RDnewsOdia

17/03/2024

17/03/2024

ବିଶାଳ ଗାୟତ୍ରୀ ମହା ୟଜ୍ଞ ଗୋପପୁର ,ବାଜିପୁର

30/06/2022

ବେଙ୍ଗାଲୁରୁରେ ବୋସ୍ ସ୍ମାର୍ଟ କ୍ୟାମ୍ପସ୍ ଉଦଘାଟନୀ ଉତ୍ସବରେ ପ୍ରଧାନମନ୍ତ୍ରୀଙ୍କ ଉଦବୋଧନ
ପୋଷ୍ଟ କରାଯିବା ଦିନାଙ୍କ: 30 JUN 2022 12:55PM Bhubaneshwar
ବୋସ୍‍ ଇଣ୍ଡିଆ ଦଳର ସମସ୍ତ ସଦସ୍ୟ,

ପ୍ରିୟ ବନ୍ଧୁଗଣ, ନମସ୍କାର!

୧୦୦ ବର୍ଷ ପୂରଣ କରିଥିବାରୁ ବୋସ୍‍ ଇଣ୍ଡିଆକୁ ଅଭିନନ୍ଦନ । ଉଭୟ ଭାରତ ଏବଂ ବୋସ୍ ଇଣ୍ଡିଆ ପାଇଁ ଏହା ଏକ ବିଶେଷ ବର୍ଷ । ଆମ ଦେଶ ସ୍ୱାଧୀନତାର ୭୫ ବର୍ଷ ପାଳନ କରୁଛି ଏବଂ ଆପଣ ଭାରତରେ ଆପଣଙ୍କ ଉପସ୍ଥିତିର ଏକ ଶତାବ୍ଦୀ ପାଳନ କରୁଛନ୍ତି । ବୋସ୍ ସ୍ମାର୍ଟ କ୍ୟାମ୍ପସ୍ ଉଦଘାଟନ କରି ମୁଁ ମଧ୍ୟ ଖୁସି । ଏହି କ୍ୟାମ୍ପସ ନିଶ୍ଚିତ ଭାବରେ ଭାରତ ଏବଂ ବିଶ୍ୱ ପାଇଁ ଭବିଷ୍ୟତର ଉତ୍ପାଦ ଏବଂ ସମାଧାନ ବିକାଶରେ ଅଗ୍ରଣୀ ହେବ । ଅକ୍ଟୋବର ୨୦୧୫ ରେ, ଚାନସେଲର ମର୍କେଲଙ୍କ ସହ ବେଙ୍ଗାଲୁରୁର ବୋସ୍ ସୁବିଧା ପରିଦର୍ଶନ କରିବାର ସୁଯୋଗ ପାଇଥିଲି । ମୁଁ ସେଠାରେ ପ୍ରଥମେ ଅଭିନବ କାର୍ଯ୍ୟ ହେଉଥିବା ଦେଖିଲି । ସମାନ ଆନନ୍ଦଦାୟକ ଥିଲା ଦ୍ୱ÷ତ ଶିକ୍ଷା ପଦ୍ଧତି ଯାହା ବୋସ୍ ଯୁବକମାନଙ୍କୁ ଦକ୍ଷ କରିବା ପାଇଁ ବ୍ୟବହାର କରେ ।

ବନ୍ଧୁଗଣ,

ଏହା ହେଉଛି ଜ୍ଞାନକୌଶଳର ଯୁଗ । ଆମେ ସମସ୍ତେ ଗତ ଦୁଇ ବର୍ଷ ମଧ୍ୟରେ ଜ୍ଞାନକୌଶଳର ଉପକାର ଦେଖିଛୁ ଯେତେବେଳେ ଏକ ଶତାବ୍ଦୀ ମଧ୍ୟରେ ବିଶ୍ୱ ସବୁଠୁ ବଡ ମହାମାରୀ ସହ ଲଢିଛି । ତେଣୁ, ବୈଷୟିକ ଏବଂ ନବସୃଜନ କ୍ଷେତ୍ରରେ ଆହୁରି ବିନିଯୋଗ କରିବା ଜରୁରୀ ଅଟେ । ମୁଁ ଖୁସି ଯେ ବୋସ୍ ଇଣ୍ଡିଆ କେବଳ ନବସୃଜନ ଉପରେ ନୁହେଁ ବରଂ ଏହାକୁ ଆଗକୁ ନେବାରେ ମଧ୍ୟ କାର୍ଯ୍ୟ କରିଛି । ଏହାର ଏକ ପ୍ରମୁଖ ସ୍ତମ୍ଭ ମଧ୍ୟ ସ୍ଥିରତା ହେବ । ଗତ ୮ ବର୍ଷ ମଧ୍ୟରେ ସୌର ଶକ୍ତିର ସ୍ଥାପନ କ୍ଷମତା ପ୍ରାୟ ୨୦ ଗୁଣ ବୃଦ୍ଧି ସହିତ ଭାରତର ଅଭିବୃଦ୍ଧି ସବୁଜ ହେବାରେ ଲାଗିଛି । ମୋତେ କୁହାଯାଇଥିଲା ଯେ ବୋସ୍ ଉଭୟ ଭାରତ ତଥା ଭାରତ ବାହାରେ କାର୍ବନ ନିରପେକ୍ଷତା ହାସଲ କରିଛନ୍ତି । ଏହା ଅତ୍ୟନ୍ତ ପ୍ରେରଣାଦାୟକ ।

ବନ୍ଧୁଗଣ,

ଆଜି ଭାରତ ଦ୍ରୁତ ଅଭିବୃଦ୍ଧିଶୀଳ ପ୍ରମୁଖ ଅର୍ଥନୀତି ମଧ୍ୟରେ ରହିଛି । ଗତ ଦୁଇ ବର୍ଷ ମଧ୍ୟରେ ନିବେଶ ବୃଦ୍ଧି ପାଇଛି । ଆମର ଯୁବବର୍ଗଙ୍କୁ ଧନ୍ୟବାଦ, ଆମର ଷ୍ଟାର୍ଟ ଅପ୍ ଇକୋ-ସିଷ୍ଟମ ଦୁନିଆର ସବୁଠୁ ବଡ ଅଟେ । ବୈଷୟିକ ଦୁନିଆରେ ନିଜେ ବହୁତ କିଛି କରିବାର ସୁଯୋଗ ଅଛି । ପ୍ରତ୍ୟେକ ଗ୍ରାମକୁ ଦ୍ରୁତ ଗାମୀ ଇଣ୍ଟରନେଟ୍ ଯୋଗାଇବା ପାଇଁ ଭାରତ ସରକାର କାର୍ଯ୍ୟ କରୁଛନ୍ତି । ଆମର ଲକ୍ଷ୍ୟ ହେଉଛି ସରକାରଙ୍କ ପ୍ରତ୍ୟେକ ଦିଗ ସହିତ ଜ୍ଞାନକୌଶଳ ଏକୀକରଣ ଅନ୍ତର୍ଭୁକ୍ତ କରି ଏକ ଜିଡିଟାଲ ଇଣ୍ଡିଆ ଗଠନ କରିବା । ଏହି ସୁଯୋଗଗୁଡିକର ଉପଯୋଗ କରିବାକୁ ଏବଂ ଆମ ଦେଶରେ ବିନିଯୋଗ କରିବାକୁ ମୁଁ ବିଶ୍ୱକୁ ଅନୁରୋଧ କରିବି ।

ବନ୍ଧୁଗଣ,

ମାଇଲଖୁଣ୍ଟ ଗୁରୁତ୍ୱପୂର୍ଣ୍ଣ । ସେମାନଙ୍କ ପାଇଁ ଉତ୍ସବ ପାଳନ କରିବା ଏବଂ ଆଗକୁ ବଢିବାର ସୁଯୋଗ । ମୁଁ ବୋସକୁ ଅନୁରୋଧ କରୁଛି ଯେ ଭାରତରେ ଆହୁରି ଅଧିକ କରିବାକୁ ଚିନ୍ତା କରନ୍ତୁ । ଆପଣଙ୍କ ଟିମ୍‍ କ\'ଣ କରିପାରିବ ତାହାର ଆଗାମୀ ୨୫ ବର୍ଷ ପାଇଁ ଲକ୍ଷ୍ୟ ସ୍ଥିର କରନ୍ତୁ । ୧୦୦ ବର୍ଷ ପୂର୍ବେ, ବୋସ୍ ଏକ ଜର୍ମାନ କମ୍ପାନୀ ଭାବରେ ଭାରତ ଆସିଥିଲା । କିନ୍ତୁ ଆଜି ଏହା ଯେତିକି ଭାରତୀୟ ସେତିକି ଜର୍ମାନ । ଜର୍ମାନ ଇଞ୍ଜିନିୟରିଂ ଏବଂ ଭାରତୀୟ ଶକ୍ତିର ଏହା ଏକ ବଡ ଉଦାହରଣ । ଏହି ସମ୍ପର୍କ ଅଧିକ ଶକ୍ତିଶାଳୀ ହେବ । ପୁଣି ଥରେ, ମୁଁ ବୋସ୍ ଇଣ୍ଡିଆର ସମଗ୍ର ପରିବାରକୁ ଅଭିନନ୍ଦନ ଜଣାଉଛି ଏବଂ ଆପଣଙ୍କୁ ସମସ୍ତଙ୍କୁ ଶୁଭେଚ୍ଛା ଜଣାଉଛି ।

ଧନ୍ୟବାଦ

ଅନେକ ଅନେକ ଧନ୍ୟବାଦ

30/06/2022

https://m.facebook.com/story.php?story_fbid=1170026830487660&id=100044527235621

29/06/2022

ଚାନ୍ଦିପୁରରୁ ‘ଅଭ୍ୟାସ’ର ସଫଳ ପରୀକ୍ଷଣ

ଓଡିଶା ଉପକୂଳରୁ ଦ୍ରୁତ ଗତି ସମ୍ପନ୍ନ ଉପଭୋଜିତ ଆକାଶମାର୍ଗୀୟ ଲକ୍ଷ୍ୟ - ଅଭ୍ୟାସର ସଫଳତାର ସହିତ ଉଡାଣ ପରୀକ୍ଷଣ କରl ଯାଇଛି
ପୋଷ୍ଟ କରାଯିବା ଦିନାଙ୍କ: 29 JUN 2022 2:50PM Bhubaneshwar
ଓଡିଶାର ଉପକୂଳରେ ରହିଥିବା ଚାନ୍ଦିପୁରର ଇଂଟିଗ୍ରେଟେଡ୍ ଟେଷ୍ଟ ରେଂଜ (ଆଇଟିଆର୍‌)ରୁ ଦ୍ରୁତ ଗତି ସମ୍ପନ୍ନ ଉପଭୋଜିତ ଆକାଶମାର୍ଗୀୟ ଲକ୍ଷ୍ୟ (ଏଚ୍‌ଇଏଟି) - ଅଭ୍ୟାସର ଆଜି ସଫଳତାପୂର୍ବକ ଉଡାଣ ପରୀକ୍ଷଣ କରା ଯାଇଛି ।

ଉଡାଣର ପରୀକ୍ଷଣ ସମୟରେ ବିମାନର ନିମ୍ନ ଉଚ୍ଚତାରେ ସ୍ଥାୟୀ ସ୍ତରକୁ ମିଶାଇ ପରିଚାଳନାଗତ କୌଶଳ ପ୍ରଦର୍ଶିତ ହୋଇଥିଲା । ଏହି ଲକ୍ଷ୍ୟଭେଦୀ ବିମାନଟି ପୂର୍ବରୁ ପ୍ରସ୍ତୁତ ହୋଇଥିବା ନିୟନ୍ତ୍ରଣକାରୀ ସ୍ଥଳରୁ ଉଡିବା ଆରମ୍ଭ କରିଥିଲା, ଯାହା ଏକ ପୂର୍ବ ନିର୍ଦ୍ଧାରିତ ନିମ୍ନ ଉଚ୍ଚତାରେ ରହିଥିବା ଉଡାଣ ପଥରେ ଏକ ଭୁପୃଷ୍ଠ ଆଧାରିତ ନିୟନ୍ତ୍ରକ ଦ୍ୱାରା ଉଡା ଯାଇଥିଲା, ଯାହା ଉପରେ ରାଡାର ତଥା ଇଲେକ୍ଟ୍ରୋ ଅପଟିକାଲ୍ ଟାର୍ଗେଟିଂ ସିଷ୍ଟମ୍ ସହିତ ଆଇଟିଆର୍ ଦ୍ୱାରା ନିୟୋଜିତ କରା ଯାଇଥିବା ବିଭିନ୍ନ ଗତିପଥ ନିରୀକ୍ଷକ ସେନ୍‌ସର ଗୁଡିକ ଦ୍ୱାରା ନିରୀକ୍ଷଣ କରା ଯାଇଥିଲା ।

ଅଭ୍ୟାସର ଡିଜାଇନ୍ ଏବଂ ତା’ର ବିକାଶ ପ୍ରତିରକ୍ଷା ଗବେଷଣା ଏବଂ ବିକାଶ ସଙ୍ଗଠନ (ଡିଆର୍‌ଡିଓ)ର ବିମାନ ସମ୍ପର୍କିତ ବିକାଶ ପ୍ରତିଷ୍ଠାନ ଦ୍ୱାରା କରା ଯାଇଛି । ଏହି ବିମାନକୁ ଟ୍ୱିନ୍ ଅଣ୍ଡର ସ୍ଲଗ୍ ବୁଷ୍ଟର, ଯାହା ଯାନଟିକୁ ପ୍ରାରମ୍ଭିକ ଗତି ପ୍ରଦାନ କରିଥାଏ, ତାହାକୁ ଉପଯୋଗ କରାଯାଇ ତାହା ମାଧ୍ୟମରେ ଲଂଚ୍ କରା ଯାଇଥିଲା । ଏହା ଉଚ୍ଚ ସବସୋନିକ୍ ଗତିରେ ଏକ ଦୀର୍ଘ କାଳୀନ ନିରବଚ୍ଛିନ୍ନ ଉଡାଣ କରିବା ପାଇଁ ଏକ ଛୋଟ ଗ୍ୟାସ୍ ଟର୍ବାଇନ୍ ଦ୍ୱାରା ସଂଚାଳିତ ହୋଇଥାଏ ।

