Assisi Magazine

Home
India
Bharananganam
Assisi Magazine

മലയാളികൾക്കിടയിൽ യേശുവിന്‍റെയും ഫ്രാന്‍സീസിന്‍റെയും മാനവികസന്ദേശത്തിന്‍റെ ജിഹ്വയായി വര്‍ത്തിക്കുന്നു
(3)

Catholic Magazine published from Bharananganam 29th of every month.

04/07/2024

പ്രസക്തി നഷ്ടപ്പെട്ട, സുവിശേഷത്തിൻറെ ചൈതന്യത്തിലേക്ക് വിശ്വാസികളെ കൈപിടിച്ചുയർത്താൻ അപര്യാപ്തമായ, അഴിമതി നിറഞ്ഞ, പുരോഹിതമേധാവിത്തത്തിൻറെ പിടിയിലമർന്ന കത്തോലിക്കാസഭയെ എണ്ണൂറൂവർഷം മുൻപ് ഇറ്റലിയിലെ അസ്സീസിയിൽ നിന്നുള്ള ഒരു മനുഷ്യൻ വീണ്ടെടുത്തു. ഫ്രാൻസെസ്കോ ദെ ബെർണദോൺ എന്ന് അവന് പേര്. അസ്സീസിയിലെ വിശുദ്ധ ഫ്രാൻസിസ് എന്ന് അവനെ നാം അഭിസംബോധന ചെയ്യുന്നു. ഇന്ന് ലോകത്തെ ഏറ്റവും പ്രശസ്തനായ വിശുദ്ധനാണ് ഫ്രാൻസിസ്. നമ്മുടെ മാർപാപ്പായുടെ പ്രചോദനം. പക്ഷേ അവൻ തെറ്റായി ധരിക്കപ്പെട്ടവനുമാണ്. പാതിവെന്ത ഐതിഹ്യങ്ങൾക്കിടയിൽ നിന്ന് യഥാർത്ഥ ഫ്രാൻസിസിനെ വീണ്ടെടുക്കുന്നതിന് നാം നമ്മുടെ സാമൂഹിക, ആത്മീയ കാഴ്ചപ്പാടുകളെ ഒന്ന് തുടച്ച് വ്യക്തമാക്കേണ്ടിയിരിക്കുന്നു.

ജോൻ എം. സ്വീനി എഴുതിയ "വീണ്ടെടുക്കുക ഫ്രാൻസിസിനെ, ക്രൈസ്തവമൂല്യങ്ങളെ" എന്ന ലേഖനം പൂർണ്ണമായി വായിക്കാം.
https://magazine.assisijeevan.com/p/261
അസ്സീസി മാസികയുടെ വാട്സ് ആപ് ഗ്രൂപ്പിൽ അംഗമാകാം
https://chat.whatsapp.com/KuLudNHqSxVCXDaTWg3h9A

03/07/2024

ലോകത്തിന്‍റെ ഏറ്റവും നല്ല സാധ്യതയെ, കുടുംബത്തെ നിലനിറുത്താന്‍ ഏറെ ശ്രമം ആവശ്യമാണ്. അതില്‍ ഏറ്റവും പ്രധാനമാണ് ഓരോരുത്തരും അവരവരെ അറിയുക എന്നത്. 'നിനക്ക് ഞാനുണ്ട്' എന്ന് മറ്റെപകുതിയോടു പറയാന്‍ കഴിയുംവിധം ഭാര്യയും ഭര്‍ത്താവും സ്വയം വളരണം. എവിടെപോയി തളര്‍ന്നുവന്നാലും ഈ മടിത്തട്ട് നിനക്കുവേണ്ടി കരുതിയിരിക്കുന്നു എന്നാണ് വീട്ടില്‍നിന്ന് പുറത്തുപോകുംമുമ്പ് ഒരു ഉമ്മ കൊടുക്കുമ്പോള്‍ നമ്മള്‍ പരസ്പരം പറയുന്നത്. ആ ഒരു ധൈര്യം മതി എത്ര കഠിനമായ പരിസരവും നേരിട്ട് ഒരാള്‍ക്ക് തിരിച്ചെത്താന്‍. ഇതിന് നാം ശീലിക്കേണ്ടത് അകത്തുള്ളതിനേക്കാള്‍ സുന്ദരമല്ല പുറത്തുള്ളത് എന്നാണ്. അകത്തുള്ളയാള്‍ തന്‍റെ ശത്രുവും പുറത്തുള്ള അവനോ അവളോ തന്‍റെ രക്ഷകനോ/ രക്ഷകയോ ആവുകയും ചെയ്യുമ്പോഴാണ് പതുക്കെ പതുക്കെ ഇണയുടെ സാന്നിധ്യത്തെ നാം ഒഴിവാക്കാന്‍ ശ്രമിക്കുക.
ഡോ. റോസിതമ്പി എഴുതിയ "കുടുംബം ഭൂമിയിലെ സ്വര്‍ഗ്ഗം" എന്ന ലേഖനം പൂർണ്ണമായി വായിക്കാം.
https://magazine.assisijeevan.com/p/918
അസ്സീസി മാസികയുടെ വാട്സ് ആപ് ഗ്രൂപ്പിൽ അംഗമാകാം
https://chat.whatsapp.com/KuLudNHqSxVCXDaTWg3h9A

