Sambhav TV Odia

15/10/2022

08/09/2022

*ଖବର ଆଜିର*
ତାରିଖ ୦୮/୦୯/୨୨, ଗୁରୁବାର

୧-ଆସିଲା ବନ୍ୟା କ୍ଷୟକ୍ଷତି ରିପୋର୍ଟ ,ଭାଙ୍ଗିଛି ୧୪ ହଜାରରୁ ଅଧିକ ଘର।୫ହଜାର ୩୬ ହେକ୍ଟର ଚାଷଜମି ବାଲିଚର,୧୧୨୫ ଡଙ୍ଗା ଓ ଜାଲ କ୍ଷତିଗ୍ରସ୍ତ,୩୧୫ କୋଟି ସହାୟତା ଘୋଷଣା।

୨-ଦୁଇ ବର୍ଷ ପରେ ଜମିବ ଶାରଦୀୟ ଦୁର୍ଗା ପୂଜା, ଦେଖିବାକୁ ମିଳିବ ଆକର୍ଷଣୀୟ ତୋରଣ।

୩-ନିଟ୍ ପରୀକ୍ଷା ଫଳ ପ୍ରକାଶିତ, ରାଜସ୍ଥାନର ତନିସ୍କା ଟପର।

୪-ପୂର୍ବତନ ତଥା ବର୍ତ୍ତମାନର ବିଧାୟକଙ୍କ ସ୍ୱାସ୍ଥ୍ୟବୀମା ୧୦ଲକ୍ଷକୁ ବୃଦ୍ଧି, ଅନୁମୋଦନ ଦେଲେ ମାନ୍ୟବର ବାଚସ୍ପତି ଶ୍ରୀ ଆରୁଖ।

୫-ଜଟଣୀର ରାଇଜର କ୍ୟାମ୍ପସରେ ହେବ କ୍ଯାନସର ହସ୍ପିଟାଲ,ଟାଟା-ରାଜ୍ଯ ସରକାର ରାଜିନାମା ସ୍ବାକ୍ଷରିତ।

୬-ଅନୁଭବ ଓ ବର୍ଷା ପାରିବାରିକ ବିବାଦରେ ଯୋଡ଼ି ହେଲା ନୂଆ ଫର୍ଦ୍ଦ; ହାଇକୋର୍ଟରୁ ପିଟିସନ ପ୍ରତ୍ୟାହାର କଲେ ବର୍ଷା।

୭-ଦକ୍ଷିଣ ପୂର୍ବ ବଙ୍ଗୋପସାଗରରେ ସୃଷ୍ଟି ହେଲା ଘୁର୍ଣ୍ଣି ବଳୟ; ସମ୍ଭାବ୍ୟ ବର୍ଷା ପାଇଁ ୨୫ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି।

୮-ଚଉଡ଼ା ହେବ ପୁରୀ ବଡ଼ଦାଣ୍ଡ: ଉଭୟପଟେ ୨୦ ଫୁଟ୍ ଲେଖାଏଁ ବୃଦ୍ଧି କରିବାକୁ ଯୋଜନା।

୯-ଭୁବନେଶ୍ୱରରେ ବିଟେକ ଛାତ୍ରୀଙ୍କ ଆତ୍ମହତ୍ୟା; ପାରିବାରିକ କଳହ ଯୋଗୁ ଓଢ଼ଣୀ ଲଗାଇ ଝୁଲି ପଡ଼ିଥିବା ସୂଚନା।

୧୦-କଟକ ସହରାଞ୍ଚଳ ପୋଲିସର ସିଆରଆରଆଇ ଥାନାକୁ ଉଦ୍‌ଘାଟନ କଲେ ପୋଲିସ ମହାନିର୍ଦ୍ଦେଶକ ସୁନୀଲ କୁମାର ବଂସଲ।

୧୧-୧୨ଘଣ୍ଟିଆ ବନ୍ଦ ପାଳନକୁ ସମ୍ବଲପୁରରେ ବିରୋଧ: କୋଶଳ ନୁହେଁ, ହୀରାଖଣ୍ଡ ରାଜ୍ୟ ଦାବି।

୧୨-ବିଜେପି ବିରୋଧୀ ମେଣ୍ଟ ପାଇଁ ଅଣ୍ଟା ଭିଡ଼ିଛନ୍ତି ନୀତୀଶ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କରିପାରନ୍ତି ସାକ୍ଷାତ।

୧୩-ପିଏମ ଶ୍ରୀ ସ୍କୁଲକୁ ମିଳିଲା କେନ୍ଦ୍ର ସରକାରଙ୍କ ମଞ୍ଜୁରି: ଦେଶରେ ଥିବା ୧୪, ୫୦୦ ସ୍କୁଲର ହେବ ଉନ୍ନତୀକରଣ।

୧୪-କଂଗ୍ରେସର ଭାରତ ଯୋଡ଼ୋ ଯାତ୍ରା ଆରମ୍ଭ, କନ୍ୟାକୁମାରୀରୁ ପତାକା ଦେଖାଇ ଶୁଭାରମ୍ଭ କଲେ ରାହୁଲ ଗାନ୍ଧି।

୧୫-ବେଙ୍ଗାଲୁରୁରେ ବର୍ଷାର ତାଣ୍ଡବ। ପାଣିରେ ବୁଡିଲା କୋଟିପତିଙ୍କ ଘର।

୧୬-ବ୍ରିଟେନ୍‌ରେ ଗୃହ ମନ୍ତ୍ରୀ ହେଲେ ଭାରତୀୟ ବଂଶୋଦ୍ଭବ ସୁଏଲା ବ୍ରେୱରମ୍ୟାନ୍‌, ପ୍ରଧାନମନ୍ତ୍ରୀ ଲିଜ୍ ଟ୍ରସ କଲେ ଭରସା।

୧୭-ଏସିଆ କପ୍: ପାକିସ୍ତାନ -ଶ୍ରୀଲଙ୍କା ଫାଇନାଲ ମ୍ୟାଚ ହେବ ରବିବାର ଦିନ।

07/09/2022

07/09/2022

*ଖବର ଆଜିର*
ତାରିଖ ୦୭-୦୯-୨୦୨୨/ବୁଧବାର

୧-Asia Cup 2022: ସୁପର ୪ ମୁକାବିଲାରେ ଭାରତକୁ ୬ ୱିକେଟରେ ହରାଇଲା ଶ୍ରୀଲଙ୍କା।

୨-ବିଶ୍ବ କପ୍ ପୂର୍ବରୁ ସଫଳ ହେଲା କ୍ରିକେଟର ରବିନ୍ଦ୍ର ଜାଦେଜାଙ୍କର ଆଣ୍ଠୁ ସର୍ଜରୀ।

୩-ଦକ୍ଷିଣ-ପଶ୍ଚିମ ଚୀନ୍‌ ସିଚୁଆନରେ ଭୂମିକମ୍ପ, ରିକ୍ଟର ସ୍କେଲରେ ତୀବ୍ରତା ୬.୮ ।

୪-ଲିଜ୍ ଟ୍ରସଙ୍କୁ ବ୍ରିଟେନର ପ୍ରଧାନମନ୍ତ୍ରୀ ଭାବେ ନିଯୁକ୍ତି ଦେଲେ ମହାରାଣୀ ଏଲିଜାବେଥ୍, ବାଲ୍ମୋରାଲ୍ କ୍ୟାସଲରେ ରାଣୀଙ୍କୁ ଭେଟିଲେ ।

୫-ସାଇରସ ମିସ୍ତ୍ରୀଙ୍କ ମୃତ୍ୟୁ । କାର୍ ସୁରକ୍ଷାକୁ ନେଇ ଉଠିଲା ପ୍ରଶ୍ନ, ଗଡକରୀ କହିଲେ ‘ଦୁର୍ଘଟଣା ହ୍ରାସ ପାଇଁ ନିଆଯିବ ବଡ଼ ପଦକ୍ଷେପ ।

୬-ରାଜଧାନୀର ଗଛ, ଖୁଣ୍ଟ, କାନ୍ଥରେ ବ୍ୟାନର ଓ ପୋଷ୍ଟର ଲଗାଇଲେ କଠୋର କାର୍ଯ୍ୟାନୁଷ୍ଠାନ: ନିର୍ଦ୍ଦେଶନାମା ଜାରି କଲା BMC ।

୭-ହାଇକୋର୍ଟଙ୍କ ନିଷ୍ପତି; ଭାଙ୍ଗିବ ନାହିଁ ପରମ୍ପରା, ଆସନ୍ତା ୨୫ ତାରିଖରେ ହେବ କଟକ ବୁଢା ଗଣେଶଙ୍କ ବିସର୍ଜନ ।

୮-ସାଇରସ୍ ମିସ୍ତ୍ରୀଙ୍କ ଅନ୍ତ୍ୟେଷ୍ଟି ସମ୍ପନ୍ନ, ଯୋଗ ଦେଲେ ଅନୀଲ ଅମ୍ବାନୀ, ସୁପ୍ରିୟା ସୁଲେ ଓ ମିଲିନ୍ଦ ଦେଓଡା ।

୯-ତିନି ମାସିଆ ରଣନୀତି ପ୍ରସ୍ତୁତ କଲେ ବଂଶଲ: ୧୩ରୁ ପୁରୀରେ ପ୍ରଶିକ୍ଷଣ ଶିବିର।

୧୦-ଇନ୍‌ଫୋସିଟି ଥାନା ନାବାଳିକା ଗଣଦୁଷ୍କର୍ମ ଘଟଣା: ସିବିଆଇ ତଦନ୍ତ ଆବେଦନ ଶୁଣାଣିରେ ପୂର୍ଣ୍ଣଚ୍ଛେଦ ।

୧୧-ଆଜି ଶ୍ରୀମନ୍ଦିରରେ ସୁନିଆଁ, ବାମନ ଜନ୍ମ ନୀତି, ୪ ଘଣ୍ଟା ବନ୍ଦ ରହିବ ଦର୍ଶନ ।

୧୨-୧୦%ରୁ କମ୍ କାର୍‌ରେ ୬ ଏୟାରବ୍ୟାଗ୍‌: ୨ ଏୟାରବ୍ୟାଗ୍‌ ଥିବା କାର୍ ଅଧିକ ବିକ୍ରି ।

୧୩-ଅତ୍ୟଧିକ ଋଣ ରିପୋର୍ଟକୁ ଆଦାନିଙ୍କ ଖଣ୍ଡନ: ବ୍ୟାଙ୍କ ଋଣ ହ୍ରାସ ପାଇଛି।

୧୪-ଯୁକ୍ତ୩ ନାମଲେଖା: ଆଜି ମେଧା ତାଲିକା ।

୧୫-ଷ୍ଟକ ବଜାର ନିବେଶ ପ୍ରେମରେ ଭାରତୀୟ: ଡିମାଟ୍‌ ଖାତା ସଂଖ୍ୟା ୧୦ କୋଟି ଟପିଲା ।

୧୬-ଲଖିମପୁର ଖେରି ମାମଲା: ଆଶିଷ ମିଶ୍ରଙ୍କ ଜାମିନ ପ୍ରସଙ୍ଗରେ ୟୁପି ସରକାରକୁ ସୁପ୍ରିମକୋର୍ଟଙ୍କ ନୋଟିସ।

୧୭-ଭାରତ ବାୟୋଟେକ୍‌ର ନାକରେ ପକାଯିବା କୋଭିଡ୍ ଟିକାକୁ ଅନୁମତି।

୧୮-ବେଙ୍ଗାଲୁରୁରେ ବର୍ଷା ବିଭୀଷିକା: ୨ ପୁଲିସ କନେଷ୍ଟବଳଙ୍କ ସମେତ ୫ ମୃତ।

୧୯-ପୁଟିନଙ୍କ ନୂଆ ବିଦେଶ ନୀତି: ଭାରତ ଓ ଚୀନ୍ ସହ ସହଯୋଗ ବୃଦ୍ଧି ଉପରେ ଗୁରୁତ୍ବ।

06/09/2022

ଭାରତର ପ୍ରଥମ ନାଜାଲ୍ କୋଭିଡ ଟିକା କୁ DCGI ର ମଞ୍ଜୁରୀ :18 ବର୍ଷ ରୁ ଉର୍ଦ୍ଧ ବର୍ଗର ଲୋକଙ୍କୁ ଦିଆଯାଇ ପାରିବ ନାଜାଲ୍ କୋଭିଡ ଟିକା

04/09/2022

ନବୀନ ପାଇଲେ ‘ଜୀବନବ୍ୟାପୀ ସାଧନା ସମ୍ମାନ’
ନୂଆଦିଲ୍ଲୀ/ ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଆଜି ଲାଇଫଟାଇମ୍ ଆଚିଭମେଣ୍ଟ ବା ‘ଜୀବନବ୍ୟାପୀ ସାଧନା ସମ୍ମାନ’ରେ ସମ୍ମାନିତ କରାଯାଇଛି । କ୍ୟାପିଟାଲ୍ ଫାଉଣ୍ଡେସନ୍ ସୋସାଇଟି ପକ୍ଷରୁ ନୂଆଦିଲ୍ଲୀର ଇଣ୍ଡିଆ ଇଣ୍ଟରନ୍ୟାସନାଲ୍ ସେଣ୍ଟରରେ ଆୟୋଜିତ ସ୍ୱତନ୍ତ୍ର କାର୍ଯ୍ୟକ୍ରମରେ ସୁପ୍ରିମକୋର୍ଟର ପୂର୍ବତନ ମୁଖ୍ୟ ବିଚାରପତି ଏନ୍ ଭି ରମଣା ଏହି ସମ୍ମାନ ପ୍ରଦାନ କରିଛନ୍ତି ।

