29/08/2022
डा. मिचुङ भोटियाको पोस्टको विरोधमा जर्नलिस्ट यूनियन अफ सिक्किम
सिक्किम डेमोक्रेटिक फ्रण्ट (एसडीएफ) पार्टीका सदस्य तथा पूर्व विधायक डा. मिचुङ भोटियाले आफ्नो आधिकारिक फेसबुक पेजमा एउटा पोस्ट साझा गर्दै सिक्किमका पत्रकारहरूलाई हल्ला गर्ने एउटा माध्यमको रूपमा जनता समक्ष प्रस्तुत गर्ने प्रयास गरेका छन्। उनले मुख्यमन्त्रीको मुम्बई भ्रमणमा पत्रकारहरूलाई उनको राजनीति प्रेरित पोस्टमा मुछ्नु दुर्भाग्यपूर्ण कुरा मान्छौं। डा. मिचुङ भोटियाको यस लेखले सिक्किमका श्रमजिवी पत्रकाहरूको छविमा चोट पुग्न गइरहेको हामीलाई महसूस भएको छ। अर्कोतिर लगभग 98 प्रतिशत फिल्डमा खट्ने सिक्किमका पत्रकारहरू आज पनि सिक्किममै रहेर काम गरिरहेका छौं। उनले यसरी कसैको व्यक्तिगत भ्रमण या केही चुनिन्दा पत्रकारहरूको भ्रमणमाथि टिप्पणी गरेर आज सिक्किमका सबै पत्रकारहरूलाई बद्नाम गर्ने कार्यको हामी विरोध गर्दछौं। अर्कोतिर डा. मिचुङ भोटियाले यो पनि बताउनुपर्यो कि उनले कुन आधारमा सिक्किममा पत्रकार छैनन् भन्ने कुरा उल्लेख गरेका हुन्? के पत्रकारहरूलाई कसैको ढलाईको हल्ला गर्ने व्यक्तिसँग तुलना गरेका हुन्? डाक्टर मिचुङ भोटियाले यसमाथि आफ्नो सफाई दिँदै जर्नलिस्ट यूनियन अफ सिक्किम प्रति माफी माग्नुपर्छ।
-सुजल प्रधान
महासचिव
जर्नलिस्ट यूनियन अफ सिक्किम
