পৰিচয়

01/11/2021

Registration open.

...

...

Dear Aspirants, Honourable Judges, Esteemed Guests and fellow Team Members: Mark your dates for the most anticipated event this winter season... NORTHEAST MARVELLOUS 2K21

:

06/09/2021

Dear Aspirants, Honourable Judges, Esteemed Guests and fellow Team Members!

Keeping in mind the present COVID Scenario and suggestions from You all, the Organizing Committe of NorthEast Marvellous has decided to POSTPONE NEM 2K21 (Season 1).

The new date for NEM 2K21 is

10/01/2021

Buku hom hom kore/ Dil hoom hoom kare
Bahir matot..
https://youtu.be/5ymJ0uEOvys

22/07/2020

26/05/2020

যেতিয়া এজন ইমানদাৰী ৰিক্সাৱালাৰ দিলটো ভাগে।
শুনকচোন কি কয়।

21/05/2020

শৈশৱ কাললৈ মনত পৰেনে???
শেষৰ অংশৰ সোৱাদটো মিছ্ নকৰিব, প্ৰাকৃতিক সৌন্দৰ্য্যৰে ভৰপূৰ এটি সুন্দৰ কবিতা।
Like আৰু share কৰি উদগণি যোগাই যেন।
For best quality: https://youtu.be/Zpi_Dh8H_KE

17/05/2020

*পৰিচয়* গোটৰ দ্বাৰা আয়োজিত অনলাইন স্বৰচিত কবিতা পাঠ প্ৰতিযোগিতাৰ ফলাফল:

প্ৰতিযোগী নং ১৪
ঋতুপৰ্ণা শৰ্মা
কবিতা: গতানুগতিক
আৰু
প্ৰতিযোগী নং ১৭
প্ৰাঞ্জল প্ৰাণ
কবিতা: সময় আৰু তুমি
___________

*বিচাৰকৰ মন্তব্য:*
মুঠ ২৮ জন প্ৰতিযোগীৰ অংশগ্ৰহণ সঁচাকৈয়ে উৎসাহজনক। সৰ্বত্ৰ লকডাউন হ'লেও প্ৰকৃতি আৰু মানুহৰ মন ইয়াৰ পৰা সদা মুক্ত। সেয়ে সৃষ্টিশীলতাৰে মানুহে সাজি ল'ব পাৰিছে ইতিবাচক পথ। ক'ভিদ আক্ৰান্ত সমাজৰ বেয়া খবৰৰ ভিৰতো আমি ব'হাগৰ বৰষুণত গজি উঠা ন-গজালিৰ দৰে এঙামুৰি দি দীঘল উশাহ ল'ব পাৰিছোঁ। এনে পৰিৱেশ সাজি দিয়াৰ বাবে *পৰিচয়* গোট শলাগৰ পাত্ৰ।

মুঠ ২৮ জন প্ৰতিযোগীৰ শিশু দুগৰাকীৰ অংশগ্ৰহণে সুনিশ্চিত কৰিছে তেওঁলোকৰ সৃজনীশীল ভৱিষ্যত। 'মন যায়' কবিতাৰে আৰম্ভ হোৱা এই যাত্ৰা অবিৰত হওঁক। তেওঁলোক দুয়োজনলৈ আমাৰ স্নেহাশীষ থাকিল।
বিচাৰ কৰিবলৈ যাওঁতে কবিতাটিৰ সাহিত্যিক মান আৰু পঠনশৈলী, দুয়োপিনে চকু ৰাখিবলগীয়া হৈছে। কোনোবাই যদি ভালকৈ পাঠ কৰিছে, বিপৰীতে দেখিছোঁ কবিতাৰ গাঁঠনি শিথিল। আনহাতে তাৰ বিপৰীতো দেখিছোঁ। কাৰোবাৰ আকৌ কণ্ঠ ভাল যদিও উচ্চাৰণ বৰ বেয়া। (আবৃত্তিত কণ্ঠৰ মানেই সকলো নহয়)।

এই ফলাফল ঘোষণাৰ ২৪ ঘণ্টাৰ পিছত বিচাৰকে গোট এৰিব। এই সময়চোৱাৰ ভিতৰতে কাৰোবাৰ কিবা সুধিবলগীয়া থাকিলে সুধিব পাৰে।

