20/04/2024
#लक्ष्मी_हरि_स्मृति_उपन्यास_सम्मान_2024_लेल
#उपन्यासक_पांडुलिपि_सादर_आमंत्रित
“लक्ष्मी-हरि स्मृति उपन्यास सम्मान 2024" लेल अंतिका प्रकाशन दिस सँ मैथिली मे मौलिक-अप्रकाशित उपन्यासक पांडुलिपि सादर आमंत्रित अछि। एहि सम्मानक शुरुआतक पाछाँ उद्येश्य मूलतः मैथिली मे उपन्यास-लेखन केँ प्रोत्साहित करबाक दिशा मे एक टा विनम्र प्रयास थिक। एहि सँ पहिने ई सम्मान 2021 मे सच्चिदानंद सच्चू कें 'लालटेनगंज' उपन्यास लेल, 2022 मे विभा रानी कें 'कनियाँ एक घुँघरुआवाली' उपन्यास लेल देल गेलनि। गत वर्ष 2023 मे कोनो पांडुलिपि केँ योग्य नहि पाओल गेला पर तीन सत्र मे उपन्यास केंद्रित एक टा सेमीनार केर आयोजन कयल गेल छल। आगामी आयोजन लेल रचनाकार लोकनि सँ विनम्र आग्रह जे ून_2024 धरि अपन पांडुलिपि अंतिकाक ई-मेल अथवा डाक पता पर पठाबी।
सम्मान सँ सम्बन्धित नियम आ शर्त :
1. उपन्यास मूलतः मैथिली मे हो आ स्तरीय हो। कम सँ कम चालीस हजार शब्दक हो।
2. पांडुलिपि वर्ड फाइल आकि पेजमेकर मे टंकित हैब बेसी नीक। टंकित पांडुलिपि ईमेल करी। हस्तलिखित पांडुलिपिक फोटो प्रति विशेष स्थिति मात्र मे स्वीकार्य होअत--फोटो कॉपी साफ आ पढ़' मे सुविधाजनक होइ आ से तीन सेट मे रहय आ ओहि पर पहिल पन्ना के अतिरिक्त कतहु नाम नहि हो।
3. सम्मानक घोषणा 9 अगस्त केँ (महालक्ष्मी जीक पुण्यतिथि पर) कयल जायत आ सम्मान अर्पण सह पुस्तक विमोचन कार्यक्रम 28 सितंबर केँ (हरिदास जीक पुण्यतिथि पर) सम्पन्न हैत।
4. पांडुलिपि प्रकाशित करबाक अधिकार ‘अंतिका प्रकाशन’क पक्ष मे रहत आ प्रकाशित पुस्तकक लेखकीय छह प्रतिक संग एगारह हजार टाका, 28 सितंबरक सादगीपूर्ण सम्मान समारोह सह विमोचन कार्यक्रम मे लेखक केँ स्मृति चिह्न, मानपत्र आ अंग वस्त्र संग देल जयतनि।
5. कार्यक्रम (सम्मान-समारोह सह विमोचन) सामान्यतः चनौरा गंज (झंझारपुर, मधुबनी) अथवा नई दिल्ली मे होयत। विशेष स्थिति मे आयोजक स्थान परिवर्तन क' सकैत अछि।
6. कार्यक्रम मे अबै-जाइक मार्गव्यय आ अन्य व्यवस्था आयोजक करत।
7. सम्मानक अंतिम निर्णय तीन सदस्यीय चयन-समितिक हैत। ओहि पर कोनो विवाद मान्य नइँ।
8. सम्मानित कृतिक अतिरिक्त जँ बाकी पांडुलिपि प्रकाशन योग्य हैत तँ ओकरो प्रकाशनक पहिल अधिकार अंतिकाक हैत।
9. विशेष स्थिति मे जँ एक संग दू गोट कृतिकारक रचना एक पर एक होइ आ एक टा केँ खारिज करब कठिन, तँ ओहि स्थिति मे दुनू केँ संयुक्त रूप सँ पुरस्कृत कयल जायत। तहिना यदि कोनो वर्ष कोनो कृति सम्मान योग्य नइँ रहत तँ ओहि वर्ष सम्मान कार्यक्रम स्थगित रहत, मुदा उपन्यास केंद्रित विमर्श होयत।
10. ई सम्मान प्रति वर्ष एही तिथि-क्रम मे सम्पन्न करबाक प्रयास रहत।
11. एहि सम्मानक प्रायोजक छथि डॉ. प्रोमिला आ डॉ. श्रीधरम।
पांडुलिपि सभक प्रतीक्षा अछि।
आयोजक
अंतिका प्रकाशन प्रा लि
सी-56/यूजीएफ-4, शालीमार गार्डन एक्सटेंशन-2,
गाजियाबाद-201005
ईमेल : [email protected]
दूरभाष : +91-9874856053
