MH28.in-Buldana News

01/01/2024

आपल्या MH २८.in च्या व्हाट्सअँप चॅनल ला जॉईन होण्यासाठी खालील लिंकवर क्लिक करा.

https://whatsapp.com/channel/0029VaG5Kc8EFeXopw2O8u3T

01/01/2024

सोशल मीडियाला सरकार अंकुश का लावत नाही ?

नमस्कार मित्रानो, नवीन वर्षाच्या हार्दिक शुभेच्छा द्यावं लागेलच कारण इंग्रजी वर्ष नाही म्हटलं तर आपण व्यवहारात आणलंय आणि त्यामुळे शुभेच्छा द्याव्या लागतील. आपण राज्यात जुने सरकार अनुभवले आणि आता नवीन सरकारचा कार्यकाळ सुद्धा बघतच आहोत. आजच्या टेक्नॉलॉजीच्या युगात लगेच कुठं काय घडामोडी होतात हे लगेच कळतात. त्यामुळेच सोशल मीडिया ही आपल्याला सर्व दाखवत असतेच हवं ते आणि नको ते जबरदस्ती दाखवते. मोबाईल हातात घेतला की आवश्यकता नसताना जबरदस्तीने नको ते विडिओ , रील समोर येतात. स्वयंघोषित सेलिब्रिटी आपलं ज्ञान पाजळतांना दिसतील किंवा एखादी तरुणी नको ते चाळे करतांना दिसतील म्हणजे दिसतील. आपलं वय काय आणि आपण समाजात राहतो ह्याच जराही भान न बाळगता आजचा युवावर्ग मोबाईल चा कॅमेरा ऑन करून जगासमोर आपल्या कला जबरदस्तीने इतरांना पाहायला भाग पाडतो आणि मग त्याची लायकी किंवा ट्रोलिंग कॉमेंट बॉक्स मध्ये होते ; तो भाग वेगळा!

नक्की स्वतः च्या आयुष्याचं काय करायचं ? हे काही माहिती नसतांना किंवा आपल्या आयुष्य हे ह्या आभासी जगा पलीकडे सुद्धा आहे ह्याची जाणीव आजकाल युवकांना काय मोठ्याना सुद्धा नाही आहे. अनेक वेळा भलतेच mms, खाजगी विडिओ लीक होतात आणि मग तक्रार, आत्महत्या असे प्रकार दिसून येतात. म्हणजे काय तर आजच्या पिढीला उचित काय आहे ह्याचं ज्ञान देणारा कुणी नाही. दुसरं म्हणजे प्रशासन/ सरकार ह्यांना अजूनही ह्याच गांभीर्य कळालेले नाही म्हणून सरकार नेमकं काय करतंय आणि काय करायला पाहिजे ? हा प्रश्न निर्माण होतोय.

फक्त इकडचे आमदार तिकडे पळवणे, सत्तेची भूक आणि इतर तत्सम गोष्टी करतांना जनतेसाठी, युवा वर्गासाठी काय द्यावं आणि काय नकॊ? हा विचार करायला त्यांच्याकडे वेळेचा अभाव आहे कारण बाकी गोष्टींमधून वेळ मिळेल तर ना !

सोशल मीडिया नावाच्या राक्षसाला वेळीच प्रतिबंध घालणे आवश्यक आहे. काय पोस्ट करावे आणि काय करू नये ह्यावर वचक असला पाहिजे. समाजाला बाधा पोहोचवतील, व्यक्ती अथवा समाज आणि धर्मात द्वेष निर्माण करणारे अकाउंट बंद करणे. खोट्या अफवा पसरवणाऱ्या लोकांना शिक्षा देणे यांसारख्या अनेक बाबींवर लक्ष देणे आवश्यक आहे. कमाल आहे की कुठलाही समाजसेवक अथवा राजकीय व्यक्ती ह्यावर काही बोलत नाही अथवा ह्यावर विधानसभेत सुद्धा चर्चा झालेली नाही. बहुतेक कुणालाही ह्या गोष्टीचं गांभीर्य कळलं नसेल. निदान हि पोस्ट प्रकाशित होईपर्यंत तरी कुणाला ह्या विषयातील गांभीर्य अथवा ह्यावर ऍक्शन घेण्याची इच्छा नाही. भविष्यात ह्यांवर चर्चा होईल अशी सकारात्मक अशा ठेवूया.

असो, पुन्हा भेटूया! बरं नवीन वर्षाच्या भरभरून शुभेच्छा "गुडीपाडव्या" ला देणार.

