جوش و خروش غصّہ و غضب کے جذبات سے بھر اہوا تھا۔ مولوی علاؤالدین اور طُرّے باز خان نے رزیڈنسی کے سامنے 2 مکانوں پر اپنے اپنے مورچے قائم کرلیا ایک نواب فیاض یار جنگ ابن صاحب کا مکان اور دوسرا گوپال داس کا باغ، وہاں سے رزیڈنسی پر آسانی سے توپیں داغی جاسکتی تھیں۔

ادھر رزیڈنسی کے دروازے بند کردئے گئے جہاں سے حملے کی گنجائش تھی وہاں پر سنگینیں لگادی گئیں، شام 6،7 بجے سے صبح 4 بجے تک گولہ باری کا تبادلہ ہوتا رہا۔آخر کار وہی ہوا ایک منظم فوج اور غیر تربیت یافتہ جوش و جذبہ سے بھرے ہوئے عام عوام اور پرانے ہتھیاروں سے لڑی جانے والی جنگ میں ہوتا ہے مجاہدین کا جوش و جذبہ نتیجہ کی پرواہ کئے بغیر لڑتے رہے ایک وقت ایسا بھی آیا رزیڈنسی کی گیٹ جو پُتلی باؤلی کے طرف تھی اس کے دروازوں کو توڑنے میں کامیاب ہوگئے۔

مجاہدین کی طرف سے کوئی 30 تا 40 کو جام شہادت نصیب ہوا انگریزوں کا کتنا نقصان ہوا پتہ نہ چل سکا۔ 18جولائی 1857 ء کی صبح تک لڑائی ختم ہوچکی تھی، طُرّے باز خان اور ان کے ساتھی وہاں سے فرار ہوگئے، مگر شہر سے صرف 12میل پر انگریز فوجی دستے نے انکو گھیر لیا، طُرّے باز خان کی ران پر گولی لگی اُس کے باؤجود گھوڑے پر سوار ہوکر فرار ہونے کی کوشش کی فوجی دستے نے گھوڑے کو زخمی کردیا جس کی وجہ سے طرّے باز خان گرفتار کرلئے گئے۔ یہ انکی پہلی گرفتاری تھی۔

رزیڈنسی کے دواخانہ میں علاج کے لئے شریک کردئے گئے جب وہ صحت یاب ہوئے ان پر مقدمہ چلایا گیا اور حبس دوام کی سزا سنائی گئی۔ انہیں انڈومان لے جانے کی تیاری ہورہی تھی، 18 جنوری 1859 ء کو جیل سے فرار ہوگئے۔ ایک ہفتہ کے اندر ہی انکی جائے پناہ دریافت کرلی گئی۔ توپران کے تعلقدار قربان علی انہیں گرفتار کرنا چاہا تو طُرّے باز خان اور انکے ساتھیوں نے تلواروں سے پولیس پر حملہ کردیا جس سے طُرّے باز خان اور انکے ساتھی کو گولی لگی انکی لاش حیدرآباد لائی گئی۔بے گور و کفن ایک شاہراہ پر لٹکائی گئی۔

شاید انگریزوں کو معلوم ہوگیا تھا شہداء کی لاش کو غسل نہیں دیا جاتا اس طرح یہ عظیم بہادر مجاہد آزادی نے آخری دم تک لڑتے ہوئے جام شہادت نوش کیا۔ ان کی اس بہادری کی وجہ سے دکن میں ایک محاورہ بن گیا ”اپنے آپ کو طڑوم خان سمجھتے ہو“ ”بڑے طڑوم خان بننے جارہے ہو“ جب کوئی اپنی طاقت اور حیثیت سے بڑھ کر کارنامہ بہادری انجام دیتا ہے طُرّے باز خان بگڑ کر طڑوم خان ہوگیا۔

ان کے ساتھ مولوی علاؤالدین جن کی قیادت میں رزیڈنسی پر حملہ کیا گیا تھا، تاریخی مکّہ مسجد کے امام تھے صرف امام ہی نہیں میدان جنگ کے مجاہد بھی تھے، رزیڈنسی پر حملہ کی ناکامی کے بعد 15،16 مہینے مختلف مقامات پر روپوش رہے،آخر کار 28جون 1859ء کو گرفتار ہوئے مقدمہ چلا اور انڈومان بھیج دئے گئے،وہاں پر وہ 1884ء میں انتقال کرگئے۔

ان کے ساتھ کئی لوگوں کو بھی سخت سزائیں دی گئیں انکی جاگیریں ضبط کی گئی قید وبند کیا گیا۔ ان میں بہت سارے اہم نام (ریاست حیدرآباد میں جدوجہد آزادی جوّاد رضوی کی کتاب میں ان کے نام انکی مختصر حالات زندگی ملتے ہیں) جیسے پیر محمد، عظمت جنگ، قطب خان، مولوی سیّد احمد وغیرہ۔