ଲକ୍ଷ୍ୟଭେଦୀ ବିମାନ ବହୁତ ଉଚ୍ଚାକୁ ଉଡିବା ପାଇଁ ସ୍ୱଦେଶୀ ରେଡିଓ ଅଲ୍ଟିମିଟର ତଥା ଭୂତଳ ନିୟନ୍ତ୍ରଣକାରୀ କେନ୍ଦ୍ର ତଥା ଲକ୍ଷ୍ୟଭେଦୀ ବିମାନ ମଧ୍ୟରେ ଲିପିବଦ୍ଧ (ଏନକ୍ରିପ୍ଟେଡ୍‌) ଯୋଗାଯୋଗ ନିମନ୍ତେ ତଥ୍ୟ ସଂଯୋଗ ସହିତ ନିର୍ଦ୍ଦେଶ ଏବଂ ନିୟନ୍ତ୍ରଣ ନିମନ୍ତେ ବିମାନ ନିୟନ୍ତ୍ରକ କମ୍ପ୍ୟୁଟର ସହିତ ନ୍ୟାଭିଗେସନ୍ ନିମନ୍ତେ ମାଇକ୍ରୋ – ଇଲେକ୍ଟ୍ରୋ ମେକାନିକାଲ୍ ସିଷ୍ଟମ୍ ଆଧାରିତ ଇନିର୍ସିଆଲ୍ ନ୍ୟାଭିଗେସନ୍ ସିଷ୍ଟମ୍ ସହିତ ସୁସଜ୍ଜିତ ଅଟେ । ଏହି ଯାନଟିକୁ ସମ୍ପୂର୍ଣ୍ଣ ଭାବରେ ସ୍ୱୟଂଚାଳିତ ଉଡାଣ ନିମନ୍ତେ ବ୍ୟବସ୍ଥିତ କରା ଯାଇଛି ।

ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଅଭ୍ୟାସର ସଫଳ ଉଡାଣ ପରୀକ୍ଷଣ ନିମନ୍ତେ ଡିଆର୍‌ଡିଓ, ସଶସ୍ତ୍ର ବାହିନୀ ତଥା ଉଦ୍ୟୋଗକୁ ଶୁଭେଚ୍ଛା ଜଣାଇଥିଲେ । କହିଥିଲେ ଯେ ଏହି ସିଷ୍ଟମ୍‌ର ବିକାଶ ସଶସ୍ତ୍ର ବାହିନୀ ମାନଙ୍କ ନିମନ୍ତେ ଆକାଶମାର୍ଗୀୟ ଲକ୍ଷ୍ୟର ଆବଶ୍ୟକତାକୁ ପୂରଣ କରିବ ।

ପ୍ରତିରକ୍ଷା ଗବେଷଣା ଏବଂ ବିକାଶ ସଙ୍ଗଠନ ବିଭାଗ ତଥା ଡିଆର୍‌ଡିଓର ଅଧ୍ୟକ୍ଷ ଡଃ. ଜି. ସତୀଶ ରେଡ୍ଡୀ ସିଷ୍ଟମ୍‌ର ଡିଜାଇନ୍‌, ବିକାଶ ଏବଂ ପରୀକ୍ଷଣ ସହିତ ଯୋଡି ହୋଇ ରହିଥିବା ଦଳର ପ୍ରୟାସକୁ ଭୁରି ଭୁରି ପ୍ରଶଂସା କରିଥିଲେ

29/06/2022

ପ୍ରାଥମିକ କୃଷି ଋଣ ସମିତି (ପ୍ୟାକ୍ସ)ଗୁଡ଼ିକର କମ୍ପ୍ୟୁଟରୀକରଣକୁ କ୍ୟାବିନେଟ ମଞ୍ଜୁରି

ମୋଟ ୨୫୧୬ କୋଟି ଟଙ୍କାର ବଜେଟ ବ୍ୟୟବରାଦ ସହିତ ୬୩,୦୦୦ କାର୍ଯ୍ୟକ୍ଷମ ପ୍ୟାକ୍ସକୁ କମ୍ପ୍ୟୁଟରୀକରଣ କରାଯିବ

ଏହି ପଦକ୍ଷେପ ଦ୍ବାରା ଅଧିକାଂଶ କ୍ଷୁଦ୍ର ଓ ନାମମାତ୍ର ଚାଷୀଙ୍କ ସମେତ ପ୍ରାୟ ୧୩କୋଟି ଚାଷୀ ଲାଭାନ୍ବିତ ହେବେ

ଏହି ପଦକ୍ଷେପ ସ୍ବଚ୍ଛତା ଓ ଦକ୍ଷତା ଆଣିବ, ବିଶ୍ବସନୀୟତାକୁ ବଢ଼ାଇବ ଏବଂ ପ୍ୟାକ୍ସଗୁଡ଼ିକୁ ପଞ୍ଚାୟତ ସ୍ତରରେ ନୋଡାଲ ସେବା ବିତରଣ କେନ୍ଦ୍ର ହେବାରେ ସହାୟକ ହେବ

ତଥ୍ୟ ସଂଗ୍ରହ, ସାଇବର ସୁରକ୍ଷା, ହାର୍ଡୱେର, ବର୍ତ୍ତମାନ ରେକର୍ଡର ଡିଜିଟାଲକରଣ, ରକ୍ଷଣାବେକ୍ଷଣ ଏବଂ ପ୍ରଶିକ୍ଷଣ ସମେତ କ୍ଲାଉଡ୍‌ ଆଧାରିତ ଏକୀକୃତ ସଫ୍ଟୱେର ଏହି ପ୍ରକଳ୍ପର ମୁଖ୍ୟ ଉପାଦାନ
ପୋଷ୍ଟ କରାଯିବା ଦିନାଙ୍କ: 29 JUN 2022 3:41PM Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଆର୍ଥିକ ବ୍ୟାପାର ସଂକ୍ରାନ୍ତ କ୍ୟାବିନେଟ କମିଟି ବୈଠକରେ ପ୍ରାଥମିକ କୃଷି ଋଣ ସମିତି (ପ୍ୟାକ୍ସ)ର କମ୍ପ୍ୟୁଟରୀକରଣ ପ୍ରସ୍ତାବକୁ ଅନୁମୋଦନ କରାଯାଇଛି । ଏହି ନିଷ୍ପତ୍ତି ପ୍ୟାକ୍ସଗୁଡ଼ିକର ଦକ୍ଷତା ବଢ଼ାଇବା ସହିତ ପରିଚାଳନାରେ ସ୍ବଚ୍ଛତା ଓ ଉତ୍ତରଦାୟିତ୍ବ ଆଣିବ । ପ୍ୟାକ୍ସଗୁଡ଼ିକର କାରବାରରେ ବିବିଧତା ଆସିବା ସହିତ ବିଭିନ୍ନ ଗତିବିଧି/ସେବା ଆରମ୍ଭ କରିବା କ୍ଷେତ୍ରରେ ସୁବିଧା ମିଳିବ । ଏହି ପ୍ରକଳ୍ପ ପାଇଁ ମୋଟ ୨୫୧୬ କୋଟି ଟଙ୍କାର ବଜେଟ୍‌ ବ୍ୟୟବରାଦ କରାଯାଇଛି । ଭାରତ ସରକାର ଏଥିରେ ୧୫୨୮ କୋଟି ଟଙ୍କା ଖର୍ଚ୍ଚ କରିବେ । ମୋଟ ୫ ବର୍ଷର ଅବଧି ମଧ୍ୟରେ ପ୍ରାୟ ୬୩ ହଜାର କାର୍ଯ୍ୟକ୍ଷମ ପ୍ୟାକ୍ସର କମ୍ପ୍ୟୁଟରୀକରଣ କରାଯିବ ।

ଦେଶରେ ସ୍ବଳ୍ପକାଳୀନ ସମବାୟ ଋଣ (ଏସଟିସିସି) ଯୋଗାଇ ଦେବାର ତ୍ରିସ୍ତରୀୟ ବ୍ୟବସ୍ଥାରେ ସବୁଠୁ ତୃଣମୂଳସ୍ତରରେ ପ୍ରାଥମିକ କୃଷି ସମବାୟ ସମିତି (ପ୍ୟାକ୍ସ)ଗୁଡ଼ିକ ମହତ୍ବପୂର୍ଣ୍ଣ ଭୂମିକା ନିର୍ବାହ କରିଥାନ୍ତି । ପ୍ରାୟ ୧୩ କୋଟି ଚାଷୀ ପ୍ୟାକ୍ସର ସଦସ୍ୟ ଭାବେ ସାମିଲ ରହିଛନ୍ତି ଏବଂ ଏମାନେ ଗ୍ରାମୀଣ ଅର୍ଥବ୍ୟବସ୍ଥାର ବିକାଶରେ ଗୁରୁତ୍ବପୂର୍ଣ୍ଣ ଯୋଗଦାନ ଦେଇଥାନ୍ତି । ଦେଶରେ ସବୁ ସଂସ୍ଥାଗୁଡ଼ିକ ଦ୍ବାରା ଦିଆଯାଉଥିବା କେସିସି ଋଣ ମଧ୍ୟରେ ପ୍ୟାକ୍ସର ଭାଗ ୪୧ ପ୍ରତିଶତ (୩.୦୧ କୋଟି ଚାଷ) ହୋଇଥିବା ବେଳେ ପ୍ୟାକ୍ସ ମାଧ୍ୟମରେ ଏସବୁ କେସିସି ଋଣ ମଧ୍ୟରୁ ୯୫ ପ୍ରତିଶତ (୨.୯୫ କୋଟି ଚାଷୀ) କେବଳ କ୍ଷୁଦ୍ର ଏବଂ ନାମମାତ୍ର ଚାଷୀଙ୍କୁ ଦିଆଯାଇଛି । ଅନ୍ୟ ଦୁଇଟି ସ୍ତର ଅର୍ଥାତ ରାଜ୍ୟ ସମବାୟ ବ୍ୟାଙ୍କ (ଏସଟିସିବି) ଏବଂ ଜିଲ୍ଲା କେନ୍ଦ୍ରୀୟ ସମବାୟ ବ୍ୟାଙ୍କ (ଡିସିସିବି)ଗୁଡ଼ିକୁ ପୂର୍ବରୁ ନାବାର୍ଡ ଦ୍ବାରା ସ୍ବୟଂଶାସିତ କରି ଦିଆଯାଇଛି । ଏମାନଙ୍କୁ କମନ୍‌ ବ୍ୟାଙ୍କିଙ୍ଗ ସଫ୍ଟୱେର ଅଧୀନକୁ ଅଣାଯାଇ ସାରିଛି ।
ତେବେ, ଅଧିକାଂଶ ପ୍ୟାକ୍ସ ବର୍ତ୍ତମାନ ସୁଦ୍ଧା କମ୍ପ୍ୟୁଟରୀକୃତ ହୋଇନାହାନ୍ତି ଏବଂ ଏବେ ବି ହସ୍ତଚାଳିତ ପଦ୍ଧତିରେ କାର୍ଯ୍ୟ କରୁଛନ୍ତି, ଫଳରେ ଏସବୁର ପରିଚାଳନାରେ ଅକ୍ଷମତା ଏବଂ ଭରସାର ଅଭାବ ଦେଖା ଦେଇଛି । କେତେକ ରାଜ୍ୟରେ କିଛି ସ୍ଥାନରେ ପ୍ୟାକ୍ସଗୁଡ଼ିକୁ ଆଂଶିକ ଭାବେ କମ୍ପ୍ୟୁଟରୀକରଣ କରାଯାଇଛି । ତେବେ ସେମାନଙ୍କ ଦ୍ବାରା ବ୍ୟବହାର କରାଯାଉଥିବା ସଫ୍ଟୱେରରେ କୌଣସି ସମାନତା ନାହିଁ ଏବଂ ଏଗୁଡ଼ିକ ଡିସିସିବି ଏବଂ ଏସଟିସିବି ସହ ଯୋଡ଼ି ହୋଇ ନାହାନ୍ତି । ସାରା ଦେଶରେ ପ୍ୟାକ୍ସଗୁଡ଼ିକର କମ୍ପ୍ୟୁଟରୀକରଣ ପାଇଁ କେନ୍ଦ୍ର ଗୃହ ଏବଂ ସମବାୟ ମନ୍ତ୍ରୀ ଶ୍ରୀ ଅମିତ ଶାହା ପ୍ରସ୍ତାବ ଦେଇଥିଲେ । କମ୍ପ୍ୟୁଟରୀକରଣ ହେବା ଦ୍ବାରା ପ୍ୟାକ୍ସଗୁଡ଼ିକର ଦୈନନ୍ଦିନ କାର୍ଯ୍ୟ ଏକ ଜାତୀୟ ସ୍ତରର ପ୍ଲାଟଫର୍ମରେ ସାମିଲ ହୋଇପାରିବ ।

ପ୍ୟାକ୍ସଗୁଡ଼ିକର କମ୍ପ୍ୟୁଟରୀକରଣ ଦ୍ବାରା ଆର୍ଥିକ ଅନ୍ତର୍ଭୂକ୍ତୀକରଣ ଉଦ୍ଦେଶ୍ୟକୁ ପୂରଣ କରାଯାଇ ପାରିବ । ଚାଷୀ, ବିଶେଷ କରି କ୍ଷୁଦ୍ର ଓ ନାମମାତ୍ର ଚାଷୀଙ୍କୁ ଦିଆଯାଉଥିବା ସେବା ଯୋଗାଣ ସୁଦୃଢ଼ ହେବ । ଏଥିସହିତ ସାର, ବିହନ ଆଦି ଇନପୁଟ ଯୋଗାଣ ବ୍ୟବସ୍ଥା ଭଳି ବିଭିନ୍ନ ପ୍ରକାର ସେବା ନିମନ୍ତେ ପ୍ୟାକ୍ସଗୁଡ଼ିକ ନୋଡାଲ ସେବା ବିତରଣ କେନ୍ଦ୍ର ଭାବେ କାର୍ଯ୍ୟ କରିପାରିବେ । ଏହି ପ୍ରକଳ୍ପ ଗ୍ରାମୀଣ କ୍ଷେତ୍ରରେ ଡିଜିଟାଲକରଣରେ ସୁଧାର ଆଣିବ । ବ୍ୟାଙ୍କ ଗତିବିଧି ସହିତ ଅଣବ୍ୟାଙ୍କିଙ୍ଗ ଗତିବିଧି କେନ୍ଦ୍ର ରୂପରେ ପ୍ୟାକ୍ସର ପ୍ରସାରକୁ ଉନ୍ନତ କରିବାରେ ସହାୟକ ହେବ । ଏଥିସହିତ ପ୍ୟାକ୍ସ ମାଧ୍ୟମରେ ଲାଗୁ କରାଯାଉଥିବା ବିଭିନ୍ନ ସରକାରୀ ଯୋଜନା କାର୍ଯ୍ୟକାରୀ କରିବା ନିମନ୍ତେ ଏକ ଗୁରୁତ୍ବପୂର୍ଣ୍ଣ ବିକଳ୍ପ ଭାବେ ପ୍ୟାକ୍ସକୁ ନାମାଙ୍କନ କରିବା ଲାଗି ଡିସିସିବିଗୁଡ଼ିକ ସକ୍ଷମ ହୋଇପାରିବେ । ଏସବୁ ସେବାରେ ଋଣ ଏବଂ ଅନୁଦାନ ସାମିଲ ରହିଥାଏ । ଏହି ପଦକ୍ଷେପ ତୁରନ୍ତ ଋଣ ସମାଧାନ, ଅପେକ୍ଷାକୃତ କମ ହସ୍ତାନ୍ତର ଖର୍ଚ୍ଚ, ତୁରନ୍ତ ଅଡିଟ ଏବଂ ରାଜ୍ୟ ସମବାୟ ବ୍ୟାଙ୍କ ଓ ଜିଲ୍ଲା କେନ୍ଦ୍ର ସମବାୟ ବ୍ୟାଙ୍କ ସହ ରହିଥିବା ପରିଶୋଧ ଓ ଆକାଉଣ୍ଟିଂ ସମ୍ବନ୍ଧୀୟ ଅସନ୍ତୁଳନ ଦୂର କରିବ ।

