https://www.facebook.com/374082583314492/

Hamro Sherpa Gaon

Home
India
Gorubathan
Hamro Sherpa Gaon

located at sherpa gaon pankhasari khashmal gorubathan
(1)

12/09/2024

🔴12-10-2024 Workshop with Gorubathan medias by Anugyalaya, Gorubathan
गोरूबथानको विभिन्न मिडियाहरुसंग आज अनुग्यालय गोरूबथानद्वारा एउटा वर्कशप पालन गरियो जसमा Judicial Magistrate Gorubathan SHAMSHAD AHAMAD विशेष रूपमा उपस्थित थिए । यसमा विशेष रूपमा शिशु सुरक्षा प्रति वहाँले जानकारी दिन भयो ।।

12/09/2024

1st KFCT 7-Sided Knockout Football Tournament -2024
Venue at SAMABEONG T.E. PLAYGROUND.
ORG.BY-KASHVI FOUNDATION & CHARITQBLE TRUST,DEMDEMA SALUGARA.
1St match-22/09/2024
Nadong academy vs Alagrah sporting
All match start
Time-2:30 PM sharp.
Winner-100000(1 lakhs cash) with Trophy.
Runner up-60000(Sixty thousand cash) with trophy.
Others detials please looks below👇️.

09/09/2024

गोरुबथानको छोरो उदय तामाङले प्राप्त गरे नेसनल बिल्डर एवार्ड

गोरुबथान::इन्टरनेसनल रोटरी अर्गानाइजेसनको तर्फबाट रोटरी क्लब अफ सिलगढी मेट्रोपोलोटियनको तर्फबाट शिक्षक दिवसको अवसरमा नेसनल बिल्डर अवार्ड यसपटक स्पेसल टिचरहरुलाई प्रदान गरिएको थियो।स्पेशल टिचरहरुले दिव्याङ्ग विद्यार्थीहरु लगायत नर्मल विद्यार्थीहरुलाई शिक्षा प्रदान गरिरहेका स्पेशल टिचरहरुलाई प्रदान गरियो।यस कार्यक्रममा गोरुबथानबाट उदय तामाङलाई पनि प्रमाण पत्र तथा उपहार प्रदान गरियो।उदय तामाङ गोरुबथान तामाङ गाउँ निवासी हुन्।उनलाई विगत ३ डिसेम्बर २०२१ सालमा पश्चिम बंगाल सरकारको तर्फबाट स्टेट अवार्डले सम्मानित गरिएको थियो।यसैगरी इसीआई डिस्ट्रिक आइकन एवार्ड २५ जनवरी २०२३को दिन उनलाई प्रदान गरिएको थियो भने नेशनल बोल्डर एवार्ड ५ सितम्बर २०२४को दिन प्रदान गरियो।उनी आफै एकजना दिव्यांङ्ग हुनुहुन्छ।उहाँले हालमा तामाङ गाउँमा एउटा विद्यालय सन्चालन गरिरहनु भएको छ।यस विद्यालयमा स्पेसल चाइल्ड र नर्मल नानीहरुलाई शिक्षा प्रदान गर्ने गरिन्छ।उनी श्री टिकाराम तामाङ र सरिता तामाङको पुत्र हुन्।उनी आफु दिव्यांग हुँदाहुँदै पनि अरुको सेवाको लागि सदा तत्पर रहनु हुन्छ।उनले गोरुबथानमा खण्ड स्तरीय संगठन तयार गरेर दिव्यांगहरुको हितमा कार्य गर्दै आइरहेका छन्।यसरी यसपटक उनी नेशनल बिल्डर एवार्डद्वारा सम्मानित हुँदा सम्पुर्ण गोरुबथानले नै सम्मानित भएको अनुभव गरिरहेको छ।हाम्रो चेनलको तर्फबाट उनलाई हार्दिक बधाई र उत्तरोत्तर प्रगतिको कामना गर्दछौ।

08/09/2024

माइपाते थापसाङ गैर सरकारी संस्थाको सरसफाईको दोस्रो चरणको कार्यक्रम सम्पन्न

गोरुबथान :: माइपाते " थापसङ गैर-सरकारी संस्था " को अगुवाईमा दोस्रो चरणको सफाई कार्यक्रम सम्पन्न भयो। आज ०८/०९/२०२४ आइतबारको दिन माइपाते गाँऊको मूल सड़कको दुवै तर्फ सफाई गरियो । स्थानीय जागरूक युवाहरूले उत्साहपूर्ण यस सफाई अभियानमा भाग लिएर आइरहेका छन् । प्रत्येक आइतबार यस संस्थाले सफाई कार्यक्रम गरेर लैजाने उनीहरुको लक्ष्य रहेको बताइएको छ । आजको यस सफाई कार्यक्रममा उपस्थित ब्यक्तिहरू क्रमैले तारा कुमार गुरूङ , मित्र बहादुर राई , सुमन गिरी , सरोज राई , अनमोल क्षेत्री , निमा शेर्पा , बिपन सुब्बा नानीहरू रजल गिरी , सदिप गिरी अनि प्रतिक गिरी थिए । संस्थाको पक्ष बाट सुशष गुरूङ , हेमन्त राई अनि बिकाश चामलिङ राई उपस्थित थिए । सबै सहयोगीहरूप्रति संस्थाको पक्ष बाट अध्यक्ष बिकाश चामलिङ राईले धन्यवाद टक्रयाएका छन्।

08/09/2024

गोरुवथानको सबैभन्दा पुरानो उत्तराखण्ड कबिरधर्म मठसम्म पुग्ने बाटोको मर्मती हाम्रो पार्टी तथा एडवर्ड फाउन्डेसनको मार्फतबाट भइरहेको छ।गोरुबथानको धरोहरको रुपमा स्थित यो मठ सय वर्ष भन्दा पनि पुरानो हो।मठसम्म पुग्ने बाटोको मर्मती कार्य आज भयो।यस कार्यमा श्रमदान दिन हेतु विभिन्न स्थानहरुबाट हाम्रो पार्टीको कार्यकर्ताहरु उपस्थित भइसकेका छन्।यसै अवसरमा हाम्रो पार्टी केन्द्रीय प्रवक्ता श्याम गौतमसितको छोटो कुराकानी यहाँ प्रस्तुत गरिन्छ‌।

02/09/2024

माइपाते थापसाङ गैर सरकारी संस्थाको अगुवाइमा सफाई अभियान समपन्न।

गोरुबथान:: माइपाते " थापसङ गैर-सरकारी संस्था " को अगुवाईमा सफाई कार्यक्रम सफलतापूर्वक आयोजन गरियो । कार्यक्रमलाई सफल बनाउन महत्वपूर्ण योगदान स्थानीय जागरूक युवाहरू सरोज राई , निमा शेर्पा , अनमोल क्षेत्री , बिपन सुब्बा , रमेष गिरी , सुरेन तामङ , जीवन गुरूङ साथै नानीहरू प्रज्जल राई अनी रजल गिरीले दिएका छन् । संस्थाको पक्षबाट बिकाश चामलिङ राई , हेमन्त राई अनि सुषन गुरूङ उपस्थित थिए । आजको यो सफाई अभियान कार्यक्रममा सफल बनाउन सरिता शेर्पा संसद ग्राम पञ्चायत सदस्य अनि समाज सेवक राजेस राईले आर्थिक सहयोग पुर्‍याएका छन् । सबै सहयोगीहरू प्रती संस्थाको पक्षबाट धन्यवाद साथै आगामी दिनहरूमा पनि यसरीनै सहयोगको आशा साचेका छौ ।