ଜଷ୍ଟିସ୍ ରମଣା ତାଙ୍କ ଅଭିଭାଷଣରେ ନବୀନ ପଟ୍ଟନାୟକଙ୍କର ଭୂୟସୀ ପ୍ରଶଂସା କରିଥିଲେ । ସେ କହିଥିଲେ, ଦେଶର ସେ ଜଣେ ବହୁଗୁଣ ସମ୍ପନ୍ନ ରାଜନେତା । ଦୀର୍ଘକାଳୀନ ମୁଖ୍ୟମନ୍ତ୍ରୀ ରହିବାର ସୌଭାଗ୍ୟ ହାସଲ କରିଛନ୍ତି । କେବଳ ରାଜନେତା ନୁହଁନ୍ତି, ସେ ଜଣେ ଭଲ ଲେଖକ ମଧ୍ୟ । ସାହିତ୍ୟ ଓ ସଂସ୍କୃତି ଉପରେ ତାଙ୍କର ଗଭୀର ରୁଚି ରହିଛି । ତାଙ୍କର ଜନସେବାମୂଳକ କାର୍ଯ୍ୟକ୍ରମ ପ୍ରଶଂସନୀୟ ।

ଗଣତନ୍ତ୍ରର ସୁରକ୍ଷା ପାଇଁ ନବୀନଙ୍କ ପ୍ରତିବଦ୍ଧତା ସମ୍ପର୍କରେ ଜଷ୍ଟିସ୍ ରମଣା କହିଥିଲେ, କିଛି ମାସ ତଳେ ଅନୁଷ୍ଠିତ ମୁଖ୍ୟ ବିଚାରପତି ଓ ମୁଖ୍ୟମନ୍ତ୍ରୀମାନଙ୍କ ସମ୍ମିଳନୀରେ ନବୀନ ତାଙ୍କ ଅସୁସ୍ଥତା ସତ୍ତ୍ୱେ ଦୀର୍ଘ ସମୟ ଧରି ଉପସ୍ଥିତ ଥିଲେ । ବିଚାର ବିଭାଗର ଦୃଢ଼ୀକରଣ ପାଇଁ ଯାହା ଆବଶ୍ୟକ ସେଥିରେ ସହଯୋଗ ପାଇଁ ପ୍ରତିଶ୍ରୁତି ଦେଇଥିଲେ ।

ଉତ୍ସବରେ ଅଧ୍ୟକ୍ଷତା କରି ଜଷ୍ଟିସ୍ ଏ.କେ.ପଟ୍ଟନାୟକ ଓଡ଼ିଶାରେ ନବୀନ ପଟ୍ଟନାୟକଙ୍କ ଶାସନକୁ ଏକ ମଡେଲ୍ ଭାବେ ଅଭିହିତ କରିଥିଲେ । ମହିଳା ସଶକ୍ତୀକରଣଠାରୁ ଆରମ୍ଭ କରି ଖାଦ୍ୟ ଉତ୍ପାଦନ, କାଳିଆ ଯୋଜନା, ଟ୍ୟାପ୍ ଯୋଗେ ସମସ୍ତଙ୍କୁ ପିଇବା ପାଣି, ସ୍ମାର୍ଟ ହେଲଥ୍ କାର୍ଡ ଯୋଜନାରେ ଲୋକମାନେ କିଭଳି ଉପକୃତ ହେଉଛନ୍ତି ତାହା ସେ ନିଜେ ଓଡ଼ିଶା ବୁଲି ଦେଖିଛନ୍ତି ବୋଲି କହିଥିଲେ । ନବୀନଙ୍କ ସରଳତା, ବିଶ୍ୱନୀୟତା ଓ ଲୋକପ୍ରିୟତା ତାଙ୍କୁ ରାଜନୀତିର ଶୀର୍ଷରେ ରଖିଛି ବୋଲି ସେ ମତବ୍ୟକ୍ତ କରିଥିଲେ ।

ସ୍ୱାଗତ ଭାଷଣରେ ଜଷ୍ଟିସ୍ ପଟ୍ଟନାୟକ କହିଥିଲେ, ନବୀନ ପଟ୍ଟନାୟକ ଲାଜକୁଳା ସ୍ୱଭାବର । ପୁରସ୍କାର ପାଇଁ କେବେ ଲାଳାୟିତ ନୁହଁନ୍ତି । ରାଜ୍ୟବାସୀଙ୍କ ସମସ୍ୟା ସମାଧାନରେ ସେ ସବୁବେଳେ ବ୍ରତୀ ଥାଆନ୍ତି । ରାଜ୍ୟ ସ୍ୱାର୍ଥ ପାଇଁ ସଦାସର୍ବଦା ନିୟୋଜିତ ନବୀନ ବାବୁ ସମୟ ବାହାର କରି ଏହି ସମାରୋହରେ ଯୋଗଦେଇଥିବାରୁ କ୍ୟାପିଟାଲ୍ ଫାଉଣ୍ଡେସନ୍ ସୋସାଇଟି ପକ୍ଷରୁ କୃତଜ୍ଞତା ଜଣାଇଥିଲେ ।

ଏହି ପୁରସ୍କାର ପାଇଁ ନିଜକୁ ସମ୍ମାନିତ ମନେ କରୁଛି ବୋଲି ନବୀନ ତାଙ୍କ ଭାଷଣରେ କହିବା ସହ ସମ୍ମାନକୁ ସାଢ଼େ ୪ କୋଟି ଓଡ଼ିଆଙ୍କୁ ଉତ୍ସର୍ଗ କରୁଥିବା କହିଥିଲେ । ମହାପ୍ରଭୁ ଜଗନ୍ନାଥ ଏବଂ ସାଢ଼େ ୪ କୋଟି ଓଡ଼ିଆଙ୍କ ଆର୍ଶୀବାଦ ତାଙ୍କ ଉପରେ ରହିଛି । ଏହା ତାଙ୍କୁ କାମ କରିବା ପାଇଁ ପ୍ରେରଣା ଦେଉଛି । ଦୀର୍ଘ ୨୨ ବର୍ଷ ଧରି ସେବା କରିବାକୁ ସୁଯୋଗ ଦେଇଥିବାରୁ ରାଜ୍ୟବାସୀଙ୍କୁ ଧନ୍ୟବାଦ ଜଣାଇଥିଲେ । ସେ କହିଥିଲେ, ମିଶନ ଶକ୍ତିରେ ମହିଳାଙ୍କ ସଶକ୍ତିକରଣକୁ ନେଇ ମୁଁ ଗର୍ବିତ । ରାଜ୍ୟକୁ ୪ ଥର କୃଷି କର୍ମଣ ପୁରସ୍କାର ମିଳିଛି । ଚାଷୀଙ୍କ ଆୟକୁ ଦୁଇଗୁଣ କରିବାରେ ଓଡ଼ିଶା ପ୍ରଥମ ରାଜ୍ୟ । ଶିଳ୍ପ ଓ ଆଲୁମିନିୟମ ନିର୍ମାଣରେ ଓଡ଼ିଶା ଆଗୁଆ । ଏଭଳି ଭାବେ ତାଙ୍କ ସରକାରଙ୍କ ବିଭିନ୍ନ ଉନ୍ନୟନମୂଳକ କାର୍ଯ୍ୟକ୍ରମ ସମ୍ପର୍କରେ ମୁଖ୍ୟମନ୍ତ୍ରୀ ଆଲୋକପାତ କରିଥିଲେ ।

କ୍ୟାପିଟାଲ୍ ଫାଉଣ୍ଡେସନ୍ ସୋସାଇଟି ପକ୍ଷରୁ ଦର୍ଶାଯାଇଛି, ନବୀନ ପଟ୍ଟନାୟକଙ୍କ ନେତୃତ୍ୱରେ ଓଡ଼ିଶାରେ ରୂପାନ୍ତରଣ ଯାତ୍ରା ଆରମ୍ଭ ହୋଇଥିଲା ଓ ଦୁଇ ଦଶନ୍ଧିରେ ରାଜ୍ୟରେ ଦ୍ରୁତ ବିକାଶ ସମ୍ଭବ ହୋଇପାରିଛି । ନିଜର ସରଳତା, ଦରଦୀ ହୃଦୟ ଓ ନିର୍ମଳ ଭାବମୂର୍ତ୍ତି ପାଇଁ ସେ ଓଡ଼ିଶାବାସୀଙ୍କ ହୃଦୟ ଜିତିପାରିଛନ୍ତି । ନବୀନ ପଟ୍ଟନାୟକ ଭାରତ ରତ୍ନ ପାଇବାକୁ ଯୋଗ୍ୟତମ ବୋଲି ଆଜିର ସମାରୋହରେ ମତପ୍ରକାଶ ପାଇଥିଲା ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସମ୍ମାନ ପ୍ରଦାନ କରିବା ପରେ ଜଷ୍ଟିସ୍ ରମଣା ‘ଭାରତୀୟ ବିଚାର ବ୍ୟବସ୍ଥାରେ ମୋର ଅନୁଭୂତି’ ଶୀର୍ଷକ ବକ୍ତୃତା ପ୍ରଦାନ କରିଥିଲେ । କାର୍ଯ୍ୟକ୍ରମରେ ଜଷ୍ଟିସ୍ ଏ.କେ.ସୁକ୍ରି, ଡକ୍ଟର ବିନୋଦ ସେଟ୍ଟୀଙ୍କ ସମେତ ବିଶିଷ୍ଟ ବ୍ୟକ୍ତିମାନେ ଯୋଗଦେଇଥିଲେ ।

ସୂଚନାଥାଉକି, ୧୯୮୭ ମସିହାରେ ଜନପ୍ରତିନିଧି, ପ୍ରଶାସନିକ ଅଧିକାରୀ, ବିଚାରପତି, କୂଟନୀତିଜ୍ଞ, ସାମ୍ବାଦିକ ଓ ଶିକ୍ଷାବିତମାନଙ୍କ ମିଳିତ ଉଦ୍ୟମରେ ‘କ୍ୟାପିଟାଲ୍ ଫାଉଣ୍ଡେସନ୍ ସୋସାଇଟି’ ଗଠନ କରାଯାଇଥିଲା । ପୂର୍ବରୁ ସୋସାଇଟି ପକ୍ଷରୁ ପୂର୍ବତନ ପ୍ରଧାନମନ୍ତ୍ରୀ ଆଇ.କେ.ଗୁଜୁରାଲ୍, ବରିଷ୍ଠ ଆଇନଜୀବୀ ରାମ ଜେଠମାଲିନୀ, ପୂର୍ବତନ କେନ୍ଦ୍ରମନ୍ତ୍ରୀ ମୁରଲୀ ମନୋହର ଯୋଶୀ, ଲୋକସଭାର ପୂର୍ବତନ ବାଚସ୍ପତି ସୋମନାଥ ଚାଟାର୍ଜୀଙ୍କ ଭଳି ବ୍ୟକ୍ତିତ୍ୱଙ୍କୁ ଜୀବନବ୍ୟାପୀ ସାଧନା ସମ୍ମାନ ପ୍ରଦାନ କରାଯାଇଛି ।

“ଜୀବନବ୍ୟାପୀ ସାଧନା ସମ୍ମାନ’ ପାଇଥିବା ମୁଖ୍ୟମନ୍ତ୍ରୀଙ୍କୁ ଶୁଭେଚ୍ଛା ଜଣାଇବା ପାଇଁ ଦିଲ୍ଲୀଠାରୁ ଓଡ଼ିଶା ପର୍ଯ୍ୟନ୍ତ ସ୍ୱତନ୍ତ୍ର ଉତ୍ସବର ଆୟୋଜନ କରାଯାଇଛି । ଆଜି ଅପରାହ୍ନରେ ମୁଖ୍ୟମନ୍ତ୍ରୀ ଓଡ଼ିଶା ଭବନ ଯିବାର କାର୍ଯ୍ୟକ୍ରମ ଅଛି । ସେଠାରେ ପ୍ରବାସୀ ଓଡ଼ିଆ ତଥା ପ୍ରବାସୀ ଓଡ଼ିଆ ସଂଗଠନ ପକ୍ଷରୁ ମୁଖ୍ୟମନ୍ତ୍ରୀଙ୍କୁ ସମ୍ବର୍ଦ୍ଧିତ କରାଯିବ । ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ,
ମନ୍ତ୍ରୀ ଅତନୁ ସବ୍ୟସାଚୀ ନାୟକ, ଅଶୋକ ଚନ୍ଦ୍ର ପଣ୍ଡା, ବରିଷ୍ଠ ବିଧାୟକ ଦେବୀପ୍ରସାଦ ମିଶ୍ର ଏବଂ ଡ. ଅରୁଣ କୁମାର ସାହୁଙ୍କ ନେତୃତ୍ୱରେ ଏହାର ଆୟୋଜନ ହୋଇଛି । ବିଜେଡ଼ି ଯୁବ ଓ ଛାତ୍ର ସଂଗଠନର ବହୁ କର୍ମକର୍ତ୍ତା ସେଠାକୁ ଯାଇଛନ୍ତି । ଆସନ୍ତା ୬ ତାରିଖରେ ମୁଖ୍ୟମନ୍ତ୍ରୀ ଭୁବନେଶ୍ୱର ଫେରିଲା ପରେ ତାଙ୍କ ପାଇଁ ଭବ୍ୟ ସମ୍ବର୍ଦ୍ଧନାର ଆୟୋଜନ କରାଯାଇଛି ।

04/09/2022

ମୂଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଙ୍କୁ ଜୀବନ ବ୍ୟାପି ସାଧନା ପୁରସ୍କାର ...ସମ୍ମାନିତ ହେବା ପରେ ପ୍ରବାସୀ ଓଡିଆ ଙ୍କୁ ସମ୍ବୋଧନ ଅବସରରେ କହିଲେ ଏ ସମ୍ମାନ ଆମ ସମସ୍ତ ଓଡ଼ିଆ ଙ୍କର ,ଆପଣ ମାନେ ଖୁସୀ ତ ??