ধন্যবাদ,
বিচাৰকদ্বয়
ভাস্কৰজ্যোতি আচাৰ্য্য,
কাৰ্বি চলিহা
(RJ Manjistha)
🙏🏻

15/05/2020

কেতিয়াবা কেতিয়াবা সহজ সৰলকৈয়ে কৈ দিয়া কথাখিনিৰো যে কিমান গভীৰতা থাকিব পাৰে!!!
শুনকচোন তেনেকুৱা এটি কবিতা।
কথা ও কণ্ঠ: মধুস্মিতা দাস।

12/05/2020

A very peaceful song. Must listen to it.
Title:Khoya khoya
Music: VS music
Original Composition by: Sawan Sarkar
YouTube link : https://youtu.be/qM8IjvPKQuc

12/05/2020

পোনপ্ৰথমে "পৰিচয়" পেজৰ সৈতে জড়িত থাকি "স্বৰচিত কবিতা পাঠ" প্ৰতিযোগিতাটিক সুকলমে আগবঢ়াই নিয়াত সহায় কৰা সমূহ ব্যক্তিকে আন্তৰিক ধন্যবাদ জ্ঞাপন কৰিলোঁ । লগতে ধন্যবাদ জ্ঞাপন কৰিলোঁ, আমাৰ বিচাৰক মণ্ডলি- ভাস্কৰ জ্যোতি আচাৰ্য্য ডাঙৰীয়া, আৰ. জে. মনজিষ্ঠা বাইদেউ, বিশেষ অতিথি- আৰ. জে. অংগৰাগ ডাঙৰীয়া, ইন্দ্ৰানী শৰ্মা বাইদেউ, ৰিদিপ কলিতা ডাঙৰীয়া, কুঞ্জ মোহন ৰায় ডাঙৰীয়া, সমূহ প্ৰতিযোগি আৰু লগতে আমাৰ শ্ৰোতা-দৰ্শকসকলক ।
"পৰিচয়"ৰ পৰিচালনাৰে আমি পোনপ্ৰথমবাৰৰ বাবে "স্বৰচিত কবিতা পাঠ" প্ৰতিযোগিতা এখনি আয়োজন কৰিছিলোঁ আৰু এই প্ৰতিযোগিতাখনিয়ে নভবাকৈয়ে আমাক এটি বিশেষ অনুপ্ৰেৰণা জগাইছে সেইটো হ'ল, বহু সংখ্যক প্ৰতিযোগিয়ে জনোৱা মতে তেওঁলোকে পোনপ্ৰথমবাৰৰ বাবে এনেকুৱা ধৰণে নিজৰ কবিতাক পাঠ কৰি video আকাৰে প্ৰকাশ কৰিবলৈ সাহস কৰিছে । পৰোক্ষভাৱে হ'লেও তেওঁলোকৰ এই পদক্ষেপত আমাৰো যেন অকণমান অৱদান আছে, সেই ভাবটোয়ে আমাকো অনুপ্ৰাণিত কৰিছে । ভবিষ্যতে যাতে এনেদৰেই আনক সাহস দিব পৰা পদক্ষেপ ল'ব পাৰোঁ তাৰবাবে আপোনালোক সকলোৰে সহায়-সহযোগিতা কামনা কৰিলো কাৰণ আমাৰ এই পেজটিৰ নাম "পৰিচয়" হোৱাৰ মুখ্য উদ্দেশ্যই হৈছে, "সুপ্ত প্ৰতিভাক পৰিচয় দিয়া ।"
লগতে আপোনালোকক জনাবলৈ বিচাৰিছো যে, উক্ত প্ৰতিযোগিতাটিৰ ফলাফল অহা ৰবিবাৰ (১৭ মে') বিয়লি ৬ বজাত আমাৰ এই "পৰিচয়" পেজত ঘোষণা কৰা হ'ব ।
ধন্যবাদ ।

10/05/2020

"পৰিচয়" পৰিচালনাৰে স্বৰচিত কবিতা পাঠ প্ৰতিযোগিতাৰ, প্ৰতিযোগি নং- ২৯
উলুপী দত্ত কলিতা।
গুৰুগ্ৰাম
হাৰিয়ানা