27/08/2024

कविता वाचन प्रतियोगितामा कोलकातामा प्रथम स्थान ओगट्न सफल बनिन याङ्की शेर्पा

गोरुबथान (महेश्वर प्रधान)::लैनसिह बाडदेल साहित्य कला प्रतिष्ठान कलकत्ताको आयोजनमा समपन्न नेपाली भाषा मानयता दिवसको शुभ अवसरमा गोरुबथान भेकबाट सन्त फ्रान्सिस अशिसी विद्यालयका विद्यार्थी छोरी याङकी शेर्पाले लघु श्रव्य दृश्य प्रतियोगितामा भाग लिएकी थिइन।यस भिडियो कविता वाचन प्रतियोगितामा उनी प्रथम हुन सफल भइन्।यो गोरुबथानको लागि गर्वको विषय पनि हो। विद्यार्थी नानी याङ्जी शेर्पा गोरुबथानमा स्थित सन्त फ्रान्सिस अशिसी विद्यालयमा आठौं श्रेणीमा अध्ययनरत छिन्।नानी याङ्की शेर्पाले आफ्नो परिवार , विद्यालय तथा नेपाली विषयका सह शिक्षक महेश्वर प्रधान र सुमन राईप्रति यस सफलताको श्रेय दिएकी छिन्।नानीको उज्जवल भविष्य तथा उत्तरोत्तर प्रगतिको कामना गर्दछौ।

25/08/2024

सुचना! सुचना! सुचना!

शेर्पा गाउँ शनिबारी बजारमा UNISEX HAIR AND BEAUTY SALON खोलेको छ।केटाकेटी दुइजनाकै कपल काट्नु सक्नु हुनेछ।सधैं खुल्ला रहेछ दोकान।
For more information
contract
Kapil gurung-9344848456,
Pemu sherpa-6379621509

24/08/2024

श्री कष्ण जन्माष्टमी महोत्सव-२०२४
शिव मंन्दिर घण्टीडाँडा समाबियोङमा श्री कृष्ण जन्माष्टमी महामहोत्सवको उपलक्ष्यमा उपस्थित भई भगवान श्री कृष्णको आशीवाद प्राप्त गर्दै आफ्नो जीवन उत्कृष्ट बनाउन हुन सम्पूर्णमा समाबियोङ लगायत वरिपरिका गाउँवासीहरूलाई हार्दिक निमंत्रण गर्दैछौ।
26 अगस्ट सोमबार-2024।
कार्यक्रम सुची तल दिएको छ। हेर्नु होस👇️।

23/08/2024

जरुरी सूचना
भोलि २४ अगस्त २०२४ शनिबारको दिन बिहान १० बजेदेखि ४ बजेसम्म गोरुबथान क्षेत्रमा बिजुली बत्तीको सर्वाराह बन्द रहने जानकारी विद्युत विभागले दिएको छ।दुर्गा पुजा, विश्वकर्मा पुजाको मौसमलाई बिशेष ध्यानमा राख्दै भोलि बिहान १० बजेदेखि ४ बजेसम्म गोरुबथान क्षेत्रमा मरमत्ति कार्य चल्ने कारणले गर्दा बिजुली बत्ती बन्द हुने जानकारी विद्युत विभाग ओदलाबारीले दिएको छ।

21/08/2024

*३२ औं नेपाली भाषा मान्यता दिवस समारोह ...
*चौथो स्वर्गीय आर बी राई स्मृति पुरस्कारद्वारा स्रष्टा विकास कार्की अलंकृत ....

सियोक चियाबारी, मिरिक, दार्जिलिङमा सितम्बर १९६८ मा आमा स्व गौरीदेवी छेत्री अनि पिता स्व कृष्णबहादुर छेत्रीको घरमा जन्मनु भएका विकास कार्कीले पल्टनमा रहेर नेपाली भाषा साहित्यको निम्ति जुन सेवा गरिरहनु भएको छ त्यो अकल्पनीय र अतुलनीय रहेको छ। इस्टर्न फ्रन्टियर राइफल्स (ईएफआर) मा रहेर बन्दुकसँगै कलम चलाउने स्रष्टा विकास कार्कीले आफ्नो साहित्यिक यात्रा १९८४ देखि शुरु गर्नु भएको थाहा लाग्छ। सियोक चियाबारीको प्राथमिक पाठशालाबाट सांउ अक्षर सिकेका कार्की उच्च शिक्षाको निम्ति सिलगढी झर्नु हुन्छ। यहीँबाट कार्कीको रचनात्मक यात्राले गति लियो।

विद्यार्थी छँदै नेपाली भाषा साहित्यप्रति हुरुक्क हुने स्रष्टा विकास कार्की १९९० मा ईएफ्आरमा भर्ती भ्एर दक्षिण बंगालको सलुवा पुग्दा साहित्यप्रति उहाँमा भएको जुनून अझ मौलिएर आयो। विश्व कवि रविन्द्रनाथ टैगोरको सूत्र एक्ला चलो रे' को ठीक विपरित सोच थियो उहाँको। केही गर्न एक्लै होइन, हुलै लागिपर्नु पर्छ भन्ने विचार बोक्ने कार्कीले परदेशमा रहेर परदेशी नामक साहित्यिक पत्रिकाको प्रकाशन शुरु गर्नु भयो। त्यो समय थियो १९९७ को कुरा। पत्रिकाका मूल सम्पादक विकास कार्कीको कुशल सम्पादन र नेतृत्वमा परदेशीले आजसम्मको २७ वर्षे ऐतिहासिक यात्राकालमा 'परदेशी'-का २० अङ्कका सोपानहरू पूरा गरिसकेका छन् ।
अझ उल्लेख्य र महत्त्वपूर्ण कुरा त के छन् भने ती २० मध्ये ५ अङ्क त अभिनन्दन विशेषाङ्कको रूपमा प्रकाशित छन्। जसमा एम.एम. गुरुङ अभिनन्दन विशेषाङ्क, हायमनदास राई किरात अभिनन्दन विशेषाङ्क, महानन्द पौड्याल अभिनन्दन विशेषाङ्क, गुप्त प्रधान अभिनन्दन विशेषाङ्क, नरबहादुर दाहाल अभिनन्दन विशेषाङ्क रहेका छन् भने डा. गोकुल सिन्हा अभिनन्दन विशेषाङ्क प्रेसमा रहेको छ।
स्रष्टा जिउँदो रहँदा नै उनीहरूको मूल्यांकन गरिनु आवश्यक छ भन्ने सोच भएका परदेशी परिवार तथा विकास कार्की कै अध्यक्षतामा रहेको अगमसिंह गिरी संस्थान - ले माथि उल्लेखित सबै साहित्यकारहरूलाई उनीहरूको जीवनकालमा नै अभिनन्दन ग्रन्थ प्रकाशित गरिदिएर मूल्यांकन गरेका छन् भने सलुवामा अगमसिंह गिरी संस्था निर्माण गरेर मरणोप्रान्त जातीय कवि अगमसिंह गिरीलाई पनि उच्च सम्मान दिएका छन्।
दर्जनजति पत्र- पत्रिकाहरूको सम्पदन गरिसकेका विकास कार्कीले पत्रिका सम्पादन र प्रकाशनको जिम्मेवारी मात्र निर्वाह गर्नु भएको छैन तर उहाँकै नेतृत्वमा रहेको अगमसिंह गिरी संस्थामार्फत सलुवामा नेपाली भाषा पठनपाठनको व्यवस्था गर्ने, नेपाली साहित्य अनि सङ्गीत क्षेत्रका स्रष्टाहरूलाई सलुवामा बोलाएर अभिनन्दन गर्ने कामलाई पनि निरन्तर अघि बढाइरहेका छन् ।
उहाँको सम्पादनमा प्रकाशित पत्र पत्रिकाहरू निम्न छन्:

१. "दर्पण" भित्ते पत्रिका, पानीघट्टा हा‌ईस्कूलबाट सन् १९८२।
२. "राँको" हस्तलिखित पत्रिका सन् १९८५ सिलगढी।
३. "दर्शन" साहित्यिक पत्रिका, सन् १९८६, सिलगढी।
४. फिल्म डाईजेस्ट दर्पण सिलगढीबाट प्रकाशित।
५. दार्जिलिङ टाईम्स गोर्खा दैनिक सिलगढीबाट प्रकाशित।
६. प्रभात साहित्यिक पत्रिका
७. "परदेशी" साहित्यिक पत्रिका सन् १९९७ बाट। यो निरन्तर प्रकाशित भइरहेको छ।
८. "सेरोफेरो कलकत्ता" कलकत्ताबाट प्रकाशित।
९. "सम्झाना" समसामयिक पत्रिका कलकत्ताबाट प्रकाशित
१०. "प्रहरीको कलम" कलकत्ता पुलिसमा रहेका गोर्खाली जवानद्वारा प्रकाशित।

त्यसरी नै उहाँले सहिद भगतसिंहको जीवनीलाई बंगलाबाट नेपालीमा सन् १९८९ अनुवाद गरेर नेपाली भाषा साहित्यको ढुकुटीमा थप कृति जोड्नु भएको छ।

नेपाली भाषा साहित्यको निम्ति उहाँले पुर्याउनु भएको अतुलनीय योगदानस्वरुप उहाँले पाउनु भएको सम्मानहरूमा-

१. साहित्य अकादमी नेपाली विभागद्वारा भ्रमण अनुदान, सन् २००२
२. राङभाङभेलीबाट सन् २०१२,
३. पाकिम सिक्किमबाट सन् २०१४
४. बर्मा/म्यानमारबाट सन् २०१५,
५. धुलाबारी, नेपालबाट सन् २०१७ मा।
६. हरिभक्त कटुवाल साहित्यिक संस्थान सिलगढीद्वारा २०२३ आदि।
नेपाली भाषा साहित्यको विकासमा यहाँले पुर्याउनु भएको गरिमामय योगदानको सम्पन्न गर्दै साझा साहित्य संरक्षण संस्था गोरुबथानले ३२ औं नेपाली भाषा मान्यता दिवसको सुखद अवसरमा चौथो स्व आरबी राई स्मृति पुरस्कारद्वारा स्रष्टा विकास कार्कीलाई कार्यक्रमका मुख्य अतिथि डाक्टर मोहन पी दाहाल, सभाध्यक्ष डाक्टर दिल श्रेष्ठ अनि स्व. आरबी राईका छोरो शिशिर चन्द्र राईको बाहुलीबाट विभूषित गरियो। अलंकृत व्यक्ति विकास कार्कीलाई दोसल्ला ओढाएर प्रशस्ति पत्र, स्मृति चिन्ह अनि नगद राशिसहित सम्मानित गरियो। सम्मानित व्यक्तित्वलाई प्रदान गरिइने नगद राशिलगायतका अन्य आवश्यक सामाग्री स्व आरबी राईका छोराद्वय शिशिर चन्द्र राई, शरद चन्द्र राई अनि बुहारी प्रशान्ति राईद्वारा उपलब्ध गराइँदै आइरहेको छ।

21/08/2024

हिमालयन फरेस्ट भिलेजर्स अर्गनाइजेसन नेउरा रेन्ज कमिटी गठन

गोरुबथान:: आज २० अगस्त २०२४ को दिन हिमालयन फरेस्ट भिलेजर्स अर्गनाइजेसनको केन्द्रिय समिति महासचिव लीला कुमार गुरुङको उपस्थितिमा भुट्टाबारी समाज घरमा एक सभा बसेको थियो।यस सभामा हिमालयन फरेस्ट भिलेजर्स अर्गनाइजेसनको नेउरा रेन्जको प्रतिनिधिहरू उपस्थित थिए। आजको सभाको सभापतिको आसनमा छिरिङ राई थिए भने यस सभाको मूल विषयमा हिमालयन फरेस्ट भिलेजर्स अर्गनाइजेसन‌अस्थायी कमिटीलाई आजको सभामा उपस्थित सदस्यगणको सर्वसम्मतिले स्थायी समिति बनाइयो। उपस्थित सम्पूर्ण सदस्यहरूको सहमतिमा हिमालयन फरेस्ट भिलेजर्स अर्गनाइजेसन नेउरा रेन्जको रेन्ज कमिटी यस प्रकार गठन गरेको छ। नेउरा रेन्ज कमिटिका सभापतिको रुपमा मनकुमार सुब्बालाई चयन गरियो यसैगरी उपसभापति एन बी क्षेत्री, कृष्ण राई रहेका छन्। यसैगरी मूल सचिवको रुपमा सुधिर तामाङ तथा सहसचिवको रुपमा पूरण राई ,महेश्वर प्रधान ,अडि राई लाई चयन गरिएको छ। कोषाध्यक्षको रुपमा सुवास तामाङलाई चयन गरियो भने सह कोषाध्यक्षको रूपमा अशोक राईलाई चयन गरिएको छ। हिमालयन फरेस्ट भिलेजर्स अर्गनाइजेसन नेउरा रेन्ज कमिटीका प्रवक्ताको रूपमा आशकुमार तामाङलाई चयन गरिएको छ ।यस कमिटीको सल्लाहकारहरूमा सानु तामाङ, अजय खवास ,छिरिङ राई, दिलकुमार राई, रोशन तामाङ लाई सर्वसम्मतिले चयन गरेको छ। अन्य पन्ध्र जनालाई कार्यकारिणी सदस्यको रुपमा सर्वसम्मतिले चयन गरिएको छ ।
हिमालयन फरेस्ट भिलेजर्स अर्गनाइजेसन पुर्णरुपमा एक अराजनैतिक संगठन हो।यसले पुर्ण रुपले बनबासीहरुको समस्या समाधान गर्ने काम गर्दछ।अबोप्रान्त नेउरा रेञ्जमा १२ वटा बन बस्तीमा कुनै समस्याहरु, चाहे त्यो ब्यक्तिगत होस् वा सामूहिक एक जुट भएर लड्ने पनि सर्वसम्मतिले निर्णय लिइएको जानकारी प्रवक्ता आशा कुमार तामाङले दिएका छन् ।
यस समितिको नामावलीको उचित जानकारीको निम्ति केन्द्रिय समिति, हिमालयन फरेष्ट भिलेजर्स अर्गनाइजेशन, संयोजक, हिमालयन फरेष्ट भिलेजर्स अर्गनाईजेशन कालेबुङ जिल्ला समिति,क्षेत्रीय सभासद र रेञ्ज म्यानेजर, नेउरा रेञ्जलाई पनि दिन सर्वसम्मतिले निर्णय लिइएको जानकारी छ।