04/09/2022

*ଖବର ଆଜିର*
ତାରିଖ ୦୪/୦୯/୨୨, ରବିବାର

୧-ଭୋକର ଭୁଗୋଳରୁ ସଶକ୍ତ ଓଡ଼ିଶା...ଜନ ସେବାରେ ୨୫ ବର୍ଷ।ଆଜି ଲାଇଫ୍ ଟାଇମ୍ ଆଚିଭମେଣ୍ଟ ଆଓ୍ବାଡ୍ ପାଇବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ।

୨-ଓଡିଶା ଆସିବେ ଆସିଆନ୍‌ ଦେଶର ପ୍ରତିନିଧି, ପୁଞ୍ଜିନିବେଶ ପାଇଁ ରହିଥିବା ସୁବିଧାର କରିବେ ଅନୁଧ୍ୟାନ।

୩-ସେପ୍ଟେମ୍ବରରେ ସରୁଛି ମାଗଣା ଟିକାର ଅବଧି, ଲୋକଙ୍କୁ ତୁରନ୍ତ ଡୋଜ୍‌ ସାରିବାକୁ ସ୍ୱାସ୍ଥ୍ୟ ବିଭାଗର ଅପିଲ୍।

୪-କଟକ: ମାଟ୍ରିକ ପରୀକ୍ଷାର୍ଥୀମାନେ ମନଇଛା ବଦଳାଇ ପାରିବେ ନାହିଁ ତୃତୀୟ ଭାଷା: ବୋର୍ଡ।

୫-ଭୁବନେଶ୍ୱର, ପୁରୀରେ ହେବ ବାୟୁସେନାର ସୂର୍ଯ୍ୟକିରଣ ସୋ',ଏୟାରଫୋର୍ସରେ ଯୋଗ ଦେବାକୁ ଏହା ଅଧିକ ଉତ୍ସାହିତ କରିବ।

୬-ବୁର୍ଲା : ବିବାଦୀୟ ସ୍ଥିତି ମଧ୍ୟରେ ସମ୍ବଲପୁର ବିଶ୍ୱବିଦ୍ୟାଳୟର କୁଳପତି ପ୍ରଫେସର ସଞ୍ଜିବ ମିତ୍ତଲଙ୍କ ଇସ୍ତଫା ।

୭-କଟକ ପକ୍ସୋ କୋର୍ଟ ବିଚାରପତିଙ୍କ ମୃତ୍ୟୁକୁ ନେଇ ବଢ଼ିଲା ରହସ୍ୟ। ହତ୍ୟା ଅଭିଯୋଗ ଆଣି ପରିବାର ଲୋକେ ଥାନାରେ ଦେଲେ ଏତଲା।

୮-ରାଜ୍ୟରେ ଏଯାଏଁ ୨୩୦୯ ଡେଙ୍ଗୁ ଚିହ୍ନଟ, ଖୋର୍ଦ୍ଧା ଜିଲ୍ଲାରେ ସର୍ବାଧିକ।

୯-ଓଡ଼ିଶାରେ ୨୦୨୧ରେ ପ୍ରତି ୨୦ଟି ହତ୍ୟାରୁ ଗୋଟିଏ କାରଣ ପ୍ରେମ କିମ୍ବା ପରକୀୟା ପ୍ରୀତି ଯୋଗୁଁ: ଏନ୍‌ସିଆର୍‌ବି।

୧୦-ଦୂଷିତ ଝରଣାପାଣି ନେଲାକି ୪ ଜୀବନ! ପୁଣି ଥୁଆମୂଳ ରାମପୁରରେ ବ୍ୟାପିଲା ଝାଡାବାନ୍ତି – ୩ ଦିନରେ ୪ ଜଣଙ୍କର ମୃତ୍ୟୁ ହୋଇଥିବା ସୂଚନା।

୧୧-ସୁପର ସଣ୍ଡେରେ ଦୁବାଇ ଇଣ୍ଟରନ୍ୟାସନାଲରେ ମୁହାଁମୁହିଁ ହେବେ ଦୁଇ ପାରମ୍ପରିକ ପ୍ରତିଦ୍ୱନ୍ଦୀ ଭାରତ ଓ ପାକିସ୍ତାନ।

୧୨-ଆମ ଆଦମୀ ପାର୍ଟିର ମିଶନ ଗୁଜରାଟ: ଡୋର ଟୁ ଡୋର କ୍ୟାମ୍ପେନ କରୁଛନ୍ତି ଆପ୍ ମୁଖ୍ୟ ଅରବିନ୍ଦ କେଜ୍ରିୱାଲ।

୧୩-ବଲିଉଡ ଅଭିନେତ୍ରୀ ନୋରା ଫତେହୀଙ୍କୁ ଜେରା, ମନି ଲଣ୍ଡରିଂ ମାମଲାରେ ପଚରାଉଚରା କରାଯାଇଥିବା ସୂଚନା।

୧୪-ଆଇଆଇଟି ଦିଲ୍ଲୀର ହୀରକ ଜୟନ୍ତୀ ସମାରୋହରେ ଯୋଗଦେଲେ ରାଷ୍ଟ୍ରପତି।

୧୫-ଏସିଆ କପ୍‌ ଟ୍ବେଣ୍ଟି-୨୦,ସୁପର-୪ : ଆଫ୍‌ଗାନିସ୍ତାନକୁ ହରାଇଲା ଶ୍ରୀଲଙ୍କା।

03/09/2022

*ଖବର ଆଜିର*
ତାରିଖ ୦୩-୦୯-୨୦୨୨/ଶନିବାର

୧-ଦେଶର ପ୍ରଥମ ସ୍ବଦେଶୀ ବିମାନବାହୀ ଯୁଦ୍ଧ ଜାହାଜ ଆଇଏନଏସ ବିକ୍ରାନ୍ତ ଶୁକ୍ରବାର ଦିନ ନୌସେନାରେ ସାମିଲ ହୋଇଛି। ଦେଶର ନୌସେନା ଇତିହାସରେ ଏହା ସବୁଠାରୁ ବଡ଼ ଯୁଦ୍ଧପୋତ।

୨-ଅନାବରଣ ହେଲା ଭାରତୀୟ ନୌସେନାର ନୂଆ ପତାକା, ହଟିଲା ଦାସତ୍ୱର ଶେଷ ସଙ୍କେତ ।

୩-ଏସିଆ କପ୍ ୨୦୨୨: ଭାରତକୁ ଲାଗିଲା ବଡ଼ ଝଟକା, ଆଣ୍ଠୁରେ ଆଘାତ ପାଇଁ ବାଦ୍ ପଡ଼ିଲେ ଜାଡେଜା।

୪-ବ୍ରିଟେନ୍‌ରେ ମଙ୍କିପକ୍ସର ନୂଆ ଷ୍ଟ୍ରେନ୍ ଚିହ୍ନଟ: ପଶ୍ଚିମ ଆଫ୍ରିକାରୁ ଫେରିଥିଲେ ବ୍ୟକ୍ତି ।

୫-ମମତାଙ୍କୁ ଝଟକା, ହାଇକୋର୍ଟ କହିଲେ ସିବିଆଇ କରିବ ଶିକ୍ଷକ ନିଯୁକ୍ତି ଅନିୟମିତତାର ଯାଞ୍ଚ ।

୬-ଚୀନକୁ ପୁଣି ତାଇୱାନର ଚେତାବନୀ । ବାୟୁସୀମାରେ ବାରମ୍ବାର ଅନୁପ୍ରବେଶ କରି ବେଜିଂ ଭାଙ୍ଗୁଛି ନିୟମ: ତାଇୱାନ ।

୭-ମହାରାଷ୍ଟ୍ର କ୍ୟାବିନେଟର ସମ୍ପ୍ରସାରଣ ଖୁବଶୀଘ୍ର: ବିଜେପି ମନ୍ତ୍ରୀ ।

୮-ଗୁଜରାଟରେ ଦିଲ୍ଲୀ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା:୧୦ଲକ୍ଷ ସରକାରୀ ଚାକିରି ସହ ୩ହଜାର ଟଙ୍କାର ବେରୋଜଗାର ଭତ୍ତା ।

୯-ଶୁଭଶ୍ରୀ ମୃତ୍ୟୁ ମାମଲା: ବୟଫ୍ରେଣ୍ଡ ଚିତ୍ତ ଗିରଫ, ଝୁଲନ୍ତା ଶବରୁ ଓଢ଼ଣୀ ନେଇ ପଳାଇଥିଲେ ।

୧୦-ମୋବାଇଲ ଆପରୁ ଲୋନ ନାଁରେ ଆଉ ହେବନି ଧୋକା, ଡିଜିଟାଲ ଋଣ ଉପରେ ଗାଇଡଲାଇନ ଜାରି କଲା RBI ।

୧୧-ବିବାଦୀୟ ଟ୍ଵିଟ୍‌ ମାମଲା: ଅଭିନେତା କେଆରକେଙ୍କ ଜାମିନ ଆବେଦନର ଶୁଣାଣି ସ୍ଥଗିତ ।

୧୨-ବିଜେପି ବିରୋଧରେ ଅଭିଯୋଗ କରିବା ପାଇଁ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଭେଟିବ ଆପ୍ ।

୧୩-ବିଚାରାଧୀନ କଏଦୀ: ଓଡ଼ିଶାରେ ଅଧାରୁ ଅଧିକ ଦଳିତ, ଆଦିବାସୀ ।

୧୪-ଛୋଟ ଅପରାଧ ପାଇଁ ସୁପ୍ରିମକୋର୍ଟଙ୍କ ନିର୍ଦ୍ଦେଶ: ଅଧା ଜେଲ୍‌ଦଣ୍ଡ ଭୋଗିଥିଲେ ମୁକୁଳାଅ।

୧୫-ସେପ୍ଟେମ୍ବର ୫ ପର୍ଯ୍ୟନ୍ତ ପୁଲିସ ହାଜତରେ ରହିବେ ଲିଙ୍ଗାୟତ ମହନ୍ତ ।
୧୬-୪ ବରିଷ୍ଠ ପୁଲିସ ଅଧିକାରୀଙ୍କୁ ଡିଜି ପାହ୍ୟା, ପ୍ରଥମ ମହିଳା ଆଇପିଏସ୍‌ ବି. ରାଧିକା ।

୧୭-ସମ୍ବିଧାନର ପ୍ରସ୍ତାବନାରୁ ‘ସମାଜବାଦ’, ‘ଧର୍ମନିରପେକ୍ଷ’ ଶବ୍ଦ ହଟାଇବା ପାଇଁ ସୁବ୍ରମଣ୍ୟମ ସ୍ବାମୀଙ୍କ ଆବେଦନ।

୧୮-ମଣିପୁରରେ ନୀତୀଶଙ୍କୁ ଝଟ୍‌କା: ଜେଡିୟୁର ୫ ବିଧାୟକ ବିଜେପିରେ ସାମିଲ।

୧୯-ବିଶ୍ବସ୍ତରୀୟ କଂପାନି ସିଇଓ ପଦରେ ଆଉ ଜଣେ ଭାରତୀୟ, ଲକ୍ଷ୍ମଣ ନରସିଂହ ହେଲେ ଷ୍ଟାରବକ୍ସର ସିଇଓ ।

୨୦-ଶ୍ରୀଲଙ୍କା ଫେରିଲେ ଗୋଟାବାୟା ।

୨୧-ରୁଷ ‌ତେଲ ଦାମ୍‌ର ସୀମା ନିର୍ଧାରଣ କରିବ ଜି୭, ପ୍ରଭାବିତ ହେବ ଭାରତ ।।

୨୨-ଜନସଂଖ୍ୟା ନିୟନ୍ତ୍ରଣ ନେଇ ଆବେଦନ, କେନ୍ଦ୍ରକୁ ନୋଟିସ କଲେ ସୁପ୍ରିମକୋର୍ଟ ।

୨୩-ଏସିଆ କପ୍‌ କ୍ରିକେଟ : ହଂକଂକୁ ହରାଇ ସୁପର-୪ରେ ପାକିସ୍ତାନ ।

୨୪-Kho Kho ଫାଇନାଲରେ ପହଞ୍ଚିଲା Odisha Juggernauts, ରବିବାର ଖେଳାଯିବ ଫାଇନାଲ ମ୍ୟାଚ ।

୨୫-ଶେଷ ହେଉନି ଇସ୍ତଫା ପର୍ବ, ଆଜାଦଙ୍କୁ ସମର୍ଥନ କରି କଂଗ୍ରେସ ଛାଡ଼ିଲେ ପୁଣି ୨୦ନେତା ।

02/09/2022

ଆସନ୍ତା ରବିବାର ପୁଣି ଥରେ ଭାରତ ପାକିସ୍ତାନ ମୁକାବିଲା :ସୁପର୍ 4 ରେ ହେବ ଲଢେଇ

02/09/2022

ବ୍ରେକିଂ ବ୍ରେକିଂ ବ୍ରେକିଂ
ଖୋ ଖୋ ଫାଇନାଲ୍ ରେ ଓଡିଶା :ଗୁଜୁରାଟ କୁ 57-43 ରେ ହରାଇ ଫାଇନାଲରେ ପ୍ରବେଶ

01/09/2022

କାଳିଆ ସହାୟତା ବଣ୍ଟନ ଅବସର ରେ ମୁଖ୍ୟମନ୍ତ୍ରୀ ଙ୍କ ଅଭିଭାଷଣ.
1/9/22
ଜୟ ଜଗନ୍ନାଥ, ଜୟ ମା ସମଲେଶ୍ବରୀ