02/07/2024

കുസൃതിയും കുറുമ്പും ഫലിതവും ഞങ്ങൾക്കിടയിൽ നുരയുന്നത്, ഫ്രാൻസിസ്കൻ പാരമ്പര്യത്തിൻറെ കോപ്പയിലെ മട്ടിൽ അടിഞ്ഞിരിക്കുന്ന ജൂണിപ്പർ എന്നൊരു നാമം കൊണ്ടാണ്. ഫ്രാൻസിസിൻറെ ആദ്യകാലശിഷ്യരിൽ ഒരാളായിരുന്നു അയാൾ. ഇന്ന് ജൂണിപ്പർ ഒരു ശൈലിയാണ്, സുകൃതമുള്ള തെല്ലു കോമാളിജീവിതങ്ങൾക്ക്. നിരവധി കഥകൾ അയാളേക്കുറിച്ച് 'ലിറ്റിൽ ഫ്ളവേഴ്സ് ഓഫ് സെയ്ൻറ് ഫ്രാൻസിസ്' എന്ന പുസ്തകത്തിലുണ്ട്. നിഷ്കളങ്കതയിൽ നിന്നു ചിതറുന്ന ആനന്ദമാണ് അയാളുടെ മൂലധനം"Would to God, my brothers, I had a whole forest of such Junipers”എന്നാണ് ഫ്രാൻസിസ് ഇയാളേക്കുറിച്ച് മതിപ്പു പറയുന്നത്.
ബോബി ജോസ് കട്ടികാട് എഴുതിയ "ബ്രദർ ജൂണിപ്പർ" എന്ന ലേഖനം പൂർണ്ണമായി വായിക്കാം.
https://magazine.assisijeevan.com/p/2746
അസ്സീസി മാസികയുടെ വാട്സ് ആപ് ഗ്രൂപ്പിൽ അംഗമാകാം
https://chat.whatsapp.com/KuLudNHqSxVCXDaTWg3h9A

01/07/2024

"അച്ചന്മാർക്കു മുറീലെങ്ങാനുമിരുന്നാപ്പോരെ, പറമ്പിൽ പോയിക്കിടക്കാതെ. എനിക്ക് ഒത്തിരി വെയ്റ്റുചെയ്യാൻ പറ്റത്തില്ല. ഓട്ടമുള്ള സമയമാണ്." ഓട്ടോക്കാരൻ മുഷിച്ചിലോടെ പറയുന്നത് എനിക്കു കേൾക്കാമായിരുന്നു.
"ആ ഓട്ടോക്കാരൻ പറഞ്ഞതു ഞാൻകേട്ടു. അയാളു പറഞ്ഞതാ ശരി. ഞാൻ പണീംകഴിഞ്ഞു ഫ്രീയാകാൻ രണ്ടുമൂന്നു മണിക്കൂറെങ്കിലും എടുക്കും. അതുകൊണ്ടു സമയംകളയാതെ പോകുന്നതല്ലേ നല്ലത്?"
ഞാനതു പറഞ്ഞയുടനെ ആളു ഫോൺ കട്ടുചെയ്തു. ഏതെങ്കിലും പിരിവുകാരോ, സഹായം ചോദിച്ചുവന്നവരോ ആയിരിക്കും എന്നൂഹിച്ചു. ഏതായാലും വിട്ടുപോയീന്നു ഞാൻ പ്രതീക്ഷിച്ചു. പക്ഷേ ആ ഓട്ടോക്കാരൻറെ വാക്കുകൾ എൻറെ മനസ്സിൽതട്ടി. അച്ചന്മാർക്കു മുറീലിരുന്നാപ്പോരേന്ന്!
ജോസ് വെട്ടിക്കാട്ട് എഴുതിയ "നട്ടെല്ല് വാഴപിണ്ടിയോ" എന്ന ലേഖനം പൂർണ്ണമായി വായിക്കാം.
https://magazine.assisijeevan.com/p/2745
അസ്സീസി മാസികയുടെ വാട്സ് ആപ് ഗ്രൂപ്പിൽ അംഗമാകാം
https://chat.whatsapp.com/KuLudNHqSxVCXDaTWg3h9A

29/06/2024

നിങ്ങളുടെ മുഴുവൻ പ്രവർത്തനങ്ങളെയും അവയുടെ രീതികളെയും നിരീക്ഷിച്ചാൽ നിങ്ങൾക്കു നിങ്ങളുടെ ശിരസ്സിനുള്ളിൽ ഒരു തികഞ്ഞ പ്രോഗ്രാം - ലോകമെന്തായിരിക്കണമെന്നും നിങ്ങൾ എന്തായിരിക്കണമെന്നും നിങ്ങൾ എന്ത് ഇഷ്ടപ്പെടണമെന്നും മറ്റുമുള്ള അഭിലാഷങ്ങൾ - കണ്ടെത്താനാകും. നിങ്ങളെ ഈ രീതിയിൽ പ്രോഗ്രാം ചെയ്തെടുത്തത് ആരാണ്? എന്തായാലും അത് നിങ്ങളല്ല. നിങ്ങളുടെ ഇഷ്ടങ്ങളും അനിഷ്ടങ്ങളും ആഗ്രഹങ്ങളും ആഭിമുഖ്യങ്ങളും മൂല്യങ്ങളും ഒന്നുംതന്നെ നിങ്ങൾ സ്വയം തീരുമാനിച്ചുറപ്പിച്ചവയല്ല. അവയൊക്കെ നിങ്ങൾക്കുള്ളിലെ കംപ്യൂട്ടറിനുള്ള പ്രവർത്തന നിർദ്ദേശങ്ങളായി നിക്ഷേപിച്ചത് നിങ്ങളുടെ മാതാപിതാക്കളും സമൂഹവും പാരമ്പര്യവും മതവും പഴയകാല അനുഭവങ്ങളുമൊക്കെയാണ്.
റ്റോണി ഡിമെല്ലോ (പരിഭാഷ: കെ. എസ്.)എഴുതിയ "സ്നേഹത്തിലേയ്ക്കൊരു കൈചൂണ്ടി" എന്ന ലേഖനം പൂർണ്ണമായി വായിക്കാം.
https://magazine.assisijeevan.com/p/914
അസ്സീസി മാസികയുടെ വാട്സ് ആപ് ഗ്രൂപ്പിൽ അംഗമാകാം
https://chat.whatsapp.com/KuLudNHqSxVCXDaTWg3h9A