20/08/2024

माइपातेमा पहिलोपटक भब्यरुपमा ३२ौँ भाषा दिवस पालन
गोरुबथान:: ३२ औँ नेपाली भाषा मान्यता दिवस माईपाते थापसङ गैरसरकारी संस्था तथा माईपाते जीवनज्योति क्लबको संयुक्त आयोजनामा क्लब घरमा भव्यताको साथमा सम्पन्न गरिएको थियो। भाषा दिवसको यस कार्यक्रमको सभाध्यक्षता श्रीमान मनोज राईले गरेका थिए। प्रमुख अतिथिको रुपमा गोरुबथानका बहुप्रतिभाशाली व्यक्तित्व श्रीमान समिर राई शान्ति थिए। यसैगरी विशिष्ट अतिथिहरूमा साहित्यकार पत्रकार महेश्वर प्रधान समाजसेवा सामेल गुरुङ थिए कार्यक्रममा अतिथिवर्गहरुमा सरिता शेर्पा सुदन सुब्बा गीता क्षेत्री सुमन राई सनबहादुर राई अडिबहादुर गुरुङ आदि थिए। मुख्य अतिथि तथा सभाध्यक्षको बाहुलीबाट द्वीप प्रज्वलन गरी कार्यक्रम शुरु गरियो। कार्यक्रमको औचित्यबारे क्लबका सदस्य सुसन गिरीले विस्तारमा राखेका थिए। माध्यमिक शिक्षा केन्द्र कुवापानीका विद्यार्थी वर्गले मिठो कविता वाचन गरेका थिए। यसै क्रममा कवि प्रकाश सुब्बाले पनि मिठो कविता सुनाएर सबैलाई मन्त्रमुग्ध बनाए। कार्यक्रमको अवधिमा दीपिका सुब्बा तथा मिसिका राईले सुन्दर नृत्य प्रस्तुत गरेका थिए। सम्पूर्ण कार्यक्रमको सञ्चालन विकास चाम्लिङ राईले गरेका थिए भने धन्यवाद ज्ञापन हेमन्त राईले राखेका थिए। यसै कार्यक्रम अन्तर्गत साहित्य संगीत तथा विविध क्षेत्रहरूमा आफ्नो योगदान पुर्‍याएबापत माइपाते थाप्सङ गैरसरकारी संस्था तथा माईपाते जीवनज्योति क्लबको तर्फबाट श्रीमान समिर राई शान्ति,पत्रकार , शिक्षक, साहित्यकार महेश्वर प्रधान,समाजसेवी सामुएल लेप्चालाई सम्वर्द्धना गरियो। कार्यक्रममा उपस्थित अतिथिहरुले भाषा दिवसबारे सारगर्भित वक्तव्यहरु प्रस्तुत गरे।खुबै रोचक ,सुन्दर कार्यक्रममा विद्यार्थीगण , अभिभावकगण तथा वरिपरिका क्षेत्रका मानिसहरुको बाक्लो उपस्थिति रहेको थियो।

20/08/2024

खुशीको खवर! खुशीको खबर!खुशीको खबर!
भोलि 21/08/2024 देखि डोडखोला देखि चालसा सम्म सधैं गाडी चल्नेछ।गाडी चल्ने बाटो यस प्रकार छन् शेर्पा गाउँ,कुवापानी,गोरूबथान भएर जानेछ चालसा जानेछ।बिहान 9 बजी देखि डोडखोला देखि जानेछ।अनि चालसा देखि 2 बजी देखि आउनेछ अनि गोरूबथान देखि बेलका 3:15 देखि आउनेछ।
चालकको सम्पर्क नम्बर।
9733183245

18/08/2024

समाबियोङ खेलमैदान 78 अौ स्वतन्त्र दिवसको सानो भिडियो।तीनवटा स्कुलले भाग लिएको,B.M HIGH SCHOOL,ALISHA MEMORIAL SCHOOL AND HILL BUDS NURSERY SCHOOL.

17/08/2024

अपर बतासे गोरेटो परिवार समाजको अर्धवार्षिक सभा तथा सम्बर्दना कार्यक्रम सम्पन्न

मझुवा:: अप्पर बतासे गोरेटो परिवार समाजको आज अर्धवार्षिक सभा सम्पन्न गरियो। आजको यस सभा सभापति समाजकै सभापति समाजकै सभापति जीवन तामाङ रहेका थिए।यस सभामा समाजको पक्षबाट यस वर्ष के कस्ता कार्यक्रमहरु गरियो सो बारे सचिवले बिस्तारमा जानकारी गराए ।समाजका कोषाध्यक्षले समाजको फाँटबारी सम्पूर्णमा सुनाए ।आजको यस अर्धवार्षिक सभामा समाजका दिवंगत सदस्य सदस्यहरूलाई सम्झना गर्दै उनीहरूका परिवारलाई शोक संवेदना पत्र पनि प्रदान गरियो। यसै समाजका संस्थापक सदस्य मणिकुमार प्रधानको कान्छी नातिनी अनुश्रिया प्रधानले यस वर्ष माध्यमिक परीक्षामा सर्वाधिक अङ्क प्राप्त गरी विद्यालय टप्पर बनेकीमा उनलाई समाजको तर्फबाट सम्मानपत्र पनि प्रदान गरियो। ज्ञात रहोस् अप्पर बतासे गोरेटो परिवार समाजले प्रतिवर्ष नै यस भेगमा विविध सामाजिक कार्यक्रमहरू गर्दै आइरहेको छ। अप्पर बतासे गोरेटो परिवार समाज एक सक्रिय समाजको रुपमा तथा उदाहरणको रुपमा यस भेगमा चिनिने गरिन्छ। कार्यक्रम सञ्चालन समाजका सचिव कपिल प्रधानले गरेका थिए। आजको यस अर्धवार्षिक सभा तथा छोटो कार्यक्रममा समाजका सम्पूर्ण सदस्यको बाक्लो उपस्थिति रहेको थियो। अब उसो समाजले अझ के कस्ता कार्यक्रमहरू गर्नपर्ने भन्ने बारे चर्चा परिचर्चा पनि गरियो। अन्त्यमा दिवसीय सभापतिले उपस्थित सबैलाई धन्यवाद टक्र्याउँदै सभा समापनको घोषणा पनि गरे।

17/08/2024

🔴A Dedication

🏴🏴🏴🏴🏴🏴🏴🏴
Pic credit - सुदर्शन अत्रि

17/08/2024

डाक्टर मौमिता देबनाथको जीवनको यो भयानक घटना:

कसैले तपाईँको शरीरलाई तपाईँको सहमति बिना छुन्छ भन्ने कल्पना गर्नुहोस्, जब तपाईँले ३६ घण्टाको सिफ्ट पूरा गर्नु भएको छ, जहाँ तपाईँले अरूलाई स्वस्थ बनाउन मद्दत गर्नुभएको थियो।

कसैले तपाईँको कपडा च्यातेर फाल्दिन्छ, जब तपाईँको शरीर थकित हुन्छ, तपाईँको मस्तिष्क थकित हुन्छ।

उसको मनमा त्यो खौफनाक डर बसेको कल्पना गर्नुहोस्, जब उसको शक्ति समाप्त भयो।

के तपाईँ कसैलाई तपाईँमाथि जबर्जस्ती गरिरहेको कल्पना गर्न सक्नुहुन्छ? तपाईँको पीडाबाट उसले आनन्द लिन्छ भन्ने कुरा? तपाईँको असहायतालाई उसले आनन्दको स्रोत बनाउँछ?