ଆଏଜ୍‌ ନୂଆଖାଇ । ଇ ଅବସରଥି ଆପଣମାନକେ ସମସ୍ତକେ ମୋର ଜୁହାର।

ନୂଆଖାଇ ମାଟି ମା’ର ପର୍ବ। ଆମର ଚାଷୀ ଭାଇ ମାନଙ୍କ ପରିଶ୍ରମ ଯୋଗୁ ଆମେ ସମସ୍ତେ ମାଟି ମା’ର ଆଶୀର୍ବାଦ ପାଉ। ତେଣୁ ଚାଷୀ ଆମର ଗର୍ବ ଓ ଗୌରବ।

ଏହି ପବିତ୍ର ଦିନରେ ମୋର ଚାଷୀ ଭାଇ ଓ ଭଉଣୀ ମାନଙ୍କୁ କାଳିଆ ସହାୟତା ପ୍ରଦାନ କରି ମୁଁ ବହୁତ ଖୁସି। ଆଜି ରାଜ୍ୟର ୪୧ ଲକ୍ଷ ଛୋଟ ଚାଷୀ ଓ ୮୫ ହଜାର ଭୂମିହୀନ ଚାଷୀଙ୍କୁ 869 କୋଟି ଟଙ୍କାର ସହାୟତା ଦିଆଗଲା । ସମସ୍ତଙ୍କ ବ୍ୟାଙ୍କ ଆକାଉଣ୍ଟକୁ ସିଧା ୨୦୦୦ ଟଙ୍କା ଗଲା ।

କାଳିଆ ଯୋଜନା ଦେଶର ସବୁଠାରୁ ଭଲ ଯୋଜନା। ଛୋଟ ଚାଷୀ ମାନଙ୍କ ପାଇଁ ଏହା ଆଶା ଓ ଭରସା ସୃଷ୍ଟି କରିପାରିଛି । ଭୂମିହୀନ ଚାଷୀ ମାନଙ୍କ ଜୀବିକାର ସୁରକ୍ଷା ପାଇଁ ମଧ୍ୟ ଏହା ବହୁତ ସାହାଯ୍ୟ କରୁଛି । ଗତ ମେ ମାସରେ ଅକ୍ଷୟ ତୃତୀୟା ଅବସରରେ ମଧ୍ୟ ଆମ ଚାଷୀ ଭାଇ ମାନଙ୍କୁ ୮୦୦ କୋଟି ଟଙ୍କାରୁ ଅଧିକ ସହାୟତା ଦିଆଯାଇଥିଲା । ମୁଁ ଆଶା କରୁଛି, ଏହି ସହାୟତା ଆପଣଙ୍କ ଚାଷ କାମକୁ ଆଗେଇ ନେବାରେ ବହୁତ ସାହାଯ୍ୟ କରିବ।
ଚଳିତ ବନ୍ୟା ଯୋଗୁ ଆପଣମାନେ ସମସ୍ତେ ଚିନ୍ତାରେ ଅଛନ୍ତି। ମୁଁ କହିବାକୁ ଚାହେଁ, ମୁଁ ସବୁ ସମୟରେ ଆପଣମାନଙ୍କ ସାଥିରେ ଅଛି। ଶୀଘ୍ର damage assessment କରି ରିପୋର୍ଟ ଦେବାକୁ ମୁଁ ନିର୍ଦ୍ଦେଶ ଦେଇଛି । ଆପଣମାନଙ୍କୁ ଖୁବ ଶୀଘ୍ର ଫସଲ କ୍ଷତି ପାଇଁ ସହାୟତା ଯୋଗାଇ ଦିଆଯିବ।

ଓଡିଶାର ଗୌରବକୁ ଆମର ଚାଷୀଭାଇ ମାନେ ଉଜ୍ଜଳ କରିଛନ୍ତି। ଖାଦ୍ୟ ସୁରକ୍ଷାରେ ରାଜ୍ୟ ପାଇଁ ସୁନାମ ଆଣିଛନ୍ତି। ତେଣୁ ରାଜ୍ୟର ସବୁ ଲୋକ ଚାଷୀଭାଇଙ୍କ ନିକଟରେ ଋଣୀ।

30/08/2022

*ଆଜିର ମୁଖ୍ୟ ଖବର*
*ତାରିଖ ୩୦-୦୮-୨୦୨୨/ମଙ୍ଗଳବାର*

*୧-Jio ବଦଳାଇବ ଆଇପିଏଲ ଦେଖିବାର ଅନୁଭୂତି, ଭିନ୍ନ-ଭିନ୍ନ ଆଙ୍ଗେଲଠୁ ଷ୍ଟାଡିୟମର ମଜା ନେଇପାରିବେ ଦର୍ଶକ ।*

୨-ଆସନ୍ତା ଦୀପାବଳି ସୁଦ୍ଧା ଦେଶର ଦିଲ୍ଲୀ, ମୁମ୍ବାଇ, କୋଲକାତା ଓ ଚେନ୍ନାଇ ଭଳି ମେଟ୍ରୋ ସହର ସମେତ ଅନ୍ୟ ପ୍ରମୁଖ ସହରରେ ଜିଓ ୫ଜି ହାଇ-ସ୍ପିଡ୍ ଟେଲିଫୋନ ସେବା ଆରମ୍ଭ ହେବ । ଏହା ପରେ ୨୦୨୩ ଡିସେମ୍ବର ସୁଦ୍ଧା ଦେଶର କୋଣ ଅନୁକୋଣରେ ପ୍ରତିଟି ଗ୍ରାମ ଓ ତହସିଲରେ ଜିଓ ୫-ଜି ସେବା ପହଞ୍ଚାଯିବ।

୩-ମୋ ଲକରରୁ କିଛି ମିଳିବ ନାହିଁ, ମୁଁ ସିବିଆଇକୁ ସ୍ବାଗତ କରୁଛି : ସିସୋଦିଆ ।

୩-ପୁଣି ଲାଞ୍ଜିଗଡରେ ଜଙ୍ଗଲି ହାତୀ ଉପଦ୍ରବ: ଭାଙ୍ଗିଲେ ୪ଘର, ନଷ୍ଟ କଲେ ଫସଲ ।

୪-ଶ୍ରୀୟଙ୍କା ଷଡଙ୍ଗୀ ଓ ଝିଲି ଦଳବେହେରା ପାଇଲେ ବିଜୁ ପଟ୍ଟନାୟକ କ୍ରୀଡ଼ା ପୁରସ୍କାର।

୫-ଉଦ୍ଧାର କାର୍ଯ୍ୟ ପାଇଁ ଓଡ଼ିଶା ଅଗ୍ନିଶମ ବାହିନୀରେ ଗଢ଼ା ହେବ ଏସଏଫଏଫ; ପ୍ରସ୍ତାବରେ ମୋହର ମାରିଲେ ମୁଖ୍ୟମନ୍ତ୍ରୀ ।

୬-ସୁଗମ ହେଲା ଆନ୍ତର୍ଜାତିକ ଡ୍ରାଇଭିଂ ପରମିଟ୍ ପ୍ରଦାନ ବ୍ୟବସ୍ଥା; ବିଦେଶରେ ଆଉ ଅସୁବିଧାର ସମ୍ମୁଖୀନ ହେବେନି ଭାରତୀୟ ।

୭-BMC ପାଇଁ ଚିନ୍ତା ପାଲଟିଛି ଅଳିଆ ବିବାଦ: ମନ୍ତ୍ରୀ କହିଲେ ୨-୩ ଦିନ ମଧ୍ୟରେ ହେବ ସମାଧାନ ।

୮-ସିବିଆଇକୁ ବିରୋଧ ବଢ଼ୁଛି, ଚାପରେ ବିହାର ସରକାର ।
ଚନ୍ଦ୍ରକୁ ପଠାଉଥିବା ଆମେରିକାର ସବୁଠାରୁ ଶକ୍ତିଶାଳୀ ‘ରକେଟ ସ୍ପେଶ୍‌ ଲଞ୍ଚ ସିଷ୍ଟମ’ (ଏସଏଲଏସ)କୁ ଦେଶର ମହାକାଶ ଗବେଷଣା କେନ୍ଦ୍ର ‘ନାସା’ ଶେଷ ସମୟରେ ସ୍ଥଗିତ ରଖିଛି।

୯-ମଥୁରା କୋର୍ଟକୁ ଆହ୍ଲାବାଦ ହାଇକୋର୍ଟଙ୍କ ନିର୍ଦ୍ଦେଶ: ୪ ମାସରେ କୃଷ୍ଣ ଜନ୍ମଭୂମି-ଇଦଗା ମାମଲା ଫୈସଲା କର।

୧୦-ମୁକ୍ତଦା ଅଲ-ସଦରଙ୍କ ରାଜନୀତିରୁ ସନ୍ନ୍ୟାସ ଘୋଷଣା ପରେ ଇରାକ ସ୍ଥିତି ଅସମ୍ଭାଳ, ସାରା ଦେଶରେ କର୍ଫ୍ୟୁ ଜାରି କଲା ସେନା ।

୧୧-NDTV-Adani ଡିଲ୍‌ରେ ଆସିଲା ନୂତନ ମୋଡ ! ସେବିର ଦ୍ଵାରସ୍ଥ ହେଲେ RRPR ଏବଂ ଅଦାନୀ ଗ୍ରୁପ ।

୧୨-ଦେବାଶିଷ ମହାନ୍ତିଙ୍କୁ ଜୀବନବ୍ୟାପୀ ସାଧନ କ୍ରୀଡା ପୁରସ୍କାର: ମୁଖ୍ୟମନ୍ତ୍ରୀ ଦେଲେ ବିଜୁ ପଟ୍ଟନାୟକ ଆୱାର୍ଡସ।

୧୩-ହ୍ୱାଟସ୍‌ଆପ୍‌ରେ ଜିଓମାର୍ଟ ସେବାର ଶୁଭାରମ୍ଭ ପାଇଁ ମେଟା ଓ ଜିଓ ପ୍ଲାଟଫର୍ମସ୍ ମଧ୍ୟରେ ସହଯୋଗିତା ।

28/08/2022

ସାମ୍ବାଦିକ ଡ଼ ଲିଙ୍ଗରାଜ ସାହୁ ପାଇଲେ ପରିବେଶ ରତ୍ନ ସମ୍ମାନ

ଭୁବନେଶ୍ୱର,୨୮/୮: "ଜଳ ବଞ୍ଚାନ୍ତୁ, ପ୍ରତ୍ୟେକ ବୃନ୍ଦା ଗୁରୁତ୍ୱପୂର୍ଣ୍ଣ" ଏକ ଜାତୀୟସ୍ତରୀୟ ଆଲୋଚନା ଚକ୍ର ସୂର୍ଯ୍ୟକ୍ଷେତ୍ର ଫାଉଣ୍ଡେସନ୍ ପକ୍ଷରୁ ଜୟଦେବ ଭବନଠାରେ ଅନୁଷ୍ଠିତ ହୋଇଯାଇଛି । ଆଗାମୀ ପିଢ଼ି ପାଇଁ ପ୍ରତ୍ୟେକ ଜଳ ବିନ୍ଦୁ ଆମ ପାଇଁ ମୂଲ୍ୟବାନ । ଏଥି ପାଇଁ ସମସ୍ତଙ୍କୁ ଜଳ ସଂରକ୍ଷଣ କରିବାକୁ ପଡ଼ିବ ବୋଲି ମତ ପ୍ରକାଶ ପାଇଛି । ଅଧ୍ୟକ୍ଷ ଡ଼ଃ ବିପିନ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ଅତିଥି ଭାବେ ଉଚ୍ଚଶିକ୍ଷା ମନ୍ତ୍ରୀ ଇଂ ରୋହିତ ପୂଜାରୀ, ରାଜ୍ୟ ସରକାରଙ୍କ ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗ ଅତିରିକ୍ତ ସଚିବ ମନୋରଞ୍ଜନ ମହାପାତ୍ର, ରାଜ୍ୟ ଖଦି ବୋର୍ଡର ପୂର୍ବତନ ଅଧ୍ୟକ୍ଷ ସଂଗ୍ରାମ କେଶୋରୀ ପାଇକରାୟ, ମାଇଥନ ପାୱାର ଲିମିଟେଡ଼ର ବରିଷ୍ଠ ଅଧିକାରୀ ସନ୍ଦୀପ ଖେଡ଼ୱାଲ, ସୁରେଶ ଚୌଧୁରୀ, ବ୍ରହ୍ମକୁମାରୀ ଅପୂର୍ଣ୍ଣା ଭଉଣୀ, ରବୀନ୍ଦ୍ର କୁମାର ରାଉତରାୟ ପ୍ରମୁଖ ଜଳ ସଂରକ୍ଷଣ ସମ୍ପର୍କରେ ମତ ରଖିଥିଲେ । ଏହି ଅବସରରେ ଇଂ ବିପିନ ବିହାରୀ ନାୟକ, ପରିବେଶ ବିଜ୍ଞାନୀ ପ୍ରଫେସର ଜୟକୃଷ୍ଣ ପାଣିଗ୍ରାହୀ, ଡ଼ ଲିଙ୍ଗରାଜ ସାହୁ, ଡ଼ ପ୍ରମୋଦ କୁମାର ପଣ୍ଡା, ଗ୍ରୀନ୍ ୱାଲର୍ଡ କପୋକ ସଂସ୍ଥା ଆଦି ବହୁ ବ୍ୟକ୍ତି ଓ ଅନୁଷ୍ଠାନକୁ ପରିବେଶ ରତ୍ନ ସମ୍ମାନ ପ୍ରଦାନ କରାଯାଇଥିଲା । ଅନୁଷ୍ଠାନର ମିଳନ କୁମାର ପ୍ରଧାନ, ବାଳକୃଷ୍ଣ ରାଉତ, ଦିବ୍ୟଜୋତି ସାହୁ, ପ୍ରିୟଦର୍ଶନୀ ମହାପାତ୍ର ପ୍ରମୁଖ ସାମିଲ ହୋଇଥିଲେ । ଏହାକୁ ଡ଼ ମୃତୁଞ୍ଜୟ ରଥ ସଂଯୋଜନା କରିଥିଲେ।

27/08/2022

ରାଜ୍ୟରେ ଖୋଲିବ ୩୬ ନୂଆ ଥାନା
ଶୀଘ୍ର କାର୍ଯ୍ୟକ୍ଷମ କରିବାକୁ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ

ପରିଚାଳନା ନିମନ୍ତେ 563 ନୁଆ ପଦବୀ ସୃଷ୍ଟି.