ଏହି ପ୍ରକଳ୍ପରେ ତଥ୍ୟ ସଂଗ୍ରହ, ସାଇବର ସୁରକ୍ଷା, ହାର୍ଡୱେର, ବର୍ତ୍ତମାନ ରେକର୍ଡର ଡିଜିଟାଲକରଣ, ରକ୍ଷଣାବେକ୍ଷଣ ଏବଂ ପ୍ରଶିକ୍ଷଣ ସମେତ କ୍ଲାଉଡ୍‌ ଆଧାରିତ ଏକୀକୃତ ସଫ୍ଟୱେର ଆଦିକୁ ମୁଖ୍ୟ ଉପାଦାନ ଭାବେ ସାମିଲ କରାଯାଇଛି । ସ୍ଥାନୀୟ ଭାଷାରେ ଏହି ସଫ୍ଟୱେର ବିକଶିତ କରାଯିବ ଏବଂ ରାଜ୍ୟର ଆବଶ୍ୟକତା ଅନୁସାରେ ଏହାକୁ ଅନୁକୂଳ କରିବା ଲାଗି ଏଥିରେ ସୁବିଧା ରହିବ । କେନ୍ଦ୍ର ଏବଂ ରାଜ୍ୟ ସ୍ତରରେ ପ୍ରକଳ୍ପ ପରିଚାଳନା ୟୁନିଟ୍‌ ପ୍ରତିଷ୍ଠା କରାଯିବ । ପ୍ରାୟ ୨୦୦ ପ୍ୟାକ୍ସର ସମୂହକୁ ନେଇ ଜିଲ୍ଲାସ୍ତରୀୟ ସହାୟତା ପ୍ରଦାନ କରାଯିବ । ଯେଉଁ ସବୁ ରାଜ୍ୟରେ ପ୍ୟାକ୍ସର କମ୍ପ୍ୟୁଟରୀକରଣ ସମ୍ପୂର୍ଣ୍ଣ ହୋଇସାରିଛି, ସେମାନଙ୍କ କ୍ଷେତ୍ରରେ ପ୍ରତି ପ୍ୟାକ୍ସକୁ ୫୦,୦୦୦ ଟଙ୍କାର ସହାୟତା ଦିଆଯିବ । ତେବେ ଏସବୁ ପ୍ୟାକ୍ସ ସହଭାଗୀ ସଫ୍ଟୱେର ସହିତ ଏକୀକୃତ ହେବା ଏବଂ ନୂଆ ପ୍ରଣାଳୀକୁ ଆପଣାଇବା ଜରୁରି । ସେମାନଙ୍କର ହାର୍ଡୱେର ଆବଶ୍ୟକ ମାର୍ଗଦର୍ଶିକାକୁ ପୂରଣ କରୁଥିବ ଏବଂ ସଫ୍ଟୱେର ୧ ଫେବୃଆରୀ, ୨୦୧୭ ଠାରୁ ଆରମ୍ଭ ହୋଇଥିବ ।

29/06/2022

କେନ୍ଦ୍ର ମନ୍ତ୍ରୀମଣ୍ଡଳ ଭାରତର ନବୀନ ଏବଂ ନବୀକରଣୀୟ ଶକ୍ତି ମନ୍ତ୍ରଣାଳୟ (ଏମଏନଆରଇ) ଏବଂ ଆନ୍ତର୍ଜାତୀୟ ଅକ୍ଷୟ ଶକ୍ତି ଏଜେନ୍ସି (ଆଇଆରଇଏନଏ) ମଧ୍ୟରେ କୌଶଳଗତ ସହଭାଗୀତା ରାଜିନାମାକୁ ମଞ୍ଜୁରୀ ପ୍ରଦାନ କରିଛନ୍ତି
ପୋଷ୍ଟ କରାଯିବା ଦିନାଙ୍କ: 29 JUN 2022 3:48PM Bhubaneshwar
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର ମନ୍ତ୍ରୀମଣ୍ଡଳଙ୍କୁ ଭାରତ ସରକାରଙ୍କ ନବୀନ ଏବଂ ନବୀକରଣୀୟ ଶକ୍ତି ମନ୍ତ୍ରଣାଳୟ (ଏମଏନଆରଇ) ଏବଂ ଆନ୍ତର୍ଜାତୀୟ ଅକ୍ଷୟ ଶକ୍ତି ଏଜେନ୍ସି (ଆଇଆରଇଏନଏ) ମଧ୍ୟରେ ସ୍ବାକ୍ଷରିତ ଏକ କୌଶଳଗତ ରାଜିନାମା ସମ୍ପର୍କରେ ଅବଗତ କରାଗଲା। ଜାନୁୟାରୀ 2022 ରେ ଏହି ରାଜିନାମାରେ ସ୍ବାକ୍ଷର କରା ଯାଇଥିଲା।

ଏହି ରାଜିନାମାର ଉଦ୍ଦେଶ୍ୟ ହେଉଛି ଭାରତରେ ଅକ୍ଷୟ ଶକ୍ତି ଉପରେ ଆଧାରିତ ସବୁଜ ଶକ୍ତି କ୍ଷେତ୍ରରେ ପରିବର୍ତ୍ତନ, ନେତୃତ୍ବ ଏବଂ ଜ୍ଞାନକୁ ପ୍ରୋତ୍ସାହିତ କରିବା। ଏହି ରାଜିନାମା ଭାରତର ଶକ୍ତି କ୍ଷେତ୍ରରେ ପରିବର୍ତ୍ତନର ପ୍ରଚେଷ୍ଟାରେ ସହାୟତା କରିବ ଏବଂ ବିଶ୍ବକୁ ଜଳବାୟୁ ପରିବର୍ତ୍ତନ ସମସ୍ୟାର ସମାଦାନ ପାଇଁ ସହାୟତା ମଧ୍ୟ କରିବ।

କୌଶଳଗତ ସହଭାଗୀତା ରାଜିନାମାରେ ପରିକଳ୍ପିତ ସହଯୋଗ କ୍ଷେତ୍ର 2030 ପର୍ଯ୍ୟନ୍ତ ଅଣ-ଜୀବାଶ୍ମ ଇନ୍ଧନରେ ପ୍ରଚଳିତ 500 ଗିଗାୱାଟ ସ୍ଥାପିତ ବିଦ୍ୟୁତ କ୍ଷମତାର ଲକ୍ଷ୍ୟକୁ ପ୍ରାପ୍ତ କରିବାରେ ଭାରତକୁ ସହଯୋଗ କରିବ। ଏହାଦ୍ବାରା ଆତ୍ମନିର୍ଭର ଭାରତକୁ ମଧ୍ୟ ପ୍ରୋତ୍ସାହନ ମିଳିବ।

ଏହି ରାଜିନାମାର ମୁଖ୍ୟ ବିଶେଷତ୍ତ୍ବରେ ନିମ୍ନଲିଖିତ କ୍ଷେତ୍ରରେ ସହଯୋଗ ପ୍ରଦାନ କରିବା ସାମିଲ୍ ରହିଛି :

- ଭାରତରୁ ଅକ୍ଷୟ ଶକ୍ତି ଏବଂ ସ୍ବଚ୍ଛ ଶକ୍ତି ପ୍ରଯୁକ୍ତିକୁ ପ୍ରୋତ୍ସାହିତ କରିବା ବିଷୟରେ ଜ୍ଞାନକୁ ଆଦାନ ପ୍ରଦାନ କରିବାର ସୁବିଧା।

- ଦୀର୍ଘକାଳୀନ ଶକ୍ତି ଯୋଜନାରେ ଭାରତର ପ୍ରଚେଷ୍ଟାକୁ ସହଯୋଗ କରିବା

- ଭାରତରେ ନୂତନତାର ପରିବେଶକୁ ମଜବୁତ୍ କରିବା ପାଇଁ ସହଯୋଗ କରିବା

- ଗ୍ରୀନ୍ ହାଇଡ୍ରୋଜେନର ବିକାଶର ସମ୍ଭାବନା ଏବଂ ଏହାର ବ୍ୟବହାରକୁ ପ୍ରୋତ୍ସାହିତ କରି ସୁଲଭମୂଲ୍ୟରେ ଡିକାର୍ବୋନାଇଜେସନ ଦିଗରେ ବଢ଼ିବା

ଏହିପରି ଭାବରେ, ଏହି କୌଶଳଗତ ସହଭାଗୀତା ରାଜିନାମା ଭାରତର ଶକ୍ତି କ୍ଷେତ୍ରରେ ପରିବର୍ତ୍ତନ ଆଣିବାର ପ୍ରୟାସ ଏବଂ ଦୁନିଆଁକୁ ଜଳବାୟୁ ପରିବର୍ତ୍ତନରୁ ସୁରକ୍ଷା ପ୍ରଦାନ କରିବାରେ ସହାୟତା କରିବ।

29/06/2022

କେନ୍ଦ୍ର ମନ୍ତ୍ରୀମଣ୍ଡଳ ବିପଦରୋଧୀ ଭିତ୍ତିଭୂମି ପାଇଁ ସହଭାଗୀତା (ସିଡିଆରଆଇ) କୁ ‘ଆନ୍ତର୍ଜାତୀୟ ସଙ୍ଗଠନ’ ଭାବରେ ଶ୍ରେଣୀବଦ୍ଧ କରିବା ଏବଂ ସିଡିଆରଆଇ ସହିତ ମୁଖ୍ୟାଳୟ ରାଜିନାମା (ଏଚକ୍ୟୁଏ) ରେ ସ୍ବାକ୍ଷର କରିବା ପାଇଁ ମଞ୍ଜୁରୀ ଦେଇଛନ୍ତି ଯଦ୍ବାରା ଏହାକୁ ସଂଯୁକ୍ତ ରାଷ୍ଟ୍ର (ସୁବିଧା ଏବଂ ଇମ୍ୟୁନିଟି) ଅଧିନିୟମ 1947 ଅନ୍ତର୍ଗତ ଛାଡ଼, ଇମ୍ୟୁନିଟି ଓ ସୁବିଧା ପ୍ରଦାନ କରାଯାଇପାରିବ
ପୋଷ୍ଟ କରାଯିବା ଦିନାଙ୍କ: 29 JUN 2022 3:45PM Bhubaneshwar
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର ମନ୍ତ୍ରୀମଣ୍ଡଳ ବିପଦରୋଧୀ ଭିତ୍ତିଭୂମି ପାଇଁ ସହଭାଗୀତା (ସିଡିଆରଆଇ) କୁ ‘ଆନ୍ତର୍ଜାତୀୟ ସଙ୍ଗଠନ’ ଭାବରେ ଶ୍ରେଣୀବଦ୍ଧ କରିବା ଏବଂ ସିଡିଆରଆଇ ସହିତ ମୁଖ୍ୟାଳୟ ରାଜିନାମା (ଏଚକ୍ୟୁଏ) ରେ ସ୍ବାକ୍ଷର କରିବା ପାଇଁ ମଞ୍ଜୁରୀ ପ୍ରଦାନ କରିଛନ୍ତି ଯଦ୍ବାରା ଏହାଦ୍ବାରା ସଂଯୁକ୍ତ ରାଷ୍ଟ୍ର (ସୁବିଧା ଓ ଇମ୍ୟୁନିଟି) ଅଧିନିୟମ 1947 ଅନ୍ତର୍ଗତ ଆଶା କରାଯାଉଥିବା ଛାଡ଼, ଇମ୍ୟୁନିଟି ଏବଂ ବିଶେଷାଧିକାର ପ୍ରଦାନ କରାଯାଇପାରିବ।