उसको खुट्टा ९० डिग्रीको कोणमा भेटियो।

पेल्भिस हड्डीहरू शरीरका सबैभन्दा बलियो जोर्नीहरूबाट बनेका हुन्छन्। एक वयस्क पेल्भिक रिङलाई अव्यवस्थित गर्न २,००० देखि १०,००० न्युटन बल आवश्यक पर्छ।

आफ्नो पेल्भिसको जोर्नीहरू टाढा हुँदा भाँचिनु भनेको कति दुख्दो होला भनेर कल्पना गर्नुहोस्।

उसको शरीरमा ११३ पटक टोकेका डामहरू थिए।

के तपाईँ आफ्नो छालालाई एक सेटको दाँतले १ पटक होइन, २ पटक होइन, १० पटक होइन, २५ पटक होइन, ५० पटक होइन, तर ११३ पटक टोकेको अनुभव गर्न सक्नुहुन्छ?

उसको संघर्षमा चस्मा टुक्रिएर उसको आँखा भित्र घुस्यो भन्ने कुरा कल्पना गर्नुहोस्।

कसैले आफ्नो सारा शक्ति प्रयोग गरेर तपाईँको घाँटी थिचिरहेको कल्पना गर्नुहोस्, तपाईँको आँखा रगतले भरिन्छन्। के तपाईँलाई तपाईँको फोक्सोबाट हावा बाहिर निस्केको महसुस गर्न सक्नुहुन्छ? वा तपाईँको आँखा धमिलो भएको अनुभव गर्न सक्नुहुन्छ? वा घण्टी बजिरहेको सुन्न सक्नुहुन्छ? के तपाईँ त्यो पीडा महसुस गर्न सक्नुहुन्छ? वा तपाईँको छातीमा तपाईँको मुटु जोडले धड्किरहेको महसुस गर्न सक्नुहुन्छ? छैन?

डाक्टर मौमिता देबनाथले यी सबै आतङ्कको अनुभव गरिन्। उनलाई एउटा मात्र अपराधीले होइन, धेरैले यो पीडा दिए।

यो संसारमा अब मानव जीवनको कुनै मूल्य छैन। डाक्टर बन्नका लागि उनले गरेको समर्पण, कडा परिश्रम, र पीडा - सबै एकै पटकमा हराएर गयो।

म मानवतामा आफ्नो विश्वास पूर्ण रूपमा गुमाइसकेको छु र म यस्तो कुनै न कुनै खौफनाक घटना घट्ने सम्भावनाभन्दा मर्न रुचाउँछु।

Imagine someone touching your body without your consent after you just finished a 36 hour shift of helping people getting healthy.

Imagine someone ripping your clothes off of your body when your body is tired, your brain is drained.

Imagine the gut wrenching fear that set in her heart when her strength was overpowered.

Can you imagine someone forcing himself on you? Getting pleasure out of it? Getting pleasure from your pain, helplessness?

Her legs were found in an 90° angle.

The pelvis is bones are made of the strongest joints in the body. A force between 2,000 and 10,000 newtons is required to disrupt an adult pelvic ring.

Imagine the pain of physic

16/08/2024

PROPERTY FOR SALE AT 7TH MILE RISHI ROAD KALIMPONG NEAR VIEW POINT.IDEAL FOR COMMERCIAL AND RESIDENTIAL PURPOSES
CONTACT NUMBER -9741183859
7003608714

15/08/2024

Fantastic band display by Alisha memorial school at samabeong play ground.

15/08/2024

Happy Independence Day 🇮🇳🇮🇳🇮🇳 to all followers

14/08/2024

दोस्रो सेमिफाइनल खेलमा मेटली स्पोर्टस एसोसिएसन विजयी।

गोरुबथान:: गोरुबथानको पुरानो क्लबहरुमा एउटा क्लब हो डायमण्ड क्लब। डायमण्ड क्लबले प्रतिवर्ष अगस्त महिनामा स्वतन्त्रता दिवस नगद राशी फुटबल प्रतियोगिता आयोजना गर्ने गर्छ।यस वर्ष पनि यसै क्लबद्वारा स्वतन्त्रता दिवस नगद राशी फुटबल प्रतियोगिता माल बस्ती जन मैदानमा समपन्न भइरहेको छ। दोस्रो सेमिफाइनल खेल ३/९ जि आर सालुगढा बनाम स्पोर्टस एसोसिएसन मेटलीमाझ सम्पन्न भएको थियो।खेल खुबै रोमान्चक भएको थियो।खेल अवधिमा दुवै दलले एक एक गोल गरेर बराबरीमा रहेपछि निर्णायकले पेनलटी सुट आउटको माध्यमबाट विजयी दल चयन गरे।पेनलटीमा मेटली स्पोर्टस एसोसिएसनले चार गोल दागेर विजयी बनेको छ।फाइनल खेल आगामी १६ अगस्त २०२४को दिन समपन्न हुनेछ।फाइनल खेल बि सेभेन माल बस्ती बनाम मेटली स्पोर्टस एसोसिएसन माझ समपन्न हुनेछ।आजको म्यान अफ दि म्याचको ट्रफी दाता मनिष स्पोर्टस सोमबारे बजार गोरुबथानका संस्थापक मनिष परियार हुनुहुन्छ।यो ट्रफी आजको खेलमा उत्कृष्ट प्रदर्शन गरेवापत मेटली स्पोर्टस एसोसिएसनका खेलाडी जर्सी नम्बर ७ प्रणय थापालाई प्रदान गरियो।आजको खेलको मुख्य निर्णायक उमेश शर्मा सहायक निर्णायक अलप खालिङ र अशोक रोय थियो। चौथो निर्णायकको रुपमा निरेन दर्नाल थियो।आगामी १६ अगस्त २०२४ को दिन समपन्न हुने स्वतन्त्रता दिवस नगद राशी फुटबल प्रतियोगिताको अन्तिम फाइनल खेल हेर्न आइदिन सम्पुर्ण दर्शकवृन्द, फुटबल प्रेमीलाई डायमन्ड क्लबको तर्फबाट कुन्दन प्रधानले अनुरोध पनि गरेका छन्।

12/08/2024

चौथो क्वाटर फाइनलमा मेटली स्पोर्टस एसोसिएसन विजयी

गोरुबथान :: डायमण्ड क्लबद्वारा आयोजना गरेको स्वतन्त्रता दिवस नगद राशी फुटबल प्रतियोगिताको चौथो क्वाटर फाइनलको खेल माल बस्ती जन मैदानमा सम्पन्न भएको थियो।चौथो क्वाटर फाइनलमा मेनस एकाडेमी बनाम मेटली स्पोर्टस एसोसिएसन माझ समपन्न भएको थियो।खुबै रोमान्चक खेलमा मेटली स्पोर्टस एसोसिएसनले १ को विरुद्ध २ गोल गरेर विजयी बनेको छ।आजको खेलमा म्यान अफ दि म्याच मेनस एकाडेमीका खेलाडी जर्सी नम्बर ११ लाई प्रदान गरियो।यो ट्रफी दाता सुश्री कल्याण थापा माल बस्ती निवासी हुन्।उनले आफ्नी दिवंगत बहिनी उपासना थापाको स्मृतिमा प्रदान गरेकी थिइन्।आजको खेलको निर्णायकको रुपमा बिरेन दर्नाल मुख्य निर्णायक हेमकुमार राई र बिमल प्रधान सहायक निर्णायक थिए। चौथो निर्णायकको रुपमा अलप खालिङ थिए।
भोलिदेखि सेमी फाइनल खेल शुरु हुन गइरहेको छ।प्रथामा सेमीफाइनल खेलमा बि सेभेन मालबस्ती गोरुबथान बनाम एस टी ब्रद्रस रांगामाटीमाझ खेलिने जानकारी डायमण्ड क्लबका संस्थापक सदस्य कुन्दन प्रधानले दिएका छन्।