28/8/.2022
ଭୁବନେଶ୍ୱର
ବର୍ଦ୍ଧିତ ଜନସଂଖ୍ୟା ଓ ପ୍ରଶାସନିକ ଆବଶ୍ୟକତାକୁ ଦୃଷ୍ଟିରେ ରଖି ରାଜ୍ୟରେ ଆଉ ୩୬ଟି ନୂଆ ପୋଲିସ ଥାନା ଖୋଲିବା ପ୍ରସ୍ତାବକୁ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଅନୁମୋଦନ କରିଛନ୍ତି । ଏହି ଥାନା ଗୁଡିକୁ ଶୀଘ୍ର କାର୍ଯ୍ୟକ୍ଷମ କରିବା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି।

ନୂତନ ଭାବରେ ଖୋଲୁଥିବା ଏହି ନୂଆ ଥାନା ଗୁଡିକ ହେଲା – ଅନୁଗୁଳର ବଗେଡିଆ ଓ ଗୋପାଳପ୍ରସାଦ, ବାଲେଶ୍ବରର ଗୋପଳପୁର ଓ ଅନନ୍ତପୁର, ବରଗଡର ବରଗଡ ଗ୍ରାମାଞ୍ଚଳ, ବ୍ରହ୍ମପୁରର ନିମଖଣ୍ଡି, ବଲାଙ୍ଗୀରର ଲକ୍ଷ୍ମୀଜୋର ଓ ଆଗଲପୁର, ବଉଦର ଘଣ୍ଟାପଡା, ଭୁବନେଶ୍ବର କମିଶନରେଟର ମୈତ୍ରୀ ବିହାର, କଟକ ଗ୍ରାମାଞ୍ଚଳର ମାଣିଆବନ୍ଧ, ଜୋଡୁମ ଓ ଭଦ୍ରେଶ୍ବର, ଦେବଗଡର ଲାଇମୁରା, ଢେଙ୍କାନାଳର ମହାବୀର ରୋଡ, ଗଞ୍ଜାମର ବେଗୁନିଆପଡା ଓ କୋଟିନଡା, ଜଗତସିଂପୁରର କୃଷ୍ଣନନ୍ଦପୁର, ଯାଜପୁରର ଅଳକୁଣ୍ଡ, ବ୍ରହ୍ମବରଦା ଓ ଦଶରଥପୁର, ଝାରସୁଗୁଡାର ଏୟାରପୋର୍ଟ ପୋଲିସ ଷ୍ଟେସନ, କଳାହାଣ୍ଡିର କରଲାପାଟ, କଲାମପୁର, କେନ୍ଦ୍ରାପଡାର ପଟାମୁଣ୍ଡାଇ ଗ୍ରାମାଞ୍ଚଳ, କୁଦାନଗରୀ କୋରୁଆ, କେନ୍ଦୁଝରର ମନୋହରପୁର, ଖୋର୍ଦ୍ଧାର ନାଚୁଣୀ, କୋରାପୁଟର ସୁଙ୍କି, ମାଲକାନଗିରିର ମାଲକାନଗିରି ସଦର କୋରକୁଣ୍ଡା, ମୟୁରଭଞ୍ଜର ଭଞ୍ଜପୁର, ନଗରଂଗପୁର ମଇଦଲପୁର, ପୁରୀର ଚାରିଛକ, ରାୟଗଡାର ରାମନାଗୁଡା, ସମ୍ବଲପୁରର ବରେଇପାଲି ଏବଂ ସୁବର୍ଣ୍ଣପୁରର ଲଚ୍ଛିପୁର ଥାନା ।

ଏ ସମସ୍ତ ନୂଆ ଥାନାଗୁଡିକ ବର୍ତ୍ତମାନ ଥିବା ଥାନାର ବିଭକ୍ତୀକରଣ ତଥା ଫାଣ୍ଡିଗୁଡିକର up-gradation କରାଯାଇ ସୃଷ୍ଟି କରାଯାଇଛି ।
ଏହି ନୂତନ ଥାନା ଗୁଡିକ ନିମନ୍ତେ inspector ଠାରୁ ଆରମ୍ଭ କରି କନଷ୍ଟେବଳ ପର୍ଯ୍ୟନ୍ତ ବିଭିନ୍ନ ପାହ୍ୟା ରେ 563ଟି ନୁଆ ପଦବୀ ସୃଷ୍ଟି କରାଯାଇଛି.

ଏହି ନୁଆ 36ଟି ଥାନା ପ୍ରତିଷ୍ଠା ହେଵା ଦ୍ବାରା ଜନସାଧାରଣଙ୍କୁ ଉତ୍ତମ ପୋଲିସ ସେବା ଯୋଗାଇ ଦେବା ଦିଗରେ ଓଡିଶା ପୋଲିସର ଉଦ୍ୟମ ଆହୁରି ଶକ୍ତିଶାଳୀ ହେବ ବୋଲି ମୁଖ୍ୟମନ୍ତ୍ରୀ ଆଶାବ୍ୟକ୍ତ କରିଛନ୍ତି ।

19/08/2022

ଅଭାବନୀୟ ଘଟଣା ...
ଦେବଗଡ଼ ଅଞ୍ଚଳରେ ପାଠପଢା ସମୟରେ ବଜ୍ରାଘାତରେ ଛାତ କଣା କରି ବଜ୍ରାଘାତରେ 10 ଛାତ୍ରଛାତ୍ରୀ ଓ ଶିକ୍ଷକ ଆହତ :ସ୍ଥାନୀୟ ହସ୍ପିଟାଲରେ ଭର୍ତ୍ତି

19/08/2022

Raju Srivastava stable, wife Shikha Srivastava shares his health update and calls him 'fighter'

18/08/2022

ରାଜେଶ ବର୍ମା ହେଲେ ରାଷ୍ଟ୍ରପତି ଙ୍କ ସଚିବ

18/08/2022

ଆକାଶ ମାର୍ଗ ରୁ ମୁଖ୍ୟମନ୍ତ୍ରୀ ଙ୍କ
ବନ୍ୟାଞ୍ଚଳ ପରିଦର୍ଶନ
କ୍ଷତିଗ୍ରସ୍ତ ଅଞ୍ଚଳ ରେ ପନ୍ଦର ଦିନ ପାଇଁ ରିଲିଫ ସହାୟତା ଘୋଷଣା.
,ପାଣି ଛାଡିବାର ସାତଦିନ ମଧ୍ୟରେ କ୍ଷୟକ୍ଷତି ଆକଳନ, ପନ୍ଦର ଦିନ ରେ ସହାୟତା ଯୋଗାଇବାକୁ ନିର୍ଦେଶ

ଭୁବନେଶ୍ୱର
18/8/22

ମୁଖ୍ୟମନ୍ତ୍ରୀ ଶ୍ରୀ ନବୀନ ପଟନାୟକ ଆଜି ଆକାଶ ମାର୍ଗରୁ କେନ୍ଦ୍ରାପଡା ଜିଲ୍ଲାର ଲୁଣା, ଚିତ୍ରୋତ୍ପଳା ନଦୀର ଦ୍ୱୀପାଞ୍ଚଳ, ମହାନଦୀର ଶାଖା ପାଇକା ନଦୀର ଦ୍ୱୀପାଞ୍ଚଳ, ଜଗତସିଂହପୁର ଜିଲ୍ଲାର କୁଜଙ୍ଗ, ନାଉଗାଁ ଓ ପୁରୀ ଜିଲ୍ଲାର ଗୋପ, ନିମାପଡା, ଅସ୍ତରଙ୍ଗ, ଡେଲାଙ୍ଗ, ପିପିଲି, କଣାସର ତଳିଆ ଅଞ୍ଚଳ ପରିଦର୍ଶନ କରି ବନ୍ୟା ପରିସ୍ଥିତି ଅନୁଧ୍ୟାନ କରିଥିଲେ । ବନ୍ୟାରେ ବ୍ୟାପକ ଅଞ୍ଚଳ, ଜଳମଗ୍ନ ହେଵା ସହିତ ଅନେକ ଚାଷ ଜମି ଓ ବାସଗୃହ କ୍ଷତିଗ୍ରସ୍ତ ହୋଇଥିବା ଘଟଣାରେ ରେ ମୁଖ୍ୟମନ୍ତ୍ରୀ ଚିନ୍ତାପ୍ରକଟ କରିଛନ୍ତି ।

ମୁଖ୍ୟମନ୍ତ୍ରୀଙ୍କ ସହିତ ମୁଖ୍ୟମନ୍ତ୍ରୀ ଙ୍କ ସଚିବ 5T ଶ୍ରୀ ଭି କେ ପାଣ୍ଡିଆନ ମଧ୍ୟ୍ୟ ବନ୍ୟାଞ୍ଚଳ ପରିଦର୍ଶନରେ ଯାଇଥିଲେ

ପ୍ରଭାବିତ ଅଞ୍ଚଳରେ ଚାଲିଥିବା ସମସ୍ତ ପ୍ରକାର ସହାୟତା ଯଥା; ରିଲିଫ୍ ଓ ରନ୍ଧା ଖାଦ୍ୟ ଯୋଗାଣ, ସ୍ୱାସ୍ଥ୍ୟସେବା, ପାନୀୟଜଳ ଯୋଗାଣକୁ ତ୍ୱରାନ୍ୱିତ କରିବା ସହିତ ପ୍ରଭାବିତ ଗୋରୁଗାଈମାନଙ୍କୁ ଆବଶ୍ୟକୀୟ ଗୋଖାଦ୍ୟ ଓ ପଶୁଚିକିତ୍ସା ଯୋଗାଇଦେବା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି ।

ବନ୍ୟାଂଚଳରୁ ଫେରିବା ପରେ ମୁଖ୍ୟମନ୍ତ୍ରୀ କ୍ଷତିଗ୍ରସ୍ତ ଅଞ୍ଚଳ ପାଇଁ ରିଲିଫ ସହାୟତା ଘୋଷଣା କରିଛନ୍ତି.

ଖୁରୁଧା , ପୁରୀ, କଟକ, କେନ୍ଦ୍ରାପଡ଼ା ଓ ଜଗତସିଂହପୁର ଜ଼ିଲ୍ଲା ଯେଉଁ ଗାଁ ମାନଙ୍କ ରେ ପାଣି ପଶିଛି ସେଠାରେ ବିପନ୍ନ ଲୋକ ମାନଙ୍କୁ 15ଦିନ ରିଲିଫ ସହାୟତା ଦିଆଯିବ ବୋଲି ମୁଖ୍ୟମନ୍ତ୍ରୀ ଘୋଷଣା କରିଛନ୍ତି .

ସେହିପରି ସମ୍ବଲପୁର, ବରଗଡ଼, ସୋନପୁର, ବୌଦ୍ଧ ଓ ଅନୁଗୁଳ ଜ଼ିଲ୍ଲା ର ପାଣି ପଶିଥିବା ଗାଁ ର ଲୋକମାନଙ୍କୁ ସାତ ଦିନ ପାଇଁ ରିଲିଫ ଦିଆଯିବ.

ପାଣି ଛାଡିବାର ସାତ ଦିନ ମଧ୍ୟ୍ୟ ରେ କ୍ଷୟକ୍ଷତି ଆକଳନ କରିବା ଏବଂ ତାର 15ଦିନ ଭିତରେ ଘରଭଙ୍ଗା ଓ ଫସଲ କ୍ଷତି ସହାୟତା ଯୋଗାଇଦେବାକୁ ମୁଖ୍ୟମନ୍ତ୍ରୀ, ପ୍ରଶାସନ କୁ ନିର୍ଦେଶ ଦେଇଛନ୍ତି.