28/06/2024

ഇന്ത്യൻ ഭരണഘടനയിൽതന്നെ വെള്ളം പൊതു സ്വത്താണെന്നും അത് എല്ലാ പൗരന്മാർക്കും അവകാശപ്പെട്ടതാണെന്നും സൗജന്യമായി എല്ലാവർക്കും ആവശ്യമായ വെള്ളം ലഭ്യമാക്കുന്നതിനുള്ള ബാദ്ധ്യത സ്റ്റേറ്റിന് ഉണ്ടായിരിക്കുന്നതാണെന്നും കൃത്യമായി ഭേദഗതി ചെയ്ത് ചേർക്കണം. കുടിവെള്ളം മൗലികാവകാശമാകണം. ഒരു പഞ്ചായത്ത് പ്രദേശത്തുള്ള ജലത്തിൻറെ വിനിയോഗം സംബന്ധിച്ച് അന്തിമ തീരുമാനമെടുക്കുന്നതിനുള്ള അധികാരം ഗ്രാമസഭയ്ക്കും പഞ്ചായത്തുകൾക്കും നൽകണം. കുടിവെള്ളത്തിൻറെ വില്പന നിരോധിച്ചുകൊണ്ടും കുടിവെള്ളമെങ്കിലും സൗജന്യമായി മുഴുവൻ ജനങ്ങൾക്കും നൽകിക്കൊണ്ടും അതിൻറെ ഉത്തരവാദിത്വം നിർവ്വഹിക്കുവാൻ സ്റ്റേറ്റ് ബാദ്ധ്യസ്ഥമാണ്.

ജോർജുകുട്ടി ജി. കടപ്ലാക്കൽ എഴുതിയ "വെള്ളം പൊതുസ്വത്ത്" എന്ന ലേഖനം പൂർണ്ണമായി വായിക്കാം.
https://magazine.assisijeevan.com/p/1218
അസ്സീസി മാസികയുടെ വാട്സ് ആപ് ഗ്രൂപ്പിൽ അംഗമാകാം
https://chat.whatsapp.com/KuLudNHqSxVCXDaTWg3h9A

26/06/2024

മനുഷ്യൻ തന്റെ മനശുദ്ധികൊണ്ട് ദൈവത്തിന്റെ മുൻപിൽ നിൽക്കുകയും, ദൈവം തന്നിലെ ആത്മവെളിച്ചം കൊണ്ട് മനുഷ്യനെ തഴുകുകയും ചെയ്യുമ്പോൾ ദൈവ - മനുഷ്യബന്ധം സമ്പൂർണ്ണമായ പ്രാർത്ഥനാനുഭവമായി വളരുന്നു. ആത്മബന്ധത്തിന്റെ ഈ സുതാര്യതയിൽ ദൈവവും മനുഷ്യനും പരസ്പരം ലയിക്കുകയും പരസ്പരം തുണയാവുകയും ചെയ്യുന്നു. ഇത് സായൂജ്യമാണ്.
ഫാ. റോയി കാരയ്ക്കാട്ട് എഴുതിയ "യാത്രയിലെ വെളിപാടുകൾ" എന്ന ലേഖനം പൂർണ്ണമായി വായിക്കാം.
https://magazine.assisijeevan.com/p/907
അസ്സീസി മാസികയുടെ വാട്സ് ആപ് ഗ്രൂപ്പിൽ അംഗമാകാം
https://chat.whatsapp.com/KuLudNHqSxVCXDaTWg3h9A

24/06/2024

ആകാശത്തിനുമേല്‍ മഴവില്ല് സ്ഥാപിച്ച് ദൈവം മനുഷ്യരാശിക്ക് ഒരേസമയം പ്രളയത്തിന്‍റെയും പ്രത്യാശയുടെയും ഉടമ്പടിയുണ്ടാക്കി. അത് ജീവിതത്തിന്‍റെയും അതിജീവനത്തിന്‍റെയും സഹജീവനത്തിന്‍റെയും ഉടമ്പടിയായിരുന്നു. ആകാശവും ഭൂമിയും തമ്മിലുള്ള ചാക്രികത പൂര്‍ത്തിയാകാത്തതുകൊണ്ടാണ് മരുഭൂമികളുണ്ടാകുന്നത്. മഴയുടെ ജലചാക്രികതകൊണ്ടാണ് ഒരു ഹരിതലോകം സാധ്യമാകുന്നത്. കാത്തുവച്ച കാലത്തിന്‍റെ വിത്തുകളാണ് കാലവര്‍ഷം ആകാശത്തുനിന്നും മണ്ണിലേക്ക് കൈമാറുന്നത്. വരള്‍ച്ചക്കെതിരെ കരുതലും ഉര്‍വരതയ്ക്കായുള്ള ഒരുക്കങ്ങളുമാണ് മഴക്കാല സന്ദേശം.
വി.ജി. തമ്പി എഴുതിയ "കാലവര്‍ഷത്തെ മലയാളി എങ്ങനെ വായിക്കും?" എന്ന ലേഖനം പൂർണ്ണമായി വായിക്കാം.
https://magazine.assisijeevan.com/p/1742
അസ്സീസി മാസികയുടെ വാട്സ് ആപ് ഗ്രൂപ്പിൽ അംഗമാകാം
https://chat.whatsapp.com/KuLudNHqSxVCXDaTWg3h9A