11/08/2024

माल बस्ती डायमन्ड क्लबको तत्वावधानमा समपन्न स्वतन्त्रता दिवस नगद राशी फुटबल प्रतियोगिता माल बस्ती जन मैदानमा समपन्न भइरहेको छ।यस खेलको विषाक्त फाइनल १६ अगस्तमा हुनेछ।आजको खेल युद्धवीर उच्चतर माध्यमिक विद्यालय बनाम एस टी ब्रद्रस रांगामाटीमाझ समपन्न भएको थियो।एक गोलको विरुद्ध पाँच गोल दागेर एस टी ब्रद्रस विजयी बनेको छ।आजको खेलमा सर्वोत्कृष्ट खेल प्रदर्शन गरेवापत दिइने म्यान अफ दि म्याचको ट्रफी दाता तिलक छेत्री हुन्।आजको खेलमा म्यान अफ दि म्याच युद्धवीर उच्चतर माध्यमिक विद्यालयका खेलाडी जर्सी नम्बर १६लाई प्रदान गरियो।उनले आफ्नो दिवंगत हजुरआमाको स्मृतिमा प्रदान गरेको थियो।आजको खेलको निर्णायकको रुपमा मुख्य निर्णायक उमेश शर्मा,सहायक निर्णायक अशोक रोय र प्रवेश थिए।चौँथो निर्णायकको रुपमा बिमल प्रधान रहेको थियो।

10/08/2024

मालबस्ती बि सेभेन र ३/९ जिआर सालुगढा सेमिफाइनलमा प्रवेश
गोरुबथान:: प्रतिवर्ष जस्तै यस वर्ष पनि डाइमण्ड क्लब गोरुबथान मालबस्तीको तत्वधानमा प्राइज मनी इन्डीपेनडेन्स कप नकआउट फुटबल टुर्नामेन्ट २०२४ मालबस्ती खेल मैदानमा सुरु भएको छ।७८औं स्वतन्त्रता दिवस फुटबल टुर्नामेन्टको पहिलो क्वाटर फाइनल खेलमा बीएमएफसी मैनागुडी बनाम बि७ गोरुबथानमाझ सम्पन्न भएको थियो।यस खेलमा बि सेभेनले पाँच गोल दागेर सेमी फाइनलमा आफ्नो जग्गा दरिलो बनाउन सकेको छ।यस खेलमा आज मेन अफ‌ द म्याचको ट्रफी स्व. टीकाराम शर्माको स्मृतिमा किरण शर्माले प्रदान गरेका थिए।किरण शर्माको बाहुलीबाट आजको खेलको म्यान अफ दि‌ म्याच बि सेभेनका खेलाडी करण दाहाललाई प्रदान गरियो।दोस्रो सेमी फाइनलको म्याच अप्पर फागु स्पोर्टस एन्ड कल्चरल एसोसिएसन र ३/९ जीआर सालुगढामाझ सम्पन्न भएको थियो।यस खेलमा अप्पर फागु स्पोर्ट्स एण्ड कल्चरल एसोसिएसनलाई ३/९ जीआर सालुगढाले पराजित गर्यो।

06/08/2024

मंगलबारी सन्त जेभियर्स इंग्लिस स्कुलमा हाजिरी जवाफ प्रतियोगिता सम्पन्न।

गोरुबथान(निस):: सन्त जेभियर्स इग्लिस स्कुलको आयोजनामा अन्तर सदन विद्यालय हाजिरी जवाफ प्रतियोगिता सम्पन्न भएको थियो। विद्यालयको चारवटा सदन क्रमैले पेसियन सदन ,पिस सदन ,पावर सदन र प्रसपेरिटी सदनमाझ भएको अन्तर सदन हाजिरी जवाफ प्रतियोगितामा पिस सदन विजयी बनेको छ।यस हाजिरी जवाफ प्रतियोगिताको क्विज मास्टर भरतराज गुरुङ रहेको थियो। विजयी टोली तथा अन्य टोलीहरुलाई विद्यालयको तर्फबाट ट्रफी तथा सर्टिफिकेट प्रदान गरियो। विद्यालयका संस्थापक प्रेम लेप्चाले बताए अनुसार सन्त जेभियर्स इंग्लिस स्कुलले विभिन्न किसिमका कार्यक्रमहरु गरेर विद्यार्थीहरुको मानसिक विकास वृद्धि हेतु कार्य गरिरहेको छ। ज्ञात रहोस सन्त जेभियर्स इंग्लिस स्कुल मंगलबारी बस्तीमा स्थित छ।यस विद्यालयले हालसम्म यस क्षेत्रको शैक्षिक विकासमा देन दिइरहेको छ।

06/08/2024

बिशेष सुचना समाबियोङ,लोवर कालीखोला निवासी श्री हर्क छेत्रीको money wallet कालीखोला देखि शेर्पा टारको बीचमा हराएको छ यदि कसैले पाउनु भयो भने।
तल दिएको नम्बरमा सम्पर्क गरिदिनु होस।
+918768364451

03/08/2024

डायमन्ड क्लबको तत्वावधानमा प्राइज मनी इन्डीपेनडेन्स कप नकआउट फुटबल टुर्नामेन्टको पहिलो म्याचमा बि ७ एफ सी विजयी

गोरुबथान:: प्रतिवर्ष जस्तै यस वर्ष पनि डाइमण्ड क्लब गोरुबथान मालबस्तीको तत्वधानमा प्राइज मनी इन्डीपेनडेन्स कप नकआउट फुटबल टुर्नामेन्ट २०२४ मालबस्ती खेल मैदानमा सुरु भएको छ। आजदेखि शुरु भएको यस फुटबल खेलमा अतिथीहरुको बाहुलीबाट खेलाडीहरुलाई खदा लगाएर सम्मान गरियो।आजको खेलमा ओपनिङ म्याच बि ७ एफ सी गोरुबथान बनाम फ्रेन्डस युनियन डामडिम माझ समपन्न भएको थियो। आजको यस खेलमा अतिथिको रुपमा केशव प्रधान ,कमल राणा ,निमा तामाङ,शितम मोक्तान,नविन परियार,गोरुबथान थाना प्रभारी, सरोज विश्वकर्मा,भुतपुर्व सैनिक एसोसिएसनका पदाधिकारीवर्गको उपस्थिति रहेको थियो।ख३ललाई अनुशासित रुपमा निर्वाह गर्नका लागि आजको म्याचमा मुख्य निर्णायकको रुपमा अशोक रोय थिए भने उमेश शर्मा र निरेन दर्नाल सहायक निर्णायक थिए। यसैगरी अलप राई चौथो निर्णायकको रुपमा थिए।आजको रोमान्चक खेलमा बि ७ एफ सी गोरुबथानले शुन्यको विरुद्ध ४ गोल दागेर विजय हासिल गर्न सक्षम बने ।आजको यस खेलमा बि ७का खेलाडी जर्सी नं १० करण दाहालले तीन गोल गरे भने जर्सी नं १२ बिसाल छेत्रीले १ गोल गरेका थिए‌।म्यान अफ दि म्याच बि ७ का खेलाडी करण दाहाल (जर्सी नं १०) लाई प्रदान गरियो।म्यान अफ दि म्याचको ट्रफी पुरण राईले आफ्नो दिवंगत बाजे पुर्ण बहादुर प्रधानको स्मृतिमा प्रदान गरेका थिए।