16/08/2022

*ଚୁକ୍ତିଭିତ୍ତିକ କର୍ମଚାରୀଙ୍କ କଳା ବ୍ୟାଚ ପିନ୍ଧି ବିକ୍ଷୋଭ*

ଓଡିଶାରୁ ଚୁକ୍ତିଭିତ୍ତିକ ନିଯୁକ୍ତି ସମ୍ପୂର୍ଣ୍ଣ ଉଚ୍ଛେଦ ଦାବିରେ ଆଜି ଠାରୁ ସାରାରାଜ୍ୟରେ କଳା ବ୍ୟାଚ ପିନ୍ଧି ସରକାରୀ ଚୁକ୍ତିଭିତ୍ତିକ କର୍ମଚାରୀମାନଙ୍କ ଶାନ୍ତିପୂର୍ଣ ବିକ୍ଷୋଭ ପ୍ରଦର୍ଶନ ।
ଚୁକ୍ତିଭିତ୍ତିକ ନିଯୁକ୍ତି ଉଚ୍ଛେଦ ଦାବିରେ ପୂର୍ବ ନିର୍ଦ୍ଧାରିତ ସୂଚନା ଅନୁଯାୟୀ ଓଡିଶା ସରକାରୀ ଚୁକ୍ତିଭିତ୍ତିକ କର୍ମଚାରୀ ମହାସଙ୍ଘ ପକ୍ଷରୁ ଅଗଷ୍ଟ 16 ତାରିଖରୁ ସପ୍ତାହ ବ୍ୟାପି ରାଜ୍ୟ ସରକାରଙ୍କ ଅଧୀନରେ କାର୍ଯ୍ୟରତ ସମସ୍ତ ଚୁକ୍ତିଭିତ୍ତିକ ଗ୍ରୁପ ବି, ସି ଏବଂ ଡି କର୍ମଚାରୀମାନେ କଳାବ୍ୟାଚ ପରିଧାନ କରିବାସହିତ ଶାନ୍ତିପୂର୍ଣଭାବେ ନିଜର ଯଥୋଚିତ ଦାବି ସରକାରଙ୍କ ନିକଟରେ ଉପସ୍ଥାପନା କରିଛନ୍ତି। ଉକ୍ତ ବିକ୍ଷୋଭ ପଦର୍ଶନରେ ଓଡିଶା ସରକାରଙ୍କ ସମସ୍ତ ବିଭାଗ ଯଥା ଶିକ୍ଷା, ସ୍ୱାସ୍ଥ୍ୟ, ବାଣିଜ୍ୟ, ପରିବହନ, ସାମଜିକ ସୁରକ୍ଷା, କୃଷି ଏବଂ ପଶୁସମ୍ପଦ, ଜଙ୍ଗଲ ଏବଂ ପରିବେଶ, ଶ୍ରମ ଆଦି ବିଭିନ୍ନ ବିଭାଗରୁ କାର୍ଯ୍ୟରତ କର୍ମଚାରୀ ମାନେ ପ୍ରତେକ ଜିଲ୍ଲାର ବ୍ଲକ ସ୍ତରରେ ଅବସ୍ଥାପିତ ମୁଖ୍ୟ ଦପ୍ତରଠାରୁ ଆରମ୍ଭ କରି ଭୁବନେଶ୍ୱର ବିଭାଗୀୟ ମୁଖ୍ୟ କାର୍ଯ୍ୟାଳୟରେ କାର୍ଯ୍ୟରତ ସମସ୍ତ ସରକାରୀ ଚୁକ୍ତିଭିତ୍ତିକ କର୍ମଚାରୀ ମାନେ କଳା ବ୍ୟାଚ ପରିଧାନ କରି କାର୍ଯ୍ୟ କରିବସହ ମଧ୍ୟାନ ବିରତି ସମୟରେ ବିକ୍ଷୋଭ ପ୍ରଦର୍ଶନରେ ସାମିଲ ହୋଇଥିଲେ। ଚୁକ୍ତିଭିତ୍ତିକ ନିଯୁକ୍ତି ଉଚ୍ଛେଦ ଏବଂ ଚୁକ୍ତିଭିତ୍ତିକ ସମୟକୁ ମୂଳ ଚାକିରୀରେ ଯୋଗ ଦୁଇଟି ମୁଖ୍ୟ ଦାବି ସହ ଚୁକ୍ତିଭିତ୍ତିକ ନିଯୁକ୍ତି ସମୟରେ ମହଙ୍ଗା ଭତ୍ତା, ଘରଭଡା ଏବଂ ସମସ୍ତ ସରକାରୀ ଅନୁସଙ୍ଗିକ ସୁବିଧା ଇତ୍ୟାଦି ପ୍ରଦାନ ନେଇ ନେଇ କଳା ବ୍ୟାଚ ପରିଧାନ ଏବଂ ଶାନ୍ତିପୂର୍ଣ ବିକ୍ଷୋଭ ପ୍ରଦର୍ଶନ ସମାବେଶ ସାରା ରାଜ୍ୟରେ ଅଗଷ୍ଟ 16 ତାରିଖରୁ 22 ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ।ଏହି ସମୟ ମଧ୍ୟରେ ରାଜ୍ୟସରକାର ଯଦି ସରକାରୀ ଚୁକ୍ତିଭିତ୍ତିକ କର୍ମଚାରୀ ମହାସଂଘକୁ ଦେଇଥିବା ପ୍ରତିଶୃତି ଅନୁଯାୟୀ ସେମାନଙ୍କ ଦାବିଗୁଡିକୁ ପୂରଣ ନକରନ୍ତି ତେବେ ମହାସଂଘର ପୂର୍ଵ ନିର୍ଦ୍ଧାରିତ ଯୋଜନା ଅନୁଯାୟୀ ରାଜ୍ୟରେ କାର୍ଯ୍ୟରତ ସମସ୍ତ ସରକାରୀ ଚୁକ୍ତିଭିତ୍ତିକ କର୍ମଚାରୀମାନେ ଅଗଷ୍ଟ ଶେଷ ସପ୍ତାହ ରେ ଭୁବନେଶ୍ୱର ସ୍ଥିତ ଗାନ୍ଧୀମାର୍ଗ ଠାରେ ଏକ ବୃହତ ଆନ୍ଦୋଳନରେ ସାମିଲ ହେବେ ବୋଲି ମହାସଂଘର ସଭାପତି ବିଜୟ ମଲ୍ଲ, ସଂଘର ମୁଖ୍ୟ ଉପଦେଷ୍ଟା ପ୍ରଭାତ ମହାନ୍ତି, ସାଧାରଣ ସଂପାଦକ କ୍ଷିତିଶ୍ ପଣ୍ଡା,ସଙ୍ଘଠନ-ସମ୍ପାଦକ ପ୍ରଶାନ୍ତ ରାଉତରାୟ, ଶିକ୍ଷକ ନେତା ପୂର୍ଣ୍ଣ ଚନ୍ଦ୍ର ଆଇଚ,ସୁଭ୍ରଜିତ ପ୍ରତିହାରୀ, ବିଶ୍ଵଜିତ ବିଶ୍ଵାଳ,ପଞ୍ଚାନନ ଜେନା, ରାଜେନ୍ଦ୍ର ମଲ୍ଲିକ, ପ୍ରାଥମିକ ଶିକ୍ଷକ ସଂଘର ନେତା ଆଦିତ୍ୟ ସ୍ଵାଇଁ, ଅକ୍ଷୟ ପାଢି, ଉପ-ସଭାପତି ,ପ୍ରଭାସ ଭୋଇ, ପ୍ରିତୀରଞ୍ଜନ ପ୍ରଧାନ, ଯୁଗ୍ମ ସମ୍ପାଦକ – ଅଶୋକ ଗଉଡ଼, ବାବୁଲ ନାୟକ, ତନ୍ମୟ ଜେନା, ଶ୍ରୀନିବାସ ମହାନ୍ତି, ଅନିତା ବେହେରା, ଅଳକା ମହାନ୍ତି, ରୋଜାଲିତି ପଣ୍ଡା, ଶିବ ଶଙ୍କର ସାହୁ ପ୍ରେସ ରିଲଜ ଦ୍ୱାରା ଜଣାଇଛନ୍ତି ।

16/08/2022

ହୀରାକୁଦ ର ସମୁଦାୟ 40 ଟି ଗେଟ ଖୋଲିବା ପାଇଁ ନିଷ୍ପତ୍ତି ,ଏହି ନିଷ୍ପତ୍ତି ସହିତ ଛତିଶଗଡ ର କୌଣସି ସମ୍ପର୍କ ନାହିଁ :ସର୍ବୋଚ୍ଚ ଯନ୍ତ୍ରୀ

16/08/2022

ଦିନ 12 ଟା ସୁଦ୍ଧା ହୀରାକୁଦ ଡ୍ୟାମ୍ ଜଳସ୍ତର 626 ଫୁଟ୍

16/08/2022

ମୁଖ୍ୟମନ୍ତ୍ରୀଙ୍କ ବନ୍ୟା ପରିସ୍ଥିତି ସମୀକ୍ଷା

ଯେପରି ଗୋଟିଏ ବି ଜୀବନ ହାନୀ ନ ହୁଏ ଓ ଯୋଗାଯୋଗରେ କୌଣସି ଗୁରୁତର ବିଭ୍ରାଟ ନ ହୁଏ, ତାହୁ ସୁନିଶ୍ଚିତ କର – ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ

୧୦ଟି ଜିଲ୍ଲାର ଜିଲ୍ଲାପାଳମାନେ ସତର୍କ ରୂହନ୍ତୁ

ବିପଦସଂକୁଳ ସ୍ଥାନ ଗୁଡିକରୁ ଲୋକଙ୍କୁ ସ୍ଥାନାନ୍ତର

।16.08.2022

ସବୁ ପ୍ରକାର ବିପର୍ଯ୍ୟୟରେ ଆମର ନୀତି ହେଉଛି ‘ସବୁ ଜୀବନ ମୂଲ୍ୟବାନ’। ତେଣୁ ଯେପରି କୌଣସି ଗୋଟିଏ ବି ଜୀବନ ହାନୀ ନ ହୁଏ, ଏବଂ ସାଧାରଣ ଜୀବନଯାତ୍ରାରେ କୌଣସି ବ୍ୟାପକ ଅସୁବିଧା ସୃଷ୍ଟି ନ ହୁଏ, ତାକୁ ସୁନିଶ୍ଚିତ କର। ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି ରାଜ୍ୟର ବନ୍ୟା ପରିସ୍ଥିତି ସମୀକ୍ଷା କରି ଅଧିକାରୀ ମାନଙ୍କୁ ଏହି ମର୍ମରେ ନିର୍ଦ୍ଦେଶ ଦେଇଛନ୍ତି ।

ପରିସ୍ଥିତି ସଂପର୍କରେ ମୁଖ୍ୟ ଶାସନ ସଚିବ ଓ ସ୍ବତନ୍ତ୍ର ରିଲିଫ କମିଶନର ନିୟମିତ ଭାବେ ସମୀକ୍ଷା କରିବାକୁ ମଧ୍ୟ ସେ ନିର୍ଦ୍ଦେଶ ଦେଇଛନ୍ତି ।

ମୁଖ୍ୟମନ୍ତ୍ରୀ କହିଥିଲେ ଯେ କ୍ରମାଗତ ଭାବେ ବର୍ଷା ଲାଗି ରହିଥିବାରୁ ମହାନଦୀ ଅବବାହିକା ଅଞ୍ଚଳର ୧୦ଟି ଜିଲ୍ଲାରେ ବନ୍ୟା ହେବାର ସମ୍ଭାବନା ଦେଖାଦେଇଛି । ତେଣୁ ଏହି ୧୦ଟି ଜିଲ୍ଲାର ଜିଲ୍ଲାପାଳ ମାନେ ସତର୍କ ରହିବା ସହିତ ବନ୍ୟା ପରିସ୍ଥିତିକୁ ରୋକିବା ପାଇଁ ସମସ୍ତ ପ୍ରକାର ପଦକ୍ଷେପ ନେବାକୁ ସେ ପରାମର୍ଶ ଦେଇଥିଲେ ।

ବିପଦସଂକୁଳ ଅଞ୍ଚଳରେ ଥିବା ଲୋକମାନଙ୍କୁ ପ୍ରାଥମିକତା ଭିତ୍ତିରେ ସ୍ଥାନାନ୍ତର କରି ସେମାନଙ୍କୁ ଆବଶ୍ୟକ ରିଲିଫ ଓ ମୌଳିକ ସୁବିଧା ଯୋଗାଇ ଦେବାକୁ ମଧ୍ୟ ସେ ନିର୍ଦ୍ଦେଶ ଦେଇଛନ୍ତି। ରାଜ୍ୟସ୍ତରରେ ସଂପୃକ୍ତ ବିଭାଗମାନେ ଜିଲ୍ଲାଗୁଡିକୁ ସମସ୍ତ ପ୍ରକାର ସାହାଯ୍ୟ ତୁରନ୍ତ ଯୋଗାଇ ଦେବାକୁ ମଧ୍ୟ ସେ ନିର୍ଦ୍ଦେଶ ଦେଇଛନ୍ତି ।

ବିଭିନ୍ନ ବିଭାଗ ଗୁଡିକୁ ନିର୍ଦ୍ଦେଶ ଦେଇ NDRF, ODRAF ଓ Fire Service Unit ଗୁଡିକୁ ବିଭିନ୍ନ ବିପଦସଂକୁଳ ସ୍ଥାନଗୁଡିକରେ ସଜାଗ ରଖି ଆବଶ୍ୟକସ୍ଥଳେ ଲୋକଙ୍କ ଉଦ୍ଧାର କାର୍ଯ୍ୟରେ ନିୟୋଜିତ କରାଯିବା ଉପରେ ମୁଖ୍ୟମନ୍ତ୍ରୀ ଗୁରୁତ୍ବ ଦେଇଥିଲେ।

ହସ୍‌ପିଟାଲ, ଜଳଯୋଗାଣ ଓ ବିଦ୍ୟୁତ ଯୋଗାଣ ବ୍ୟବସ୍ଥା ପରି ଜୀବନ ରକ୍ଷାକାରୀ ସଂସ୍ଥା ଗୁଡିକ ନିରବଚ୍ଛିନ୍ନ ଭାବରେ ସେବା ଯୋଗାଇ ଦେବା, ପଞ୍ଚାୟତିରାଜ ଓ ପାନୀୟ ଜଳ ବିଭାଗ ଗ୍ରାମାଞ୍ଚଳରେ ସ୍ବଚ୍ଛ ପାନୀୟ ଜଳର ବ୍ୟବସ୍ଥା କରିବା, ସ୍ବାସ୍ଥ୍ୟ ବିଭାଗ ପ୍ରଭାବିତ ଅଞ୍ଚଳରେ ଲୋକଙ୍କୁ ସ୍ବାସ୍ଥ୍ୟସେବା ଯୋଗାଇ ଦେବାପାଇଁ ସ୍ବତନ୍ତ୍ର ବ୍ୟବସ୍ଥା କରିବା ପାଇଁ ସେ ନିର୍ଦ୍ଦେଶ ଦେଇଛନ୍ତି।