ସିଡିଆରଆଇକୁ ଏକ ‘‘ଆନ୍ତର୍ଜାତୀୟ ସଙ୍ଗଠନ’’ ଭାବରେ ଶ୍ରେଣୀବଦ୍ଧ କରିବା ଏବଂ ସଂଯୁକ୍ତ ରାଷ୍ଟ୍ର (ସୁବିଧା ଓ ଇମ୍ୟୁନିଟି) ଅଧିନିୟମ 1947 ର ଧାରା 3 ଅନ୍ତର୍ଗତ ଆଶା କରାଯାଉଥିବା ଛାଡ଼, ଇମ୍ୟୁନିଟି ଓ ସୁବିଧା ପ୍ରଦାନ କରିବା ପାଇଁ ସିଡିଆରଆଇ ସହିତ ଏଚକ୍ୟୁଏ ରେ ସ୍ବାକ୍ଷର କରିବା ଦ୍ବାରା ଏହାକୁ ଏକ ସ୍ବତନ୍ତ୍ର ଏବଂ ଆନ୍ତର୍ଜାତୀୟ ଆଇନ୍ ପରିଚୟ ପ୍ରାପ୍ତ ହେବ ଯଦ୍ବାରା ଏହା ଆନ୍ତର୍ଜାତୀୟ ସ୍ତରରେ ନିଜର କାର୍ଯ୍ୟକୁ ଦକ୍ଷତାପୂର୍ବକ ଏବଂ ଉପଯୁକ୍ତ ଭାବରେ ପୂରଣ କରିପାରିବେ। ଏହାଦ୍ବାରା ସିଡିଆରଆଇକୁ ନିମ୍ନ କାର୍ଯ୍ୟରେ ସହାୟତା ମିଳିବ।

i. ଅନ୍ୟ ଦେଶରେ ବିଶେଷଜ୍ଞଙ୍କୁ ନିଯୁକ୍ତି ପ୍ରଦାନ କରିବା ଯାହା ବିଶେଷ ଭାବରେ ବିପଦ ପ୍ରତି ସମ୍ବେଦନଶୀଳ ଅଟନ୍ତି ଏବଂ/ କିମ୍ବା ବିପଦ ପରେ ଉଦ୍ଧାର କାର୍ଯ୍ୟ ପାଇଁ ତାଙ୍କୁ ସମର୍ଥନର ଆବଶ୍ୟକତା ରହିଛି ତଥା ଏହିପରି ଉଦ୍ଦେଶ୍ୟ ପାଇଁ ସଦସ୍ୟ ଦେଶଙ୍କର ବିଶେଷଜ୍ଞଙ୍କୁ ଭାରତକୁ ଆଣିବା

ii. ସିଡିଆରଆଇ କାର୍ଯ୍ୟ ପାଇଁ ବିଶ୍ବ ସ୍ତରରେ ଧନ ନିୟୋଜିତ କରିବା ଏବଂ ସଦସ୍ୟ ଦେଶମାନଙ୍କ ଠାରୁ ଯୋଗଦାନ ପ୍ରାପ୍ତ କରିବା।

iii. ଦେଶକୁ ତାର ବିପଦ ଏବଂ ଜଳବାୟୁ ଆପଦ ଏବଂ ସଂସାଧନ ଅନୁସାରେ ସହନୀୟ ଅବସଂରଚନା ବିକଶିତ କରିବାରେ ସହାୟତା ପାଇଁ ପ୍ରଯୁକ୍ତି ବିଶେଷଜ୍ଞତା ଉପଲବ୍ଧ କରାଇବା।

iv. ସହନୀୟ ଅବସଂରଚନା ପାଇଁ ଉପଯୁକ୍ତ ଆପଦରୋଧୀ ଶାସନ ବ୍ୟବସ୍ଥା ଏବଂ ରଣନୀତି ଗ୍ରହଣ କରିବାରେ ଦେଶକୁ ସହାୟତା ପ୍ରଦାନ କରିବା।

v. ସ୍ଥାୟୀ ବିକାଶ ଲକ୍ଷ୍ୟ (ଏସଡିଜି), ପ୍ୟାରିସ୍ ଜଳବାୟୁ ରାଜିନାମା ଏବଂ ବିପଦ ହ୍ରାସ କରିବା ପାଇଁ ସେଣ୍ଡାଇ ଫ୍ରେମୱାର୍କକୁ ଧ୍ୟାନରେ ରଖି ପ୍ରଚଳିତ ଏବଂ ଭବିଷ୍ୟତର ଅବସଂରଚନାକୁ ବିପଦ ଓ ଜଳାବୟୁର ଅନୁକୂଳ କରିବା ପାଇଁ ସଦସ୍ୟ ଦେଶମାନଙ୍କୁ ନିଜର ପ୍ରଣାଳୀର ଉନ୍ନୟନରେ ସବୁ ପ୍ରକାର ସହାୟତା ପ୍ରଦାନ କରିବା।

vi. ନିଜ ଦେଶରେ ଆପଦରୋଧୀ ଅବସଂରଚନାକୁ ବଢ଼ାଇବା ପାଇଁ ଆନ୍ତର୍ଜାତୀୟ ସମ୍ବନ୍ଧର ଲାଭ ଉଠାଇବା ତଥା

vii.ଭାରତୀୟ ବୈଜ୍ଞାନିକ ଏବଂ ପ୍ରଯୁକ୍ତି ସଂସ୍ଥାନ ସହିତ ଅବସଂରଚନାର ବିକାଶକାରୀଙ୍କୁ ବିଶ୍ବ ବିଶେଷଜ୍ଞଙ୍କ ସହିତ ଆଲୋଚନା କରିବାର ଅବସର ପ୍ରଦାନ କରିବା। ଏହାଦ୍ବାରା ସାର୍ବଜନୀକ ଏବଂ ଘରୋଇ ଉଭୟ କ୍ଷେତ୍ରରେ ଆମର କ୍ଷମତା ଏବଂ ବ୍ୟବସ୍ଥାର ନିର୍ମାଣରେ ସହାୟତା ମିଳିବ ଯଦ୍ବାରା ଆପଦରୋଧୀ ଭିତ୍ତିଭୂମିର ବିକାଶ ପାଇଁ ସମର୍ଥନ କରାଯାଇ ପାରିବ।
ପ୍ରାରମ୍ଭ ପରେ ଏକତିରିଶ (31) ଦେଶ, ଛଅ (06) ଆନ୍ତର୍ଜାତୀୟ ସଙ୍ଗଠନ ଏବଂ ଦୁଇଟି (02) ଘରୋଇ କ୍ଷେତ୍ରର ସଙ୍ଗଠନ, ସିଡିଆରଆଇର ସଦସ୍ୟ ଭାବରେ ସାମିଲ୍ ହୋଇଛନ୍ତି। ସିଡିଆରଆଇ ଆର୍ଥିକ ଭାବରେ ଅଗ୍ରଣୀ ଦେଶ, ବିକାଶଶୀଳ ଦେଶ ଏବଂ ଜଳବାୟୁ ପରିବର୍ତ୍ତନ ତଥା ବିପଦ ପ୍ରତି ଅଧିକ ସମ୍ବେଦନଶୀଳ ଦେଶକୁ ଆକର୍ଷିତ କରି ନିଜର ସଦସ୍ୟତାକୁ କ୍ରମାଗତ ଭାବରେ ବିସ୍ତାର କରୁଛନ୍ତି।

ସମୟ ସହିତ କେବଳ ଭାରତରେ ନୁହେଁ ବରଂ ଅନ୍ୟ ସହଭାଗୀ ଦେଶରେ ମଧ୍ୟ ଆପଦରୋଧୀ ଭିତ୍ତିଭୂମିକୁ ଆଗକୁ ନେବା ପାଇଁ ସଙ୍ଗଠନ/ ହିତାଧିକାରୀଙ୍କ ଏକ ନେଟୱର୍କ ବିକଶିତ କରାଯିବ।

ପୃଷ୍ଠଭୂମି

28 ଅଗଷ୍ଟ 2019 ରେ ମନ୍ତ୍ରୀମଣ୍ଡଳ ନୂଆ ଦିଲ୍ଲୀରେ ନିଜର ସଚିବାଳୟ ସହିତ ସିଡିଆରଆଇକୁ ସ୍ଥାପନା ପାଇଁ ମଞ୍ଜୁରୀ ପ୍ରଦାନ କରିଥିଲେ ଏବଂ ଏହାକୁ 480 କୋଟି ଟଙ୍କାର ସମର୍ଥନ ପ୍ରଦାନ କରିଥିଲେ। ଭାରତ ସରକାରଙ୍କ ଠାରୁ ପ୍ରାପ୍ତ ସହାୟତା ଧନରାଶି, ସିଡିଆରଆଇ ପାଇଁ ପ୍ରଯୁକ୍ତି ସହାୟତା ଏବଂ ଗବେଷଣା ପ୍ରକଳ୍ପ କୁ ଆର୍ଥିକ ସହାୟତା ପ୍ରଦାନ କରିବା, ସଚିବାଳାୟ କାର୍ଯ୍ୟାଳୟ ସ୍ଥାପନ କରିବା ଏବଂ 2019-20 ରୁ 2023-24 ପର୍ଯ୍ୟନ୍ତ 5 ବର୍ଷର ଅବଧିରେ ଆବର୍ତ୍ତି ବ୍ୟୟକୁ କଭର କରିବା ପାଇଁ ଏକ କୋଷ ଭାବରେ କାର୍ଯ୍ୟ କରୁଛି।

ଭାରତର ପ୍ରଧାନମନ୍ତ୍ରୀ ଦ୍ବାରା ସିଡିଆରଆଇ କୁ 23 ସେପ୍ଟେମ୍ବର 2019 ରେ ନ୍ୟୁୟର୍କରେ ସଂଯୁକ୍ତ ରାଷ୍ଟ୍ର ଜଳବାୟୁ କାର୍ଯ୍ୟ ଶିଖର ସମ୍ମିଳନୀ ସମୟରେ ଶୁଭାରମ୍ଭ କରାଯାଇଥିଲା। ଏହା ଭାରତ ସରକାରଙ୍କ ଦ୍ବାରା ପ୍ରାରମ୍ଭ କରାଯାଇଥିବା ଦ୍ବିତୀୟ ପ୍ରମୁଖ ବିଶ୍ବ ପଦକ୍ଷେପ ଅଟେ ଯାହା ବିଶ୍ବ ସ୍ତରରେ ଜଳବାୟୁ ପରିବର୍ତ୍ତନ ଏବଂ ଆପଦ ସହନୀୟ ବିଷୟରେ ଭାରତର ନେତୃତ୍ବ ଭୂମିକାର ପ୍ରଦର୍ଶନ କରିଥାଏ।

ସିଡିଆରଆଇ ରାଷ୍ଟ୍ରୀୟ ସରକାରୀ, ସଂଯୁକ୍ତ ରାଷ୍ଟ୍ର ଏଜେନ୍ସି ଏବଂ କାର୍ଯ୍ୟକ୍ରମ, ବହୁପକ୍ଷୀୟ ବିକାଶ ବ୍ୟାଙ୍କ ଏବଂ ଆର୍ଥିକ ବ୍ୟବସ୍ଥା, ଘରୋଇ କ୍ଷେତ୍ର, ଶିକ୍ଷଣୀୟ ଏବଂ ଜ୍ଞାନ ସଂସ୍ଥା ପାଇଁ ଏକ ବିଶ୍ବ ସହଭାଗୀତା ଅଟେ ଯାହାର ଉଦ୍ଦେଶ୍ୟ ଜଳାବୟୁ ଏବଂ ବିପଦ ପାଇଁ ଭିତ୍ତିଭୂମି ପ୍ରଣାଳୀ ନିମନ୍ତେ ସ୍ଥାୟୀତ୍ବକୁ ପ୍ରୋତ୍ସାହିତ କରିବା ଅଟେ ଓ ଏହାଦ୍ବାରା ସ୍ଥାୟୀ ବିକାଶ ସୁନିଶ୍ଚିତ କରାଯାଇପାରିବ।

29/06/2022

ଚାନ୍ଦିପୁରରୁ ‘ଅଭ୍ୟାସ’ର ସଫଳ ପରୀକ୍ଷଣ

ଓଡିଶା ଉପକୂଳରୁ ଦ୍ରୁତ ଗତି ସମ୍ପନ୍ନ ଉପଭୋଜିତ ଆକାଶମାର୍ଗୀୟ ଲକ୍ଷ୍ୟ - ଅଭ୍ୟାସର ସଫଳତାର ସହିତ ଉଡାଣ ପରୀକ୍ଷଣ ହୋଇଛି
ପୋଷ୍ଟ କରାଯିବା ଦିନାଙ୍କ: 29 JUN 2022 2:50PM Bhubaneshwar
ଓଡିଶାର ଉପକୂଳରେ ରହିଥିବା ଚାନ୍ଦିପୁରର ଇଂଟିଗ୍ରେଟେଡ୍ ଟେଷ୍ଟ ରେଂଜ (ଆଇଟିଆର୍‌)ରୁ ଦ୍ରୁତ ଗତି ସମ୍ପନ୍ନ ଉପଭୋଜିତ ଆକାଶମାର୍ଗୀୟ ଲକ୍ଷ୍ୟ (ଏଚ୍‌ଇଏଟି) - ଅଭ୍ୟାସର ଆଜି ସଫଳତାପୂର୍ବକ ଉଡାଣ ପରୀକ୍ଷଣ କରା ଯାଇଛି ।

ଉଡାଣର ପରୀକ୍ଷଣ ସମୟରେ ବିମାନର ନିମ୍ନ ଉଚ୍ଚତାରେ ସ୍ଥାୟୀ ସ୍ତରକୁ ମିଶାଇ ପରିଚାଳନାଗତ କୌଶଳ ପ୍ରଦର୍ଶିତ ହୋଇଥିଲା । ଏହି ଲକ୍ଷ୍ୟଭେଦୀ ବିମାନଟି ପୂର୍ବରୁ ପ୍ରସ୍ତୁତ ହୋଇଥିବା ନିୟନ୍ତ୍ରଣକାରୀ ସ୍ଥଳରୁ ଉଡିବା ଆରମ୍ଭ କରିଥିଲା, ଯାହା ଏକ ପୂର୍ବ ନିର୍ଦ୍ଧାରିତ ନିମ୍ନ ଉଚ୍ଚତାରେ ରହିଥିବା ଉଡାଣ ପଥରେ ଏକ ଭୁପୃଷ୍ଠ ଆଧାରିତ ନିୟନ୍ତ୍ରକ ଦ୍ୱାରା ଉଡା ଯାଇଥିଲା, ଯାହା ଉପରେ ରାଡାର ତଥା ଇଲେକ୍ଟ୍ରୋ ଅପଟିକାଲ୍ ଟାର୍ଗେଟିଂ ସିଷ୍ଟମ୍ ସହିତ ଆଇଟିଆର୍ ଦ୍ୱାରା ନିୟୋଜିତ କରା ଯାଇଥିବା ବିଭିନ୍ନ ଗତିପଥ ନିରୀକ୍ଷକ ସେନ୍‌ସର ଗୁଡିକ ଦ୍ୱାରା ନିରୀକ୍ଷଣ କରା ଯାଇଥିଲା ।

ଅଭ୍ୟାସର ଡିଜାଇନ୍ ଏବଂ ତା’ର ବିକାଶ ପ୍ରତିରକ୍ଷା ଗବେଷଣା ଏବଂ ବିକାଶ ସଙ୍ଗଠନ (ଡିଆର୍‌ଡିଓ)ର ବିମାନ ସମ୍ପର୍କିତ ବିକାଶ ପ୍ରତିଷ୍ଠାନ ଦ୍ୱାରା କରା ଯାଇଛି । ଏହି ବିମାନକୁ ଟ୍ୱିନ୍ ଅଣ୍ଡର ସ୍ଲଗ୍ ବୁଷ୍ଟର, ଯାହା ଯାନଟିକୁ ପ୍ରାରମ୍ଭିକ ଗତି ପ୍ରଦାନ କରିଥାଏ, ତାହାକୁ ଉପଯୋଗ କରାଯାଇ ତାହା ମାଧ୍ୟମରେ ଲଂଚ୍ କରା ଯାଇଥିଲା । ଏହା ଉଚ୍ଚ ସବସୋନିକ୍ ଗତିରେ ଏକ ଦୀର୍ଘ କାଳୀନ ନିରବଚ୍ଛିନ୍ନ ଉଡାଣ କରିବା ପାଇଁ ଏକ ଛୋଟ ଗ୍ୟାସ୍ ଟର୍ବାଇନ୍ ଦ୍ୱାରା ସଂଚାଳିତ ହୋଇଥାଏ ।