19/06/2024

നതാലിയ ദിമിത്രയേവ്ന ദസ്തയവ്സ്കിയെ മനസ്സിലാക്കുന്നത് ശരിയായ വിധത്തിലാണ്. "ഈ ലോകം അയാൾക്ക് ചേർന്നതായിരുന്നില്ലെന്നേ ഞാൻ പറയൂ. അയാൾ ഒരു മനുഷ്യനായിരുന്നു, യഥാർത്ഥ മനുഷ്യൻ' എന്നത് ഏറ്റവും ഉചിതമായ നിരീക്ഷണമാണ്. മനുഷ്യനിലുള്ള എല്ലാം ഈ വലിയ എഴുത്തുകാരനിലുമുണ്ട്. നന്മയും തിന്മയും വെളിച്ചവും ഇരുട്ടുമെല്ലാം. ഭ്രാന്താലയത്തിലെ ഷേക്സ്പിയർ എന്ന് അദ്ദേഹത്തെ
വിശേഷിപ്പിക്കുന്നത് വെറുതെയല്ല. വേണു വി ദേശം എഴുതിയ റഷ്യൻ ക്രിസ്തു എന്ന നോവലിലെ വരികളാണിവ.
വായനാദിനത്തിൽ തപ്പിയെടുത്തു വായിക്കാൻ മൂന്നുപുസ്തകങ്ങൾ.
‍ഡോ. റോയി തോമസ് എഴുതിയ ഹൃദയത്തിൽ തൊടുന്ന വാക്കുകൾ എന്ന ലേഖനം പൂർണ്ണമായി വായിക്കാം.
https://magazine.assisijeevan.com/p/548

അസ്സീസി മാസികയുടെ വാട്സ് ആപ് ഗ്രൂപ്പിൽ അംഗമാകാം
https://chat.whatsapp.com/KuLudNHqSxVCXDaTWg3h9A

18/06/2024

1182 സെപ്റ്റംബർ 26 ന് ജനിച്ചു ഏകദേശം 44 വർഷക്കാലം ഇവിടെ ജീവിച്ച വിശുദ്ധ ഫ്രാൻസിസ്. ദാരിദ്ര്യം ഉൾക്കൊള്ളാനും അവരെ സേവിക്കാനും തൻ്റെ സമ്പന്നമായ ജീവിതശൈലി ഉപേക്ഷിച്ചു. വാക്കുകളിലൂടെ അല്ലാതെ പ്രവർത്തിയിലൂടെ സുവിശേഷം പ്രസംഗിച്ചു രണ്ടാം ക്രിസ്തു എന്നു വിളിക്കപ്പെട്ടു. ഒരു മനുഷ്യൻ തന്മയത്വമായി പ്രകൃതിയുടെ ഭാഗമാകുന്നതെങ്ങനെ എന്നദ്ദേഹം ജീവിച്ചു കാണിച്ചു തന്നു.ആധുനിക ലോകത്തിലെ ഗാന്ധിജിയേയും, മദർ തെരേസയെയും പോലുള്ളവർ ആ കാലടികളെ പിന്തുടർന്നു. അദ്ദേഹം ലോകത്തിനു സമർപ്പിച്ച ''സമാധാന പ്രാര്‍ത്ഥന'' ഫ്രാന്‍സിസ്കന്‍ ദര്‍ശനത്തിന്‍റെ 'മാനിഫെസ്റ്റോ'യായാണ് അറിയപ്പെടുന്നത്.

1980 ൽ ജെ. പി. ദയാനന്ദ് എഴുതിയ ഈ ലേഖനം ഫ്രാൻസിസ് അസ്സീസിയെപ്പോലെ ഇന്നും ജീവൻ തുടിക്കുന്ന ഒന്നാണ്. എന്ന ലേഖനം പൂർണ്ണമായി വായിക്കാം.
https://magazine.assisijeevan.com/p/2708

അസ്സീസി മാസികയുടെ വാട്സ് ആപ് ഗ്രൂപ്പിൽ അംഗമാകാം
https://chat.whatsapp.com/KuLudNHqSxVCXDaTWg3h9A

17/06/2024

കോവിഡ്-19 എന്ന മഹാമാരി ചര്‍ച്ചകളില്‍ നിന്നും ഒഴിവാക്കപ്പെട്ടെങ്കിലും അതിന്‍റെ പ്രതിരോധം എന്നോണം എടുത്ത കോവിഷീല്‍ഡ് വാക്സിന്‍ പാര്‍ശ്വഫലങ്ങളെക്കുറിച്ചുള്ള തര്‍ക്ക ങ്ങള്‍ ലോകമെമ്പാടും ഉയര്‍ന്നിരിക്കുകയാണ്. യു.കെ. ആസ്ഥാനമായുള്ള മരുന്ന് കമ്പനിയായ ആസ്ട്രാസെനെക്കയും ഓക്സ്ഫോര്‍ഡ് യൂണിവേഴ്സിറ്റിയും ചേര്‍ന്ന് വികസിപ്പിച്ചതും സെറം ഇന്‍സ്റ്റി റ്റ്യൂട്ട് ഓഫ് ഇന്ത്യയില്‍ നിര്‍മ്മിച്ചതുമായ കോവിഡ്-19 വാക്സിന്‍ ആയ കൊവിഷീല്‍ഡ് ഇന്ത്യയില്‍ വലിയ വിവാദത്തിന് വഴിവെച്ചിരിക്കുകയാണ്. വാക്സിനേഷനുകളുടെ പിന്നിലെ വസ്തുതകളെ വിശകലനം ചെയ്യുകയാണ് കൊച്ചി ലേക് ഷോർ ഹോസ്പിറ്റലിലെ ന്യൂറോസർജനായ ഡോ. അരുൺ ഉമ്മൻ.
ലേഖനം, ''വാക്സിനേഷനും ആശങ്കകളും'' പൂർണ്ണമായി വായിക്കാം.

https://magazine.assisijeevan.com/p/2730

അസ്സീസി മാസികയുടെ വാട്സ് ആപ് ഗ്രൂപ്പിൽ അംഗമാകാം
https://chat.whatsapp.com/KuLudNHqSxVCXDaTWg3h9A

