13/10/2023
Madras Christian College
Alumni Association
Mizoram Chapter Meet
October 13, zan hian Madras Christian College Alumni Association, Mizoram Chapter Meet chu Aijal Club-ah neih a ni. He hun hi ni thum chhung cham tura Mizoram lo tlawhtu Dr. P. Wilson, Principal leh Dr. Surendran Purushotham, Director, School of Continuing Education chuan an hmanpui a ni.
Alumni Meet hi Dr. Steven Lalsangliana'n kaihhruaiin, Rev. Lalrokhuma Hmar (Associate Chaplain 2013-2016) chuan hunserh a hmang a. Zai mawi tak leh mi hrang hrang hnen aṭangin thusawi ngaihthlak a ni.
Dr. P. Wilson, Principal hnen aṭangin MCC dinhmun leh hmasawnna hnathawh hrang hrang ngaihthlak a ni a. MCC Alumni Association, Mizoram Chapter chu India Hmarchhak States zinga Alumni Official Chapter hmasa ber atan a puang a. A kaihhruaina hnuaiah Mizoram Chapter hruaitute thlan chhuah nghal a ni. Hetiangin:
President: Lalzarliana Renthlei
Vice President: K. Lalhmangaihzuala
Secretary: Dr. Steven Lalsangliana
Treasurer: Zonunsangi
Inthlanna neih zawhah hian zanriah tui tak kîlho nghal a ni.