ଲକ୍ଷ୍ୟଭେଦୀ ବିମାନ ବହୁତ ଉଚ୍ଚାକୁ ଉଡିବା ପାଇଁ ସ୍ୱଦେଶୀ ରେଡିଓ ଅଲ୍ଟିମିଟର ତଥା ଭୂତଳ ନିୟନ୍ତ୍ରଣକାରୀ କେନ୍ଦ୍ର ତଥା ଲକ୍ଷ୍ୟଭେଦୀ ବିମାନ ମଧ୍ୟରେ ଲିପିବଦ୍ଧ (ଏନକ୍ରିପ୍ଟେଡ୍‌) ଯୋଗାଯୋଗ ନିମନ୍ତେ ତଥ୍ୟ ସଂଯୋଗ ସହିତ ନିର୍ଦ୍ଦେଶ ଏବଂ ନିୟନ୍ତ୍ରଣ ନିମନ୍ତେ ବିମାନ ନିୟନ୍ତ୍ରକ କମ୍ପ୍ୟୁଟର ସହିତ ନ୍ୟାଭିଗେସନ୍ ନିମନ୍ତେ ମାଇକ୍ରୋ – ଇଲେକ୍ଟ୍ରୋ ମେକାନିକାଲ୍ ସିଷ୍ଟମ୍ ଆଧାରିତ ଇନିର୍ସିଆଲ୍ ନ୍ୟାଭିଗେସନ୍ ସିଷ୍ଟମ୍ ସହିତ ସୁସଜ୍ଜିତ ଅଟେ । ଏହି ଯାନଟିକୁ ସମ୍ପୂର୍ଣ୍ଣ ଭାବରେ ସ୍ୱୟଂଚାଳିତ ଉଡାଣ ନିମନ୍ତେ ବ୍ୟବସ୍ଥିତ କରା ଯାଇଛି ।

ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଅଭ୍ୟାସର ସଫଳ ଉଡାଣ ପରୀକ୍ଷଣ ନିମନ୍ତେ ଡିଆର୍‌ଡିଓ, ସଶସ୍ତ୍ର ବାହିନୀ ତଥା ଉଦ୍ୟୋଗକୁ ଶୁଭେଚ୍ଛା ଜଣାଇଥିଲେ । କହିଥିଲେ ଯେ ଏହି ସିଷ୍ଟମ୍‌ର ବିକାଶ ସଶସ୍ତ୍ର ବାହିନୀ ମାନଙ୍କ ନିମନ୍ତେ ଆକାଶମାର୍ଗୀୟ ଲକ୍ଷ୍ୟର ଆବଶ୍ୟକତାକୁ ପୂରଣ କରିବ ।

ପ୍ରତିରକ୍ଷା ଗବେଷଣା ଏବଂ ବିକାଶ ସଙ୍ଗଠନ ବିଭାଗ ତଥା ଡିଆର୍‌ଡିଓର ଅଧ୍ୟକ୍ଷ ଡଃ. ଜି. ସତୀଶ ରେଡ୍ଡୀ ସିଷ୍ଟମ୍‌ର ଡିଜାଇନ୍‌, ବିକାଶ ଏବଂ ପରୀକ୍ଷଣ ସହିତ ଯୋଡି ହୋଇ ରହିଥିବା ଦଳର ପ୍ରୟାସକୁ ଭୁରି ଭୁରି ପ୍ରଶଂସା କରିଥିଲେ

29/06/2022

ରାମସାର ତାଲିକାରେ ସାମିଲ ହେବ ଓଡ଼ିଶା ସମେତ ୪ ରାଜ୍ୟର ୫ଟି କୋଇଲା ଖଣି ପିଟ୍‌ ଲେକ୍‌

ପରିବେଶ ମନ୍ତ୍ରଣାଳୟକୁ ଅନୁରୋଧ କଲା କୋଇଲା ମନ୍ତ୍ରଣାଳୟ

ବନ୍ଦ କୋଇଲା ଖଣିକୁ ଭିନ୍ନ ଉଦ୍ଦେଶ୍ୟରେ ବ୍ୟବହାର କରିବା ନିମନ୍ତେ ବିଶ୍ବ ବ୍ୟାଙ୍କର ସହାୟତା ଲୋଡ଼ିଲା ମନ୍ତ୍ରଣାଳୟ
ପୋଷ୍ଟ କରାଯିବା ଦିନାଙ୍କ: 29 JUN 2022 1:49PM Bhubaneshwar
ଭାରତୀୟ କୋଇଲା କ୍ଷେତ୍ର ଅଧିକରୁ ଅଧିକ କୋଇଲା ଉତ୍ପାଦନ ମାଧ୍ୟମରେ ଦ୍ରୁତ ବର୍ଦ୍ଧିତ ଶକ୍ତି ଚାହିଦା ପୂରଣ କରିବା ନିମନ୍ତେ ନିରନ୍ତର ପ୍ରୟାସ କରି ଆସୁଛି । ଅନୁରୂପ ଭାବେ, ଦେଶର କୋଇଲା କ୍ଷେତ୍ର ପରିବେଶ ସୁରକ୍ଷା ଉପରେ ଜୋର ଦେବା ସହିତ ଜଙ୍ଗଲ ଓ ଜୈବ ବିବିଧତାର ସୁରକ୍ଷା ପାଇଁ ସଂଖ୍ୟାଧିକ ପଦକ୍ଷେପ ଗ୍ରହଣ କରୁଛି । ଦୀର୍ଘସ୍ଥାୟୀ ବିକାଶ ମାର୍ଗକୁ ଗ୍ରହଣ କରିବାର ଲକ୍ଷ୍ୟ ନେଇ ଏଭଳି ପଦକ୍ଷେପ ନିଆଯାଉଛି । ବିଭିନ୍ନ ଦୀର୍ଘସ୍ଥାୟୀ କାର୍ଯକ୍ରମ ଅଧୀନରେ, କୋଲ୍‌ ଇଣ୍ଡିଆ ଲିମିଟେଡ (ସିଆଇଏଲ) ପକ୍ଷରୁ ସମ୍ପୃକ୍ତ ରାଜ୍ୟ ସରକାର ଏବଂ ଭାରତ ସରକାରଙ୍କ ପରିବେଶ, ଜଙ୍ଗଲ ଓ ଜଳବାୟୁ ପରିବର୍ତ୍ତନ ମନ୍ତ୍ରଣାଳୟ (ଏମଓଇଏଫସିସି)ର ସହାୟତାରେ କେତେକ ପଦକ୍ଷେପ ଗ୍ରହଣ କରିବାକୁ ଯାଉଛି । ଏସବୁ ପଦକ୍ଷେପ ମଧ୍ୟରେ ରହିଛି କୋଇଲା ଖଣି ଗର୍ତ୍ତ ହ୍ରଦ ବା ପିଟ୍‌ ଲେକ୍‌ର ସଂରକ୍ଷଣ, ଆର୍ଦ୍ର ଭୂମିର ପ୍ରାକୃତିକ ସ୍ବରୂପକୁ ବଜାୟ ରଖିବା ଏବଂ ପିଟ୍‌ ଲେକ୍‌ଗୁଡ଼ିକୁ ସମ୍ମାନଜନକ ରାମସାର ତାଲିକାରେ ସାମିଲ କରିବା । ରାମସାର ତାଲିକାରେ ସ୍ଥାନିତ କରିବା ପାଇଁ ଆର୍ଦ୍ର ଭୂମିଗୁଡ଼ିକୁ ଚିହ୍ନଟ କରିବା ଲାଗି ପରିବେଶ ମନ୍ତ୍ରଣାଳୟ ନୋଡାଲ ମନ୍ତ୍ରଣାଳୟ ଭାବରେ କାମ କରୁଛି ।

କୋଇଲା ଖଣିର ପିଟ୍‌ ଲେକ୍‌କୁ ଏହି ରାମସାର ତାଲିକାରେ ସାମିଲ କରିବା ନିମନ୍ତେ କୋଇଲା ମନ୍ତ୍ରଣାଳୟ ପକ୍ଷରୁ ପରିବେଶ ମନ୍ତ୍ରଣାଳୟ ସହିତ ଆଲୋଚନା କରାଯାଇଛି । ପରିବେଶ ମନ୍ତ୍ରଣାଳୟର ମାର୍ଗଦର୍ଶିକା ଅନୁଯାୟୀ, ଓଡ଼ିଶା, ପଶ୍ଚିମବଙ୍ଗ, ଝାଡ଼ଖଣ୍ଡ ଏବଂ ମଧ୍ୟପ୍ରଦେଶର ପାଞ୍ଚଟି କୋଇଲା ଖଣି ପିଟ୍‌ ଲେକ୍‌କୁ ରାମସାର ତାଲିକାରେ ସାମିଲ କରିବା ନିମନ୍ତେ କୋଲ୍‌ ଇଣ୍ଡିଆ ଲିମିଟେଡ ଚିହ୍ନଟ କରିଛି । କୋଲ୍‌ ଇଣ୍ଡିଆ ରାମସାର ସୂଚନା ପତ୍ର (ଆରଇଏସ) ପ୍ରସ୍ତୁତି ପ୍ରକ୍ରିୟା ଜାରି ରହିଛି । ଖଣି ଖନନ ଯୋଗୁ ସୃଷ୍ଟି ହୋଇଥିବା ଗର୍ତ୍ତ ଏବେ ଜଳ ଭର୍ତ୍ତି ହୋଇଥିବା ବେଳେ ଏହାକୁ ଭିନ୍ନ ଭିନ୍ନ ପ୍ରଜାତିର ପକ୍ଷୀମାନେ ନିୟମିତ ଆସୁଛନ୍ତି ଏବଂ ଏହି ସ୍ଥାନ କେତେକ ପକ୍ଷୀମାନଙ୍କର ବାସସ୍ଥଳୀ ପାଲଟିଛି । କୋଲ ଇଣ୍ଡିଆ ଦ୍ବାରା ବ୍ୟାପକ ବନୀକରଣ ଏବଂ ଅନ୍ୟ ମୃର୍ତ୍ତିକା ଆର୍ଦ୍ରତା ସଂରକ୍ଷଣ ପଦକ୍ଷେପ କାରଣରୁ ଏସବୁ ଜଳାଶୟ ଚାରି ପାଖରେ ଥିବା ପରିବେଶ ଏବେ ଉନ୍ନତ ହୋଇପାରିଛି ।

ବନ୍ଦ ପଡ଼ିଥିବା ଏସବୁ କୋଇଲା ଖଣିକୁ ନିରାପଦ, ପରିବେଶ ଦୃଷ୍ଟିରୁ ଦୀର୍ଘସ୍ଥାୟୀ ଏବଂ ଉପଯୁକ୍ତ ବାଣିଜ୍ୟିକ ବ୍ୟବହାର ନିମନ୍ତେ ଉପଯୋଗ କରିବା ନିମନ୍ତେ କୋଇଲା ମନ୍ତ୍ରଣାଳୟ ପକ୍ଷରୁ ପ୍ରୟାସ କରାଯାଉଛି । ଏସବୁ କୋଇଲା ଖଣିକୁ ଭିନ୍ନ ଉଦ୍ଦେଶ୍ୟରେ ବ୍ୟବହାର କରିବା ଲାଗି କୋଇଲା ମନ୍ତ୍ରଣାଳୟ ପକ୍ଷରୁ ବିଶ୍ବ ବ୍ୟାଙ୍କ, ଜିଆଇଜେଡ୍‌ ଏବଂ ଅନ୍ୟ ବିଶ୍ବ ସଂସ୍ଥାର ସହାୟତା ଲୋଡ଼ାଯାଇଛି । ପୁନରୁଦ୍ଧାର ହୋଇଥିବା କୋଇଲା ଖଣି ଭୂମିକୁ ଭିନ୍ନ ଆର୍ଥିକ ଉଦ୍ଦେଶ୍ୟରେ ବ୍ୟବହାର କରିବା ଲାଗି ପ୍ରସ୍ତାବ ରହିଛି । ସୌର ପାର୍କ, ପର୍ଯ୍ୟଟନ, କ୍ରୀଡ଼ା, ବନୀକରଣ, କୃଷି, ଉଦ୍ୟାନକୃଷି, ସହରୀବିକାଶ ଆଦି ଉଦ୍ଦେଶ୍ୟରେ ଏହି ଭୂମି ବ୍ୟବହାର କରାଯିବ । ଏସବୁ ସଂସ୍ଥାର ବିଭିନ୍ନ ଦେଶରେ ଖଣି ବନ୍ଦ ମାମଲା ପରିଚାଳନା କ୍ଷେତ୍ରରେ ଯଥେଷ୍ଟ ଅଭିଜ୍ଞତା ରହିଛି। ଶ୍ରେଷ୍ଠ ବିଶ୍ବସ୍ତରୀୟ ପଦ୍ଧତିକୁ ଗ୍ରହଣ କରିବା ଏବଂ ଭାରତୀୟ କୋଇଲା ଖଣି କ୍ଷେତ୍ରକୁ ଭିନ୍ନ ଉଦ୍ଦେଶ୍ୟରେ ବ୍ୟବହାର କରିବା ଲାଗି ଏହି ଅଭିଜ୍ଞତା ବିଶେଷ ଉପଯୋଗୀ ହେବ।