02/08/2024

हिजो आएको पानीले शेर्पा गाउँ निवासी निमा रिन्छेन शेर्पा(मोटे)को पहिरोले भिता चरकेको छ।अनि गोरूबथान जाने optional बाटो पनि अझै पहिलो आयो भने बाटो नै नहुने सम्भावना रहेको छ।यो बाटो केही बर्ष अधि पहिरोले संगै घर पनि लगेको थियोे भने फेरि पनि अर्को जग्गामा फेरि त्यहीँ सम्भावना देखिदै छ।यो बाटोले धेरैले गाउँलाई जोडने काम गर्छ समयमा नै छिटो सरकार र प्रशानले बनाउने अनुरोध गर्दै छौ।हैन भने ठूलो घटना घट्नु सक्नेछ।

Address

Gorubathan
735231

Telephone

+917679711631

Website

facebook.com

Alerts

Be the first to know and let us send you an email when Hamro Sherpa Gaon posts news and promotions. Your email address will not be used for any other purpose, and you can unsubscribe at any time.

Videos

Fantastic band display by Alisha memorial school at samabeong play ground.

गोर्खा शहीद दिवस २७ जुलाईको अवसरमा माइपाते "थापसङ गैर-सरकारी संस्था " को अगुवाईमा शहीदहर प्रति श्रध्दाञ्जली अर्पण गर्दै रक्तदान शिविर आयोजित गर्न गइरहेको छ।यस ४क्त दान शिविरमा रक्त दान गर्न चाहानु हुने इच्छुक महानुभावहरूले सम्पर्क गर्नु सक्नु हुनेछ बिकाश चाम्लिङ (9382961498) ह३मन्त राई (9679713448)

गोरुबथानको प्राचिन मन्दिर गुप्तेश्वर मन्दिरका समितिका पदाधिकारीगण द्वारा श्रावण मासभरि जल अर्पण गर्न भक्तजनहरूलाई आह्वान। गोरुबथान:: गोरुबथानको प्राचीनतम धाम हो गुप्तेश्वर धाम। यो धाम प्राकृतिक धाम हो। यस धाममा प्रतिवर्ष श्रावणको महिनामा विभिन्न स्थानहरुबाट शिवजीलाई जल अर्पण गर्न भक्तजनहरू आउने गर्छन्। भोलि सोमबार शिवजीको दिन पनि भनिन्छ। शिव भगवानलाई जल अर्पण गर्ने दिन यस दिन अझै धेरै मात्रामा भक्तजनको उपस्थिति रहनेछ। यस श्रावण महिना शिवजीलाई जल अर्पण गरिने पवित्र महिना मानिन्छ। गोरुबथानको छोटा फागुमा स्थित गुप्तेश्वर धाममा गुप्तेश्वर धाम समितिको तर्फबाट सम्पूर्ण भक्तजनहरुलाई यस महिनाभरि आएर गोप्तेश्वर धामको दर्शन जल अर्पण गरिदिने आह्वान गरेका छन्। थप जानकारीको लागि हेर्नुहोस् यो भिडियो।

गोर्खा गौरव संस्थान र स्वतन्त्र समूहको आयोजनामा एक जरुरी सभा सम्पन्न गोरुबथान:: गोर्खा गौरव संस्थान तथा स्वतन्त्र संयुक्त मञ्चको आयोजनामा आज गोरुवथान मालबस्तीको मल्टी प्रपोज हलमा एक जरुरी सभा सम्पन्न भयो। आजको यस सभामा सभाध्यक्ष भरतकुमार तामाङ थिए। अतिथिहरूमा क्रमैसँग ३६ नम्बर समष्टि सभासद पाल्देन तामाङ(स्वतन्त्र )गोर्खा गौरव संस्थानका संस्थापक नरेन्द्र तामाङ ,स्वतन्त्र समूहबाट विक्रम सार्की, यसैगरी मार्लिन जुट लेप्चा पञ्चायत मेम्बर(स्वतन्त्र )डुङ्गाबस्ती, कुमारी क्षेत्री सिन्द्रेबुङ पञ्चायत मेम्बर(स्वतन्त्र ) प्रशान्त अधिकारी लोलेजीपी(स्वतन्त्र ),सुधिर घले गोर्खा गौरव संस्थान कोअर्डिनेटर रहेका थिए ।आजको कार्यक्रम मनकुमार सुब्बाले सन्चालन गरेका थिए त्यसपछि सञ्चालन स्वतन्त्र समूहबाट विक्रम सार्की कोअर्डिनेटरले गरेका थिए। पहाडको वर

सन्त फ्रान्सिस अशिशी विद्यालयका नानी मन्नत थापाको उत्कृष्ट कविता वाचन। २१० औँ भानु जयन्ती समारोहमा वाचन गरिएको भिडियो।

सन्त फ्रान्सिस अशिसी विद्यालयमा भव्य रुपमा भानु जयन्ती पालन गोरुबथान:: २१० औँ भानु जयन्ती समारोह सन्त फ्रान्सिस असिसी विद्यालयमा भव्य रुपमा पालन गोरवथानमा स्थित निजी विद्यालयमा सन्त फ्रान्सिस असिसी विद्यालयमा प्रतिवर्षझैँ यस वर्ष पनि भव्य रुपमा भानु जयन्ती पालन गरियो। यस कार्यक्रममा अतिथिको रूपमा सितम मोक्तान ,मेघनाथ राई, समिर राई शान्ति, कृति राई, तुफान सुब्बा, ममता राई,रिति राई, गोरुबथान थाना प्रभारी प्रतिक सुब्बा स्कुलका प्रधान अध्यापिका ममता राई बेनर्जी , संस्थापक जोन ब्रिटो बेनर्जी रहेका थिए।यस कार्यक्रममा अभिभावक गणको बाक्लो उपस्थिति रहेको थियो।अतिथिगणको बाहुलीबाट भानुभक्त आचार्यको तस्बिरमा माल्यार्पण तथा दीप प्रज्वलन गरेपछि कार्यक्रमको सुरुवात गरिएको थियो। कार्यक्रमको प्रथमार्द्धमा सहशिक्षक महेश्वर प्रधानले सञ्चालन गरेका थिए

गोरुबथान युथसले २१०औ भानु जयन्ती भव्य रुपमा पालन गर्ने गोरुबथान:: आगामी १३ जुलाईको दिन गोरुबथान युथसको तत्वावधानमा भानु जयन्ती भव्य रुपमा पालन गरिने भएको छ। ज्ञात रहोस् गोरुवथानमा गोरुवथान युथसको तत्वधानमा केही वर्ष अघि भानुभक्तको पूर्णाङ् शालिग पनि निर्माण गरिएको थियो। प्रतिवर्ष झै यस वर्ष पनि सोमबारे बजार बस बिसौनी नजिक रहेको भानुभक्तको सालिगमा माल्यार्पण गरिसकेपछि सोमबारे बजार गुम्बा नजिक रहेको सद्भावना हलमा एक सांस्कृतिक कार्यक्रम पनि गरिने जमर्को कसिएको छ। यसै विषयमा जानकारी गराउँदै गोरुवथान युथसका पदाधिकारीहरु यसो भन्छन्।