12/06/2024

ദൈവം ഏകാകിയല്ല, സ്നേഹത്തിന്‍റെ ഒരു കൂട്ടായ്മയാണ്. ത്രിയേകദൈവമാണ്; സ്നേഹത്തിന്‍റെ കൂട്ടായ്മയായ ദൈവം മനുഷ്യനെ സൃഷ്ടിച്ചതും ഏകാകിയായിട്ടല്ല, സ്നേഹത്തിന്‍റെ ഒരു കൂട്ടായ്മയായിട്ടാണ്. വി. ഗ്രന്ഥത്തിന്‍റെ ആദ്യത്തെ പുസ്തകത്തിന്‍റെ ആദ്യത്തെ അധ്യായത്തില്‍ത്തന്നെ നാം വായിക്കുന്നുണ്ട്: ദൈവത്തിന്‍റെ ഛായയില്‍ അവിടുന്ന് അവനെ സൃഷ്ടിച്ചു. സ്ത്രീയും പുരുഷനുമായി അവിടുന്ന് അവരെ സൃഷ്ടിച്ചു.' (ഉല്‍പ. 1:26). സ്ത്രീയും പുരുഷനുമായുള്ള സ്നേഹത്തിന്‍റെ കൂട്ടായ്മ പരി. ത്രിത്വത്തിന്‍റെ ഛായയും സാദൃശ്യവും സാക്ഷാത്കരിക്കുന്ന പ്രഥമ പ്രതിരൂപമാണ്. ഏകനായിട്ടല്ല മനുഷ്യന്‍ സൃഷ്ടിക്കപ്പെട്ടിരിക്കുന്നത്. പിന്നെയോ സമൂഹത്തിലാണ്, സമൂഹജീവിയായിട്ടാണ്. ഏകനായി, സമൂഹത്തില്‍നിന്നു മാറി, ഒരു വ്യക്തിയായിത്തീരുവാന്‍ മനുഷ്യന് ഒരിക്കലും സാധ്യമല്ല. വ്യക്ത്യന്തരബന്ധങ്ങളിലൂടെ മാത്രമേ വ്യക്തിത്വത്തിലേക്കു വളരുവാന്‍ സാധിക്കുകയുള്ളൂ.

ഡോ. സിപ്രിയന്‍ ഇല്ലിക്കമുറി എഴുതിയ "പരിശുദ്ധ ത്രിത്വവും മനുഷ്യവ്യക്തിത്വവും" എന്ന ലേഖനം പൂർണ്ണമായി വായിക്കാം.
https://magazine.assisijeevan.com/p/2682

അസ്സീസി മാസികയുടെ വാട്സ് ആപ് ഗ്രൂപ്പിൽ അംഗമാകാം
https://chat.whatsapp.com/KuLudNHqSxVCXDaTWg3h9A

11/06/2024

ഘടികാരങ്ങൾ നിലച്ചിരുന്നുവെങ്കിൽ എന്ന് ഒരിക്കലെങ്കിലും പൊളളലോടെ പ്രാർത്ഥിക്കാത്ത ആരുണ്ട്. ജീവിതം പ്രണയിക്കുന്നവർക്കാണ്. എന്തെങ്കിലിനോടും പ്രണയത്തിലാവാത്ത ഒരുവൻറെ നെഞ്ചിലെ വേദനയെ ധ്യാനിക്കുക. (സഖിയോടോ, ഈശ്വരനോടോ, കർമ്മവഴികളോടോ...) പ്രണയം നിലയ്ക്കുമ്പോൾ കാലം നിശ്ചലമായേ തീരു. പിന്നെ ആത്മാവിൻറെ കൊഴിഞ്ഞ കാലത്തിൻറെ സ്നേഹചിരാതുകൾ തെളിഞ്ഞുനില്ക്കുന്ന ഇടനാഴികളിലൂടെയലയാൻ വിട്ടുകൊടുത്തുകൊണ്ട്, ഒരു Biographical death (ജീവചരിത്രപരമായ മരണത്തിന്) സ്വയം വിധിച്ചുകൊണ്ട് ശിഷ്ടകാലം കഴിച്ചുകൂട്ടുക.

ബോബി ജോസ് കപ്പൂച്ചിൻ എഴുതിയ "നിലച്ച ഘടികാരവും തുറന്ന ജാലകവും" എന്ന ലേഖനം പൂർണ്ണമായി വായിക്കാം.
https://magazine.assisijeevan.com/p/2613

അസ്സീസി മാസികയുടെ വാട്സ് ആപ് ഗ്രൂപ്പിൽ അംഗമാകാം
https://chat.whatsapp.com/KuLudNHqSxVCXDaTWg3h9A

10/06/2024

ഭിന്നശേഷി (Disability)യുമായി എൻറെ നേർക്കാഴ്ചയും അനുഭവവും പരിമിതമായിരുന്നു. മനസ്സിൽ രണ്ടു മുഖങ്ങൾ തെളിഞ്ഞു; ആൻറിയുടെ മകൻ മാനുക്കുട്ടനും, B Ed ന് എൻറെ റൂംമേറ്റായിരുന്ന ഷില്ലിയും. മാനുക്കുട്ടന് സംസാരിക്കുവാനോ, ചലിക്കുവാനോ ഒന്നുമേ സാധിക്കില്ലായിരുന്നു. എന്നാൽ അവൻറെ മാതാപിതാക്കളും ചേച്ചിയും ഏറെ സ്നേഹത്തോടെ അവനെ പരിപാലിക്കുന്നതു കണ്ടു. ഇടയ്ക്കു ചെല്ലുമ്പോൾ ഞങ്ങൾ രണ്ടാളും മുഖം ചേർത്തു വച്ച് കുറേ വർത്തമാനം പറയും. കണ്ണുകളിലൂടെയും ചിരിയിലൂടെയും അവൻ പ്രതികരിച്ചു. ഷില്ലിക്ക് കാഴ്ച തീരെയില്ലായിരുന്നു. അതു മാത്രമേ ഒരു പരിമിതിയുള്ളൂ എന്നവൾ തെളിയിച്ചുകൊണ്ടേയിരുന്നു. അധ്യാപികയായി മുന്നേറുന്നു. ഇവരെയല്ലാതെ ആരേയും ശ്രദ്ധിച്ചിട്ടില്ലേ ഞാൻ?

