কলগাছিয়া দৰ্পণ

23/10/2024

অসম চৰকাৰৰ পঞ্চায়ত আৰু গ্ৰামোন্নয়ন বিভাগে জাৰি কৰা অধিসূচনা অনুযায়ী ২২ নং মন্দিয়া বিধান সভা সমষ্টিৰ ভৌগোলিক গাথনিঃ

উন্নয়ন খণ্ডঃ
ক। কলগাছিয়া উন্নয়ন খণ্ড
খ। মন্দিয়া উন্নয়ন খণ্ড

➡️কলগাছিয়া উন্নয়ন খণ্ডৰ অন্তৰ্গত গাওঁ পঞ্চায়ত সমুহঃ
১। বলাইপাথাৰ
২। বৰভিটা
৩। বনঘূগী
৪। চতলা
৫। চিকনী
৬। জনতা
৭। জয়পুৰ ছিকাটাৰী
৮। কলগাছিয়া
৯। মইনবড়ী
১০। শওঁপুৰ
১১। সোণাপুৰ ৰুভী
১২। তাপেশ্বৰা
১৩। তাৰাকান্দি
১৪। তিতাপানী

➡️ মন্দিয়া উন্নয়ন খণ্ডৰ অন্তৰ্গত গাওঁ পঞ্চায়ত সমুহঃ
১। বাঘবৰ
২। বাহমূঢ়া
৩। বালিকুৰি
৪। বাণিয়াৰাপাৰা
৫। চাছৰা
৬। গোবিন্দপুৰ
৭। জনিয়া
৮। কাদং
৯। মন্দিয়া
১০। মেধিৰটাৰী
১১। সত্ৰ কণৰা
১২। শিতলি

18/10/2024

বৃহত্তৰ কলগাছিয়া অঞ্চলৰ বাবে সুখবৰ

কলগাছিয়াৰ ৰূপসী উন্নয়ন খণ্ডৰ নাম সলনি। এতিয়াৰ পৰা কলগাছিয়া উন্নয়ন খণ্ড নামেৰে জনাজাত হব।

কলগাছিয়াৰ মূল দাবী তলত👇

05/09/2024

আজি পৱিত্ৰ 'শিক্ষক দিৱস' উপলক্ষে কলগাছিয়াৰ অগ্ৰণী বেচৰকাৰী সংস্থা 'কলগাছিয়া ছছিয়েল ওৱেলফেয়াৰ ছচাইটি'ৰ উদ্যোগত '২২ নং মন্দিয়া বিধানসভা সমষ্টি'ৰ অন্তৰ্গত অৱসৰপ্ৰাপ্ত শিক্ষাগুৰু সকলক ৰাজহুৱা সম্বৰ্ধনা জনোৱা হয়। এই সম্বৰ্ধনা অনুষ্ঠানত মুখ্য অতিথি হিচাপে উপস্থিত থাকে ধুবুৰী লোকসভা সমষ্টিৰ সন্মানীয় সাংসদ ৰকিবুল হুছেইন চাহাব। আমন্ত্ৰিত অতিথি হিচাপে উপস্থিত থাকে বৰপেটা বিধানসভা সমষ্টিৰ মাননীয় বিধায়ক আব্দুৰ ৰহিম আহমেদ ডাঙৰীয়া, প্ৰবীণ শিক্ষাবিদ তথা নৱজ্যোতি মহাবিদ্যালয়ৰ অৱসৰপ্ৰাপ্ত অধ্যক্ষ এম মোজাম্মিল হুছেইন চাহাবৰ লগতে অন্যান্য আমন্ত্ৰিত অতিথি সকল। কলগাছিয়া ছছিয়েল ওৱেলফেয়াৰ ছচাইটি'ৰ সভাপতি আজাদ হুছেইন ডাঙৰীয়াৰ সভাপতিত্বত কলগাছিয়াৰ ড৽ ভূপেন হাজৰিকা সোঁৱৰণী সাংস্কৃতিক মঞ্চত অনুষ্ঠিত হোৱা এই সম্বৰ্ধনা অনুষ্ঠানত মন্দিয়া সমষ্টিৰ বিভিন্ন গাওঁ পঞ্চায়তৰ পৰা অহা ৫ শতাধিক অৱসৰপ্ৰাপ্ত শিক্ষক-শিক্ষয়িত্ৰীয়ে সম্বৰ্ধনা গ্ৰহণ কৰে।