29/06/2022

ରାମସାର ତାଲିକାରେ ସାମିଲ ହେବ ଓଡ଼ିଶା ସମେତ ୪ ରାଜ୍ୟର ୫ଟି କୋଇଲା ଖଣି ପିଟ୍‌ ଲେକ୍‌

ପରିବେଶ ମନ୍ତ୍ରଣାଳୟକୁ ଅନୁରୋଧ କଲା କୋଇଲା ମନ୍ତ୍ରଣାଳୟ

ବନ୍ଦ କୋଇଲା ଖଣିକୁ ଭିନ୍ନ ଉଦ୍ଦେଶ୍ୟରେ ବ୍ୟବହାର କରିବା ନିମନ୍ତେ ବିଶ୍ବ ବ୍ୟାଙ୍କର ସହାୟତା ଲୋଡ଼ିଲା ମନ୍ତ୍ରଣାଳୟ
ପୋଷ୍ଟ କରାଯିବା ଦିନାଙ୍କ: 29 JUN 2022 1:49PM Bhubaneshwar
ଭାରତୀୟ କୋଇଲା କ୍ଷେତ୍ର ଅଧିକରୁ ଅଧିକ କୋଇଲା ଉତ୍ପାଦନ ମାଧ୍ୟମରେ ଦ୍ରୁତ ବର୍ଦ୍ଧିତ ଶକ୍ତି ଚାହିଦା ପୂରଣ କରିବା ନିମନ୍ତେ ନିରନ୍ତର ପ୍ରୟାସ କରି ଆସୁଛି । ଅନୁରୂପ ଭାବେ, ଦେଶର କୋଇଲା କ୍ଷେତ୍ର ପରିବେଶ ସୁରକ୍ଷା ଉପରେ ଜୋର ଦେବା ସହିତ ଜଙ୍ଗଲ ଓ ଜୈବ ବିବିଧତାର ସୁରକ୍ଷା ପାଇଁ ସଂଖ୍ୟାଧିକ ପଦକ୍ଷେପ ଗ୍ରହଣ କରୁଛି । ଦୀର୍ଘସ୍ଥାୟୀ ବିକାଶ ମାର୍ଗକୁ ଗ୍ରହଣ କରିବାର ଲକ୍ଷ୍ୟ ନେଇ ଏଭଳି ପଦକ୍ଷେପ ନିଆଯାଉଛି । ବିଭିନ୍ନ ଦୀର୍ଘସ୍ଥାୟୀ କାର୍ଯକ୍ରମ ଅଧୀନରେ, କୋଲ୍‌ ଇଣ୍ଡିଆ ଲିମିଟେଡ (ସିଆଇଏଲ) ପକ୍ଷରୁ ସମ୍ପୃକ୍ତ ରାଜ୍ୟ ସରକାର ଏବଂ ଭାରତ ସରକାରଙ୍କ ପରିବେଶ, ଜଙ୍ଗଲ ଓ ଜଳବାୟୁ ପରିବର୍ତ୍ତନ ମନ୍ତ୍ରଣାଳୟ (ଏମଓଇଏଫସିସି)ର ସହାୟତାରେ କେତେକ ପଦକ୍ଷେପ ଗ୍ରହଣ କରିବାକୁ ଯାଉଛି । ଏସବୁ ପଦକ୍ଷେପ ମଧ୍ୟରେ ରହିଛି କୋଇଲା ଖଣି ଗର୍ତ୍ତ ହ୍ରଦ ବା ପିଟ୍‌ ଲେକ୍‌ର ସଂରକ୍ଷଣ, ଆର୍ଦ୍ର ଭୂମିର ପ୍ରାକୃତିକ ସ୍ବରୂପକୁ ବଜାୟ ରଖିବା ଏବଂ ପିଟ୍‌ ଲେକ୍‌ଗୁଡ଼ିକୁ ସମ୍ମାନଜନକ ରାମସାର ତାଲିକାରେ ସାମିଲ କରିବା । ରାମସାର ତାଲିକାରେ ସ୍ଥାନିତ କରିବା ପାଇଁ ଆର୍ଦ୍ର ଭୂମିଗୁଡ଼ିକୁ ଚିହ୍ନଟ କରିବା ଲାଗି ପରିବେଶ ମନ୍ତ୍ରଣାଳୟ ନୋଡାଲ ମନ୍ତ୍ରଣାଳୟ ଭାବରେ କାମ କରୁଛି ।
ବନ୍ଦ ପଡ଼ିଥିବା ଏସବୁ କୋଇଲା ଖଣିକୁ ନିରାପଦ, ପରିବେଶ ଦୃଷ୍ଟିରୁ ଦୀର୍ଘସ୍ଥାୟୀ ଏବଂ ଉପଯୁକ୍ତ ବାଣିଜ୍ୟିକ ବ୍ୟବହାର ନିମନ୍ତେ ଉପଯୋଗ କରିବା ନିମନ୍ତେ କୋଇଲା ମନ୍ତ୍ରଣାଳୟ ପକ୍ଷରୁ ପ୍ରୟାସ କରାଯାଉଛି । ଏସବୁ କୋଇଲା ଖଣିକୁ ଭିନ୍ନ ଉଦ୍ଦେଶ୍ୟରେ ବ୍ୟବହାର କରିବା ଲାଗି କୋଇଲା ମନ୍ତ୍ରଣାଳୟ ପକ୍ଷରୁ ବିଶ୍ବ ବ୍ୟାଙ୍କ, ଜିଆଇଜେଡ୍‌ ଏବଂ ଅନ୍ୟ ବିଶ୍ବ ସଂସ୍ଥାର ସହାୟତା ଲୋଡ଼ାଯାଇଛି । ପୁନରୁଦ୍ଧାର ହୋଇଥିବା କୋଇଲା ଖଣି ଭୂମିକୁ ଭିନ୍ନ ଆର୍ଥିକ ଉଦ୍ଦେଶ୍ୟରେ ବ୍ୟବହାର କରିବା ଲାଗି ପ୍ରସ୍ତାବ ରହିଛି । ସୌର ପାର୍କ, ପର୍ଯ୍ୟଟନ, କ୍ରୀଡ଼ା, ବନୀକରଣ, କୃଷି, ଉଦ୍ୟାନକୃଷି, ସହରୀବିକାଶ ଆଦି ଉଦ୍ଦେଶ୍ୟରେ ଏହି ଭୂମି ବ୍ୟବହାର କରାଯିବ । ଏସବୁ ସଂସ୍ଥାର ବିଭିନ୍ନ ଦେଶରେ ଖଣି ବନ୍ଦ ମାମଲା ପରିଚାଳନା କ୍ଷେତ୍ରରେ ଯଥେଷ୍ଟ ଅଭିଜ୍ଞତା ରହିଛି। ଶ୍ରେଷ୍ଠ ବିଶ୍ବସ୍ତରୀୟ ପଦ୍ଧତିକୁ ଗ୍ରହଣ କରିବା ଏବଂ ଭାରତୀୟ କୋଇଲା ଖଣି କ୍ଷେତ୍ରକୁ ଭିନ୍ନ ଉଦ୍ଦେଶ୍ୟରେ ବ୍ୟବହାର କରିବା ଲାଗି ଏହି ଅଭିଜ୍ଞତା ବିଶେଷ ଉପଯୋଗୀ ହେବ।

କୋଇଲା ଖଣିର ପିଟ୍‌ ଲେକ୍‌କୁ ଏହି ରାମସାର ତାଲିକାରେ ସାମିଲ କରିବା ନିମନ୍ତେ କୋଇଲା ମନ୍ତ୍ରଣାଳୟ ପକ୍ଷରୁ ପରିବେଶ ମନ୍ତ୍ରଣାଳୟ ସହିତ ଆଲୋଚନା କରାଯାଇଛି । ପରିବେଶ ମନ୍ତ୍ରଣାଳୟର ମାର୍ଗଦର୍ଶିକା ଅନୁଯାୟୀ, ଓଡ଼ିଶା, ପଶ୍ଚିମବଙ୍ଗ, ଝାଡ଼ଖଣ୍ଡ ଏବଂ ମଧ୍ୟପ୍ରଦେଶର ପାଞ୍ଚଟି କୋଇଲା ଖଣି ପିଟ୍‌ ଲେକ୍‌କୁ ରାମସାର ତାଲିକାରେ ସାମିଲ କରିବା ନିମନ୍ତେ କୋଲ୍‌ ଇଣ୍ଡିଆ ଲିମିଟେଡ ଚିହ୍ନଟ କରିଛି । କୋଲ୍‌ ଇଣ୍ଡିଆ ରାମସାର ସୂଚନା ପତ୍ର (ଆରଇଏସ) ପ୍ରସ୍ତୁତି ପ୍ରକ୍ରିୟା ଜାରି ରହିଛି । ଖଣି ଖନନ ଯୋଗୁ ସୃଷ୍ଟି ହୋଇଥିବା ଗର୍ତ୍ତ ଏବେ ଜଳ ଭର୍ତ୍ତି ହୋଇଥିବା ବେଳେ ଏହାକୁ ଭିନ୍ନ ଭିନ୍ନ ପ୍ରଜାତିର ପକ୍ଷୀମାନେ ନିୟମିତ ଆସୁଛନ୍ତି ଏବଂ ଏହି ସ୍ଥାନ କେତେକ ପକ୍ଷୀମାନଙ୍କର ବାସସ୍ଥଳୀ ପାଲଟିଛି । କୋଲ ଇଣ୍ଡିଆ ଦ୍ବାରା ବ୍ୟାପକ ବନୀକରଣ ଏବଂ ଅନ୍ୟ ମୃର୍ତ୍ତିକା ଆର୍ଦ୍ରତା ସଂରକ୍ଷଣ ପଦକ୍ଷେପ କାରଣରୁ ଏସବୁ ଜଳାଶୟ ଚାରି ପାଖରେ ଥିବା ପରିବେଶ ଏବେ ଉନ୍ନତ ହୋଇପାରିଛି ।

29/06/2022

ମୁମ୍ବାଇ ଠାରେ କୋଠା ଭୁଷୁଡି ଘଟଣାରେ ମୃତକଙ୍କ ପାଇଁ ଦୁଃଖ ପ୍ରକାଶ କରିଛନ୍ତି ପ୍ରଧାନମନ୍ତ୍ରୀ

ପିଏମ୍‌ଏନ୍‌ଆରଏଫ୍‌ରୁ ଅନୁକମ୍ପା ମୂଳକ ସହାୟତା ରାଶି ଘୋଷଣା
ପୋଷ୍ଟ କରାଯିବା ଦିନାଙ୍କ: 28 JUN 2022 9:26PM Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ମୁମ୍ବାଇ ଠାରେ କୋଠା ଭୁଷୁଡି ଘଟଣାରେ ମୃତକଙ୍କ ପାଇଁ ଦୁଃଖ ପ୍ରକାଶ କରିଛନ୍ତି । ସେ ମଧ୍ୟ ପିଏମ୍‌ଏନ୍‌ଆରଏଫ୍‌ରୁ ଅନୁକମ୍ପା ମୂଳକ ସହାୟତା ରାଶି ଘୋଷଣା କରିଛନ୍ତି ।

ପିଏମ୍‌ଓ ଏକ ଟୁଇଟ୍ କରି କହିଛି;

“ମୁମ୍ବାଇ ଠାରେ କୋଠା ଭୁଷୁଡି ଘଟଣା ଦୁଃଖ ଦେଇଛି । ଏହି ସମୟରେ ମୋର ଚିନ୍ତାଧାରା ପୀଡିତ ପରିବାର ସହିତ ରହିଛି ଏବଂ ଆହତଙ୍କ ପାଇଁ ପ୍ରାର୍ଥନା କରୁଛି । ପ୍ରତ୍ୟେକ ମୃତକଙ୍କ ନିକଟସମ୍ପର୍କୀୟଙ୍କୁ ପିଏମ୍‌ଏନ୍‌ଆରଏଫରୁ ୨ଲକ୍ଷ ଟଙ୍କା କରି ପ୍ରଦାନ କରାଯିବ । ଆହତ ମାନଙ୍କୁ ୫୦,୦୦୦ ଟଙ୍କା କରି ମିଳିବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ।”

29/06/2022

ଭାରତର ସ୍ୱାଧୀନତାର ୭୫ ବର୍ଷ ପୂର୍ତ୍ତି ଉପଲକ୍ଷେ ପରିସଂଖ୍ୟାନ ଓ କାର୍ଯ୍ୟକ୍ରମ ରୂପାୟନ ମନ୍ତ୍ରାଳୟ ଦ୍ୱାରା ଆଜାଦି କା ଅମ୍ରିତ ମହୋତ୍ସବ (ଏକେଏଏମ) ଆୟୋଜିତ

ରାଓ ଇନ୍ଦ୍ରଜିତ ସିଂହଙ୍କ ଦ୍ୱାରା କାର୍ଯ୍ୟକ୍ରମ ଉଦଘାଟନ
ପୋଷ୍ଟ କରାଯିବା ଦିନାଙ୍କ: 28 JUN 2022 8:08PM Bhubaneshwar
ପରିସଂଖ୍ୟାନ ଓ କାର୍ଯ୍ୟକ୍ରମ ରୂପାୟନ ମନ୍ତ୍ରାଳୟ (ଏମଓଏସପିଆଇ)ଙ୍କ ଦ୍ୱାରା ଜୁନ ୨୭, ୨୦୨୨ ଠାରୁ ସପ୍ତାହବ୍ୟାପି ଆଜାଦି କା ଅମ୍ରିତ ମହୋତ୍ସବ (ଏକେଏଏମ) ପାଳନ ଅବସରରେ ବିଭିନ୍ନ କାର୍ଯ୍ୟକ୍ରମ ଆୟୋଜନ ହେଉଛି । ଉତ୍ସବର ଅଂଶ ଭାବରେ ପରିସଂଖ୍ୟାନ ଓ କାର୍ଯ୍ୟକ୍ରମ ରୂପାୟନ ମନ୍ତ୍ରାଳୟଙ୍କ ଏମପିଏଲଏଡିଏସ ଓ ଆଇପିଏମ ବିଭାଗ ଦ୍ୱାରା ଜୁନ ୨୮, ୨୦୨୨ରେ ଏନଡିଏମସି, କନଭୋକେସନ ସେଣ୍ଟର, ନୂଆଦିଲ୍ଲୀ ଠାରେ ଏକ ଅର୍ଦ୍ଧଦିବସୀୟ କାର୍ଯ୍ୟକ୍ରମ ଆୟୋଜିତ ହୋଇଥିଲା ।

ଏହି କାର୍ଯ୍ୟକ୍ରମକୁ ପରିସଂଖ୍ୟାନ ଓ କାର୍ଯ୍ୟକ୍ରମ ରୂପାୟନ ରାଷ୍ଟ୍ରମନ୍ତ୍ରୀ (ସ୍ୱାଧୀନ) ଶ୍ରୀ ରାଓ ଇନ୍ଦ୍ରଜିତ ସିଂହ ଉଦଘାଟନ କରିଥିଲେ ।

ସାଂସଦ ସ୍ଥାନୀୟ ଅଞ୍ଚଳ ବିକାଶ (ଏମପିଏଲଏଡି) ଯୋଜନାର ବୈଶିଷ୍ଟ୍ୟ ତଥା ଦୀର୍ଘସ୍ଥାୟୀ ଗୋଷ୍ଠୀ ସମ୍ପତ୍ତି ବିକାଶରେ ଏହାର ଭୂମିକା ଏବଂ ଅବଦାନ ସମ୍ପର୍କରେ କ୍ଷୁଦ୍ର ଲାଇଭ ପ୍ଲେ, ଏମପିଏଲଏଡି ଯୋଜନା ସମ୍ପର୍କିତ ଶର୍ଟ ଫିଲ୍ମ ଓ ପ୍ରଦର୍ଶନୀ ମାଧ୍ୟମରେ କାର୍ଯ୍ୟକ୍ରମରେ ପ୍ରଦର୍ଶିତ ହୋଇଥିଲା ।