കവിത ജേക്കബ് എഴുതിയ "ഉള്ളുലച്ച വർത്തമാനം" എന്ന ലേഖനം പൂർണ്ണമായി വായിക്കാം.
https://magazine.assisijeevan.com/p/2723
അസ്സീസി മാസികയുടെ വാട്സ് ആപ് ഗ്രൂപ്പിൽ അംഗമാകാം
https://chat.whatsapp.com/KuLudNHqSxVCXDaTWg3h9A

08/06/2024

ലിയോ സഹോദരനോട് ഓരോന്നിങ്ങനെ പറഞ്ഞു കൊണ്ടാണ് ഫ്രാൻസിസിൻറെ സഞ്ചാരം. അതായിരുന്നു യാത്രകളിലെ പതിവും.
"സഹോദരാ, നമുക്കു ലഭിച്ചേക്കാവുന്നതിൽവച്ച് ഏറ്റവും വിജയപ്രദമായ ഒരു പഠനയാത്രയായിരിക്കും ഇത്. നമ്മളെപ്പോലെ രണ്ടു സാധുക്കളിൽ ദൈവമിങ്ങനെ കരുണ കാണിക്കുന്നതിൽ എന്നെപ്പോലെ തന്നെ താങ്കളും സന്തുഷ്ടനായിരിക്കും എന്ന് എനിക്കറിയാം. എന്തെന്നാൽ ദൈവത്തിൽ നിന്ന് ഇത്തരം കാരുണ്യങ്ങൾ നമ്മുടെ മേൽകൂടെക്കൂടെ വർഷിക്കപ്പെടുന്നു. എങ്കിലും സഹോദരാ, ക്രിസ്തുവിലായിരിക്കുക എന്നതിൽനിന്നു ലഭിക്കുന്ന സമ്പൂർണ്ണമായ ആനന്ദം ഇതല്ല."
"പിതാവെ! യേശുവിലായിരിക്കുകയെന്നതിൽനിന്നു ലഭിക്കുന്ന ആ സമ്പൂർണ്ണമായ ആനന്ദം എന്താണെന്നൊന്നു പറയാമോ?" ലിയോ ചോദിച്ചു.
ഫ്രാൻസിസ് അസ്സീസിയുടെ ജീവിതത്തിൽ നിന്ന്, ഇ. ആർ. പരിഭാഷപ്പെടുത്തിയ ഒരേട് പൂർണ്ണമായി വായിക്കാം.
https://magazine.assisijeevan.com/p/900
അസ്സീസി മാസികയുടെ വാട്സ് ആപ് ഗ്രൂപ്പിൽ അംഗമാകാം
https://chat.whatsapp.com/KuLudNHqSxVCXDaTWg3h9A

06/06/2024

രണ്ടുകാലിന്റെയും തള്ളവിരലിന്റെയറ്റത്തുനിന്ന് കിരുകിരാന്നൊരു വേദനയും മരപ്പും. ഇതു പതിവില്ലാത്തതാണല്ലോ. തമ്പുരാൻ കണക്കു വീട്ടാനുള്ള മട്ടാണെന്നു തോന്നുന്നു. അന്തിമയങ്ങിയ നേരമാണോ? അല്ല, ഉച്ചതിരിയുന്നതേയുള്ളു. ചെന്തീമാലാഖായുടെ ടൈം ഇന്ത്യൻ സമയമായിരിക്കണമെന്നില്ലല്ലോ.
കാൽമുട്ടുകളിലൂടെ, അരക്കെട്ടിലൂടെ, എളിയിലൂടെ, വാരിയെല്ലുകൾക്കിടയിലൂടെ തിങ്ങിഞെരുങ്ങി കിരുകിരുപ്പ് ചങ്കിൻകൂടിനടുത്തെത്തി. നെഞ്ചിൻകൂട് അമർന്നു. ഫുൾസ്റ്റോപ്പിടാൻ പോകുകയാണ്.

ലിസി നീണ്ടൂർ എഴുതിയ കഥ അടക്ക് പൂർണ്ണമായി വായിക്കാം.
https://magazine.assisijeevan.com/p/1333
അസ്സീസി മാസികയുടെ വാട്സ് ആപ് ഗ്രൂപ്പിൽ അംഗമാകാം
https://chat.whatsapp.com/KuLudNHqSxVCXDaTWg3h9A