কবিতা: পৃথিৱীৰ অসুখ
আৱদ্ধ উশাহৰ কোলাহলত
সময়ে উচূ্পি উঠে।
নিয়তিৰ তীক্ষ্ণ চাৱনি,
কঁপি উঠে দিশহাৰা জীৱন।
প্ৰাচুৰ্য, বিভূতি, অহংকাৰ আজিচোন ধূলিৰ স'তে একাকাৰ।
বতাহত প্ৰকৃতিৰ হুমুনিয়াহ।
আজি পৃথিৱীৰ অসুখ!
আকাশে আশা দিয়ে।
মৰমেৰে পৃথিৱীক বুজাই।।
দুদিন ৰ'বা হাঁহিবোৰ পুনৰ ওভতি আহিব।
পুনৰ খৰিকাজাইৰ সুবাসেৰে আমোলমোলাব নতুন দিনৰ
নতুন মন বোৰ।

10/05/2020

"পৰিচয়" পৰিচালনাৰে স্বৰচিত কবিতা পাঠ প্ৰতিযোগিতাৰ, প্ৰতিযোগি নং- ২৮
নাম- ৰূপাঞ্জলী দাস
ঠিকনা- খাৰঘুলি, বেলৰতল।

"দেউতা"

২০১৯ ইং চনৰ ১৯ ফেব্ৰুৱাৰী, সেই দিনটো ভাবিলে যেন বুকুখন কপি উঠে অ দেউতা।
বগা চাদৰৰে মেৰিয়াই অনা তোৰ মৃত দেহটো, হথাৎ ভাবিব নোৱাৰা একুৰা জুই যেন আমাৰ মাজত দপ দপকৈ জ্বলি উঠিছিল।
দেউতাৰ জীৱনৰ অবসাৰ লোৱা, ভাগৰুৱা মৃতদেহটো দুটুকুৰা বাহৰ মাজত আছিল শ্মশান যাত্ৰা।
নৱগ্ৰহ শ্মশানৰ ৫ নং চিটাৰ অসাধাৰণ বিছনাখনত, চণ্ডালে বাৰে বাৰে হানি খুচি পঞ্চভূতত বিলীন কৰি দিছিল অ দেউতা।
সেইদিনটো বৰকৈ মনত পৰে অ দেউতা...... অ দেউতা।

10/05/2020

"পৰিচয়" পৰিচালনাৰে স্বৰচিত কবিতা পাঠ প্ৰতিযোগিতাৰ, প্ৰতিযোগি নং- ২৭
নাম- নৱনীতা বৰা
ঠিকনা- লক্ষীমপুৰ জিলা,নাৰায়ণপুৰ(অসম)

কেনেকৈ বাৰু বুজাওঁ তোমাক?

হৃদয় গহ্বৰত কত যে অনামা ঢৌ তোমাৰ বাবে…
কেনেকৈ বাৰু বুজাওঁ তোমাক?
তুমি তুমি লগা সময়বোৰত গাভৰু হৈ উঠে শাওনৰ পথাৰ…চঞ্চলা হৈ পৰে তোমাৰ এই প্ৰেমিকা…
মেঘৰ ভাঁজতো আঁকে তোমাৰেই ছবিখনি,সংগোপনে…
তুমি জানো নুবুজা?

দৰকাৰ হ'লে হৃদয়খনৰ দৰেই দি দিম জীৱনটোও
মাথো তুমি মোৰ হৈ ৰোৱাৰ বিনিময়ত…।
লাগিলে ময়েই হ'ম আন্ধাৰ…তুমি হ'বা পোহৰৰ বৰ্ণমালা…
তথাপিও কপালখন সেন্দুৰীয়া কৰিব খোজো
তোমাৰ নামৰ সূৰুযৰঙী বিথীকাৰে…।

10/05/2020

"পৰিচয়" পৰিচালনাৰে স্বৰচিত কবিতা পাঠ প্ৰতিযোগিতাৰ, প্ৰতিযোগি নং- ২৫
নাম- প্রিয়ংকা নাথ |
ঠিকনা- চাংসাৰি
ডাকঘৰ+থানা- চাংসাৰি
জিলা- কামৰূপ, অসম
পিন- ৭৮১১০১