ସେପିପରି ପ୍ରାଣୀଧନର ସୁରକ୍ଷା ପାଇଁ ମତ୍ସ୍ୟ ଓ ପଶୁସଂପଦ ବିଭାଗ ଆବଶ୍ୟକ ସେବା ଯୋଗାଇ ଦେବାକୁ ମଧ୍ୟ ସେ ପରାମର୍ଶ ଦେଇଛନ୍ତି ।

ରାସ୍ତାଘାଟର କ୍ଷତି ହୋଇ ଯଦି ଯୋଗାଯୋଗ ବ୍ୟବସ୍ଥା ବ୍ୟାହତ ହୁଏ, ତେବେ ଇଂଜିନିୟରିଂ ବିଭାଗ ଗୁଡିକ ସେଗୁଡିକର ତୁରନ୍ତ ମରାମତି ପାଇଁ ଆଗୁଆ ବ୍ୟବସ୍ଥା କରିବା ଆବଶ୍ୟକ । ସେହିପରି ଶକ୍ତି ବିଭାଗ ମଧ୍ୟ ବିଦ୍ୟାତ ଯୋଗାଯୋଗ ବ୍ୟାହତ କ୍ଷେତ୍ରରେ ତୁରନ୍ତ ପୁନଃ ସଂଯୋଗ ପାଇଁ ଆଗୁଆ ବ୍ୟବସ୍ଥା କରିବାକୁ ସେ ପରାମର୍ଶ ଦେଇଛନ୍ତି ।

ବୈଠକରେ ସ୍ବତନ୍ତ୍ର ରିଲିଫ କମିଶନର ଶ୍ରୀ ପି.କେ ଜେନା ପରିସ୍ଥିତି, ପ୍ରସ୍ତୁତି ଓ ପଦକ୍ଷେପ ସଂପର୍କରେ ଉପସ୍ଥାପନା ରଖି କହିଲେ ଯେ ମହାନଦୀର ଉପର ଓ ତଳମୁଣ୍ଡରେ ବର୍ଷା ହୋଇ ୧୦ଟି ଜିଲ୍ଲାରେ ବନ୍ୟା ପରିସ୍ଥିତିର ସମ୍ଭାବନା ଦେଖାଦେଇଛି। ଗତକାଲି ହୀରାକୁଦର ୮ଟି ଗେଟ୍‌ ବନ୍ଦ କରାଯାଇଛି ଏବଂ ବର୍ତ୍ତମାନ ୨୬ଟି ଗେଟ୍‌ ଖୋଲା ରହିଛି । କୌଣସି ଅବଶ୍ୟକ ନ ହେଲେ, ଆଗାମୀ ୩ ଦିନ ପର୍ଯ୍ୟନ୍ତ ଏହି ବ୍ୟବସ୍ଥା ଜାରି ରହିବ। ଏହାଦ୍ବାରା ହୀରାକୁଦର ତଳ ମୁଣ୍ଡରେ ବନ୍ୟା ପରିସ୍ଥିତିର ପ୍ରଭାବ ସାମାନ୍ୟ କମିଛି । ୭ଟି ଜିଲ୍ଲାରେ ୯ଟି ଓଡ୍ରାଫ, ୬ଟି ଜିଲ୍ଲାରେ ୯ଟି NDRF ଟିମ୍‌, ୪୪ଟି ଅଗ୍ନିଶମ ସେବା ୟୁନିଟ୍‌କୁ ସଜାଗ ରଖାଯାଇଛି । ଆଜି ମହାନଦୀର ମୁଣ୍ଡଳୀ ଠାରେ ୧୧.୭୫ ଲକ୍ଷ କ୍ୟୁସେକ ଜଳ ପ୍ରଭାବିତ ହେବ ବୋଲି ସେ ସୂଚନା ଦେଇଥିଲେ।

ସବୁ ଜିଲ୍ଲା ପ୍ରଶାସନକୁ ହାଇ ଆଲର୍ଟରେ ରଖାଯାଇଛି। ୧୦ଟି ଜିଲ୍ଲାର ଜିଲ୍ଲାପାଳଙ୍କୁ ଆବଶ୍ୟକ ହେଲେ ସ୍ଥାନାନ୍ତର କରିବା ପାଇଁ ନିର୍ଦ୍ଦେଶ ଦେବା ସହିତ ସେଥିପାଇଁ ପଞ୍ଚାୟତରାଜ ଅନୁଷ୍ଠାନ ଗୁଡିକର ସହାୟତା ନେବା ପାଇଁ ମଧ୍ୟ ପରାମର୍ଶ ଦିଆଯାଇଛି । ଏହାସହିତ ନଦୀବନ୍ଧ ଗୁଡିକ ଉପରେ ନଜର ରଖିବା ଏବଂ ପ୍ରଭାବିତ ଅଞ୍ଚଳରେ ଆବଶ୍ୟସ୍ଥଳେ ଶିକ୍ଷାନୁଷ୍ଠାନ ଗୁଡିକୁ ବନ୍ଦ ରଖିବା ପାଇଁ ମଧ୍ୟ ଜିଲ୍ଲାପାଳ ମାନଙ୍କୁ ନିର୍ଦ୍ଦେଶ ଦିଆଯାଇଛି ।

ମୁଖ୍ୟମନ୍ତ୍ରୀଙ୍କ ସଚିବ (୫-ଟି) ଶ୍ରୀ ଭି.କେ. ପାଣ୍ଡିଆନ ସମ୍ବଲପୁର, କଟକ, ଜଗତସିଂହପୁର, କେନ୍ଦ୍ରାପଡା ଓ CMC Commissioner ଙ୍କ ସହିତ ପରିସ୍ଥିତି ସଂପର୍କରେ ଆଲୋଚନା କରିଥିଲେ । ବର୍ତ୍ତମାନ ସୁଦ୍ଧା ପରିସ୍ଥିତି ସଂପୂର୍ଣ୍ଣ ନିୟନ୍ତ୍ରଣାଧୀନ ରହିଛି ଏବଂ ଜିଲ୍ଲା ପ୍ରଶାସନ ସଂପୂର୍ଣ୍ଣ ଭାବରେ ସଜାଗ ରହି ପରିସ୍ଥିତି ଉପରେ ନଜର ରଖିଛି । କେତେକ ସ୍ଥାନରେ ଲୋକଙ୍କୁ ସ୍ଥାନାନ୍ତରିତ ମଧ୍ୟ କରାଯାଉଛି ବୋଲି ଜିଲ୍ଲାପାଳମାନେ ସୂଚନା ଦେଇଥିଲେ ।

ବୈଠକରେ ମୁଖ୍ୟ ଶାସନ ସଚିବ ଶ୍ରୀ ସୁରେଶ ଚନ୍ଦ୍ର ମହାପାତ୍ର, ବିଭିନ୍ନ ବିଭାଗର ଅତିରିକ୍ତ ମୁଖ୍ୟ ସଚିବ, ପ୍ରମୁଖ ସଚିବ ଓ ସଚିବ ଏବଂ ଜିଲ୍ଲାପାଳମାନେ ଉପସ୍ଥିତ ଥିଲେ ।

16/08/2022

କାଶ୍ମୀର ରେ ନଦୀ କୁ ବସ୍ ଖସି 6 ଆଇ ଟି ବି ପି ଯବାନ ଙ୍କ ମୃତ୍ୟୁ

16/08/2022

ଆସନ୍ତା 3 ଘଣ୍ଟା ରେ ବନ୍ୟା ସ୍ଥିତି ପିକ୍ ଛୁଇଁବ !

15/08/2022

ବନ୍ୟା ସ୍ଥିତି ଗମ୍ଭିର: କିଛି ସ୍ଥାନରେ ଘାଇ ହେବା ସହିତ ଯୋଗାଯୋଗ ବିଚ୍ଛିନ୍ନ ,ଅନେକ୍ ସ୍ଥାନରେ ଲୋକେ ଜଳବନ୍ଦୀ

15/08/2022

ଭିନ୍ନ ଏକ ଦୃଷ୍ଟିକୋଣ ...

15/08/2022

କଂଗ୍ରେସ ଭବନ ରୁ ସିଧାସଳଖ ଚିତ୍ର ...

14/08/2022

ସ୍ୱାଧୀନତା ସଂଗ୍ରାମି ମାନଙ୍କ ଉଦ୍ଧେଶ୍ୟରେ ବିଶାଳ ତ୍ରିରଙ୍ଗା ରାଲି କଲା ,ଏବିଭିପି

ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ,ଭୁବନେଶ୍ୱର ମହାନଗର ତରଫରୁ ଆଜି ତ୍ରିରଙ୍ଗା ରାଲି ଅନୁଷ୍ଠିତ ହୋଇଯାଇଛି ।ଏହି ରାଲି ସହିଦ ନଗର ଦୁର୍ଗା ମଣ୍ଡପଠୁ ଆରମ୍ଭ ହୋଇ ରାମନ୍ଦିର ଦେଇ ରମାଦେବୀ ବିଶ୍ୱବିଦ୍ୟାଳୟ ସାମ୍ନାରେ ଶେଷ ହୋଇଛି,ଭୁବନେଶ୍ୱର ମହାନଗର କୋଡିଏ ରୁ ଉର୍ଦ୍ଧ କଜେରୁ ଶତାଧିକ ଛାତ୍ର ଛାତ୍ରୀ ଉପସ୍ଥିତ ଥିଲେ ।ଦେଶ ସ୍ୱାଧୀନତାର ୭୫ ବର୍ଷକୁ ଧୁମ ଧାମରେ ପାଳନ କରୁଛି ଦେଶ ସ୍ଵାଧୀନ ହେବାପୁର୍ବରୁ ଯେଉଁ ମହାପୁରୁଷ ମାନେ ନିଜ ଜୀବନକୁ ବାଜି ଲଗାଇ ନିଜେ ଫାସି ଖୁଣ୍ଟରେ ଝୁଲି ଦେଶ ମାତୃକ ପାଇଁ ଜୀବନ ଦେଇଥିଲେ ସେମାନଙ୍କ ଉଦ୍ଧେଶ୍ୟରେ ଆଜି ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ,ଭୁବନେଶ୍ୱର ମହାନଗରରେ ଥିବା ସମସ୍ତ କଲେଜ ଛାତ୍ର ଛାତ୍ରୀ ମାନଙ୍କ ନେଇ ଏକ ବିଶାଳ ତ୍ରିରଙ୍ଗା ରାଲି ଅନୁଷ୍ଠିତ ହୋଇଥିଲା ,ସର୍ବଶେଷରେ ଏବିଭିପି ଓଡ଼ିଶାର ରାଜ୍ୟ ସମ୍ପାଦକ ସୌଭାଗ୍ୟ ମହାନ୍ତି ଛାତ୍ର ଛାତ୍ରୀ ମାନଙ୍କ ସାମ୍ନାରେ କିଛି ବିଷୟ ରଖିଥିଲେ ।ଭାରତ ଏକ ହଜାର ବର୍ଷ ଶତ୍ରୁ ମାନଙ୍କୁ ଦ୍ୱାରା ଶାସନ ହୋଇଥିଲା କିନ୍ତୁ କେବେହେଲେ ଲଢେଇ କରିବା ବନ୍ଦ କରିନଥିଲା ମୋଗଲ ,ଖିଲଜି,ଆଫଗାନ, ଇଂରେଜ ସମସ୍ତଙ୍କ ବିରୁଦ୍ଧରେ ଦେଶର ବୀର ବିରଙ୍ଗନା ମାନେ ଲଢେଇ କରିଥିଲେ ଆଉ ନିଜର ଜୀବନ ମଧ୍ୟ ଦେବାକୁ ପଛାଇ ନଥିଲେ ଯେଉଁଥିପାଇଁ ଆଜି ଆମେ ସ୍ୱାଧୀନ ଭାରତରେ ରହିବାର ସୌଭାଗ୍ୟ ଅର୍ଜନକରିଛେ ,ଆଜି ଛାତ୍ର ଛାତ୍ରୀ ମାନେ ଦେଶ ପାଇଁ ଜୀବନ ନୁହେଁ ଦେଶ ପାଇଁ ସମୟ ଦେଇ ସ୍ୱାଧୀନତା ସଂଗ୍ରାମି ମାନଙ୍କୁ ମନେପକେଇବା ସହ ଦେଶକୁ ସୁନାର ଚିଡ଼ିଆ କରି ଗଢିତୋଳିବାକୁ ଛାତ୍ର ଛାତ୍ରୀଙ୍କୁ ଶ୍ରୀ ମହାନ୍ତି ଆହ୍ଵାନ କରିଥିଲେ ।ଆଜିର ତ୍ରିରଙ୍ଗା ରାଲିରେ ଏବିଭିପି ଓଡ଼ିଶାର ରାଜ୍ୟ ସମ୍ପାଦକ ଶ୍ରୀମାନ ସୌଭାଗ୍ୟ ମହାନ୍ତି ,ରାଷ୍ଟ୍ରୀୟ କାର୍ଯ୍ୟକାରିଣୀ ସଦସ୍ୟ ସୁଶ୍ରୀ କବିତା କହଁର,ରମାଦେବୀ ନଗର ସମ୍ପାଦକ ବର୍ଷାରାଣୀ ଦାସ,ସୁକାନ୍ତ ପୃଷ୍ଟି, ବିଶ୍ୱଜିତ ସାହୁ ,ଲଷ୍ମୀ ପ୍ରିୟା ସେଠି ,ପ୍ରୟାଦର୍ଶନୀ ଓଝା,ଶ୍ୱାସତି ପ୍ରିୟଦର୍ଶନୀ ,ବନିତା ,ସତ୍ୟ ,ପ୍ରମୁଖ ଉପସ୍ଥିତ ଥିଲେ ।