کومرم بھیم کے مقابلے میں مولوی علاؤالدین، طُرّے بازخان 500 اہم ساتھیوں کی قربانیاں بہت بڑی ہیں، 1947ء میں ملک آزاد ہوا مگر انہوں نے 1857 ء یعنی تقریباً 100 سال پہلے ہی دکن سے انگریزوں کا صفایہ کرنے کی کوشش میں لگے ہوئے تھے۔ کوٹھی بس اسٹانڈ سرکل کے پاس ایک یادگار مینار 2007ء میں وائی ایس راج شیکھر ریڈی کے دور میں بنایا گیا اور ہم سب ان عظیم مجاہدین قربانیوں کو بھول گئے۔ فطرت کا قانون ہے جو قوم اپنے محسنین کی قدر نہیں کرتی اس قوم میں محسنین پیدا ہونا بند ہوجاتے ہیں۔ محسنین کسی قوم کے لئے قدرت کی جانب سے عطیہ ہوتے ہیں۔فطرت کو اپنے عطیہ کی بے قدری پسند نہیں ہوتی۔

21/12/2022

شہر حیدرآباد میں مختلف مساجد میں بچوں کو نماز فجر کا پابند بنانے کے لئے ایک انوکھی مہم شروع کی گئی جس کے تحت 40 دنوں تک نماز فجر پابندی کے ساتھ ادا کرنے والوں کو انعام دیا جاتا ہے کشن باغ بہادرپورہ میں مسجد سید دریا میں بھی 40 دن نماز فجر ادا کرنے پر سائیکلس تقسیم کی گئیں۔

18/12/2022

مدرسہ عالیہ حیدرآباد کے قدیم ترین اسکولوں میں سے ایک ہے، اس اسکول کے 150 سال مکمل ہونے پر مدرسہ عالیہ کی خدمات کو یاد کرنے کے لیے نظام کالج، گن فاؤنڈری، حیدرآباد کے اسکول کے احاطے میں ایک جشن تقریب منعقد کی گئی۔

17/12/2022

تلنگانہ میناریٹی فینانس کارپوریشن کی جانب سے قرض حاصل کرنے کے لئے اقلیتی طبقات سے درخواستیں طلب کی گئیں ہیں 19 دسمبر سے درخواستیں داخل کرسکتے ہیں۔

12/12/2022

شہر حیدرآباد کے دھرنا چوک پر مسلم یونائٹیڈ فیڈریشن کی جانب سے مسلمانوں کے ساتھ نا انصافی کے خلاف بھوک ہڑتال کا آغاز کیا گیا اس موقع پر صدر مسلم یونائیٹڈ فیڈریشن جناب خیر الدین صوفی صاحب اور دیگر سماجی و ملی رہنما موجود تھے۔

08/12/2022

حیدرآباد کے علاقے کوٹھی میں وسیع و عریض برٹش ریزیڈنسی بہت خوبصورت انگلینڈ طرز پر تعمیر کی گئی عمارت ہے۔ فی الحال اس شاندار عمارت میں وومینس کالج قائم ہے۔

06/12/2022

بابری مسجد کی شہادت کی 30 ویں برسی کے موقع پر حیدرآباد کے سعیدآباد کے عیدگاہ اجالا شاہ میں مسلم خواتین و طالبات نے مسجد کی بازیابی کے لئے اجتماعی دعا و قنوت نازلہ کا اہتمام کیا

27/11/2022

حیدرآباد: ایم ایس ایجوکیشن اکیڈیمی نے اس سال ٹیچرس ڈے کے موقع اپنے اساتذہ سے عمرہ کا وعدہ کیا تھا جو آج پورا ہوگیا منتخب اساتذہ کا قافلہ عمرہ کے مقدس سفر پر روانہ ہوگیا ہے۔

17/11/2022

فن خطاطی دراصل اردو حروف کو خوبصورت انداز میں لکھنے کا فن ہے۔ مذہب اسلام کے ماننے والے دنیا کے مختلف ممالک میں ہیں اور مختلف زبانیں بولتے ہیں۔ عربی، فارسی، ا...