*কবিতাৰ শব্দ*

কবিতা এটি লিখিম.. শুনিবনে?
শব্দৰ কিছু নাটনি হ'ব পাৰে,
অৰ্থৰ কিছু ওলট-পালট হ'ব পাৰে..
বুজি বাৰু ল'বনে?
সৌ দূৰণিৰ পাহাৰখনিলে চালেই মনত নানা শব্দৰ জোৱাৰ উঠিছিল |
কলম ধৰিলেই কলমৰ নিবত শব্দবোৰে তাল মান ৰাখি নাচি উঠিছিল |
সেয়া আছিল অতীত !
সেই নিব আজি এটা জেগাতেই স্তব্ধ |
এয়া হ'ল বৰ্তমান !
আৰু এয়াই মোৰ আজিৰ কবিতা |

10/05/2020

"পৰিচয়" পৰিচালনাৰে স্বৰচিত কবিতা পাঠ প্ৰতিযোগিতাৰ, প্ৰতিযোগি নং- ২৪

অনিমেষ সেন
সৰুপথাৰ, গোলাঘাট, অসম

উতলা ফাগুন

পচোৱাৰ বেগত আমৰ মল
চোতালত সৰি পৰি
ৰজন জনাই উঠিছে।

ফাগুনৰ পচোৱা জাকে
হেপাঁহ পলুৱাই গতি কৰিছে
এঠাইৰ পৰা সিঠাইলৈ,
বতাহৰ ঢৌবোৰে মনবোৰ চুই
চঞ্চল কৰি তুলিছে।

তোমাৰ কথা মনত পৰিছে
তোমাৰ তিতা চুলিৰ সেমেকা গোন্ধ
বতাহত বিয়পি পৰিছে
ফাগুনে আমনি কৰিছে
তোমালৈ মনত পৰিছে।

10/05/2020

"পৰিচয়" পৰিচালনাৰে স্বৰচিত কবিতা পাঠ প্ৰতিযোগিতাৰ, প্ৰতিযোগি নং- ২৩
নাম- লক্ষী ফিল'বাৰী
ঠিকনা- গুজৰাট ।

"সুঁতি"

মনৰ নিৰ্জন কোঠাত মোৰ
বহুত সংলাপৰ সোঁত!
মোকতুল মোকতুল কৰা
ফাগুনৰ হিমশীতল সমলয়‌।
তোমাৰ পলাশী ওঁঠত
সেইয়া কিহৰ হাঁহিৰ সঁফুৰা!
তোমাৰ গোলাপী গালত
থুপি থুপি মুকুতাৰ ঘাম!!
চিৰযৌৱনে আমনি কৰা
তোমাৰ বুকুত
কি যে লাস্যময়ী আৱেদন!!

চকুত তোমাৰ সপোনৰ মায়া,
নিশাহত যেনফুলৰ ৰেণুৰ
সুৰভিৰে পূৰ মৃদু বা!!
জালিকটা চুলিটাৰিত
কোনে সানি দিলে
ৰাতিৰ বৰ্ণিল সুষমা!
কেতিয়ানো শিকালে কুলিটিয়ে
মন কিবা কৰা উৰুঙা মাত

তোমাৰ নিপোটল বুকু
লাটুমণি ওঁঠ সুৱগাচৰা
ডালিমগুটীয়া দাঁত।
স্বপ্নাহত মোৰ
জীৱন নাটৰ অনুৰাগ!
সহস্ৰ সুষমাৰে
বাউলী কৰা জ্যোতি,
তুমি মোৰ কবিতাৰ
একো একোটি সুঁতি।।

10/05/2020

"পৰিচয়" পৰিচালনাৰে স্বৰচিত কবিতা পাঠ প্ৰতিযোগিতাৰ, প্ৰতিযোগি নং- ২২
নাম- দীপিকা দেৱী কলিতা
পো:অ:-বামুনীমৈদাম
জৌতিনগৰ, (ইন্দ্ৰপুৰ )
গুৱাহাটী -781021

প্ৰস্তৰ যুগৰ অৱতৰি
******************
দীপিকা দেৱী কলিতা
================

সপোনত ভাঁহি থকা
পখৰা পাখৰি ভবিষ্যতৰ
দিনবোৰ গনি গনি লালকাল
আঠুত মুখ গুজি গুজি ।

সপ্তৰ্ষি মন্ডলৰ
গ্ৰহ বিচাৰে/সলাব নোৱাৰা
জীৱন পৰিক্ৰমা
ভোক আৰু পিয়াহৰ দলিলত
আধুনিকতাৰে স্বাক্ষৰ নোহোৱা
তেওলোক প্ৰস্তৰ যুগৰ অৱতৰি।
××××××××