13/08/2022

ବିଶ୍ଵ ଅଙ୍ଗ ଦାନ ଦିବସ
ସୁରଜ୍ ପୁରସ୍କାର-୨୦୨୨ ପାଇଲେ ଗଞ୍ଜାମର ସ୍ୱର୍ଗତ ସୁଶୀଲ ସାହୁ ଓ ସିଦ୍ଧି ସମୃଦ୍ଧି

ଉଭୟଙ୍କ ପରିବାରକୁ ୫ ଲକ୍ଷ ଟଙ୍କା ଲେଖାଏ ଆର୍ଥିକ ପୁରସ୍କାର

ମୃତ ବ୍ୟକ୍ତିଙ୍କ ଅଙ୍ଗଦାନ ଦ୍ବାରା ସମାଜ ଉପରେ ଭଲ ପ୍ରଭାବ ପଡୁଛି,

ସେମାନଙ୍କ ପରିବାର ନିକଟରେ ସମାଜ ୠଣୀ

ଭଲ କାମ କରି ସମାଜ ପାଇଁ ପ୍ରେରଣା ସୃଷ୍ଟି କରିବାକୁ ମୁଖ୍ୟମନ୍ତ୍ରୀଙ୍କ ଆହ୍ବାନ

ଭୁବନେଶ୍ୱର
ଅଗଷ୍ଟ ୧୩, ୨୦୨୨

ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି ଗଞ୍ଜାମର ଜଗନ୍ନାଥ ପ୍ରସାଦ ଅଞ୍ଚଳର ଆଲାଡ଼ି ଗ୍ରାମର ସ୍ଵର୍ଗତ ସୁଶୀଲ ସାହୁ ଓ ଗଞ୍ଜାମ ଜିଲ୍ଲା ଗୋପାଳପୁର ସ୍ଥିତ କନିଶି ବ୍ଲକ୍ ନୀଳାଚଳ ନଗରର ସିଦ୍ଧି ସମୃଦ୍ଧିଙ୍କୁ ୨୦୨୨ ପାଇଁ ସୁରଜ୍ ପୁରସ୍କାର ପ୍ରଦାନ କରିଛନ୍ତି।

ଭିଡିଓ କନଫରେନ୍ସ ଜରିଆରେ ଆୟୋଜିତ ଏହି କାର୍ଯ୍ୟକ୍ରମରେ ବାଚସ୍ପତି ଶ୍ରୀ ବିକ୍ରମ କେଶରୀ ଆରୁଖ ସୁଶିଲଙ୍କ ପତ୍ନୀ ଶ୍ରୀମତି ପିଙ୍କି ସାହୁ ଓ ସିଦ୍ଧି ଙ୍କ ପିତା ଶ୍ରୀ ସପନ୍ କୁମାର ବିନ୍ଧାଣୀ ଉଭୟଙ୍କୁ ୫ ଲକ୍ଷ ଟଙ୍କାର ଚେକ୍ ପ୍ରଦାନ କରିଛନ୍ତି।

ହୃଦୟ, କିଡନୀ ଓ ଯକୃତ ପରି ଜୀବନ ରକ୍ଷାକାରୀ ଅଙ୍ଗ ଦାନ ପାଇଁ ୨୦୨୦ ଠାରୁ ଏହି ପୁରସ୍କାର ଦିଆଯାଉଛି। ଚଳିତ ବର୍ଷ ଏହା ତୃତୀୟ ସୁରଜ୍ ପୁରସ୍କାର। 2020 ରେ ଗଞ୍ଜାମର ମସ୍ତିସ୍କ ମୃତ ସୁରଜ୍ ବେହେରାଙ୍କ ପିତାମାତା ତାଙ୍କର ଛ ଟି ଗୁରୁତବପୂର୍ଣ ଅଙ୍ଗ ଦାନ କରି ଛଅ ଟି ଜୀବନ ରକ୍ଷା କରି ଥିବାରୁ , ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ସେହି ବର୍ଷ ତାଙ୍କ ନାମରେ ସୁରଜ୍ ପୁରସ୍କାର ଆରମ୍ଭ କରିଥିଲେ।

ଉଭୟ ସୁଶୀଲ ଓ ସିଦ୍ଧିଙ୍କ ପିତା ମାତାଙ୍କ ନିକଟରେ ସମାଜ ରୁଣୀ ବୋଲି ମତ ଦେଇ କହିଲେ ଯେ ଏହା ଦ୍ବାରା ସମାଜ ଉପରେ ବହୁତ୍ ଭଲ ପ୍ରଭାବ ପଡୁଛି। ଏହି ପରି ଭଲ କାମ କରି ସମାଜ ପାଇଁ ପ୍ରେରଣା ସୃଷ୍ଟି କରି ଏକ ସୁନ୍ଦର ସମାଜ ଗଠନ ପାଇଁ ମୁଖ୍ୟମନ୍ତ୍ରୀ ଆହ୍ବାନ ଦେଇଥିଲେ।

ମୂଖ୍ୟମନ୍ତ୍ରୀ କହିଲେ ଯେ ଅଙ୍ଗ ଦାନ ଅନେକ ପରିବାର ପାଇଁ ଆଶା ସୃଷ୍ଟି କରି ପାରୁଛି। ଅନ୍ୟର ଜୀବନ ରକ୍ଷା ସବୁଠାରୁ ଅଧିକ ପୁଣ୍ୟ କାର୍ଯ୍ୟ। ଅଙ୍ଗ ଦାନ ଏକ ସାହସିକ ଓ ସାହସିକ ନିଷ୍ପତ୍ତି। ଅଙ୍ଗ ଦାନ କରୁଥିବା ପରିବାରଙ୍କ ତ୍ୟାଗର ତୁଳନା ନାହିଁ ବୋଲି ସେ କହିଥିଲେ।

ବାଚସ୍ପତି ଶ୍ରୀ ବିକ୍ରମ କେଶରୀ ଆରୁଖ ଓ ସ୍ଵାସ୍ଥ୍ୟ ମନ୍ତ୍ରୀ ଶ୍ରୀ ନବ ଦାସ ପ୍ରମୁଖ ନିଜର ବକ୍ତବ୍ୟ ରଖି ସୁଶୀଲ ଓ ସିଦ୍ଧୀଙ୍କ ପରିବାରର ତ୍ୟାଗ ର ଉଚ୍ଚ ପ୍ରଶଂସା କରିଥିଲେ। ସେମାନଙ୍କ ଏହି ମହାନ କାର୍ଯ୍ୟ ସମାଜ ପାଇଁ ଆଦର୍ଶ ବୋଲି ସେମାନେ କହିଥିଲେ।

ମୁଖ୍ୟମନ୍ତ୍ରୀଙ୍କ ସଚିବ ( ୫ଟି) ଶ୍ରୀ ଭି କେ ପଣ୍ଡିଆନ କାର୍ଯ୍ୟକ୍ରମ ସଞ୍ଚାଳନ କରିଥିଲେ।

NHM ର ନିର୍ଦେଶକ ବ ସ୍ବାଗତ ଭାଷଣ ଦେଇଥିଲେ ଓ DMET ଧନ୍ୟବାଦ୍ ଅର୍ପଣ କରିଥିଲେ।

ଏହି କାର୍ଯ୍ୟକ୍ରମ ରେ ମୁଖ୍ୟ ଶାସନ ସଚିବ , ଉନ୍ନୟନ କମିଶନର ଓ ବରିଷ୍ଠ ଅଧିକାରୀ ମାନେ ଉପସ୍ଥିତ ଥିଲେ..

12/08/2022

ସେପ୍ଟେମ୍ଭର ଠାରୁ ରାଜ୍ଯ ରେ ନବ ଦମ୍ପତ୍ତି ଙ୍କୁ ଆଶା କର୍ମୀ ଙ୍କ ଦ୍ୱାରା ଦିଆଯିବ ଉପହାର

12/08/2022

ବ୍ରେକିଂ ବ୍ରେକିଂ ବ୍ରେକିଂ
ପିପିଲି ଟୋଲ ଗେଟ୍ ନିକଟରେ ଯାତ୍ରୀବାହୀ ବସ ଓଲଟି ଜଣେ ମୃତ 20 ଆହତ

11/08/2022

ରାକ୍ଷୀ ପୂର୍ଣ୍ଣିମା ଅବସରରେ ରାଣୀ ପଣ୍ଡା ବରିଷ୍ଠ କଂଗ୍ରେସ ନେତା ତଥା ବିଧାୟକ ସୁର ରାଉତରାୟ ଙ୍କ ହାତରେ ବାନ୍ଧିଲେ ରାକ୍ଷୀ ...

11/08/2022

ଆଜି ତା ୧୧.୮.୨୨.ରିଖ ଗୁରୁବାର ପବିତ୍ର ଶ୍ରାବଣ ପୂର୍ଣ୍ଣିମା ତଥା ରକ୍ଷା ବନ୍ଧନ ଦିନ ଶ୍ରୀ ଜଗନ୍ନାଥ ସେବା ପ୍ରତିଷ୍ଠାନ ଏବଂ ନିଶିଗନ୍ଧ। ଭାଷା ପ୍ରତିଷ୍ଠାନ ଆନୁକୁଲ୍ୟରେ ଭୁବନେଶ୍ବରସ୍ଥ ଇନ୍ଦିରାଗାନ୍ଧୀ ପାର୍କ ଠାରେ ରକ୍ଷାବନ୍ଧନ ଉତ୍ସବ ଏକ ବର୍ଣ୍ଣାଢ଼୍ୟ ପରିବେଶ ମଧ୍ୟରେ ପାଳିତ ହୋଇ ଯାଇଛି । ଏହି ଅବସରରେ ଅତିଥି ମାନଙ୍କ ଦ୍ଵାରା ବୃକ୍ଷ ପୂଜନ ଓ ବୃକ୍ଷରେ ରକ୍ଷା ବନ୍ଧନ କାର୍ଯ୍ୟକ୍ରମ ହେବା ସହିତ ଚାରା ବଣ୍ଟନ ମଧ୍ୟ କରାଯାଇଥିଲା । ଉତ୍ସବରେ ଉଦ୍ଘାଟକ ଭାବରେ ପ୍ରଫେସର ପ୍ରସନ୍ନ ପାଟସାଣୀ ,ମୁଖ୍ୟ ଅତିଥି ଭାବରେ ଓଡ଼ିଆ ଭାଷା ପ୍ରତିଷ୍ଠାନର ପ୍ରାକ୍ତନ ନିର୍ଦ୍ଦେଶକ ଓ ଜଗନ୍ନାଥ ସଂସ୍କୃତିର ଧାରାବାହିକ ଗବେଷକ ପ୍ରଫେସର ଡ଼ଃ ହରିହର କାନୁନଗୋ ଯୋଗ ଦେଇଥିଲେ । ସମ୍ମାନିତ ଅତିଥି ରଶ୍ମୀମୟୀ ପଟ୍ଟନାୟକ, ଆନୁସୃତା ସିଂହ ଦେଓ ,ସୌଭାଗ୍ୟବତୀ ମହାପାତ୍ର, ଦିଲ୍ଲୀପ କୁମାର ନାୟକ,ପ୍ରତିଷ୍ଠାତା ,ସୁସଂଗଠକ ତଥା କବି ଶ୍ରୀ ବଳରାମ ତରାଇ,ପୂର୍ବତନ ବିଧାୟକ ଡଃ ଦିଲ୍ଲୀପ ଶ୍ରୀଚନ୍ଦନ , କବି ତଥା ନିଶିଗନ୍ଧା ଖବର ସଭାପତି ଶ୍ରୀ ନୀରଦ ଚନ୍ଦ୍ର ଜେନା,କବି,ଗାଳ୍ପିକ, ସଂଳାପ ଲେଖକ ତଥା ଚିତ୍ରଶିଳ୍ପୀ ଅଧ୍ୟାପକ ଶ୍ରୀଯୁକ୍ତ ପ୍ରଭାତ ମହାରଣା ଙ୍କ ସମେତ ଅନ୍ୟାନ ବହୁ ବଳିଷ୍ଠ ବ୍ୟକ୍ତିବିଶେଷ ଉପସ୍ଥିତ ଥିଲେ । ସମସ୍ତ ଅତିଥିବୃନ୍ଦ କାର୍ଯ୍ୟକ୍ରମକୁ ଭୂୟସୀ ପ୍ରଶଂସା କରିବା ସହିତ ,ଗଛଟିଏ ଲଗାନ୍ତୁ ଜୀବନ ବଞ୍ଚନ୍ତୁ,ବୃକ୍ଷ ହିଁ ଆମ ଜୀବନ ଓ ଗଛ ଲଗାଅ ଅଭିଯାନ ପ୍ରସଙ୍ଗ ଉପସ୍ଥାପନ କରି କାର୍ଯ୍ୟକ୍ରମକୁ ସଫଳ କରାଇଥିଲେ ।

10/08/2022

ରାକ୍ଷୀ ପୁର୍ଣିମା ପାଇଁ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟନାୟକ ରାଜ୍ୟ ବାସୀଙ୍କୁ ଅଭିନନ୍ଦନ ଜଣାଇଛନ୍ତି .
କୋଭିଡ କୁ ଦୃଷ୍ଟିରେ ରଖି ଗହଳି ନ କରି ଜନସାଧାରଣ ନିରାପଦ ରେ ରକ୍ଷା ବନ୍ଧନ ପର୍ବ ପାଳନ କରିବା ପାଇଁ ମୁଖ୍ୟମନ୍ତ୍ରୀ ପରାମର୍ଶ ଦେବା ସହିତ,
ଆଗାମୀ କାଲି ରକ୍ଷା ବନ୍ଧନ ପାଇଁ ନବୀନ ନିବାସ କୁ ନ ଆସିବା ପାଇଁ ମୁଖ୍ୟମନ୍ତ୍ରୀ ଜନସାଧାରଣ ଙ୍କୁ ଅନୁରୋଧ କରିଛନ୍ତି.