05/06/2024

ഈ വർഷം നാം കടുത്ത വേനലിലൂടെ കടന്നു പോയി. ഇൻഡ്യയിലെ പല സംസ്ഥാനങ്ങളും ചുട്ടുപൊള്ളി. അനേകമാളുകൾ പിടഞ്ഞുവീണു മരിച്ചു. എന്തുകൊണ്ടാണ് ഭൂമി ഇപ്രകാരം പ്രതികരിക്കുന്നത്? മനുഷ്യൻ ഭൂമിയോടു ചെയ്തതിൻറെ പരിണതഫലം തന്നെയല്ലേ ഈ ഉഷ്ണം? ഇനിയും നാം തിരിച്ചറിവു നേടിയില്ലെങ്കിൽ 'ഇനി വരുന്ന തലമുറകൾക്ക് ഇവിടെ വാസം സാധ്യമല്ലാതാകും' 'നിശ്ശബ്ദ വസന്ത'ത്തിൽ റേച്ചൽ കാഴ്സൺ കുറിച്ചത് നമ്മുടെ യാഥാർത്ഥ്യമായിക്കൊണ്ടിരിക്കുന്നു. വികസനത്തിൻറെ പേരിൽ നാം നശിപ്പിക്കുന്ന കുന്നുകളും മലകളും തണ്ണീർത്തടങ്ങളും മരങ്ങളുമെല്ലാം അതിവൃഷ്ടിയും അനാവൃഷ്ടിയുമായി നാശം വിതയ്ക്കും. നാം നശിപ്പിക്കുന്ന പലതും തിരിച്ചുകിട്ടാത്തതാണ് എന്ന സത്യം തിരിച്ചറിയേണ്ട സമയം അതിക്രമിച്ചിരിക്കുന്നു. ചില തിരുത്തലുകൾക്ക് നമുക്കിനി അവസരം ലഭിച്ചില്ലെന്നു വരും. ഭാവിതലമുറകളോടു പുലർത്തേണ്ട നീതികൂടിയാണിത്.

ഡോ. റോയി തോമസ് കുറച്ചുവർഷങ്ങൾക്കുമുമ്പ് അസ്സീസിയിൽ എഴുതിയ ലേഖനം "ഭൂമിയുടെ മുന്നറിയിപ്പ്" ഇപ്പോഴും പ്രസക്തമാണ്. ലേഖനം പൂർണ്ണമായി വായിക്കാം.
https://magazine.assisijeevan.com/p/2418
അസ്സീസി മാസികയുടെ വാട്സ് ആപ് ഗ്രൂപ്പിൽ അംഗമാകാം
https://chat.whatsapp.com/KuLudNHqSxVCXDaTWg3h9A

04/06/2024

ആത്മീയരായ മനുഷ്യർ എങ്ങനെയോ എടുത്തണിയുന്ന ഒരുതരം അതിഗൗരവം അദ്ദേഹത്തിൽ തീരെ ഇല്ലായിരുന്നു. സ്വതസിദ്ധമായ ലാളിത്യത്തോടെ അദ്ദേഹം എപ്പോഴും തമാശ പറയുകയും ചിരിക്കുകയും ചെയ്യുമായിരുന്നു. എട്ടു മണിക്കുള്ള അത്താഴത്തിനുശേഷം ഒമ്പതുമണിക്കുള്ള നിശാ പ്രാർത്ഥനക്ക് മുമ്പായി എതാണ്ട് അര മണിക്കൂ റോളം സമയത്ത് ഉല്ലാസത്തിൻറെ ഭാഗമായി അംഗങ്ങളിൽ കുറേപ്പേർ വട്ടംകൂടിയിരുന്ന് ചീട്ടുകളിക്കുകയും ബാക്കിയുള്ളവർ ചുറ്റുമിരുന്ന് പ്രോത്സാഹിപ്പി ക്കുകയും പതിവായിരുന്നു. ചീട്ടുകളിക്കുന്നവരിൽ എത്ര തോല്ക്കാനും മടിയില്ലാത്ത ആർമണ്ടച്ചനുമുണ്ടാകും! അദ്ദേഹം എപ്പോഴും സന്തോഷവാനായിരുന്നു. സുവിശേഷത്തിൻറെ ആനന്ദമായിരുന്നു അദ്ദേഹത്തിന്.
ജോർജ് വലിയപാടത്ത് കപ്പൂച്ചിൻ, ആർമണ്ട് അച്ചനെ അനുസ്മരിച്ചുകൊണ്ട് എഴുതിയ ലേഖനം "മണ്ടനെന്നു തോന്നിച്ച ഒരു ജ്ഞാനി" പൂർണ്ണമായി വായിക്കാം.
https://magazine.assisijeevan.com/p/2075
അസ്സീസി മാസികയുടെ വാട്സ് ആപ് ഗ്രൂപ്പിൽ അംഗമാകാം
https://chat.whatsapp.com/KuLudNHqSxVCXDaTWg3h9A

03/06/2024

ആർമണ്ട് അച്ചൻ ജ്വലിക്കുന്ന ഒരോർമ്മയാണ്. മനുഷ്യനോടുള്ള അഗാധസ്നേഹത്താൽ സ്വന്തം ജീവിതം കുരിശിൽ സമർപ്പിച്ച മുപ്പത്തിമൂന്നുകാരനും കുരിശിലെ സ്നേഹം അന്തരാത്മാവിൽ അഗ്നി പടർത്തിയപ്പോൾ സകലതും വലിച്ചെറിഞ്ഞുകൊണ്ട് ക്രൂശിതനിലേക്ക് ജീവിതം പറിച്ചുനട്ട അസ്സീസിയിലെ ഫ്രാൻസിസും ഹൃദയത്തിൽ കനലായി എരിഞ്ഞപ്പോൾ അസ്സീസിയിലെ ദരിദ്രഭിക്ഷുവിന്റെ തവിട്ടുകുപ്പായവും ധരിച്ച് മനുഷ്യഹൃദയങ്ങളിൽ സ്നേഹത്തിന്റെ തീ കോരിയിട്ടുകൊണ്ട് ഓടി നടന്ന ബഹു. ആർമണ്ട് മാധവത്ത് കപ്പൂച്ചിൻ അച്ചൻ നമ്മുടെ ഓർമ്മയിൽ സജീവമായി നിൽക്കുന്നു.
ആർമണ്ടച്ചന്റെ നാമകരണ നടപടികൾക്ക് റോമിൽ നിന്നുള്ള അംഗീകാരം ലഭിച്ച ഈ അവസരത്തിൽ ആർമണ്ടച്ചനെ അനുസ്മരിച്ചുകൊണ്ട് അസ്സീസി മാസികയിൽ 2001 ഫെബ്രുവരിയിൽ ഫാ. ബിജു മാധവത്ത് എഴുതിയ ലേഖനം, യാത്രയായ സ്നേഹഗീതം 'ആർമണ്ടച്ചൻ', പൂർണ്ണമായി വായിക്കാം.
https://magazine.assisijeevan.com/p/2665
അസ്സീസി മാസികയുടെ വാട്സ് ആപ് ഗ്രൂപ്പിൽ അംഗമാകാം
https://chat.whatsapp.com/KuLudNHqSxVCXDaTWg3h9A