29/06/2022

ଦେଶରେ ଓଡ଼ିଶାକୁ ମିଳିବ ସର୍ବାଧିକ ଏକଲବ୍ୟ ମଡେଲ ସ୍କୁଲ

ରାଜ୍ୟରେ ଏକଲବ୍ୟ ମଡେଲ ସ୍କୁଲର କାର୍ଯ୍ୟ ସମୀକ୍ଷା କଲେ କେନ୍ଦ୍ରମନ୍ତ୍ରୀ ବିଶ୍ୱେଶ୍ୱର ଟୁଡୁ
ପୋଷ୍ଟ କରାଯିବା ଦିନାଙ୍କ: 28 JUN 2022 7:14 Bhubaneshwar
କେନ୍ଦ୍ରମନ୍ତ୍ରୀ ବିଶେଶ୍ୱର ଟୁଡୁ ଆଜି ରାଜ୍ୟ ଅତିଥିଭବନରେ ଓଡ଼ିଶାରେ ଏକଲବ୍ୟ ଆଦର୍ଶ ବିଦ୍ୟାଳୟର କାର୍ଯ୍ୟ ଉପରେ ସମୀକ୍ଷା କରିଛନ୍ତି । ଉକ୍ତ ସମୀକ୍ଷା ବୈଠକରେ ରାଜ୍ୟ ସରକାରଙ୍କ ଅନୁସୂଚିତ ଜାତି, ଜନଜାତି ବିଭାଗ, ଜଙ୍ଗଲ ବିଭାଗ, କାର୍ଯ୍ୟନିର୍ବାହୀ ଏଜେନ୍ସି, ଏଚସିଏଲ, ଇପିଆଇଏଲର ବରିଷ୍ଠ ଅଧିକାରୀ ଯୋଗ ଦେଇଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସଦାସର୍ବଦା ଓଡ଼ିଆ ଓ ଜନଜାତିଙ୍କ ହିତଲାଗି ବିଭିନ୍ନ ଯୋଜନା କରିଥାନ୍ତି । ୨୦୨୪ସୁଦ୍ଧା ମୋଦୀ ସରକାର ବନବାସୀ ପିଲାଙ୍କ ଲାଗି ଯେଉଁ ସ୍ୱପ୍ନ ଦେଖିଥିଲେ ତାହା ଖୁବଶୀଘ୍ର ସଫଳ ହେବ ବୋଲି ଶ୍ରୀ ଟୁଡୁ କହିଛନ୍ତି ।

କେନ୍ଦ୍ର ସରକାରଙ୍କ ଆଦିବାସୀ ବ୍ୟାପାର ମନ୍ତ୍ରଣାଳୟ ପକ୍ଷରୁ ଓଡ଼ିଶାକୁ ଦେଶରେ ସର୍ବାଧିକ ୮୭ ଏକଲବ୍ୟ ସ୍କୁଲ ନିର୍ମାଣ ପାଇଁ ମଞ୍ଜୁରୀ ମିଳିଛି । ଏଥି ସହିତ ଆଦିବାସୀ ଅଧ୍ୟୁଷିତ ମୟୂରଭଞ୍ଜ ଜିଲ୍ଲାରେ ସର୍ବାଧିକ ୧୯ଟି ଏକଲବ୍ୟ ସ୍କୁଲର ଭୂମି ପୂଜନ ସରିଛି ଯାହା ଦେଶରେ ଆଦିବାସୀ ଅଧ୍ୟୁଷିତ ଜିଲ୍ଲା ହିସାବରେ ୧ନଂ ସ୍ଥାନରେ ଅଛି । ଏପର୍ଯ୍ୟନ୍ତ ଓଡ଼ିଶାରେ ୪୫ଟି ଏକଲବ୍ୟ ସ୍କୁଲର ଭୂମିପୂଜନ କାର୍ଯ୍ୟକ୍ରମ ସରିଛି ବୋଲି ଶ୍ରୀ ଟୁଡୁ ସୂଚନା ଦେଇଛନ୍ତି ।

କୋରାପୁଟ, ସୁନ୍ଦରଗଡ଼, ସମ୍ବଲପୁର ପାହାଡିଆ ହୋଇଥିବାରୁ ମନ୍ତ୍ରୀ ଜଙ୍ଗଲ ଅଧିକାରୀ ଓ ରାଜ୍ୟ ସରକାରଙ୍କ ସହ କଥା ହୋଇଛନ୍ତି । ରାଜ୍ୟ ସରକାର ଯଥାଶୀଘ୍ର ଏକଲବ୍ୟ ସ୍କୁଲ ପାଇଁ ଜମି ଯୋଗାଇ ଦେବା ସହ କାର୍ଯ୍ୟ ତ୍ୱରାନ୍ୱିତ କରିବାକୁ ପ୍ରତିଶ୍ରୁତି ଦେଇଥିବା ଶ୍ରୀ ଟୁଡୁ କହିଛନ୍ତି ।

29/06/2022

ପିଭି ନରସିଂହ ରାଓଙ୍କ ଅବଦାନକୁ ତାଙ୍କ ଜନ୍ମ ବାର୍ଷିକୀରେ ମନେ ପକାଇଛନ୍ତି ପ୍ରଧାନମନ୍ତ୍ରୀ
ପୋଷ୍ଟ କରାଯିବା ଦିନାଙ୍କ: 28 JUN 2022 2:43PM Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ପୂର୍ବତନ ପ୍ରଧାନମନ୍ତ୍ରୀ ଶ୍ରୀ ପି.ଭି ନରସିଂହ ରାଓଙ୍କୁ ତାଙ୍କ ଜନ୍ମ ବାର୍ଷିକୀରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ।

ପ୍ରଧାନମନ୍ତ୍ରୀ ଟୁଇଟ୍ କରିଛନ୍ତି:

“ଆମର ପୂର୍ବତନ ପ୍ରଧାନମନ୍ତ୍ରୀ ଶ୍ରୀ ପି.ଭି ନରସିଂହ ରାଓ ଜୀଙ୍କୁ ତାଙ୍କ ଜନ୍ମ ବାର୍ଷିକୀରେ ଶ୍ରଦ୍ଧାଞ୍ଜଳି । ଜାତୀୟ ପ୍ରଗତିରେ ତାଙ୍କର ସମୃଦ୍ଧ ଅବଦାନ ପାଇଁ ଭାରତ ତାଙ୍କ ନିକଟରେ କୃତଜ୍ଞ । ସେ ଜଣେ ମହାନ ବିଦ୍ୱାନ ତଥା ବୁଦ୍ଧିଜୀବୀ ଭାବରେ ମଧ୍ୟ ଏକ ପରିଚୟ ସୃଷ୍ଟି କରିଥିଲେ ।”

29/06/2022

ଜୁଲାଇ ପହିଲାରୁ ଥରେ ମାତ୍ର ବ୍ୟବହାର ଯୋଗ୍ୟ ପ୍ଲାଷ୍ଟିକ୍ ବ୍ୟବହାର ନିଷେଧ

୧ ଜୁଲାଇ ୨୦୨୨ ଠାରୁ ଚିହ୍ନଟ କରାଯାଇଥିବା ଥରେ ମାତ୍ର ବ୍ୟବହାର ଯୋଗ୍ୟ ପ୍ଲାଷ୍ଟିକ୍ ସାମଗ୍ରୀ ଗୁଡ଼ିକ ଉପରେ ନିଷେଧାଦେଶ କାର୍ଯ୍ୟକାରୀ ହେବ

ନିଷେଧାଦେଶ ଜାରି କରାଯାଇଥିବା ଥରେ ମାତ୍ର ବ୍ୟବହାର ଉପଯୋଗୀ ପ୍ଲାଷ୍ଟିକ୍ ସାମଗ୍ରୀ ଗୁଡ଼ିକର ବେଆଇନ ପ୍ରସ୍ତୁତି, ଆମଦାନୀ, ଗଚ୍ଛିତକରଣ, ବିତରଣ, ବିକ୍ରୟ ଏବଂ ବ୍ୟବହାରକୁ ଯାଂଚ କରିବା ନିମନ୍ତେ ନିୟନ୍ତ୍ରଣ କକ୍ଷ ଗୁଡିକ ସ୍ଥାପନ କରାଯିବ

କେବଳ ସମସ୍ତ ହିତାଧିକାରୀଙ୍କ ପ୍ରଭାବଶାଳୀ ଯୋଗଦାନ ଏବଂ ମିଳିତ କାର୍ଯ୍ୟାନୁଷ୍ଠାନ ମାଧ୍ୟମରେ ହିଁ ଏହି ନିଷେଧାଦେଶ ସଫଳତା ଲାଭ କରିବା ସମ୍ଭବପର

ଏସ୍‌ୟୁପି ଗୁଡ଼ିକ ଉପରେ ନିଷେଧାଦେଶ ଲଗାଇବା ନିମନ୍ତେ ଜନସାଧାରଣଙ୍କ ଭାଗିଦାରୀ ଗୁରୁତ୍ୱପୂର୍ଣ୍ଣ
ପୋଷ୍ଟ କରାଯିବା ଦିନାଙ୍କ: 28 JUN 2022 1:04PM Bhubaneshwar
ଥରେ ମାତ୍ର ବ୍ୟବହାର ଯୋଗ୍ୟ ପ୍ଲାଷ୍ଟିକ୍ ସାମଗ୍ରୀର ବ୍ୟବହାରକୁ ୨୦୨୨ ସୁଦ୍ଧା ପର୍ଯ୍ୟାୟ କ୍ରମେ ବହିଷ୍କାର କରିବା ନିମନ୍ତେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଦ୍ୱାରା ଦିଆ ଯାଇଥିବା ଆହ୍ୱାନ ଅନୁସାରେ ଭାରତ ସରକାରଙ୍କ ପରିବେଶ, ଜଙ୍ଗଲ ଏବଂ ଜଳବାୟୁ ପରିବର୍ତନ ମନ୍ତ୍ରଣାଳୟ ୧୨ ଅଗଷ୍ଟ ୨୦୨୧ରେ ପ୍ଲାଷ୍ଟିକ୍ ବର୍ଜ୍ୟ ପରିଚାଳନା ସଂଶୋଧନ ନିୟମ ଅଧିସୂଚିତ କରିଛନ୍ତି । ଆଜାଦୀର ଅମୃତ ମହୋତ୍ସବ ଭାବନାକୁ ଆହୁରି ଅଧିକ ଆଗେଇ ନେଇ, ଦେଶ ଦ୍ୱାରା ଅଳିଆ ଆବର୍ଜନା ଏବଂ ଅଣପରିଚାଳିତ ପ୍ଲାଷ୍ଟିକ୍ ଆବର୍ଜନା ଯୋଗୁଁ ହେଉଥିବା ପ୍ରଦୂଷଣକୁ ରୋକିବା ନିମନ୍ତେ ଏକ ନିର୍ଣ୍ଣାୟକ ପଦକ୍ଷେପ ନିଆ ଯାଉଛି । ଭାରତ ୧ ଜୁଲାଇ ୨୦୨୨ରୁ ସମଗ୍ର ଦେଶରେ ଚିହ୍ନଟ କରା ଯାଇଥିବା ଥରେ ମାତ୍ର ବ୍ୟବହାର ଯୋଗ୍ୟ ପ୍ଲାଷ୍ଟିକ୍ ସାମଗ୍ରୀ ଗୁଡିକ, ଯାହାର ଉପଯୋଗିତା କମ୍ ଏବଂ ଆବର୍ଜନା ସୃଷ୍ଟି କରିବାର ସାମର୍ଥ୍ୟ ଅଧିକ ଅଟେ, ସେଗୁଡିକର ଉତ୍ପାଦନ, ଆମଦାନୀ, ଗଚ୍ଛିତ କରଣ, ବିତରଣ, ବିକ୍ରି ଏବଂ ବ୍ୟବହାର ଉପରେ ନିଷେଧାଦେଶ ଲଗାଇବ ।

ସାମୁଦ୍ରିକ ବାତାବରଣ ସହିତ ସ୍ଥଳ ଭାଗ ଏବଂ ଜଳ ଭାଗର ପାରିବେଶିକ ବ୍ୟବସ୍ଥା ଉପରେ ଥରେ ମାତ୍ର ବ୍ୟବହାର ଯୋଗ୍ୟ ପ୍ଲାଷ୍ଟିକ୍ ସାମଗ୍ରୀ ଗୁଡିକର ପ୍ରତିକୂଳ ପ୍ରଭାବ ପଡ଼ିଥାଏ ବୋଲି ବିଶ୍ୱ ସ୍ତରରେ ସ୍ୱୀକାର କରା ଯାଇଛି । ଥରେ ମାତ୍ର ବ୍ୟବହାର ଯୋଗ୍ୟ ପ୍ଲାଷ୍ଟିକ୍ ସାମଗ୍ରୀ ଗୁଡିକ କାରଣରୁ ହେଉଥିବା ପ୍ରଦୂଷଣକୁ ଦୂର କରିବା ସମସ୍ତ ଦେଶ ଗୁଡିକ ନିମନ୍ତେ ଏକ ଗୁରୁତ୍ୱପୂର୍ଣ୍ଣ ପାରିବେଶିକ ଆହ୍ୱାନ ହୋଇ ଯାଇଛି ।