Kalgachia Social Welfare Society

02/09/2024

নৱগঠিত 'মন্দিয়া বিধানসভা সমষ্টি'ৰ অন্তৰ্গত অৱসৰপ্ৰাপ্ত শিক্ষাগুৰু সকললৈ কৃতজ্ঞতা জনোৱাৰ উদ্দেশ্যে বৃহত্তৰ কলগাছিয়া অঞ্চলৰ অগ্ৰণী বেচৰকাৰী সংস্থা 'কলগাছিয়া ছছিয়েল ওৱেলফেয়াৰ ছচাইটি'য়ে এক সম্বৰ্ধনা অনুষ্ঠানৰ আয়োজন কৰিছে। উক্ত অনুষ্ঠানত ৰাইজৰ সহায় সহযোগিতা আৰু উপস্থিতি কামনা কৰিছে আয়োজক সংস্থাই।
Kalgachia Social Welfare Society

11/04/2024

ঈদ মোবাৰক 🌙

কলগাছিয়া ঈদগাহত 'ঈদ-উল্-ফিতৰ'ৰ সমুহীয়া নামাজ আজি পুৱা ৯.৩০ বজাত ড৽ হাফিজ ৰফিকুল ইছলাম চাহাবৰ ইমামতিত আদায় কৰাৰ লগতে সমগ্ৰ বিশ্বতে শান্তি প্ৰতিষ্ঠাৰ বাবে দোৱা কৰা হয়।

Rafiqul Islam

10/04/2024

অহাকালি ৰাতিপুৱা ৯.৩০ বজাত কলগাছিয়া ঈদগাহ ময়দানত পবিত্ৰ ঈদ-উল্-ফিতৰ'ৰ সমুহীয়া নামাজ আদায় কৰা হব।

সমুহ ইছলাম ধৰ্মাৱলম্বী লোকক যথা সময়ত কলগাছিয়া ঈদগাহত উপস্থিত হৈ ঈদৰ সমুহীয়া নামাজ আদায় কৰিবলৈ আহ্বান জনাইছে 'কলগাছিয়া ঈদগাহ পৰিচালনা সমিতি'য়ে।

15/03/2024

২ নং ধুবুৰী লোকসভা সমষ্টিৰ কংগ্ৰেছৰ মনোনীত প্ৰাৰ্থী ৰকিবুল হুছেইন আজি কলগাছিয়া বজাৰ জামে মছদিত শুক্ৰবাৰৰ জুম্মা নামাজ আদায় কৰাৰ অন্তত সাংবাদিকৰে মত বিনিময় কৰে।

07/01/2024

কলগাছিয়াৰ নৱজ্যোতি মহাবিদ্যালয়ৰ প্ৰাক্তন ছাত্ৰনেতা, সৰুক্ষেত্ৰী সমষ্টিৰ বিধায়ক তথা অসম প্ৰদেশ কংগ্ৰেছ কমিটীৰ কাৰ্যকৰী সভাপতি জাকিৰ হুছেইন শিকদাৰক আজি স্বভাৱসুলভ ভাৱেই দেখা গল কলগাছিয়াৰ চাহ দোকানৰ এক মেলত। উল্লেখ্য যে, এক বিশেষ অনুষ্ঠানত অংশগ্ৰহণৰ উদ্দেশ্যে আজি কলগাছিয়াত উপস্থিত হৈছিল যুৱনেতাগৰাকী।

03/10/2023

অসমৰ চৰাঞ্চল, ইয়াৰ সমস্যা ও সমাধান সম্পৰ্কত 'কলগাছিয়া'ৰ ৰাইজৰ মনোভাৱঃ
অনুগ্ৰহ কৰি শেষলৈকে চাব।
#প্ৰাসংগিক
News Live