युद्धवीर गुरुङ सालिक निर्माण समितिद्वारा 8 जुलाई तय गरिएको सभामा सबैलाई उपस्थित भइदिन अनुरोध... गोरुबथानमा शैक्षिक यात्राको विजारोपण गर्ने विद्यालय युद्धवीर जुनियर बेसिक निम्न पाठशाला/युद्धवीर उच्चतर माध्यमिक विद्यालय (पुरानो नाम युद्धवीर मेमोरियल पाठशाला) - का जनक युद्धवीर गुरुङको सालिक निर्माणार्थ गठन गरिएको कमिटी युद्धवीर गुरुङ सालिक निर्माण समितिद्वारा आगामी ८ जुलाई सोमबारको दिन युद्धवीर उच्चतर माध्यमिक विद्यालयमा अपराह्न २ बजे आमसभा आयोजन भइरहेको छ। उक्त सभामा युद्धवीर बेसिक निम्न पाठशाला, युद्धवीर उच्चतर माध्यमिक विद्यालयमा पठनपाठन गर्ने पूर्व विद्यार्थीलगायत गोरुबथानका बुद्धिजीवी, शुभचिन्तक सबैलाई आयोजक पक्षबाट उपस्थितिको निम्ति हार्दिक अनुरोध गरिएको छ। उक्त सभामा युद्धवीर गुरुङको सालिक निर्माण, धर्मशालादेखि सेरिकल्चरसम्म

हिमालयन फरेस्ट भिलेजर्स अर्गनाइजेसन गोरुबथानले बन बिभाग नेउरा रेन्जलाई चडाए ज्ञापनपत्र। गोरुबथान :: हिमालयन फरेस्ट भिलेजर्स अर्गनाइजेसन गोरुबथानको पदाधिकारी तथा १२वटा वनबस्तीका मानिसहरू भेला भएर नेउरा रेन्ज वन विभाग अधिकारीलाई ज्ञापनपत्र चडाइयो।१२ वटा बनबस्तीका जनताहरु पान डाडा परिसरमा भेला भएर नारा लगाउँदै नेउरा रेन्ज बन बिभाग कार्यलयतर्फ गएको थियो।यस डेपुटेसनमा सम्पुर्ण वनबस्तीका विविध समस्याहरुलाई समावेश गरिएको थियो। हिमालयन फरेस्ट भिलेजर्स अर्गनाइजेसनको तर्फबाट लिलाकुमार गुरुङ ,मनकुमार सुब्बा,आश कुमार तामाङ, सुबास तामाङ,सानु तामाङ,नर बहादुर छेत्री ज्ञापनपत्र चडाउने टोलीमा थिए। १२ वटा बनबस्तीका जनमानसहरूको भव्य समावेश रहेको थियो।नेउरा रेन्जभित्र रहेका १२ वटा बनबस्ती यस प्रकार छन्।माल ४ बन बस्ती,बुडीखोला बनबस्ती,माल ८ बनबस्ती

नानु दवाई खाने??😃😝😝

Breaking news-05/06/2024 लाभा र गैरीकबासको बीचमा भयानक वाहन दुर्धटना:3 को मृत्यु चालकसंगै एकै परिवारको कालेबुङ साङ्गसे फिकले निवासी बिनोद छेत्री र उनको 10 महिनाको नानीको घटनास्थलमै मृत्युl कालेबुङ-लाभा,५ जुन २०२४(निसं) पथर झोडाबाट लाभा हुँदै कालेबुङ गइरहेको समय आज राति लकभक 12 देखि 1 बजे भित्र लाभा बजार देखि केही तल आइपुग्दा वाहन चालकले नियन्त्रण गुमाएपछि वाहन सड़क देखि 500 फिट लत झारेको थियो।उक्त वाहनमा चालकसंगै एकै परिवारको 4 जना सवार थियो। दुर्घटनाग्रस्त हुँदा वाहन कालेबुङ साङ्गसे फिकले निवासी नितेस छेत्री अनि एकै परिवारको कालेबुङ साङ्गसे फिकले निवासी बिनोद छेत्री र उनको 10 महिनाको नानीको घटनास्थलमै मृत्यु भयो भने उनको श्रीमती र नानी भाग्यले बाचेका छन्। गम्भीर घायल मृतक बिनोद छैत्रीको श्रीमती र नानीको कालेबुङ जिल्ला अस्पतालमा उपचार चलिरहेको छ।

शेर्पा गाउँ सामदेन गुम्बा बुद्ध पूर्णिमाको सानो भिडियो हजुरहरु माझ राख्न गइरहेछौ। । मनपरे कमेन्ट लाइक सेयर गरिदिनुस् होला। नमो बुद्धाय

एडवर्ड्स फाउन्डेसनको पहालमा युपिएससी र डब्ल्युबिसिएस कोचिङको लागि फर्म वितरण शुरु भएको छ।यसपटक गोरुबथान संलग्न क्षेत्र र डुवर्सको लागि फर्म गोरुबथान माल बस्तीमा स्थित सन्त फ्रान्सिस अशिसी विद्यालयबाट फर्म लिएर जान सक्ने जानकारी विद्यालय संस्थापक जोन ब्रिटो बेनर्जीले दिएका छन्।अधिक जानकारीको लागी रोशन लामा (एडवर्ड्स फाउन्डेसन)9002189422 सित सम्पर्क गर्न सक्नु हुनेछ।

शेर्पा गाउँ टाँसी छौलिङ गुम्बामा बुद्धा पुर्णिामाको दिन कङयुर बुङ शेर्पा गाउँ र घण्टीडाँरा घुमाउदै गरेको सानो भिडियो।

जंगली हात्तीले मायालु बस्तीमा स्थित आइसिडिएस भवनको खिडकी ,दैलो क्षतिग्रस्त गरेको छ।रातको अँध्यारोमा जंगलबाट खानाको खोजीमा निस्किएको जंगली हात्तीले आइसिडिएस केन्द्रको खिडकी दैलो भत्काइ दिएको छ।गाउँलेहरुले एकाबिहानै यो दृश्य देखेपछि यस केन्द्रमा कार्यरत कर्मचारीलाई यसबारे जानकारी दिए।यसरी हात्तीले गाउँ नजिकै रहेको घरहरु भत्काएको देख्दा हात्तीको आक्रमणमा कुनै दिन ठुलो दुर्घटना हुन सक्ने अडकल काटेका छन्।यसबारे सम्बन्धित विभागले समयमा नै ध्यान पुर्याइदिने विशेष आग्रह पनि गरेका छन्।

रसिया-युक्रेन युद्धभूमिमा फँसेका उर्गेन तामाङलाई फर्काइल्याउन दार्जिलिङ माटोको माया फाउन्डेसनको पहलमा कालेबुङका विभिन्न संघ-संस्था अनि गैरसरकारी संस्थाहरूले निकाले कालेबुङमा ऱ्याली, आगामी 2 जुनसम्म सरकारले उर्गेन तामाङलाई फर्काउने पहल नगरे 3 जुन सोमबारको दिन कालेबुङमा फेरि वृहत ऱ्यालीको आयोजना गरिने अधिवक्ता बिरेन्द्र रसाइलीको घोषणा