07/12/2023

MH28.in चे व्हाट्सएप चॅनल फॉलो करा.

https://whatsapp.com/channel/0029VaG5Kc8EFeXopw2O8u3T

Buldhana district latest Information on website and First ever app of district

07/12/2023

राज्य हिंदवी, लोक हिंदू, भाषा मराठी, दैवत शिव छत्रपती आणि हृदयात राम असतांना नाताळ (ख्रिसमस) साजरा करावा का ?

ह्या भारतभूमीवर राहत असलेले ख्रिश्चन लोक दिवाळी, आणि रामनवमी साजरी करत नसतील तर आपण का नाताळ साजरा करावा?

शाळेत शिकत असलेली मुले इथलीच आणि काय तर हॅलोविन, नाताळ साजरा करावा. शाळा पण नाताळ ची मोठी सुट्टी जाहीर करते.

काय, खरंच आपण स्वतंत्र झालो आहे?
तुम्हाला काय वाटते ?

19/11/2022

मोताळा नांदुरा मार्गावर चारचाकी ने कट मारल्याने स्विफ्ट चा अपघात.

30/10/2022

बुलडाणा औरंगाबाद मार्गावर नुकताच अपघात. मारुती celerio ला भीषण अपघात, 2 जण ठार झाल्याची आशंका तर 3 जखमी. धाड कडे येणाऱ्या कार ला म्हसला जवळ आज रात्री 10.30 दरम्यान भीषण अपघात.
MH28.in-Buldana News

10/06/2022

*कृषी मित्र ग्रुप कडून शेतकऱ्यांना मार्गदर्शन*

खरिफ हंगाम 2022 पूर्व नियोजनाच्या अनुषंगाने सोयाबीन बाजारातील संभाव्य तुटवडा लक्षात घेता वर्दडा येथे ग्रामीण कार्यानुभव कार्यक्रमांतर्गत डॉ. पंजाबराव देशमुख कृषी विद्यापीठ अकोला संलग्नित असलेल्या विवेकानंद कृषी महाविद्यालयाच्या कृषी मित्र ग्रुपच्या विद्यार्थ्यांनी 7 जून रोजी सोयाबीन उगवन तपासणी प्रात्यक्षिक सादर केले तसेच शेतकऱ्यांना सोयाबीन उगवण क्षमता या विषयावर सविस्तर मार्गदर्शन केले दरम्यान शेतकऱ्यांना मार्गदर्शन करताना कृषी विद्यार्थ्यांनी ओल्या टॉवेल पेपरचा वापर करून बियाणे उगवण क्षमता कशी तपासावी याबाबत माहिती दिली बियाणे उगवण क्षमता जर 75 टक्के पेक्षा जास्त असेल तरच ते बियाणे पेरावे जेणेकरून शेतकऱ्यांवर दुबार पेरणीचे संकट ओढावणार नाही दरम्यान कृषी मित्र ग्रुपच्या विद्यार्थ्यांनी सावन नरोटे तुषार सोनुने वैभव गाढवे ऋषिकेश शितोळे आदींनी शेतकऱ्यांच्या शंकेचे समाधान करून योग्य मार्गदर्शन केले यासाठी त्यांना डॉ.एस पी कालवे प्रा. मनोज खोडके प्रा. गजानन ठाकरे प्रा. रवींद्र काकड या तज्ञांचे मार्गदर्शन लाभले पेरणी साठी वापरण्यात येणाऱ्या एकूण बियाणं पैकी किती बियाणी योग्यरीत्या उगवू शकतात यावरून त्याची उगवण क्षमता ठरवली जाते उगवण क्षमता ही टक्केवारी मध्ये दर्शवली जाते या कार्यक्रमाला गावातील अनेक शेतकऱ्यांनी विद्यार्थ्यांनी केलेल्या मार्गदर्शनामध्ये सहभाग घेतला.

*अशी करा तपासणी* :-बियाण्यांची उगवण क्षमता तपासण्यासाठी टॉवेल पेपर ओला करून त्यावर 100 बियाणे मोजून ठेवावे नंतर पेपर गुंडाळी करून त्याचा खालील भागाला रबर गुंडाळावा त्याला तीन ते चार दिवस निदर्शनाखाली ठेवावी आणि पाच दिवसानंतर त्याची उगवण क्षमता तपासावी अशा पद्धतीने प्रत्येक शेतकरी आपल्या घरीच बियाण्यांची उगवणक्षमता तपासू शकतो असे केल्यास शेतकऱ्यांवरील दुबार पेरणीचे संकट मोठ्या प्रमाणात टळू शकते.

30/04/2022

ब्रेकिंग....

नुकताच लोणार मेहकर रोडवर टिप्पर आणि फोर्ड फ्रिस्टाईल गाडीमध्ये अपघात.