28/09/2023

বৃহত্তৰ কলগাছিয়া অঞ্চলৰ যুৱ সমাজৰ বাবে এক প্ৰেৰণাদায়ক ছবিঃ

প্ৰায় ৫০ বছৰ পূৰ্বৰ পৰাই 'বৃহত্তৰ কলগাছিয়া'ক বৰপেটা জিলাৰ 'মহকুমা' হিচাপে ঘোষণা কৰাৰ বাবে আন্দোলন কৰি কৰি ক্লান্ত নোহোৱা এই সকল জেষ্ঠ্য নাগৰিকে বৰ্তমানেও 'মন্দিয়া-জনিয়া' উপ-জিলা'ৰ সদৰ ঠাই ঘোষণা কৰাৰ দাবী অব্যাহত ৰাখিছে।

অসম চৰকাৰৰ মুখ্যমন্ত্ৰী Himanta Biswa Sarma দেৱলৈ বৃহত্তৰ কলগাছিয়াবাসীৰ আবেদন, কলগাছিয়াৰ এই ন্যায্য দাবীক মান্যতা প্ৰদান কৰি কলগাছিয়াক মন্দিয়া-জনিয়া উপ-জিলাৰ সদৰ ঠাই ঘোষণা কৰক।

27/09/2023

বৃহত্তৰ কলগাছিয়াৰ স্বাৰ্থত সকলোকে সৰ্ব ধৰ্ম প্ৰাৰ্থনা সভাত অংশগ্ৰহণ কৰাৰ বাবে আহ্বান জনোৱা হ'ল।

25/09/2023

14/09/2023

08/09/2023

বৃহত্তৰ কলগাছিয়াৰ উন্নয়নৰ স্বাৰ্থত এই সংগ্ৰাম অব্যাহত থাকিব।

08/09/2023

বৰপেটা জিলাৰ প্ৰস্তাৱিত উপ-জিলা 'মন্দিয়া'ৰ সদৰ ঠাই হিচাপে 'কলগাছিয়া'ক ঘোষণা কৰাৰ ন্যায্য দাবী সম্বলিত 'স্মাৰক পত্ৰ' আজি বৃহত্তৰ কলগাছিয়া অঞ্চলৰ ৰাইজে 'আবেদন যাত্ৰা' কৰি কলগাছিয়া ৰাজহ চক্ৰ বিষয়াৰ জৰিয়তে অসমৰ মুখ্যমন্ত্ৰী হিমন্ত বিশ্ব শৰ্মা'লৈ প্ৰেৰণ কৰে।
CMO Assam

05/09/2023

'বৃহত্তৰ কলগাছিয়া'ক মন্দিয়া উপ-জিলাৰ সদৰ হিচাপে ঘোষণাৰ দাবীত বৃহৎ "আবেদন যাত্ৰা"।

বৃহত্তৰ কলগাছিয়া অঞ্চলৰ সংবাদকৰ্মী সকলৰ উদ্যোগত আহ্বান জনোৱা এই "আবেদন যাত্ৰাত" দল মত নিৰ্বিশেষে সদাশয় ৰাইজৰ সহায় সহযোগিতা আন্তৰিকতাৰে কামনা কৰিছে উদ্যোক্তা সকলে।

স্থান : কলগাছিয়া মিনি ষ্টেডিয়াম।
সময় : ৮ তাৰিখ, শুক্ৰবাৰ দিনৰ ১ বজাত।

বৃহত্তৰ কলগাছিয়াৰ উন্নয়নৰ স্বাৰ্থত উক্ত যাত্ৰাত সদলবলে যোগ দিয়ক।

03/09/2023

বৰপেটা জিলাৰ প্ৰস্তাৱিত উপ-জিলা 'মন্দিয়া'ৰ সদৰ ঠাই 'কলগাছিয়া' কিয় হব লাগে?