Address

Assisi Magazine
Bharananganam
686578

Telephone

+917907832769

Website

https://magazine.assisijeevan.com/, https://linktr.ee/assisimagazine

Alerts

Be the first to know and let us send you an email when Assisi Magazine posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Assisi Magazine:

Videos

പ്രാര്‍ത്ഥനയില്‍ ദൈവൈക്യത്തിലായ ഒരു വ്യക്തി ദൈവഹിതമനുസരിച്ചുള്ള ശുശ്രൂഷയിലേക്കു വരുമ്പോള്‍, ആ ശുശ്രൂഷതന്നെ പ്രാര്‍ത്ഥനയാണ്. സ്വന്ത ഇഷ്ടത്തിനു മരിച്ച് ദൈവേഷ്ടത്തിനുള്ള സമര്‍പ്പണമാണ്. അതു ബലിയാണ്; യഥാര്‍ത്ഥ ആരാധനയാണ്. നമ്മുടെ ശരീരം, ശരീരത്തിലെ ഓരോ അവയവവും, എന്തിനായി ദൈവം നമുക്കു തന്നിരിക്കുന്നുവോ ആ ലക്ഷ്യത്തിനായി അതു പ്രവര്‍ത്തിക്കുമ്പോള്‍ ശരീരത്തിലൂടെ നാം ദൈവത്തെ മഹത്വപ്പെടുത്തുന്നു, ആരാധിക്കുന്നു. ഇതാണ് റോമാ 12, 1 ല്‍ പൗലോസ് ശ്ലീഹാ പറയുന്നത്: "നിങ്ങളുടെ ശരീരങ്ങളെ പരിശുദ്ധവും ദൈവത്തിനു പ്രീതികരവുമായ സജീവ ബലിയായി അര്‍പ്പിക്കുവിന്‍. ഇതായിരിക്കണം നിങ്ങളുടെ യഥാര്‍ത്ഥമായ ആരാധന." ഇവിടെ ജീവിതം പ്രാര്‍ത്ഥനയായി മാറുന്നു. പ്രാര്‍ത്ഥനയും പ്രവര്‍ത്തനങ്ങളും ഒന്നിന്‍റെ രണ്ടു വശങ്ങള്‍ മാത്രം. അതുകൊണ്ടാണ് വി. ഫ്രാന്‍സിസിനെപ്പറ്റി സെലാ

https://magazine.assisijeevan.com/p/1196

https://magazine.assisijeevan.com/p/2573

ലോകത്തിലെ ഏറ്റവും ജനകീയമായ കലാരൂപം ഏതാണെന്നു ചോദിച്ചാൽ അതിനു ഒരു ഉത്തരമേ ഉണ്ടാകൂ. അത് സിനിമ ആണ്. കലാരൂപം എന്നതുപോലെ തന്നെ അതൊരു മാധ്യമം കൂടി ആണ്‌. അതുകൊണ്ടു തന്നെ മറ്റേതൊരു മാധ്യമം പോലെ തന്നെ അത് പ്രക്ഷുബ്ദവുമാണ്. സാമൂഹിക വ്യവഹാരങ്ങളിൽ സിനിമ മുന്നോട്ട് വയ്ക്കുന്ന ആശയം പലപ്പോഴും പൊതുബോധത്തിനെ ത്രിപ്തിപെടുത്തുന്നതാകണമെന്നില്ല. ഇന്ത്യ ഒരു ജനാധിപത്യ രാജ്യമാണ്. ജനാധിപത്യത്തിന്റെ ഏറ്റവും വലിയ സൗന്ദര്യം എന്തെന്നാൽ വിയോജിക്കാനുള്ള അവകാശമാണ്. ഈ അവകാശം ജിയോ ബേബിക്കും ഉണ്ട്. ''പൊതുബോധ കുടുംബ, സദാചാര'' നിർമ്മിതികളെ പലപ്പോഴും തന്റെ സിനിമകളിലൂടെ വിമർശന വിധേയമാക്കിയ വ്യക്തിയാണ് ജിയോ. അതിനുള്ള അവകാശം അദ്ദേഹത്തിനുണ്ട്. ലോകത്താകമാനം ഇത്തരം ''രാഷ്ട്രീയ സിനിമകൾ'' റിലീസ് ചെയ്യപ്പെടുകയും അതിനെതിരെയോ അനുകൂലമായോ എക്കെ ഉള്ള ഇടപെടലുകളും ഉണ്ടാകാറു

https://magazine.assisijeevan.com/p/1155

https://magazine.assisijeevan.com/p/295

https://magazine.assisijeevan.com/p/2394

ഒക്ടോബര് മാസം അസ്സീസി മാസിക അസ്സീസിയുടെ സൈറ്റിൽ അപ്‌ലോഡ് ചെയ്തിരിക്കുന്നു. താഴെ ഉള്ള ലിങ്ക് ഉപയോഗിച്ചുകൊണ്ട് നിങ്ങൾക്ക് മാസിക വായിക്കുകയും അഭിപ്രായങ്ങൾ പങ്കുവെക്കുകയും ചെയ്യുക. https://magazine.assisijeevan.com/archives/details/2023/October?page=1