17/01/2024
2015 ൽ വിസിറ്റ് വിസായിൽ ഒസ്ത്രേലിയയിൽ എത്തിയ നാല് ശൂശ്രൂഷകന്മാർ.. ഇതിൽ മൂന്നാമത് നില്കുന്ന പാസ്റ്റർ പി എ ഏബ്രഹാം ഇന്നലെ നിത്യതയിൽ പ്രവേശിച്ചു. ഇന്ന് രാവിലെ കോട്ടയത്ത് സുവാർത്താ ചർച്ചിന്റെ ആഭിമുഖ്യത്തിൽ കർതൃദാസന് ഉചിതമായ യാത്രയയപ്പ് നൽകുന്നു. സ്നേഹം തുളമ്പൂന്ന അദ്ദേഹത്തെ മെൽബനിൽ വച്ചാണ് പരിചയപ്പെടുന്നത്. അദ്ദേഹത്തിന്റെ മകൻ വിപിൻ ഏബ്രഹാം മെൽബനിൽ ദീഘ നാളുകളായി കർത്താവിന്റെ സാക്ഷിയായി പ്രവർത്തിക്കുന്നു. പാപ്പച്ചൻ എന്നും കൂടി പേരുള്ള പാസ്റ്റർ ഏബ്രഹാമിനെ കണ്ടു മുട്ടിയ നാൾ മുതൽ സ്നേഹത്തിന്റെ ഊഷ്മളമായ ബന്ധംഞങ്ങൾക്കിടയിൽ ഉണ്ടായി എന്നത് നന്ദിയോടെ ഓർക്കുന്നു. അദ്ദേഹത്തിന്റെ കോട്ടയത്തുള്ള സുവാർത്താ ചർച്ചിൽ ശുശ്രൂഷയ്ക് അവസരം ലഭിച്ചതും ഈ സന്ദർഭത്തിൽ സ്മരിക്കുന്നു. സുവാർത്താ സഭയുടെ സുഗമമായ വളർച്ചയ്ക്കും സുവിശേഷത്തിന്റെ വ്യാപ്തിക്കും അദ്ദേഹത്തിന്റെ നിസ്വാർത്തമായ സേവനം വിലപ്പെട്ടതാണ്. സ്നേഹത്തിന്റെ നിർമ്മല ഭാവവും സഹനത്തിന്റെ ഭവ്യഭാവവും നിറഞ്ഞു തുളുമ്പുന്ന കർതൃദാസന് സകല ബഹുമാനത്തോടും കൂടി വിട പറയുന്നു. ദുഃഖത്തിലായിരിക്കുന്ന അമ്മാമ്മയേയും മക്കളേയും കുടുംബാംഗങ്ങളേയും വിശ്വാസി സമൂഹത്തേയും ദൈവം തന്റെ ആശ്വാസവും സമാധാനവും കൊണ്ട് നിറയ്ക്കട്ടെ.