উল্লেখযোগ্য কাৰণ সমূহঃ

১। বৰপেটা জিলা সদৰৰ পৰা পৰা প্ৰায় ২৫ কিঃমিঃ দূৰত অৱস্থিত।
২। ২০১৫ চনতে মহকুমা ঘোষিত।
২। সম্প্ৰতি নগৰ হিচাপে ঘোষিত।
৩। পূৰ্বৰ জনীয়া সমষ্টিৰ প্ৰাণকেন্দ্ৰ।
৪। বৰপেটা জিলাৰ একমাত্ৰ অসামৰিক চিকিৎসালয় অৱস্থিত।
৫। শিক্ষা কেন্দ্ৰ (চৰকাৰী ও বেচৰকাৰী শিক্ষানুষ্ঠান অৱস্থিত), কলা, বিজ্ঞান, বাণিজ্য, কম্পিউটাৰ শিক্ষা, ইত্যাদি।
৬। ৰাজহ চক্ৰৰ কাৰ্যালয় অৱস্থিত।
৭। উন্নয়ন খণ্ডৰ কাৰ্যালয় অৱস্থিত (যাক উপ-জিলাৰ কাৰ্যালয়লৈ ৰূপান্তৰ কৰিব পৰা যাব)।
৮। পূৰ্ণ পৰ্যায়ৰ আৰক্ষী থানা।
৯। পূৰ্ণ পৰ্যায়ৰ অগ্নি নিৰ্বাপক বাহিনীৰ কাৰ্যালয়।
১০। লোক নিৰ্মাণ বিভাগৰ কাৰ্যালয়, পৰিদৰ্শন ভৱন।
১১। উপ-পঞ্জীয়ণ কাৰ্যালয়।
১২। প্ৰাথমিক শিক্ষা খণ্ডৰ কাৰ্যালয়।
১৩। সংহত শিশু উন্নয়ন প্ৰকল্পৰ কাৰ্যালয়।
১৪। ৰাজ্যিক জীৱিকা অভিযানৰ খণ্ড পৰ্য্যায়ৰ কাৰ্যালয়।
১৫। খণ্ড প্ৰাথমিক স্বাস্থ্য কেন্দ্ৰ।
১৬। ৰাজহুৱা সহায় কেন্দ্ৰ (অনলাইন ব্যৱস্থা)।
১৭। পশু চিকিৎসালয়।
১৮। পৰ্যাপ্ত বেংকৰ সুবিধা।
১৯। শিক্ষক প্ৰশিক্ষণ অনুষ্ঠান (বি. এড কলেজ)।
২০। যুৱ-ক্ৰীড়াৰ বাবে ষ্টেডিয়ামৰ ব্যৱস্থা।
২১। জিলা সদৰ, ৰাজধানী গুৱাহাটী তথা অন্যান্য প্ৰান্তলৈ সুচল যাতায়ত ও যোগাযোগ ব্যৱস্থা।
২২। ব্যৱসায়-বাণিজ্য কেন্দ্ৰ।
২৩। কৃষি ও পণ্য সামগ্ৰী উৎপাদন কেন্দ্ৰ।
২৪। চৰ-চাপৰিৰ লোক-সংস্কৃতি সংৰক্ষণ ও বিকাশ কেন্দ্ৰ।
২৫। সহজলভ্য অতিথিশালা ও হোটেলৰ ব্যৱস্থা।
২৬। সহজলভ্য ভাড়াঘৰৰ ব্যৱস্থা।
২৭। কলগাছিয়াৰ লগতে সমীপৱৰ্তী উদমাৰী, শওঁপুৰ, ঘূগুবাৰী আদি অঞ্চলৰ চৰকাৰী ভূমি (যাক প্ৰয়োজনত চৰকাৰী প্ৰকল্পৰ বাবে ব্যৱহাৰ কৰিব পৰা যাব)।
ইয়াৰোপৰি আন এটা গুৰুত্বপূৰ্ণ কাৰণ, অসমীয়া সমাজ জীৱনৰ চালিকা শক্তি স্বৰূপ 'অসম সাহিত্য সভা'ৰ ২০০২ চনৰ অধিবেশন হোমেন বৰগোহাঞি দেৱৰ সভাপতিত্বত এই 'কলগাছিয়া'তে অনুষ্ঠিত হৈছিল।