17/11/2022

حیدرآباد کے ادارہ ادبیات اردو میں فن خطاطی سکھانے کا کام برسوں سے جاری ہے۔ خطاطی کے نمونے اردو کے ساتھ ساتھ عربی میں بھی کافی مشہور ہیں۔

16/11/2022

ریاست اترپردیش کے ضلع مظفر نگر کے جانسٹھ روڑ پر واقع تقریبا تین سو سال قدیم ابو مظفر علی کی درگاہ اور وہاں موجود مسجد کو ضلع انتظامیہ نے بلڈوزر کے ذریعے منہدم کردیا۔

12/11/2022

شہر حیدرآباد میں صفا بیت المال کی جانب سے دوسری مرتبہ آخری سفر مغسلہ ایمبولنس خدمات کا خواتین کے لئے آغاز کیا گیا۔

10/11/2022

انہوں نے سوال کیا کہ اگر حکومت کے پاس غیر ضروری پروگراموں اور اشتہارات کے لیے پیسے ہیں تو بچوں کو معیاری تعلیم دینے کیلئے پیسے کیوں نہیں؟۔

10/11/2022

تلنگانہ میں کمیونٹی سنٹرز میں لڑکیوں اور خواتین کو ٹریننگ دی جاتی ہے تاکہ وہ روزگار سے منسلک ہوکر خود کفیل بن سکے۔

26/10/2022

حیدرآباد کی مسجد بلال میں بچوں کو نماز کا عادی بنانے کے مقصد سے 40 روزہ ایک مہم شروع کی گئی تھی۔ مہم کے اختتام پر مسجد بلال کمیٹی اور مرزا غفار بیگ کی جانب سے سینکڑوں بچوں کو نماز فجر پابندی سے ادا کرنے پر تحفتاً سائیکل دی گئی۔ اس مہم میں آٹھ برس سے 18 برس کے تقریباً 102 بچوں نے حصہ لیا جنہوں نے پابندی کے ساتھ فجر کی نماز ادا کی۔

24/10/2022

مجلس اتحاد المسلمین کے صدر ورکن پارلیمان بیرسٹر اسد الدین اویسی نے کہا کہ سماج میں شعور بیداری کی اشد ضرورت ہے اور اپنے آپ کو چوکنا رکھنے کی ضرورت ہے، اس کا مطلب یہ نہیں ہیکہ ہم مشتعل یا متشدد ہوجائیں، بلکہ ہم اپنے حقوق کے حصول کی جدوجہد میں کے سلسلہ چوکنا رہیں۔

28/09/2022

حیدرآباد: آل انڈیا مجلس اتحاد المسلمین کے صدر و رکن پارلیمنٹ بیرسٹر اسد الدین اویسی نے پی ایف آئی پر پابندی عائد کئےجانے پر ردعمل کا اظہار کرتے ہوئے کہا کہ پی ایف آئی پر تو پابندی لگا دی گئی لیکن اجمیر درگاہ بم بلاسٹ کے مجرمین جن تنظیموں سے وابستہ ہیں ان پر ابھی تک کوئی پابندی نہیں لگائی گئی ہے۔

26/09/2022

حیدرآباد: انجمن فلاح معاشرہ یاقوت پورہ کی جانب سے آج سعید ولا فنکشن پلازہ رین بازار یاقوت پورہ میں اجتماعی شادیوں کی تقریب منعقد کی گئی جس میں سات مستحق لڑکیوں کی شادی کی گئی۔ اجتماعی شادی تقریب میں انجمن کی جانب سے مستحق جوڑوں کو ضروری سازوسامان بھی دیا گیا۔

22/09/2022

قومی تحقیقاتی ایجنسی (این آئی اے)، انفورسمنٹ ڈائریکٹوریٹ (ای ڈی) اور ریاستی پولیس فورسز کی ایک مشترکہ ٹیم نے متعدد ریاستوں میں چھاپوں کے دوران 100 سے زیادہ پاپولر فرنٹ آف انڈیا (پی ایف آئی) کے رہنماوں کو گرفتار کیا ہے۔

20/09/2022

حیدرآباد: طب یونانی طلبہ نے مرکزی حکومت کی پالیسی کے خلاف احتجاج کرتے ہوئے شدید برہمی کا اظہار کیا۔

20/09/2022

20/09/2022

دنیا بھر میں قرآن مجید کے مختلف زبانوں میں تراجم ہوئے ہیں تاہم انگریزی زبان میں سب سے پہلے ترجمہ کا سہرا ریاست دکن کے فرمانروا میر عثمان علی خان کی سربراہی میں قرآن مجید کے شہرہ آفاق مترجم اور تحقیقی کتابوں کے مصنف اور مشہور صحافی مارما ڈیوک پکتھال کو جاتا ہے۔

17/09/2022

حیدرآباد: صدر تحریک مسلم شبان محمد مشتاق ملک کی قیادت میں آج یعنی 17 ستمبر کو ایک وفد نے میر عثمان علی خان کی مزار پر جاکر فاتحہ خوانی کی۔ اور ان کے لئے دعائے مغفرت کی۔ 17 ستمبر کی تاریخ ریاست دکن بالخصوص حیدرآباد کے لئے ایک دردناک اور غمزدہ کرنے والا واقعہ یاد دلاتی ہے۔ آج ہی کے دن ہندوستانی فوج کی جانب سے آپریشن پولو یا پولیس ایکشن انجام دیا گیا تھا۔