୨୦୧୯ରେ ଅନୁଷ୍ଠିତ ଚତୁର୍ଥ ମିଳିତ ଜାତିସଂଘର ପରିବେଶ ସଭାରେ, ଭାରତ ଥରେ ମାତ୍ର ବ୍ୟବହାର ଯୋଗ୍ୟ ପ୍ଲାଷ୍ଟିକ୍ ସାମଗ୍ରୀ ଗୁଡିକର ପ୍ରଦୂଷଣ ସମ୍ପର୍କରେ ସମ୍ବୋଧିତ କରି ଏକ ପ୍ରସ୍ତାବର ସଂଚାଳନ କରିଥିଲା, ଯେଉଁଥିରେ ବିଶ୍ୱ ସମୁଦାୟକୁ ଏହି ଅତ୍ୟନ୍ତ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଧ୍ୟାନ କେନ୍ଦ୍ରିତ କରିବା ନିମନ୍ତେ ଜରୁରୀ ଆବଶ୍ୟକତା ରହିଥିବା ସ୍ୱୀକାର କରା ଯାଇଥିଲା । ୟୁଏନ୍‌ଇଏ ୪ରେ ଏହି ପ୍ରସ୍ତାବକୁ ଗ୍ରହଣ କରିବା ଏକ ମହତ୍ୱପୂର୍ଣ୍ଣ ପଦକ୍ଷେପ ଥିଲା । ନିକଟରେ ମାର୍ଚ୍ଚ ୨୦୨୨ରେ ସମ୍ପନ୍ନ ହୋଇଥିବା ମିଳିତ ଜାତିସଂଘ ପରିବେଶ ସଭାର ପଂଚମ ଅଧିବେଶନରେ, ଭାରତ ପ୍ଲାଷ୍ଟିକ୍ ପ୍ରଦୂଷଣ ଉପରେ ବିଶ୍ୱ ଅଭିଯାନ କାର୍ଯ୍ୟର ସଙ୍କଳ୍ପ ଉପରେ ଏକ ସାଧାରଣ ସହମତିକୁ ବିକଶିତ କରିବା ନିମନ୍ତେ ସମସ୍ତ ସଦସ୍ୟ ରାଷ୍ଟ୍ର ଗୁଡିକ ସହିତ ଗଠନମୂଳକ ଭାବରେ ଯୋଡି ହୋଇଥିଲା ।
ଥରେ ମାତ୍ର ବ୍ୟବହାର ଯୋଗ୍ୟ ପ୍ଲାଷ୍ଟିକ୍ ଦ୍ୱାରା ହେଉଥିବା ପ୍ରଦୂଷଣକୁ ହ୍ରାସ କରିବା ପାଇଁ ଭାରତ ସରକାର ଦୃଢ଼ ପଦକ୍ଷେପ ଗ୍ରହଣ କରିଛନ୍ତି । ନିଷେଧ କରା ଯାଇଥିବା ସାମଗ୍ରୀ ଗୁଡିକର ତାଲିକାରେ ପ୍ଲାଷ୍ଟିକ୍ କାଠି ଲାଗିଥିବା କାନ ସଫା କରାଯାଉଥିବା ବଡ୍‌, ବେଲୁନ୍ ପାଇଁ ବ୍ୟବହାର କରା ଯାଉଥିବା ପ୍ଲାଷ୍ଟିକ୍‌, ପ୍ଲାଷ୍ଟିକ୍ ପ୍ରସ୍ତୁତ ପତାକା, କ୍ୟାଣ୍ଡିର କାଠି, ଆଇସ୍‌କ୍ରିମ୍‌ରେ ବ୍ୟବହାର କରାଯାଉଥିବା କାଠି, ସାଜସଜା ନିମନ୍ତେ ବ୍ୟବହୃତ ହେଉଥିବା ପଲଷ୍ଟିରିନ୍ (ଥର୍ମୋକଲ୍‌), ପ୍ଲାଷ୍ଟିକର ପ୍ଲେଟ୍‌, କପ୍‌, ଗ୍ଲାସ୍‌, ପ୍ଲାଷ୍ଟିକ୍‌ର କଟଲେରୀ, ଯଥା, ପ୍ଲାଷ୍ଟିକ୍ କଂଟା ଚାମଜ, ଛୁରୀ, ଚାମଚ, ନଳୀ, ଟ୍ରେ, ମିଠା ବାକ୍ସ ଉପରେ ଗୁଡା ଯାଉଥିବା ରାପର, ନିମନ୍ତ୍ରଣ କାର୍ଡ, ସିଗାରେଟ୍ ଖୋଳ, ୧୦୦ ମାଇକ୍ରୋନ୍‌ରୁ କମ୍ ପ୍ଲାଷ୍ଟିକ୍ କିମ୍ବା ପିଭିସି ବ୍ୟାନର, ଷ୍ଟିରର୍ ଇତ୍ୟାଦି ସାମିଲ୍ ଅଟେ ।

ପ୍ଲାଷ୍ଟିକ୍ ବର୍ଜ୍ୟ ପରିଚାଳନା ସଂଶୋଧନ ନିୟମ, ୨୦୨୧, ୩୦ ସେପ୍ଟେମ୍ବର, ୨୦୨୧ରୁ ପଂଚସ୍ତରି ମାଇକ୍ରୋନ୍‌ରୁ କମ୍ ମୋଟା ହୋଇଥିବା ପ୍ଲାଷ୍ଟିକ୍ କ୍ୟାରି ବ୍ୟାଗ୍‌ର ଉତ୍ପାଦନ, ଆମଦାନୀ, ଗଚ୍ଛିତ କରଣ, ବିତରଣ, ବିକ୍ରି ଏବଂ ବ୍ୟବହାର ଉପରେ ମଧ୍ୟ ପ୍ରତିବନ୍ଧକ ଲଗାଇଛି ଏବଂ ଏହାର ମୋଟା ୧୨୦ ମାଇକ୍ରନ୍ ଠାରୁ ଯେପରି କମ୍ ରହିବ ୩୧ ଡିସେମ୍ବର, ୨୦୨୨ରୁ ତାହା ପ୍ରଭାବଶାଳୀ ରହିବ ।

ପରିବେଶ, ଜଙ୍ଗଲ ଏବଂ ଜଳବାୟୁ ପରିବର୍ତନ ମନ୍ତ୍ରଣାଳୟ ୧୬ ଫେବୃୟାରୀ ୨୦୨୨ରେ ମଧ୍ୟ ପ୍ଲାଷ୍ଟିକ୍ ବର୍ଜ୍ୟ ପରିଚାଳନା ସଂଶୋଧନ ନିୟମ, ୨୦୨୨ ରୂପରେ ପ୍ଲାଷ୍ଟିକ୍ ପ୍ୟାକେଜିଂ ଉପରେ ସମ୍ପ୍ରସାରିତ ଉତ୍ପାଦକ ମାନଙ୍କର ଦାୟିତ୍ୱ ଗୁଡିକ ଉପରେ ନିର୍ଦ୍ଦେଶାବଳୀ ଗୁଡିକରେ ମଧ୍ୟ ଅଧିସୂତିତ କରିଛି । ସମ୍ପ୍ରସାରିତ ଉତ୍ପାଦକ ଦାୟିତ୍ୱ (ଇପିଆର) ହେଉଛି ଉତ୍ପାଦର ଜୀବନ ଚକ୍ର ଶେଷ ହେବା ପର୍ଯ୍ୟନ୍ତ ଏହାର ପରିବେଶ ନିମନ୍ତେ ପରିବେଶ ଅନୁକୂଳ ଭିତିରେ ପରିଚାଳନା ଜଣେ ଉତ୍ପାଦକଙ୍କର ଦାୟିତ୍ୱ । ଏହି ନିର୍ଦ୍ଦେଶାବଳୀ ଗୁଡିକ ପ୍ଲାଷ୍ଟିକ୍ ପ୍ୟାକେଜିଂ ବର୍ଜ୍ୟ ବସ୍ତୁର ବୃତାକାର ଅର୍ଥନୀତିକୁ ମଜଭୁତ କରିବା, ପ୍ଲାଷ୍ଟିକ୍ ପ୍ୟାକେଜିଂ ପାଇଁ ନୂତନ ବିକଳ୍ପର ବିକାଶକୁ ପ୍ରୋତ୍ସାହିତ କରିବା ଏବଂ ବ୍ୟବହାର ଦ୍ୱାରା ପରିପୋଷଣୀୟ ପ୍ଲାଷ୍ଟିକ୍ ପ୍ୟାକେଜିଂ ଆଡକୁ ଆଗେଇବା ପାଇଁ ଆଗୁଆ ପଦକ୍ଷେପ ପ୍ରଦାନ କରିବା ନିମନ୍ତେ ଏକ ଢାଂଚା ପ୍ରଦାନ କରିବ ।

ଅଣୁ, କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗ ୟୁନିଟ୍ ଗୁଡିକ ନିମନ୍ତେ ସାମର୍ଥ୍ୟ ନିର୍ମାଣ କର୍ମଶାଳା ଗୁଡିକର ଆୟୋଜନ କରା ଯାଉଛି, ଫଳରେ ସେମାନଙ୍କୁ ଅଣୁ, କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗ ମନ୍ତ୍ରଣାଳୟ ଏବଂ କେନ୍ଦ୍ରୀୟ ପେଟ୍ରୋକେମିକାଲ୍ସ ଇିଞ୍ଜିନିୟରିଂ ସଂସ୍ଥାନ (ସିଆଇପିଇଟି ) ଏବଂ ତାହାର ରାଜ୍ୟ କେନ୍ଦ୍ର ଗୁଡିକ ସହିତ ସିପିସିବି/ ଏସ୍‌ପିସିବି/ ପିସିସିର ଭାଗିଦାରୀରେ ନିଷେଧ କରା ଯାଇଥିବା ଥରେ ମାତ୍ର ବ୍ୟବହାର ଯୋଗ୍ୟ ପ୍ଲାଷ୍ଟିକ୍ ସାମଗ୍ରୀ ଗୁଡିକର ବିକଳ୍ପର ଉତ୍ପାଦନ ନିମନ୍ତେ ବୈଷୟିକ ସହାୟତା ପ୍ରଦାନ କରା ଯାଇ ପାରିବ । ନିଷିଦ୍ଧ କରା ଯାଇଥିବା ଥରେ ମାତ୍ର ବ୍ୟବହାର ଯୋଗ୍ୟ ପ୍ଲାଷ୍ଟିକ୍‌କୁ ବହିଷ୍କାର କରିବା କ୍ଷେତ୍ରରେ ଏହିଭଳି ଉଦ୍ୟୋଗ ଗୁଡିକୁ ସହାୟତା ପ୍ରଦାନ କରିବା ନିମନ୍ତେ ମଧ୍ୟ ବ୍ୟବସ୍ଥା କରା ଯାଇଛି ।

ନବସୃଜନକୁ ପ୍ରୋତ୍ସାହିତ କରିବା ତଥା ସମଗ୍ର ଦେଶରେ ତ୍ୱରିତ ପ୍ରବେଶ ଏବଂ ବିକଳ୍ପ ଗୁଡିକର ଉପଲବ୍ଧତା ନିମନ୍ତେ ପାରିବେଶିକ ବ୍ୟବସ୍ଥା ପ୍ରଦାନ କରିବା ନିମନ୍ତେ ଭାରତ ସରକାର ମଧ୍ୟ ପଦକ୍ଷେପମାନ ନେଇଛନ୍ତି ।

ଚିହ୍ନିତ କରା ଯାଇଥିବା ଥରେ ମାତ୍ର ବ୍ୟବହାର ଯୋଗ୍ୟ ପ୍ଲାଷ୍ଠିକ୍ ସାମଗ୍ରୀ ଗୁଡିକ ଉପରେ ୧ ଜୁଲାଇ ୨୦୨୨ରୁ ନିଷେଧାଦେଶର ପ୍ରଭାବଶାଳୀ କାର୍ଯ୍ୟାନ୍ୱୟନ ପାଇଁ, ଜାତୀୟ ତଥା ରାଜ୍ୟ ସ୍ତରୀୟ ନିୟନ୍ତ୍ରଣ କକ୍ଷ ଗଠନ କରାଯିବ ଏବଂ ଥରେ ମାତ୍ର ବ୍ୟବହାର ଯୋଗ୍ୟ ପ୍ଲାଷ୍ଟିକ୍‌ର ବେଆଇନ୍ ଉତ୍ପାଦନ, ଆମଦାନୀ, ଗଚ୍ଛିତ କରଣ, ବିତରଣ, ବିକ୍ରୟ ଏବଂ ବ୍ୟବହାରକୁ ଯାଂଚ କରିବା ପାଇଁ ସ୍ୱତନ୍ତ୍ର କାର୍ଯ୍ୟକାରୀ ଦଳ ଗଠନ କରାଯିବ । ନିଷିଦ୍ଧ କରା ଯାଇଥିବା ଯେ କୌଣସି ପ୍ରକାରର ପ୍ଲାଷ୍ଟିକ୍ ସାମଗ୍ରୀ ଗୁଡିକର ଆନ୍ତଃରାଜ୍ୟ ଚାଲାଣ ବନ୍ଦ କରିବା ନିମନ୍ତେ ସୀମା ଯାଂଚ ପଏଂଟ ସ୍ଥାପନ କରିବାକୁ ରାଜ୍ୟ ତଥା କେନ୍ଦ୍ରଶାସିତ ଅଂଚଳ ଗୁଡିକୁ କୁହା ଯାଇଛି ।

ପ୍ଲାଷ୍ଟିକ୍ ବିପଦକୁ ରୋକିବାରେ ନାଗରିକ ମାନଙ୍କୁ ସଶକ୍ତ କରିବା ପାଇଁ ସିପିସିବି ଗ୍ରିଭାନ୍ସ (ଅଭିଯୋଗ) ସମାଧାନ ଆପ୍ ଆରମ୍ଭ କରା ଯାଇଛି । ଜନସାଧାରଣଙ୍କ ନିକଟରେ ବ୍ୟାପକ ଭାବରେ ପହଂଚିବା ପାଇଁ ପ୍ରକ୍ରିତି (PRAKRITI) - ମାସ୍କଟ୍‌କୁ ମଧ୍ୟ ୫ ଏପ୍ରିଲ୍‌ରେ ଉନ୍ମୋଚନ କରା ଯାଇଥିଲା ।

ଥରେ ମାତ୍ର ବ୍ୟବହାର ଯୋଗ୍ୟ ପ୍ଲାଷ୍ଟିକ୍‌ର ବିଲୋପକରଣ କରିବା ଦିଗରେ ସରକାର ସଚେତନତା ସୃଷ୍ଟି କରିବା ପାଇଁ ପଦକ୍ଷେପ ଗ୍ରହଣ କରି ଆସୁଛନ୍ତି । ଏହି ସଚେତନତା ଅଭିଯାନରେ ଉଦ୍ୟୋଗୀ ତଥା ଷ୍ଟାର୍ଟଅପ୍‌, ଶିଳ୍ପ, କେନ୍ଦ୍ର, ରାଜ୍ୟ ତଥା ସ୍ଥାନୀୟ ସରକାର, ନିୟାମକ ସଂସ୍ଥା, ବିଶେଷଜ୍ଞ, ନାଗରିକ ସଙ୍ଗଠନ ସମୂହ, ଆର୍ ଆଣ୍ଡ ଡି ଏବଂ ଶୈକ୍ଷିକ ଅନୁଷ୍ଠାନ ଗୁଡିକ ଏକାଠି ହୋଇଛନ୍ତି ।

ମନ୍ତ୍ରଣାଳୟର ଏହା ବିଶ୍ୱାସ ରହିଛି ଯେ, ହିତାଧିକାରୀ ମାନଙ୍କର ପ୍ରଭାବଶାଳୀ ଯୋଗଦାନ ଏବଂ ମିଳିତ କାର୍ଯ୍ୟ ତଥା ଉତ୍ସାହର ସହିତ ଭାଗିଦାରୀତା ଦ୍ୱାରା ଏହି ନିଷେଧାଦେଶର ସଫଳତା ସମ୍ଭବପର ହୋଇ ପାରିବ ।