বিঃদ্ৰঃ ২০১৫ চনত তদানীন্তন মুখ্যমন্ত্ৰী তৰুণ গগৈ চাহাবে বৃহত্তৰ 'কলগাছিয়া'ক বৰপেটা জিলাৰ মহকুমা হিচাপে ঘোষণা কৰাৰ পিছত 'কলগাছিয়া মহকুমা দাবী সমিতি'ৰ উদ্যোগত অনুষ্ঠিত অসম চৰকাৰলৈ ধন্যবাদ জ্ঞাপন সূচক সমাবেশৰ ফটো সংলগ্ন কৰা হল।
Himanta Biswa Sarma
CMO Assam
Ranjeet Kumar Dass
DC Barpeta

27/06/2023

সমষ্টিৰ নাম 'জনিয়া'ই থাকক বা 'মন্দিয়া'ই হওঁক, ইয়াৰ মুখ্য স্থান কিন্তু সদায় 'কলগাছিয়া'ই থাকিব।

12/05/2023

সাদৰ নিমন্ত্ৰণঃ
কলগাছিয়াৰ ৰূপসী উন্নয়ন খণ্ডৰ উদ্যোগত আয়োজিত 'ৰঙালী বিহু উৎসৱ' উদযাপনৰ প্ৰতিটো কাৰ্যসূচীত আপোনালোকৰ উপস্থিতি আন্তৰিকতাৰে কামনা কৰিছে আয়োজক সমিতিয়ে।

22/04/2023

আজি ৰাতিপুৱা ৯.১৫ বজাত কলগাছিয়া ঈদগাহ ময়দানত পবিত্ৰ ঈদ-উল্-ফিতৰ'ৰ সমুহীয়া নামাজ আদায় কৰাৰ দৃশ্য।
ঈদ মোবাৰক 🌙

21/04/2023

কাইলৈ ২২-০৪-২০২৩ ইং তাৰিখ শনিবাৰ ৰাতিপুৱা ৯.০০ বজাত কলগাছিয়া আঞ্চলিক ঈদগাহ ময়দানত "ঈদ-উল্-ফিতৰ"ৰ সমুহীয়া নামাজ অনুষ্ঠিত হব। যথা সময়ৰ পূৰ্বেই ইছলাম ধৰ্মাৱলম্বী লোকৰ উপস্থিতি আন্তৰিকতাৰে কামনা কৰিছে 'কলগাছিয়া আঞ্চলিক ঈদগাহ পৰিচালনা সমিতিয়ে।

25/01/2023

ৰাইটাৰ্ছ ফ'ৰাম, অসমৰ উদ্যোগত আয়োজিত বাৰ্ষিক অধিৱেশন আৰু বটা প্ৰদান অনুষ্ঠানত কলগাছিয়াৰ ৰূপসী উন্নয়ন খণ্ডৰ সন্মানীয় খণ্ড উন্নয়ন বিষয়া তথা সাহিত্যিক শ্ৰীযুত নৱৰত্ন পাটোৱাৰী দেৱলৈ ২০২২ বৰ্ষৰ শ্ৰেষ্ঠ সাহিত্যিকৰ বটা প্ৰদান কৰে। তেখেতৰ লগতে অন্যান্য ক্ষেত্ৰতো বিভিন্ন ধৰণে সেৱা আগবঢ়াই অহা আন ৩০ গৰাকী বিশিষ্ট ব্যক্তিকো বটা প্ৰদান কৰা হয় উক্ত অনুষ্ঠানত।

24/12/2022

আজিৰে পৰা কলগাছিয়াত ৭ দিনীয়া বৰ্ণাঢ্য কাৰ্যসূচীৰে আৰম্ভ হল 'দ্বাদশ কলগাছিয়া গ্ৰন্থমেলা'। গ্ৰন্থমেলাৰ মুখ্য দ্বাৰ উন্মোচন কৰে অসমীয়া প্ৰতিদিন কাকত ও চেনেলৰ স্বত্বাধিকাৰী জয়ন্ত বৰুৱা দেৱে। মূল কাৰ্যসূচী আৰম্ভ কৰাৰ আগতে আমন্ত্ৰিত অতিথি সকলক বাৰেৰহণীয়া সাংস্কৃতিক শোভাযাত্ৰাৰে আদৰণি জনোৱা হয়।