06/09/2021
দেশৰ ৬০তম পৱিত্র শিক্ষক দিৱস উপলক্ষে লিখা এয়া এটি কবিতাৰ ৰূপ দিয়াৰ প্রয়াস মাথো | মোৰ চিৰ পূজনীয় শিক্ষাগুৰুসকলৰ অসীম ত্যাগ আৰু বলিদানৰ পুণ্য স্মৃতিত |
**তুমি শিক্ষক**
**** **** ****
তুমি শিক্ষক ! জাতিৰ পথ প্রদৰ্শক ,
এন্ধাৰক পোহৰাই তোলা, এগছি প্ৰজ্জ্বলিত বন্তি |
তুমি প্রকৃত কিংম্বদন্তি |
বোকাত পদুম ফুটুৱা ,
অন্ধক চকু দান কৰা |
পঙ্গুক অঙ্গ দান কৰা |
দান কৰা বিদ্যাৰ দৰে মহাধন |
তুমি খনিকৰ মহান |
তুমি শিক্ষক ! তুমি দেশৰ ভৱিষ্যৎ ,
তুমি তিমিৰৰ বন্তি, তুমি প্রগতিৰ ক্রান্তি |
বিনাশ কৰা তুমি সমাজৰ অসুৱা, দানৱ অসৎ ! জীপাল কৰি তোলা মৰুময় ধৰা |
অলেখ ঘাত-প্রতিঘাত নেওচি সফল হোৱা,
চঞ্চল ও অশান্ত সাগৰৰ এগৰাকী পাকৈত নাৱিক |
নীৰৱ ৰাতিৰ জাগ্রত প্রহৰী তুমি |
তুমি শিক্ষক ! তুমি ঐক্য-প্রগতিৰ বাহক ,
দেশৰ মুখ্য পৰিচালক | উজ্বলাই তোলা জগত তোমাৰ পোহৰত , মমে নিজে গলি আনক পোহৰাই তোলাৰ দৰে তুমি নিজকে বিলীন কৰি আনক জ্ঞানৰ পোহৰ বিলাই ভাল পোৱা |
বঞ্চিতজনক কোলাত তুলি লোৱা তুমি |
তুমি শিক্ষক ! তুমি শান্তি-সমৃদ্ধিৰ দূত,
তোমাৰ ৰঙা চকুৰ ভয়ত পলায় কত দেও-ভূত |
জাতি-ধৰ্ম-বৰ্ণ নিৰ্বিশেষে বিলাই দিয়া
তোমাৰ জ্ঞানৰ জ্যোতি |
নাই কোনো ভেদা-ভেদ তোমাৰ চকুত |
আনকি জীৱচৰিত্ৰকো গঢ় দিয়া
তুমি মনুষ্যত্বৰ উন্নত চৰিত্ৰলৈ |
বাহ্যিকত তুমি বৰ নিষ্ঠুৰ কিন্তু তুমি
কঠোৰ অনুশাসনৰ গৰাকী |
তোমাৰ গৰ্জনত ভোক-অলসতা পলায়, নিদ্রা হৰে | আকৌ তুমি দয়া ও মৰমৰ সাগৰ ,
তোমাৰ পৰশত পাথৰ গলে, নিদ্রামগ্ন জননীৰ কোলত যেন ৰজনী কাটে |
দেশ মাতৃৰ অলেখ সৈনিক তোমাৰ পৰশত জাগে |
তুমি শিক্ষক ! তুমি অভিভাৱক , তুমি ৰদ-বৰষুণৰ সময়ৰ ছাতি, অন্ধৰ লাখুটি,
তুমি যুদ্ধ ক্ষেত্রৰ তৰোৱাল |
ৰোগ-ব্যাধিকো নেওচি দিয়া পাঠদান ,
তুলনাহীন তোমাৰ বলিদান |
তুমি দিয়া জ্ঞান-বিদ্যাৰ নিখুঁত নয়ন,
কৰ্ণ আৰু এখনি জিভা |
তোমাৰ পদ-ধুলি আমাৰ জীৱন বেহাৰ সম্বল |
তুমি মহান, কদাচ শুজিব নোৱাৰো
তোমাৰ অকণো ঋণ, কৰিও গোটেই জীৱন সাধন |
তুমি শিক্ষক ! তুমি চিকিৎসক,
তুমি পণ্ডিত-দাৰ্শনিক-ৰাজনীতিক,
তুমি ৰাষ্ট্র নায়ক, তুমি জাতিৰ মেৰুদণ্ড |
তুমি দেশৰ অক্লান্ত সৈনিক, একনিষ্ঠ সেৱক |
তুমিয়েই হ'লা - ডক্তৰ সৰ্বপল্লী ৰাধাকৃষ্ণন |
*** *** *** *** *** ***
🙏হিফজুৰ ৰহমান 🙏 ৰৌয়াৰ পাৰ; ডবকা (হোজাই) | দিনাঙ্ক : ০৫/০৯/২১ ইং |